رنـيـن الصـمـت

[البـ شما ـطرانه]

رنـيـن الصـمـت

مرّت أيامٍ عصيبة .. مــــا يــــــــذوق النوم ساعه
انقضى عمــــــــــــره وحيدٍ .. مـا قدر بالحب ينعم
لين شــــــاف الحــب مره ..بعد حرمان وقطاعه
ما تحمـــل حب قـلبه .. انــــــدفع ..لـلـــحب سلّم
صار يحلـــــــــم في منامه .. إن كـونه باتساعه
مــا يساوي اليوم بسمــــه مـــــن شفاته لو تبسّم
غيّر الـــــقــانــــون فجأة .. مـزّع الجـامد قِناعه
وانـــتـشا بالحـــــــب يهمـس .. ويتغنّى .. ويترنم
ينتظرهـا مثـل طفلٍ .. ينتظــــــــر موعد رضاعه
كل تفكـــيره معــــاها .. والـــــــــوفا منّه تعلّم
مدّت ايديها تسلّم ..وامســــــــكت قاصي ذراعه
بالعيـــــون تـــــقول احبك .. والحشـــا نبضه تألم
ودّه يـبــوح بــــحـنـيـنه .. جاهــز وكـلّه شجاعه
وهـي بعد مثلــه منــاها تسمـــع لســانــه يتكلم
ما هو ذنه .. حـكــم ربّه ..حكمة الخالق مطاعه
انكــتب للســـــر يـبــقي داخــــــل الخافق و يكـتم
كل يــوم يجيــب وردة .. يــا عسى ينال الشفاعه
مــــا نسى مرّه الهديــة .. بس مــــا كــفّى و تمم
كل ما عنده عطاها .. ارخــــص الغالي .. وباعه
وما نطق كلمة " أحبك ".. للأسف .. إنسان " أبـــكم "

الشاعر
عبـــــــــــــــــدالله الخياط

 

[بحر الأمل]

رد : رنـيـن الصـمـت

قرأت الكلمات مراراً ..

و لم لها التعليق .. فمن بعد عبدالله الخياط..يوجب الصمت .. تقديرا لقلمه ..!!

شاكره هذا الاختيار .. و دمت بهذا الذوق

بحر الأمل

 

[سعود]

رد : رنـيـن الصـمـت

فعلا ..

قلم رائع ومتميز ..


قادر على تصوير الأحداث والمواقف بصورة جميلة ..


تلسمين يا البــ شما ـطرانة على هذا الإنتقاء ...




أخوك



سعود

 

[شوق الكلام]

رد : رنـيـن الصـمـت

كلمات جميله ومعبره

تشكرين عالاختيار الجميل

 

[البـ شما ـطرانه]

رد : رنـيـن الصـمـت

مشكورين و ما قصرتوا

على مروركم الطيب

و السموحه على القصور