بتندمين يابنت والسبب نظرتج هذي

[ღهمس المعانيღ]

لحد ماتذكرت حمدوه وقالت لها تقولهن السـالفه اللي قبل ماتظهر قالت بـ تقولهن يوم ترد ..




.


قالت لهن روضـه سالفه مرضـها وحلفتهن محد يعرف وبـ الاخص ابوها ..


عسب مايغصبها تسـافر تعالـج ..


.


عصبن البنات فـ البدايه بس عقب تفهمن وضـع روضـه ..


.


.


على حدود الســاعه 3:31 م ..


كــان الشباب يركبوون هم والدريوليـه الاغراض والبانشيات وغيـره ..


لانهم بينطلقون احيــن ..


عقب دقــايق ..


ودعن البنات اعمامهن .. واخوانهن و اولاد عمهن وخوالهن ..


.


وانطلقوا الشباب والشيوبه لـ البـــر ..


.


حدرن البنات داخل لانه الجو بـارد شووي ..


واول ماحدرن صرخت رووضــه :ونــــــــــاسه تفسخووووووا


الكل ضحك على روضـه وقالت ام سالم : رواض عيب استحي


الكل ضحك :هههههههههه


روضـه:امايه والله يعني صج .. طالعي خلاص احين كلهن بيفسخن الشيل ..وبنقدر نلبس بنطلونات وجيـه ..وحركات ..


.


البنات فـ البدايه مافكرن تفكير روضـه بس عقب عيبهن ..


.


قعدن البــنات بـ جهه فـ الصال بـ روحهن بعيد شوي عن امهاتهن ..


ومــايد كان يطالع الـ tv وهو مقهووووووور للآخر ويفكر شقايل يأدب روضـه..



.


روضــه بـ فضوول :طالعن طالعن شقايل يطالع وساكت والله مرات احسه


ريال عووود شيبه ..مب يهال ..


امل بـ خوف : هذا يـاهل .. اصلا لو تدرين بـ فعايله بتنجلطين ..


روضـه :خيــــــــبه ...


يزوي تتمصخر : مثلا مفجر طــايره هههههههه


حمدوه ويزوي ورواضي وعواش : ههههههههههههههههههه


اما عن شوق / مـي / أمل .. [ فـ كانً سـاكتتات ] ..


حمدوه : ايــه بلاااكن ..؟!


شوق:شقايل عرفتي انه كان على وشك تفجير طايره ..


شهقن البنات بـ عدم تصديق وقالت يزوي : مســتتتحيل مااصدق ..


مي ترمس بـ هدوء عسب مايسمعها ويورطها : والله العظيم كان يبا يحرق الطايره ..


بس الحمدالله زخوووه قبل لايفعلهــا ..


روضـه بـ عدمم تصديـق .: يعني معقوله مب مفتش قبل لايركب الطـايره ..


مي بـ همس :الاخ محطي الولاعه بـ البانتي مـاله ..


ورفعت ايدها (تأشر على روضـه) :وبعدين تعالي ليش مب مصدقات ..


امل:انزين قولي لي سبب واحد امه تودره وتــسافر بروحها


شهقن البنات ويـا بعض .. لانه صج امه مسافره ومودرتنه هني ..


.


امل بـ قهر : نحن مسمينه بو ولاعــه وحريج ..!


روضـه : ليش انه يحب يحرق الطايرات ولا ..


شووق بـ همس :لاااااااا .. اي شي جدامه يحرقه ..


.


امل وهي تنزل شيلتها اللي كانت على رأسها ..


وتمسح على شعرها القصيـر اللي يوصل لحد الجتف وبـ قهر : واول


المتضررين ..(وتأشر على نفسها ) :انـــــــــــا ...


تخيلي انا اللي شعري


يوصل لحد الركب ..


( وهي تغمض عيوونها ) :احتـــــــــــــــــــــــــرق..تخيلي القساووه ..


.


بـ حركه سريعه وبـ خوف مسكت يزوي شعرها ..


لانه يوصل لحد ركبــها .. فـ خافت يستوي لها شرات مامستوي لـ امل


.


مي تكمل : مب بس جيه هاك اليوم قاعدين ندور ساعه عليـه


( وتتمصـخر) : خيفانين لايحرق شي ونحن ماندري ..


لحد ما لقيناه بـ الستـور مال المطبـخ قاعد يولع بـ السلل والاجيــاس ..


والله يابنات انه النار واصلـه لحد السقف ..


ولو مالحقنا عليــه .. نحن مستوين احيـن دياي بـ الفحم ..


ضحكن البنات على تعليـق مي ..


مع بعض الخوف من هاك الطفل الصغير او بـ الاصح الشيطان اللي يطالع الـ tv


.


حمدوه بـ صدمه :يعني قصدكن نحذر من بو ولاعه ..؟!


مي / شووق / امل : اكيـــــــــــد ..


.


روضـه بـ خووف وحاسه بـ شي بداخلها بييها من هـ النتفه بس كتمته :غيرن الســالفه ..


.


امل :هيه والله ..


عواش :الله ينطبكن خوفتنا ..


شووق بـ لقافه : رواض قولي لنا .. شقايل قدرتي تعيشن بـ فرنسـا بروحج


وشقايل درســتي هنااك ..؟!


مب صعبه عليـج ..!


امل تأيد على رمسه اختها : هيه والله خاطريـه اعرف ..!


يزوي : تصدقن لحد احين مااعرف شي عن هـ السوالف ..


روضـه :جذاااااابه ..كنتي دايم تدقين واقولج كل شي


.


امل :يلااااااااا قوولي ..


روضـه : ممم شو اقول ..


حياتيه هناك كانت غيـر ..كانت حلووه وصعبـه ..


فـ البدايه لما قلت لـ ابويه الفكره ماتقبلها بس عقب تقبلها ..


بس كان بشرط ..


مي : وشو شرطه ..؟!


امل : خليها تكمل ..


روضـه : اني اسافر وانا ويايه بدقارديه .. وانا هـ الفكره من يوم كنت صغيره


مستبعدتها .. لاني احس اللي يمشون وراهم جنهم المافيـا ..


بس عقب وافقت لاني كنت مضطره .. بس كانً مب فـ كل الاوقات يكونً ويايه ..


شووق :كانً .. وبدقارديـه ..!؟


روضـه تبتسم : هيه كانً .. هن حريــم .. مم يابانيـات ..


بس كانً كل وحده منهن عن عشر ريايل ..


كنت مب متقبلتهن ..ومااسمح لهن يتبعنيه بـ كل مكان ..


لانهن يجبرن الكل يطالع عليــه ..حتى لو مايبوون يطالعون ..


يعني كانً .. يراقبني من بعيد لـ بعيد ..


بس فـ يوم من الايام كنت ظاهره من الفله السـاعه 12 تقريبا ..


ونحن هناك نسوي حضر التجول الساعه 12 لانه السكيرين والحراميه


وغيرهم يظهرون او يكثرون بـهالوقت ..


.


وانا كنت امشـي ما اطالع جدامي غير واحد يصكني ع اليدار


بـ قووه وهو يسحب منيه الجنطه اللي بـ ايديه..


وعقبـها كان يبااا .......( وسكتت ) ..


احم .. لو ما ين هن بـ الوقت الـضايع ..كنت انا بـ خبر كان ..


ومن عقبها ابوويه عرف بـ السالفه واجبرني انهن يتبعني ورايه بينهن وبيني شبر واحد بس..


عسب الكل يطالع انه حد ويايه ويحميني ..


وبـ امانه كان ابويه صادق .. بـ فرنسا ماتقدرين تعيشين بروحج ..


وهن واايد ساعدني , .. فديتهن اشتقتلهن ..



مــي : وييييه يزيغ .. انزين وودراستـج ..


.


ردت روضـه ع الغنفه وتكت ..ورفعت اصبوعها وهي تلعب بـ شعرها :


دراسـتتي .. مممم دراستي كانت ووايد حلووه ..


وكنت شرات الاميره ..ههههههههه


شووق :شقايل ..!؟


روضـه : مم شو اقولكن ..


السكول اللي انا كنت فيها كانت خــاصـه ..


ومحد يقدر يحدرها غير اللي صج وياهم بيزات ..لانها مكلفه وايد ..


واغلبهن كانو يحصلو ع منح ..و الاغلبيه او الكـل بـ بيزاتهم ..


يعني سكوول جدا رايقه ..


كنت اذكر لما البس على كيفي .. يعني لبس بيت مب لازم البس شراتهم ..


وكنت انا الوحيده اللي البس على كيــفي ..


مــي : شقايل.؟!


روضـه : صاحب السكوول .. كان ويـا ابويه بـ العمل ..يعني صفقات وغيرها ..


وابويه دخلني هـ السكول لانه يعرف انها لـ صاحبه واكيد بيـهتم فيه ..


عسب جيه كنت انا الكل بـ الكل بـ هالسكول ..وكنت اي شي بخاطريه اسويه ..


وكان الكل مقهور منيه او البنات كانً مقهورات منيه ليش انا البس على كيفــي وهوايه ..!




واذكر كنت من صباح الله خير انش عسب اتلبـس واترتب وجيه ..


وكنت كل يوم اسوي شكل بـ شعري وكنت احلى البنات بـ السكول كلـها ..


لانه جمالي كان عربـــي ..


شهقت امل :يعني كنتي ماتلبسي شيـله ..؟


.


ضحكت روضـه ووياها حمدوه ويزووي ..


وقالت روضـه : كنت بعدني صغيــره ..


مي : قبل جم سنه هـ السوالف مستويه ...


روضـه :السنه الفايته واللي قبلـها ..


مي بـ صدمه :وكنــــــتي صغيره الســنه الفـايته ...؟!


روضـه ضحكت بـ خجل وقالت :هيه صغيـره ..


البنات مافهمــن شو تقصد بـس حمدوه النزغه قالت : البنت كانت بعدها


مب واصلـه لمرحله لبس الشيله والتستر ..


امل بـ عصبيه : والشيله تبا مرحله بعد ..حرااااااام يابنت حرام


يزووي بـ طفش : اووه طولتنها يا روضه وحمدوه وهي قصيره ..


( وتطالع على شوق / ومي / وامل ) :روضـه بعدها ما كانت واصله لسن البلوغ ..


غطت روضـه ويها بـ ايدينها الثنتين ..مستحيه من رمسـه يزوي ..


.


( وتطالع يزوي على روضه وحمدوه ) وقالت : الناس جيه تفهم ..


الكل ضحك على يزوي اللي ماتستحي خخخ ..


امل بـ وناسه :الللله حظج يهعني بس كبرتيي جريب ..


روضـه مستحيه : هيه هيه غيري هـ السالفه ..


شوق:يعني لما كنتي بـ فرنسا ماتلبسي شيله ..؟!


روضـه : لا ما البـس ..


وبعدين انا ما لبست الشيـله غير قبل 6 اشهر تقريبا لاني كبرت خلاص ..


.


مي :وييييييييه يعني انتي مب من زمان .. توج


روضـه تغير السـالفه : وماتبن تعرفن الباجي من القصـه ..؟!


شوق بـ لهفه : لااااااااا كملي دخيلج ..!


روضـه وترد ذاكرتها لـ وراء ..: كنت محط انظار الجميـع ..


ليش اني انا كنت البس غير عنهم ومب ملتزمه ..


والبنات كانً وايد يكرهني .. ليش انه كل الشباب اللي بـ السكول يمووتون عليـه


مع انه مااجذب عليكن .. كانً البنات فـ قمه الجمـال ..


بس هم جذبهم جمالي العربي .. او بالاصـح رقي وأدبي


لاني كنت ماارمس ولا واحد فيهم ..يعني فقيره الله بـ حالي ..


وفيـه كان واحد بـ السكوول اللللله واكبر من جمال عليـه ..


بعد فرنسي يعني شو بيكون .. كانً كل بنات السكول يتمننه ..


بس هو كان يغثني انا .. ليش,.؟!!


لاني كنت صج رززيــنه ..وانتن تدرن بـ الشباب يحبون الوحده الرزينه ..


وكنت دايم الفت نظره .. بـ تسريحاتي وشكلي المتجدد ..


يعني كنت جني وحده منهن .. لانها كشختي تطغي عليـهن ..


كان وايد مضايجني .. مول مايودرني بـ حالي ..


لحد مايوم فـ الايام تبعني لفلتـنا ..


وحاول يرمسني بأي طريـقه ما قدر ..


واخذ رقم فووني من ربيعاتيه .. وغيرته رقميه ..


يعني ظل متابعني لطوول الثلاث سنوات ..


لانه السنه الاولى كنت بعدني يديده ..وهو مب موجود ..


امل بـ لقافه :اوصفي لنا شكلــه ..!؟


من قالت امل اوصفي لنا شكله طاحت يزوي بـ حظن حمدوه بـ حركه تمثيليه ..


على انه يطيح من حلاته ..


مي :خيبه بلاها ..؟!


روضـه : صدقهــــــــــا ..(وهي تأشر على يزوي ).. اه شقايل كان مزززيون وذبوحي ..


كان عليـه شعر بني فااااتح ومسويه قصـه ايموو وياي شكله عذااااب ..


وعيوونه كانً رصاصيات .. وابيضــاني واحمر .. وكان وااااايد طوويل ..


تقريبا اطول عنيـه .. مم شو بعد .. وشوي نحيــف مع عضلات بارزات وبـ القوه بعد ..


كان الكل يمتدح بـ شكله وجمـاله .. كان منى كل بنت بـ السكول ..


بس طبعا ما عداي انا خخ ..


مي : وشقايل هـ الخبله عرفته انه حليو عسب تنجلب فوق البنت جيه


روضه بتسـاؤل: تقصدين يزوي ..؟


مي : هيه


روضه اسمعي يا بوج ، يوم وصفته لهن قالن الا تصورينه لنا


وان ما صورتينه مابتردي البلاد .. عاد انا متى لقيتها فرصه


يوم التخرج ، كنا متخرجين من كلاس 10 سرت وسرقت صورته


من دون لحد يدري بس عشان خاطر هـ الطفره ( وتأشر على حمدوه ويزوي )


.


