..][تمــوت عيونهم فيني..وانا بك ميته عيني][..

[~غيبوبه~]

××في بيت ابونايف××
نايف يلبس الكاب:الحين وش فيك مطيح عندي..
بندر يستهبل:معجب..
نايف:اسف مااقبل معجبين..
بندر:مصدق نفسك بزياده ترى ياولد كندا..
نايف:الحين وش فيكم ماسكين علي هالكلمه..
بندر:لانك من رجعت من هناك واخلاقك بايعها..
نايف:ليييييه افااا..
بندر يرفع العطر:افاا وهذا الدليل..
نايف انقرف:قسم بالله انه من دكتوره عندنا وكبر جدتي لاوش جدتي اخاف اظلمها لايروح تفكيرك بعيد ترى وجهها يجيب المرض..
بندر تعطر:والله وعندها ذوق..
نايف ابتسم بدون نفس:شايف كيف..
بندر يناظر نايف ووده يقول ووده مايقول..
نايف انتبه له:كنك تبي تقول شي..
بندر:بصراحه ايه بس هو امانه في رقبتك..
نايف لف عليه:ايش..
بندر:وعد ماتقول لاحد وخاصه مشعل..
نايف بأهتمام:اوكي وعد مااقول بس ايش..
بندر:ملاك تزوجت..
نايف مو مستوعب:كيف..
بندر:شافها حمد خويي في دبي ومعها زوجها..
نايف:العب غيرها..
بندر رفع كتوفه:عمرك ماصدقت..
نايف:هي تموت على مشعل كيف تتزوج..
بندر:والله عاد هذا اللي صار وإلا..<<وسكت..
نايف:وإلا ايش..
بندر:ولاشي..
نايف:بندرووووه..
بندر:إلا اذا كان خويها..
نايف ميل فمه:مالت عليك وعلى تفكيرك اللي مثل وجهك..
بندر:والله مو غريبه عليها..
نايف:ماعلينا منها بس اسمع لاتقول لمشعل ترى والله يعلقنا انا وياك بدال خروف العيد..
بندر:الحين لي ساعه اقولك وعد وامانه ومدري ايش وانت قاعد توصيني..
نايف:لااذكرك بس..
ام نايف جت عندهم:وانت ورا مارحت..
نايف يدور عذر:ولدك اخرني..
بندر حقد على نايف حقد:انا هاه..
نايف غمز لبندر:ايه انت..
بندر عض شفايفه:جد انك..وإلا مولازم اقول انت عارف نفسك..
ام نايف:يله نايفوه بسرعه خلصني..
نايف خذ نظارته والمفتاح:اوكي يله سلام..
ام نايف:وانت يله على الحمام..
نايف كان يعدل جزمته عند الدرج وسمعها بصوت عالي:حلوه ياام نايف هههههههههه..
بندر فتح عينه على اخر شي:بزر انا..
ام نايف ابتسمت:والله لو صار عمرك 50سنه بتبقى في عيني بزر..
بندر يمزح:مطوله يمه ههههههههههههه..
ام نايف ضربت كتفه:ووووجع ان شاء الله..
بندر باس راسها:الله يطول بعمرك ياقلب بندر وروحه..
ام نايف:ايه العب علي بهالحكي..
::
..في الصاله اللي تحت..
ابونايف يناظر قناة الاقتصاديه الاسهم ويتقهوى..
نايف باس راسه:مساء الخير..
ابونايف بأبتسامته اللي تشبه ابتسامة نايف كثير:مساء النور هلا وانا ابوك تعال تقهوى..
نايف:والله يابونايف ودي بس ام نايف موصيتني على اغراض..
ابونايف:ياكثر ماتوصي هالحرمه..
نايف:ههههههههههههههه لاتسمعك الحين والله تتوطى في بطنك..
ابونايف:ذاب الميانه اشوف..
ام نايف نازله من الدرج:ناااااااااايفوه ووجع..
ابونايف:مين بيفكك من يدينها الحين ههههههههههههههههه..
نايف ركض وفتح الباب:بااااي..

×× في بيت ابومشعل××
ريم تاخذ لفه على نفسها:شو رأيك..
تركي صفر:اوووه ياعيني وش ذا الحلا بصراحه مااصدق ان اللي قدامي ريم..
ريم:تبيني اعطيك بوكس علشان تصدق..
تركي:انتي وش فيك اليوم مشتهيه تعطين بوكس لأحد..
ريم:والله إظاهر كذا وذا البوكس يابيجي في خشتك او خشة اخوك..
ام مشعل تسكر عبايتها:يله يله تأخرنا على جدتكم..
تركي:يمه اي تأخرنا الساعه ثلاث..
ام مشعل:المفروض بعد طالعين من الصبح احمدوا ربكم يعني..
تركي:حمد الله..
ام مشعل:يله قبل مايأذن العصر عاد متى بنوصل..
تركي:شايله هم يمه باقي على اذان العصر ربع ساعه مايمدينا نمشي خطوتين إلا وهو مأذن خليها بعد الصلاة..
ام مشعل:اقوووول يله قدامي..
تركي وقف:مره ثانيه انسوا اني بوصلكم..
ريم:اذا جت المره الثانيه يحلها الف حلال..
ام مشعل متكتفه:مطولين..
تركي:لا بنلف يمين خخخخخخخخخخخ..
ريم:باااايخه..
تركي:محد طلب رايك..
ام مشعل صرخت:بتمشون وإلا وشلون..
تركي خاف:طيب طيب ان شاء الله..

