..][تمــوت عيونهم فيني..وانا بك ميته عيني][..

[~غيبوبه~]

نهاية الجزء السابع

 

[~غيبوبه~]

..الجـــ الثامن ــــزء..

..اليــــــــــوم الثاني..

..على طاولة الغداء..
ام نايف:فشلتني يانايف عند دانا خليتها المسكينه تروح تجيب البخور مره ثانيه إحلم اعطيك شي..
نايف تنهد بقوه"اه يا دانا والله اني اعشقك واموت فيك"..
ام نايف:اووه ذا الاه طالعه من قلب..
بندر راح يغسل يده وجلس:كيفكم..
ابونايف:تو الناس..
بندر:والله يابونايف امس مانمت قاعد اسولف مع د..<<وسكت ـ..
نايف:ايوه كمل..
بندر توورط:داوود..
نايف:ايه ومن هو هذا..
بندر:تحقيق هو كل بس وانت ساكت..
ابونايف:بندر اترك عنك السهر..
بندر هز راسه:ان شاء الله على هالخشم يله انا طالع تبون شي..
ام نايف:تغدى اول..
بندر وقف:بتغدى مع تركي يلللله باااي..

مشعل صحى واول مافتح عيونه همس:ملاك..<<عدل جلسته وطاحت الصور من يده واول صوره شافها كانت ملاك لافه يدها على رقبته وتضحك..تذكر يوم همست في اذنه
:احبك..
مشعل:وانا اكثر..
ملاك بدلع:انت اكثر وشو..
مشعل صرخ:احـــــــــــــــبك..
ملاك حطت يدها على فمه:هههههههه عاد مو كذا..
مشعل:بكيفي انا ابيها كذا..
ملاك تخصرت:والله..
قطع افكاره صوت الباب يطق:لحظه شوي (باس الصور وحطها في الدرج)
:ايوه ادخل..
منصور:من متى انت صاحي..
مشعل:قبل شوي اسف على اللي صار امس..
منصور:خلاص انسى (ناظر في الغرفه) وش هالحوسه..
مشعل رفع كتوفه وابتسم بألم:عزوبي..
منصور:ههههههههه طيب تعال تغدى وصلي لو سمحت فاتتك صلاة الظهر..
مشعل وقف:اوكي بعد انت لو سمحت اطلع بغير..
منصور طلع:بسررررررررعه..
مشعل سكر الباب:طييييييييب..


××في بيت ابومشاري××
هديل:ياااااربي يابنات يهبل عذاااااااب انا غبيه يعني ماعطيته وجه غير اخر يوم..
مها:اسبوووع يالظالمه جالسه قدامه ولاحسيتي إلا اخر يوم..
هديل غطت وجهها بالمخده:غبيه وش اسوي..
ريم تسحب المخده:المهم انتي متأكده انك تحبينه..
هديل رفعت كتوفها:والله يمكن ايه ويمكن لا..
لمى:والله انا كني اشم ريحة حب هنا..
هديل مكشره:كذابه اصلاً مافيه إلا ريحة النسكافيه..
الكل:ههههههههههههههههههههههههههه..
خلود دخلت:ضحكوني معكم..
مها:اهليييين خوخه..
خلود:هلا فيك وش اخبارك..
مها:تمام..
ريم حطت يدها على بطن خلود:وش ناويه تسمينه..
خلود:والله للحين ماحددت..
هديل بنظرات خبث:ماحددت قولي ماحددنا..
خلود:وش قصدك..
هديل:قصدي انتي تعرفينه..
خلود رمت عليها المخده:ممكن تسكتين وبعدين انزلي تحت امي تبيك..
هديل:وش تبي..
خلود:مدري بس انتبهي لاتطلعين للحديقه فيها فيصل ونايف..
ريم صار قلبها يدق بسرعه من اسمه..
خلود:ريووووم وين رحتي..
ريم:هلا انا معاك..
خلود:وش اخبار خالتي..
ريم:بخير تسلم عليك..
خلود وقفت:يله عن اذنكم..
لمى:وين اقعدي معنا..
خلود وهي تطلع:سوالف العازبات غير سوالف المتزوجات..
الكل:ههههههههههههههههههههههههه..
خلود راحت لغرفتها ورفعت جوالها وشافت مسج من سعد عضت شفايفه وهي تقراه..
::
توني عرفت اللحين قلبي بلياك ضايع
وأحس إني بدونك ولا شي ..
واللحظة اللي عشتها بيوم فرقاك
حسيت بطعم الموت وأنا حي.. ..!
اشتقتلك يابعد روووحي..
::
ابتسمت وباست الجوال بقووووه وتنهدت:ياجعل يومي قبل يومك..
وردت عليه :
أثر القلوب تذوب من بعد الأحباب
وأثر العذاب غياب وصلك وصوتك
أقسى جروح الوقت صوتك لا غاب
وأعظم عذاب القلب لحظة سكوتك..
تقول كيف حالك..؟
ووش أخبــــــــــــــــارك..؟
حالي وأخباري تسأل عن أخبارك
انت طيب,أنا طيب
انت بخير,أنا بخير
يا للي من فقدتك ما شفت الخير
حبيبي شوفة عيونك تكفيني وبس
والحياة في قربك حيل أونس
يا حلو العمر في قربك ويا حلو الصبر
وأنــــا أنتظرك....
وانت بعد وحشتني مووووووت..
××
..في الحديقه..
مشاري وقف:عن اذنكم شوي..
نايف يطق على الطاوله:ذبحني الشوق يافيصل احبها حب مو عادي..
فيصل:والله انا اللي شكلي بذبحك خلصنا وش السالفه..
نايف ابتسم:محسوبك يحب..
فيصل طلعت عيونه:انـــــــــــــــــــــــــــــت..
نايف يناظر حوله:اظن مافيه احد غيري انا جالس قدامك..
فيصل مصدوم:معقوله..
نايف:ايه معقوله ليش مو انسان..
فيصل:لا انسان نايف تستهبل..
نايف:لا والله مااستهبل من جد اتكلم..
فيصل:مو معقوله اكيد انت مو نايف..
نايف يتريق:لا ابشرك نايف شف عاد تبي تصدق اهلاً وسهلاً ماتبي بسلامتك ياشيخ عمرك ماصدقت..
فيصل ابتسم:قسم بالله للحين مو مصدق..
نايف ابتسم:تبيني اكفخك علشان تصدق..
فيصل:مبروووووووووك بس مين تعيسة الحظ..
نايف:اوكي هالمره بمشيها لك تعيسة الحظ بنت خالي دانا..
فيصل:اوووووووووه دانا مره وحده..
نايف:ليه يعني مااستاهلها..
فيصل:لا وش ماتستاهلها بس انت تفكر بالموضوع جد وإلا..
نايف:ايه اقولك ياشيخ فيها سحر يجذبك لها انا اول ماشفتها مااستوعبت مدري وش اقولك بس ملكت قلبي من اول نظره..
فيصل:ياهووووووووووووه وصاير تحكي حكي سنع يعني خلاص تفكر تتزوجها..
نايف:ايه كفايه امي اليوم تحكي عنها وبصراحه مواصفاتها هي اللي ابيها..
فيصل:وش دعوه سياره..
نايف:هههههههههههههههه..
مشاري جاب الشاهي:خير وش السالفه..

