حافظوا على نظافة البرزة..

[ظل الشمس]

السلام عليكم..وجمعة مباركة..^^

اليوم ناش الصبح وما كانت عندي شغلة محددة..كنت ابي ارسم تنور علشان اضيفه لموضوعي "تصميم العريش" المهم دخلت البرزة اتفقد أحوال الرعية..وحصلت موضوع "علم نفسك بنفسك بسهولة" للأخ أو الأخت أسماء النجوم..

المهم دخلت الرابط اللي محطنه صاحبنا وكان الموقع كالتالي
http://www.in-cnn.com/cnn-learning-english/

الحمد لله الذاكرة ما خانتني وقلت هالرابط شايفنه من قبل..وين وين؟
دخلت بروفايل صاحبنا قلت أكيد هو محطي هالموقع من قبل...شفت المواضيع اللي هو طرحها من قبل..كل المواضيع تدور حول ما يلي:

1. الربح السريع
2. الحفاظ على الجمال
3. الشعر
4. الطبخ

تدروا شو أسمي هالمواضيع..أسميها محور إهتمام العرب ^^

دخلت المواضيع واحد واحد...بدت الصورة تتكشف شوي شوي..صاحبنا مجتهد بس ما يكمل الموضوع في النهاية يحطي لكم رابط علشان تستفيدوا من الموقع..أوكي ..بس هالمواقع هل هي مفيدة بحيث تخلي الواحد يتكلف ويسوي موضوع ويحطيه؟

صاحبنا كان يتبع أسلوب دعائي..مب من النوع اللي أفضله الصراحة..لأنه بكل بساطة يفتقد للمصداقية..

على سبيل المثال..موضوع "فيديوهات للحفاظ على البشرة والجمال" أكيد موضوع راح يجذب خواتنا العضوات ..بس لاحظ شي اول ما تدخل هو محطي صورة للموقع...

موقع بصراحة وبحكم خبرتي المتواضعة في تصميم المواقع ..إحترافي..خلونا نكمل ونضغط على الرابط..

:212:...إحباط صح...طب ليه (هذي على لهجة صاحب الموقع)...الموقع صار من احترافي لموقع بدائي..أوكي وبعدين خلونا نشوف باقي المواقع اللي محطنه...

طبعا لو تلا حظوا كل المواقع هم في الأصل ثلاث مواقع

www.in-cnn.com
www.our-go.com
www.in-internet.net

ونفس الشي ..محتويات لا تغني ولا تسمن من جوع..زين منو صاحب هالمواقع ؟؟

أوكي الموقع لشخص من مصر..

طيب خلونا نصيغ الفكرة كلها من أول وجديد..

مصري مسوي مواقع وداخل برزة الشحوح ويعطي نصايح عن كيفية الربح السريع والجمال والتعليم!! والمحتوى صفر...

في حلقة مفقودة ليش هو متعبل وتاعب عمره جذي..خلونا ندخل موقع من مواقعه مرة ثانية يمكن في شي ما اتبهنا له..

ألحين فهمت...لاحظوا معاي موقع من مواقع صاحبنا تحت...

شوفوا المربعات المضللة باللون الوردي هذي كلها إعلانات..

هذي لها مصطلح باللغة الإنجليزية web spam أو المواقع المتطفلة..هي عبارة عن مواقع فقيرة المحتوى يهدف صاحبها للربح من خلال الإعلانات ورفع تقييم الموقع في مواقع البحث..

ولها مسميات أخرى منها صفحات فانتوم..وتلاحظوا بعد إن في كلمات جدا متكررة هذا كله علشان مواقع البحث تحطيه في مرتبة عالية وبالتالي يحصل زوار أكثر ..

يعني صاحبنا يوم كان يكتب موضوع عن الربح السريع في النت..كان بالأصل يربح من خلال تضليل الأعضاء واستدراجهم لدخول الموقع بالعناوين المضللة..بيني وبينكم هذي تجارة تدخل فلوس وفي ناس محترفين في هالشغلة....في شخص أعرفه عنده موقع (بس موقع محترم يعني) يحطي بنر إعلانات ولأن موقع محصل إقبال يدخل مبلغ يتجاوز 500 درهم...

اللي خلاني أكتب الموضوع غيرتي على موقع البرزة وما كنت ابيها تكون مكب نفايات لمواقع النت وما كنت ابي الأعضاء يغرر بهم بعناوين ساذجة..أتمنى وصلت رسالتي ولكم مني أجمل تحية..أخوكم ظل الشمس :122:

 

[soooooooooomh]

مـآ فهمت شي من الموضوع ><"

 

[بلوشية rak]

شكرا للتوضيح :eh_s(1):

جنه انكشف القناع عن شي معين

الله بالستر

تسلم

احسك اتكافح الي يبون يخربون برستيج برزتنا الحبيبه ثانكس لجهودك :eh_s(1):

مسكين اسماء النجوم الله يعينه على ما ياه :cry:

 

[ظل الشمس]

مزيونة البدوو ملخص الموضوع إن في هناك أعضاء بس ينشرون مواقع خالية المضمون وعناوين دعائية بهدف التربح من الاعلانات وأشياء أخرى

بلوشية rak شكرا على المرور..هو شكله كده ..^^..كل اللي اسويه من باب درء السوء والحفاظ على البرزة في حالة متألقة وتثقيف الأعضاء

 

[A.D]

أوكي الموقع لشخص من مصر..

:

معذور دامه من اخوآنآ خخ .. حتى في رمضآن ينصبون

مقدرك عاللي سويته اخوي .. كثر الله خيرك تستآهل هديه :^^:
جمعه مبآركه عليك

 

[استراتيجية مفكر]

في الحقيقه ظل الشمس ماشاء الله عليك

والله يبين عندك خبره ربما هي من دراسه او اجتهاد شخصي


نشكر غيرتك

وفي الحقيقه شفت هاذه الموضوع وكان عدد المشاركات صفر وهو تقريبا الموضوع الاخير او اللي يسبقه لا اتذكر بضبط
فقلت اشارك بلموضوع وارفع من معنويات طارح الموضوع

رايت الرابط ولكن في الحقيقه لم ادخل ولم اتشجع لي اسباب معروفه

وماشاء الله عليك وضحت فكرة هاذي المواضيع

واشكرك وبارك الله فيك

و

 

[فتى العرب]

[mark=#FFFF00]



يزاك الله خير على مجهودكـ

[/mark]

 

[ظل الشمس]

¢.ṽ.ţ مب كلهم نفس الشاكلة نفس اي مكان ثاني فيهم الأبيض وفيهم الأسود..أنتظر الهدية ^^

استراتيجية مفكر..تبي الصراحة هي خبرة على دراسة ..أو العكس ^^..تحياتي لك عزيزي

فتى العرب ..أشكر لك مرورك..

 

[x-noun]

مهود كبير وحلو منك اخويه ظل الشمس ويا ما صادفتني هالمواقف اضغط عاللنك ويطلعلي يا دعاية موقع ولا مواقع اباحية والله

مشكور ويزاج الله خيرا

 

[بدويه بفنجاني]

توتا مولج مسكره حلقج وووووي بلمه ويش

كككك

مووضووع تمام الصراااحه