انت صرت لحياة خيمينا عنوان .~*!

[KиMάήά]

السلام عليكم ورحمة الله وبركاته
اول شي لا تنسون ان باجر دوام , سمعتوا باجر شي دوام ..< لوول


اليوم يوم ميلاد سحر .. بنت اخوي
كان ربشة و الصغاريه حاشرين الدنيا ..*_*

العاب و سوالف و ازعاج و مرح و تعب ..الخ
بخلي كل شي للصور

و كل عام و انتي يا سحر بخير و صحة و سلامة و العمر كله
الله يحفظج لنا يا حبيبتي الصغيرة و الله لا يحرمني منج ..!





احم .. انا كشختها .. شو رايكم
خليتها تنزل شرات العروس ككك




اهداء لمحبي سحر




.

خيمينا
سلام

 

[KиMάήά]

أُحِبُّكِ
في زَمانِ الخوفِ والغُربةْ
أُحبُّكِ رَغمَ أحزاني
ورَغمَ ظُروفِنا الصعبةْ
وإنْ أصبحتُ لا أهلٌ ولا أحبابْ
أراكِ الأهلَ والأحبابَ والصحبةْ
أُحبُّكِ
في زَمانِ الخوفِ إيمانًا
بأنَّ الحبَّ يُنقِذُني
مِنَ الطوفانْ
أنا نُوحٌ
وأنتِ سَفينةُ العِشقِ
سَتحمِلُني على الشطآنْ
ومادُمتُ
سأرحلُ بينَ عينيكِ
خُذيني يا مُنَى عيني
لأيِّ مَكانْ
وضُمِّيني إلى صَدرِكْ
لأنَّ الخوفَ مَزَّقَني
لأنَّ زمانَنا هذا
يُهينُ كَرامةَ الإنسانْ

أُحبكِ
في زَمانِ الخوفِ يا عُمري
ولا أدري لِماذا يا مُنَى قَلبي
إذا ما الخوفُ حاصَرَني
لِصَدرِكِ دائمًا أجري
أُحِسُّ بأُلفةٍ نَحوَكْ
فكيفَ أُلامُ في حُبِّكْ
وقلبي صارَ مِن شَوقي
كَبُركانٍ مِن الإحساس
أُحِسُّ بِغُربةٍ بيني
وبينَ الناسْ
أجيءُ إليكِ مُشتاقًا
بأشواقٍ تَفوقُ الوَصفْ
وفي عينيكِ أحرِقُ كلَّ أقنِعَتي
وآخِرَ مُفرداتِ الزيفْ
ولا يَبقَى سِوى حُبِّكْ
جميلاً ساطِعًا .. عُمري
كَشمسِ الصيفْ
فكيفَ أخافُ مِن شيءٍ
وأنتِ الأمنُ لو يأتي
زَمانُ الخوفْ

 

[KиMάήά]

السلام عليكم ورحمة الله وبركاته

انا انسانة احب اقرء القصص
خصوصا القصص الرومانسية و من ها السوالف ,اليوم قريت اسخف قصة حب في حياتي

بصراحة الكاتب توحفة , يستاهل جائزة اسخف كاتب ههههههه
اتركم مع القصة



.

كان يوم من الايام فى عصر الكذب والخيانة والخداع ظهر لاول مرة حب حقيقى حب لا تتعلق بيه اى شائبة حب مخلص حب لا يوجد فيه كذب وخداع ونفاق حب مابنى على الصدق والاخلاص.
كان شاب يدعى أ.أ كان مسافرا الى خارج البلاد ثم رجع من السفر فشاهد فتاه خطفت قلبه عندما نظر اليها والى وجهها الذى يحتوى على البراءة سافر الى عالم الخيال والاحلام عندما نظر اليها
وكانت الفتاه تدعى إ.م جارته كان يشاهدها لاول مرة حين وقف في شرفة الغرفة الخاصة به وكانت هي واقفة ايضا بشرفة غرفتها تنتظر اخيها الصغير القادم من اخر الشارع وحين راى جمال عينها وشعرها المتدلي على وجهها الجميل المضيء كنجمة في ليل غاسق وضحكت ضحكة اخذت قلبه معاها..ومرت الايام وازداد الحب عند الشاب وجاء يوم اعترف الشاب لفتاته بحبه واعجابه بها ومن حسن حظ الشاب كان شعور الفتاة نفس شعور الشاب كانت الفتاة تحب الشاب من اول نظرة ومرت الايام وكلما مرت الايام تعمق الحب وزاد صلابة وقوة وحلاوة وزاد عشقا وذهب الشاب الى والد الفتاة واعترف له بحبه فوافق الوالد لما راآ في عين بنته من سعادة ورغم حبهما كل مازاد حبهما كلما كثرت العواقب ولان الحب من البداية بني على الصراحة والصدق قضوا على كل العواقب