 

[~غيبوبه~]

××في بيت ابوراكان××
هيفاء دخلت على مشاعل وولعت النور:مشاااااااعل..
مشاعل سحبت الشرشف وغطت وجهها:طفي النور وسكري الباب..
هيفاء نطت على السرير:قومي عاد..
مشاعل صرخت:هيفاااااااااء ترى مالي خلقك..
هيفاء كشرت وسحبت الشرشف وشهقت:مشاعل وش فيك..

مشاعل لفت للجهه الثانيه:مافيني شي اتركيني ابي انام..
هيفاء:انتي تبكين وبعدين وجهك اصفر قومي كلي لك شي..
مشاعل صرخت:ماابغى اكل اطلعي عني..
راكان دخل وبدون نفس:ليه كل هالصراخ..
هيفاء:تعال شوف مشاعل..
مشاعل وقفت ونزلت راسها ماتبي يشوف دموعها مره ثانيه ويتشمت:مافيني شي اطلعوا عني..
هيفاء:وجهك اصفر تعالي كلي..
راكان بأحتقار:هيفاء تراك مكبره السالفه يعني وش بيكون فيها..
مشاعل رفعت راسها بصدمه:يعني مايهمك..
راكان ببرود:وليه يهمني انا مايهمني في الدنيا احد غير انسانه وحده..<<وطلع..
مشاعل رمت نفسها على سريرها وهي مصدومه..
هيفاء:ماعليك منه هو اصلاً دايماً كذا مانهمه ولاهو يهمنا الله واكبر عاد..
مشاعل بصوت مخنوق:بس هو يهمني..
هيفاء:انا مدري ليه ميته عليه كأنه سائل عنك وإلا معبرك بكلمه..
مشاعل لفت عليها ودموعها على خدها انهار:اطلعي برا..
هيفاء:حمد الله على نعمة العقل بس..<<وطلعت وهي تغني..
مشاعل حطت راسها على المخده وبكت بحراره"مين هالانسانه ياراكان مين اللي بتاخذك مني"..
هيفاء:اختك ذي مجنونه..
راكان بأحتقار:والله ماالمجنون هنا غيرك انتي على الاقل هي تحس مو مثلك..
هيفاء بأستهزاء:تركت الاحساس لك انت واختك زين..
راكان ببرود:ههههههههههههههههههههههههه..
هيفاء انقهرت:خير ليه تضحك..
راكان حط اصبعه على راسه:كذا جاء لي مزاج اضحك..
هيفاء ضغطت على يديها لما صارت حمراء:سخيييييييييييف..


××الامارات..دبي××
رزان:يله ملاك تأخرنا..
ملاك تسكر ازارير جاكيتها:اوكي اوكي يله صح دقيقه..
رزان:وشو بعد..
ملاك بسرعه:سحـــــــــــــــــــــــر..
سحر:ايوه ست ملاك....
ملاك:يمكن انا اتأخر اليوم اذا عندك اليوم شغل و تبين تروحين روحي..
سحر:لا انا بائيه هون لحد ماتجي..
ملاك:اوكي بكيفك بس ترى بتملين..
رزان:يله مطوله..
ملاك:يله..