.


شوق :وه وه ذبت


امل :اييييييه حقي انا مب لج


مي :هيه تضاربن يالخبلات تضاربن ..


يزوي : اييييييه انتي وياها مالكن خص هذا مالي ..


حمدوه وهي تجرب اذونها من البنات : لاوالللللللللله ماسمعت عيدن


هذا حقي انا وبس لا انتي ولا غيرها ..


.


امل بـ لقافه :ونسيتيهم رربعج خلاص ..؟!


روضه :منو قالج اصلا انا متواصله وياهن ربيعاتيه كلهن ..


وبالآخـص لا غران مَير نانا ..


مي : شو ها بعد لاغران مرا نانا


ضحكه روضـه لانه مي خبصتها فوق حدر : قصدج لاغران مَير نانا ..


يعني الجده نانا ..اسمها نانا ..


كنت دايم لما اتمشـى بـ حدييقه برج ايفل ..


القاها قاعده بـ واحد من الكراسي ..لحد مااستوينا ربع ..


وبـ امانه واااايد طيووبه ..


.


مي:وماتحسين هناك بـ ملل ..


روضـه : منو قالج مااحس ..الاحسيت ونص ..


ووكنت من الملل اسير المطبخ ويا الطباخيـن ..


وطبعا كانو الطباخين كلهم فرنسين ماعدا رئيسه الخدمه لبنانيـه ..


وكنت دايم اقعد وياهم من الملل لحد مااستويت اطبـخ طبخ فرنســي


لا صار ولا استووى ..


مي بـ صدمه : معقوله انتي تطبخـي ..


طالعت روضـه بـ حمدوه ويزوي وقالت : ليش كلهم جيه يقولون ..!؟


يزوي : كل من يسمعها جيـه يقوول ..


اصلا اباج تذوقين طبخ روضـه بس ..


والله تأكلين اصابعج وراه ..


امل :انزين ليش ماتطبخين لنا ..


روضـه : افاعليج بسويلكن حلوى التويـل الفرنسيـه ..


صررخ حمدوه ويزوي بـ وناسه :واخيـــــــــــرا بـ تسويها


ضحكت روضـه :ههههههه هيه واخيـرا بس مب احيـن


.


.


يزوي وهـي تنش : عيـل انا اترخص بسير ارقـد ..


حمدوه وهي ترمس البنـات : ترا يزووي لـحد احين مواصلـه مب راقده


يزووي وهي تأشر ع حمدوه :هاها حتى انتي مواصلـه رويتر وحده


روضـه :هههههههه هدن اعصـابكن كل وحده تنشر غسيل الثـانيه


يزوي وتأشر ع روضـه :عيبتني هـ الحكمـه خخ


غطت روضـه عيونها اونها مسـتحيه : وجان اثتحـي


حمدوه وهي تمشـي صوب الدري :اشـك فـ هالمعلومه


تبعتهـا يزوي وهي تضحك :حتـى انا هههههههههههههه


روضـه بـ عصبيه :حيوووانات معليـه بنتقم منكن ..<<كل حياتها انتقام


.


نشت مـي وقالت : يلا بنـات انا اترخص بسيـر جناحنـا اريـح شوي


روضـه :حتى انتي ..؟!


مي :هيه تعبـانه والله ..


نشت مي وتبعنهـا امل وشوق ..


وبقت روضـه بـ روحها .. نششت رواضي وسارت صوب الـ tv ويـا بو ولاعه


روضـه : اييه انت حط قناه tv5 (القــناه الفرنسيـه )


مـايد بـ لعانه : لا والله وانا من وين افهم فرنسي بـ الله ..؟!


روضـه : لاحوووول شو هـ البلشـه وحشى شقايل عرفت انها هـ القناه فرنسيـه..(وسكتت)..


عطـها نظره ممدوه بـ الغرور والثـقه ( على انه انا كل شي اعرف )


..ونش وفر الريموت فـ ويه روضـه ..


ووروضه من الزيـغه صرخت بـ القو ..


مشـى وهو يضحك متوجهه لـ ام هززاع وحط ركبـه بـ الارض وعيونه مركزه فيـها وبنبره حزن : خالووووه دخيلــــــج قووولي تم .. طلبتج ..!


.


وروضــه فاجه حلجها وعيونها مطيـره عليـه وقالت بـ صوت مسموع : اؤؤؤؤؤؤللله عاد ما يـاهل ..!


ام هزاع : امر غلايـه ..عطيتك تدلل انت ..!؟


مـايد بـ حزن :خالووه انا بـ مووت من الملل وخـاطريـه اسير الحديـقه العب ..


دخيـلج دخيــــــــــلج قولي حق ( التفتت وأشر على روضـه ) رواضي حبيبه قلبي توديني الحديـقه دخيـــــــــــــــــلج ..!


.


رواضي لحد احين بـ صدمه معقوووووووله هذا ميود النحيــــس ..؟!


ضحكت ام هزاع .. والتفتت على روضـه .. وقالت : روضـه غلايـه طلبتج ترومين توديـنه ..؟!


استحت روضـه من طلب ام هزاع .. وماقدرت تقولها مابا ..وما اروم اسير ويـا هـ النحيس ..


وقـالت بـ صوت شووي مسموع وبـ حمق من اللي جدامها : من عيووني خالوه انتي تأمرين ..!


( وعطت مايد نظــــــره فتاكه ظاهر منها الحقــد ..)


مــايد بـ وناسه مصطنعه : هيــــــــــه ..يلا نشــي ..!


ام هزاع ابتسمت وقالت لـ روضـه :سيري امايه تلبسـي وانا بـ قول حق امج


وعقب تعالي هنـي عسب اعطيـج الفيـزا كرت ..




التفتت ام هزاع ع ام سـالم وقالت : يالغاليـه ابا منج روضـه تووصل ميود الحديـقه حرام بعد محد فـ سنه ..


وروضـه ماشاء الله عليـها شكلها تمووت فـ اليهال ..


روضـه بـ خاطرها :هيه هيه يلعن بووو التقرديـن ...اخ يالقهر اااخ


ولا بعد خلووني بالغصب احب اليــاهل .. وان كرهت كل لاياهل من طالعت هـ النتفه السبال ..


ام سـالم : حشـى والله ..روضـه بنتج ..واللي تأمرينها تسوويه ولو ..


روضـه غلايـه سيري ويـا اليــهال حرام ..بتسوين فيـه خير ..


روضـه وهي تمشي :ان شاء الله امـايه من عيووني ...!


.


ســارت جنـاحها وطالعت البنـات راقدات ..


جربت صوبهن وطالعتهن راقدات كانت تبـا ترفسـهن بس ردت :لا حرام ودريهن راقدات ..


عيل انا اسير ويا هـ النتفه وهن راقدات اااااااخ يالقهر ..


.


سارت حجره تبديل الملابس وخذت لها بنطلوون جينز ولبست عليـه بوودي علاقـي أبيـض وعليـه رسمات من الوسـط .. بالاسود ..


وخذت لها عبـايه مسكره لانها متأكده انها بـ تتبهدل ويـا هـ النتفه ..


.


سارت حذال التسريـحه وخذت الحجل وبدت تمرره داخل عيونها ..


وعقب حطت روج بنك خفيـف .. وبلاشر بنك خفيـف ..


ولفت شيلتها وتأكدت انه ماشي ظاهر من شعرها ..


.


نزلت تحت وهي تمـشي بسرعه ..


وصلـت الصـاله وقالت :انا خلصـت وينـه مـايد ..؟!


ام هزاع : تريا غلايـه اندوج هـ الفيزا واللي تبونه اسحبي منها ..


روضـه بـ نخوه:لا والله حشـى مااخذ منج شي ..ولو ميوود شرات اخويـه ..!


يي مـايد وطالعته بـ كشخته كان لابـس برمودا بيـج ..


وعليـه بلووزه بيضـه ووسطـها علم بريطـانيـا .. وحاط الحزام الاسوود بـ البرمودا ومظهرنه برع ..


ومسـرح شعره بـ اهمال ومنزلنه ع ويـه ..كان النذل كشووخي بـ صدق ..


.


روضـه وهي تظهر من باب الفلـه : يلاا امايـه نحن بنسير ..!


ظهر مايد ويـاها وركبـوا الســياره ..


.


انطلـقت دريوليـه روضـه للحديــقه ..!


.


وفـ جهه ثــانيه .. كان واحد قاعد حذال فلـه بو سـالم ..


يتريـا اي شخص يظهر منـها ..


.


مـايد كان بـ طوول الطريـج سـاكت ..


ورضـه مستغربـه من هدووءه .. ماكانت تدري انـه هـ الهدوء كان هدوء ماقبل العـاصفـه ..


روضـه وهي تطالع سـاعتها : لاحوول يعني مادقت به غير احين يبا يسيير الحديـقه ..


ما باجي شي عن يأذن بـ المغرب ..!


.


وصـل روضـه ومــايد الحديـقه ونزلت روضـه وهي ومـايد ..


.


وصلـوا لـحد وسط الحديـقه ..


روضـه :ميوود شو خاطرك تلعب ..!؟


مـايد بـ غرور : جب انتي شووي ..


روضـه :ماايد احترم نفسـك ..لااحين اعطيك طراق يدور لك رأسك ..


شرد مـايد وآختفـى مره وحده .. وروضـه كانت تمشي بسرعه عسب تدووره ..


بس ماشي اثر لــه جنه الارض بلعتـه ..


روضـه بـ قهر :الله ينطبـك ياميوود يـ النذل .. وين ذلف ها بعد ..ّ


.


مشت بـ نص ارجـاء الحديـقه وهي تدوره وتدوور .. بس طبـعا محد ..


بدت الدنــيا تظلم .. وروضـه بعدها تدور النتفه بس محد ..!


.


روضـه ااخ ياربيـه ..والسوات .. خالوه بعدها توصي قبل لا نظهر ...


.


وقفـت ويـا وحده من الالــعاب وهي تطالع يمين وشمــال ومـا تحس


بـ حد يدووسـها ع ريـلها بــ اخر قووته ..


صرخت روضـه بـ خفه :اااااااااااااااااااااااااااااي


ورفـعت عيوونها وهـي تطالع زول مـايد من بعيـد يربـع ..!


روضـه بـ قهر :يعلك احين طيح ياربيـه قوولي اميـن ..


.


مـــرت من حذالــها شـله شبــاب كانوا تقريــبا 5 شبــاب ..!


طـالعت عليـهم بـ نظهر سريـعه وكانوا يطـالعون ع جدام وبــس


ورافعـــين خشومهم لـ فووق .. ومب جنـه حد حذالهم مووووول ..


.



روضـه :خيبـــه ..!


وردت تطـالع عليـهم وهم يمشوون ..


كــان واحد جدامهم يمشــي والاربـعه وراءه ..


روضـه بـ خبث :هيه عاش الزعيـم عااش ... مسوي عمره الرئاسـه ..!


وهم وراءه يمشون . الله حظهم خاطريـه جيـه اسووي خخخ ..


بس شكلهم صــج رزه ماتطالعتي تووج ع اشـكالهم ..


( ورفعت أيدها وضربت ع يبهتـها بـ خفه ) ..لاحوول شقايل نسيته اووف ..


.


مشت تدوور على مـايد وهي تطـالع يميـن وشمــال ..


لحد مـا وصلـت للعبـه ..كانوا كل اللي راكبين فيـها يصرخوون بـ قووه


وصوت واحد هو اللي طاغي على اصواهم وكان صووته حاد بـ قووه ..


.


حطت ايدها على قلبـها بـ سرعه وقالت :مايد مااغيره راكب هـ اللعبـه


لا بـ الله ياروضـه عيل اليوم حدرتيه بيتكم ...!


.


( وحطـت ايدهـا ع رأسها .. جنه ويـاها مصـيبه ..!) .


.


وبـ قهر قالـت :معليـه يـ مـايد انا بـراوويك بس انزل ..!


.


سمـعت ضـحكـه خفيـفه ييت من حذالــها .. التفتت بـ سرعه على مصدر الصـوت ..


............: منو تهدديـن جيـه ..؟!


نزلــت رأسها بـ سرعه ماتبـا تطالع على عيوونه


وقـالت بـ خاطرها : محد غيرهم هذا واحد من اللي احين مروا عليـه ..


يـ الله يــاقلبيه شـ هالجمـال اااااااااخ ااااخ ..


ثــاني : هههههههه بلاااج جيـه منزله رأسج ..؟!




روضـه بـ خاطرها :ااخ ياوويل قلبي اذووب ع هـالضحكه واشيــبـــتتتااااه ..


ايه رواض اطالعج استوويتي صايعه وتتغزليـن فـ الريال


لكن انتي ماتتطالعـي ياروضـه اللي انا اطـالعه ..!؟


كـــان ريــال طووويل طوله يوصـل تقريبا 184 سـم ..


وعليـه عيوون عسـليه فــاتحه .. ولما يضحك تظهر الغمازات اللي بـ خده ..


كان قــمه فـ الجمـال ..


.


مشــت روضـه وهي مودرتنه مكــانه ..


وقالت بـ همس وهي تشمي : بـ الطقاق خله يموت انا شو ابا فيـه


بو ولاعه هذا


وضحكه بـ خفه وهي تسمع صوت مـايد اللي حاشر الحديقه بـ صريخه ومزاعجه


قالت بـ وناسه وهي تمشي : يوم ماتروم حق هـ الالعاب شـ له تلعبـها


(وضحكــه ):ههههههههههههه والله ونـاسه شكلـه بو ولاعه ..!


.


وتذكرت شــي :اوووف انا شقايل نسيت احلى لحظه .. هيه بسير اصووره فيديو وهو يزاعج عسب افضحه هههههههه


وكانت بـ تلف بس قطـع عليـها واحد جدامهـــا وبـ ضحكه تسـحر العقل:عسـى دووم هـ الونــاسه ..!


.