النهاية
كانت نهاية سعيدة تزوج الشاب الفتاة واستقروا ولم ينتهى الحب بل كل يوم يزداد اخلاص وعشق


.

ان شاء الله عيبكم القصة كككك

سلام
خيمينا

 

[KиMάήά]

السلام عليكم ورحمة الله وبركاته



أُحبكَ مهما طالَ انتظاري
لأنكَ لستَ قدري ولكن اختياري




.

طرب تايم ..للاسف الشلة ما رضت اصورهم
يتخققون ع فاضي .. :bad:

و ما شاء الله اصوات رائعة عندنا فالعائلة ههه







سلام
خيمينا

 

[KиMάήά]

السلام عليكم و رحمته الله و بركاته
جمعة مباركة و تقبل الله صالح الاعمال

يوم الجمعة و كالعادة اخوي يرقد عندنا
سحر الدبه ما تقعد كله من مكان لمكان اتقول مترو ككك

انا كنت اعتقد انها هادية بس صراحة فكرتي عنها كان غلط
طلعت متوحشة كيف تضرب ههههه






سلام
خيمينوووه

 

[KиMάήά]

السلام عليكم و رحمته الله و بركاته

صباح الخير
مساء الخير

منورين المدونه والله
انزين حد يبى ديو .. لول

من ايام البيت كان مليان .. كله صغريه يلعبون و اخواني و اخواتي متيمعين و احلى جمعه
و اليوم البيت فاضي ومسكينه انا تميت بروحي ..كل واحد راح صوب

الي راح كلية الشرطة و الي راح ام قيوان و الي سافر و الي راح للشارجة ..الخ
وحدة فظيعة صراحة

و الي زاد الطين بلة ها الزكام ..عندي امتحان اليوم العصر
و مب رايمة اذاكر هههه .. بس يالا كلها اسبوع و افتك

ان شاء الله ايب درجة يا رب
دعواتكم

سلام
خيمون

 

[KиMάήά]

السلام عليكم ورحمة الله وبركاته




لو تقول لي : موت أحبك
ما بقول لك : و أنا أكثر ..!

لا تحبني مني أكثر
ولا أحبك منك أكثر ..!

خل حبنا بالتساوي
و دامه شعور متبادل
في الهوى خلنا نتعادل

ماابي أظلم خفووقك
لا و لا تظلم خفووقي

هذا شوقي قد شوقك
و إنت شووقك ..قد شوقي

لا أزيد .. ولا تزيد
حبنا ميزان عادل
في الهوى خلنا نتعادل

يوم أقرب منك خطووه
لا تقرب خطووتين

بالمثل إعشقني و إهوى

ولا تحمل قلبي دين
مانبي فوز و خساره
لو تبي نغيض العواذل
في الهوى خلنا نتعادل




.

احب ها الاشياء










سلام
خيمينا

 

[KиMάήά]

السلام عليكم ورحمة الله وبركاته
اشحالكم .. 3>



من فترة متعودة كله اسهر لين ساعة 5 او 6 صبح مرات و عقبه رقاد لين ساعة 2 الظهر
و اليوم حرمة اخوي ما خلتني ارقد , كل ما ابى ارقد اتقومني , تبى تعدل رقادي

من بارحة مواصله و بنشوف النتيجة الليلة اذا برقد من وقت هههه
والله ايامي كله متشابهة ..ما تفرق اجازة او دوام..كله بيت جامعة بيت



اليوم نزل مطر فدبي لمدة دقيقتن ههه صراحة هالسنة الامطار مسويه حظر تجول على الارض
الصور تعبر

انا وسحر متخبلين اليوم الجو كشخة
تميت وياها نلعب بالحوي ..< تعرفون سحر ونيستي الوحيدة خخخ

اونه عمووه شوفي شوفي في سحب

عشاء اليوم





و احنا نطالع زي افلام ..