مشعل ومنصور ورائد يتمشون في حديقة الخــــــــور..
منصور:الحين وين كنت امس..
مشعل:ادور بالشوارع صح جوالي مدري وين حطيته..
رائد:حرقت اعصابنا نايف اتصل علينا وقال ان امك خايفه عليك..
مشعل:رائد عطني جوالك..
رائد طلع جواله ومده لمشعل:مين بتتصل عليه..
مشعل يدق الرقم:على امي الله يعيني اكيد بتسمعني محاظره..
منصور:شويه محاظره اشغلتنا ماخليتنا نكمل المباراة..
مشعل:ايه صح من فاز..
منصور:برشلونه اثنين..
مشعل:ماقلتلكم..
رائد:اصلاً متى شفناك علشان تقولنا..
مشعل:مو لازم اقولكم انتو اللي لازم تدرون خخخخخخخ..(راح بعيد عنهم) الو هلا يمه..
منصور:خويك ذا خبل..
رائد:من زمان توك تدري..
البنات طلعوا للسوق..
لمى تجرب صندل:بنات شوفوا حلو..
هديل:ايه مره حلو..
مها:بس مو كنه كبير شوي..
لمى بطفش:ياربي صرت مجربه خمس صنادل وكل ماجربت تقولي كبير وصغير انا غلطانه والله اخذ رايك وانتي يالثانيه لاتجاملين كل شوي تقولي حلو..
هديل:والله محد ضربك على يدك وقال خذي راينا صح ميمي..
مها:تقول وش رايكم بعدين تصرخ علينا..
لمى:والله مالي الا ريوم..
ريم كانت تناظر في الصنادل وعقلها مو معها..
لمى:ريم..
ريم:............
لمى قربت منها وهي لابسه صندل وفاسخه الثاني:ريمووووه..
ريم انتبهت:هاه ايوه..
لمى:وشو اللي هاه ايوه من ساعه اناديك..
ريم:كنت اطالع في الصنادل سوري ماانتبهت لك..
لمى:وش رايك بهذا..<<رفعت الصندل..
ريم:البسيه اول هو شكله حلو..
لمى مدت رجلها:لابسه واحد..
ريم:ههههههههههههههههههه البسي الثاني يالخبله شكلك مره مضحك..
لمى جلست:على قولة شيرين اه ياليل..
الكل:هههههههههههههههههههه..
لمى:هاه حلو..
ريم:حلو بس كبير شوي..
مها ناظرت لمى بنصر:شفتي..
لمى فسخته ورفعته:لو سمحت ماعندك اصغر من هذا..
ريم بهمس:الله يفشلك مو كذا وين إنا فيه في الحراج..
لمى بقهر:وش اسوي رفعتوا ضغطي..

 

[~غيبوبه~]

××في بيت ابوراكان××
مشاعل متغطيه وترتجف والعرق ينزل منها..
هيفاء دخلت:مشاعل قومي فاتتك صلاة الظهر والعصر..
مشاعل:هـ..هيفاء تعبانه..
هيفاء خافت وشغلت النور:مشاعل وش فيك..<<وركضت لها ـ..
مشاعل شفايفها ترتجف:بردانه بردانه..
هيفاء خافت:ياويلي وش اسوي (حطت يدها على جبهة مشاعل وشهقت) حرارتك مرتفعه مرره..
قعدت تدور في الغرفه مثل المجنونه:وش اسوي وش اسوي..
مشاعل:قـو..لي لماما را..كاان ابغى راكان..
هيفاء طلعت من الغرفه:ايوه صح راكان..(شافت امها طالعه من الغرفه ومتكشخه ونافخه ريشها) ماااام الحقي على مشاعل حرارتها مرتفعه..
ام راكان بلامبالاة:يوووووه على بالي عندك سالفه حطي على جبهتها كمادات فيها مويه بارده وخليها تشرب عصير برتقال او ليمون او زفت اخرتيني عن شغلي..
هيفاء صرخت:انتي ام انتي..
ام راكان اشرت بلامبالاة ونزلت..
هيفاء بغت تقطع ملابسها:صح راكان مالي إلا راكان..
دخلت غرفته كانت مفتوحه وهو غرقان في النوم هزته:رااااااااااكان قوم قوم..
راكان فتح عيونه:خير..
هيفاء بخوف:مشاعل مشاعل تعبانه..
راكان لف للجهه الثانيه:وانا وش علي..
هيفاء صرخت:قوووووم حرارتها ناااار قوم..
راكان قام بدون نفس:اففففففففففف..<<وراح لغرفة مشاعل
:خير وش فيك..
مشاعل ترتجف وتبكي:محتاجتلك راكان تعبانه..
راكان راح عند سريرها وجلس حط يده على جبهتها:اووووووووه وش هذا هيفاء بسرعه جيبي كمادات ومويه بااارده حطي فيها ثلج..
هيفاء نزلت بسرعه للمطبخ..
راكان حط يده على خدها ويديها بعد البطانيه عنها:بردانه..
مشاعل هزت راسها وهي تبكي:راكان لاتروح عني..
راكان جلس جنبها وحظنها وباس راسها:لاتخافي ماراح اروح عنك..
هيفاء دخلت:بسرعه راكان..

تركي:هاه وش صار..
بندر:ولاشي بس شفتها و كلمتها كلمتين..
تركي:اشك إنها كلمتين..
بندر بقهر:والله ماقدرت احاكيها قهرررررررررر يعني لو كنت داري اني ماراح اشوفها كان مالبست ثوب والشماغ وتعبت نفسي..
تركي:يعني متحسف على الثوب والشماغ..
بندر:لاوبعد ماقالت بندر مغير النيو لوك..
تركي:قسم بالله ماعندك سالفه..