.وبـ جيه نكوون خلصــنا بارتنا الـ (17

 

[ღهمس المعانيღ]

وصصصصصل البـــــــــــآآآرت .........^^"


.
وتذكرت شــي :اوووف انا شقايل نسيت احلى لحظه .. هيه بسير اصووره فيديو وهو يزاعج عسب افضحه هههههههه
وكانت بـ تلف بس قطـع عليـها واحد جدامهـــا وبـ ضحكه تسـحر العقل:عسـى دووم هـ الونــاسه ..!
.
.
انصدمت وردت بـ سرعه على وراء لانه كان جدامها مرره
.
التفتت عنـه مودرتنه مكــانه تبـا تسير ويـا مـايد ..
بس قطع عليـها الطريج وهو يتجدمها ويي جدامها مره ثـانيـه ..!
.
وبـ ابتسـامه جـانبيـه تسلب العقـل : ممم على ويـــن ..!
تو النـــاس تمي شوي ابا ارمســج ..واطالع على عيونج الذبوحيـه
.
روضــه خلاااص تحس عمرها احين بـ تخنقه بس مسكت اعصـابها
لانها ماتبـا تظهر لـه انه هو قـاهرها .. ولا هامها بـ الاسـاس ..
.
كان جدامــها ومجـابلنها ويـه بـ ويه ..
بعدت عنـه وسـارت من جهه اليـمين عسب تمر ..
بس سبقها وهو مره ثـانيـه يي جدامها ويسد الطريج ..
.
روضـه مستغربـه من وقـاحه هـ الوولد ..
واللي مستغربـه منه أكثر ليـش كل مره واحد ييها من هاك الشـله اللي
احين مرو عليـها ..
مشت من جهه اليـسار .. تبا تبتعد عنـه
بس سد الطريـج عليها بـ حركه سريعه منـه مره ثـانيه
وكـل ماتبا تسير من جهه يسبقها ويي جدامهـا ..
.
بـ ابتسامه جـانبيه مظهره اسـنانه البيضه وبـ صوت يفر العقل فر قال "مانــع " : ممم قلتلج اباج فـ سالفه ..ليش جيه تسووين ..يلا فديتج يلاا ..!
.
روضـه بـ تمووت من المستـحى واحد جدامها لاتعرفـه ولايعرفـها
وقــاعد يتفداهـــا وخوف الدنيـا كله بـ قلبها ...
بس ماهمها كل هــــا الشيء ..
اللي همها وقهرها ..انه اللي جدامها قاعد يتفداها ..
وهي اكثر شي تكره واحد يتفداها ..
رفــعت عيوونها بـ قهر وطالعته بـ نظره أشمئزاز وغرور فـاق الحدود ..
وخوزت عيونها ببطـىء من اليمين الى الشمـال بـ طريقه اشمئزازيـه ..
.
ومرت من حذالـه وهو لـحد احيــن مصدوم من النظــــره ..
.
.
مشــت بـ سرعه تبا تبتعد عن هـ المكـان ...
.
ابتعدت عنهم كميـه كـافيه وامـنه بـ النسبه لـها ..
وقالت بـ خاطرها :الللللله واكبـر محلااااااتهم ااااااخ يااقلبـــي
منوو هذوولي وشو يبون فيـه ..
المره الاولـى بو غمازات رمسـني .. والمره الثـانيـه بو ابتسامه خبال
.
لاحووول احيـن شو يبوون فيـه ..
.
وفــجأه ودون سـابق انذار حطت ايدها على قلبـها وشهقت وقالت : مـايـــد
.
مشــت تدور عليـه وكانت تلتفت يميـن ويســار عسى ولعـلى تلقـاه
.
وقفت ويــا وحده من الالـــعاب تسمع اذا فيـه مزاعج ولا لاا ..
لانه اكيـد اذا شي صريخ وجيـه هوو راكب فيــها ..
.
سمعت اللعبـه هاديـه وتأكدت انه مب موجود ..
مشت لـحد ما وصــلت لـ أخر الحديــقه وهي تتنفس بـ تعب وتقول
بـ صوتها المبـحوح : يعلك يــا ميووود يتجسرن ريولك شرات ما رييوليــه
تجسرن من المشــي ..اخ اخ اخ واااي ياريووليــه
.
حطــت ايدهـا علـى صدرهـا وهي تتنفس بـ صعوبـه ..وقالت :معليـه بتشرد..
بنطـالـــع منو بـــيردك البيــت يـ السبـــــاااال ..
.
قـــطع عليـها صووت هــادي من وراءهـــا وبـ بحه تخبـل : منـو تدوريـن وجيـه مخبـل فيـج ..
وبـ بحه اقوى وبـ صوت نـاعس : وربــــي ماتهونيــن ..
.
ولا زالت ايدها على صدرهـا وقالت بـ خاطرها : واشيـــــــــــــبـــتاه
منووو راعـــــــــي هـ الصوووت ..يلعن بوو السـاعه اللي قالو فيـها صوتيه حلوو ..
كرهت صوتيـه خلااااااص ..من سمعت هـ الصووت ..
.
التفتت بـ سرعه وهي تطـالع اللي وراءهــا ..
بس مسـرع مانزلــت عيونهـا وقـالت بـ خاطرها : لا ياروواض عيل اليوم
رقدتــــي .. وه وه وه يـــــــاقلبي قلبــاه شـ هالجمـال الذبوحـي
يا قلبي بس .. انـــا متــأكده انه واحد من هاك الشـله نفسـها ..
هيه هوو منهم شفـته يوم يمشـي ويـاهم هو وهـ الطول اللي يدوخ ..
.
حســت على عمرها بعد ما مدحته مدح او بـ الاصـح قطعتــه ..
ومشــت عنه وهي تاركـتنه وراءها مستند على حديده وراءه ..
.
مشــت وهي تتلفت يميــن وشمــال .. تدور على بو ولاعـه ..
وقالت بـ همس وبـ صوتها المبـحوح لانها خلاص بـ تموت من التعــب :
ويــن شرد ..بمووت خلاص ..
تعبت وربي تعبــت من كثر ما ادووره ..
.
يـاها صوت من وراء نفس الصـوت اللي قبـل شووي ..
وقـال راكـــــان بـصوته النـاعس : سلآلآمتج من الموت فـ عدوينج يـ الغاليـه يـ ام صوت جـتالـي ..
حســت انـه ريولـها تشللن مكــانهن ..
وقالت بـ خاطرها : يعنـــي هذا كـان يتبعني وانا ماادري ااخ يـ القهر
وافضيـحتـــاه وبعد سمعني يوم اسوولف ويقولي صوتيه جتالي عيل شو
صوته يسمونه ..
كانت بـ تضحك بـس مسكت عمرهـا ..
وقالت بـ خاطرها :مستحيـل ارمس واحد منهم ..
ولا راح اوضـح لهم اني حتى مهتمه فيـهم ..
لحد مااعرف شو قصتهم كل مره واحد ييني ..
معقوله كلهم انعجبوا فيـه مره وحده ..
وكل واحد يخون ربيعه ويي يرمسني ..
اووووووووه وانا شو ابا فيـهم حتى ماا راح اعطيهم شوي من تفكيـريه ..
.
مشـت ومشـت ومشــت وقالت اكيـد انه بيتعب وبيودرهـا ..
بس كانت تحس بـ انه واحد يتبعها وكانت متأكده انه هوو ..
وكان العطـــش بيذبحها خلاص ..
وكل شوي تقول لا ما بوقف مستحيل عسب يستفرد فيـه ..
.
وقـفت ويـا واحد من الكشكات الموجوده ..
وقالت بـ خاطرها : هيه يوم اموت من العطش بقول مستـحيه وخيـفانه منه
هذا الطوويـل ..
والله بـ شتري وماعليـه منـه ..
اكيـد انه منقهر احين لاني مسويتلـه طـاف ..
.
رفـعت عيونـها على الهندي اللي يبيع وقالت بـ صوت ممزوج فيه الخوف
والثقه : مم ييب مــاي ..
ومدت لـه ايدها عسب تعطيـه البيزات ..
بس انــصدمت من اللي ماد ايده ويقول بـ بحه : الحسـاب عليـه
( والتفت عليـها راكـان وبـ ابتسـامه جـانبيه جنها ابتسامه يهال )

اول مـا طالعت عليـه وارتكزت عيونها بـ عيونه .. بسرعه خوزت عيونهـا ..
وقاالت فـ خاطرها :ااخ شو بيصبرنــيه انا اليوم ..
كــل مره غرشووب يظهر لـــي . خيبه هاي مب اسمها شله شباب
اسمها شله الغراشيــب ..
بس لحد احين اثنين مايوني ولا شفتهم ..
هاك اللي جدام ع مااظن الزعيم وو اللي حذاله ..
اوووووه وانا شوو ابا فيـهم ..
.
رفعت عيونها وقـالت لـلهندي : معليـه خلاص مايبا مـاي مشكور
( وابتسمت ابتسامه جانبيه ظهرت جزء من اسنانها البيضه ) ..
.
راكان بـ هدوء :افااا ليش لاني انا دفعت .. حشى مايسوى عليـه يالغاليـه
,
كانت بـ تصرخ عليـه بس مسكت عمرها ..
شو هـ الوقـاحه اوووووووووف
..
مشـت تاركـه راكان مكــأنه وهي تقول : حرمني الماي الله ينطبه اوف
بموت من العطـش ..
.
ابتسم راكان وهو يطالعها تختفـي وقال : ههههههه اموت على عزه
النفس يا نـاس
.
وقعدت بـ واحد من الكراسـي الموزعـه على الحديـقه وهي تقول بـ همس
:اي اي اي رريووليـه يعوورني ..وبمووت من العطــش
.
ما تطـــالع غيـر واحد يي ويصفط جدامها ..
كــانت هي قـاعده بـ الكرسي وهو جدامها بـ الضبط ..
رفع ايده على شعره الناعم وحركـه بـ اهمال ..
وشعره استجاب لـه بسرعه وتطـاير ويـا الهووواء وقال بـ ضحكه :تبيني
ايييب لج مــاي ..
.
نزلــت رأسها بـ سرعه وكـانت تبـا تنش وتترك لـه المكـان بس
هو كان جدامهـا وما سمح لها بـ هالشي ..
عبــدالله بـ ضحكه خبـال : افـا .. ماانتي تبين مـاي ..
وبـ همس يذووب : ورب الكعبه بس ثواني وبيكون المـاي جدام عيوونج
يـ الغلا كلـــه ..
فدديت انا والله هـ العيوون ياربيـه
.
كانت تثووووووور وتغلي من الداخل .. وتقول :اخ يالقهر يتفداني ليش
يتفداني هااااااااااااه ..
.
ماحبت تنش من الكرسي ولاتوضـح له انـها مهتمه ..
بـ العكس لفت رأسها وطالعت ع الجهه الثـانيه بـ برود
وهي تتمعن حركات الناس ولعب الاطفـال وغيره
.
عبدالله بـ خاطره :حشـى مب جنيه جدامها .. خيبه يـ البرود ..
بس ابتسم ابتسـامه خبث وضحك بـ خفه وبـ صوت مسموع ..
.
روضـه كان خاطرها تطـالع ليش يضحك .. بس قالت :لا لااا والله ماعطيته
ويـه .. خله بيمل وبيودرني ..
( وجنها تذكرت شي ) : رواضي اقوولج سمعتي يوم يضحك
وه وه ضحكته رنانه فـ اذوونيه ..
عنبوووها من ضحكه تخبـــل ..!
بس ماتحـس غير واحد يي ويقعد بـ الجهه الفـاضيه بـ الكرسي ويـقول :
يـ الغلا طالعي عليـه .. بس شوووي فديتج انـا .. ووربي بس شوي
.
روضــه خلاص وصلت حدهــا ..
نشت بسرعه وودرت المكـان لـه لاتصرخ او تفقد اعصـابها ..
هي من البدايه كان ماسكه اعصـابها ..
وخافت لا تفقدهن جدامه ويصدق عمره عااده ..
.
ابتعدت عنـه وهي تتذكر البليـه العووده مـايد وهـ الشباب اللي كل مره
واحد ييها ..
قالت بـ خاطرها وهي تمشي وترمس عمرها : هيــه هذا اللي كان حذال
البووس مالهم
عرفته ..بس وين البوس مالهم ..اووووووه وانا شو ابا فيهم ..
بس اقوولج رواضي ماتطالعتـيه وهو يحرك شعره ويضحك ..
وه وه ووربي خبااااااااال .. كرهتهم مسودين الويوه محلاتــهم ..
.
مشــت وهي ماتدري وين بـ توصل .. المهم تبتعد عنهم
وكانً عيونها يدورن مــايد ..
سمـعت صوت مـايد وراءها وبـ سرعه التفتت وقالت : ميووود يا مسود
الويـه وين كنت هاه ..
مــايد ويبتسم بـ خبث ويجرب صوبـها : خوفتــــج خطيبتي ..
ستهميتي عليـه صح ..!
روضـه مارامت تمسك عمرها : هههههههههههههههههه
بعد مغــازلـجي هاه .. اجلب ويهك يلا قال خطيـبتيه قال
.
جرب من صوبـها اكثر وعطـاها بووووووكس قووووووي وسط بـطنها..
حطت ايدها على حلجها بسرعه لانها كانت بترجع من قو البوكس
وطالعت عليــه وهو يضحك ..
وقالت : ااااي ااااي .. الللللللللله ينتقم منك يالحيوان ياالصخله ..
سحبته من شعره ومشـى حذالها وهي خاطرها تعطيـه طرااق ..
صرخ عليـها وهو يوقف :اتري ايه خطيبتي ابا جبس ..
قالت بـ ضحكه وبـ حب : تبا جبس هاه .. اشتر حبيبي يااا اقولك
فدددددددديت روحك لاتعب عمــرك انا بختارها لك ..
من عنووونيــــه ..اصلا انا كنت ابا مـاي بس ماشربت
.
روضـه وهي ترمـس الهندي : ممم هيه ييب هذا هيــه هيــه بس بس
وبعد ييب مـاي ..
مــايد واول مره يظهر الحب بـ عيونه :خطيـبتيه ابا بــاونتي
روضـه وهي تأشر على عيونها : من عنوونيـه ..لآزم هيه تبرد على قلبك
( وضحكه ) :ههههههههه ييب بعد باوونتي ..
عطـاها الهندي الاكـل وعطـته البيـزات وساروا هي وماايد ..
روضـه وهي تعطيه مـاله وتأخذ الماي : مايد اندوك يوود ...
هيــــه اقوولك تعال اصلا انا ابا الــعب هـ اللعبه (وضحكت )..
.
سارت حذال اللـعبه وعطت مايد اغراضـها وهي تجرب تبا تركب قال مايد
:اييييييه انا ابا اركب ويياج ..
روضـه : لا ماشي هاااي وايد خطيــره ..
.
بدت اللعبـه و روضـه الضحكه شـاقه الحلج ..لانه يستهونها هـ الالـعاب ..
.
وكله تضحك وحتى ما اصدرت صووت واحد ..
لانها متعووده هي وحمدوه ويزوي دايم يلعبن هـ النوع من الالعـاب ..
.
كانوا الشبــاب الاربـعه كلهم متيمعيـن تحت ..
مــانع : اقوولكم عطتني هاك النظره قسم بالله حسيت عمريـه خاايس
راكـــان : لا والقهـر حتى مابينت انها مقهوره من تصرفاتنا
عبدالله : والله ماشي كلمه غزل ماقلتها بترمس هـ البنت مااشي
ثــاني :الظاهر ما منها امــــل .. مشت وودرتني مكانيـه برود اعصابها يجتل
..اقووول طالعوا تلعب وتضحك ..
البنات يصيــحن وهي تضحك ههههههههههههه
.
ضحكوا الشباب كلهم على تعليـق ثــاني ..
.
نزلـت روضـه من اللعبه وهـي رأسها يدوور ..وقالت :يلا ميوود
مايد :جب انتي مابااا ..ما لعبت انا
روضـه وهي تمشـي حذاله :وانت شارد عيل شو كنت تسوى هاه
ما كنت تلــعب ..
مـايد بـ لعثمه :هاه ,,هيه العب العـب ليش ما العـب ..
وفـتح الجبـس وهو يتحرطـم وروضـه تضحك وتطـالع عليـه ,,
فر الجيس اللي كان فيـها الجبس فـ الارض
صرخت عليـه رووضـه :اييه شو هـ الرحكات عيب ..
مد ايده ودح روضـه على ظهرها بـ قوووه ..
روضـه بـ قهر من تصرفاته : ايييه فضحتنا انت وهـ التصرفات
ماتعرف شي فـ الاتكيت ..يبا لك حد يوديك فرنسا سنتين تتعلم الاتكيت ..
.
شلـه الشبااب الاربـعه كانو يتبعون قوم رواضي ومايد ..
ويسمعون كل رمسـتهم ..
مـــانع بـ لعانـه : انا خلاص حبيت الاتكـيت ..فديت والله الاتـكيت انا ( يقصد روضـه خخ )
ضحكوا ربـعه عليـه وفهموا قصـده .. لانه كان يلمح لـ روضـه ..!
.
.
طـالع مـايد عليـها بـ نظره وعقب حول نظره علـى الجبس اللي بـ ايده
.
مد ايده داخل الجيس وأخذ ترس ايده ودخله داخل حلجه ..
.
ماثواني غير يصرخ مــايد :وووواي أأأأأأ وواي يحرق يحرق ..اه اه
وروضــه من شافت جيه السـالفه طاحت فـ الارض من الضـحك
روضـه وماسكه بطنها من الضحك : هههههههههههههههههه هههههههههههههههه ههههههههههههه وااي واي ههههههههههههه
تستــاهل هههههههههههههه كح كح تستـتتاهل ..هههههه
.
من سمعوا الشبـاب الاربـعه مزاعج وصريخ مـايد عرفوا انها انتقمت منه
لانه بـ طول ماهم يمشون يطالعونه يضربها ..
وهي تصرخ عليـه ..!

