اشوف الكل فاتح له مدونه قلت يلا خل افتح لي مدونه ..
[align=center]بطاقه تعريف .. [/align]
[align=right] الاسم : الونــــيـسه..
سبب الاختيار و كيفية الانضمام للمنتدى : كنت استهبل مع صديق صدوق مالي شبيه فقالت لي شو الراي بالونيسه.. قلت لها فوقه و هيه اللي سجلتني و شكرا صديق :00100:
تــاريخ الميلاد : 5 مـارس ....19
الالوان المفضله : اســود اللون الملكي .. اللون الاصفر و اللون الاحمــر .. ومراات الرمادي ..
[align=center]طفوله الونيـ♥ـسهـ .. [/align]
من أروع ايام حياتي كانت ايام الطفوله .. ترتيبي ال 6 من بين خواني ... كنا كله يا بالزريبه مع الغنم او فوق السطح مع الحمام ..
كنت الضحيه يعني اخوي يكسر وانا انضرب ..=(
ثاني وحده من العائله دخلت الروضه انا من بعد اخوي البكر ..=) >> و هالشي كان لي فخر لاني الوحيده من البنات دخلت الروضه :012:
ايام الروضه .. كانت ايام لا توصف .. كانت حلوه بكل ما تحملها الكلمه من حلااه .. =) ..
للحين اذكر راعي الباص كان ييلسنا حذاله بالدبه و كان يغني لنا ماما زمنها جيه ... جيه بعد شويه .. جايبه معاها بطه .. =)
كبرت و دخلت المدرسه .. ترتيبي بالدراسه كان ما يزيد عن الخمس الاوائل طواااال الابتدائيه .. كنت مصررري :00cool:
بالجانب لهذه الشطاره كنت وحده مشاابغه وشيطااانه ... و احب اكتشف المجهوول و اغااامر .. و ها كله بفضل اخوي الله يحفظه ويرعاه ..=)
عدت ايام الابتدائيه وكنت المصري الوحيده اللي فالبيت مع ان عرجي هندي :hm00mm:
دخلت الاعداديه و بديت اتشيطن اكثر واكثر .. !! اذكر مره الظهرر القااايله والارض رممممضه ما ترومون تحطون ريولكم فيها .. المهم قررنا انا واخوي ولد عمي نطب و نسرق حمام .. و الحمدلله تمت المهمه بسلاام و امان ... و للحين اتذكر اشكالهم .. وحده برشه و الثانيه مسروله و وحده بو نفووخه .. >> الله ع الاسمااء ياسيدي بس ..
ما اكتفينا بهالشي.. بالعيد كنا نشد عند باب السكه ويوم يمروون اليهال كنا ننهبهم فلوسهم io: ..
وصلت الونيـ♥ـسهـ للصف الثاني الاعداادي واهنا خلااص الفيوزاات ضربت ضربه عووويصه ..و يمكن كانت احد الاسباب ان اختي عرست و اخوي اللي وياي وااايد شلوه دوره واختي الثانيه راحت الجامعه واخواني البقيه كله دوام .. و ظليت وحيده بالبيت و بدت قصه ونووس والخباال .. كنت اروح المدرسه وانا متغصصه و احس بالوحده :cry:
كونت لي شله و اافديت شلتي انا بس .. كنا نييب هيت فون و نسمع اغاني عيضه كانت بدايته اول ما طلع واغنيته المشهوره مهما جرا منك و صار .. و اتذكر كنا نييب دبات الماي و نترسها ماي و نيلس نترااشش و نسبح بعض .. وما اكتفيت بهالشي ييبت صمغ فيران و حطيته بكرسي الابله بس جي هفه خبال .. و كنت البس جواتي دباابه كبييره و ثجييله كنت اسحبها ورااي :mf_kamika
و كنت احب اتربط >> ع قوله الوالد .. * الله يحفظه *
والحين بدت امتحانات الصف الثاني الاعدادي و عند الامتحان يكرم المرأ او يهاان :15: ..
