ɱẏ Ṑώѝ ῴṓƦḺԀ

[رآعي العوآيد]

مسـاكم الله بـالخير ..

عندي لكم صورتين من تصوير الفون خذتهم البارحه عقب السيول ^^








والله اشوف تصوير الفون بعده ينشد فيه الظهر ^.^

ع العموم انا بنهي اقرا لي كلمتين وعقب بزهب اغراضي

وبنهي عيمان -.-" . .



اشوفكم على خير ان شاء الله

^_^

 

[رآعي العوآيد]

 

[رآعي العوآيد]

الحمدلله على كل حال

مساكم الله بالخير ..


اليوم عرس ف بلادنا .. وانا بعيد عن عرسهم
إللي يتصل بي اقله بعدني ما كملت 21 سنه خخ ^^
مال انتخابات مجلس الشورى ..
وإللي يدري اني بروحي مابا ارشح حد . . يدعي علي خخخ يقول اضييع عليناا -.-"

واحين اطرش لـ ربعي اتزهبوا بننهي عيمان عقب صلاة العشاء
يقولون اصبر لين تطلع نتايج الانتخابات .. وعقبها بنرووح
عقب النتايج ما اظمن مزاجهم يكون اوكي بيروحون معي حد مستانس وحد ضارب بوز خخخخ
الحمدلله اني محايد < نص نص بحزته شيلا محايد -.-"

احين عندي واجب , والدكتور ملزم علينا نكتبه بورقة a4 .. واذا يبناه بورقة غير
حتى لو الجواب صح 100 % .. بيرده لان الطالب ما يسمع الرمسه خخ
انا مخلصنه تقريباً .. باقي جزء بسيط وانتهي وعقبها بتزهب وبنهييي :\

ماخبرتكم عن الموتر وش سوا بي الاسبوع الماضي !
خلوني ساكت خخخ ^^ .. بس والله جو راك حماااس كان يوم الاثنين الماضي
ولا الثلاثاء ؟ ..ماذكر -_-" ..

احين بنهي ..
اشوفكم على خير ان شاء الله ^__^




\

خارج النـص :



::fafaf::

 

[رآعي العوآيد]

[align=right]اليوم الفجر متخبل ومتحمس للكام
كنت شاحن البطارية , يوم ركبتها بالكام
نقع لي لفلاشش احترق مادري شو استوى فيه
احين الكام ما تصور .. إلا اذا خليته ع وضعية بدون فلاش
وبـاجر امتحان واحسني مب فاهم لي درسته هاليومين
متلخبط شوي .. اتشاور اروح عيمان من احين
او انهي الوكيل بـ دبي واعطيهم كاميرتي
يصلحونها ويسون لها اب ديت ..
بـاجر امتحان .. بنهي اكمل مذاكره
كدرتني سالفة الكام وايد -_-"

وربنا كريم ..




خارج النص :



[/align]

 

[رآعي العوآيد]

مسـآكم ^^


اليوم 2 \ نوفمبـر ؟!

اليوم افتتحوا فـ خصب اللولو هايبر ماركت .. فـ حارة الكمازرة
يعني ع البحر .. امس قبل الافتتاح وانا واصل لبلاد نزلت ربيعي الكمزاري ف بيتهم
وشفت اني اقدر اقنصه بلقطه اتمنى تكون مثل ما اتمنى .. لكن الكام للأسف فـ التصليح
وبتخلص عقب 10 ايـام
ويقولون بعد اليوم ذكرى ميلاد ميود ولد خالتي ^^
وبعد ذكرى وفـاة الشيخ زآيـد رحمة الله عليه ..
وبعد وش مستوي في مثل هذا اليوم ؟!
ماذكر احيد كاتب فورقه ^^ ..

هيه اليوم وصلتني اول هديه مال يوم ميلادي خخ
مشترين لي سماعه كنت احلم فيها .. ^.^
رهيبه شفت مره واحد من لاعبين الكوره عنده شراتهاا ^^
هتفوون مادري شو يسمونها المهمم نحن نسميها سماعه
بـاجر ان شاء الله بصورها او يمكن اتريي كاميرتي لين تخلص وبصوره بـ66 طريقه ^^

وقرب العيد < اسميها الايـام تركض بسرعه ^^"
كل عام وانتم بخير مقدماً .. وعساكم من عواده
انـا من بـاجر يمكن تبـدا مشـاويري -_-

\

وبعد ..