.
راكان بـ ضحكه : ههههههههه اسمنه غبي عيل ما يطالع انه الجبس من
النوعيه الحاره ..
ثاني : ههههههههههه انتقمت منه شر انتقام ههههههههه
مانع : انا قلت من يوم هي تقول برايك اشترى باونتي عسب تبرد على
قلبك انها وراءها بلووه
عبدالله ذااااايب وحاطه ايده على خده : اااااااه اسمعوا ضحكتها شقايل تذووب
ضحكوا الشبــاب على عبدالله اللي منعجب بـ روضــه ..
.
مـايد بـ قهر وهو يشوووت روضـه فـ عباتها : معليج ..
وفر جيس الجبس و تبعثر الجبـس فـ الارض ومشـى ..
وروضـه لا زالت فـ نووبه ضحك ..
وعاده روضـه من تبتدي تضحك ماتسكت موول ..
.
.
راكــــان بـ لعانه : شبــــاب وقــته يلاا منو دووره احيـن ..
ثـاني وهو يتجدم وبـ ابتسامه : دوووريـه انا ..
طالعوا طالعوا بس ان ماصرخت فـ ويهيه مايكون اسميه ثــاني ..
.
عبدالله :سير يـ الخقاق سير ..
.
مشــى ثـاني لـحد ماوصـل لـ روضـه اللي محمره من الضحك وهي قاعده
بـ واحد من الكراسـي الموزعه على الحديقـه ..
ثــاني ماقدر يمسك عمره وضحك من ضحك روضــه
وظهرن غمازاته الثنتين اللي كانً يسحرن العقـل
وبـ ضحكه من قلب : هههههههههه فدديت هـ الضحكه وربيه ..
( وبـ همس يذوب وبنـبره صدق ) :والله والله انـه من سمعت ضحكتج
تلخبط عقليه فوق حدر ..
.
رفـعت روضـه رأسها بسرعه وهي لازالت تضحك ومن طالعت اللي جدامها ..
بسرعه رفعت ايدها وحطتها على حلجها عسب تخفي ضحكتها ..
كانت بتخنق عمرها بـ هالحركه .. وبدت تكح ..: كح كح كح كح
ثــاني صج ذاااايب :حلااااال ياا قلبي حلااااال >>صج بدا يتجرا
.
من سمعت رمســته رفعت عيونـها بـ قهر الدنيـا كله وطالعت عليـه
بـ نظره اشمئزاز ونشت من الكرسي وتركت له المــكان ..
.
ثــاني وهو متيبس مكــانه ويـطالع عليـها بـ تأمل وهي تمشي ..
ييو ربـعه من وراء وحط راكان ايده على جتف ثاني وقال : مااسمعنا شي
يالحبيب .. لا صرخه ولا هم يحزنوون ..
ثــاني ذاايب:اااااااااااااااه يااا شباب خلااص انا حبـيــــتها
ضحكوا الكل عليــه ..
مـانع : خلاص عيل من يخلص منها انتقام بو الشبــاب قوله يحولها
ولا اقوولك ليش بعد تقوله خذها حلال عليــك ..
.
التفتت عبدالله وركز عيونه على ربـعه :بس ماادري ليش احس انه عكس
الرمسـه اللي تقولوهـا ..
راكان : شو تقصد ..!؟
عبدالله :ثانـي تذكر يوم انا وانت كنا بـ العزيـمه ..
والفيصل عازمنـا ويوم ســأل عن مانع قلناله مسـافر ..
تذكر هاك اليوم ..
ثــاني وهو يتذكر : هيه اذكره ..
عبدالله :وقــتها انا كنت ظاهر ادوور على الفيصـل ولقيته
ماسك روضـه من ياقتـها ويهزها بـ قووه ..
تصدقوون بـ طوول عمريه ما طالعت
فصوول جيه معصب ..ووقتها يا ثاني كنت بقولك شي لو ماقطع علينا
فصول وهو يحدر ..
ثاني :هيه صح شو كنت تبا تقوول ..سكت فــجأه هاك اليوم ..
عبدالله بـ ذكاء : ما لاحظتوا ونحن قاعدين بـ الكافيه ويـا فصول وقلنا له
انه نبا نطفربها نحن ..
لان كنا متعودين نسوي جيه فـ اللي يمرن على فصول يعني على اللي
يبا ينتقم منهن
وكان وقتها يوافق بسرعه ..
بس لما قلناله عن روضـه فـ البدايه ما وافق
راكان :صح انا انتبهت بس قلت لااا مسـتحيل
عبدالله يكمل :لا مب مستحيـل .. هـ الروضـه شكلها غير عن كل انتقام
انتقم منه فصوول
وما يبـانا نحن اللي نحن ربعه نجرب منها ، هذا ماله الا تفسير
واحد ... انه هو متعلق فيها ..
مانع يكمــل : وبعدين انا اذكر .. روضـه ماسوت لـه شي عسب ينتقم منهـا
شرات غيرها من البنات ..
قلنا هاك البنات لانه هن يين ويحاولن يرمسنه وجيه
بس روضـه هو اللي تعرض لها .. وهي ردت اعتبـارها ..
يعني من نظره يسوي هـ الشي كله ...!
ثاني : ومب جنها طوولت ويـاه وايد .. هو بـ العاده البنت يخلصها بـ يومين
بس هااي ووايد طوولت ويـاه ..
.
راكــان : ممم وفصـول يوم اول مره طالعها بـ المول ..
وهم نفسه انه يبا ينتقم منها ... ليش كل هـ الشي ..
و بـ امانه ماله هذا غير معنى واحد
الشبــاب ويـا بعض : انـه يبا يكون وياها على طول حتى لو كان يضرها
.
ســكتوا الشباب بعد ماحسوا انـه فصوول بـدا ينجذب لـ روضـه
ومايدرون اذا هـ الشي صج او لاا ..
.
.
.
بـ جهه ثــانيه بعيده عن الشباب ..
الفيصل كان مقهوور وبـ القوو : انا شقايل سمحت لهم هاااه
لو ما قلتلهم احســن ..
اوووووه بـ الطقاق احسن تستاهل خلهم يطفروبـها
محد قالها تيي جدام الفيصــل ..
اباهم يخبـلوون فيـها ..
بس انـت يا الفيصل ما قلت انه روضـه احين ملكك وماتبا
اي شخص يشاركك فيـها ..
.
.
.
مشـت روضـه مبتعده عنهـم ..وهي تقول فـ خاطرها : اب افهم ليش هـ الشله يتبعونـي ..
وليش لحد آحيـن ما طـالعت البوس مـالهم ..
هههههه لا لاا الظـاهر هو مايسوي حركـاتهم اونهم هم ينفذون وجيـه ..!
.
مشـت تدور على مـايد وهي تطالع يميـن وشمـال بس مـحد ..!
.
سمعت صريـخ ومزاعـج وجنه صووت ضرآبـه ..!
.
سـارت صوب الصووت وهـي تطالع النـاس ملتمه ومسويـن دائره ..
حطت ايدهـا على قلبـها وهي تسمع صصوت مـايد وهو يزاعج ..
أكيد مسوي بلـوه ..!
مشت بـ خطوات سريـعه وبعدت الناس عسب تمـر ..
وطالعت مـايد وحرمه وولد صغير يصيـح ..
.
جربت من مـايد وهي تطالع عليـه بـ صدمه ..
وعقب رفعت عيونها ببـطئ عسب تطالع ع الحرمه ..
بس قطـع عليـها صوت الحرمه ومزاعجها : هذا ولدج ولا شووو ؟؟!
روضـه وهي تطالع على الولد اللي يصيـح : بلآلآآآه .؟!
الحرمه بـ كل عصبيـه الدنـيا : هذا مستحيل يـاهل ..
شي ياهل يعق ولد من اللعبـه ويركب مكــأنه ..
طالع ولديـه شقايل يصيـح ومتروس دم ..
روضـه وهي تطالع على مـايد بـ حقد : معليه الغاليـه ..
( جربت منها وقالت بـ همس ) : اليـاهل الي جدامج شوي فيـه مخفه عقل ..
يعني تقدرين تقوليـن مينون ..!
الحرمـه بـ عصبيه : لا والله ويوم ولدج مينون ليش تيبيـنه الحدايق ويـا النـاس هاه ..
روضـه صرخت بـ خفه :بسم الله عليـه جان هذا ولديـه ..
( انتبهت على عمرها ):اقصـد ... مم ..اا هذا مب ولديـه ..
ويالغاليـه معليـه قلتلج ترا مينون مايفتهم ..
.
مـايد :انا مب مينوون انتي وهاي المينونـات ..!
الحرمه : اندووج ..طالعي شين وقوايه عيـن ..
ضارب الولد وبعده يضـارب ..
عصبت روضـه ماعيبها على مـايد ..>>على كل اللي يسويه فيـها بس بعد مايهون عليـها ..
وبـ عصبيه قالت: قلنالـج مب متعمد ..انتي ماتفهميـن سويتيها سـالفه ..
.
وسحبت مـايد وظهرت من اليمـعه اللي محوطيـن عليهم ..
.
كانت تمشـي بسرعه وهو يتبـعها .. لحد ما وقفت حذال واحد من الكراسـي
وقالـتبـ عصبيـه :انت احيـن متى بتووب هاه ..
فضحتنيه جدام خلايـج الله كلهم ..
الله ينطبك ان شا ءالله ضــاع البرستيج والخقـه ماليـه ..
زين احيــن هااااه زيــن ..
عيل هاااي قاعده تصرخ عليـه ااخ يـ القهر ..
لكن مب منها منك انت يالسبـــال ..!
.
.
مـانع مارام يمسك عمره وانفجر من الضحــك ..



لانه بـ الاصـل كانوا الشبـاب يتبعونهفـ طالعوا الضرابـه ويوم



روضـه تهزب مـايد ..



ثــاني بـ همس :احين مستهمه علـى البرستيـج ..



انا قلت بتهزبـه لانه ضرب ولد النـاس .. مب يهزبونه لانه خرب لها برستيجها ..



راكان والابتسـامه منرسمـه بـ شفايفه : الصراحه هـ الروضـه شي



ههههههههههه ما كنت متوقعها جيـه ..



