مدوناتي في ذكرياتي

[شيبه محتشر]

السلام عليكم ورحمة الله وبركاته


بسم الله الرحمن الرحيم

أحبكم دوت كم - حلال المشاكل - شيبه محتشر - القلم الناقد
شخصيات مختلفه لشخص واااااحد

كلامي هذا ليس موجه لشخص معين انما للجميع
باب الزعل حذفته من حياتي
كل هالشخصيات كان لها دور في هذا المنتدى
وكل شخصية اختفت لنفس السبب لي من اجله تركت هالشخصية المنتدى ودخلت بأسم ثاني
ليس هروبا من واااقع ولا وقوع في خطأ لا يغتفر

احببت كل شخصية لذاتها وكل شخصية كان لها متابعين
لكني شخصيا احببت شخصية شيبه محتشر لانه في قرارة نفسي يمثلني في شخصيتي المكبوته
اقدم اعتذاري الشديد لشخصيات موجود الي الان وشخصيات اختفت في احوال الدنيا المتغيرة
كانوا لي مثل البلسم في تعاملهم
والله الشاهد اني اعزهم يمكن اكثر من نفسي
ولكل منهم علاقة جميله مع شخصية من هذه الشخصيات


سؤالي لكم ايه الاعضاء الكرام زوار المدونة
ما هو الشي الذي يهمك لو عرفت ان الشخصية الفلاني ابن فلان او علان او انه الشخص الفلاني
ما هو الذي سوف تستفيد منه
وما هو الشي الذي سوف تجنيه


عزيزي الذي تحسب اني اعنيك لكني لاعنيك بالموضوع لانه الموضوع لكل الشخصيات التي اختفت
والله الشاهد اني اعزك معزة الله العالم فيها والله الشاهد اني ما شفت منك الا كل خير ومحبة
وما شال بقلبي الا كل معزة لك لانك جدير بها



كلامات كانت مكبوته في قلبي
اكتبها لكل من اعز في هذا المنتدى
والسموحة على صراحتي


وعودة الي شخصية شيبه محتشر من جديد
:shebah:

 

[شيبه محتشر]

السلام عليكم ورحمة الله وبركاته


خلصت السوالف والذكريات القديمة
وبحاول اجدد بالجديد من حيث اتى

لمهم هاليومين شايف خميس والله عنها وزعلانه وبعيده عن اختها
فحبيت اسألها
بابا شوفيك
قالت لي فطوم تكلم انيس وما تكلمني
ليش
لانه نحن درنا بحصه العلوم مكانهم وابله قالت لهم يرجعون ورا
قلت لها زين يمكن مو زعلانه
قالت بلا زعلانه حتى اسال انيس
لمهم قلت لها ولا يهمك انا بخبر ابوها وبشوف شو السالفة
وطبعا ابو فطوم ربيعتي
وبصراحة اكثر انا لما تتصل فطوم البيت تيلس تقرقع وتسولف وياااي لين ما افتن عليها واقول لها سكتي وسكري التيلفون والا ما تسكر
مرة قالت لي انت احسن من بابا :ml7:
قلت لها زين جان ما اخبر ابوك
لمهم انيس وخميس وفطوم ربع بالمدرسة من يردون من المدرسة للمغرب وهم يقرقعون بالتيلفون اونه يحلون الواجبات مع بعض
لمهم كلمة ابوها
ليوم الثاني يايتني خميس فاجه حلجه وبينطر من الوناسه
قلت لها شو فيك
قالت لي فطوم كلمتني وعطتني رسالة
انا استغربت
وما صدقتها الا لما شفت بعيني
تعالوا شوفوا الرسايل بين البنيات الصغارية
عاد لي ما يفج الخط لا ييلس يعقد فيني
هم راووني رسايل البنات
عاد رسايل بناتي مادري فيهم شو يكتبون

لمهم تعالوا شوفوا

احلفي بس انت
اكيد بتفتح الصفحة ما بتطرها

حاولت احل المعادلة ماعرفت
لي اعرفه
واحد زايد ثنين يساوي ثلاثة
وما توقع
واحد زايد خمسة يساوي ثلاثة

صراااااحة سبب مقنع :
يعني اذا ماتييب لك هدايا مو ربيعتك

مادري منو قالها عيد الاضحى
اكيد حد حج من اهلها

هذي رسالة الاعتذار مال فطوم
يا ويلي انا على التعبير
:^^:

اصلا هي تنافس انيشتاين بالمعادلات

وهذي شكل الرسالة وتعديلها وتزيينها


مع تحيات يوميات انيس وخميس

:shebah:

 

[شيبه محتشر]

