يا وزايه يوم انا وحيدي جاتم الحسرات واهاتي
في ديار الغرب وابعيدي عن حبيب زاد ليعاتي
ان صبرت الصبر بي يزيدي هم وهموم وشداتي
كم بذكر وكم باحيدي وكم بجتم نار حسراتي
من وزا فرقاك يا سيدي سيدي ضاقت بي اوقاتي
لي ضواني الليل ما ريدي ساهرواعد ساعاتي
نور عيني وانته لي سيدي سيدي بأيديك غاياتي
وقت شوفك عنديه عيدي ليت ذاك اليوم لي ياتي
لك عليه نذر وجيدي جان عاد الوقت الي فاتي
بوهبك ما تملك الايدي والعمر والروح مع ذاتي
لك انا مملوك واسعيدي في هواكم شفت راحاتي
خاضع وانتو موافيدي انتو ذوقي وانته لذاتي
اختم ابياتي ولك انشيدي ولك من الخاطر تحياتي
لقيت الدار من بعـد الحبايـب خليه باكيـه وبهـا عجايـب
وقفت ابها وانا حيـران ساعـه ودمع العين من موقي صبايـب
الايـــادار بالله خبـريـنـي عن المحبوب قولي وين غايـب
تقول الدار عقبـك غادرونـي وخلونـي لعيـات الهبـايـب
وسافر من تـود وحـال دونـه بحر وبرور واخطار ومصايب
رجعت بحسرتي وهموم صدري وتقلاني مـن العبـره لهايـب
وهاناقد بليـت بـذى المصيبـه مصيبة حب والدنيـا مصايـب
ونا من قبل لاجي كان ظنـي على هذا وظني كـان صايـب
الايالله لاتقطـع رجـا اللـي يسألك عن رجوع محب غايـب
عسى المحبوب يرجع بالسلامه بحفظ منك ماتصيبـه نوايـب
محبا مالكـا عقلـي وروحـي وفي حبه رخيص العمر ذايـب
يحلي بلؤلؤ البحريـن صـدره وحنى العين حطه في الروايب
عسى كل عام ياديـرة حبيبـي عليك يصب هطـال السحايـب
لقيت الدار من بعـد الحبايـبخليـه باكيـه وبهـا عجايـب
بغيت أيام محسوبه حســــــايب ** ألوف ديار فيها القلب ذايــــــــب
لعل أشوف طيف ٍ من حبيبــــي ** وأناظر وجه عني صار غايــــب
وأكــــحـــــل بالمراتع مقـلـتـلي ** وأبرد نفس صابتها لهايــــــــــب
يسافر في دروب الحب فــكري ** يعيد أيام ذكراها حصايــــــــــــب
يردد وين يا ديرة صبانــــــــــــا ** زمان الود وأيام ٍ أطايـــــــــــــب
تقول الدار لا تبكي بحســـــــره ** صروف الدهر فيها من الغرايب
تجلد بالصبر ع الهجر مــــــره ** ومره خل دمعاتك صبــــــــــــايب
عسى الأيام تجمع شمـل حبك ** عساه يعود لك من كان غايـــــب
هـود يا اهــــل الباب لمبــــوب يوم تـــــم الوعــــد جيناكـــم
يروا ارشاكــم مــــن امهــــذب واسقـوا العـــطشان مـــن ماكـــم
في هـــواكم قــــلبه امعــــذب مـــن ثلاث اســـــنين يقفاكـــم
الصــــبح ما طـــاع يتقــــرب والليــــالي سرمـــــد ابلاكـــم
ذا نجــــــم بـازغ وذا اغــــرب ولا يانــي النــــــوم لي ياكـــم
إن رضـــيتوا الناس لــو تغضـــب غضبهم ما ايهم مـــع ارضاكـــــم
اســتحب الذكــــركم واطــــرب لو عــذول يــــاب طرواكـــــم
إن تغــــــتربـتوا انا اتغــــرب وان بقــــيتوا باقــي اوياكـــــم
شدو العربان بالكلي و اتركو للروح ولهانه
ما درو وش بالحشا حلي مالفراق و حر نيرانه
مستليح و حالي يعتلي و الحشا شبت به احزانه
دمع عيني سال و انهلي يوم قفت عني اضعانه
ويل من هو عقبهم خلي ضايع عقله و برهانه
و ابعدو بالغالي الخلي و اجبروه بهجر خلانه
بو يديلن طيبه يعلي ينشرى لو غليت اثمانه
يسكرك من ريحة الفلي لي ظهر و الكوس طلابه
ماخذ من الزين و مخلي كمله عن كل نقصانه
اطرب لشوفه ولا ملي و ارخص الغالي على شانه
هو شفاي و شمسي و ظلي راضي في حكم سلطانه
يعل يرجع لي مود لي ما تخلف الناس ميزانه
وين بلقى عقبكم سلي يا شبيه الريم فاخوانه
احتفظ بالود يا خلي لا تهدم لي رص بنيانه
جرح المحبة ما تعافى من النــو الحب ضامي والمشاعر تروي
وجدي على شدوا وشوقي على يو وهاجس يصدرني وهاجس يضوي
تلاقوا الأحباب مابينهم ضــو ضو الوله وأنا بجسمي تكوي
بعد التغلي ماصفى في الولع جو نسيت في جـــو المحبة هدوي
العاصفة لابد من قبلها دو واذا انتشت من كل جانب تدوي
حد الهجر أرهف من الموس والنو يقطع حبال الود وانته تلوي
لاصرت قربي كيف ماتشتهي ســو تحلى بك الأرصاف وأخبار جوي
ع كيفي أدمح زلتك وأحشمك أو أحيا بحبك وإبتعادك عدوي
والله ماشيدت حلمي على لــو أخشى أنا في يوم أكسر علوي
كفن على البارد وكفن على الضــو أيمع كفوفي أبرك ما أسوي
جرح المحبة ما تعافى من النو الحب ضامي والمشاعر تروي
وجدي على شدوا وشوقي على يــو وهاجس يصدرني وهاجس يضوي