 

[~غيبوبه~]

××في بيت ابوفيصل××
ام فيصل تدق الباب على لمى:بسررررررررعه انتي..
لمى فتحت الباب وشايله شنطتها وعبايتها وجزمتها:خلصت خلصت..
ام فيصل:مبين والله..
لمى رمت العفش اللي معها على الارض ودارت على نفسها:وش رايك ياقمييييل..
ام فيصل ماعطتها وجه:يله الحقيني..
لمى كشرت:لفه ودنيا دار راسي وفي الاخير يله الحقيني..
ام فيصل نزلت:اقول بلا كثرة حكي..
مها:انتي وش فيك استعجلي شوي..
لمى جلست على الارض تلبس جزمتها:وليه استعجل بعدين انا مدري ليه امي معلقه على اليوم حاطه دوبها بدوبي وكأني قاتله لها احد..
ام فيصل بصوت عالي:لميووووه..
لمى ضربت خدها مقهوره:شفتي..
مها:ههههههههههههههههه لااكيد قاتله لها احد مافيها كلام..
لمى وقفت ونزلت وهي تتحلطم..
ام فيصل واقفه عند الدرج وتهز رجلينها:بسرعه يالبارده..
لمى نطت درجتين بغت تخبط على وجهها تمسكت في امها:مـــــــــــاما..
ام فيصل:عمى يعمي العدو ان شاء الله مو كذا عاد..
لمى مسكت موالها:عاد وإلا ثمود ههههههههههااااي..
فهد:لا اصحاب الايكه..
لمى شافت ابوها يقرى الجريده نطت عليه وباسته:اشتئتلك يابي..
ابوفيصل:ههههههههههههههههه شوي شوي..
فهد يلعب بالمفتاح ناظر امه بطرف عينه:متى بنمشي..
ام فيصل تكتفت وبطفش:لما ينتهي مشهد الابوه حق اختك..
لمى همست:مرتك ذي ذبحتني..
ابوفيصل:ههههههههههههههههه..

××في بيت ابوراكان××
ام راكان دخلت على راكان:وش فيك راكان..
راكان على نفس جلسته اللي من ساعه قال بدون نفس:مافيني شي..
ام راكان: فيك شي والا مافيك انا وش علي قصدي وش فيك مزعل مشاعل..
راكان بدون مايناظرها:ياليل ماطولك شكل هاليوم مو معدي على خير..
ام راكان بحزم:راكان ناظرني لما احاكيك..

راكان ناظرها يكرهها يعتبرها ابشع خلق الله هي اللي رمته عند الجده نوره وقالت انا مو مستعده اربيه هي اللي فضلت مشاعل وهيفاء عنه مع انهم مايعاملونها بأحترام مثله علشان كذا كره عيال خواله يحس انه ناقص عنهم هم عندهم كل شي ام تمسح دمعتهم تحظنهم تحسسهم بالامان واب يشدون فيه الظهر عزوتهم وتاج راسهم يستمدون القوه والصبر منه واخوان يفضفض لهم يمزحون مع بعض يلعبون مع بعض هو ماعنده هذا هو ولاشي..

ام راكان:خير وش فيك تناظرني كذا..
راكان بأحتقار:مو انتي قلتي ناظرني لما احاكيك هذا انا اناظرك خير امري نعم وش تبين..
ام راكان:وش فيك على مشاعل..
راكان:اها مشاعل حبيبة قلبك بليز علميها كيف تحكي اول وتترك عنها المياعه والغرور اللي ذابحها مدري على ايش..
ام راكان عصبت:وانت وش عليك..
راكان:صح انا وش علي (وقف وقرب منها) زوجك الحلو وينه يشوف المهزله هاذي..
ام راكان فتحت عيونها على اخر شي وكانت بتعطيه كف لكن مسكت نفسها..
هيفاء دخلت وهي ماسكه عبايتها:مامي يله نروح..
ام راكان:اختك وينها خلصت والا لسه..
هيفاء تنفخ على المناكير:مدري عنها..
راكان:عايله مفهيه من جد..
هيفاء تنرفزت:انت حقير متخلف غبي قروي وقح..
راكان صفق لها:اوووه شاطره وايش بعد..
هيفاء:انت ليه اسلوبك زفت كذا..
راكان ببرود:علشاني كذا واللي مو عاجبه اسلوبي (اشر على الجدران)عنده ذولي يطق راسه في اي واحد فيهم..
هيفاء انقهرت:اففففففف حقير..
مشاعل تسكر عبايتها:يله مام..
ام راكان:اوكي يله وانت لاتتأخر ترى امك بتسوي لك سالفه..
راكان بنفس البرود:امي تقول اجي مثل مااحب واطلع مثل مااحب انتم بس فارقوني وماعليكم مني..
ام راكان انقهرت طلعت من الغرفه مالها خلق تتمشكل مع احد وخاصه راكان:يابنات الهم يله تعالوا..
راكان:يله يابنات الهم يله حبايبي انقلعوا عني..
مشاعل طلعت بدون نقاش بس علشان راكان وإلا اذا كان واحد ثاني غيره غسلت شراعه..
راكان:وانتي ماودك تروحين..
هيفاء صرخت في وجهه:سخييييييييييييييييييف..
راكان ضحك بأستهزاء:ههههههههههههههههههههههه..