كانت معكم خيمينا
سلام

 

[KиMάήά]

السلام عليكم ورحمة الله وبركاته















سلام

 

[KиMάήά]

السلام عليكم
جمعة مباركة و عساكم بخير

قبل الايام دشيت المطبخ اتريق جان اسمع ..امبااااااع امباع هههع
رحت الحوي اشوف هالمحترم واقف





رحت لاخوي..اول شي يايب صوص عقب سلاحف و احين ها يتحرى البيت مزرعة مثلا ..<اوني كنت معصبة هه
جان يقول ها للذبح..بيسوي عزيمة فالبيت بمناسبة ملجة اخوي حق الاقارب بس

و عقبالكم يا رب

كان مفروض العزيمة اتكون اليوم الجمعة بس سوه البارحة و كالعادة محد قالي
اخر من يعلم..دوم يسون فيني جي يقولون حقي شي و يسون شي ثاني :bad::bad:

المهم

نبدء من يوم الذبح
اخوي الكبير يذبح و حرمة اخوي و البشكارة يساعدونه..احتراما لمشاعر الدلوعات ما بحط الصور وييخ

عاد انا و سحر كالعادة طول الوقت ناكل و نصور
اخوي يذبح و انا و سحر مجابلينه ناكل و نشوف اتقولون انشوف فيلم هههه

حنيت ايد سحر و اختي حنت ايدي و اونه تكشخنا كلنا






عقب قطعنا اللحم و حطيناه فاللبن و من هالسوالف
بيسونه بالشواء فالبيت .. يعني شغل دبل

المهم
عقب رحنا صوب الصوص نلعب فيه مع سحر ..<صراحة مسكين هالصوص






.

اما البارحة فالصبح رحت المستشفى حق فحص الدم
و ان شاء الله توصل النتايج فالوقت لان عقب ايام عندي موعد و اخاف يطولون

يوم رديت البيت اخوي قال ان العزيمة اليوم و انا بسرعة بسرعة رتبت الاغراض
و عقب وصلت سحر و عقب محمد و سلطان و عقب حمدة و اسماء ..<<اقصد اخواني و اختي وصلوا البيت :dkb:

انا و اختي قطعنا الدياي للشواء و بطاطس و طماطم و بصل و رتبت الفواله...الخ

و عقب وصلوا الضيوف و البيت صار زحمة اونه ما بيعزم الا الاهل و ما خلا حد الا عزم
اختي و حريم اخواني راحوا الميلس قعدوا

البشكارات و خمون تموا فالمطبخ انا اطالعهم و هم يطالعوني مب عارفيين شو انسوي
جان اطرشهم يدخلون الفوالة و حق الرييال سلطون ما قصر ما شاء الله صار ريال و لا حسيت فيه فديتووه

كل شوي يقول البطل سلطون فالخدمة .. مصدق عمره ههه
ولد خالي الصغير بعد ما قصر وايد ساعدني

و تعشينا و كل شي تمام التمام ..عقب الرييال يلعبون الورق و الحريم يقرقرون يقرقرون ..<حريم لاه ههه
ع ساعة 3 الصبح تقريبا راحوا بيتهم ..كلهم كانوا من الاهل فيعني عادي نسهر

قعدت شوي ع المنتدى اطمن عليكم و اشوف اليديد
و عقب رحت ارقد و احلى رقاد و ما شاء الله ناشة من وقت اليوم بعد غريبه صراحة

كان في وايد اشياء بس ما لحقت اصوره
هالصور الي قدرت اصورهم من خلف الكواليس طبعا هيع










حمدة و سحر يسلمون عليكم




و بس ادري وايد وايد رمست
سلام


خيمنووووه