فتاه في ريعان شبابها جميله ذات حسب ونسب وشهادات ووظيفه مرموقه واخلاق عاليه تتمتع بذكاء وسرعة بديهه وعلى قدر كبير من المسؤوليه في مجالات الحياه المختلفه يتمناها اي شاب تقع عينه عليها :ah:
تقدم لها رجل اخلاق ومنصب وكل الامور الزينه فيه ( ظاهريا مايندرى بالحقيقه )
هالبنت تعرف في قرارة نفسها انها لا تستطيع التوفيق بين امرين : الزواج والعمل
اذا تزوجت وهي تشتغل فراح تقصر مليون بالميه في البيت والزوج والمسؤوليات الزوجيه والارتباطات الجديده . . .
لان احتياجات العمل شويه تاخذ حيز من جهدها ووقتها
انزييين
نفرض ان هالرجل طلب منها انها تستقيل من عملها وتتفرغ لبيتها والحياه المقبله
هالبنت عملت واجتهدت وممكن توصل لمراكز مرموقه في عملها تتمناها من سنين
في نفس الوقت بما انها تقدر قيمة التفرغ في الحياة الزوجيه فهي ماعندها اعتراض مبدئي عن فكرة الاستقاله
السؤال الحين للجنسين :
اولا البنات
لو انحطيتي بمثل هالموقف مع كل هالمواصفات .... هل راح تستقيلي وانتي بعدج ماتعرفي كيف راح تكون حياتج بعد الزواج مع هالانسان الغريب ؟ ولا راح اتأجلي فكرة الاستقاله لين ماتعرفي خيره من شره ؟! مع العلم ان هالانسان شخص مايتفوت :ah:
الشباب
اذا كنت مكانن هالشاب المقتدر وطلبت مثل هالطلب والبنت نفذت لك طلبك وضحت بعملها وبمركزها وجهد السنين كلها عشان تبدأ حياةة زوجيه صحيحه وتتفرغ لك ولبعيالك ولبيتها ... هل راح تقدر لها هالشي بعد الزواج وماراح تتخلى عنها بسهوله مهما حصلت المشاكل بينكم وانته تدري انها مليون من يتمناها ؟ّ
خبروني برايكم ... واذا عندكم نقاط ونصايح تحبوا تذكروها خارج هالسؤالين وفي مضمون الموضوع اطرحوهاا
احنا بعد ابتلينا ،، ندور و ندور و نبحث ،، الا نلااقي البنت تشتغل في وظيفة ربشة و ما بتفضى للبيت ولتبريه العياال ...
و ما زلت مقتنع بفكرة ان المرأة في بيتها تؤدي اهم وظيفة في العالم ،،
بخصووص سؤالكم :
اذا كنت مكانن هالشاب المقتدر وطلبت مثل هالطلب والبنت نفذت لك طلبك وضحت بعملها وبمركزها وجهد السنين كلها عشان
تبدأ حياة زوجيه صحيحه وتتفرغ لك ولبعيالك ولبيتها ... هل راح تقدر لها هالشي بعد الزواج
وماراح تتخلى عنها بسهوله مهما حصلت المشاكل بينكم وانته تدري انها مليون من يتمناها ؟ّ
اول شي ،، احب اقدر ها البنت اللي تسوي ها الشي ،، و تقدر موقف الزوج لهدف تربية الابناء لا من مبدأ تحقيق القوامة ،،
سالفة اننا بنقدر لها ها الشي أكيد ولا مجال للشك ،،
لكن تعرفووون ان الزواج مب سنة و لا ستين ،، الزواج عيشة عمر
يعني يمكن حتى بتعيش معها اكثر من عيشتك مع اهلك و ابووك ...
و ما تؤمن به اليوم و لا تنساااه ابدا ،، بتمر السنواات وتنسيه
يعني ممكن نعيش سيناريو ان الزوج الفاضل لن ينسى هذا ابدا ابدا مهما حياا
و في نفس الوقت يمكن سينارويوو ثاني ، انه بعد 3 سنواات ينسا لها الشي ..
