حـيــــــاتــــي كــتـــــــاب مـفـتـــــــــوح

[السنيورة]

عيني تتمنى شوفك
لوني جتيل سيوفك
قلبي ترجى روفك
لالا تخيب ظنه

ما تخوز من لساني اليوم هالاغنية
لها ذكريات حلوة :ah:

البارحه وناسه
سرنا بيت يدتي .. حيث ان اخوي توه ماخذ اليسن
هو اللي ودانا بالكامري مال الوالدة :3nb:
ماشاء الله الشباب يعرفون يسوقون بالفطرة:m_ydakhen




اليوم الظهر قالوا بنروح البحر يبون يسبحون.. واتانست انا
زهبت لهم الفووط .. والحصير .. تغديت ولبست عباتي
ويوم طلعت اشوفهم يطالعوني جي
انتي وين سايره ؟؟ الطلعه للشباب انتي ليش رازه الويه ؟؟
:g_ouf:
والله زعلت لكن عادي ههه

وهذا عبود بعد ما ردوا من البحر
قولوا ماشاء الله:h_lala:

قلت له بصورك وقام يتفلسفت

هذا عبود القذافي ههه



وهذا عبود حرية



واخيرا ابتسم مثل الناس





احس بلووعه !!!
ليش الجوو جي مررض ؟؟؟
:sleep:

 

[السنيورة]

أعرف واحد يحب ربيعه ومستانس عليه .. قام وخطب اخته
انزين مب شرط تكون البنت نفس طبع أخوها ...
المفروض يسال عنها .. مب عن أخوها هههه

بهالمناسبه ابا اتكلم عن أخواني
لن ماشاء الله عليهم كل واحد في وادي هههه


(الأول)
مطوع .. جامعي ماشاء الله عليه .. عقل وثقل .. وبشاشه ..
ما يصبر عن امي يوميا تقريبا يتصل حقها .. مول مايزعل منها .. وامي وايد تحبه ..
يكتب شعر وشعره وايد حلوو .. واونه يتحداني .. انا ياحليلي شعري على قدي .. وبالعامي
هو يكتب بالفصحى يذكرني بفارس هههه
أجتماعي .. وله ربع من كل مكان والكل يعرفه ..
ومايخاف يقول كلمة الحق وين ماكان ..
وايد يحب يقرى كتب .. مجلدات مجلدات .. تخوف الصراحه ماايي صوبها وما افهم منها شي أصلا ههه
قناته المفضلة الجزيرة


(الثاني)
مع انه جامعي .. ويدرس قانون .. بس خجول مووت .. انطوائي .. مايحب يختلط مع اي ناس .. ينقيهم تنقايه
يزعل بسرعه .. هو وأمي دوم نقير .. ووايد يشل على الوالد .. ومن الكل تبون الصدق
يتحسس من اي شي .. هادي ويحب الهدوء ..
صوته حلوو .. بس ما ينشد قدام حد .. طبعا هو ملتزم ومتأثر باخوي العود شوي ..
اسراره كلها عندي خخخ
ووايد يهتم بكشخته ومظهره.. وحافظ خمس اجزاء من القرآن
قناته المفضلة وصال

(الثالث )
ياربي عليه .. مرح مرح .. دايما تشوفونه يضحك ويسولف ماشاء الله عليه .. معروف بالعيله انه سوالف
وكله يغني راب .. وت ساب مان ... هههه وامي متشيبه منه شيب
دوم عاللاب .. وتشوف عينه دوم عالبلاك بيري ... دايما يروح السينما .. ودرب دبي عنده سلس .. ههه
احبه وأحب اقعد معاه .. وافهمه من عيونه والله ..
لنه بالشبه مثلي .. وانا واياه متفاهمين .. وبعد اسراره كلها عندي ههه
هو صح أوقات يسوي اشياء غلط بس يقول ويعترف ياحليله ما يخبي .. هذا الشي الحلو فيه ..
ثنوية عامه وبعده يشوف رسوم !!!!! والله حاله ههه