تضارب الريـال على البرستيــج .. ههههههههه



عبدالله ويتأمل روضــه وقـال بـ نبره واحد ذايب : ااااااه عيل لو هذولي ربعج شو بتسويـن ..



مب بس بيخترب البرستيج الا بيخترب بو البرستيج بعد ..



اااه فديت البرستيج وهلـه وربـــي ..



ثـاني يضحك من قلب :هيـه عاش عاش ..قاعد تهزنـا وتتفدى راعيـه البرستيج ..



.



.



روضـه بـ قهر :والله والله يـا ميوود وتبعد عن نظر عينيـه



لا اسويك ديـاي بـ الفحم فاهم ولا لا ...!



مـايد خلاص يحس بـ الآهــانـه ..



جرب من روضـه ورفع ريـله وشـاتها بـ اخر قووتـه ..



يت الضربـه بـ ريل روضـه فـ من قوتها طاحت روضـه بـ الارض



لو ما مدت ايدها على الكرسي وبسرعه رفعت عمرهـا عليـه ..



.



روضـه بـ ألم ماينوووصف :اااخ اااي يعوور ..



.



من قووه االآلـم حست روضـه ولـِ أول مره بـ الضعف ..



حست بـ انه جسمها كـامل تخدر ..



حست انه الدمـعه ولـِ اول مره بـ تخونها وكانت بتنزل



لو ما سحبت هواء عميـق داخل رئتينها ..



.



اتكت على الكرسـي وهي ترمـي جسمها عليـه ..



كانت بـ هاللحظه ضــعيفه .. كل قواهـا خـارت ..



كانت من قبل تحس بـ الالم بس تتحاشـاه ..



كانت تحس بـ ألم قووي من قبـل بـ ريولها لانها مشت مسـافه وايد طويـله



وهي بذاتها ما تتحمـل ..



ويي مـايد وزاد عليـها العووق ..



.



الشبـاب كانوا متـابعيـن الضـاربـه بس انصدموا ..





وهم يطـالعون روضـه تطيـح بـ اخر قوتها على الكرسي ..



.



ثـاني مارام يـطالع هـ المهزله تستوي جدامه ولا يسوي شـي



.



بسرعه جرب من روضـه ومـايد ..



ورفـع مـايد من يـاقته وهو يقول بـ عصبيـه : انت ماتستحـي على ويهك هاه ..



وصلت فيـك الوقـاحه لـ هالدرجـه ..



.



[ كانوا الشبـاب وروضـه بـ صدمه من حركـه ثـاني ] ..



جربوا بـ سرعه من ثـاني ..



راكـان بـ خوف : لا تخنقـه بسرعه نزلـه ..



ثـاني بـ عصبيـه:ودرني اربيـه ..ودرنـي ..



عبدالله يـهمس بأذون ثـاني :نسيت انه نحن بـ نفسـنا



اللي رشيـناه عسب يخبل بـ روضــه ..



ثـاني بـ نخووه وعصبيـه وبصوت مسموع :بس مب بـ هالطريقـه..



جرب مـانع من ثـاني لانه هو وايد جريب منـه ..



تقريبا كـان اقرب واحد لـ ثاني من ربـعه كلهم ..



.



مـانع بـ هدوء :بتفضحنــا ..نزله ..طالع الولد احيـن بـ يصيح ..



.



امــا عن روضـه فـ كانت فـ صدمه من حركـه ثـاني ..



وحست بـ الونـاسه بـ داخلها ماتدري ليـش ..؟!



.



أحســاس غريب كان يجوول بـ داخلها ..



أحسـاس ماحست فيـه من زمـان ..



بس توها تحس فيه وهي تطالع على نخوه ثـاني ..



.



نزلـه ثاني وهو مقهور من حركـه مايد اللي شللت روضه بـ الكامل ..



وجرب من روضـه واـنحنى لمستواها وقـال بـ همس :تحتـاين لـ مساعده ..



حركـه روضـه رأسها بـ نفي وهي عيونها كانت مركـزه على عيون ثـاني ..



ماتدري ليش ولـ أول مره ماتخوز عيونها عن عيون ريـال ..



كـانت تطالع على عيـونه العسليـه النـاعسه بـ صمت ..



وعقب نزلت رأسها وهي تطالع علـى الارض ..



.



ابتعد ثـاني وتبعووه الشبـاب وهم مصدوميـن من حركـته ..



امـا عن مـايد فـ طالع على روضـه ومشـى بسرعه للبـعيد ..



.



رفعت روضـه رأسها ووهي تطالع على الشبـاب يبتعدون ..



وعقب حولت نظرها للـجهه الثـانيه وهي تطالع مـايد يربع وماتدري وين بييسير ..



.



تمت دقـايق بـ مكأنها لانها تحس بـ الألـم ينخرها نخر ..



لـحد ما سمعت صوت فونها يدق ..



" هـاك عمري خذ منه وتوح عذب فؤادي كان ترتـاح "



" دنيـتي كلـها " يتصل بـكـ ..



ظهرت الفون من الجنـطه وهي عارفه ومتأكده منو يدق ..



لانه هـ الاغنيـه محطيتنها لـ حمدوه وبـس ..



ردت بـ تعب :ألووو



حمدوه تطنز:بشري شو استوى ..عسى بس مب فـ المستشفى



.



ماحبت تخوف حمدوه ويزوي عليـها فـ قـالت تتمصخر: عن جريب عن جريب ..



الظاهر مابرد البيت الا وانا مرقده فـ المستشفى ..



.



حمدوه :هههههههه سلآمه قلبج ياعمري ..



روضـه :فدديت انا هـ المنطووق وربـيـه ..



مروا من حذالها شـابين كانت عيونهم عليـها ..



قال الاول : عينـــي عينك هاه ..!



الثـاني يرقم : ******050 اتريـا الاتصـال ..



.



نزلت الفون ولفت عنهـم جنهم مول مب موجوديـن



وطالعت على الصوب الثـاني ..



الشبـاب انقهروا من حركـاتها وكملوا طريـجهم ..



ردت ترفع الفون وترمس حمدوه : ورطيـنا زين جيـه ..



حمدوه بـ خفه دمها :عسى بس حفظتي الرقم هاه بشري ..!



هههههههههههههه



انقهرت منها روضـه بس ماوضحت وقـالت : اوووه طــاف ..



حمدوه :اخ يـ القهر ,,ابا افهم متى بتنقهرين شراتي هاه ..



انا بـ نجلط والسبب هـ الـبرود ..



رواضي :زين اجلبي ويهج يلآ ..



حمدوه : معليه انا الغلـطانه اللي داقـه عليج ..بـاباي



روضـه : سوفـاج .. باباي ..



.



.



.



راكـــان بـ تسأول :يهني شو معنااه هـ الموقف اللي سويته هاه ..!؟



مـانع : ثـاني ارمــس ..



ثـاني بـ عصبيه : شو اقوول هاه ..يعني تطالعون بنت تنضرب بـ تمون جيه



مستحيل اصلا ..



حتى لو انا تميت مكـاني كان واحد منكم سوى اللي انا سويته ..



عبدالله : بس يـا ثاني اللي نحن طالعنـاه غير ..



ثـاني: شو تقصد ..



عبدالله بـ عصبيه :اهتمامك الززايد ..



.



يـاهم صوت من وراء وبـ هيـبه : اي اهتمام وشو مستوي ..؟!



الكل طـالعوا على الفيصل اللي كان وراهم ..



عبدالله يغير الموضوع :هاه قررت واخيرا تنزل ..



الفيصـل بـ ثبات :شو مستووي ..؟!



مانع يخفـي الموضوع : لا مامستوي شي بس ثـاني تدري كـ العاده



متضـارب هو راكانووه ..



تدري فـ دقيقه يتضاربون وفـ دقيقه يردون لـ بعض ..



الفيصـل اللي صدق لانه متعود على ثـاني وراكان :وانتوا يـ المخفه امتى بتوبون ..



ثـاني وجنه عيبته فكره تغير الموضوع : مب انا هو اللي ابتدا



راكان بـ تمثيل :انا هاه انا ..



عبدالله يبـا يغير السـالفه لانه صج بيبتدوا يتضاربون هـ المخفه :انا وفصول اللي ابتدينا زين جيه ..



يلاا مشـينا ..



مشوا الشبـاب وهم يبتعدون عن روضـه



اللي كانت تطالعهم من بـيعد بيعد وبعيد وايد بعد ..



طالعت شخص طوويل جنها تعرفـه ماتدري ليش حست بـ هالشعور ..



بس نشت وهي متوجه تدور على مـايد ..



وتقول فـ خاطرها : اكيـد زعل ..



اووووه وانا شو ابا فيـه ما تووه مجسرنيـه وماقدرت اتحرك ..



والسبب هو .. بعد مستهمه عليـه بـ الطقاق ..



لا حراام هو يـاهل ..



.



مشت تدور عليـه وهي تحس بـ ألم قوي بـ كل جسمها ..

 

[ღهمس المعانيღ]

.
×
ويـا البــنات ..
يزووي ترمس حمدوه :وينـها ..!؟
حمدوه بـ خوف :بعدهم بـ الحديقه ..
بس ماادري ليش حسيت انه صوتها مب طبيعي ..
يزووي وتضرب على يبهتها بـ خفه :شقايل نسينا انه روضـه مريضه
وماتروم تمشي واايد ..
انتي نسيتي ايام يوم نسير نتمشـى على البحر وهـي تقعد لانها تتعب بسرعه
واذا مشت ويـانا وايد بتم بـ طول الليل سهرانه ومريضــه ..
يااربيـه ..ابا افهم ليش سـارت ..
حمدوه بـ ضيجه :اكيد تعبـانه .. بس بعد دزوي حبيبتي شو تقول لـ خالوه ما اروم اسير
ما حلوه فـ حقها بعد ..
.
.
×
.
.
مشــت نص الحديـقه وهي تدور علـى مـايد ..
وقلبها كان يخفق بـ قوه ..خافت لا يستوي فيـه شي ..
.
روضـه بـ خوف :ياريبه وينه هـ المراهق ..
وقت مراهقته احيـن .. ريوليه تجسرن ..وانا ادوره ..
لا يكون استوى فيه شي .. لا بسم الله عليه شو هـ الرمسه..
والله اني اذبح كل اللي بـ هالحديقه اذا بس مسو منه شعره ..
ياربيـه الوقت تأخر السـاعه 9 وينه هذاا ..
.
فــجأه ودون سـايق انذار حست بـ دوار قووي ..
ولوعه تحوم بـ جبدها .. وألم قوي يعتصر ريولها وبـ شده ..
.
مسـكت وحده من الحدايد ..وحاولت تسند عمرها ..
لحد ماوصلت لـ واحد من الكراسي اللي بـ الجنب ..
.
قعدت بـ تعب وهي تغمض عيونها ..
واول مافتحت عيـنها ما تطالع غير زوول واحد تعرفه جدامـها ..
.
كـان يطـالع عليـها بـ صدمه وخاطره يساعدها بـ أي طريقـه
بس مستحيل تتقبل المسأعده يعرفها عززت نفسها ماتسمحلها ..
قـال والابتسـامه منرسمه بـ شفاته والغمازات ظهرن اول ما ابتسم
وبـ همس : عسـى مـاشر ..
.
روضـه بـ هاللحظه كانت تحس انها خلاص كـل قواها خارت ..
صبرها نفذ ..القوه اللي كانت تحاول تتمسك فيـها اختفت ..
لانها وبـ كل سهوله حملت نفسـها فووق طاقتها ..
قالت بـ خاطرها :مسـتحيل اقبل المسـاعده من اي شخص كـان ..
مستحيل ارضـى لنفسي المذلـه ..
بس انتي يا روضـه من قوه التعب حتى مب قادره تفجيـن عيونج ..
خليـها على الله ورمسـيه ..
وقالت( بـ صدمه ) بـ خاطرها :ارمســــــه ..انا ارمس واحد يا روضـه
.
هيه رمسيه ..رمسيه ياروضـه رمسيـه
انتي مب مرمستنه عسب تسولفين ويـاه لا ..
انتي رمستيه لانج بـ حاجه للعون ..
قالت بـ صوتها المبحوح وبـ تردد :تقدر تزقر مـايد ..؟!
ثـاني ابتسم بـ ونـاسه واخيرا رمسـته ..
مـا كان متوقع انها حتى تفيسـه .. بس احين رمسـته ..
وشكلـها صج تعبـانه ..
وقـال بـ خاطره : فديت هـ الصووت وربيـه شقايل ذبووحـي ..
وقـال بـ صوت يفر العقل فر : بس ثواني ادوره واقوله انج تبينه ..
.
اول ما اختفـى لا اراديـا انرسمت البسمه بـ شفاتها ..
ماتدري ليش تحس انه هـ الريـال كل حنيه الدنيـا بـ قلبه ..
بس ليش ظهر بـ حياتها ومنو هوو ..؟!
وشو يبا فيـها ..مستحيل مني والدرب جيه يعاملها ..
هي ماتعرفه الا هـ الجمن سـاعه اللي فاتت وخبل فيـها تخبل ..
واحين يسـاعدها ..معقووله شفقان عليـه ..
مجرد انه هـ الفكره ييت بـ بالها ..
حست انه قلبها بيظهر من مكانه ..
هي اللي طول عمرها تخفي مرضـها عن الكل عسب بس ما تطالع الشفقه
بيعونهم يي هذا ويشفق عليـها ..
قالت بـ صوتها المبحوح : لا مسـتـحيل مستحيـل ..
مــايد وهو يطالع ع الفراغ : خير طلبتينيه ..!؟
.
رفعت رأسها بـ سرعه وهي تطالع مايد جدامها وثـاني شوي بعيد عنهم ..
.
وقـالت بـ همس وبـ تعب : هيه مـايد يلآ منسير البيت ..
مـايد ولـِ أول مره ما يعاند وما تدري ليش طبعا قال بـ انخضاع : انزين ..
.
استغربت منـه وحاولت تقوي عمرها لـحد ماتبتعد عن ثـاني ..
لانها ماتبا تراويـه انها ضعيفــه ..
مشت بـ تعب حذال مـايد لحد ما وصلوا لـ مكان ثـاني ..
كانوا يمشون بـ هدوء ..هي وماره قـالت بـ همس وهي تتعدى ثـاني : شكــراً
اول ما ابتعدت عنـه مسكت بـ سرعه ايد مـايد لاتطيـح ..
واستغرب مـايد من حركـتها ..
امــا عن ثــاني فـ كان بـ صدمه ..
معقوووله رمسـتـني وقالت لي شكراً ..
ابتسم بـ وناسه ومايدري شو سبب هـ الونـاسه ..؟!
.
والتفتت بـ سرعه وهو يطالع زول مـايد وروضـه يختفـي ..
وروضـه ماسكه ايد مـايد بس مافهم ليش ماسكـته ..
بس ضحك وهو يتذكر انها لما كانت جريب منه ما رفعت ايدها
ولا مسكت ايد مـايد ..
واول ما ابتعدت عنـه مسكت ايده ..
قـال بـ هسم : ليش كل هـ الشي ..!؟
بس عسب انا ما اطالع انج تعبـانه .. هههههههه ..
.
.
ظهروا روضـه ومـايـد من الحديـقه ..
وكانت الدريوليـه تتريـا روضـه ومايد برع ..
اول ما تطالعت الدريوليـه انه روضـه ماسكه ايد مـايد
عرفت انها كانت تبـعانه ..
وســارت بـ سرعه لـحد روضـه ومايد وقالت : مس روزه انتي تعبان
ومسكت لها ايدها بس روضـه قالت وهي تبعد ايد تينا : تينا مافيه شي ..شكراً
.
بعدت ايدها لانها طالعت واايد نـاس كانوا برع ..
فـا ماحبت تلفت انــتباه ..
.
بس ما غابت هـ الحركه عن [ راكــان , ومــانع ] ..
اللي كانوا بـرع يتريوون ثــاني ..
اللي ستأذن منهم وقال بسير يدور فونه وين ..!
.
بس ثـاني ما كان سـاير يدور فونـه ..
كان سـاير عسب يتبع روضـه ويطالع اذا بعدها تعبـانه ..
.
.
ظهر ثـاني عقب دقـايق بــس ..
من عقب مـا روضـه ومايد ظهروا ..
.
سار حذال ربعه اللي كانو يتريونه بـرع ..
جرب من راكان اللي كان متكـي على سيـارته الفـخمه البنـتلي
وطـالع على مـانع اللي كان جدام راكان وهو متكي على سيـاره ثـاني الرولز رايــز ..
مـانع : ووينك يـا ريال تأخرت ..؟!
راكــان :يلآ بسرعه بيتحركون ترا ..!؟
ثـاني وهو يدور فصول و عبود : وين عيل الفيصل وعبدالله ..
راكــان :نسيت انه عبود ياي ويـا فصوول ..
وهيه صـح هم تجدمونـا .. واحين يتريونـا بـ ملحقنـا ..
ثـاني : اي ملحق نحن ويـانا 5 ملآحق ..و لا نسيت ..!
مـانع : بـ الملحق اللي فـ فله قوم فصوول هـ المره ..
ثاني :انزين يلآ ركبـنا ..
ركب راكان موتره ..
امـا مانع فـ كان من الاسـاس ياي ويـا ثـاني فـ ركب ويـاه ..
ثـاني وهو يـأمر الدريول اللي يسوق فيهم :يلآ تحرك ..
.
تحركوا الشبـاب بعد ما قوم روضـه انطلقووا ..
.
روضـه او ما ركبت الموتر رمت نفسـها بـ قوه على السيت اللي كان وراء
ويي مـايد وركب حذالها من الصوب الثـاني ..
انطلـقت الدريوليـه وهي متوجهه لـ الفله ..
.
كـانت بـ طول الطريج روضـه تون من قوه التعـب والالـم اللي تحس فيـه ..
امـا مـايد فـ كان بـ طول الطريـج ساكت و جنه حد مشربنه شيء ..
.
مسـكت روضـه رأسـها وقالت :آآآه يـآ رأسيه ..
.
حركت ريولـها ببطـئ شديـد وهي توون بـ قووه ..
والالـم اللي بـ داخلـها لو وزع فـ الهواء كان ممكن انـه
يجتل كـل النـاس من قوتـه ..!
.


