رد: براتااااااا باييييد شوشو .... تعالوا اتطمشوا
•
•
•
شوشو ماشاء الله عليج
عيني عليج باردة ,, بصراحة اكلج يفتح النفس ,,
انا اسوي براتا بس احب اعجنها بالسمن عشان لما اخليها على الغاز يطلع طعمها احلى
بس طريقتح حلوة بعد بس وين الكيما !!!
عطيني طريقة الكيكة بالتفصيل وايد عيبني شكلها ومبين انه طعمها روعه
تسلم ايدج يالغالية على الاكل الغاوي وان شاء الله نشوف ابداعج في رمضان =)
•
•
•
رحبااا غنااااتي
تسلمي والله يانسنوسه
شوفي يالغلا بالنسبه للكيكه
سوي كيكه عاديه وطبعا كل حد يعرف طريقة الكيكه العاديه
بس انا هنيه شو سويت
ماسويت كيكه
كان عندي كب كيك كمية كبييييييييييييييره
ومحطوط لجيه محد ياكله
حتى نوف ماكلته خخخ
فشو سويت عشان استغل هالشي واخليهم غصب ياكلوه ؟
قطعته من النص بشكل دوائر
وصفيت طبقه كامله من انصاف الكب كيك في القالب
بعدها حطيت خلطة الكريما وهي عباره عن :
6 حبات كيري ( عشان يعطي طعم مزيج بين الحلو والمالح )
قشطه
حليب محلى مركز
دريم ويم ظرفين
شوية كريمة مخفوقه
وخلطتهم بالمضرب فالخلاط المخصص للكريما لين ماصار لونه شوي ابيض
وصبيت هالخلطه على طبقة الكب كيك
ورجعت مره ثانيه صفيت المتبقي من الكب كيك فوق الخلطه
واخر شي غطيتها بالكريما المتبقيه
وللتزيين طبعا كان عندي جوكليت من هيرشي اتوقع على شكلين دوائر وهالاشكال الصغيره مادري نسيت شو يسمونه خخ
ورشيته كله ع السطح ودخلته الثلاجه لين يبرد
وهنااا وعافيه
اذا استخدمتي الكيكه نفس الطريقه قصي الكيكه من اتخلصيها من النص واحشيها بالكريما وغطي الكريما فوق السطح والجوانب كلها ورشيهم بهالجوكليت .
وممكن بعد تسوي نفس الكريمه البيضا اللي يسوووها المخابز . . . بياض بيض وسكر بودره واتخليهم ينخلطوا في خلاط الكريمه لمدة عشر دقايق مع فانيلا لين ماتتكون كريمة بيضا وظيفيلهم دريم ويب بعد وشوية كريمة خفق :122:
وهنا وعافيه
شوشو
( هسه : خخخخ والله ياشوشو صرتي تعلمي الطبخ . . :yaw: )