ولــد بوظبي ..

[A.D]

سلام عليكم يمييييييع .. القسم الوحيد اللي ماشاركت فيه ماعرفت شو احط .. البطاقه الشخصيه زينه صـح ؟

- ولد بوظبي

طالب

مواليد :11-11-2009

الهوايه : <<< ان شا الله بتدخل الجنه



من الحكم اللي تعجبني((كن كالنخيل عن الاحقاد مرتفعا * بالطوب يرمى فيرمي اطيب الثمري ))


مدمن عالبيبسي الله يغربله .. وافضل السندويجات والفاست فود عجييب



اتمنيت اني اتوفق فالدراسه والحمد لله توفقت بس فخااطري امسك الصلاه وماطوف فرض عمرها مايت وياي


احب الطلعات والسفرات بس مب فالطياره حلاته بر عشان ابركن اي وقت وما اطوف المناظر الحلوه

يجذبني من اسامي البنات .. شمه والعنود لكن الشباب اسامينا ماتساعد للأسف هههه

صح نسيت شي مهم اشجع البارسا وادري وايد فالبرزا يشجعونه وياي



أجمل فصول السنه بالنسبه لي هو الشتا لنه ماعندنا ربيع ولا خريف يا حر ولا برد >_<

بس يســـدكم خلاص هيهيهي .. ســي ياآ

 

[A.D]

رد: ولــد بوظبي ..

وداعية يا آخر ليلة تجمعنا
وداعية أعز الناس يودعنا
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى

شو شعوركم اذا فموسم واحد يسافرون عليك 4 اصدقاء للخارج عشان الدراسه جي مره وحده هههه ..يعني مابتشوفهم الا عقب 6 شهور او عشر شهور

اكيد بتحسون بملل صح وضيق فبعض الايام بالذات لو تجمعكم ذكريات طفوليه ..كل موقف يمر عليك وينعاد وهالشخص محد تقعد تذكره <<< شو سالفته هذا

موفقــين ان شا الله

 

[A.D]

رد: ولــد بوظبي ..

هذه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة ....


يامسندي قلبي على الدوم يطريك ×× ماغبت عني وطيفك سمايا

هذي ثلاث سنين والعين تبكيــك ×× ماشفت زولك زايرآ يا ضنايا

تذكر حياتي يوم أشيلك وأداريك ×× والاعبك دايم وتمشي ورايا

ترقد على صوتي حضني يدفيك ×× ماغيرك أحدآ ساكنن في حشايا

وليا مرضت أسهر بقربك وداريك ×× ماذوق طعم النوم صبح ومسايا

ياما عطيتك من حناني وبعطيك ×× تكــبر وتكــبر بالامل يا مـنايا

لكن خسارة بعتني اليوم وشفيك ×× وأخلصت للزوجة وأنا لي شقايا

أنا أدري أنها قاسية ما تخليك ×× قالت عجوزك ما أبيها معايا

خليتني وسط المصحة وأنا أرجيك ×× هذا جزا المعروف وهذا جزايا

ياليتـني خــدااامة بين أياديك ×× من شان أشوفك كل يوم برضايا

مشكور ياوليدي وتشكر مساعيك ×× وأدعي لك دايمآ بالهدايا

حمدان يا حمدان أمك توصيك ×× أخاف ماتلحق تشوف الوصايا

أوصيت دكتور المصحة بيعطيك ×× رسالتي وحروفها من بكايا

وأن مت لاتبخل علي بدعاويك ×× وأطلب لي الغفران وهذا رجايا

وأمطر ترااب القبر بدموع عينيك ×× ما عاد ينفعك الندم والنعايا

يا أخوان هالله هالله بالوالده هذي ظاهره منتشره فالخليج عندنا ..ولا يهون الاب الله يطول فأعمارهم ويخليهم لنا

 

[A.D]

رد: ولــد بوظبي ..

صبااح الخيـــر ..شخباركم شو الصحه ..