كان باجر عندنا امتحان جغراافيا .. و اسمعهم يقولون انهم بيلعبون كره قدم بالرمله برع و انا مشتطه ابا العب بس وين يا حسره امي لي بالمرصااد .. استاذنت الوالده و قلت لها بطلع السطح اذاكر قالت لي توكلي عاد هالمذاكره كانت ع الظهر صعدت السطح و قفلت الباب اونه عشان ماحد ايي وراي و يخرب لي المذااكره .. المهم اوني صعدت و نزلت من طريق اللوزه اللي ملاصقه السطح و ع طووول شرررده بيت عمووه و يلست معاهم اليين يت حزة المباراه و رحت و لعبنا .. =)
و قبل اذان المغرب اشلها بشرررده و ادخل حمام الميلس تكرمون و اتغسل و ارد اصعد من اللوزه و اشل الكتااب و انزل .. و عاد اهنا الوالده مستانسه ونوووس مذااكره و اذن المغرب وانا خلااص هلكاانه ابا اررقد والا اخمدها وماشي تفااهم .. باليوم اللي بعده سرحنا المدرسه نمتحن وانا ما ادري الله وين حاطني .. =(
و طلعت من الامتحان وانا اضحك و مستاانسه و يوم الشهاده ونوس رااااسبه :h_yalahwy
المواااد كلها ما بين ال80 و 90 الا الجغرافيا 36 :050103hm_
حذتها ما فكرت غير باخوي العود لاني اعرفه يوم يضرب ما يعرف حد ابد ابد:mf_Flush: .. توكلت ونوس بيت عمتها و هيه خيفاانه و كنت مقرره اني ابات معاهم يعني كمأوى لي ..
يت لي بنت عموه و هيه كانت بالجامعه:h_love: .. قالت لي بسيطه ونووس لا تشيلين هم دامني موجوده.. =)
انا ادري بها تتمصخر علي بس قلت يالله يمكن يطلع من وراها شي .. قالت لي ونوس انتي كم ترتيبج قلت لها 16 قالت بسيطه ابوي ييبي الشهاده و سارت و شخطت بالقلم عند الواحد حرف المين تكملته يعني ..
:bo_mher:
و الحين صرررت شووو صرررت السادسه مكرر يااا فرحتي :sheer::sheer::sheer:
[align=left]و لي عوده مع اكمال القصه ...=)[/align]
يلا نكمل القصه .. =) ...
وصلت البيت انا و بنت عمووه و هيه اكبر عني بحدود 4 سنوات دخلت وراويت مامي الشهاده ..مامي ما اهتمت بدرجات بس همها الترتيب :^^: والحمدلله عدت ع خير .. بس للاسف طلع اخوي ولفحني لفااح بالخيزران .. و ها كله بس عشاني يبت دويحه .. كيكه ..
و يالله ع قولة المثل .. كف صفعني نفعني :212:
ومرت الاياام و يت السنه اللي عقبها سنه يوم كنت ثالث اعدادي .. و كانت سنة الافرااح سنه كانت ولاا اروع سنه عشت فرحه كبيررره فيها ..
2003
في هالسنه صارت لنا منااسباات كثيره .. ومن اهمها عندي .. !!
و عقبها بشهرين عرررس اخووي و افتكيت منه..=) :a040:
انتقلنا بيتنا الجديد .. و كشخه الصرااحه مع اني افتقدت جيرانا بس افتكينا من الحش و القرض..=) :Afkr:
و اخر حدث ما اروعه تعلمت ايوول علمني اخوي ايوول بالسلااح :yola:.. =) و ها احلى شي عندي :122:
[align=right]و الحمدلله .. يا سلاام انتقل مدرسه جديده استويت بنت ثانويه :Afkr: ..!! [/align]
صف كم ونووس .. صف العاشر 5 .. ياا سلاام عليج ها ونووس شو الدراسه تماام التماام .. فرقوني عن شلتي ..=( .. بس الحمدلله ع كل حال .. و كنت اكره مواااد الادبيه .. العربي و التاريخ و الجغراافيا كنت طم طم .. و اعشق الريااضياات والفيزيا ..=)
يلا الحين بدا الخباال شوي شوي حبه حبه .. الابله اللي اعرفها اخبل فيها واللي احسها عصبيه اخبل فيها بس من تحت لتحت ..!! و الاروع ان المعلمات كانو محطيني البنت المثاليه و القياديه واللي ما يخصها بالحشره :012:
و يلا الحين ندخل سنه جديده اللي هيه ثاني ثانوي العلمي .. 2 ... اروع صف التحقت فيه ..!!
