• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

أنته و سيآرتڪْ معنآ .!

:: تدرون ليش ::

الحمدلله ع سلامتك

cat:)

تسلم ع المشاركه
 
العضو اللي عقبه super
 
وعليكم السلام ورحمة الله وبركاته

خخخخ

عاد اخترتيني انا.. زين :^^:

1- نوع سيارتك (حالياً) ؟
ما عندي سيارة :212:

2- موديلها ؟
_

3- هل اشتريتها كاش او تقسيط؟
_

4- متى سقت سياره اول مره بحياتك ؟
فالاعدادية ^^

5- سيارتك الاولى هل ساعدك احد في شرائها ؟
بعدني ما عرف هل بيساعدني حد او لا هع

6- شو نوع [ أول سياره] اقتنيتها ؟
_

7- ما لون سيارتك الحاليه ؟
_

8- هل تفكر في بيعها ؟
_

9- كم مره تعبي بنزين في الاسبوع ؟
_

10- كم مره تعطلت معك ؟
_

11- سيارة تحب ان تمتلكها؟
Audi a8

12- وماهي مواصفاتها واي لون تفضل؟
فيها 5 تواير مع السبير وتتحرك بالبترول وفيها ليتات وجامات وأهم شي تمشي عالارض :yaw:

13- موقف محرج صآر لك و انته تسوق ؟
_




خخخخخ

اختارالاستاذ فارس^^
 
التعديل الأخير:
الشحي شآرك فـ ها الموضوع قبل

اختآر غيره
 
أنا نسيت أختاااار خخ


أختاار الحياة ألغااز ...
 
الحين بنسوي لقآء مع [ أ. فآرس و سيآرته ]

و عقبه بتكون [ الحيآه ألغ’ـآز ]
 

وعليكم السلام ورحمة الله وبركاته

يزاك الله خير أخوي super على الاختيار


1- نوع سيارتك (حالياً) ؟
مرسدس

2- موديلها ؟
2009

3- هل اشتريتها كاش او تقسيط ؟
كاش

4- متى سقت سياره اول مره بحياتك ؟
في الأول ثانوي كان عمري 16 سنة تقريباً

5- سيارتك الاولى هل ساعدك احد في شرائها ؟
أبوي اشتراها لي

6- شو نوع [ أول سياره] اقتنيتها ؟
كرسيدا

7- ما لون سيارتك الحاليه ؟
بيضاء

8- هل تفكر في بيعها ؟
لا

9- كم مره تعبي بنزين في الاسبوع ؟
مره في الأسبوع وساعات أكثر

10- كم مره تعطلت معك ؟
ما أذكر تعطلت

11- سيارة تحب ان تمتلكها ؟
X5 , BMW

12- وماهي مواصفاتها واي لون تفضل؟
آحب اللون الأبيض

13- موقف محرج صآر لك و انته تسوق ؟
قبل اسبوعين تقريباً أمشي على الشارع العام ، وعلى الشارع الفرعي حرمة بسيارتها يايه بتدخل الشارع عرض
فعطيتها منبه خفيف ، عشان توقف ، ولا أشوفها فوقي ... دعمتني . .

ونزلت من السيارة وسرت لها ، توني أقول : حصل خير اختي والحمد لله على السلامة ، خذتني بشراع وميداف
وتتنازع ، ، ، بلاااك ؟ عَمَيْ ؟ ما تشووووف ؟ وخذ لك من هالعبارات الموسيقيه ، والمشكلة ان هي اللي داشّه بالغلط
وهي اللي داعمتني ، وياك المرور ، وخططوا الحادث وطلعت هي الغلطانه ، كل هذا وبعدها تنازعني

ما أدري ليش حاس انها Real Day . :21:



وشكراً على الاستضافة يا مزنه






​
 
ما أدري ليش حاس انها real day .
أنقر للتوسيع...

ضحكتني ...الله يهديك
انا ما جد دعمت مرسيدس ..زين بعد لو دعمت بنطور شوي

ولو دعمت لو انا الغلطانه ... بس الغلط بيكون عليك ...دمعتين:cry: للشرطي والامور طيبه :^^: تراني اهم ساعات

كل الي دعمتهم جمس اول دعمه

سياره مجهوله الهويه

تكسي بنكش

باص مكروباس صغير

وبعدين هاي الحركه بروحي انقهر منها يوم حد يسويها لي ومب هرن تنبيه الا هرناااات واديم بعد وعادي وراهم هرناات بس ابرد حرتي ..يخلونك تتدحق بريكات لين طيح جبدك


وانا ما بقول عمًي ما ادري خاطري اقولها مره بس:212:


زين المهم ماطولت في التصليح تراه اخس شي حتى لو ما كنت غلطان
 
1- نوع سيارتك (حالياً) ؟

نيســـــآن تيــــدآ ..