ابا اخبركم سالفه من سوالفي في العسكريه ايام الثنويه المواقف وااااااايـــد بس هذا موقف غير عنهم

المهــــــم .. كانت حصة العسكريه عندنا كل أحــد وانا بالذات يوم الاحد اتأخر او أغيب ماعرف ليش .. فكانت اطوفني حصة العسكريه ويسجلوني غياب والخسيسين اذا الطالب مايحظر يفصلونه من المدرسه كلها هههه وزارة الدفاع فوق وزارة التربيه والتعليم الدراسه طمااشه استوت .ماعلينا نخش فالموضوع

تميت على غياابي وماحظر الحصص والدروس مال العسكريه .. لين يوم الرمايه وانا غايب ..اتصلو علي يوم الرمايه وقالو فصل نهائي اذا ماحظرت الرمايه حطوني في الامر الواقع تم يحلفلي الظابط ويصرخ علي حسسني انه وجودي مهم بينهم .. وصلنا ميدان الرمايه اشوف الشباب كل واحد يركب سلاحه ويفجه ويبدل مخزن ويضرب وانا زيينه ماعرف شو يسون المهم على حظي الظابط اللي يراقب علي كان طيب وشي ظابط يعدل الالواح اللي نصيبها(احمد تويكس نسميه) ..الظابط الطيب ركبلي السلاح وزهبلي اياه وقالي زخ واضرب على طول ..وانا ماصدقت انسدحت ويلست ارمي عالالواح والظابط اللي يعدل الالواح يصاارخ وانا ماسمع شي غير صوت الرصاص اشوف ريوول تتحرك من تحت الالوااح وقفت ارمي سمعت الظابط يصييح ههههه يصيح يبجي شرات اليهاال وملامح ويها تغيرت يتني ظحكه عسكري عمره شي وثلاثين ويصيح من الخوف ههههههه انا ماقدرت ازخ عمري يلست اظحك عليه وهو مرتبش مايعرف شو يسوي عادي بالغلط اتيي فيه رصاصه بس الحمد لله اني احول عقب اتيمعوا عليه كل المدربين وخلوني الف على ميدان الرمايه ع كبر ملعب كرة قدم 4 مرات بهذلوني وفصلوني نهائيا لين مايبت ابوي الله يذكره بالخير
وانحلت السالفه ومن يومها كل ماشوف الضابط هذاك ارد اتخيل شكله واظحك نص ساعه عليه ..المهم نسيت اقولكم ليش سميناه احمد تويكس ..لنه يوم الاستعراض العسكري كان يمشي وشاد حيله وزاخ السلاح اول ماحط ريله دقها بقوه طاح من جيبه تويكس ههههه ذاك اليوم مافي حد ماظحك عليه حتى الحريم انفجروا من الظحك ... توته توته خلصت الحدوته هههـع ..اول ما ايي ع بالي موقف بحطه .. واشكر بقووه كل من قيمني ^_^..اخوكم ولد بوظبي

 

[A.D]

رد: ولــد بوظبي ..

وش اخباري..
اش اللي جابني ع البال..
اش الطاري..
مين اللي شاغل اللي شاغلك عني..
عسى ما شر وش خلاك تذكرني..
بعد ما اعتد هجراني ليه تجدد اشجاني..
بعدها تروح وتنساني وترجعلي في عمر ثاني..
تسالني عن اخباري..
وش اخباااري..
ابد..
على حطة يدك..
لو كان هذا يسعدك؟؟!!..
ما شي تغير للاسف.. لليوم كللي في دبرتك..
صدقني لو كان بيدي انا تركتك من زمان..
تسالني اش اللي حدني؟؟!!..
اش اللي جبرني ع الهوان..
اللي جبرني اني احبك..
ياللي خذاني مني حبك..
رجعني ليك ارجووك..
حلفتك بربك..
وش اخباري..
هاذي اخباري..
لكن اسالك بالله اش الطاري..

مسج ياني الصـبح ووعاني من رقادي .. واول غنيه طرت ع بالي هذي وطرشتها

 

[A.D]

رد: ولــد بوظبي ..

