-- دوا قلبـي ,,

[قلب العاصمـﮧ]

العاصمه مدوخه اليوم وتشوف الشي الواحد 5 اشياااا

بسم الله عليج ,, شو بلاااج ؟ ههههه

الحين هالميااو اللي فوق اشوفه 5 مياوات واااااااااااء

مب على بعضـك !

انزين

حبيت اعطيكم موقع فوتو فونيا Photo Funia وايد حلو ويحط تأثيرات خياليه على اي صوره تبغونها

http://www.photofunia.com/

Enjoy!

تجربتي



مياو بيغمى عليييه

/

 

[قلب العاصمـﮧ]

وايد احداث وخزعبلات مرت عليــّه خلال الـ 10 ايام اللي طافت

الحمدلله على كل شي

اليوم ظحجت من الخااطر لين طاحن دميعاتي اربع اربع والويه احترق هههههه ,,

حشا محد يعرف يجطع جيييييييييج (كيك)؟ وحليلها اللوز يابت 3 جيجات

والعاصمه تحب تسوي اجشناات ونشت الشيخه اتقص الجيج وبهدلت الدنياا جنها ياسه تذبح ديناصووور كااااااااك

مب انا مايخصني ,, كللله من اللووز هههههه

/

البارحه حششت ههههه ,, طرشوني المول اييب نظارة اختي كانت مجســوره ,,
سرت وخذت النظاره اول شي واهم شي,, وكنت ماسكتنها بايدي وسرت اخذ كمن غرض ع السريع وخذت جيمره يديده وجذه

وجااان شووووووووه

جان ارد البيت بدون النظاره (ويهـ زايغ) ههههههه

مادري وين عقيتها هههه

رديت البيت ناقعه ظحك وتسالني ها وينها يله بتبدا اجازتي وابا اشوف فيها التلفزيوون

ونا اويلي ويلااااااه,, خلاص راحت علييييج,, كركركركر

/

قالولي ف التقييم ,, شكلج وايد اتحبين الجطااااااو ههههه

بس بجاوب وبقول / ماحبهم وايد وماعندي جطاو ,, بس احب صوتهم ,, واشكالهم


ميااااااااااااااااااو


سربرايزووووووون

 

[قلب العاصمـﮧ]

البارحه شفت ربيعتي شميمه من عقب سنتيين تقريباً
وقبل اسبوع شفت ربيعتي مريوم من عقب 7 سنوااات

وااه ماتخيل
محد فيهن اتغيــر سبحان الله ,, واايد استانست واسترجعت ذجريات حـلــوه ,, الله يخليجم صدييقاتي (HUG)

/

فديت مياوتي ,, وديتها الدختر وفحصوها وطلعوها سليمـه الحمدلله ,, اهم شي انها اتعالجت من التشمييخ و التشحيييف

كركركركر

/

وجان ارسمج يا احلى مياااااااااااو




حلــــوه صــح؟ هههه

بس فور شوور ف الطبييعه انتي احلاااا يالسوووده هههه

ميــاااااااااو

 

[قلب العاصمـﮧ]

لاحّــد يجلمنــــــــــــي

لا تجلمونــــيييييييييييي

صدق صدق مابغيييي,, وكل ما اذجــر الموقف قلبي دبوف دبوف وابا اصيـــــــــح

مجتول هذا؟

بـ نفس هالشكل شفتها مجتووله بحادث شنيع وعنيف ! وااه واويلي اواااه

منظــر يقطّــع القلب قسم بالله

واللي مب قادره انسااه بعد

صوت صياح امها عليها

والله لو تسمعون بتقولون سبحان ربنا الخالق العظيم ,, احساس ورحمه وحنان حتى ف الحيوان

والله للحين اتخيل الموقف ومب رايمه استوعب

شافتها وهي تموت جدامها وتمت اتعاوي,, وشلتها بحلجها ويابتها فوق الرصيف بعيد عن الشارع ! سبحانك يارب