ملاك تتعالج بالكيماوي وحالتها مره متأخره:رزان اذا صار لي..
رزان قاطعتها بأنفعال:لاتقولين هالحكي ملاك انتي ماكنتي كذا ارجعي ملاك اللي اعرفها اللي تخفف عني كل شي..
ملاك بتعب:اتركيني اكمل حكيي..
رزان بكت:لا واذا سمعتك تقولي هالحكي مره ثانيه لاانتي صديقتي ولااعرفك فهمتي..
ملاك بلعت ريقها:سامحيني يارزان اذا..
رزان حطت يدها على فم ملاك:لاتكملين ملاك بليز لاتقولين هالحكي الله يخليك لاتقولين هالحكي..
ملاك بكت:مشعل اذا شفتيه يوم قولي له يسامحني واني احبه موت..
رزان طلعت من الغرفه وبكت"والله مدري كيف اعيش من غيرك ياملاك"..
علي جاء وبخوف:رزان وش فيك ملاك فيها شي..
رزان بصوت مخنوق:قل لي كيف اعيش بدونها..<<وبكت..
علي حظنها:اللي كاتبه ربك لازم يصير يارزان..<<بعد عنها ومسح دموعها..
:خلاص لاتبكين..
رزان:انت تحب ملاك..
علي نزل راسه وبحزن:بروح اشوفها عن اذنك..<<دخل عليها شافها ملاك ابيض على سرير ابيض وحولها الاجهزه..
ابتسمت بضيق:اهلين علي..
علي باس جبينها وجلس جنبها:كيفك اليوم..
ملاك:مثل ماتشوف علي سامحني انا..
علي قاطعها:ياملاك مااجبرك على شي انتي ماتبينه..
ملاك:كنت انانيه ضيعت عمرك معاي ياعلي لو اني قايله من اول لك ان معي السرطان كان..
علي قاطعها:كان مستحيل اتخلى عنك..
ملاك ناظرته بألم"لو انك معي الحين يامشعل كان بتعطيني امل اني اعيش (غمضت عيونها ونزلت دموعها) الله يخليك سامحني"..

 

[~غيبوبه~]

××في شركة ابو مشعل××
ابومشعل دخل مكتبه وهو ماسك ملفات:اوووه زاد اقول الشركه منوره اثرك هنا..
ابونايف:ههههههههه منوره بوجودك..
ابومشعل:وش تحب تشرب..
ابونايف:لا بعد شوي ماشي..
ابومشعل:وش تمشي مافيه إلا لما تتقهوى معي..
ابونايف:براحتك..
ابومشعل طلب القهوه وجلس قدام ابونايف:كيف الصحه..
ابونايف:بخير الحمد الله كيف حالك انت والعيال..
ابومشعل:حمد الله كلنا بخير..
ابونايف:اقول فهد وش رايك نطلع كم يوم للشرقيه نغير جو..
ابومشعل:والله فكره حلوه بس لازم ناخذ راي الوالده..
ابونايف:الوالده موافقه بس تبغى نروح كلنا..
ابومشعل:انا ماعندي مانع بس بشوف ام مشعل كان عندها ارتباطات وكذا وبرد لك خبر..
ابونايف:على خير ان شاء الله ..<<وقف..
ابومشعل وقف معاه:وين تو الناس ماشبعت منك..
ابونايف:والله عندي شغل مااقدر احك راسي منه..
ابومشعل:نفس الحاله الله يعينا خلاص شوف انا ببلغ ابوفيصل وابوراكان..
ابونايف:مشكور يله اشوفك على خير..
ابومشعل:مع ان هاذي مو زياره مثل الناس بس يله احسن من لاشئ..
ابونايف:الجايات اكثر لاتستعجل على رزقك..
ابومشعل:ههههههههههههههههههه..


××في بيت ابوراكان××
راكان جالس جنب مشاعل ويغير لها الكمادات:لا احسن من قبل شوي بكثير..
مشاعل عدلت جلستها:راكان اذا حاس اني ثقيله عليك روح وماعليك مني..
راكان ابتسم غصب:لا وش ثقيله هاذي انتي اختي..
مشاعل بلعت غصتها تكره هالكلمه"اختي"..
هيفاء دخلت:هاه ان شاء الله احسن..
راكان:احسن بكثير وين كنتي..
هيفاء:كنت احاكي مام تخيلوا اقولها مشاعل تعبانه تقول ماعلي منها مالت عليها..
راكان وقف:اظن خلصت مهمتي..
مشاعل مسكت يده ووقفت..
راكان:وين اجلسي..
مشاعل رمت نفسها في حظن راكان وبكت وهمست في اذنه:اكرهك..اكرهك..اكرهك..
راكان بعد عنها وطلع...وكلمتها ترن في اذنه"اكرهك"..
مشاعل رجعت لسريرها وهمست:احبك..
هيفاء مو فاهمه ولاشي:وش السالفه..
مشاعل ناظرت في هيفاء:انا ليه احب راكان واذا شفته اقول اكرهك..
هيفاء:انتي انسانه غريبه اروح اكلم ميدوو احسن لي..


خالد يناظر في الخيل:تصدق المزرعه بدونها ماتسوى صح..
ابوناصر من بعيد:خـــــــــــــــــــــالد..
خالد بصوت عالي:ســــــــــــــــــــم..
ابوناصر:تعال شوي..
خالد:طيب (ناظر في الخيل اللي كانت راكبته هديل وتنهد) الاماكــــــــــن كلها مشتاقه لك..(الخيل هز راسه وكأنه فاهم وش يقول) حتى انت مشتاق لها اجل انا وش اقول..
ابوناصر:خالـــــــــــــــــــــد..
خالد ركض له:جيت جيت..
خالد وهو يلهث:سم طال عمرك..
ابوناصر:انت صاحي تحاكي خيل..
خالد حط يده على رقبته وابتسم:هو فاهم علي حتى هز راسه..<<والله كله من بنت ولدك هبلت فيني..
ابوناصر:لاانت شارب شي اليوم..
خالد بأبتسامه عريضه:بس نسكافيه والله مو شي ثاني..