2- موديلها ؟

2010
3- هل اشتريتها كاش او تقسيط?

مآعرف هديـه من آلغآلي ..||
مآفكــــرت آسآل ..||
4- متى سقت سياره اول مره بحياتك ؟

آلسنــــــه الي طآفت تاريخ 9 - 6 ..،متذكره عشان هاليوم كنت آرتجف وخآيفه ..||
آنآ مآكنت آبغي اسوق بس مآمآتي وبآبآتي قالولي لآزم تكونين مستقله وتعتمدين على نفسج ..||

5- سيارتك الاولى هل ساعدك احد في شرائها ؟

هديــــــه من بآبآ ..||

6- شو نوع [ أول سياره] اقتنيتها ؟

في البدآيه كنت آسوق كآبرس..||
7- ما لون سيارتك الحاليه ؟

بنـــــــي غآمق ..||

8- هل تفكر في بيعها ؟

مستحيــــــــل ..||

9- كم مره تعبي بنزين في الاسبوع ؟

مــــره .. آصلآ مآطلع وآيد بس الكليه وآرد ..||

10- كم مره تعطلت معك ؟

ولآ مـــره ..آلله لآييب هآليوم ..||

11- سيارة تحب ان تمتلكها ?

مآهتم آلصرآحـــه ..||

12- وماهي مواصفاتها واي لون تفضل؟

آحب آللون آلآسود ..||

13- موقف محرج صآر لك و انته تسوق ؟

بنسـخه من آلمدونه ..||

يوم شفت آلجو جــي قررت آني آطلع آلبحر بس آنآ دوم ضد فكرة آن آلبنت تظهر بروحها عشان جي يلست آترجى مآمآ عشان تظهر وياي..|| لآن آخوي مشغول بالطيور آلي مشترنهآ و آلثاني ويا ربعه ومآعندي خوآت ..|| بآعتباري آكبر وحده وآلوحيده..||

بعد مآترجيتهــــآ وآفقت ..|| عآد آنآ يوم آشوف آلبحر آنسى كل شي.، مآقدر آتآمل غيره ..، ماما يالسه تسولف وانا آصلن ماعرف شو تقول كنت في عآلمي آلخاص.، عقب قالت لي بس خلآص خل نرجع .، هني عاد انا مادري شو ياني مب مشغله السياره وقاعده آقول حق ماما السياره ماتشتغل ,، ماما زاغت تقولي سياره توها من الوكاله ليش ماتشتغل وانا دموعي شوي وبطيح.، اقولها صدقيني ماتتحرك ,، تقولــي انزين شوفي حد خل ايي يشوفها وآنآ اقولها بخيس هنــي بس مستحيل آنآدي شباب.، تقولي اتصلي بعمج حد .، آقولها لآ بنازعني، اقولها صبري آذا شفت ريال كبير بقوله يساعدني.||

آلحمدلله شفت وآحد شكله رزين وكبير فيه لحيه بيضه .| ناديته بس بمآ آني معروفه آن صوتـــــي منخفض وآيد مب قادر يسمعني .|| شافنـــي وآتحراني يالسه آضحك له شان آتفشل لآنه حط ويهه بالآرض .|| مآشاء الله عليه محترم .||. كآن قريب االآذان فقلت لآزم يساعدني قبل يظهرون وآيد عرب وشباب وآبتلش ومآمآ يالسه ولآ تتحرك بس تتندم آنها ركبت وياي .،|| عآد هني الفشله آلكبيره نزلت من آلسياره بدون نعال لآني ما تفيجت آلبسه عن يضيع عني آلريال .|| ويالسه آنآديه واسير وراه حافيه .صد صوبي .، شان اقوله السياره ماتشتغل .،يوم شاف شكلي وآني حافيه في آلشارع حسيت آن فيه ضحكه بس شادنها .،||

آلمهم آول مآدش السياره اشتغلت شان يقولي مآفيها شي وآنآ آطالعه وآقوله هآآه ,، شكلي ماشغلتها .،|| هنـــــي سمعت ضحكته حليله مآقدر يستحمل .،|| شكرته و يلست آسوق وآنآ متفشله و آضحك بنفس الوقت ومآنتبهت للمطبه ويوم شفتها ضربت بريك قوي وماما طآرت لجدآم .،|| وطول آلدرب من آلبحر للبيت مآمآ تحلف انها ما تركب وياي مره ثانيـــــــه.||


مشكـــــــوره مزنـه على آلآستضافه ومشكــور آخوي تدرون ليش ..؟؟ عالآختيآر ..

آخلي آلآختيآر لج آختي مزنـــــــه ..:ah:
 
فآرس & الحيآه ألغ’ـآز & ريل دآي

تسلمون ع المشآركه
 
يجب تسجيل الدخول أو التسجيل كي تتمكن من الرد هنا.
عودة
أعلى