الشياب مابقوا شي للشباب ...تعالوا سمعوا القصه

[شيخة البنات]

السلام عليكم والرحمه

شفت هالموضوع وهالقصه الحقيقية اللي صاحبها يطلب فيها الشور ( البطله عمانية :eh_s(6): )

اسمعوا معاي وياحبذا لو تتخيلوا الموقف هع

السلام عليكم ورحمة الله وبركاته
اطرح الموضوع ويهمني رأيكم في الموضوع لأني لم اجد سوى رأيكم الحل الاخير
اخواني جدتي تبلغ من العمر 80 سنة وتوفى جدي تقريبا ثلاث سنوات وأصبحت جدتي ارملة بدون زوج رغم كبر سنها فجاء أحد الشياب يخطبها ويريد يتزوجها الاهل عارضوا على الزواج بحكم عمرها وبأنهم غير مقصرين معها في اي شئ فصارت مشكلة في البيت بسبب الزواج والحين جدتي تريد تروح المحكمة تتزوج غصب عن الاهل بعد رفضهم الزواج .
هل تشجعون الزواج من حرمة عجوز منهكه برجل مثل سنها ....
وهل تؤيدون فكرة هذا الزواج ....

بصراحه بصراحه

شو رايكم بهالموقف الجريئ من هالحرمه الثمانينيه؟


ناقشوا الموضوع من كل جوانبه :eh_s(6):

الحين انا في الدوام .... هالله هالله بالردوود




شوشو
:eh_s(6):​

 

[عنابة]

رد: الشياب مابقوا شي للشباب ...تعالوا سمعوا القصه



خخ

ماافيهاا شي

صبوحه ام كشه صفره مب احسن منهاا io:

خخ

 

[حنين الأيام]

رد: الشياب مابقوا شي للشباب ...تعالوا سمعوا القصه

وحليله الموضوع لحيين تم الافراج عنه خخ

مب شي عيوز وبالثمانين اتعرس:h_yalahwy

استغربت الصراحه بس كل شي جايز ها الايام خخ

 

[A.D]

رد: الشياب مابقوا شي للشباب ...تعالوا سمعوا القصه

شيخة البنات .. مادري قكل ردي ع مواضيعج تجبريني اطري السـحر فالسالفه هههه ..العيوز سحرته شكلها .. ودام الريال يباها حلاله

محد يقدر يمنعه ..فديت روحها سارت اتراجع المحااكم يالبيـــــه هع فيها حيــل الشمطاء ^.^ الله يخليهم لبعض وان شا الله يدوم السـحر ويسري مفعوله هههه

 

[المشتاق للجنه]

رد: الشياب مابقوا شي للشباب ...تعالوا سمعوا القصه

خلها تتزوج ما دام هي تبا تتزوج

 

[طير الشوق]

رد: الشياب مابقوا شي للشباب ...تعالوا سمعوا القصه

ما فيها شي لو تزوجت العيوز .,
وليش الاهل يرفضووون .,!

حليلها بعدها فيها روح شبآبيه .,
خلوها تتهنى فيها !.

بس انا عندي اقترآح
خليها تصلي استخآره
ولو الله وفقها خليها توآفق
واذا لـآ خليها ترفض وكل وآحد في حآل سبيله ..~

بس في عندي سؤال :
لو وآفقت في احتمآليه تسوي عرس والا خخخخخ .؟!

بس صج ما فيها شي
روحي بلـآد برع ., وشوفيهم يوصلون 100 وبعدهم يبغون يتزوجون وما ادري كيف .؟!
عآيششين حيآتهم ..~

طيرووه كآنت هنآ ..!
.
.
.

 

[بو حمده]

رد: الشياب مابقوا شي للشباب ...تعالوا سمعوا القصه

وعليكم السلام ورحمة الله وبركاته.

إذا علمنا أن المقصود من الزواج والنكاح المؤانسة والسكن وهجر الوحدة .. وليس فقط شي معين .. أدركنا أن هذا الزواج جائز. ​

 

[عيوز مشتطه]

رد: الشياب مابقوا شي للشباب ...تعالوا سمعوا القصه

أأيد كلام الأخ بوحمده ..

 

[ReaL DaY]

رد: الشياب مابقوا شي للشباب ...تعالوا سمعوا القصه

وعليكم السلام ورحمة الله وبركاته.

إذا علمنا أن المقصود من الزواج والنكاح المؤانسة والسكن وهجر الوحدة .. وليس فقط شي معين .. أدركنا أن هذا الزواج جائز. ​

كيف يعني شي معين

ممكن توضح عسب اعرف ايد ولاولا

 

[عين الصقر]

رد: الشياب مابقوا شي للشباب ...تعالوا سمعوا القصه

ماشاء الله ثمانين و تبى تعرس


نحن الي يوصل عمره ثمانين يالله يالله يشل عمره من الارض هذا اذا وصل الثمانين


انزين لو فيها هبه و خاطرها اتعرس خلوها اتعرس مافيها مشكله بس اهم شي الي خطبها انسان يصلي و يصوم و ما مغازلجي و يقدر الحياه الزوجيه

و بس