...الساعه ((8pm))...
البنات رجعوا من السوق وراحوا بيت ابومشاري..
لمى جلست على الطاوله:اه يارجلي والله مو حاسه فيها..
مها:محد قالك البسي كعب..
مشاري:احــــــــم احم..
..البنات اخترعوا وتخبوا ورا الطاوله..
هديل:هههههههههههههههههههه اشكالنا تحفه..
مها:هديلوه انطمي شوي..
هديل حطت يدها على فمها وتضحك..
ريم تدف لمى:ممكن تبعدين شوي ماعندي مكان..
هديل:والله محد قالك تجين اخر وحده..
لمى:تعجبيني..
ريم بقهر:طيب اوريكم انتي معها بتشوفون..
مشاري بصوت عالي:احـــــــــــــــــم احم نبي نطلع..
هديل بصوت اعلى:اطلـــــــــــــــــــع احد ماسكك..
نايف:هههههههههههههههههههههههه هاذي اختك الحين..
مشاري تنهد:الله يعيني عليها..
فيصل بهمس:صرت ماتطالع الحين هاه..
نايف بنفس الهمس:والله ماطالعت إلا في دانا..
فيصل:يا حركاااااااااااااااااااات..
نايف التفت على جهة البنات يبي يلمحها وشافها لانها كانت متخبيه اخر وحده ومبين نص جسمها ريم رفعت راسها وطالعت في نايف ابتسمت بضيق وكان لهالابتسامه الف معنى بس نايف مافهمها..
نايف رد الابتسامه غمز لها بدون ماينتبهوون البنات وريم ارتفعت حرارة جسمها وحمر وجهها وقلبها يضرب بسرعه موطبيعيه...
هفت على نفسها:حــــــر..
مها: وشو حر وإنا في عز الشتاء..
ريم:اقولك طلعوا وإلا لسه..


بندر:تصدق ابوي طاقه في راسه إلا لازم نروح الشرقيه يعني هي تجي من هنا وانا اروح من هنا..
تركي:ههههههههههههههههههه حظك زفت ياولد عمي..
بندر:من زمااااان شفت عاد القهر على اصوله هذا هو..
تركي:والله محد قالك لاتحاكيها امس..
بندر:لان عندها حراسه مشدده وين اشوفها معه..
تركي:ومتى بتروح..
بندر:للحين الاهل ماحددوا بعدين بنروح كلنا يعني انت نشبه في الرياض والشرقيه..
تركي:ماتظن انك زودتها..<<ولف يده حول رقبة بندر..
بندر ماسك يده:تكفى وخر حرااااااااام ترمل دانا وانا مابعد تزوجتها..
تركي:ههههههههههههههههههه وشلون تجي ذي..
بندر:تجي تجي بس انت وخــــــــــــر عني خنقتني..


مشعل:شباب انا رايح تبون شي..
منصور:وين..
مشعل:مشواااااار ضروري لاتنتظروني على العشاء لاني يمكن اتأخر يله سلام..
منصور ورائد:سلام..
رائد:وش عنده..
منصور:مدري عنه بس والله لو سوا فينا الحركه اللي امس لأنتف شعر حواجبه..
رائد:هههههههههههههههههههه..

 

[~غيبوبه~]

نهاية الجزء الثامن

 

[~غيبوبه~]

..الجـــ التاسع ــــزء..

رزان ماسكه يد ملاك:من زمان ماطلعت معك خلينا نطلع..
ملاك ابتسمت بتعب:اوكي يله يمكن هذا راح يكون اخر مشوار بيننا..
رزان حطت يدها على فمها وشهقت:ملاك بلـ..
ملاك قاطعتها:رزان هاذي الحقيقه انتي بعد كم يوم راح تصحين وماراح تشوفين ملاك بس بتشوفين روح ملاك مشعل..
رزان بكت:الله لايقوله بعد عمر طويل ان شاء الله..
ملاك تموت على رزان حظنتها بقوه:الله يجازيك الخير ومثل مااهتميتي فيني عيالك ان شاء الله يهتموا فيك..
رزان:وانتي اول الناس اللي راح تشيلينهم وتربينهم معاي قولي امين..
ملاك تنهدت بضيق:امين..
رزان بعدت عن ملاك:الله ياخذ عمري قبلك..<<وبكت..
ملاك بكت معها:لاتحكي كذا..
الدكتور طق الباب..ملاك ورزان مسحوا دموعهم..
ملاك:تفضل..
الدكتور ابتسم:لا حالتك في تقدم مستمر ياملاك..
رزان ابتسمت:عن جد دكتور..
الدكتور:ايوه ملاك ارادتها قويه..
رزان:اي ارادتها قويه هي كل يوم تطري الموت ولازم تخليني ابكي..
ملاك:يعني في امل اني اعيش..
الدكتور:الاعمار بيد الله..
ملاك ناظرت رزان بحزن:ماقلتلك..
رزان:والله هو قال الصدق الاعمار بيد الله يعني ممكن انا اموت قبلك وانتي تعيشين..
الدكتور:عمري ماشفت صاحبات مثل كذا..
ملاك:إنا مو بس صاحبات إنا خوات واكثر بعد..
رزان ابتسمت لملاك:اكيد..