لولا لبلاك بيري ما كنا عرفنا ان هالشي مستوي فـ مسقط اليوم @_@










يـالله عفوك ..




بالتلفزيون كانوا حاطين عرض مال يوم البحريه السلاطنيه مادري وش ..
والسيل يخبطهم .. خخخ .. احسسن عشان يحسوو عمرهم صدق بالبحر




وبس

عندي وايد حكي لكن اقدرلا احكي خخ ^^



تصبحون على خير


:flower:

 

[رآعي العوآيد]

صباحكم او مساكم


اليوم مزاجي حواطه , واذا ما حاوطت اليوم بيخترب مزاجي خخ
وعن اجازة العيد .. شكلها اجازة استعداد امتحانات المنتصف -.-"
عقب العيد إن شاء الله بتبدأ امتحاناتناا .. دعواتكم لنا
احس هالكورس ضغط امتحانات واجبات وبحوث كلها ورا بعض -.-"
والكورس الثاني احسه اطول < اكيد لانه ما فيه اجازات ^^


DP 4 BB




والله ولي التوفيق


ان جد جديد
بخبركم فيه بعدين ان الله راد


:yola:

 

[رآعي العوآيد]

[align=center]مساكم الله بـالخير
وطابت جمعتكم

^_^


\

طرشت ربيعي البـارحه عيمـان عسب يجييك ع الكـام
قـالوله الكام بيخلص عقب 10 ايـام < -____-"
انـا الغشيم امطرش واحد عصبي .. وما يتفاهم
اتصل بي يقلي : وش هالمحل الخمه لي تتعامل وياه , هنوود قليلي حيـاا
انـا قلت له : استهدي بالله ابوي .. وش مستوي ؟؟ *_*
يقول : اقل الهندي الكاميره خلصت ولا , يرد : اذا ما يريد تصليح ودي كاميره مال انته ..!

انا اظني ها ربيعي حاط ف باله انه بيروح هناك يستلم الكام
انـا قلت له بس جييك اذا مخلصينهاا ولا !

وانا ارمسه بالفون اسمعه يسأل الهندي : اذا تركب لمبة فلاش بتاخذ عليك 10 ايام
اذا قلت لك صلح الكام بأكملهاا كم بتاخذ .. 10 اسنين !؟؟

انا اقله خلاص خلاص ياخووي .. خله 10 و20 يووم بس لا تقلهم شي ولا يقولولك شي
وعقب ما ظهر من هناك .. تم يستسمح مني ويقول : الهندي نرفزني -_-"

ويقول بعد انه يمكن ايي وياي يوم استلم الكام شكله ناوي يكفخ الهندي ههه


\

برودكاست وصلني وايد :

ان يتأخر الفرح ..
لا يعني انه لن يـأتي !!

فـ صبرٌ جميل والله المستعان




خـارج النـص :

[/align]

 

[رآعي العوآيد]

انـا ما خبرتكم ان يدتي توفت -_-
ومن توفت الله يرحمها قطعت المدونه ما كتبت فيه خير شر
توفت 08-12-2011 ..ومن يومها قل تواجدي
عسى الله يرحمها ويرحم موتى المسلمين يا رب ..~




.
.


[align=center]يقولون بـاجر بيروحون رحله بحريه
اتمنى وارجو ويا ليت وكل شي < يكون اسمي مدروج بقائمة اللي بيروحون
من زمان وانا خاطري اروح البحر
واذا ما رحت معاهم . . بستلم كتبي وبقري لي كم كلمه -.-"
احب اخر ايام ف الكورس لكن ماحب الامتحانات خخ
ويمكن يمكن اليوم اخر يوم لي ف المنتدى وعقبها ما بدش
لين عقب الامتحانات .. اهم شي دعواتكم لنـا بالتوفيق



\ ..[/align]


[align=right]رآق لي :

إذا حار امرك في شيئين
ولم تدرك حيث [ الخطأ و الصواب
فـ خالف هواك فإن الهوى
يقود النفس إلى ما يعـاب ,

لـ الامام الشافعي :heart:[/align]

إليكم صورتي الشخصيه :

http://www.alshohooh-upload.com/up/uploads/images/albarzah-9b5f7c7bdd.jpg


^_*




\ ..