.
بـدن عيونـها يسكرن ويفتـحن وهي تتنفس بـ صوت قوي ومسموع
.
مـايد لف عليـها بسرعه وهو يـطالع حالـتها خااف بـ القوو ..
فـجأه وبدون سـابق انذار طـاحت روضـه بـ ريوول مـايد
وفقدت الوعــي ..
صرخ مــايد من الخووف :روضـــــه ايــــه روضــه ...
من قوه الصرخـه التفت بـ سرعه الدريوليـه وهي متعوده تطـالع
على هـ المنظر دووم .. يـاما مر عليـها هـ المنطر و اقوى عنه بـ وايد بعد ..
عرفت سـاعتها انه روضـه فقدت الوعـي ..
من الخوف وقفـت بـ سرعه على جـانب الطريـج ..
والتفتت على وراء وهي ترمس بـ قووه : روووزه رووزه ..(روضـه ..روضـه ) ..
كـانو قوم راكـان يتبعوون روضـه ..
لآنـه طريـجهم بـ الاسـاس واحد ..
.
وكـانوا قوم مـانع وثـاني هم اللي وراء روضـه بـ الضبط ..
.
.
كان ثـاني سرحـان بـ عالمـه ويفكر بـ الاحسـاس الغريب اللي اجتـاحه ..
امـا عن مـانع فـ كانً عيونه علـى المرسيدس اللي جدامهم وسـاكت ..
.
فـجأه ركـز عيوونه بـ خووف وقـال لـ ثـاني وهو يلتفت عليـه : بلآهم وقفوا
لا يكون استوى فيـهم شيء ..
ثـاني وهو مول مب فـ الدنيـا :هاه .. منو تقصد ..؟!
مـانع بـ خووف :الللي جدامنـا قوم روضـه ..وقفوا طـالع ..
.
ثـاني بسرعه تجدم على جدام وهو يمسك السيت ويقول لـ دريولـه:
وقف بسرعه ..وقف وراء هـ المووتر ..
وقف الدريوول وراء المرسيدس ..وبسرعه نزل الشبـاب ..
جرب ثـاني من الموتر وهو يـحاول يطالع من الجـامه شو مستووي ..؟!
اول مـا طالع انـه روضـه بـ ريوول مـايد ومـايد مرعووب و الدروليـه تصرخ
عرف سـاعتها انه روضـه شي استوى فيـها ..
ثـاني بـ خوف حقيقي : البنت طاحت عليـهم .. مانع بـ سرعه
سير ويـا الدريول والحقـنا على المسـتشفى ..
( وهو يـطالع على راكـان اللي توه يوقف ) : وقول لـ راكان يتبـعنا
مـانع بـ خوف :اييه شو بـ تسووى ..!؟
ثـاني بـ ثبات : بركب ويـاهم وبنوديـها المستشـفى ..
تجدم ثـاني وسار صوب جامه الدريوليـه وهو يـطالعها مصدومه وفج البـاب
وهو يقولـها : بسرعه تحركي اركبـي هني ..(وهو يـأشر على السكن سيت ) ..
نزلت الدروليـه و تحرك ثـاني بـ الموتر لـ أقـرب مسـتشفـى ..
.
مــايد كـان بـ صدمه يـطالع على روضـه وسـاكت ..
ورفـع عيونه وهو يـطالع على ثـاني قاعد يسوق الموتر ..
و الدريوليـه قاعده حذالــه ..
.
وصلـوا الشبــاب المستشـفى ..
ونزل ثـاني بـ سرعه وهو يطلب من الممرضـات يظهرن ..
ومـا رضـى موول يجرب صوب روضـه ..
.
أخذن الممرضـات روضـه وبـ سرعه وصـلنها لـ الطوارئ ..
.
نزلوا راكــان ومـانع ويـا ثـاني وحدروا داخل المســشفـى ..
راكان بـ صدمه :شقـايل انتوا عرفتوا هـاه .؟!
مـانع :ما ندري جيـه وقفن بـ جانب الشـارع ويوم نزلنـا طالعنها طايـحه
واللي ويـااها متيبسيـن..
راكــان :يـا حـــيف على العرب اللي وياها ..
لو ما لحقـنا عليـها ماتت البـنت ..!
.
امـا عن ثـاني فـ كان سـاكت ومايرمس موول ..
مـانع وراكـان استغربوا من حـاله ثــاني ..؟
.
مـانع بـ خوف :ثـاني شو مستوي بلآك جيـه ..؟!
راكـان :اييه ثويـني ارمـس
ثـاني :ماادري بس لو طالعتوهـا وهي مرميـه بـ تحز فـ خواطركم ..
( وهــذا اللي كـانت روضـه نخاف منه .. تخاف تطالع بـ عيون النـاس الشفقه )
بس ثـاني جذب على ربـعه ما كــان يفكر بـ حـالتها ..
كانت بـ الحقيـقه والواقـع ما هاينـه عليـه ..!
.
.
×
.
.
ويــا نــايف ..
كـان نـايف يفكر بـ روضـه متعود عليـها بـ هالوقــت تدق عليـه
شو مستووي فـ الدنـيا ولحد احيـن مادقت ..!
.
مسك فونـه وبسرعه دق على " فـتنه الكـون " ..
دق ودق ودق بـس محد يرد ..
وبعد محاولات ردت تيــنا دريوليـه روضـه : ألوو
نـايف وجنه الخوف بدا ينخر بداخلـه :شو مستووي وين روضـه
تينـا :بابا هدا مس روزه فيـه هوسبتل ..
نـايف صرخ :شوووو مستشفـى ..؟!
تيــنا : اي هوسبتل ..
نـايف بـ خوف الدنيـا كله ويحس ريولـه نشلن : اي مستشـفى ..؟!
قـالت لـه هم بـ اي مسـتشفـى وبـ سرعه البرق تحرك على
المستشفـى اللي وصفته لـه ..!
.
.
ثـاني ومـانع كانوا قــاعدين يتريوون أي واحد من الطوارئ يظهر
عسب يطمنهم عليـها ..
لآنـه حـالتها مـا كانت تسـر ..!
.
طـالع ثـاني على مـايد اللي قـاعد بـ الكرسي وسـاكت ..
يته الضحكه وهو يتذكر يوم قالت لـه روضـه اباك تزقر مـايد ..
حزتها لمـا لقـاه قـاله اذا زعجت ولا خبلت ولا ضربت روضـه
ما تلوم الا نفســك فـــاهم ..وقتها مـايد خـاف من ثـاني
وحتى ما نطق بـ كلمه ..
هذا كـان سر مـايد وهدوءه ..!
جرب منه وقـعد حذاله .. وقال ثـاني بـ هدوء : مـايد اسمـع ابا اقولك شيء
مـابا اي شخص يدري انه نحن يبنـا روضـه المستشفـى وماباك تقول
لـ اي شخص كـان انه نحن عطيناك بيزات وقلنالـك خبل فـ روضـه انزين ..!
.
مـايد وهو يطـالع على الفراغ :لعبـه هي اول تقولولـي خبل فيها
وعقب تسكتيــني ..
ابتسم ثـاني وانحفرن بـ خدوده الغمـازات : ههههه اعرف انك معصب
ليش اني هزبتك فـ الحديقه وقلت لك لاتجرب صوبـها ..
بس هـ السـاعه كل شي تغير من اول مانظهر نحن من المسـتشفى
مانب اي شخـص يعرف انا نحن التقيــنا فيكم ..
ولا حتى وصلــنا روضـه المستشفـى انزين ..
مـايد بـ لعانه وهو يطـالع على ثـاني : وكل هـ الشي تتحراه يي بـ بلاش
ماشي فـ هادلنـيا بلاش يا حبيبي ..!
فجو ثـاني ومانع عيونهم بـ صدمه ..
من البدايه كانوا منصدميـن من لعانه هـ الياهل واحيـن زادت صدمتهم فيه
تفكيره مب تفكير يـاهل موول ..
.
جرب مـانع من مـايد وقـال : انزين خلاص بنعطيك اللي تبـاه
بس مانبا حد يعرف بـ الموضوع ..انزين ..
مد مـايد ايـده " على انه يلا ابا بيزات قبـل "
.
دخل مـانع ايده بـ جيبه وفتح البوك وطلـع منـه 1000 درهـم ..
وطـالع على ثـاني وابتسموا وهم يتذكرون الموقـف ..
.
اول ما التقوا بـ مايد فـ الحديقه وطلبوا منه انـه ينفذ نصف المهمـه ..
قالهم ماشي يي بـلاش ..
وعطوه 500 درهم بس عقهم فـ ويوهم وقـالهم هذولي شو يسون هاه ..
وما سكت عنهم لـحد ما عطوه 1000 درهم ..
.
مـد مانع ايده وعطـى مـايد 1000 درهـم ..
.
.
التفتو مـانع و ثـاني وهم يطـالعون واحد طوويـل ياي يربـع من بعيد
والخووف واضـح بـ ويهه ..
نش ثـاني اللي كـان قاعد حذال مـايد وسـار نـاحيته مـانع ..
وصـل نـايف وهو عيوونه تدور على اي شي يطمنه
على بـنته وحبيبته روضـه ..
.
طــاح قلب مـانع وثـاني من الصــدمه ..
وجرب منهم نـايف وهو يطـالعهم
وقــال بـ عصبيه :انتوا شو تسوون هنــــي هاه ...؟!!
.
.
,
انــتهى بـارتنــا الـ (18) ..
واتمنـى يعيبــكم ..
وطولـــته وووووايـــــد لعيوونكـم ..
مع العـم انه مدموج بـارتيـن لانه بـ الاصل بـارت يوم الجمعه
والبـارت اليوم ..
فـ قلت عسب ماتزعلون وتقولون فوشيـه خلفت الوعد حطيت بارتيــن ..
عاده كل ولازعل حبياايبنــا ..!
.

وجـــــــآآآن يخلللص البــآآآرت ..