سمعتها تعااوي بصوت غريب وصياااح وصريييخ ميااااااااااااااااو وااااااااااااااااو

قلت بسم الله شو فيييها شو صاابها ,, ماحيد القطاوه يظاربون جيه وبهالصوت؟

شوي واشوف ميمي داشه البيت تركض ويت عندي تقولي القطوه النونو السوده ماااااااااااااااااااااتت

قلبـــي طــااااااااااااااااح

تحيدون الاربع البيبيات اللي صورتهم ف حوشنا؟ ,, موجودين ف الصفحه الاولى

اختفوا 2 وقالولي ماتوا بحادث بعد! ,, وتموا 2 ووحده فيهم هالسوده اللي ماتت

قريت انه ما يترحمون ع الحيوانات ,, الله يعوضج يالام ولا يزعل قلبج ,, وايــد أثر فيه هالموقف بصراحه ,, جلـّـه ولا الجـــطاو

والمشجله شو بعد ,, هالام كله خاشه عيالها وماكانت اتطلعهم مول الا حزة الاكلو لين يوم كبــروا ,, واخرتها جتلوا 3 وبقت وحده =( مابغي

مش حرام؟

كل شي بايد الله ,, والحمدلله اني انا ما دعمت ولا وحده فيهم وان شالله ما ادعم

وقررت اشل توجيعي المياو المجتول ! احسه منحوس واااااااء

ميــاو واااااااااااااااء

 

[قلب العاصمـﮧ]

وييييييييييييينج قلب العاصمه؟





ما نسيناكم

 

[قلب العاصمـﮧ]

ولجم باااج ههههه

سلامن عليجم ورحمة الله وبركاته

عزيزتي صفحتي

وينج ما تسألين عن جلامي واحداثي

غبرتي مثلن؟

كركركركر

قلب العاصمه تسلم عليجم وتبارج لكم بحلول رمضان المبارك وبعد تبارج لكم بالعيد عسى الله يعودهم علينا وعليكو بصحه وسلامه ووناسه

مرت ايام جثيره وسريعه واستوت فعاليات وبسجويتات أجثــر

اسمحولنا ع الجصوور والقطااعه

تمر البرزه واعضاءها الطيبين على البااال جثيراً

ان شالله ما نكون مزعلين حد او مظايجين بحد

تمنياتي لكم من الله التوفيج والسداد وطولة العمر وبر الوالديين والدعااء الجثير والتوبه وعمل الخيرات في هالشهر

الله يثبتنا ويثبت قلوبنا على دينه , والحمد لله الذي هدانا للاسلام والايمان وما كنا لنهدتي لولا ان هدانا الله !

يعرف كل واحد منا تاريخ ميلاده بس مايعرف تاريخ وفاته

ربي احسن خاتمتي وخاتمة والداي وربعي وهل البرزه يارب

الله يتقبل منكم يميع اعمالكم الصالحه ويوفجكم للي يحبه ويرضاه

غبت فتره وان شالله ما نقصر اذا الله احيانا

فمان الله


ميــااو

 

[قلب العاصمـﮧ]

مرااحب


اليوم ميلاد وريه اخر العنجود فديتج انا 29-09-2010

27-09-2010 يابعدهم جلللهم ,, لوزانه تايم

العاصمه مريظتون من أول ايام العيد لين اليوم 20 - شوال
يعني 20 يوم وهي تكح وتوعوع
عنبووووووووووووه

الله يشفيني ويشفي جميع مرظانا ومرظى المسلمين

/

خاطري ف كمن شي هالفتره
1- يارب باباتي يتعافى ومايتويع ,, يعل الويع فيّه انا فديت روحه
2- اصوم الست من شوال ان شالله ,, كصيام الدهر كله ,,
3- تعرس لولوووتي يارب وافرح بها
4- اجتل الزعفرانه قطوة قوم لوزاني ,, الخايسه مسببه مرض وحساسيه وسد الخشم وتكسير وغياب يومين وحاله صعيبه للآنسه لوزانه ,,
5- ادور برنامج الجماهير لمباراة الوحده والعين
6- ما انام العصر واعيش حياه طبيعيه
7- اصيح كمن ويل ف خاطري بقطوتي السوده
8- امشي 40 دقيقه كل يوم ف حوش بيتنا
9- اطلع بجتسكي حمود كما وعدني
10- افتح بزنس خاص استانس عليه
11- أررررررررر