))..وينها ياصبر مالي غيرها لو هي تخون..
شف دفاها في ضلوعي نبضها حولي يحوم..
قلت وعيوني تكابر دمعها يرثي الجفون..
ليتني ياحب ميت قبل ما قلبك يروم..
من صغر سني أعاني ومابقى للصبرعون..
رح لها ياحبي يمكن قلبها يصبح رحوم..((

كان واقف عند الأصنصير ويفرك يدينه ببعضها مايدري هو قراره صح وإلا خطأ بس هالمره مايهمه صح او خطأ المهم انه يرجعها ويرجع روحه اللي خذتها معها...
دخل الأصنصير وضغط على الدور الرابع..قلبه يدق بسرعه ويحس ان الوقت طويل وقف قدام شقتها وحط اصبعه على الجرس..وحط يده على قلبه
"ياااارب يارب ان كل شي يرجع مثل ماكان يااارب..ياقلب اهدى حبيبك بيرجع مكانه"..
ضغط على الجرس..واعصابه مشدوده ويدينه ترتجف..
انفتح الباب:ايوه مين حدرتك..
مشعل:هاذي شقة ملاك الـ......
سحر:ايوه هي هيا شئة الست ملاك..
مشعل بتوتر:هي موجوده..
سحر:لاوالله طلعِت ويمكن تتأخر مين حدرتك حتى لما بترجع بخبرا..
مشعل تنهد:لا خلاص راح اجي بوقت ثاني..<<وطلع ركب سيارته وخذ نفس طويل حط راسه على الدركسون
"ياارب ساعدني"..

 

[~غيبوبه~]

××في بيت ابومشعل××
ابومشعل:انت وش رايك؟
ابوفيصل:والله انا ماعندي مانع توكلنا على الله بس متى بتروحون..
ابومشعل:للحين ماحددنا بس عطيتك خبر وإنا ان شاء الله راح نكون في بيت الوالده بعد بكره وبنسألها..
ابوفيصل:يصير خير هاه تامر على شي ثاني..
ابومشعل:سلم لي على العيال..
ابوفيصل:يوصل مع السلامه..
ام مشعل:وش صاير..
ابومشعل:بنطلع كم يوم للشرقيه نغير جو عندك ارتباطات شي..
ام مشعل:لا ابد ماعندي بنطلع كلنا..
ابومشعل:ايه كلنا بس مابعد حددنا اليوم اللي بنروح فيه..
ام مشعل:شوفوا خالتي وخذوا رايها..
ابومشعل:الله يكتب اللي فيه الخير..
ريم دخلت:هااااااي.<<.وباست راس ابوها وامها..
ابومشعل:وينك اليوم ماشفتك..
ريم:والله رحت لخالتي وفاء من الظهر البنات مجتمعين هناك وبعدين رحنا للسوق وتعشينا وهذا انا رجعت وخلصت السالفه..
ام مشعل:ههههههههههههه وش فيك اليوم يابنت..
ريم تتثاوب وقفت:ابغى اروح انااااام تكسرت رجولي من كثر مالفيت في السوق..
ابومشعل:لحظه قبل ماتروحين تنامين اقعدي شوي..
ريم جلست:خير بابا فيه شي..
ابومشعل:الخير بوجهك بس قررنا نسافر للشرقيه كم يوم احنا وعمانك وش رايك..
ريم ابتسمت:كلنا..
ابومشعل:ايه كلنا..
ريم:وااااااااااااااااااو وناااسه شي..
ام مشعل:الله يعينك شكلك ماتعشيتي زين..
ريم:لاوالله متعشيه يله تصبحون على خير..<<ورقت لغرفتها نطت على السرير"ياويلي يعني بشوف نااااايف كل يوم يـــــــــــــــــــس ههههههههههههههه"..


××في بيت ابونايف××
نايف بتوتر دق غرفة امه:ممكن..
ام نايف:تفضل..
نايف فتح الباب ودقات قلبه تدق بسرعه مو طبيعيه:يمه ابكلمك في موضوع..
ام نايف خافت:خير يمه صايرلك شي..
نايف مرتبك بلع ريقه:كل خير ان شاء الله..<<وجلس جنبها..
ام نايف:تفضل يمه قول وش عندك..
نايف نزل راسه ويفرك يدينه ببعض:يمه انا قررت اتزوج..
ام نايف مصدومه:وش قلت..
نايف مرراصابع يده على شعره بيد مرتجفه:لقيت نصفي الثاني وحبيتها وابي اتزوجها..
ام نايف تجمعت الدموع في عينها وبفرحه:هاذي الساعه المباركه يايمه الله يفرحك مثل مافرحتني..
نايف ابتسم:ماتبين تعرفين من هي العروس..
ام نايف:مين سعيدة الحظ..
نايف بلع ريقه:بنت خالي دانا..
ام نايف بفرحه:زين مااخترت يمه الله يتمم عليك بخير..<<وبكت..
نايف باس راسها:يمه انا قلتلك علشان تفرحين مو تبكين..
ام نايف ابتسمت:ابكي من الفرحه والله امنية حياتي اشوفك داخل علي بزوجتك واخيراً بفرح فيك..
نايف ابتسم:يعني زين اختياري..
ام نايف:زين وبس الله يتمم عليك بخير كللللللللللللللللللللللللللللللللللللللللللللللللل لوووولووووووووووش..
نايف:ههههههههههههههههههههه هذا وانا توني ماخطبت..
بندر دخل عليهم:وش خطبه وش السالفه..
ام نايف بفرحه وعيونها تلمع:اخوك بيتزوج..
بندر بأبتسامه عريضه:والـــــــــــــــله مين..
ام نايف:بنت خالك دانا ماشاء الله كامله والكامل الله..