 

[~غيبوبه~]

××في السوبر ماركت××
خلود:وانتي اذا حملتي وش تتمنين ولد وإلا بنت..
هديل:بنت..
خلود:وش معنى..
هديل تغني:اموره وحلوه وكتكوته..
ولد كان واقف وسمعهم وابتسم..
هديل:حتى ريم تقول اتمنى اجيب اول شي بنت بعدين بنت بعدين بنت..
خلود:هههههههههه..
هديل لفت وصدمت في كتف شاب وشهقت:اسفه..
الشاب التفت عليها:ماصار شي عادي..
هديل مفهيه في ملامحه..
خلود سحبتها وهمست:خيييييييييييير ان شاء الله..
هديل:نااايف..
نايف:تعرفيني..
هديل:انا اخت مشاري..
نايف ابتسم:اهلين بأخت الغالي كيفك..
هديل عيونها طايحه في الارض:بخير..<<ياخذ امن جابتك تهببببببببببببببببببل..
نايف:خلونا نشوفكم عاد انتي والوالده..
هديل:ان شاء الله..
نايف:وصلي سلامي لمشاري القاطع والوالد..
هديل ابتسمت من ورا الغطا:يوصل..
نايف:يله سلام..<<وطلع..
هديل شهقت شهقه ملت السوبر ماركت كله..
خلود:عممممممممممى..
هديل:في ذمتك مايجنن..
خلود:والله مافيه احلى من سوسو..
هديل:مالت عليك وعلى سوسو حقك ذا..<<ومشت بسرعه قبل مايجيها بوكس محترم..
خلود تمشي وراها بثقل كنها بطريق خخخخخخ:هدييييييييييييل وقفي..


دخل بسيارته الروز رايز داخل القصر وصوت الميوزيك عااااالي..
نزل من السياره بغروره وتكبره جوا القصر..
فسخ نظارته"جورج ارماني":كالعاده الوالد مسافر يااااا ميييييري..
ميري جايه تركض وتلهث:yes..
احمد بأحتقار:شوي شوي لاتطيرين (قرب منها ومسك بلوزتها وبنظرات خبث) كيف حالك ياحلوه..
ميري خافت:الحمدو لله..
احمد ضحك بأستهزاء:ههههههههههه صدقت نفسها (بعدها عنه بقرف ونفض يده) give my food coikly..سمعتي وش قلت كويكلي..
ميري راحت تركض للمطبخ:بسسسسورعه هزا مستر احمد يبي اكل..
احمد تمدد على الكنب براحه وحط رجل على رجل شاف صورة ابوه كبيره معلقه على الجدار:كيف حالك ياسيد المجتمع الراقي ههههههههههههههههه..
...ربع ساعه بالضبط الاكل كان على الطاوله...كانت الطاوله مليااااانه..
احمد حاط يده على خذه وبأحتقار:شايفتني بغدي قبيله انا..
ميري بلعت غصتها..
احمد وقف:شبعت..
ميري فتحت عيونها على اخر شي مامد يده على الاكل حتى..
احمد رقى لجناحه رمى نفسه على السرير ونام...

 

[~غيبوبه~]

××في بيت ابونايف××
نايف يحط الفطاير وورق العنب على الطاوله:ياااااااااااام نايف..
ام نايف:هاه جبت اللي وصيتك عليه..
نايف:ايه يله انا بروح اتحمم..
ام نايف:الله يعطيك العافيه..
نايف:الله يعافيك..
نايف رقى وقابل بندر بوجهه يسكر الكبك حق ثوبه:شكلك بالثوب غلط..
بندر:ياخوي ماتعرف تجامل..
نايف:لا..
بندر:روح تحمم بس احسن يا (وخربط له شعره) وائل كفوري..
نايف:اما عاد وائل كثر لي منها..
ام نايف تبخر بندر:الله يحفظك من العين والحاسدين والظالمين ومن عيال الحرام قول آمين..
بندر:هههههههههههههه آمين آمين..<<ومشى لناحية الباب..
ام نايف:اقرى المعوذات يمه..
بندر:ان شاء الله يله سلام..
ام نايف:وانت لسه واقف..
نايف:لا بس كنت اتفرج على فيلم مصري قبل شوي خخخخخخخخ..<<وطلع لغرفته بسرعه..خذ روبه وفوطته ووقف على صوت جواله..
رد:هلاااا فصول..
فيصل:بتطلع الحين..
نايف:توني ماتحممت..
فيصل:يااااااااااااااليل ماطولك..
نايف يناظر ساعته:اووووه لاشكلنا تأخرنا..
فيصل:إلا اكيد ياابن الحلال اخلص بسرعه وإلا بروح لحالي..
نايف:طيب سكر علشان اخلص بسرعه..
فيصل:ان شاء الله..<<وسكر..
نايف ناظر في جواله:مو كذا عاد..