آلبـآرت الـ(19)



ثـاني ومـانع كانوا قــاعدين يتريوون أي واحد من الطوارئ يظهر
عسب يطمنهم عليـها ..
لآنـه حـالتها مـا كانت تسـر ..!
.
طـالع ثـاني على مـايد اللي قـاعد بـ الكرسي وسـاكت ..
يته الضحكه وهو يتذكر يوم قالت لـه روضـه اباك تزقر مـايد ..
حزتها لمـا لقـاه قـاله اذا زعجت ولا خبلت ولا ضربت روضـه
ما تلوم الا نفســك فـــاهم ..وقتها مـايد خـاف من ثـاني
وحتى ما نطق بـ كلمه ..
هذا كـان سر مـايد وهدوءه ..!
جرب منه وقـعد حذاله .. وقال ثـاني بـ هدوء : مـايد اسمـع ابا اقولك شيء
مـابا اي شخص يدري انه نحن يبنـا روضـه المستشفـى وماباك تقول
لـ اي شخص كـان انه نحن عطيناك بيزات وقلنالـك خبل فـ روضـه انزين ..!
.
مـايد وهو يطـالع على الفراغ :لعبـه هي اول تقولولـي خبل فيها
وعقب تسكتيــني ..
ابتسم ثـاني وانحفرن بـ خدوده الغمـازات : ههههه اعرف انك معصب
ليش اني هزبتك فـ الحديقه وقلت لك لاتجرب صوبـها ..
بس هـ السـاعه كل شي تغير من اول مانظهر نحن من المسـتشفى
مانب اي شخـص يعرف انا نحن التقيــنا فيكم ..
ولا حتى وصلــنا روضـه المستشفـى انزين ..
مـايد بـ لعانه وهو يطـالع على ثـاني : وكل هـ الشي تتحراه يي بـ بلاش
ماشي فـ هادلنـيا بلاش يا حبيبي ..!
فجو ثـاني ومانع عيونهم بـ صدمه ..
من البدايه كانوا منصدميـن من لعانه هـ الياهل واحيـن زادت صدمتهم فيه
تفكيره مب تفكير يـاهل موول ..
.
جرب مـانع من مـايد وقـال : انزين خلاص بنعطيك اللي تبـاه
بس مانبا حد يعرف بـ الموضوع ..انزين ..
مد مـايد ايـده " على انه يلا ابا بيزات قبـل "
.
دخل مـانع ايده بـ جيبه وفتح البوك وطلـع منـه 1000 درهـم ..
وطـالع على ثـاني وابتسموا وهم يتذكرون الموقـف ..
.
اول ما التقوا بـ مايد فـ الحديقه وطلبوا منه انـه ينفذ نصف المهمـه ..
قالهم ماشي يي بـلاش ..
وعطوه 500 درهم بس عقهم فـ ويوهم وقـالهم هذولي شو يسون هاه ..
وما سكت عنهم لـحد ما عطوه 1000 درهم ..
.
مـد مانع ايده وعطـى مـايد 1000 درهـم ..
.
.
التفتو مـانع و ثـاني وهم يطـالعون واحد طوويـل ياي يربـع من بعيد
والخووف واضـح بـ ويهه ..
نش ثـاني اللي كـان قاعد حذال مـايد وسـار نـاحيته مـانع ..
وصـل نـايف وهو عيوونه تدور على اي شي يطمنه
على بـنته وحبيبته روضـه ..
.
طــاح قلب مـانع وثـاني من الصــدمه ..
وجرب منهم نـايف وهو يطـالعهم
وقــال بـ عصبيه :انتوا شو تسوون هنــــي هاه ...؟!!
.
.
ابتسم ثــاني وجرب من نايـف ..
وبـذاته نـايف سوى شرات ثـاني وجرب منه وحضنووا بعض بـ قووه ..
ثـاني :وين يـ ريال كل هـ المده مايسوى علينا استويت بزنس مان ..
ابتسم نـايف وهو يبعد عن ثـاني : انا ولا انت من رديت البلاد نسيتنيه هاه
مـانع من وراء ثـاني : حوووو نحن هنـا .!
ابتسم نـايف وجرب من مانع وقـال :اووووه حبيب قلبي منووع انت هنـي
مـانع يتمصخر :لا هنـاك ..
( وجرب منه وحضـنه بـ قوه ) ..
.
وفـجأه اعتفس ويـه نـايف وهو يتذكر سبب وجوده هنـي ..
وقـال بـ سرعه وخووف : معليـه شباب بس اطمن على ربيعـي
وان شاء الله بـ نلتقـي ,,
ثـاني مايدري ليـش حس بـ خوف نـايف المب طبيعي و ويـهه اللي
اعتفـس مره وحده ..!
مـانع : خذ راحتك يا الصـاحب ..
ثـاني حس بـ الفضول يلعب فيـه وقـال بـ تسـاؤل :خير نـايف .. الرب ماشر
نــايف ما حب يقولـهم انه بنت اخته هني وجيـه فـ قال : لا ماشر بس واحد من ربـعنا تعبـان شوي
ثــاني و ملامح التعجب واضحـه بـ ويهه :خذ راحتك ..
كـان نـايف بـ يمشي لانه الخوف بـ داخله يلعب فيـه لعب ..
بس فـجأه توقف وهو يذكر شي وقـال : الا ما قلتولـي ليش انتوا هنـي ..!
ثـاني ومـانع ماعرفوا شو يقولون لـه
بـ الاساس شو بـ يقولون لـه ..
يعني بـ الله يقولون لـه وحده ربيعنـا قال لنا نخبـل فيها وفـ الاخير وصلبنا هـ الطريج للمستشفـى ..!
.
استغرب نـايف من سكوتهم ..
وبـ سرعه وبحركه بـديهيه قاال مـانع :واحد من الربـع تعبـان ..
وقلـنا بـ نيبـه المستشفـى نطمن عليـه ..!
.
نـايف : اها ..عيل ان شاء الله لـي زيـاره لـه ..
( ومشـى بـ سرعه وهو تـاركهم مكـانهم ..
لآنـه كان صـج بـ يموت من الخوف على روضـه ) ..
يي راكـان من بـعيد وهو يجرب صوبـهم وقـال :هاه شبـاب اطـالع نـايف هنـي
شوو مستووي ..!؟
مـانع :يقول واحد من ربـعه مريض وياي ويـاه ..
(وجنـه تذكر شيء) : الا انت ويـن كنت هاه ..
راكــان وهو يطـالع ع الفون اللي بـ ايده :مم فصول دق عليـه وقـال وينكم تأخرتوا
وقلت لـه بـ السالفـه كلها وقـال ثوانـي وبيكونون هو وعبوود هنـي
ثـاني :هيه زين يوم قلتلهم ..
.
.
.
.
اول ما ابتعد نـايف عنهم تحرك لـ رسبشن عسب يسـألهم عن روضـه
ودلتـه الممرضـه على مكـان روضـه ..!
.
مشـى نـايف لـحد ما وصل لـ مكان روضـه ..
و اول مـا حدر نـايف وجرب من روضـه حس بـ قلبه بـ يظهر من مكـانه
اول مره بـ حياته يـطالع روضـه بـ هالشكـل ..!
كان ويـها مصفر وبـ القو بـعد ...
وجسمها المتهالك المرمـي على السريـر الابيـض
والــمعتمد اعتمـاد كلـي
على المغذي اللي موصـل بـ ايدها ..!
.
سحب الكرسـي ويلـس حذالها ..
و مد ايـده وشبـكها بـ ايد روضـه الضعيفه ..
.
قـال بـ وهن : بلآج يـ الغاليـه منو سوى فيـج جيـه ..؟!
آه يـاروضـه ما اروم اطـالعج وانتي بـ هالتعـب ,,
والله لو يستوي اخذ كل هم بـ قلبج واحطـه بـ قلبي بس عسب اريـحج ..
جان سويـته ولا ترددت ..
.
فتـحت عيونـها بـ وهن وهـي بـ الاصـل كانت تسمع رمسـه نـايف
بس تحرت عمرها انهـا بـ حلم ..
لانه من المستحيلآت نـايف يكون هنـي موجود ..
قــالت بـ تعب : نــايـف ..!.؟
نـايف بـ حب صـادق :عيوون نـايف .. امري يـا قلبه تدللـي ..كلي لج وربـي
.
.


كـان يمشـي و تفكيـره مب ويـاه ..!
كـان يفكر فيـها ..
تنهد ثـاني وهو يجرب من مكان روضـه عسب يطـالع اذا الدكتوره ويـاها
.
وانصــدم وهو يـطالع نـايف شابك ايده بـ ايد روضـه ويقولـها : عيوون نـايف
.. امري يـا قلبه تدللـي ..كلي لج وربـي ..
ابتعد ثـاني بـ سرعه من هـاك المكان وهو يـقول :احين هذا ربيعـه ..!
ظهرت روضـه ربيـعه ..معقوولـه تكون رمسـه الفيصـل عن روضـه صج ..
يعني روضـه راعيــة شبـاب ..
.
وصـل لمـكان مانـع وهو مول مب فـ الدنيـا ..
كان مـانع يرمسـه بس هو سرحـان ..!
.
مـانع يرمس ثانـي :حوو انا ارمسـك
ثـاني وهو توه بـس ينتبه لـ مانع :هاه شووو
راكــان :وين كنت ..؟!
ثـاني وهو يتذكـر الموقـف:شباب مابتصدقـون ..تدرون روضـه ويـاها منـو
راكـان و مـانع :منووو ..!؟
ثـاني والصدمه واضحـه بـ عيونه :نــايف ...!
مـانع بـ عدم تصديـق :نـــايف ....!
راكـان بـ تساؤل:وشـو يسوي ويـاها نـايف ..؟
ثـانـي:يوم تخبرنـاه حق منو ياي قـال واحد من الربـع ..
معقولـه تكون روضـه راعيـة شبـاب ..!
يـاهم صوت واثـق وهادي من وراء :هيه معقـولـه ..
انا جم مره قلتلـكم انها ترمـس ومحد صدقنـي ..
التفتوا الشباب عسب يطـالعون الفيصـل وعبدالله
لآنهم متأكديـن انهم سمعوا صوت الفيصـل
.
مـانع :انتوا هنـي
عبدالله وعلآمـات الخوف منرسمـه فـ ويه : هيه هنـي ..
شقـايل ما نكون هنـي وفصـول سوى كـل هـ المسـافه فـ 4 ثوانـي
مانع وراكان ماقدروا يمسكون عمارهم فـ ضحكوا على عبدالله
اللي صج الظاهر انـه خيـفان ..
الفيصـل بـ ثبات : وصلونـي لـ مكـانها
ثـاني بـ سرعه رفع رأسـه بعد ما كـان يطـالع ع الارض وقـال بـ صدمه :شو
الفيصـل :وينها احيـن ..ابا اطـالع منو هـا اللي ويـاها
.
ثـاني وجـنه ما يبا الفيصـل يجرب صوب روضـه :فصوول اقصر الشـر
الفيصـل بـ عصبيه : ليش بـ الله اقصر الشر هاه ..؟
ثـاني انا ماادري ليش مب مرتـاح لـ حركاتـك
عبدالله فـج عيونـه بـ خوف وهو يطـالع ربـعه يتضـاربون والسبب بـنت
وقـال بـ خاطره :اوووف ياربيـه فصول لاحظ على حركـات ثـاني
مـانع :شباب صلى ع النبـي بلآكم جيـه ..؟
ثـاني بـ ثقه :عسب تتأكد انه ماشي فـ خاطريـه
تعال اتبعـني عسب اوصـلك لـ مكانهم ..
بس بـشرط من بعيـد لـ بيعيد ..
.
مشـو الفيصـل وثـاني لـحد مكان روضـه ..
و اول ماجربوا من المكـان ..
اشر ثـاني على مكـان روضـه ..
.
.
نـايف بـ صدق : روضـه غلآيـه دخيـلج ارمسـي و ريحيني
شو وصلج لـ هـالمواصيل ..
التفتت روضـه على جـهه الستـاره ماتبـا تطالع بـ عيون نـايف لآيكشفـها
لانه هو الوحيـد قادر على هـ الشـيء
.
اول ما التقت عيـنها بـ عينه وطـالعت على نظرتـه الفتـاكه
واللي يظهر منها الشرار ..
درت انـه فـاهم الموضوع على كيـفه ..
حولـت نظرهـا لـلي حذالـه وطـالعت ثـاني يطـالع عليـها بـ نظرات ما فهمتها
وعقب نزل رأســه ..
.
التفتت وبـ سرعه على جهه نـايف وقـالت : نـايف ابـا اظهر من هـ المكان
نـايف بـ عصبيه : روضـه انتي ما تطالعيـن على حالتج ..
روضـه وهي تتريـاه بـ صوتها المبحوح : نـايف غلآيـه دخيلك ابا اظهر من هنـي
ابتسـم نـايف ورفع ايد روضـه اللي كانت مشـابكه بـ ايده
وجربـها منه وطبـع عليـها بوسـه حاره وقال : روضـه لو مااخاف عليـج ما
كنت بـ رضى انج تظهريـن من هنـي ..
بس لآنج غاليـه عليـه وتدرين بـ معزتج بـ سمح لج تظهريـن ..
توترت روضـه وبـ القو من حركـه نـايف وبـ سرعه رفعت عيونها عسب تطـالع اذا
بعدهم موجوديــن ..
خـافت ثـاني يطالع على الموقـف ويفهم غلـط ..
بس عقب تذكرت انـه ويـا ثـاني الفيصل وقـالت بـ خاطرها:
انا طول عمريـه فـ نظر الفيصل اني راعيـه شباب ..
.
بس انصــدمت وهـي تطـالع ثـاني يمشي ويترك المـكان لـلفيصل
وبسرعه البرق تبـعه الفيصـل ..
نزلت عيونـها لـ حضنها بـ اسى من حـالها ..
ليش الكل يـطالع عليـها بـ هالنظره ..
ليش مايفهمون المووضوع قبـل مـا يحكمون ..
غمضـت عيونـها بـ تعب وهي ترفـع ايد نـايف وتحطها على خدهـا ..
.
مـا كانت تدري انـه هـ الحركـه اللي الكل يسويـها فيـها ويتسرعون
ويحكمون عليـها بـ الغلط .. هي اللي هدمـت لها عيشتها كـامل ..!
.
لانـها هي بذاتـها سوتها وهدمـت كل شي بـ ايدينها ..
.
استغرب نـايف من حركـه روضـه واللي صج استغربـه
ليش كل شوي ترفـع عيونها تطـالع على برع ..
التفت بـ سرعه على وراء عسب يطالع شو قاعده تطالع من سـاعه
بس ما لقـى شيء ..
لانه بذاته كان نـايف معطيهم الظهر ..
عسب جيه ما طالع يوم ثـاني والفيصل يوو ..
.
نـايف بـ خوف : روضـه قلبي بلآج ..لآتخوفيني جيـه عليـج
دخيـلج ارمسـي ..
تنهدت روضـه بـ قوو .. وهـي تتنهد طلعت من صدرهـا كتله ألم كبيره
ترجمـه على شكل هواء سـاخن ..وقالت بـ وهن وصوتها منتهي خلاص :
نـايف انا تعبت خلااص ..
( وغمضـت عيونـها بـ ألم ..! )..
.
نـايف حس بـ هالثـانيه خاطره يـموت ولا يطالع الالـم منرسم فـ عيون بنته :
روضـه لاتسوين جيـه دخيـلج ..
ارجووج لاتسووين جيـه ( وبـ بحه ألم ) : انا شو مصبرنـي فـ هالدنيا غيرج
( وتذكر معانــاته وغمض عيونـه وقـال ) : انا مـاشي يصبرني فـ هالدنيـا
غير لما اطالع ابتسامتـج ..
وامر الله يـاروضـه مطـاع ..
عهود الله يرحمـها بـ رحمته ..
وانتي الله ويـاج ياروضـه .. الله ماينسى عبيده ..
( تنهد وهو يتذكر عهود ) :اذا تتوقـعين انه فرقا عهود تألمج بـ روحج
فـ هالشي مب صحيح ..
انتي ياروضـه اكثر وحده تدرين بـ حبي الكبير لـ عهود ..
وهـ الشي هم صعب عليـه انا ..
وفرقها مب بـ الساهل تعودت عليـها ..
.
كـان ثـاني يمشي ولا حاس بـ الدنيـا ..
مايدري ليش يحس بـ هالشعور ..
مايدري ليش يحس بـ خيبه أمـل ..
.
امـا الفيصـل فـ كان وراه وهو يتذكر انه هـ الريـال شـافه قبل جيه ويـاها
وهو نفسـه اللي كان يحضـنها بـ السياره ..
وعقب مانزلـت طرشت لـه بوسـه ..
وهو اول مره يـطالعها جيـه تضحك بـ ونـاسه ..
.
جربوا من ربعهم وقـال راكان بـ خوف :خيـر شو مستووي ..؟!
بلآكم جيـه ..ويوهكم ماتبشر بـ الخيـر ..
الفيصـل وابتسامـه استهزاء : شو بـعد مستوي
ماشي سلآمتكم ..بس لقينـاها ويـا حبيب القـلب
وطاحيـن بـ موعد غرامـي ..
.
ثـاني و خيبه الامل واضحـه فـ ويه :يلآ نسير ..
انتبهوا الشـباب لـ تغير ثـاني الواضــح ..
وهم يمشون كـان عبدالله يرمـس الفيصـل ..
والفيصل يرمسـه وهو مول مب فـ الدنيـا ..
الفيصل فـ خاطره : اووووه وانـا ليش جيـه احس اني مخنوووق
لا تكون هـي السبب ...؟!
لآ مستحيـل اصلا انا من اول احس بـ هالخنقــه ..
.
انطلـقوا الشبـاب لـ فله الفيصـل ..
.
امـا عن نـايف فـ سار يطالع الدكتور يي يكشف على روضـه عسب يظهرون ..
.
.

