قال ( أنا ريّال ) ؛،..،؛ @ ؛،..،؛

[أحلام]

السلام عليكم ورحمة الله وبركاته

دايماً كلمة ( أنا ريّال ) تكون ستار لسوء الخُلق والأدب

فلان يرّمس فلانة ويفاخر جدام أهله بإنه يرمسها ..

ولما وحدة من الأهل تقول له يرضيك أنا أرمس واحد من الشباب ..

يبطل لها عينه وبكل عصبية يقول سويها وشوفي شو بصير فيج ,, أنا عادي ،، ( أنا ريّال )



فلان شاف إحدى زميلاته مو لاقية اللي يوصلها لبيتها ...

بكل شهامة ونُبل !! وقف لها ووصلها البيت ..

إخته عرفت السالفة وقالت عن فلانة إنها قليلة أدب ومو متربية دام إنها ركبت وي شاب ما يقرب لها وهم روحهم حتى لو بس وصلها من الدوام للبيت

عصب الأخ لأن إخته غلطت على البنت اللي بنظره ما سوت شي بس وثقت فيه واحترمته واعتبرته شرات اخته !!

ردت عليه إخته لو يرضيه تركب هي مع زميلها المحترم المؤدب المؤهل للثقة عسب يوصلها لبيتها في حال ما لقت من يوصلها

احمر ويه الأخ من العصبية وحلف ليكون آخر يوم في حياتها لو سوته ..

ردت .. عيل إنت يالحبيب وصلت البنت " المحترمة "

قال ( أنا ريّال )



فلان كلم زوجته وقال لها ترى وحدة من زميلاتي في العمل اتصلت فيني تسلم علي وتقول وينك ما تمر علينا تسلم ..
حليلها تعتبرني شرات أخوها ..

حرمته لازم تبند حلجها صح

بس أكيد لو حرمته يت وقالت له حبيبي ترى علان زميلي في القسم اتصل فيني من شوي يسلم علي .. حليله طيوب واعتبره شرات أخوي

أكيدين إن زوجها بطرشها بيت أهلها في نفس اللحظة ..

ولو قالت له تراك من شوي تقول إن زميلتك متصلة وإنك شرات أخوها ..

برد عليها ( أنا ريّال )



أعضاء برزتنا ... ما أتمنى حد منكم يكون ( ريّال ) من هالمفهوم ...

بس أكيد الأغلبية منكم جي .. لأنكم ( رياييل ) وهذا مجتمعنا !

أبي أسمع رايكم ...

واللي عنده حل لهالآفة ... أتمنى أسمع الحل وطريقة التعامل مع هالنوعية من المغروريين المفاخرين بلواتتهم ... يمكن حد يستفيد ..


تحيتي لكم

إختكم أحلام ​

 

[قلوب مرهفة]

رد: قال ( أنا ريّال ) ؛،..،؛ @ ؛،..،؛

أخس لو كانت هذه رجوله


لو كنت كذا بنتحر

 

[عنابة]

رد: قال ( أنا ريّال ) ؛،..،؛ @ ؛،..،؛



مجتمعناا مجتمع ذكوري أنااني بحت .. يحق لهم ما لا يحق للمرأة

وهالموضوع بالنسبه لهم غير قاابل للنقااش .. لانهم منتهيين منه على قولتهم اناا رياال

وأقص ايد مدرااء البرزة :msgplusimg1434pm9: خخ .. اذا ما دشو وهااجموج وقاالو لج

العيب عيب البنت مب الرياال خخ

وتسلمين عزيزتي ع الموضوع

 

[الجارح2003]

رد: قال ( أنا ريّال ) ؛،..،؛ @ ؛،..،؛

هههه ..يتني ضحكة ما ادري ليش..!

المهم..

قد يقصد بكلمة ( أنا ريال) أن غلطته مو شرات غطلت البنت اللي هي بتكون أكبر في نظرنا ونظر المجتمع..
قد يكون هذا هو المقصد..

وبعض الناس يعتقد انه بيستوي ريال إذا رمس بنت ويتفاخر بهالشي أو ..كالأمثلة اللي طرحتيها..!

وعندي ف الدوام مثال رأي العين من شباب وشياب يتفاخرون بمعاصيهم..
والله ارمس فلانة ع الفون
والله طلعت ويا فلانة امس ع البحر
رقمت بنت ..غازلت بنت ..الخ

وكأن الأمر عااااادي جدااا ويعتقد انه ذكر خخخ

الحــل ينبع من التربية منذ الصغر ع شرع الله ومراقبة الله عزوجل..و عاداتنا وقيمنا الحميدة..
تتعامل وياهم بالنصيحة مانفع بالتخويف والترهيب
والله المستعان

ومتابع للموضوع

تسلمين أختي أحلام ع الطرح الرائع
بوركتي

أخوكم الجارح2003

 

[أحلام]

رد: قال ( أنا ريّال ) ؛،..،؛ @ ؛،..،؛

أخس لو كانت هذه رجوله


لو كنت كذا بنتحر

ليت هالرمسة يقولها صاحبنا ال ( أنا ريّال )
​

 

[ولد الحكومه]

رد: قال ( أنا ريّال ) ؛،..،؛ @ ؛،..،؛

الله كريم احلام


شوفي لوين وصلنا





المحادثه تطول ولهذى المواقف اثرها فا لحياه

 

[دلع بنوتة]

رد: قال ( أنا ريّال ) ؛،..،؛ @ ؛،..،؛

والله هذا شئ طبيعي

يعني حرمه تكلم ريال يعني زميلها في الشغل غلط واكبر لان صوت المرأه عورى
اما ريال عادي عنده يكلم لان صوته مب عورى

بس يلا الكل يسوي جي انا ريال وانا ريال حشرونا الناس عفانا الله مرتقدين بانهم رياييل >>عن حد يقتلني بأ


مع السلامه..؛

 

[الجارح2003]

رد: قال ( أنا ريّال ) ؛،..،؛ @ ؛،..،؛

يعني حرمه تكلم ريال يعني زميلها في الشغل غلط واكبر لان صوت المرأه عورى
اما ريال عادي عنده يكلم لان صوته مب عورى

لاه؟..!!!!

لاتخبرين حد

أخوكم الجارح2003

 

[الخنبولي77]

رد: قال ( أنا ريّال ) ؛،..،؛ @ ؛،..،؛

السلام عليكم_
صراحة في ناس وايد شي١

بس هذا ما زين؛ كل واحد عنده إيمان و يعرف ربه زين بيكون فاهم و متفتح صح، في ناس معروفين لأنهم يشوفون المجتمع بنظرة غير و هذيلا يكون تفكيرهم دائما سلبي_
في ناس مطاوعة زينين_ بس في مطاوعة متشددين و زيادة عن اللزوم_
و خير الأمور أوسطها_*

و هذي الي يقول أنا ريال بمثل هذي المواقف، أعتبره ضعيف الشخصية_
و السلام

 

[عنابة]

رد: قال ( أنا ريّال ) ؛،..،؛ @ ؛،..،؛

مجتمعناا مجتمع ذكوري أنااني بحت .. يحق لهم ما لا يحق للمرأة

اقصد ان العيب عيب ان كاان رياال او حرمه