الشحـــي,, إليك ما وعدتك به,,

[بحر الأمل]

السلام عليكم و رحمة الله و بركاته


أخي الكريم / الشحي ..

عندما رأيت توقيعك .. ذُهلت .. و وعدتك بكتابة أبيات أفظل .. تدل عليك أنت ..

و ها انا جئتك .. بما هو جديد .. و أتمنى أن تعجبك .. و إن لم تعجبك .. يكفي أن تكون الأبيات الأولى قد أعجبتك ..


و هذه الأبيات تتحدث عنك ..أنت .. و فخرك بأنك شحي .. فإليك أيها الشحي .. الموقر ..



أنـــا فخري قبيلة الشحوح * * و همس الناس باسمي لي سعاده

أنـــــا شحي و طبعي الوضوح * * و عندي الكرم و الجِد شهاده

و طير الحب يــجي ولـْـكم يروح * * و ضي العين يضويــكم زياده

لكم عطرٍ من (( الشحي )) يفوح * * و وردٍ من ذهب و أرقى قلاده


إختك

بحر الأمل

 

[العوسج]

رد : الشحـــي,, إليك ما وعدتك به,,

اششششهد

صح لسانج بحر الامل

ويستاهل الشحي

دمتي بخير

العوسج

 

[فارس بلا جواد]

رد : الشحـــي,, إليك ما وعدتك به,,

تسلمين بحر الأمل

وأنا بعد شحي اذا ممكن أحطها بتوقيعي لأن ما عندي توقيع

أرجوا أن ما يكون عندج مانع


الصراحة وااااايد عيبتني

 

[بحر الأمل]

رد : الشحـــي,, إليك ما وعدتك به,,

العوسج ..

تسلم عالمرور .. و اشكرك على التأييد .. و صح بدنك .. بالفعل .. اخونا الشحي يستاهل ..

_ _ _

فارس .. أهلا فيك ..

و الصراحه ما ودي أردك ..

و أوعدك بأبيات .. تعنيك ..

و هالأبيات .. فيها إسم .. الشحي .. و أنا ما عندي مانع .. و خذ شوور الشحي ..

و ما شالله الجماعه كلها شحوح ..!! ماشالله عليكم ..

وراح أجييك بأبيات .. تكون صورتك فيها ..

و أنا بصراحه حاولت أكتب قصيده .. و أحط إسمك فيها .. بس ما ركبت .. و لكن.. بما أنه في خاطرك.. راح تركب ..

فالك طــيب ..

:
:

بحر الأمل​

 

[فارس بلا جواد]

رد : الشحـــي,, إليك ما وعدتك به,,

تسلمي أختي

وأنا بتريا الأبيات مالي

وعسى بس ما أكون ثقلت عليج

 

[بحر الأمل]

رد : الشحـــي,, إليك ما وعدتك به,,

و الله إني فاضيه .. و بالعكس.. عسب الكل يفرح .. مستعده أكتب أبيات .. للكل ..

و إنت انسان .. تستاهل .. كل خير .. ويوم حاولت أكتب عنك ..كنت أبغي أفرحك ..لا أكثر..

و فــالك طيب يا فارس بلا جواد ...

و ما شي هالكلام بين الإخـــــــــــوان ..


و أتمنى إني ما أتأخر علـــيك ..


إختك .. بحر الأمل ..​

 

[فارس بلا جواد]

رد : الشحـــي,, إليك ما وعدتك به,,

وااااااااااااااايد مستانس

تسلمين والله

وبحاول أرد لج بالمثل


وشكرا مرة ثانية

 

[بحر الأمل]

رد : الشحـــي,, إليك ما وعدتك به,,

الله يديم الونـــاسه .. إن شالله ..

:

:


بحـــر الأمل​

 

[قاريءالكلمة]

رد : الشحـــي,, إليك ما وعدتك به,,

يستاهل الشحي هالكلمات الرائعه من بحر الأمل....القلم المميز

تحياتي

 

[بحر الأمل]

رد : الشحـــي,, إليك ما وعدتك به,,

قارئ الكلمه ..

أهلا بك ...

و أكيد الشحي .. يستاهل كل خير ..

بس للأسف ..ألحين ما شي قلم مميز .. شليته .. عني ..

بس الله كريم ..

و مشكور على المرور..


بحر الأمل ..​