خــــــيــــــانــــــــه

[منصلاوي وبــــس]

لا ردك الله لا ولا اطلب تردين =ادعي عليك بعثرة فـي صلاتـي
عثره تشلك ما بعدها تقوميـن =يا قاتلتني يوم صرتي حياتــي
خدان لك بالقلب كانت بساتين =وريضان وغصونا بها يانعاتـي
كنتي مناة القلب والروح والعين=واليوم عينك يعلها ما تباتـــي
كنت أحسبك للعهد والحب توفين =قلتي الغدر بالحب ماهي بسواتي
وحلفتي يمين الله ما منك اثنتين =وانك ملاك دون كل البناتـــي
وانك على عهد المودة تسيرين =ولا تسمعين أهل الحسد والوشاتي
وصار اليمين ستار خلفه توارين =ورماح غدرك بالخفا مشرعاتـي
وبان الغدر سم جرى بالشرايين =الله عسى يسقيك سم الفعاتـــي
كلي سقيتك حب واليوم تنسيـن =تقولين حلم ايام واليوم فاتـــي
خذتي الهوى لعبه على ما تحبين =لين عصفت بالهوى عاصفاتـي
من زينك يا بنت بالشعر تزيين =من صورك بابياته الطايلاتــي
انامن غرامي قلت كانك تذكرين =قلت الخجل صاب البدرمن مناتي
وصرتي بشعري في العذاري تباهين =تقولين اناشمس العصر في حلاتي
زينتك بشعري ولا غربك الزين =ما زانتك صبقات حمر الشفاتــي
صورتك بالشعر حزام ورياحين =واثرك هضاب وشوك ما به هداتي
رسمتك سحابه خير قطر تنفين =فزت لك الصحراء زهور ونباتـي
رسمتك مهاه للجميله تقودين =واثرك قطيعه وضيعتها الرعاتي
واثرك غراب يوم سدل الجناحين =كنت احسب اني شايف لي قطاتي
بالشعر غليتك على كل غاليين =واثرك دنيه وتعشقين الدناتــي
وبالشعر عاتبتك عتاب المحبين =انا من يسوم الروح لك يا غناتي
توسلت لك خايف على حب عامين =عامين لكن في حسابي مئاتــي
ناديت لكن لي ابد ما تسمعين =عمري وروحي فكري في ثباتي
حذراك للشينات عمري تماشين =عديمات اصل اخلاقهن دانياتي
غاب الولي عنهن ولعبن بحبلين =يا خس واليهن وخس الولاتي
ما همهن في الناس زين ولا شين =وقلوبهن من حقدهن مظلماتي
وقلتي وربك لو يكونا ملايين =ما غيرن بالطباعهن من سماتي
تحسبين انك بالمهافه ترقين =كيف الصعود يكون للهاوياتي
وخنتي وبعتي كل عهد وايامين =ما عاد يفرق بين ماضي واتي
وصرتي مثل غيرك برخص تبيعين =يا مرخصتني ما بقى لك غلاتي
صبري نفذ واليوم ثارت براكين =مظلوم انا وباكر تحل ادعواتي
سمعي عسى من بعدها ما تسمعين =سمعي دعا من صار قلبه حصاتي
ادعي عسى من ناضرك ما تشوفين =وتطحن بك الايام طحن الرحاتي
وعساك عوق منه ما عاد تبرين =عوق تشافق له قلوب العداتي
ويالله عسى يحتار فيك المداوين =تبين الممات ولا يجيك المماتي
ويالله عسى كف الندامه تعضين =تندمين يوم انه يفوت الفواتي
وتبكين دم يسيل من مقلة العين =وتحتار امك عن عناك وتحاتي
عسى ما تلاقي من له القلب تهدين =وان هو حصل ادعي عساك الشتاتي
يا بلوة اللي وسط بيته تعيشين =ساهي وحوله شب جمر الغضاتي
عسى بعمرك ساعه ما تهنين =وتمضي حياتك بين هم وشقاتي
يا بنت قلبي وين مثله تلاقين =قلبا عطاك الحب ما قال هاتي
جيتك وروحي شلتها لك بكفين =وفي التاليه رمح الخيانه جزاتي
يالله عساك النار يا أم وجهين =كله انكشف لا ما تفيد العباتي
ويالله عسى تلبسك جن وشياطين =وتكونين مدعاة الحكي والشماتي
يا حية رقطا تقود الثعابين =باكر تحن ايامك المعتماتي
وباكر على فعلك بمثله تجازين =ظلم المشاعر ما تحكمه قضاتي
بيني وبينك تحكم ايام وسنين =وانا شاهدي قلبا من الغدر ماتي
ويا دمعة التمساح لالا تذرفين =العيون رغم ادموعها كاذباتي
لا ما عرفتي الحب لا ما تحسين =وغدرك تعدى غدر ذيب الفلاتي
الذيب يعوي قبل يغدر بمسكين =وانتي غدرتي خافقي في سباتي
لو كان غدرك في كفوف الموازين =لكان رجح كل غدر البناتي
انتي السبب سقتي على القلب جرحين =غدر الغرام وموجع الذكرياتي
وانتي السبب واليوم لالا تلومين =وان جاك باكر شوفي اشلون يأتي
والله لاكتب وافضحك في دواوين =وارقص واغني يوم خبر الوفاتي
وارسم لاهل العشق قلبا وسهمين =وقصة خيانه ما روتها الرواتي
ويمين لانشر فوق اسمك عناوين =واشهرك من قاصي اليمن للفراتي
ومن غرب هالدنيا الى قاصي الصين =ديوان غدر فيه كل اللغاتي
والبادي اظلم سنة العين بالعين =ولا فذي لا عادتي ولا صفاتي
ويا شبه انسانه برأس ورجلين =اعوذ بالرحمن منك بصلاتي



كلمات الشاعر: محمد بو رحيمة
[waver]http://www.alamuae.com/alam/m-bor7imh/alam.ram[/waver]

​

 

[بنت صعبه]

رد : خــــــيــــــانــــــــه

اخوي منصلاوي وبس ..


تسلم على اختيار ك للقصيده


كلماتها قويه


الا تحمل معانيها بداخلها


تسلم ايده بو رحيمه



وانا ارد على هالقصيده بهذي الابيات

وش يفيد العذر من بعدالخطيـه..

بعد ماصدقت بي هـرج النمايم..

العذر مرفوض .. والغلطه قويـه..

والخطأ ماهو خطأ لاصار دايم

تعتذر وتقـول زعلانـن عليه ..

وللجفاء ياصاحبي بانت علايم ..

أسألـك بالله وش سويـت بيه ..

ليه تلحـق حبنـا ذل وظلايم..

مخلصٍ لك وأنت ناوينـي بنيه..

نيـةٍ خلـت محبتنـا قسـايـم

حسبك الله كل هذا البغـض ليـه

أو محبة منتخب حسب القوايم

الزمـن دوار .. والدنيـا رديه

وأنت فيها بين مخطي وبين لايم

أسمعيني .. دام صارت سرمديه

ووصلّت مابيننـا حـد الشتايم

الخيانـه بيّنـت ميـه .. بميـه

وعندكن مثل التسوق والعزايم

الزمن ملحـوق والغايـه مديه

والفطيسه صيدته طير الحوايم

مايضّحك (ياعرب) شـر البليه

ممتلي هالكون بأمـورً عظايم

عز نفسي غايتي والروح حيه

رافع راسي ولا ارضى بالهزايم

والعذر مرفوض من بعد الخطيه

بعد ماصدقت بي ( هرج النمايم )


واسفه للاطاله


تحياتي لشخصك