شَخْصِيَهْ وَ تَحْليلْ ( الضيفْ الْخآمٍسْ ) ~> حَيآكُمْ ^.*

[حنين الأيام]

رفيع الشان

هو احد الاعضاء اللي اندمجت وياهم بداية اشتراكي بالبرزه لانه كان عضو سوالفجي فرفوشي ....

وكان خقاااااق لدرجه فضيعه خخ .. حتى اني اتذكر نزلت موضوع بالاستراحه عنه ( لانه خبل فينا اونه هو ملك هو ما ادري شو:eh_s(6)

بس رد الصاع صاعين :bad:

^
^
^
وهاي كلها سوالف والبرزه ما تحلى الا بسوالف الاعضاء :00100:

رفيع ما شاء الله عليه شاعر و اشعاره :ay: ,عضو صريح

بس احيانا ردوده تقهر ما ادري شو سالفته !! يحب ايغصص بالاعضاء .. بس ما عليكم منه

لانه الصراحه طيب وحطو تحت طيب عشر خطوط

نتمنى له التوفيق

ونتمنى انشوفه دوووم متواجد بالبرزه :bt:

 

[نظرة غرآم]

شو هآ ؟!

بَسْ 20 رَدْ

يآ عيبْ الشومْ بَسْ خخخ

بَسْ بقولْكُمْ وبَكَرِرْ أَيْ رَدْ بِيومْ الْأَرْبِعآ بَعْدْ السآعَهْ 3 بَيِنْحِذِفْ

مِنْ الضيفْ ايْحِطْ إيدَهْ بِالْمَوْضوعْ مآ أَبآ أَتَطآلَعْ رِدودْكُمْ

عِنْدْكُمْ فِرْصَهْ أَلْيومْ وبآجِرْ والليْ عِقْبَهْ ~> 3 أَيآمْ

وينْ الْحَمآسْ ~> أَخييجْ جَدْ أَحْبَطْتونِيْ ( فيسْ زَعْلآنْ ) خخخخ

وَلِيْ عَوْدَهْ <~ لِأَنِيْ قِلْتْ بَرْمِسْ عَنْ أَشْعآرَهْ لآهْ

بَسْ بَحِطَهْ بَرَدْ ايْديدْ

 

[عنابة]

رفيع الشاان

كاان شي واستوى شي ثاااني .. انجلب على الأعضاااء 180 درجه

ولو انه طيب لكن ألسااانه يشريه ماا يعرف يطوف كلمه .. نشبه ويوقف كسل فبلعوم اللي ينااقشه اتقول مااكل فلفل

خخ

 

[نظرة غرآم]

عُدْنآ

أشْعآرَهْ

امْمْمْمْ

عَيْبَتْنِيْ قِصَيدْتينْ مِنْ عِنْدَهْ وَ الْبَقِيَهْ مآ عِيْبونِيْ

يِمْكِنْ مِنْ الْقآفِيَهْ مآ أَعَرْفْ

ويِمْكِنْ أَنآ ذوقِيْ صِعِبْ بِالشِعِرْ

يَعْنِيْ أَحِبْ شَرآتْ قآفِيَهْ بآبآ زآيِدْ اللهْ يِرْحِمَهْ &حآمِدْ زيدْ & سَعَدْ عَلوشْ

وثآنِيْ شِيْ بِالصَوْتِيآتْ ~> مآ عِنْدَهْ فَنْ الْإِلْقآءْ

وَهآ رآيِيْ وَ بَصَرآحَهْ

وخَلْ إِنْتِقآدِيْ ايْجَدِمْكْ مِشْ ايْأَخِرْكْ

ولِلْأَمآمْ دومْ

وَلِيْ عَوْدَهْ

 

[A.D]

كح كح ..

رفيع الشآن .. اسمحلي عالتآخير بس الفآشله نظرة غرآم مآتعرف ادير موآضيعهآ وتسوقهآ هع

من كلآم الاعضآء سمعت انك تغيرت وآيد --> الله لآ يغير عليك اكثر

ريآل طيب ونعم فيه معني مب محتك في الاعضآء وآيد .. بس المآس لمعته من بعيد تبآن:eh_s(6):

ظآهر عليك انك كشيخ:eh_s(6): ومتآبع علوم المآركآت :ay:

شد حيلك في المجآل الشعري والله يوفقك

يعطيك الصحه والعآفيه .. وخف عالحلوين ---> يشتكون عليك هههه

عسآك عالقوه :bt:

 

[الصيـاد]

.
.
..
..
..
..
السلام عليكم و رحمة الله و بركاته
.
.
.
نظرة غرام الله يعطيج الف عافيه ع المتابعه ، والسموحه منج ع القصور .
.
.
أخينا رفيع الشان .