××فـــــي الاستراحـــه××
كانت كبيره وفيها قسمين للرجال والنساء وفيها ملعب لكرة القدم و كرة طائره ومسبح والعاب للصغار..ومع الجو البارد والمطر الخفيف..صااااار المكان روووعه..
::
ريم ولمى ومها يلعبون كرة طائره..
مها:يااااذكيه مو كذا يضربونها..
لمى:اللي يسمعك يقول محترفه..
ريم تشوت الكوره برجلها:كذاا احسن..
لمى ومها:ههههههههههههههههههههه..
.. ام راكان ومشاعل وهيفاء وصلوا اخر ناس...
مها همست:جت النكد..
لمى:ماعليك منها..
مشاعل وهيفاء:هاااااي..
ريم:هاااي..
مشاعل:وانتو ماتبون تردون وإلا ماعندكم لسان..
مها:لا ابشرك عندنا تونا شارينه خخخخخخ..
مشاعل ناظرتها بأحتقار:ردي على قد اللي ينقال..
مها:وانا رديت على قد اللي ينقال..
ريم حست ان الحرب بتبدى:كيفكم..
مشاعل وهيفاء:تمام..
هيفاء:وين الحريم جالسين فيه..
ريم:في المجلس..
هيفاء وهي تمشي:ثاااانكس..
ريم:ويلكم..
مها تقلد مشاعل:وانتو ماتبون تردون وإلا ماعندكم لسان..ياشيييييييييينك ماسكه نفسي بالقوه ترى..
ريم:والله بعد انتي ماقصرتي..
::
مشاعل تشوف شكلها في المرايه:اف ياليتني ماجيت..
هيفاء:وحبيب القلب..
مشاعل:اه هيفاء تكفين اسكتي لا اتهور الحين و اركض له..
هيفاء:تسوينها..
مشاعل:ايه والله اسويها ولايهمني احد..
هيفاء:شعوله مو وقت هبالك الحين بعدين وش هذا اللي لابسته الدنيا برد..
مشاعل:هذا كله علشان ولد خالك الحلووو..


...مشاعل كانت لابسه فستان اخضر نص الفخذ بدون اكمام ومفتوح من ورا لين اخر ظهرها ضيق ومبين شكل جسمها..شعرها رافعته كله ومنزله غرتها على وجهها..لبست صندل ذهبي وسلسال ذهبي وحلق كبير ذهبي..حطت ميك اب كثيف تبي تبرز جمالها اكثر مع انه مايحتاج بس هي كذا تبي عيون الكل عليها..ومافيه شي يرضي غرورها بس طالعه جذاااااااابه بمعنى الكلمه..
::
دخلوا المجلس....
ام راكان:هاذولي بناتي يمه....<<زيارات مشاعل وهيفاء قليله لجدتهم وتقريباً مايشوفونها الى من عيد لي عيد علشان كذا قالت ام راكان هالحكي...
الجده نوره كشرت لبس مشاعل فاظح مررره:داريه تحسبيني مااعرفهم..
ام راكان تفشلت تمنت الارض تنشق وتبلعها..
مشاعل ابتسمت بدون نفس:كيفك قراند ماذر..
الجده نوره بهمس:والله مدري وش ترطن ذي..
ام مشعل كانت جنب الجده نوره وضحكت بصوت واطي..
هيفاء راحت وحبت راس الجده نوره مع انها ماتطيقها:وش اخبارك يمه..
الجده نوره:حمد الله وش اخبارك انتي..
هيفاء:تمام..
ام راكان بأبتسامه:يمه هاذي هيفاء..
الجده نوره:انتي وش فيك تعرفيني عليهم وكأني ابد ماشفتهم..
ام راكان هنا لاصدق تمنت الارض تنشق وتبلها تغير وجهها مية لووون..
مشاعل بهمس:شوفي شكل امك..
هيفاء:ههههههههههههههه..
::

 

[~غيبوبه~]