(الرابع )
نشمي .. ياحيه .. كله عنده منقود ... شال ابوي شيل على راسه .. وامي طلباتها اوامر ..
وحنون كل مايشوفنا يحظنا.. ويحبنا .. وينشد عن الكل ..
لو تنازعه وتشرشحه بيزعل دقيقه وربي .. وتشوفه يرمسك عادي .. فديته والله مايشل بخاطره ..
له نشاطات برع البيت .. كشافه .. ورحلات .. واعتكاف ..
مع انه صغير عمره يمكن 16 سنة .. بس يقوم الفجر ويمر على أولاد يتاما يوديهم يصلون الفجر ..
كل يوم ... حتى فالفريج يسمونهم عيال يوسف ههههه
مايخصه بالتلفزيون ... والنت
واذا دش النت بيحط مقاطع العرعوور هههه







فديتهم أخواني كل واحد له طبع
بس وربي .. الله عطاني اخواني ينحطون عالجرح يبرى
الله يسعدهم يارب

 

[السنيورة]

السلام عليكم

شخباركم ؟؟

ماشي ما عندي سالفة بس جي حبيت اسير هههه
اقول لكم البيت متروس حدال ماشاء الله ( همبا اخضر )
ويهال الفريج ما خلوا حصا ما خلوا نعال الا وفروه في بيتنا هههه



مرة كنت يالسه فالصالة .. ودشوا علي ولدين
قال الأول : خالو هذا الولد يقطع حدال من بيتكم
انا : صدق انت تقطع حدال ؟؟
قال الثاني بكل وناسه ورحابه صدر : هيه هيه انا يالس أقطع حدال من بيتكم
استغربت منهم .. كقب اكتشفت انهم يبوني اقول لهم حياكم اقطعووا على كيفكم
بس لا .. قلت لهم اللي يمد ايده عالحدال والله لاقص ايده .. ههههههه
قالوا انزين وراحوا هههههه
كسروا خاطري ... بس لازم يستأذنون قبل ما ياخذون الشي .. اوني عاد







يوم كنت صغيرة ويقولوا لي انشدي اقول :
خندقي قبري وقبري خندقي
وزنادي صامت لم ينطقي
فمتى ينفث رشاشي متى
لهبا يصبغ وجه الشفقي

كلام كبير علي :
وايد اتأثر بالاحداث هههه
ماكن عندنا طيور الجنة cat

يالله بروح اتغدى ^^

 

[السنيورة]

قاعدة اسمع ميحد :mf_cupidh

صخت بي الدنيا يا بوسعيد
من شفت انا يا حميد عينه

يوم التفت لي صوب سعيد
الروح ساارت له رهينه


وقاعدة أكل فريرو روشيه
وهذي صورة فرش ههه


كل مرة اقول لهم احب فريروروشي .. ايبون لي رافاييلوو cat

عادي عادي حلوة الحياة


*****

امس صار في بيتنا اكشن
كلنا كنا قاعدين فالصالة .. واختي الأصغر كان ريلها بيي يزورها وقاعده تسوي له عشى
تعرفون سوالف المالجين عاد ههه
اختي الكبيرة يالسه عندنا فالصاله واتصل ريلها لها قال لها انا ياي
قالت له أدخل الميلس
وقعدت هي وريلها هناكي :m88b6::giF93_g:

فهاللحظه وصل ريل اختي الصغيره دق الجرس ودخل كالعادة ..
ما تريا حد يظهر له .. متعود علينا الحبيب ههه

دخل الميلس عليهم .. لاهود ولا هداا :m_atmasha
وطبعا اختي العودة بدون شي على راسها :m_em3a9eb:h_yalahwy


المهم النسيب اليديد يوم شافهم رد طلع ..
ونحن فالصاله سمعنا عاد الحشرة ..