عرفته شخصيا قبل سنوات هو والاخ العوسج
والشخصين قمه من الاحترام و الاخلاق ، واحيده رياال محب لليوله والرزيف <<< ما ادري هل لازالت ولا خلاص بطلت خخخ

كلنا ندري فيه انه شااعر ويملك موقع شخصي يضم اشعاره بس ملاحظ عليه انه قليل ما نشوف له طرح جديد لقصائده ولا نعلم السبب :^^: .

احس انه جدا جدا حساااس ويملك مشاعر جياشه ولا يقدر يخفيها ، وما يحب يجامل وهذا شي جدا جميل ( الصراحه راحه ) .

اتمنى له كل توفيق بحياته
واسمحنا ع القصور

.
.
.
.
.
بحفظ الله
الصيـاد
..
..
..
..
.
.

 

[عسولة الشحوح]

رفيع الشان
شخص مثالي ومميز ومبدع بالبرزة
وانسان لايوصف بكلمة واحدة
شاعر وطيب
وله اسلوب جميل
سواء كانت شخصيته الشر والخير ولكنه يتميز بكلا الحالتين بالطيبة
لا توجد لديه اي سلبيات
انسان ضحوك ويحب يتغشمر

 

[نظرة غرآم]

^
^
^

رِفيعْ الشآنْ مآ عِنْدَهْ سَلْبِيآتْ ؟!

دَوْرِيْ وَ بَتْلْقينْ

وحآضْرينْ لَوْ تِبينِيْ أَغَشِشْجْ ككككككك

بآجِرْ آِخِرْ يومْ وبَيِدْخِلْ رِفيعْ الشآنْ وبَيْرِدْ عَليكِمْ

لَوْ شِيْ بِخآطِرْكُمْ مِنْ صوبَهْ لآ اتْقَصْرونْ خخخخ

الصَيآدْ ~> مَسْموحْ أُخويَهْ بِالْحَلْ ^^

فِتِكْ ~> / قآلْ اتسوقْ الْمِوآضيعْ قآلَ ككككككك اشْدِرآنِيْ بِهَالسِوآلِفْ / زينْ مِنِيْ ظَهَرْت لِكِمْ هَالْفِكْرَهْ الْعَبْقَرِيَهْ سآعْدونِيْ عآدْ خخخخ وفآرِجْ أَحْسَنْ لِكْ

 

[ربي ثبت قلبي...]

احسه معجب بنفسه حيل ..وللا سف اعتبرها مو زينه
احسه بعد يكره البنات ..
كم مره ادخل موقعه بس ما احس مهتم فيه اكثير !!
اشوفه يدخل البرزة فتره ويقطع فتره ..


ايجابياته ..

شاعر ..>>عندي له سؤال اذا بيجاوب بقوله ..
له تواجده بالبرزة
احسه محبوب من الاعضاء ..<<الذكور


بس
هذا اللى ببالي

بتوفيق

 

[ولهانة زايد]

:::[ رفيع الشـــآن ]:::



مقدمه خخ .. عضو جديم وامغبر .. صآل وجآل فالبرزة .. وعآشر معظم القدآمى

ويتحسف وآيد ع هآك الأيآم كأنه شيبه خخ .. وأنآ أقولك .. مآفي شي يتم على حآله .. وعسب تحآفظ على عمرك .. حآول تتقبل واتعآيش التغيرآت





~[ إيجـــآبيآته ]~


-- شاعر متألق ومتجدد أثبت نفسه بأسلوبه الخاص البرزة

-- يثبت نفسه وحضوره من شخصيته القوية فالبرزة .. من خلآل ردوده وتعآمله ف أغلب الأحيآن

-- مشرف رآئع .. بذل جهده بالارتقاء بقسمه، مآعليه قصور ورآيته بيضه :bt:

-- عدة مرات طلب يتقاعد بس الإدآره ترفض الطلب :h015: .. وهآ دليل إنهم متمسكين فيه لآنه مشرف قدم الكثير للبرزة

-- رفيع الشآن من اسمه .. كبريآءه بالسحآب ..

إذأ حد حآول يوصلله أو يعيقه، يكشر عن أنيآبه عسب يتم فوق مهمآ كانت النتايج << إيجآبية & سلبية

-- مخلص للبرزة .. ينقطع عنهآ فتره ويرد ..

