أم الخير
๑ . . عضو إمبراطوري . . ๑
- التسجيل
- 20 مارس 2011
- رقم العضوية
- 13442
- المشاركات
- 4,969
- مستوى التفاعل
- 689
- الجنس
- الإقامة
- أرض الله الواسعة
السلام عليكم ورحمة الله وبركاته
أسرج خيول الفكر وأصحى وأحلم
في واقـعٍ مـرٍ لذيـذٍ شرابـه
اشيل ماينطاق واصبر ولااهتـم
واعيش جوي لو تطاير ترابـه
اقالب الافكـار مـن يـم لايـم
واميز الحاصل ولو بـه تشابـه
اصد كني بعض الاحيان مافهـم
لو بالتفت من جد صارت طلابه
اشوف لي خلجٍ ترازم على الجم
في صحصحٍ مافيه غير الذيابـه
تعطلـت فيـه المفاهيـم والتـم
المنحس واللي يخيب الرجابـه
سود النوايا كثرها يجلب الهـم
وبيض النوايا طب مرضى الكآبه
تخالف الهقوات بالكيف والكـم
وتضيق بك دنياك عقب الرحابه
دنيا العنا فيها من الهـم والغـم
مايودع الرجـال يرمـي ثيابـه
والاخره اخيـر وابقـى وانعـم
للي يميز في خطـاه وصوابـه
الخبل مايقنع ولو قلت لـه تـم
تبلش معه حتى بشرح الاجابـه
ماهوب مثل الحر لاقلت له سـم
قدر وخاف ان الخبول تحكابـه
مما راق لي جدا