××في قسم الرجال وفي مجلس الرجال××
بندر يتحرك وهو جالس يعدل شماغه وكمومه..
تركي مسكه:ياخوي اركد..
بندر: ياخي احس شكلي بالثوب والشماغ غلط..
تركي:هههههههههههه انا بعد احس كذا..
بندر:انت ونايفوه شغلتكم بس تحطموني..
تركي مع غمزه:المهم راي الحبايب وإلا..
بندر ابتسم:ايه صح قلتها اهم من رايك وراي الدلخ اللي عندي..
تركي:افااااا..
::
راكان كان جالس بأخر المجاس ويطقطق بجواله كان فاتح ازاريره ومسكر الازارير الاخيره ولابس بعد سلسال اخره حديده محفور فيها حرف الـr..
::
مشعل:شوف الاخ راكان جالس في مقهى..
نايف:وين ابوه..
مشعل:ماجاء.. اصلاً وجوده هو وابوه مثل عدمه..
نايف عطاه كوع:اسكت لايسمعك احد..
مشعل:انا ابيهم يسمعون..
فيصل:انت وياه وش تهذرون..
مشعل بحقد:شوف راكان..
فيصل: تصدق احس انه بزر..
مشعل:اصلاً هو بزر..
نايف:ياااااليل بتطولون انتو خلوا الولد في حاله..
مشعل يناظر راكان بأحتقار:والله والله وهذاني حلفت ان ماربيته زين مااكون مشعل..
فيصل:ماتوصل لهالدرجه..
مشعل:لا توصل لأكثر من كذا بعد..
نايف:وش ناوي تسوي..
مشعل:كل شي بوقته حلو..
نايف بهمس:انا اشهد ان ولد عمك هذا مجنون رسمي..
فيصل:والله انا مع مشعل اللي بيسويه انا بسويه معاه..
نايف:متفقين على شي..
مشعل:ولا شي بس انا قلت كل شي بوقته حلووو وكفو يافصيل هذا العشم فيك والله مو مثل بعض الناس..
نايف:بكيفكم انا مالي دخل وبعدين ذيك السالفه خلاص سكرناها..
مشعل وقف:وانا بفتحها..

 

[~غيبوبه~]

نهاية الجزء الثاني

 

[~غيبوبه~]

..الجـــــ الثالث ـــزء..
××في قسم النساء××
ريم دخلت المجلس...
ام نايف:ماشااااء الله وش هالزين وش هالحلاوه..
ريم توردت خدودها:تسلمي..
لمى:وش هالحركاااااااات شكلها حاطه عينها عليك..
ريم:ممكن تنطمين..
لمى:طيب سكتنا..
ريم:لحظه قبل ماتنطمين وين مها..
لمى:مدري يمكن طلعت تشم شوية هوا(ناظرت في مشاعل) بدال الكتمه هنا..
ريم:هههههههههههههه..
مشاعل انقهرت وبهمس:اوريكم انتي وياها مابقى إلا البزارين بعد..
لمى اشرت لها بلامبالاة:هههههههههههه..
::
مها كانت تتمشى وهي في عالم ثاني وفي دنيا ثانيه..
جاها صوت من وراها:
مهاا..
مها ماقدرت تلف تجمدت مكانها..
مشعل جا قدامها:ليه مالفيتي يعني لازم تخليني ادق مشوااار..
مها:ههههههههههه..
مشعل:كيفك..
مها بأرتباك:تمام..
مشعل:يعني عجزتي تلفين وعجزتي بعد تقولين كيفك يامشعل بس ابشرك حمد الله انا بخير..
مها:هههههههههه لاكنت بقول بس انت..<<وسكتت ماعرفت وش تقول..
مشعل:وانا ايش..
مها:.............
مشعل:مو هذا موضوعنا المهم الحين انتي وش طلعك برد هنا..
مها:جيت اشم شوية هوا مشعل صدق بتسافر..
مشعل:ايه ودك تروحين معاي ترى والله ماعندي مانع..
مها:تخيل..<<والله يالييييييييييت..
مشعل:تراااني طالع من المجلس وطفشااان من اللي جوا يعني انتي جيتي في وقتك تونسيني..
مها حطت عينها في عينه"معقوله للحين تحب ملاك":مشعل ممكن اسألك سؤال..
مشعل:قولي..
مها بتوتر:يعني انت للـ....<<وسكتت..
مشعل:ايه كملي..
مها حطت شعرها ورا اذنها بأرتباك:للحين تحب ملاك..
مشعل تغير لون وجهه"قلبتي علي المواجع وش جاب طاريها الحين"..
مها تجمعت الدموع في عينها:شكلي ضايقتك..
مشعل لف عنها ودخل يدينه بجيب جاكيته..
مها لحقته ومسكته بدون شعور:اسفه ماكان قصدي..
مشعل ناظر في يدها ومها بعدتها..
مشعل ابتسم بضيق:ماله داعي تتأسفين..
فيصل بصوت عالي:مششششششششششششششعل..
مها:روح شوفه..<<اول مره يافصيل تسوي خير فيني..
مشعل حقد على فيصل حقد:اوقات اخوك غلـــط يله باااااي ميمي..
مها ابتسمت بضيق:باااي..
مشعل ركض لفيصل:خير خير وش تبي..
فيصل:الجماعه اللي جوا يسألون عنك وينك..
مشعل:رحت للحمام يله ندخل قبل مايسوون لنا سالفه..
::
مها دخلت المجلس وهي سرحانه في مشعل..
لمى:مهييييييييوووه..
مها:..............
لمى صرخت في اذن مها:مهااااااااا..
مها:ااااي انتي اذني ابيها خيييير وش تبين..
لمى:اللي ماخذ عقلك..
مها معصبه:محد..
لمى:وش فيك معصبه..
مها:مافيني شي..
لمى بهمس:مشعل صح..
مها بحزن:توني شايفته..
لمى بحماس:والله وش قلتي له وش قالك..
مها نزلت راسها:ولاشي..
ام فيصل:لمــــــــــــــى..
لمى بهمس:شغلك معاي بعدين (علت صوتها) سمي..
مها نزلت دموعها"وش حقه الحين قلت له هالكلام وش دخلني انا"..
::