يحآول يهرب منآ ومن البرزة بس << حآفظ على بووووووزك مآترووم تهدهآ مردك لهآ :yaw: خخخي

-- ودليل إخلاصه صورة رمزيته اللي من يومه مآ غيرهآ خخ << وإذآ فكرت بضربك :h035: خخ

-- إنسآن ازقــرتي وكشـّيخ .. ويهمه برستيجه جدام اللي حوله .. يعتي عآلي مستوآهـ مثل مآ يسمي عمره :ay:

-- يقدر [ حـوّآء ] ويعطيهآ احترآمهآ اللي تستحقه .. وفالمنآقشآت يوقف ويآهآ أو ضدهآ بـ[ الحق ]

-- رغم الضحك والسوآلف فالبرزة .. إلآ إني آحسه جدي وصعب المرآس << حلوه هآي خخ

-- عليه ضحكة الديآيه المشهوره بالـ[ ويك ويك ويك ] التي هزت ارجآء البرزة بتميزهآ خخ .. ويتني فتره أستخدمهآ ف مسجآتي خخ

-- إنسآن محترم ورآقي جدن تعآمله .. و ربــي ليومكم عالصعيد الشخصي مآ شفت منه إلآ كل خير

-- مآ عليكم منه هالأيآم تحملوهـ .. مرد الإنسآن لمعدنه .. ومعدن [ رفيع الشآن ] أصيل وطيب وقلبه عالكل

-- وهيي نسيت .. ويـــهي استوى نآصع البيآض من كثر مآ يقول: الله يبيض وجهك :eh_s(6): خخ





~[ سلبيــــــآتـه ]~


-- بالنسبه لصوتيآتك .. أتمنى تركز عليهآ أكثر من ناحية الالقاء ..

المفروض كل قصيده تتميز بإلقاءها الخاص بس صوتياتك كلها بنفس الأسلوب..!!

يعني يوم تلقي القصيده أحسك متملل من التسجيل خخ .. اقتراحي، جرب يلس وياك حد فالغرفه وسجـّل .. وشوف النتيجه :^^:

-- وأطآلبك اتنزل لنآ قصآيد حسب المنآسبآت والمحآفل الوطنية اللي نمر عليهآ .. أو عالأقل تشجع شعرآء القسم ف هالسآلفه :ha:

-- سآعآت يوم مآلك نفس .. تحآول اتنكت غصب خخ .. ف تطلع النكت والتعليقآت ثقيلة دم وبآيخه خخخ

-- نصيحتي .. خلك على حسب نفسيتك، ويوم تكون كووول .. نكـّت واتسآخف ع كيفك لأنك تسقإني صج صج ف هاك السآعه :sheer: خخخ

-- برستيجه وكشخته .. اتدخله في معمعة الخقه الزآيده << وين تبين خخخ

-- وبطروووووووووون لدرجه فظيعه .. مآ يعجبه العجب، أحس عآدي يغرق عمره بالديون المهم يكمل بطرته :msgplusimg1434pm9: خخ

-- ومن الصفتين الفوقيتين ~~~>

-- مآدري ليش أحسه من اللي يحآوطون ف شآرع الكويتي .. صآيبني إحسآس قوي يآخي :h015: خخخخخخخ

-- مزآجي، وعنيد ورآسه يآبس، بس أعرف أتعآمل ويآه وآنآ أخته :^^: خخخ

-- مآعيبنآ منك يوم قمت اتشآوح بأسلوبك ونزلت من مستوآك اللي عودتنآ عليه .. خلك حليم يآخي

نفسيتك برآ لآ اتييبهآ ويآك دآخل البرزة .. تستوي نفسيتك خآيسه مآ تتحآكى .. نحن القدآمى نعرفك وتهون عليناونقول << اليوم الظآهر متضآيج! ونسكت عنك ..

بس خل فبالك شي أعضآء مآيعرفون طبعك ف يتحرونك تستفزهم وللا شي من هالقبيل .. وتبدآ عاد التجآت والاضرآبه

-- فيه نوع من الدفآشه المستقصده خخ .. بهدف إنه يغصص فاللي حآطنهم ف رآسه .. وبالتآلي معنويآته ترتفع ع حسآبهم خخ

-- ولأنـي بالفعل أعتبرك [ أخوي ] .. نصحتك :eh_s(6): .... فـ اعتبرني بالفعل [ خيتك ] .. وتقبلهآ مني وانتي جيه :eh_s(6): خخ ..~





~[ وبالأخـيــر ]~

أتحدآك اتنزل لنآ [ شـلــه ] صوتيه بقصيده يديده من إبدآعك :^^:

​