مادمـت تـسأل يـارفـيقـي عن الحـال
مـالي عــــن كـتمانـها عـنـك حيـلــه
الصـبرعـن بـوح الاحـاسيـس قـتال
والبوح في بعض المـواقف فـشيله
لـو كـل مـا يـطري عـلى البال ينقال
مـا كنـت تـحس ان الثـقيلــه ثقـيلـه
ابـطيت اكـافح ضيـقت البـال بالبـال
وادفـع بـلاء هـاجوسـها كــل لـيلـه
لـين اقـبلـت مـثل السـحابـه بهمـال
تشـفـي غـليـل الـــي تـزايـد غـليلـه
رعـــادهـا خـيــلا تــــدابـك وتـختـال
وبـراقـها لمـعـة سـيوف الصـقيلـه
طاحت ولا وافق مـن حناياك منزال
وسع فضـاء صدرك لبيض المخيله
يابـدر مانـي عـال لو صـحتـي عـال
شفـني من الصـدمات نفسـي علـيـله
اشيـل حمـلا لـو يشـيلنـه جـبـال
الله وامـانـه غـير تصـبح نثــيلـه
ارمـي من هـموم الـزمـن واسـحـب ادبـال
وانـزل عـن الجـوكر وغـيري يـشيـلـه
من كـثرما شفـت بحيـاتـي مـن انـذال
بـديـت اشـك ان النـذالـه فضـيلـه
ما طـاح من عيـني رجـل طاحـوا ارجـال
والرجـال يا ابن حنيـف ماهـي قلـيلـه
اقـرب مـن الي قـالهـم ضـمن ما قـال
راكـان ابن خثـلين راعـي الجـزيلـه
هـذا ولـد عمـا وهذا ولـد خــال
وهذا صـديقا مانــــدوربــديلــه
سبحـــان منــهو يابــدر غـير الحـال
وحـط الجفــا بين الخـليل وخـليلـه
هذا الـزمن يبـغى له الـسـان دلال
مـن يستـحي هـالوقـت وعـزتـيلـه
وقتـا بـه الـراعي غـدى راعــي دلال
كـلا علـى طـاريه يـنفض شـليلـه
مـن كـان سـاسه للـردى مضرب اـثال
اليـوم يحـسب من اكبـار القـبيلـه
المـال بابن حـنيف ملعــون ابو المال
ذل العــزيـز وعــز ناسـا ذلـيـلـه
للشاعر: خلف العنزي