خاصة اذا كان الزوج لا يعتمد على قواعد من التربية و الاخلاق ،، فمجرد الوعود الكاذبة سهلة لخداع المرأة ..
و اذا صارحها بحقيقة ،، فلن تتقبل تفكيره !!
يعني الساالفة معقدة ... و لو ما تطرح للنقاااش احسن ... هههه
فها يعتمد ،، على الزوج من جهة ،، و على الزوجة من جهة ثانية
اولا مبروك للاخت شيخة البنات ...
هالموضوع يعتمد بالاساس على الشاب والبنت لانهم ادرى بالحالة الي بيصادفونها ... يعني ربما البنت طموحة جدا وما تتقبل فكرة الاستقالة ولو استقالت بتحس بشعور محبط مهما كانت مكانة زوجها المرموقة ولو كان وزير ...تراني تذكرت سالفة بنت وصلت لدرجة مدير وبعدين استقالة لرغبة زوجها الي وصل بعد ذلك لمناصب عالية جدا والكل يعرفه وكل مواصفات الشاب الجميل الخلوق المتعلم اللي تعتمد عليه الدولة لانه يمتلك عقل فذ وتفاجأت قبل شهر رمضان بانه واحد من الربع يقول لي تراه طلق زوجته بعد هالعمر ...هو ببداية الاربعينات وزوجته بالثلاثينيات ... طيب شو الاسباب ؟ عديدة جدا وكل سبب يبلاه موضوع خاص عشان ينطرح ويعالج...
وفي نوع اخر من البنات الطموحات ولكن تعتبر طموحها مقرون بطموح زوجها يعني كانت طموحة وبعد ما ترتبط فيه تعتبر طموح زوجها من طموحه فهاذي بتكون اسعد من النوع الاول والاهم تعرف تشغل نفسها ببيتها زوزجها وعيالها ...
والزواج قسمة ونصيب وحظوظ.... ياما نشوف بنات جميلات وانوثتهم خارقة ولكن لا يطاق العيش معهم دقيقة واحدة ..ويما نشوف رجال اشكال ومناصب وترف ولكن فاشلين بالحقيقة وعلى سبيل المثال المتألق الوسيم الكويتي حازم البريكان الرئيس التنفيذي اللي انتحر وكونه اصغر مسؤل تنفيذي لاضخم الشركات الكويتية وله معارف باكبر الشخصيات الاقتصادية والسياسية بالخليج وباروبا امريكا وبالنهاية اتضح انه انسان فاشل جدا رغم المظاهر الخداعة ونهايته انه انتحر بالمسدس اللي دوم يحمله واللي يعتبره حماية شخصية له وبالنهاية هو سبب مقتله بمكتبه بالشركة...
خلاص انا بقو ل رأي
خلهم يتزوجوا سنه سنتين ويجربوا االحياة الزوجية مع العمل..
وإذا الريال يستاهل إنج تستقيلي من الدوام عشان البيت واليهال فهذا واجب الزوجة قبل العمل..
وياحيكم
اذا كنت مكانن هالشاب المقتدر وطلبت مثل هالطلب والبنت نفذت لك طلبك وضحت بعملها وبمركزها وجهد السنين كلها عشان تبدأ حياةة زوجيه صحيحه وتتفرغ لك ولبعيالك ولبيتها ... هل راح تقدر لها هالشي بعد الزواج وماراح تتخلى عنها بسهوله مهما حصلت المشاكل بينكم وانته تدري انها مليون من يتمناها ؟ّ
(( ليش نخليها تستقيل خصوصا لو اهي مخلصه الجامعه بدال مانشجعها ونقولها يلا ماستر ولا دكتوراه شدي حيلج لنه حرام اتضيع 5 سنين دراسه وعقب تيلس فالبيت ..وصدقوني كل شي بالوقت يترتب ويتعدل اما لو هي بشهادة ثنويه عامه عادي لو واحد ايقولها استقيلي وجيه تلقينها هي بروحها تبا تستقيل وتيلس فالبيت ترا المعاش اشوي والشغله اي شي اتكون )) وبـــــــــث بيض الله ويهج شوشو ..تقبلي مروري
