~¤ô¦¦§¦¦ô¤~ بن حاشر وعلي الخوار~¤ô¦¦§¦¦ô¤~

[بقااياا جروووح]

بن حاشر:-
وش رايك اتزوج على ام العيال..وآخذ عليها عديلة..
أنا معاها دوم عايش في موال..ما ريّّحت راسي من الهم ليلة..

علي الخوار:-
يا صاحبي وش فيك متخبّّل خبالٍ..هذا جزاها بعد عشرة طويلة؟...
متحملة همك من سنين طوال..وانته همومك _مثل دمك_ثقيلة..

بن حاشر:-
حاولت اطورها على كل الاحوال..عشان عيني ما تدور بديلة..
لكنها ترفض تغير من الحال..لو جيتها غصب..واو جيت حيلة..

علي الخوار:-
من حقها ترفض..وتربطك بحبال..تضربك لين الدم منك تسيلة..
ترفض معك تنزل على كل منزال..بنت المعاني والطباع الاصيلة..

بن حاشر:-
كل يوم"ع"الشاشة صور تشرح البال..وابحلق عيوني شرات الهبيلة..
ويرن قلبي كل ما رن خلخال.. فيهن واحس إن الليالي بخيلة..

علي الخوار:-
يا خوي لا تتبع بعد هالعمر لال..عن لا يغرك صبغهن والجديلة..
من قبل ما يتجملن كانن أشكال..خسفات ..ما فيهن ملامح جميلة..

بن حاشر:-



يعني خلاص اصرف النظر واطرد الفال..واترك جنون العرس واخلي سبيلة..
لو كان عندي مقدرة واملك المال..واقدر اعيش ألف عيلة وعيلة..




علي الخوار:-
من مالك اصنع للوطن جند ورجال..وعيالك اصلا هم جنوده وجيلة..
والله يزيدك مال..ويزيدك عيال..من لي في حياتك خليلة

 

[قمر روس اليبال]

رد : ~¤ô¦¦§¦¦ô¤~ بن حاشر وعلي الخوار~¤ô¦¦§¦¦ô¤~

سلمتي الغاليه ع المطارحه الجميله

 

[فارس بلا جواد]

رد : ~¤ô¦¦§¦¦ô¤~ بن حاشر وعلي الخوار~¤ô¦¦§¦¦ô¤~

تسلم بقاايا جروح ع المشاركة

فعلا رائعة لشعراء معروفين

 

[بحر الأمل]

رد : ~¤ô¦¦§¦¦ô¤~ بن حاشر وعلي الخوار~¤ô¦¦§¦¦ô¤~

بقايا جروح

مشاركه جداً رائعه ..لها اسلوب خاص و راقي .. و مادل يا اخيتي إلا على روعة اختيارك .. و ذائقتك الشعريه ..

و أكثر ما عجبني ..


"علي الخوار:-
يا خوي لا تتبع بعد هالعمر لال..عن لا يغرك صبغهن والجديلة..
من قبل ما يتجملن كانن أشكال..خسفات ..ما فيهن ملامح جميلة.."


صح إلسانه الصراحه .. و الله لا يكثر من العدايل ..!!


بحر الأمل​