 

[~غيبوبه~]

××في قسم الرجال××
ابونايف:اجل وين ابوك ياراكان..
راكان قاعد يناظر الجوال:ماراح يجي..
ابوفيصل:ليه عسى ماشر..
راكان وقف:اسألوه انا وش يعرفني..<<وطلع..
الكل اللي في المجلس مستغربين من كلامه إلا مشعل لانه عارف وقاحته زين..
::
طلع راكان يتمشى وشاف ريم جالسه في المرجيحه وتلعب بخاتمها..قرب منها وهمس
:يانااااااس احبها..
ريم رفعت راسها ووقفت:خير وش تبي..
راكان ناظرها بخبث:ابيك انتي..
ريم خافت لفة عنه بس هو سبقها ومسك يدها:احبــــــــــــــــــك يابنت الحلال..
ريم سحبت يدها وركضت..
راكان بخبث"بمشيها هالمره واذا تبين اللي بعدها واللي بعدها بس مصيرك لي انا وبس"..
::
ريم دخلت غرفه وسكرت الباب وتسندت عليه قلبها تزيد دقاته وصوته يرن في اذنها.."احبـــــــــــك يابنت الحلال"..غمضت عينها تحاول تنسى وتهدي نفسها..
جلست على السرير تحس في عيونه خبث وحركته البايخه اللي سواها تدل انه وقح وقربه منها تحس انه ناوي على شي..
انفتح الباب بقوه ريم حطت يدها على وجهها وصرخت
:بعــــــــــــــــد..
لمى:حبيبتي ريوم وش فيك..
ريم رفعت راسها وبلعت ريقها:هذا انتي..
لمى جلست جنبها:ريم فيك شي..
ريم حظنتها ويدينها ترتجف:لمى خايفه..
لمى:وش خايفه منه..
ريم:منه هو(غمضت عينها بقوه وقالت بصعوبه) راكان..
لمى بعدت عن ريم:راكان ليه وش سوى..
ريم برجفه:مدري خايفه..
لمى ابتسمت:لا اكيد انتي تحلمين قومي غسلي وجهك وانزلي الكل يسأل عنك (بقهر) لاااا شكلي انا ومها بنعنس وإلا بنتزوج هندي يااختي غطيتي علينا..
ريم ابتسمت ابتسامه صفراء وقامت..
::
...بجنب المسبح كانت هيفاء واقفه تناظر جوالها اليومين اللي راحت وهي تفكر تتصل وإلا ماتتصل في الاخير قررت ترسل له مسج...
مشاعل:هاه وش عندك..
هيفاء بهمس:خلاص بعدين اقولك..
مشاعل:وش السالفه..
هيفاء:قلتلك خلاص بعدين..

 

[~غيبوبه~]

..في افخم قصور الرياض.....
احمد قام من النوم وغسل رن جواله على مسج.."اكيد جنا ام النكد"..فتحها..
"..هااي احمد انا هيفاء.. كيفك؟!
لولاك في الدنيا غدى الحب مفقود..انت الوحيد اللي بتحقق مُناتي"..
احمد يقرأ وهو يبتسم بعدين تحولت بسمته الى ضحكة استهزاء.. :هههههههههههههههههههههه من اولها كذا لا حلووو حلووو والله يومين وجابت نتيجه..<<رفع جواله ودق على جنا..
جنا:هلا حبيبي..
احمد: الله يقرفك على هالكلمه بس بقولك ضبطت..
جنا بأستغراب:ايش..
احمد:هيفاء..
جنا بفرحه:جد ميدو عن جد تتكلم..
احمد بغرور:اصلاً كيف ماتضبط انا احمد..
جنا:ههههههههههههههههههه ماني مصدقه..
احمد:شكلك حاقده عليها حقد ناويه عليها..
جنا بحقد:وش حاقده شويه..
احمد:يله الحين بحاكيها..
جنا:اوكي حياتي..
احمد"ياااشينها من فمك"وسكر على وجهها..