عجيب كاااان الصرااحه .. =) شلتي .. شلت البيج بوووس :^^: حطووناا بكلااس وااحد ياااربااه كانت اروع اياام حياااتي كلهااا .. ومع مرور الاياام تقع ونووس في حب معلمه اللغة العربيه =)
و خلتني اذااكر مذاااكراات الدنيا مع اني طم طم بالعربي :cry:..
لي عوده مع ادرااج بعض الصور .. صور كتبي الروعه و بعض من صور المدرسه :122:
[align=left]و يلا نلقااكم بعد مرور كمن ساعه ..!! [/align]
و نعود كما وعدتكم ..=) بصور بس هالصور شي من لا شي .. لان كمبيوتر البيت شفر و فيه كل الصوور و يبالي اوديه بس ماحد راااضي يااخذني :bad: الكل يقولي عندج لاب ربيعتج يكفيج :shompe: .. =) ..
اول شي اراويكم صورة جوتيي عزكم الله =.)
هالجوتي كان جوتيي صف الثاني ثانوي =.)
و كنت واايد احبه و اعز جوتي عندي هذاا .. و للاسف يوم تخرجنا من المدرسه ظليت محتفظه فيه بس للاسف يعني ان البنغالي اللي كان يشتغل عندنا هفه يوم سفرنااه وما كنت ادري ..=( .. و تميت اصيح عليه وكل ما ابا اشتري لي واحد غيره الوالد يحلف اني ما اشتري ..=(
[align=left]لي عوده بعد قليل مع صور اخرى ان شاء الله ..=) [/align]
و نعوود من جديد مع أروع ذكريااات .=( اممم هالمنطقه من المدرسه كل ما نكون فاضيين او شاردين نيي نتيلس اهنا .. من اروع المنااطق عندي يمكن عشان دي النافوره اتوقع يعني ..=)
كنت ايلس و اغني كل ما يطلبه المستمعين خليجي اكثر شي ميااامي ..=) عربي اماراتي ومرااات هندي io:
المهم مره كنا الدسه فاضيين .. =) و كنت انا و شلة الفسااد شلتي نتحوط يمين و يسار .. و شوي يينا هالصوب و يلسنا ع النافوره هاي و انا ياسه اغني و الليله ليله شوق احباب و متجمعين والبيضه ام الذوق ما تنزل عن هالعين .. و مرتبشه و ربعي يصفقون و انا ايواا و عااشوو و عقب قلت بسوي مقلب باربيعتي و الا افرها داخل و تتخرس ماي من الزين و عصبت و بغت تصيح و قالت ان ما فريتي عمرج فيها والله ما ارمسج .. فصخت الجوتي و طبيت .. وشافتني المعلمه الاحيا و طافت و قلت خلااص يا ونووس اليوم بتلعنج لان هيه علينا السابعه المهم تميت مصطنه تحت الشمس انا و ربيعتي و شوي الا انتبه ع شي :00eek: مفتاح باب الغرفه موجود ع الباب من برع اهنا عاد ماشي جن جنوووني و اطب ع صوب الباب و اقفل الباب و اشل المفتاح و احطه صوب الدريشه و اشرررد و نسيت ارد افتح الباب و رديت الصفو كان علينا حصه احيا و يوم دخلنا الصف وقفتنا الابله باخر الصف و شغلت المكيف الاخير و خلته يهب علينا .. و تمت ترمس و تقرر وتصارخ.. و يوم خلصت الحصه قالت للبنات هاي هي الصداقه الحقيقيه وانا من الفرحه لانها مدحت بصداقتنا نسيت الباب المقفول و اني اروح واشوف شو سالفته و روحت البيت =) .. و ثاني يوم اييون ربعي اللي من الادبي و يقولون والله ان هاي الحركات السخيفه حركاتج انتي و شلتج الغبيه :00cool: بس صدق كانت اياام و اتذكر يوم تخرجنا بعد طروو هالموقف و قالو نعرف انج يا الونيسه اللي سويتي جي و طوفناها لانا نعرف الحاله النفسيه اللي تمرين فيها io:
[align=right]ايام عشتها بكل حلوها و مرها اياليت تعود هاي الااياام و ان شاء الله بروح لهم زياره عما قريب ..=) [/align]
همسه .. يمكن حد من ربعي يكون مشترك بهالمنتدى و بيعرف انا منو من يومياتي و اقول لكم حياكم ان عرفتوني ع الخاص ..=)