اختفت ابتسامة بندر يحاول يستوعب اللي قالته حس ان دمه نشف وان قلبه وقف عن النبض
انشل تفكيره يبي احد يقوله انت سمعت الاسم غلط مو دانا..
هو اللي ماينبض قلبه إلا بأسمها
هي فرحته يحزن لحزنها مر في باله شريط حياتهم مع بعض
وهي تضحك وهي تبكي وهي تصرخ وهي تركض وهي تقول اسمه بدلع..
كل هذا بيروح مستحيـــــل..
بصدمه:دانا..
نايف ابتسم:ايه دانا وش رايك بأختياري..
بندر يناظره مصدوم ليه دانا ليه هي بالذات ليه اللي حبها بيتزوجها اخوه قال بصعوبه وابتسم غصب:مبروك..<<وطلع راح لغرفته وسكر الباب بقوه مو قادر يوقف على رجلينه طاح على الارض صوت امه يرن في اذنه
"بنت خالك دانا ماشاء الله كامله والكامل الله"..ضغط على رجله
:لامو دانا اكيد انا احلم ليه يانايف تحرمني منها ليــــه..


ملاك ورزان جالسين عند البحر..
ملاك:شكل هاذي اخر مره بشوفه..
رزان بأنفعال:ملاك ترى والله..
ملاك قاطعتها:ههههههههههههه خلاص اوكي بسكت..
ملاك لفت ولمحت شخص عايش فيها وعايشه علشانه ارتجفت ولفت على رزان وهزتها:رزااان..
رزان:ايوه..
ملاك بكت حطت يدها على فمها اشرت عليه بيد مرتجفه وبصوت مخنوق:مـ..مـشـ..عل..
رزان بصدمه:مشعل..
ملاك هزت راسها وهي تبكي..
رزان وقفت وشافته ايوه هذا مشعل مسكت يد ملاك:امشي..
ملاك سحبت يدها:بروح له..
رزان برجاء:لاتكفين..
ملاك وقفت:بموت يارزان ابي قبل مااموت يسامحني..
رزان صرخت وهي تبكي:لاملاك..<<وحظنتها بقوه..
مشعل سمع اسمها هو صدق سمعه وإلا يتخيل لف وشافها تبكي ماحس بنفسه إلا وهو يروح عندها:ملاك..
ملاك بعدت عن رزان حسته خياااال او حلم بتصحى منه..وقفت مصدومه وتوقفت عن البكي مسحت دموعها بكمها..
مشعل قلبه يدق بسرعه وارتفعت حرارة جسمه فتح يدينه وصرخ:تعالي..
ملاك مشت بهدوء لعنده وكأنها مخدره حظنته بقوه في هالحظه حست انه مو خيال حقيقه سمعت شهقاته ويده اللي تشدها اكثر لحظنه همس
:احبك موت..
ملاك بصوت مخنوق:سامحني..
مشعل بكى:مسموحه يابعد كلي مسموحه..
ملاك قالت بصعوبه:احـ..بـــ..ــك..


هنا ارتاحت رفعت راسها وابتسمت ابتسامتها الاخيره روحها ودعت جسدها الضعيف..اللي تحمل المرض سنين وبعاد مشعل ودعت دنيا وتركتها اللي ماشافت منها غير الهم والحرمان وضياع الشرف وماذاقت طعم السعاده فيها يوم إلا بقرب مشعل بس هو بعد تركها وودعت سعادتها معاه..

مشعل يرتجف:تتزوجيني..
رزان تبكي حاطه يدها على فمها:ملاك..
خلاها في حظنه وبكى بصوت مرتجف:مـ..لاك..تتـ..زو..جيني..
رزان طاحت على الارض مصدومه:مــ..لاك..
مشعل بلع ريقه:تتزوجيني.<<.بعد عنها وطاحت من يده مسكها بقوه وبصدمه
:مــ..مـلا..ك..
رزان سحبت نفسها لعند مشعل قالت بصدمه: ليه رحتي وتركتيني..
مشعل طاح على ركبته يطالعها يحاول يستوعب اللي متمدده قدامه هي ملاك وإلا يتوهم هزها:ملاك لاتمزحين معي اصحي..<<بكى يحس الارض انهزت من تحته حط راسه على حجر كبير وضرب راسه فيها وصرخ
:انا السبب..
رزان تناظر في ملاك مصدومه تذكرت حكيها يوم كانوا في المستشفى..
يمكن هذا راح يكون اخر مشوار بيننا..
رزان هاذي الحقيقه انتي بعد كم يوم راح تصحين وماراح تشوفين ملاك بس بتشوفين روح ملاك مشعل...
سامحيني يارزان!!..
...مشعل اذا شفتيه يوم قولي له يسامحني واني احبه موت...
رزان نزلت راسها وبكت بحرقه:كـ..انـ..ت حـ..اسـه انـ..ها بتـ..مـ..وت الـ..يوم..
مشعل ناظرها وغمض عيونه والدم ينزف من جبهته كان يتنفس بسرعه:مـ..لاك..<<واغمى عليه..


يراقب حركة الناس المنتشرين في كل مكان هذا يبيع وهذا يشتري وهذا يضحك مع ربعه وهذا يلعب وهذا وهذا...
وهو غرقان في همه ويفكر بضيييق..