في الاستــــــراحه××
ريم دخلت المجلس وتحاول تكون طبيعيه وتبتسم طول الوقت..
مها:شوي شوي لاينشق حلقك..
ريم:بلاك ماتدرين..
مها:ادري عن ايش..
ريم:سلامتك..
::
عند هيفاء..ومشاعل..
هيفاء رن جوالها وارتبكت..
مشاعل:ردي..
هيفاء بخوف:لا مابي ارد ردي انتي (ومدت لمشاعل الجوال) لالا خلاص انا برد..
مشاعل:حمد الله والشكر..
هيفاء تأشر لها اسكتي ردت بصوت اقرب للهمس:احمد..
مشاعل تسمع ولاتدري وش السالفه..
احمد بصوته الجذاب:وشو ماسمعت..
هيفاء بغت تطيح على الارض راح صوتها وقلبها يدق بسرعه فظيعه:احم..احم..احــ..مد..
احمد:ههههههههههههه واخيراً طلعت كيفك حياتي..
::
..عند الشباب الوضع غيييير قاعدين يلعبون بلوت..
تركي:فصيييييييييييل..
فيصل:خير..
تركي:الخير في وجهي لاتغش..
فيصل:ماغشيت إظاهر انت وحطيتها فيني..
نايف:مشيعيل تعال العب..
مشعل يناظر جواله:مالي خلق..
نايف رمى الورق وقام:بطلت..
الكل صرخ معترض بس نايف طنشهم وراح لمشعل..
نايف:خلاص إنسى..
مشعل دخل جواله في جيبه:ومن قالك اني افكر فيها..
نايف:اجل تفكر في ايش..
مشعل:في سؤال مها..
نايف:اللي هو..
مشعل:قالت انت للحين تحب ملاك..
نايف:وانت وش جوابتها..
مشعل:ماجوابتها لاني اصلاً ماادري وش هو الجواب..
نايف:كل اللي سوته وللحين تحبها..
مشعل تنهد بضيق:قلتلك مدري انا احبها وإلا اكرهها وإلا مدري..
فيصل:شبااااااااااااااااب العشاء..
مشعل بقهر:ولد عمك ذا ودي اذبحه..
نايف:ههههههههههه ليه..
مشعل:اوقاته غلط مثل وجهه..
::
نايف طلع يغسل يده لف وفتح عيونه على الاخير مصدووووم

لقى مشاعل واقفه قدامه ومايله بجسمها..
نايف يمسح يدينه ناظرها بأحتقار:لو سمحتي بعدي من هنا ماتدرين ان فيه شباب داخل..
مشاعل بدلع:يعني خايف احد يشوفني..
نايف"يالييييييل فهمت غلط ذي"ابتسم بدون نفس:لا والله وليش اخاف من انتي اختي وإلا امي..
مشاعل بوقاحه:لا هاذي ولا هاذي انا زوجتك مستقبلاً..
نايف يناظرها من فوق لتحت بأحتقار:هه تعرفين تنكتين بصراحه..<<ماااالت على امن جااابتك..
مشاعل صدقت:مشكووور حياتي..
نايف طلعت عيونه وقحه بشكل:العفو بس ادخلي..
مشاعل ارسلت له بوسه في الهواء:انت قول ابغى وانا اقول حاظر..انت الوحيد اللي كلامك اوامر..<<ودخلت
نايف كشر:اقووووول فارقينا حمد الله والشكر والله ماتخيلت عندنا ناس بهالوقاحه..
..:انجنيت من تحاكي..
نايف حط يده على قلبه:ياشيييييييخ خرعتني..
بندر:خير من تحاكي..
نايف عصب:مشتهي احاكي نفسي عندك مانع..
بندر:هههههههههه اوكي بس مو هنا في البيت..
::
××في قسم النساء××
دخلت هيفاء وهي طايره من الفرحه والارض مو شايلتها احمد غرقها بالكلام المعسول اللي عمرها ماسمعته من ابوها وامها اللي هم اقرب الناس لها...
الجده نوره:هيفاء وينك..
هيفاء:كنت في الحمام..
الجده نوره:كل هالوقت في الحمام..
هيفاء بدون نفس:رحت اتمشى شوي فيها شي وإلا ناوين تخنقونا..
الحريم صاروا يلتفتون على بعض مستغربين من كلامها وقحــــه بشكل,,..
ام راكان همست:اوووووريك يابنت الـ..
هيفاء قاطعتها:اقووول فكينا بعدين على فكره انا بنت عبدالرحمن..
ام راكان بأستهزاء:شكراً ذكرتيني..
لمى شهقت:وانا كنت احسب ان هيفاء عاقله طلعت كذا..
مها:ياختي العقل من هالبنتين متبري منهم..
ريم تفكر"يااوووويلي يااااويلي بقعد مع ذا لين بكره وش يفكني منه"
:وانا وش فيني خايفه الله واكبر عااد..
مها سمعتها:وش خايفه منه..
ريم انتبهت:هاه انا قلت شي..
مها:وش سالفتك ريووووم..
ريم تنهدت:لا سلامتك..
مها:انتي وش فيك كل ماحكيتك قلتي لي سلامتك وسلامتك..
ريم:ايه وش تبيني اقول..
مها:اي شي غير سلامتك لاني بصراحه تعقدت منها..
لمى:سلامات خير وش صاير لكم تتهامسون..
مها انقهرت:جتنا الثانيه..
ريم:هههههههههههه..
مشاعل تبتسم بخبث"بتشوف ياقلب مشاعل ان ماخليتك تشهق بأسمي مااكون مشاعل بنت عبدالرحمن"..
::

