لشباب .. واريد رايكم بصراحة

[قمر حتا]

بسم الله الرحمن الرحيم
السلام عليكم ورحمة الله وبركاته
كيف حالك إن شاء الله دائما بخير ؟ تشوفو عندي موضوع ومن زمان في بالي...
ليش الاهل يوم يحيرون الولد لبنت عمة من يوم صغار ، واذا كبروا وقالت البنت ما اريد هالولد ليش الاهل كلهم يحتشروا ويقولون ان هي غلطانة وماتعرف مصلحتها ؟؟؟؟
واذا الولد قال اني ما اريد فلانة بتقوله امه آمر غناتي منو الي فخاطرك بخطبها لك ..
ليش كل هذا ؟؟ يعني البنات مالهن حرية الاختيار ؟؟؟ ولا شو ...
والله قهر ...


أنا أتكلم عن البعض مش الجميع
واتمنى نتناقش في الموضوع مب نخليه ظراب ومشاكل

 

[عنابة]

رد: لشباب .. واريد رايكم بصراحة



الحين محد يقدر يجبر حد على شي .. ورااي البنت مسموع عند أغلب العاايلات

:==:

 

[عااشقة الوصل]

رد: لشباب .. واريد رايكم بصراحة

ها الشيء منتشر الصراااااااااحه ويسوون للبنت سين وجيم والولد يا حاافظ عليه امر تدلل بس اذا ما تبيهااا في الف بنت غيرها انت بس اطلب يا ولدي هااااع والبنت راحت في وطي خخخخخخخخخ


بس صج موووب الكـــل جي >>>> والله يهديهم بس ... مثل هااي ما عندهم ديمووقرااطيه هاااااع


ويسلموو على الموضوع ..^^

 

[شيخة البنات]

رد: لشباب .. واريد رايكم بصراحة

كل عايله طريقه تفكيرها غير

فيه منهم المتشدد ومنهم المنفتح ومنهم الحريص الجامع بين النوعين


الناس الحين اختلفوا عن قبل وتفكيرهم صار مرضي اكثر ومصلحه البنت والولد فوق كل اعتبار


والبنت اصبحت كلمتها مسموعه الا اذا رزقت باهل متعسفين الكلمه كلمتهم وبس فالله يعينها


بس كل وحده تتعرض لهالموضوع تحاول تطرق كل الابواب لتفرض رايها


يعني مسألة شخصيه اشوفها يا تكون قويه او ضعيفه مقدور عليها


والحمد لله ماعندي لا عيال عم وعيال خوالي كلهم كتاكيييت *.*


وسوالف التحيير هذي مو عندنا ابد



شوشو

 

[خ ـيماوي صغ ـيرون]

رد: لشباب .. واريد رايكم بصراحة

فقاارا يهموون البنااات يعني ها التفكيير عند بعض العواايل شو نسوي بعد محد يقدر يغيره ؟؟؟

 

[عيوز مشتطه]

رد: لشباب .. واريد رايكم بصراحة

لانها محيّره لولد عمها وعاطين الرياييل كلمه يعني عيب عليها بكل برود تقول انا ما اباه


الا اذا كان في سبب مقنع


لكن لو ما شي سبب اكيد الكل بيحتشر عليها


وماله داعي تحط ابوها في موقف محرج امبونها رمسه الرياييل ما تنرد وهم ادرى بمصلحتها اكثر منها

 

[شيخة البنات]

رد: لشباب .. واريد رايكم بصراحة

عيوز مشتطه انتي مقتنعه بهالكلام !




شوشو

 

[دودهـ]

رد: لشباب .. واريد رايكم بصراحة

بس مب دائما االاهل على حق


اهم شي رايها واذا رايها غلط هي الخسرانه خل تاكل تبن

 

[العود الازرق]

رد: لشباب .. واريد رايكم بصراحة

وعليكم السلام ورحمة الله وبركاته

هلا والله بالحلووووووووووووين ..

موضوع جميل الصراحه ..

زمان اول يوم يقول فلان لفلانه .. يتم هالكلام لين يكبرون وآخر شي يتوفقون والولد يأخذ بنت عمه ولا خاله اللي محيرنها له من زمان ..

ام الحين عقب هالتطورات والفضائيات وغيره من الخرابيط .. صار البعض يرفض اختيار اهله ويبغي وحده ع كيفه (البعض قلت هاااا)
عسب جيه ماتمزر عينه بنت عمه او خاله يمكن لانها تكون بسيطة الجمال وماتعرف وايد لسوالف الحين اللي يسونها البنات ..


لو كنا عايشين زمان الاولين جان قلت لج هالفكره تعجبني انه يحيرون فلان لفلانه ..

بس الحين لا ماتعجبني ..

لانه يمكن يصير ظلم لطرفين ..

او طرف واحد ..

وتنتهي بطلاق والمشاكل .. ولو تموا عايشين مع بعض محد بيتضرر كثر لعيال لانه مابيشوفون الحب والعطف بين والديهم ..

وبيتعقدون من المشاكل .. ويمكن ينحرفون

وانا احس انه البنت تنظلم اكثر لانه يوم يحيرون فلان إلها تتعلق به وماتشوف حد غيره وتيلس عاد تبني بيت الزوجيه في خيالها مع ولد

عمها (بما انه البنت اكثر عاطفية) .. غير عن الشاب اللي يظهر كل يوم ويسافر ويشوف الملايين من البنات وآخر شي يمكن ماتعجبه بنت

عمه ويرفضها لانه هو عادي كلمته بتمشي وعنده حق الأختيار اكثر من البنت (خاصةً في هذا الزمان اللي عايشين نحن فيه ) ..

وآخر شي ما اقول غير كل شي قسمه ونصيب ..

واللي الله كاتبنه يصير للإنسان ..


تقبلي نقاشي في موضوعك


لكِ الود والورد

​

 

[الغراشــ فاتنة ــيب]

رد: لشباب .. واريد رايكم بصراحة

أوافق على كلام العود الأزرق على كل

كلمة قالها ....