صبآح الليــل يالربـع هـع شحالكم ..طيبين ماتشكون باس

اليوم وانا يالس ويا ابوي.. كنا نسولف وفجأه قالي تذكــر !! وذكرني بسالفه صارلها 8 سنين تقريبا وكنت صف خامس .. هالسالفه بتوظح عقدتي من اليـن اعوذ بالله منهم .. نشيت من الرقاد قبل صلاة المغرب وفهييج الايام كنت اتعلم كيف يصفرون والحلج منعوي واونه حركات عشان اكون مميز بين الاولاد هههه > صدق خبال<
على كل حال اخوكم سار الحمام عزكم الله ..تعرفون الواحد يناظر روحه فالمنظره ويغسل ويها ويلعب اشوي بالذات يوم يكون ياهل .. قلت بجرب اصـفر وبشوف كيف تطلع الصـفاره .. وصفرت وليتني ماصـفرت .. شفت الدنيا ادور فيني واقول مستحيل اللي اشوفه هذا تعرفون شو صار اول ماصفرت طلع معجون الاسنان من مكانه ويا عندي <<< اتمصخر لاتصدقون هــــع لاحظت انه حلجي شكله غيــر والصفاره ماقامت تطلع شرات قبل قلت يمكن لنه توي ناش وجي غسلت ويهي مره ثانيه وييت اجرب شفت السالفه نفس الشي يتني رجفه في ريولي وخوووف مش طبيعي وانا اطالع روحي فالمنظره قلت .. شو السالفه .. لقيت حلجي راح يمين ويسار 4 مرات ورجع هههه وليش ما اعطيهم من ذاك الصراااااخ ..المهم اتيمعوا علي هلي ويتريون الوالد لين مايرد طبعا محد دقله عشان مايسرع فالخط وجي .. وصـل ابوي وقالي لاتخاف الاعصاب فويهك انشدت وجيه حسسني انه اخصائي اعصاب وطمني اليوم الثاني اشوفهم ودوني عند شيخ يقرا علي
اهنيه ارتعبت قلتلهم اعصاب منشده الشيخ شو بيسويبها ..وقصوا علي قالولي يمكن عين صابتك ..لني كنت جميل ايام الطفوله هههه ومازلت المهم المهم
ربيعي اصله عماني ويا يزورني وهو كبري يعني كنا صغار .. قالي لا يقصون عليك تراها ينيــه ولد عمتي استوابه نفس الشي بس هم مايبون يخوفونك ومنها مارقدت يومين ورا بعض هههه عقدني الله يسامحه ..عقب سرت الطب الصــيني وخبقولي ويهي بالابـر مالتهم وفنفس الوقت المطوع السوداني كل يوم فالعصر يقرا علي ويتفل ع ويهي حسيت ويهي كلينكس ..وعقب شهر من العقده النفسيه والمعاناه اتحسن الوضـع وبدا يخف ويخف لين ما اختفى كليا الحمد لله يلست سنتين اسمع اذان العشا على طول ركض عالبيت هههه ويوم اسمع اذان المغرب اييني خوف وكآبه استغفر الله والحمد الحين راح كل شي ماعدا العقده من اليـن والشياطين يمكن بتقولون ايمانه مب قوي بس مادري شو السبب الله لايبليكم بهيك بلاوي ان شا الله ..فاينلي ههه اشكر كل من قيمني واقوله اخدمك في عرسك ان شا الله هههه .. ويعطيكم العافيه .. اخوكمـ

 

[A.D]

رد: ولــد بوظبي ..

سلام عليكم يميع بدون استثناء هههـع.. شحالكم علكم بخير وصحه .. حاب اشكر اللي قيموني ورفعوا المعنويه ههه بارك الله فيهم >>>

مانحرم منكم ياعيال العـــم .. السموحه عالقصـور ^_^ ..اخوكم

 

[A.D]

رد: ولــد بوظبي ..

اهــلين وسهلين ..كيفكون شباب وصبايا .. اليوم بقولكم معاناتي ويا الاسنان والمواعيد

اختيه تراكض ورايه من سنه اتقولي تعال عيادتي وانا بعالجك ومحد بيحس فيك الا هلك ومادري كيف من هالخرط تبا حد يسليها هههه

