للأسف انت مب ريال !!!!

[ReaL DaY]

للأسف مب ريال o ♥°ღ°


لما يتقدم خاطب ويدق الباب عشان راتبها
ويقولها بكل صراحه بعد الزواج
اخذتك عشان راتبك,, مو سوادعيونك
•°¨ للأسف مب رياال ¨°•

لما ترضى تجلس بالبيت واختك أو زوجتك تصرف عليك
•°¨ للأسف مب رياال ¨°•

لما تكون طول وعرض وفشخره على الفاضي
•°¨ للأسف مب رياال ¨°•

لما تكون حبيب ماما,,, ودلوع بابا
وأنت مشورب
•°¨ للأسف مب رياال ¨°•

لما بكل مجلس تقول بصوت عاالي
عرفت فلانه بنت فلان وضحكت عليها
وهذى صورها وهذارقمها
•°¨ للأسف مب رياال ¨°•

لما تكشخ وتتعطروتدوج بالاسواق بدون هدف
وتكلم هذى وترقم هذى
•°¨ للأسف مب رياال ¨°•

لما تخليت عن ثوبك ولبست بنطلون طايح من شده خجله منك
•°¨ للأسف مب رياال ¨°•

لما تكون فاضى طول الوقت ووقت الصلاه سبحان الله تنشغل
•°¨ للأسف مب رياال ¨°•




لما تسمح لاصحابك يقولون من باب المزح
وللاسف الكلمه دارجه عند الشباب
الله يلعن امك
وتضحك
وتقول :
الله يلعن امك أنت
•°¨ للأسف مب رياال ¨°•

لما تكون متزوج ,,, او خاطب ,,, او حتى تحب
وتخون بكلمه ونظره مع الغير
•°¨ للأسف مب رياال ¨°•

لما تعتمد على فلوس ومنصب ابوك
وتقول : وليه اشتغل!!
•°¨ للأسف مب رياال ¨°•




لما تجرح بنت اخت او قريبه ونسيت انك الريال والاقوى
•°¨ للأسف مب رياال ¨°•


لما عندك اي كلمه تقولها عادي لزوجتك
انتى طالق
•°¨ للأسف مب رياال ¨°•

لما تدق عليك امك تالى اليل بالاستراحه
وتسكر الخط فى وجها وتقول ا زعجتنا العجوز
•°¨ للأسف مب رياال ¨°•

لما تقول عند خوايك الشاكوش واقف بطريق سفرتى معكم
تقصد ابوك
•°¨ للأسف مب رياال ¨°•
لما تقول عند اهلك بروح عمره ,,, وانت خارج الديره تدورالبنات
•°¨ للأسف مب رياال ¨°•


لما تتزوج مسيار واسكت لااحد يدرى وخايف
من ربعك واهلك وجماعتك يدرون
•°¨ للأسف مب رياال ¨°•


لما ترفض خطيب لبنتك او اختك
عشان تستفيد من راتبها
•°¨ للأسف مب رياال ¨°•



لما تكون وسيله التفاهم عندك يدك مب لسانك
•°¨ للأسف مب رياال ¨°•

لما تخجل من شغله ابوك البسيطه
•°¨ للأسف مب رياال ¨°•


لما تقول لزوجتك وهي بغرفه الولاده
اذا جبتى بنت طسي بيت أهلك
•°¨ للأسف مب رياال ¨°•



لما تعتقد مجرد اعتقاد ان الرجوله بس تربي هشوارب
•°¨ للأسف مب رياال ¨°•


لما تقسط لك زوجتك سياره من راتبها ووتتزوج عليها ثانيه
واتخذها برحله بسيارتك
على حساب الاولى
•°¨ للأسف مب رياال ¨°•

لما تدخل بيتك وحده من وراءاهلك
•°¨ للأسف مب رياال ¨°•


لما تفرق بين بنتك وولدك
وتقول هذا ولد عزوه والبنت تنطق
•°¨ للأسف مب رياال ¨°•

لما تنسى بيتك وزوجتك وعيالك
وتروح مع الثانيه دون عداله
•°¨ للأسف مب رياال ¨°•






لما تاخذ حقك من زوجتك بالغصب وهى زعلانه
من غير ماتراضيها
وتعتبر الشي حقك ورجوله منك
•°¨ للأسف مب رياال ¨°•

لما تتخلى عن اعز ربعك بوقت شده
•°¨ للأسف مب رياال ¨°•


لما تماشي فلان عشان فلوسه
•°¨ للأسف مب رياال ¨°•


لما تشوف بنات
الناس عادى واختك
لا عيب وحرام
•°¨ للأسف مب رياال ¨°•


لما تحبها وتحبك بصدق
وفجاءه شفت غيرها
وتخليت عنها .. دون سبب
•°¨ للأسف مب رياال ¨°•

لما تحط عينك على وحده تعرف ان اخوك اوصديقك يحبها
•°¨ للأسف مب رياال ¨°•



لماتصرخ بوجه امك ارضاء لزوجتك
•°¨ للأسف مب رياال ¨°•



لما تطلب من واحد يكفلك
وتتهرب منه وتنكروتجحد
•°¨ للأسف مب رياال ¨°•






لما تنقل حكى من واحد لواحد.