السلام عليكم ورحمة الله وبركاته

فضفضه في وقت فاضي

مرات كثيرة اسال نفسي
ليش ما اكون مثل ما يبوني الناس ان اكون
ليش لما ما يعجبني شي انسحب بدون لا اصلح المشلكة او ابين موقفي
ليش اسوي عمري مسئول عن تصرفات غيري مع انه كل شخص حر بتصرفاته
مرات لما يعز عليك شخص تتمنى يكون هو الشمعه في البيت المظلم
بس تجري الرياح بما لا تشتهي طباعي


احاول بوقات كثيرة اني اكون مو انا بتصرفاتي وما اقدر
اتقمصت شخصيه غير شخصيتي وشفت اني وصلت لمرحلة الانفصام في التعامل مع الناس
شخصية الانسان تولد معه ويكسب طباعها من المحيط الذي يتعامل معه
نعم شخصيه غريبة وعجيبة وقد تلقيت كثير من الانتقادات عليها
ولكني انا انا

اقدم اعتذاري للذين اساؤا فهمي
بكلمة او بحرف او بمعنى او بمغزى او باسلوب

يا كثر ما احاسب نفسي بمثل هالمواقف والومها
وقولها ليش
بس بعد ما تتوب
بظل انا مثل ما انا
والحمدلله على كل حال
بس من قلبي اتمنى انه محد شايل بخاطره مني
بأي زله زليتها واي موقف صار بيني وبينه
وانه يسامحني فيها مثل ما انا مسامح كل شخص عرفته هني ولا شايل بقلي الا كل معزة واحترام وتقديره له
كائن من كان

 

[شيبه محتشر]

السلام عليكم ورحمة الله وبركاته

يا كم اعشق
هذا المكان
وهذا التوقيت
وهذا الجو
وهذه السيارة
وهذه القعده
على شرط







































اني اكون وحدي ولا ييني ياهل يشخط ويلات
ولاتطوفي لي كل حين سيارة وتضرب هرن تيت
يعني مد يدك وسلم هو رايح وهو راد
ولا ييني واااحد من الربع ويسألني السؤال البايخ لي هو
شو يالس تسوي


:3jeb:

 

[شيبه محتشر]

السلام عليكم ورحمة الله وبركاته


ما اجمل ان تكون بينك وبين اخوتك غمامة


فيتدخل بعض الاخوة لازالتها

فتزول بإذن الله

:rose:


فما اجملها من اخوة


عسى الله يديمها

 

[شيبه محتشر]

السلام عليكم ورحمة الله وبركاته


محادثة بيني وبين بنيتي

:msgplusimg1434pm9:

 

[شيبه محتشر]

السلام عليكم ورحمة الله وبركاته

يا كثر ما احب هالمكان
تحس انك في مكان غير من العالم
مكان سبحان من حبب الينا زيارتها
لما تصير له تقول كأنك طالع متسبح ونظيف
مصداق لقول حبيبنا ورسولنا لكريم صلى الله عليه وسلم
العمرة الي العمرة كفارة لما بينهما

اترككم مع الصور لي اتوقع تفتح نفس اي شخص ينظر لها

دايم سؤال يراودني بحياتي
ليش لما ندخل فندق نشوووفه انظف واحلى مكان واحلى من اي بيت دخلناه
بس من نحط فيه ريلنا يصير
جي

اخر يوم كنا في بجده دخلنا نصلي العصر
يعيبنا لما اشوف الشياب بأول السطر تطالع بويوهم البركة

وبعد الصلاة كنا نييلس باخر المسيد نسمع للمطوع القران
كل هالامور كانت تصير عندنا واختفت
محلاااها من ايااااام
راحت ومضت والله يعيدها