المهـم انا مطوفها وكله اتعالج مستشفيات ثانيه المهم .. قبل اسبوع كان عندي موعـد عصب ..وما ادراك مالعصب .. رحت عند الدكتور ودخلت عنده وهو ضارب بوز ومستعيل وشكله ماطمــني ابــد .. يزخ الادوات جنه بيقص طماط ..دفـــــــــــــــش انا قلت يمكن البدايه بس جيه وعقب بتهون .. وللأسف دمرنــــي ودمر ضروسي الانيقه ... مثل هالاشكال لازم يداوم فمطعم .. دعيت عليــه دعاء مظلوم هههه..بعدين قالي بعطيك موعد ثاني عشان العـصب الثاني .. قلتله يعطيك العافيه ماتقصر مايعورني العصب الثاني ومافيه اي شي <<< ابغي ازحلقه .. وهو يدري انه لازم يشل العصب الثاني بس قالي خلاص >متل مابدكـ< بدي يموت الدكتور هذا ان شا الله ..المهم رديت البيت وانا حااس شلق داخل حلجي .. سرت عند اختيه قلتلها باجـر بيي عيادتج بشـل العصــب بس دخيلج هالله هالله .. وسرت وسبحان الله الفرق بين السماوات والارض تحس انه حد خاااايف عليك ههه ظهرت السماعه ويلست اسمع اغاني فالتلفون والجماعه يشتغلون فحلجي قلتلهم اهم شي بنجوني بنج قـوي وسو اللي تبغونه .. والحين الحمد لله لا عصـب ولا سوس ..زي الفــــل ضروسي وتووبه اروح عند دكتور ثاني هههه..

حيــاكم اللـــــه ..تعالو كل يوم .. ومعــ السلامه ^__^

 

[A.D]

رد: ولــد بوظبي ..

صـباح النـور ياحلوين ..شحالكم شخباركم .. مبارك عليكم الشـهر << متأخر بو الشباب هـع اسمحولي ^^

كل واحد بيسأل شو موعنك هالوقت ..تدرون رمضان شهر العباده ومن الساعه 12 لين الساعه 6 وانا اقرا قرآن وجيـه << خرااااااااااطــ ههههه

السالفه ومافيها انه البرتش كونسول الله لايبارك فيهم قدموا موعد الامتحان وخلوه متـى؟؟ يوم الجمعه واي وقت ؟ الساعه 8 ونص الصـبح يعني صايم ومواصل لنه تدرون رمضان الناس تسهر فيه ولا حلقت مثل الناس وبتروح علي صلاة الجمعه افففف بس الحمد لله انه امتحانا (اسبيكنج) بس .. وباقي فروع الامتحان يوم السبت بتكون .. اللهــــ يعين

ادعولي ولاتنسوا ادعو على البرتش كونسول واتبااعهم هههه << وربي مقهوور يبوني ارسب شكلهم ..انا ياي اشكيلكم الحال وانتو كلكم رقود ومحد بيعبرني هههه

نتمنى لكم افطارا شهيا واوقات ممتعه .. وخل عنكم حركات الفطور اللي يهف سندويج للحجره واللي مظبط راعي المطعم اييبله بالخش هيهيهيهيهي .. اشوفكم على خير حبايبي

اخوكـــــــــــــــم ^^

 

[A.D]

رد: ولــد بوظبي ..

صياما مقبولا وافطارا شهيا ههه..ة السلام عليكم مساكم الله بالنور ..شحالكم شخباركم شو الصحه

بخبركم شو صار وياي فالايلس <<ردينا للسالفه ههه الاسبيكنج عدا على خير والقلب مطمن منه الحمد لله..بسسسسسسس اليوم >_<اكتشفت اني أي شي فالانجلش هههه ..الوقت ضــيق والقطعه الوحده توصل صفحتين ونص ويعطيك سؤال والجواب يقولك دورني .. قطعتنا كانت عن الشمبانزي الله يااخذه ومصطلحات علميه واسامي تجارب وهي اصلن طوييله وانواع شمبانزي كرههههت الشمبانزي وكل السبلان ولين ماتلقا الجواب تقريبا يبالك 10 دقايق اذا كان السؤال سهل
المهم حليت اول 4 اسأله وانصدمت يوم الهنديه زخت المايك لا بارك الله فيها وقالت باجي 10 دقايق ..10 دقايق!!!!! وانا عندي 3 قطع ماخلصتهم شو بســوي كررهت عمري وضمنت الرسوب هــع.. وعقب الرايتنج الحمد لله كتبته وكنت مستانس منه لنه اسهل شي الرايتنج هههه..نصــيحه يا اخوان اي واحد يبا يدش الايلس .. يقوي نفسه زييين ويقرا اي كتااب حتى لو كتاب الطبخ اهم شي بالانجليزي ويجمعله كلماات سنعه مثل الناس وعــقب يدش الامتحان .

عالعموم حشــرتكم بالامتحان بس فيني حره وفكرت اطلعها فالمدونه وفي أي واحد يفتحلي موضوع ايلس من عقب اليوم ههههه.

فوداعة الله