•°¨ للأسف مب رياال ¨°•
لما تشوف بنت في حالها
وماتعطي احد وجه
وتقول : على ايش شايفه نفسها
بكسر خشمها
•°¨ للأسف مب رياال ¨°•



لما تصدق هرج حاسد وعاذل برفيق دربك
منغير ما تسمع منه وتعطيه فرصه يوضح لك



•°¨ للأسف مب رياال ¨°•



لما فجاءه تكتشف بعد زواجك
انك ماحبيت زوجتك بعد ماجبت منها عشر عيال
جاك الاحساس
ووجرحت كرامتها
•°¨ للأسف مب رياال ¨°•

الرجوله غيرالذكوره
مو كل من لبس غتره وشماغ صار ريال
مو كلمن له شارب ولحيه صار رياال
الرجوله
ღ موقفღ
ღوكرامه ღ
ღ وتصرف ღ
كثيربنات أرجل من كثير من الرجال
كونى أرفض كل تصرفاتك العوجاء ايها الذكر
ولن اقول الرجل
فانا ارجل منك ...
حين ادعى لك بالهدايه واهز راسي خيبه وحسره
منحال بعض الرجال
انا ارجل منك ...
اكتشفت انى بزمن اصبحت الرجوله نادره
ربما اضطرت البنت لتلعب دور الرجل
في زمان اصبحنا لانفرق بين البنت والولد
حتى الملابس تشابهات
انا ضد فئه من الرجال
واكيد الكثيرمنهم ونعم الرجال
كثير خانتهم رجولتهم ولم يحملو منها سوء الاسم فقط




•°¨™¨°• كثيرون هم الذكور•°¨¨°•™
•°¨ ® ¨°•قليلون هم الرجال•°¨ ® ¨°•


ღ°♥ o منقول للأمانة o ♥°ღ°
__________________
__________________
__________________

 

[["أبــــــو البــــــراء"]]

رد: للأسف انت مب ريال !!!!

•°¨™¨°• كثيرون هم الذكور•°¨¨°•™
•°¨ ® ¨°•قليلون هم الرجال•°¨ ® ¨°•

صدقتي أختي ::ReaL DaY::

أظن هالكلمات تنوب عن كل الكلام كله,,,

بارك الله فيج أختي,,,وتسلمي عالنقل الجمييل,,,

براء

 

[الغراشــ فاتنة ــيب]

رد: للأسف انت مب ريال !!!!

هالكلام كله دررر ... و كله حكم و الله ....

مشكورة يا ريل داي ...

 

[فتى العرب]

رد: للأسف انت مب ريال !!!!

لما بكل مجلس تقول بصوت عاالي
عرفت فلانه بنت فلان وضحكت عليها
وهذى صورها وهذارقمها
•°¨ للأسف مب رياال ¨°•


خيييييييبه
مب ريال؟
هاذي شوي عليه
ها حيوان مب أدمي

 

[بوخليل]

رد: للأسف انت مب ريال !!!!

ما شاء الله عليج يا أختي ريل داي

والحمد لله ولا صفة من الصفات المذكوره فيني

أنا لو أطلع من البيت زين بعد .. ماعرف مكان إلا الدوام

والحمد لله لا معتمد لا على الأب ولا الأم ولا الأخ ولا شيء

معتمد على ربي وعلى نفسي .. والحمد لله على كل حال


بارك الله فيج على الموضوع

وتستاهلين التقييم ولو كان منقول

^ــــــــــ^


بعد 24 ساعه إن شاء الله

:00100:

 

[ReaL DaY]

رد: للأسف انت مب ريال !!!!

الي يقول ولا صفه فيني يراجع حساباته

مستحيل الا يظهر للذاله عرج :^^:

 

[محرز بن حريز]

رد: للأسف انت مب ريال !!!!

الحمدلله مافيني ولا وحده من المواصفات الي فوق..

وياحيج

محرز

 

[A.D]

رد: للأسف انت مب ريال !!!!

واللي يقول انا ريال.. انا ريال للأسف هذا مب ريال هع

ريل دي اهنيج ع اول موضوع لج من يوم سجلت بالبرزه خخخ وان شا الله دوم نشوف مواضيعج

يعطيج العافيه .. الله يحفظج

 

[ReaL DaY]

رد: للأسف انت مب ريال !!!!

أنا لو أطلع من البيت زين بعد .. ماعرف مكان إلا الدوام

ما تطلع ليش

البيت للحريم مب للريايل

ليش انته مب ريال عسب تيلس في البيت شو ؟؟

 

[محرز بن حريز]

رد: للأسف انت مب ريال !!!!

لما تكتب موضوع في البرزة ولا حد يرد عليك
للأسف مب بني أدمي