نياااو

/

 

[قلب العاصمـﮧ]

مراحب

أشجـر جميــع متابعي مدونتي واللي دعـوا وتواصلوا ,, يعطيكم العاافيه

طبقت شوي واتحققت اشيا من امنياتي اللي ذكرتها ف الرد السابق ,,

صديقتي ماشالله عليها دايم تفيدني بمعلومات يديده واجسلوسف ع قولتهم حصريه لخبرتها القويه في مجالات الحياااه < حلجج

3-7/10/2010 ,, حاليا هي في جورس (كورس) في دبي وموعد عند دجتور يعالج بالطب الحيوي مادري شو يسمونه بالرنين الحيوي

ذكرلها الدجتور انّه سوى ريسيرج عن الماي اللي نشربه ويشوف مكوناته وهل هي مؤثرة على الصحة أم لا,, سوى اختبارات هني وفي الخارج
وانصعق بالنتايج ,, ان المااي اللي ف غرشنا طلع مش صحي ابداً !
فيه نسبة مواد مسرطنه تقريباً 10%
والماي اللي في الدول الاوروبيه نسبة المواد هاي فيها 0.08%
وفي السعودية أخس بعد فوق الـ 50% ! يالله برحمتك

أمراض هالزمن في ازدياد وكلها بسبب التغذية الخاطئة والمواد الجيماويه والمسرطنه اللي حولنا مما ينتج عن ازدياد عدد الوفيات ,,
الله يعافينا ويعافيكو

محد اهتم لبحث هذا الدجتور كما هو يقول ومظايق من هالشي عل وعسى حد يسمع ويسوون شي في غرش المياه عندنا


حبيت اذجر المعلومه هني عشان ارجعلها كل ما مريت في صفحتي

الله يعافينا ويعافيكم يارب من الامراض وانتبهوا لصحتكم زين ,, لان الصحه من اثمن الاشيا في الدنياا


نيااو

 

[قلب العاصمـﮧ]

حبيت احطلكم الاوبريت البسجويتي الرائع من انتاج قناة سما دبي

[mark=#FF3300]"وطني إماراتي"[/mark]

جلمات / الشيخ حمدان بن محمد بن راشد ال مجتوم (فزاع)
انشاد / الشيخ مشاري العفاسي


حاطينها كـ مقاطع لان الاوبريت حجمه كبير ومحتواه كبير

اوبريت وطني اماراتي "مشاري العفاسي" (قبل البداية)
http://www.youtube.com/watch?v=N-1WUG4sdpg

اوبريت وطني اماراتي "مشاري العفاسي" (البداية ليوا)
http://www.youtube.com/watch?v=tzArLKsZqfE&feature=related

اوبريت وطني اماراتي "فزاع + مشاري العفاسي" (الشيخ زايد و الشيخ راشد) طيب الله ثراهم
http://www.youtube.com/watch?v=ftT8AyESCT4&feature=related

اوبريت وطني اماراتي "فزاع + مشاري العفاسي" (الشيخ خليفة والشيخ محمد بن راشد) الله يحفظهم
http://www.youtube.com/watch?v=Fi33eoIvPoA&feature=related

اوبريت وطني اماراتي "فزاع + مشاري العفاسي" (بو خالد) الله يحفظه
http://www.youtube.com/watch?v=VcC9YW68LFg


Enjoooooooooy!

 

[قلب العاصمـﮧ]

10-10-2010


تاريخ طــــــــــــرررررررررررررْ

توه دخلنا هاليووووووم وحبيت اسجلهـ مواهاهاها