 

[~غيبوبه~]

,,,في قسم الرجال,,,
تركي يناظر ساعته:مشيعيل يله قوم..
مشعل ترك الملعقه:خير..
تركي:انت متى طيارتك..
مشعل:الساعه تسع..
تركي وقف:يله يله..
بندر:وين..
تركي:للمطار (ناظر في مشعل) وانت لسه جالس يله..
مشعل:انت الحين وش فيك مهتم..
تركي:علشان امك موصيتني عليك قالت لي وصله لين باب الطياره مسكينه تحسبك بتهاجر..
مشعل:ههههههه اوكي يله..
ابوفيصل:وش فيكم قمتوا..
مشعل:والله ياعمي طيارتي بعد ساعه متى بوصل..
ابومشعل:وانت وش وقفك معاه..
تركي همس في اذن ابوه:اسأل مرتك..
ابونايف:تروح وترجع بالسلامه..
مشعل:الله يسلمك من كل شر يله مع السلامه..
فيصل:اموووت واعرف ليه بتروح اكيد..
مشعل قاطعه:مااااالت على تفكيرك الشين..
الكل:هههههههههههههههههههههه..
نايف من بعيد:مشيعيل بااااااااااااي..
مشعل:باااااااااي..<<وطلع..
::
تركي ركب السياره:مطول برا يله اركب..
مشعل مدخل راسه من الشباك:بسلم على اللي جوا تعرف جمهوري كثير ولازم اودعهم..
تركي:تكفى ياتوم كروز بعدين طلع راسك الحين لا اسكر عليه..
مها طلعت وراحت لمشعل:بتروح..
مشعل:ايه بروح..
مها بحزن:تروح وترجع بالسلامه..
مشعل:الله يسلم قلبك من كل شر..
مها:مشعل اسفه على الكلام اللي قلته..
مشعل يسوي نفسه ناسي:اي كلام..
مها فرحت:لا سلامتك..
تركي يراقبهم من السياره فتح الشباك وصرخ:ياااااااااولد اماني..
مشعل لف عليه مكشر:خير..
تركي:خلصنا..<<ويأشر على ساعته..
مشعل يأشر له بيده:انتظر شوي..(لف على مها) ميمي اذا ماعليك امر نادي لي امي..
مها:من عـ (تداركرت نفسها) اوكي..<<وركضت لداخل..
راكان راح لمشعل وبنبرة استهزاء:مسافر..
مشعل بنفس النبره:ايه توك تدري الكل داري..
راكان بأحتقار:إلا انا لانك ماتهمني لاانت ولا عيال عمك..
مشعل ببرود:والله عاد نهمك مانهمك هذا شي راجعلك الله واكبر عاد انت تهمني..
راكان انقهر بس طنش بمزاجه..
ام مشعل وريم طلعوا..
مشعل باس راس امه:يله يمه اشوفك على خير..
ام مشعل:اذا وصلت يمه اتصل علي طمني..
مشعل:ان شاء الله (فتح يدينه) ريوووم تعالي ياحبيبتي بالاحظان..
ريم حظنت مشعل:بشتاقلك يادب..
مشعل:ههههههههه..
ريم شافت راكان يلعب بمفتاحه ويناظرها بخبث وهو مبتسم..بعدت عن مشعل بخوف..
تركي نزل:انت بتمشي وإلا وشلون..
مشعل:اوكي يله مع السلامه..
راكان همس لمشعل:الله لايرجعك بالسلامه..
مشعل ببرود:امين ههههههههههه..<<وركب السياره معصب..
تركي:وش قالك ذا..
مشعل:ياخذ امن جابته ياشيييييييخ..
تركي:ماعليك منه لاتحرق اعصابك هذا مايستاهل حتى تناظر في خشته..
مشعل:اوريه ابن الـ..<<وسكت..
تركي:اقول وش عندك مع مها..
مشعل:تسَلم مابيني وبينها ولاشي انا بعد ملـ..ـ<<وسكت حس بغصه في حلقه ـ..
تركي حس فيه قام ودخل سي دي(( لراشد الماجد))..يغير الجو اللي هم فيه..
::
..قهر ماكنت انا ادري تعيش بقلبي كذابه..قهر توي عرفت انك على الحبلين لعابه..
كذب كانت سواليفك..وكل كلمه على كيفك..
وانا اللي احسبك روحي..ولقلبي اقرب احبابه..
ولقلبي اقرب احبابه..
وفيت لقبك بعمري ولك ضحيت بأيامي..لقيتك للأسف كذبه..اعيش بها مع احلامي..
نعم صدقت كلماتك..ولاادري بنياتك..وهذا اليوم انا كلي ندم من راسي لأقدامي..
..ندم من راسي لأقدامي..
خلاص الحين ابي ارحل..وانا فيني الم غدرك..اباخذ قلبي من قلبك..
واخلي قلبك في صدرك..
بداوي روحي بروحي..وبكتم فيني جروحي..
بعيش الدنيا من دونك..وعيشي بالقهر عمرك..