للي ما جرب مطعم ريدان
لا يفوته يسأل عنه وخااااصه لي يحب العيوش

معلم من معالم جده

وطبعا لي يروح السعودية شو ييب هديه من هنااااااك
غير السسسسسسسسح

وما شاء الله شوفوا حجم هالسحه

موقف باااايخ يدل على دفاااااشتي مادري هل كان موقفي صح والا لا


بعد يومين نزلت مجمع الابراج رحت ادور ماكينة صرف حتى اسحب فلوس
هناك يمكن عشر مكاين صرف لمهم شفت بنت مع خواتها الصغارية تسأل شخص كان يسحب وراااح عنها
لمهم انا ما اهتميت للموقف ورحت ماكينه ثانية اسحب
جربت ماكينة الراجحي ما رضت تسحب رحت لبنك الانماء ما رضت تسحب رحت للرياض بعد ما رضت تسحب
ما سمعت الا البنت تسألني اخوي انا ابا اسحب وما راضيه الماكينة تعطيني
قلتها انا بعد اجرب وما راضية تعطيني
لمهم اتصلت على البنك قلت لهم شو السالفة
قالوا انه نظام المصرف المركزي ما يشتغل مع النظام السعودي وفيه عطل
لمهم قلت لها انت كم كنت تبين تسحبي
قالت الف
لمهم طلعت الف وعطيتها
الا تطالعني بعين قالت لي انا ما يايه اطلب
قلت لها ولا انا ياي اعطيك
البطاقة عندك والماكينة ما تسحب وانت ما سألتي الا لحاجه
قالت لا ما باخذ
قلت لها وانا اقول دامها طلعت من جيبي ما بترد
قالت لا ما باخذ
قلت لها بتاخذين وراسك فوق ريلك
بققت عيونها
قالت لا ما باخذ
لمهم قلت بعطيها لاختها الصغيره
وهي تقول لها لا تاخذين
قلت لها
انت تعرفيني
قالت لا
قلت لها انا اعرفك
قالت لا
قلت لها خلاص انت من تاخذي الفلوس انا بغوص بزحمة الناس وانت بتغوصي بزحمة الناس
وكل منا بيختفي وانتهى الموضوع
قالت لا ما بأخذ
طبعا اتيمعوا الناس
وهي انحرجت وانا لوووووح
قالت بيون رجال الامر بالمعروف
قلت لها خل يسجنوني وبنسجن من ورااااااك
قالت لا تحرجني
قلت لها ما بحرجك خذي وخلني واروح ولا تلوعي جبدي
لمهم كثرواا الناس يبون يعرفون شو السالفة
فلما شافت الموضوع ما بينتهي الا لما تاخذ
اخذتها
ومن اخذتها سويت للخلف دووور ورحت


ومادري رديت اعاتب نفسي هل لي سويته صح والا غلط

اعتذر عن موقفي
بس عااااده البنت مهما كانت تكسر الخاطر
ولو ما كانت محتاجه بهالموقف ما سألت
بس لما كلمت اختي بالموضوع
قالت احرجت البنت
قلت لها شسوي فيها
انت اختي وتعرفين كيف تصرفاتي
ولو كنت وياااي بهاك الوقت كنت حليتي لي المشكلة

:ta'7:

 

[شيبه محتشر]

السلام عليكم ورحمة الله وبركاته


ما توقعت انه اللوم بيكون علي بهالطريقة

انا روحي الوم عمري وخاصه لما يلست اتكلم ويا اختي

بهالموضوع

شفت اغلبكم متبع كلامها

الحمدلله على كل حال

بس سؤال لكل شخص

لو سافرت بمكان لبلد من بلدان العالم وفي يوم صار لك موقف محرج او احتجت شئ وكانوا ناس حواليك من مختلف الجنسيات

يا ترى لمن بتلجأ

ما اقول اني ما غلطت باسلوب تعاملي

لانه كان الموضوع بينتهي لو قبلت الموقف وراحت

وكل منا بيختفي في شدة الزحام

فمعنى الاحراج لابيكون لها ولا لي

انما سوء الحوار او التخاطب يمكن هو لي خلاني اراجع نفسي

لاني تكلمت بالطيب فما نفع

فغير العين الحمرا ما عندي

ماقدر اعتذر لها بس اتمنى انها تتفهم موقفي

فكلنا عيال بلاد وحدة

والله عطانا شيخ يده مفتوحه للبعيد قبل القريب فكيف ما تبون نكون مثله

الله يرحمك يا زايد

ويحفظك يا خليفه

:ta'7:

 

[شيبه محتشر]

السلام عليكم ورحمة الله وبركاته

دار على بالي هالسؤال
لحين تقريبا هالمنتدى من اكثر من عشر سنين


يعني لو توه متخرج لحين صار موظف قديم وعرس وعنده ولد او بنت عمرهم ثلاث او اربع سنين

ولي كان معرس عياله كملوا فوق العشششر سنين هذا اذا ماكان معرس قبل :yaw:

وعاااد غيري يمكن صار جد
ويا ويله اذا عياله عرفوا سواد ويهه وانه كان يتضارب هني ويا الاعضاء

اما

البنات

لي كانت بالثانوية
اكيد تخرجت وتوظفت وعرست وصارت ماما

اما
المعرسااات :yaw: قريما

حالكم كسسسيفه

يوووه حبووووه شخباركن


:firs1::firs1::firs1:

 

[شيبه محتشر]

نسيت كيف يحملون الصور




:ta'7:
wahhwahhwahh