عطاه درس فالاستأذان وصار بينهم شرار:mf_argue:


عاد امي وابوي محد .. واخواني كلهم ارتبشوا وهبوا على النسيب ينازعونه ههههcat
واختي الصغيره تدافع عنه اونه مايقصد :h_eheehe:


انا تعرفون شو كنت اسوي ؟؟

ميته من الضحك :h_kaak:

 

[السنيورة]

عيبتني هالصورة





بلاني هالأيام وايد أكتب فالمدونة
متحمسه هههه

على فكرة انا عندي مدونة حقيقية أكتب فيها
بس طبعا السوالف هناك غير خخ

كنت اكتب فيها كل الي بخاطري ومحد له بارض يفتح ويقرى
ومرة طاحت بيد حد .. ياويلي أستحيييييييت هههه:Faces::je_t_aime

من يومها بطلنا :h_lotya:

المهم

استانست اليوم عطوني اهدااااء
وحلو يوم اتيك هدية بدون مناسبه




اسكادا ما يعجبني وايد
بس من كثر ما اتعطر فيه تلقونه واصل النص الحين هههه





هذا عاد لايعلى عليه
يعرفوني احبه عسب جي يايبينه لي


وسوالف ثانية ما بحطها:h_em:

مستانسه ومنشكحه حاليا خخخcat

 

[السنيورة]

البارحة كانت امي بيت يدتي .. وتأخرت هناك
رن تلفوني ... والا امي متصله
تقول لي بلاج السنيورة ؟؟ انتي بخير ؟؟
اقول لها الحمد لله .. بلاج ؟؟
تقول لي ان فلان خبرها اني انا مسويه حادث (فلان اخوي بالرضاع)
قلت لها اصلا ما اطلع بروحي هالفترة !!!

تضايجت والله تضايجت
مستغربه من هالانسان !!

كيف جي تتحول علاقتنا من احلى علاقة أخوه بالدنيا
لعلاقه سخيفه .. وكلام فاضي ..!!!

نحن قد بعض ومعاي أكثر عن أخواني اللي فالبيت ..
يوم كانن يهال كله نلعب مع بعض .. ونذاكر مع بعض ..
حتى يوم كبرنا .. دخلت الجامعه وهو فدوام ..
بس العلاقه ما انقطعت .. سوالف ضحك .. اسرار خخخ
الكل كانوا يحسدونا على علاقتنا مع بعض ..
حتى يوم يحب بنت .. كله ايي يكلمني عنها .. ويا مكثر علاقاته هههه
بس ما اقدر أخبر عليه امه .. يهمني ..
كانت امه تتصل لي تقول لي وين ساير فلان ؟؟ تعرف ان عند السنيورة الخبر اليقين ههه
كنا قد بعض وفاهمين بعض .. اخوان اخوان مانمل من السوالف

لكن للأسف من 3 سنين .. تغير علي ..
وقام يتحاشاني .. ومسح رقمي ..
وأسمع انه يطريني بالشينه !!! ليش ما ادري !!!
حاولت أفهم منه الموضوع كله يقول لي : عادي مافيني شي .. عادي انا عادي عادي .. حتى كرهت كلمه عادي

حتى صارت لي مناسبه سعيدة وعزمت الكل .. وهو ماحظررر !!! تتخيلون ؟؟
مب انه مشغول ولا شي بس جي عناد ماحظر !!
وايد حاز بخاطري الصراحة
الأسبوع اللي طاف شفته بيت يدتي .. وسلم علي وقعد حذالي بس ولا كلمة طلعت منه
حتى شحالج ماقال ..
انا اعامله شرات ما يعاملني .. مااحب ارز فيسي أكثر عن جي ...
اتحاشاه ..

لكن توصل فيه الماوصيل يقول لأمي اني انا مسويه حادث ؟؟
يباني اموت شو ؟؟

انزين انا شو سوييييييييييييييييييت ؟؟؟
يقهرررررررررررر

 

[السنيورة]

حياكم منو يبا قرط



شوفوا نظره الغيره بس لأن علاوي عنده كار سيت هههه



بس راضيناه وركبناه الحصان



آخر المطاف وقت العشى عالبحيره



يعني يا بحر يا بحيره ههههه ماشي مجال خخ

ونحن قاعدين عالبحيرة كانتوا ناس يتمشون عالممشى اللي يسوي رياضه واللي يمشي عياله وجي يعني
طاف ريال من معارفنا سلم وجي .. يوم شفته تذكرت موقف صار لي وياه يوم كنت صغيره


كنت صغيره وموديه اخواني الصغار الحديقة .. صوب بيتنا نروح مشي
يوم في الحديقه حصلنا ولد عمتي هناك ( كبير بس معوق ياحليله .. منغولي )
المهم
لعبنا ويوم خلصنا قلنا بنروح البيت .. بس ولد عمتي كسر خاطري قلت لازم اوصله أول عقب نروح البيت
طلعنا من الحديقة نمشي .. وانا ماسكه أخواني الصغار واحد بيدي اليمين والثانية بايدي اليسار :212:
اوني انا مسؤوله عنهم ..
فديتني من صغري يعتمد علي هههه

المهم

اقول لكم حرررررر ونحن نمشي ونمشي تعبنا ..
مرت سيارة حمرا ..فيها واحد .. يقول لي أركبي بوصلج ..:m_loty:
اقول لكم اطالعه جي :g_shoo:
اقول له ما بنركم .. روح ... وهو مصر الحين تركبين بوصلكم
وانا خاايفه اقول له ما اعرفك ما بركب .. يالله رووح
وهو ميت من الضحك يقول لي ياغبية انا من اهلكم اركبي::m_kekh: ( كاسره خاطره ) هههههه
وانا مااااشي راكبه راسي .. ما اعرفك يعني ما بركب زوول :h_em3a9ba
قال لي زولي انتي .. عالأقل ركبي الصغاريه بيموتون حرررر
اقول له لا انا ولا واحد من اخواني بيركبون وياك

حرب حرب هههههههههههه

عقب ركب ولد عمتي معاه وراحوا ..
قال لي موتي حر انزين ...
قلت له انزين .. ( ملسونه بعد هه)
:weird::h_ttmasha

وبعدين وصلنا البيت هلكانين
وبالليل اتصلت عمتي وقالت لامي ... السنيورة راده مشي وفلان يبا يوصلهم ماطاعت تركب وياه

وامي ميته علي من الضحك .. واخواني سووني مصخره اوني ام العريف ..
عقب قالت لي امي : شاطره صح اللي سويتيه .. فديتني ذكية من صغري خخ :je_t_aime

ويوم شفته فالبحيرة .. ضحكت .. وتذكرت السالفه

فضايح cat

 

[السنيورة]

تخيلوا اليوم حلمانه فارس مطرش لي تقييم ينازعني .. هههه
مرة حلمانه الشحي في ميلسنا ..
ناقص بعد احلم الصياد ... ( بعيد الشر ) ههههه
لالا كله ولا مديرنا :eh_s(6):


المهم
البارحه كنت مستاااااااانسه مووت .. حدي حدي والله
انتابني شعور اني أميره ههههههه
طلعنا وطلعتنا هالمرة غير واليوم بكبره غير اصلا ..
مع ان ما نزلنا من الموتر .. نتمشى من العصر للعشى ..
وما ملينا من السوالف ههههه
لا وغصب اسمع لكاظم الساهر .. انزين ما احبه .. لا غصب اسمعي هههه
حتى حفظتهم

> اكرهها .. واشتهي وصلها .. وانني احب كرهي لها <
>احب هذا لؤم في عينها .. وازورها .. ان زورت قولها <


> اجمل ما في الكون .. عيني انا وهالمجنون <
>من نظرة العيون .. انا اتفاهم وياه .. من نظرة العيوون <
:012::012:


وحدة من ربيعاتي تحب ريحه الزقاير .. والبترول .. والغرا
مدمنة الأخت .. :h035:
لا وتبا واحد يدوخ عسب تقعد حذاليه تشم هههههه
فديتها والله عليها سوالف تضحك

على طاري الدخان .. كان فيه شخص جريب مني .. يدوخ الزقاير بشكل شره جدا جدا
بس قام يتحرج يوم حد يتضايج من ريحته .. و عزم يودرها خلاص ... من يوها ما حط صلب في حلجه
يعني الواحد لو يبا بيودر بيودر ... بس هذيل اللي ما يرومون ماعنهم عزيمه ..يدلعون..

 

[السنيورة]

بذمتكم تعرفووون منو حلمت اليوم ؟؟؟؟

:00eek::00eek::00eek::00eek:










































































الصيااااااااااااااااااااااادcat

















































والله العظيم ما اقص عليكم هههههههههههه
من طريته حلمته ..
حشى لو أدري ما بييب سيره اصلا :^^:
خلاص ما بطري حد .. اخاف مسوية اشتراك
كل يوم احلم عضو ههههههه




هالأيام زايده فيني الخرشه ما ادري بلاني
رحت حق اخوي رقم (2)

وسألته : ليش فونك كله سايلنت ؟ :^^:
اخوي : لأني كل مرة اروح المسيد احطه سايلنت ومرات انساه .. فأخليه سايلنت على طول .
السنيورة : علينا هالحركات ؟؟ :^^:
أخوي : انتي مب صاحيه :m_haa:
السنيورة: انزين ليش دومك عالنت ؟؟ 24 ساعه ماتصبر عنه ؟؟ حتى لو مشغول حدك :^^:
أخوي : عادي تعودت ما اصبر عن النت :m_shoo:
السنيورة: عيل ليش انا حاسه انه فيه شي ؟؟ :h_love:
أخوي : تبين الصدق والا ولد عمه ؟؟ :m_haha:

هههههههههههههههههه صادوه

رحت لأخوي رقم 3

السنيورة : بتعلب لعبة الصراحة ؟
أخوي : عادي ماعندي شس أخبيه
السنيورة: يالله اسألني
أخوي : تغديتي ؟ < يستهبل
السنيورة: هيه ... الحين دوري
أخوي : اوكي
السنيورة : جربت تحب ؟
أخوي : والعثرة .. شوهالسؤال بعد ؟؟ :m_ma9dom:
السنيورة : تجاوبني ماشي مجال ..
أخوي : خيبة .. شوهااا .. الحين هذا سؤال ؟؟ اسألي عدل لاه .. مب جي .. انتي محد يلعب وياج .. خيبه .. جربت هيه ارتحتي الحين
السنيورة : :h_kaak:
أخوي : لا تخبري حد .. فضيحة انتي ... يالله انا مستعيل بروح .. ياعلج .. :m_em:

والله الناس كلهم من حولي يحبون :012: ههههههه
يبالي أسأل الأعضاء واحد واحد
ياحبي للفضايح خخ


الحين مستعيله بروح أخذ لي جوتي رياضه
لأن اليوم ناويه اروح الصالة خخ
خاطري اركض ياجماعه الخير .. :yaw:
بسنا من اليلسه والكسل <<< اوني عاد

 

[السنيورة]

منقهره .. ومستغربه

واحد نضرب فيه المثل فالادب والالتزام وحبه لزوجته وعياله
يطلع معرس بالسر .. لا وماخذ زلمه لو بنت البلاد ما من حسافه
الحين بيقولون الشرع حلل اربع
بس مب جي عاد
كسر بخاطر الحرمة .. لو ريال بقول لها بعرس عسبت جي وجي
مب يوصلها خبر من برع ..
الغريبة انهم دووم ويا بعض .. ما يداوم بعيد لكن شو الفايده يوم الريل قريب وقلبه بعيد
والله الدنيا ما فيها خير



البارحه لعبنا الصراحه على اوراق خخخ
كل واحد يكتب ايجابيات الثاني وسلبياته
وزعلت والله على الاشياء اللي طلعت لي هههه
وفيه اشياء حلوة بعد
الحين مب متفيجه اكتبهن io:
ادري بتمصخروني
بتشارور اكتبهن والا لا خخخ


البارحه يالسه صوب عمي وطلع لي صوصور يتمخطر ...وعاد انا اموت ولا اقعد فمكان فيه صرصور
وسويت زوبعه فالصاله
وعمي يطالعني جي :1577_1186768770:
عقب قال لي حرمة متنج متن ... تخافين من صرصووور
تلعثمت ما عرفت شقول له:g_mest7ya
واللي صوبي يطالعوني جي :eh_s(6):
اوووف هالصرصور دوم يسوي لنا مشاكل خخ