فسخ نظارته الشمسيه ومسح دموعه..
تركي:افااااا رجال طول وعرض ويبكي..
بندر تنهد بضيق:ماكنت اتخيل في يوم دانا تروح لغيري لاوبعد لأخوي..
تركي:مابعد صار شي رسمي يعني كل الموضوع حكي..
بندر ابتسم بدون نفس:حكي نايف اذا حط شي براسه بيسويه لو ايش..
تركي:ودانا عرفت..
بندر:لا وامس اتصلت علي اكثر من مره ومارديت عليها..
تركي:وهي وش ذنبها هي تحبك انت يعني مستحيل تقبل بغيرك..
بندر:بيغصبها خالي اول شي لان نايف ماينعاب وثاني شي لانه يطلع ولد عمتها..
تركي: والله لانه اخوك تقول هالحكي ولو واحد غيره خطبها حاربت الدنيا علشانها..
بندر رفع راسه بثقل:وش اسوي..
تركي:حالتك صعبه قوم قوم خلني اسوق بدالك لاننا لو قعدنا على هالحاله عز الله نمنا هنا..


نايف:الحين انا مرتااااااااااااااااح..
مشاري:ومتى ناوي تخطبها..
نايف:والله مدري بس لازم اقول لجدتي نوره قبل..
فيصل:إنا بنروح لها بكره وفاتحها بالموضوع..
مشاري يبي يقهر نايف:حلوه..
نايف انقهر:هييييييييييييييييييييييه ترى بكفخك..
مشاري:ههههههههههههههههههه ماقلت شي بس يعني انت مافكرت بالموضوع على طول قلت ابخطبها..
نايف:لافكرت وفكرت زين وهذا قراري..
فيصل:بتقول لمشعل..
نايف:ايه اكيد بس قال لي ان جواله مضيعه و مايدري وين حاطه فيه ومو حلوه كل شوي اتصل على منصور وإلا رائد واقول لهم عطوني مشعل اذا رحنا للشرقيه بقول له السالفه كلها..
مشاري:بتروحون الشرقيه متى..
فيصل:للحين ماندري تخاوينا..
مشاري:لاوبعدين مالي داعي..

 

[~غيبوبه~]

××في بيت ابومشاري××
هديل جايه تركض ونطت على سرير خلود:خوووووووووخه الحقي..
خلود صرخت:عمــــــــــــى شوي شوي..
هديل:روووووميو حقك ذا رجع من السفر..
خلود وقفت:احـــــــــــلفي..
هديل:والله بسرعه ينتظرك تحت..
خلود نطت بفرحه:هههههههههههههههههههه..
هديل:حمد الله والشكر هيه انتبهي على البزر..
خلود:عاااد تصدقين نسيت اني حااامل..
هديل:لاوالله..
خلود راحت تتكشخ:حلو كذا..
هديل:حلوو وإلا مو حلوو المهم تفكيني منك..
خلود تسوي نفسها زعلانه:كذا ياهديل..
هديل صدقت:ياااااااربي عاااد والله مو قصدي لاتزعلين..
خلود:بردها لك في نفاااسي..
هديل تنهدت:يعني نشبه..
خلود لفت على المرايه ورمشت اكثر من مره:المهم اني اعجب سوسو..
هديل تقلد صوتها:ياااويلي..
خلود نزلت تحت:سعد..
سعد حظنها:ياااااااااااقلب سعد..
هديل تطل عليهم من الدرج وبهمس:ماائدرشي..
ام مشاري من وراها:وش قاعده تسوين..
هديل نطت:مــــــــــــاما حرام عليك قطعتي نص الفيلم الرومانسي..
ام مشاري:وشو فيلمه..
هديل:شوفي صح فيه ثلاث قصص حب في التاريخ..
ام مشاري عقدت حواجبها:وانا وش يعرفني..
هديل:بقولك فيه قصة قيس وليلى..وعنتر وعبله..وروميو وجوليت..
ام مشاري:مع اني مدري وش تقولين بس يله اخلصي علي الزبده..
هديل:الزبده انها صارت اربع قصص قصة سعد وخلود..
ام مشاري:وقاطعه مشوااار وفي الاخير كذا قولي الله يسعدهم ويوفقهم مع بعض..
هديل من قلب:امييييييييييييييييين بس خلود تفارقني..

 

[~غيبوبه~]

××في بيت ابونايف××
ابونايف:وهو متأكد من قراره..
ام نايف:ايه متأكد المهم انه قال بيتزوج والله يوم قال لي ماصدقت الله يوفقه يارب..
ابونايف:امين طيب كلمتي سلمان بالموضوع..
ام نايف:لا نايف قال بعد مانرجع من الشرقيه نفاتحه بالموضوع مع اني ودي اخطبها الحين..
ابونايف:اللي صبرك كل هالمده يصبرك كم يوم..
بندر دخل وهو تعبااان:السلام عليكم..
الكل:وعليكم السلام..
ام نايف:تغديت يمه..
بندر:مو مشتهي عن اذنكم بروح انام..
ابونايف:صاير معك شي..
بندر"شي قول اشيااء":كل خير عن اذنكم..<<وطلع لغرفته..
ابونايف:وش فيه..
ام نايف:والله ماادري حتى اليوم ماافطر على طول طلع..
ابونايف:يمكن يبي يتزوج..
ام نايف:هههههههههههههه يمكن..
بندر تمدد على سريره وهموم الدنيا على راسه وش معنى هي بالذات اللي اختارها اخوه وش معنى اللي حبها وميت عليها بتروح لغيره..رن جواله..((بعد هالدنيا))..يتصل بك..
بندر ناظر في الشاشه:تكفيييين لاتعذبيني..<<سكر جواله ورماه على سريره..