من البلاك بيري :



وللي يبغي هالـdp ..




^^

هيه .. احيد مره معاذ ومهنا قالولي سوو لناا صوره ع السريع نحن مستلمين الخط
ونازلين لبلاد .. يكونون رادين من عمان .. سويت لهم dp ع السريع صح انه عادي
بس انا متعود احط نكي ع التصاميم اللي اسويها دون لا احط البن كود
البارحه تفجير طرش لي نفس الصور إللي انا مسونها لكن عليها بن كود مش بنكوودي
اقول سرقه عيني عينك .. انا لم ولن اتجرأ واحط البن كود خخ -_-"

وهاذي صورة بطلة قصتنا :




تصويري وتصميمي ^^

و

تصبحون على خير اخوتي

​

 

[رآعي العوآيد]

رضّنـا اللهم بما قسمته لنـا

[align=right]


اللهم يا رحمن السماوات والارض ..
اسألك اللهم ان ترحم [طلال] ولد خالتي
وتغفرله وتعفُ عنه يا عفو يا غفور
اللهم ارحمه وارحم موتانا وموتى المسلمين
برحمتك يا ارحم الراحمين . .

ما وجّع قلبي غير خالتي
عسى الله يصبرها على فراق ولدها
والله يعين عياله

والله يقينا وإيـاكم شـر هالحوادث .. [/align]









[align=center]\
اليوم طلعت نتايجنـا
الحمدلله نجحت بس شي مواد توقعت اييب فيها اكثر
الحمدلله على كل حال , الله يرضّيني باللي يعطيني ان شاء الله
ومن فتره احاول اسجل مواد بالنت , بس السيستم الله يسامحه
كله يطلع لي ان كل السكشنات مغلقه -_-"
يمكن انهي عيمان بـاجر او يوم الاحد ان الله راد
بيني وبينكم .. ابغي ارتاح من الجامعه بسّي مليت :*_*:
ربنا كريم .. ربنا كريم




تصبحون على خير اخوتي

^_^

[/align]

 

[رآعي العوآيد]

كل ذكرى تجيبك .. حسبي الله عليك .

مرحبـاا

توني راد من عيمان
والحمدلله سجلت لي مواد وخلصت دون لا يعرقلني شي < يكككدب ><"
تزهبت من عقب الفير ونهيت وتميت هناك .. اترياا حد يسجل لي
جامعتنا دوم كذا فـ فترة التسجيل
من الصبح واقف ع روسهم .. وبعد مخبر امي اني بتغدي بالبيت
ولاااا طشه .. خلصت شغلي فـ الجامعه السـاعه 7 ونص مساءاً @@
انا كنت بنزل الظهر .. فقدت الامل ههه ^^"
الحمدلله الامور مشت حسب المطلوب

\

خبرتكم عن كاميرتي يوم اختربت
للحين ماعرفت وين يودونهاا ف خذت لها فلاش
ع اساس يحل محل الفلاش الاصلي الخربان
وطلع لفلاش لازم يسون له اعدادات خاصه فـ التصوير
واحين يالس اجربه واحاول اضبطه ^^
هالاسبوع عرس ربيعي وحاشرني حشره يبيني اصوره -_-


صورة لفلاش :




\

يقولون فرقة دبـا مويوده فـ بلادنا اليوم
مادري خلصوا ولا بعدهم ^^"
انا اشوفني مصطل , ما لنا حظ هالمره -_-
فـ العرس الامسي نفس الشي
كنت مشغول وما نهيت .. بشوف كيف
اذا حصلتهم بكرخهم بصوره وبيي ههه


تصبحون على خير

:ax: