• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

## عشق السحاب ##

خيماويه حبوبه

๑ . . عضو ملكي . . ๑
إنضم
8 ديسمبر 2003
المشاركات
2,445
مستوى التفاعل
4
الموقع الالكتروني
زيارة الموقع
عسى الله يقطع القلب الضعيف اللي يجيب اقصاه
انا لولاه ماكان الـغـلا والـحـب مـشـقـيـنـي

نساني والخفوق اللي سكنبه مارضى ينساه
ابي لو مره يسأل ليا من غبت وشفيني

يجازيني بصده والغريبه بالوصال اجزاه
عسى ربـي من الحب المشقي ذاك يشفيني

تعبت من الطريق اللي حفظني وأهجرته اخطاه
اخـاف من الحيا تـرفـض تمر الدرب رجليني

على كثر الوجيه اللي لقتني ماقدرت القاه
غديت بكل وجـه لا لقاني وانت مـغـديـنـي

انا معك اتفقت انك من اهل العز واهل الجاه
وانا معك اتفقت ان الـثـريا بينك وبيني

ولكن السحاب اليا عشق روض نثر له ماه
وانا روض قضى واسمي على رجولك تسقيني

ان كانك منتظر شوفي ابرضى الذل لا واللّه
عـسـى ربي يـعـز اللي على العزه مربيني

انا ماني من اللي يقبل الضربه على علباه
احـب امـوت في عـزه ولا في ذل تحـيـيـني

ليا شفت البحر هايج اشرع وارفع المرساه
خلقني ربـي بوقت على الـشـده مـضـريني

ولايغرك ترى القلب الضعيف اليا بغيت اقواه
اليا من شمت حد الله مابين الذله وبـيني
 
رد : ## عشق السحاب ##

صح لسانج ياخيماويه حبوبه


كلمات جميله


دمتي سالمه والى الامام


تحيــــ ذياب ـــــاتي
 
رد : ## عشق السحاب ##

سلمت يمناج الي خطت هالكلمات الحلوه

سلمتي الغالية
 
رد : ## عشق السحاب ##

تسلمين خيماويه حبوبه....هاا من ورااااااااانا هالإبداااع ...ما شاء الله عليج...ربي يحفظج.....
 
رد : ## عشق السحاب ##

سلمتي خيماوية ع المشاركة الجميلة
الصراحة ابداع نيطي
 
عودة
أعلى