 

[ღهمس المعانيღ]

×
.
.
فله بو سـالم ..
كانً البنات وامهاتهن متيمعـات فـ الصـاله ويطالعن الـ tv
.
حمدوه وزيزوي كـانً يدقن على فون روضـه بس مسكر ..
حمدوه بـ خوف :ترا خلاص قلبيه عاده فـ الارض طاح ..
يزوي بـ عصبيه :حمدوه ويهده ان شاء الله ..جم مره قلتلج لاتتفاوليتن على البنت
ان شاء مافيـها الا الخيـر وان شاء الله احيـــ.....
.
حدرت روضـه وكانت تحـاول تتماسك وتوضـح انـها مافيها الا العـافيه
.
بسرعه البرق التفتت حمدوه على يزوي ..
وقـالت يزوي بـ لعانه وبنص عين :ما قلتلج انها مافيـها شيء
.
روضـه وهي تجرب من الغنفـه :آلسـلآم عليكم الرحمه
الكـل :وعليكم السلام ورحمه الله وبركـاته ..
.
فرت روضـه شيلتها ع الغـنفه وعقبها فسخت العبـايه وفرتها بـ الغنفه ..
.
ام سـالم :بلآج غلايـه ماتسيرين جناحج تبدليـن مب احسن ..
روضـه تبتسم ابتسـامه صفراء واضح فيها التعب : والله ما رايمـه
ماشاء الله عليـه ميود ماقصر جسرني تجسير وانا اربع وراه
ام هزاع : وييييه فدديتج تعبناج ..؟
روضـه بـ وهن وهي ترمي جسمها ع الغنفه :افا عليـج تعبكم راحـه ..
.
جربت حمدوه من روضـه وقـالت :اييييه بلاج ..متأكده انج بخيره
صرخت يزوي من وراء حمدوه وحمدوه مب منتبه لـ وجود يزوي :قالت بـخيره
عيل انا يوم اقول بخيره تضحكن عليـه وتقولن رمستيه مخبقه وكلها تنعقيع
ضحكت روضـه غصب عنـها ..
سوالفهن يجبرن الواحد حتى لو مايبا يضحك بـ يضحك ..!
.
ما ثواني غير يدق جرس الفـله ..
ويت البشكـاره وفجت البـاب وهي تأخذ الاجيـاس عن الدريول ..
.
حطت الاجياس بـ الارض وقـالت وهي ترمس ام سـالم : مدام شو يريد بعد
ام سـالم :مـاشي خلاص برايج سيري
.
روضـه وهي تطالع ع اجيـاس البيتزا هت : شو هاا امـايـه..؟!
ام سـالم : البنات اونهن مايبن من عشاء البيت ..
وقـالن يبن من برع ..عاده انا طرشت لهن من البيتزا هت ..
.
ابتسمت روضه وهي ترجع رأسها على الغنـفه : بـ العافيـه ان شاء الله
حمدوه :افا ماتبيــن ..احيدج تزطين زط يوم يكون الاكل من بيتزا هت
روضـه :والله ما خاطريـه ..
ام سـالم ترمس روضـه :امايـه تعالي ..!
روضـه :امـايه والله ما خـاطريـه ..
ام سـالم حست انه روضـه مب طبيعيـه ..
وجنها مريضـه بس قالت لا مافيها الا العـافيـه ..
يزوي بـ لعانه :اونها ماتبـا ..بنطالع احين ..
( ونشت يزوي وهي تسحب روضـه من ايدها اليسار وضغطت بـ قوه على
مكان ضربـه ابره المغذي.. ) ..
.
غمضـت روضـه عيونها من قوه االالم وقـالت لا اراديـاً: ااااه ..
حمدوه فجت عيونها وطـالعت على يزوي وجنهن فـهمن السـالفه ..
.
جربت حمدوه من روضـه وسحبت ايد روضـه من ايد يزوي وطالعت عليها
لمدت ثواني وعقب جربت من اذون روضـه وهمست :كنتي بـ المستشفـى هاه ..
غمضـت روضـه عيونها وعضت شفـايفها بـ اسنانها وقـالت :ششقايل عرفتن ..!؟
يزوي :هاي بعد يبالها معرفـه ..
.
ام راشد تزقر البنات :يزوووي وحمدوه ماتبن عشى ..؟
حمدوه وهي ترمس روضـه :لي باك ويـاج ..بس اتعشـى وبنرمس
بـ خصوص هـ الموضوع ..!
.
سـارن يزوي وحمدوه يتعشـن ..
امـا روضـه اول ما ابتعدن عنـها ابتسمت وقالت : الله لايحرمني منكن ياربيـه ..
وتنهدت بـ تعب وهي تنش تبا تسير جناحها ..
.
رقت الدري وهي متوجه لـ جناحها ..
حدرت الحجره وعقب قعدت على حـافه الشبريـه ..
.
لفـت عيونها وهـي تطالع ع حجرتـها ...
التفت على اخر زاويـه بـ الحجره ..
.
كانت دايم تقعد بـ هالمكان و ....
.
نشت بـ سرعه وهي تتذكـر شيء نسته من زمـان ..
جربت من ستور حجرتها وقعدت بـ الارض وهي بدت تدور بـ الاغراض الموجوده ..
.
ظلت مده طويـله وهي تفتح كل مره صندوق وتقرا اللي فيـه وعقبها تفره بعيد
جنها ماتبا تتذكر هـ الذكرى ..
لـحد ما وصـلت لـه اللي كانت تدوره من سـاعه ..
مسـكته من مقبضـه وجربته من صدرها وحضنته بـ قووه
وقـالت : اشتقت لـك ..واشتقت للي كان ويـاك
واشتقت للي اول مره لمسـه ..
واشتقت للي خربـه من اول مره اشتريته فيـها ..
.
قـطع عليـها صوت مزعج من وراءها :واخيــــــــــــرا المصوون قرروا يظهرونه
.
يزوي تصفق وتقول :هيه هيه واخيـــرا بـ تسمعنا من عزفها الجميل الغاوي
.
سحبت حمدوه الجيتار من حضـن روضـه وقعدن هي ويزوي يبطلن الكفر
الاسـود اللي كان محوط عليـه ..
.
امــا روضـه فـ كانت مول مب فـ الدنيــا ..
كانت تتذكر كل لـ حظه قضتها ويـاه هو وعهود ..!
.
كانً مينوونــات شي اسمه جيتــار ..
كانً يعزفــن بـ طول اليل والنهـار ..
كان الكــل مستغرب من عزفهن اللي ماينوصـف ..
.
فاقت روضـه من ذكريـاتها بـ ضربه قوويه ع ظهرها : انا ارمسـج يالتيس
روضـه بـ تعب :خير دزوووي
يزوي :لاتقوليــن دزووي
روضـه بـ لعانه :ان شاء الله يزوي خلاص مابقول دزوي
يزووي تصرخ :لاتقوليييييييييييين دزوي
روضـه بـ تخبل فـ يزوي:ان شـاء الله دزووي مابقولها..
حمدوه تنافخ : لاحوول مابتسكتن ..محد عاقل فيكن غيريه انا فديتنيه .احم
روضـه وهي تطالع على حمدوه بـ نص عين وعقب حولت نظرها لـ يزوي وقـالت :
دزووووي دزووووي
يزووي وشوي وبـ تنفجر : لاتقوليــــــــن دزوي
روضـه بـ لعانه وتظهر لسانها :دزوووووووي
يزوي بـ خبث :احين بـ نطالع شو بتسوي دزووي ..
خلي هـ الرأس اليابس هو اللي يرد لج حبيبج جيتارج ..
وهي تربع برع الحجره وتصرخ :سلملم يا حوووولا اقصد حلووه ..
ربعت وراءها حمدوه وهن يظهرن من الجناح ..
و روضـه متيبسه مكـانها ..
واول ماحست بـ اللي توه استوى صرخـه بـ اخر قوتها ..
ونست انها توها راده من المستشفـى وربـعت بسرعه وراهن ..
.
كانت تنزل من الدري اربع اربع لـحد ماوصـلت لـ تحت الصـاله ..
طالعت ع امها وخالتها وقـال :وينهن ...!؟
مي وهي تأشر ع البـاب :بررع ..
بســرعه توجهت للبـاب وهي تظهر برع تدورهن وتصرخ بـ قووه : حمدوه يزووي
قسم بـ الله لـ اوديكن لـ اقرب مسلخ ..
بسويكن دياي بـ الفحم اذا ماظهرتن ..
.
" محد رد " مما زاد قهر روضـه :يـ النذلات وينكن ..
والله العظيم واذا استوى فيـه شي لا اسفركن بـ قوطي صلصه ..
.
سمعـت ضحكه يزوي وحمدوه ..بس ماتدري وينهن ..!
صرخت بـ صوت عالي متجاهله كونه حذالهم ناس او عمال بـ المزرعه >بايعتها خخ : يلعاها ضحكه بلا ضروس ..
اباج تدقيـن فـ اليدار ويطيحن كل ضروسج يارب يالي احين تضحكين
قووولن اميــن ..
يزووي وحمدوه من سمعن دعاوي روضـه ماقدرن يتماسكن اكثر وانفجرن من الضحك
روضـه بـ قهر :اااااااخ يـ القهر اخ ..
.
.
.
بـ مكان جريب من مزرعه بو سـالم ..
كانوا الشبـاب متيمعيـن بـ ملحقهم فـ فله بو الفيصـل ..
وكان الملحق بعيد عن الفلـه يعني بـ مقدمه الفلـه ..
وكان يدار الملحق صاك بـ يدار مزرعه بو سـالم ..
.
راكـــان :والله العظيم يا شبـاب انا اعرف هـ النوعيه
اللي ترمس شباب واللي ماترمس ..
اقولكم انا طالتعت بـ عيونها عيونها جدا بريئه ..
ومــــتأكد انه مستحيـل هي من هـ النوعيـه ..
اقولكم عيوونها بريئه واه شقـايل تذبـح ..
طــالع الفيصـل ع راكــان بـ قهر وقـال :بس خلصت ..
ضحكوا عبدالله ومـانع وهم يطـالعون الفيصل شقايل مقهور
.
مــانع :هيه والله صدقه راكـان .. هـ البنت انا متأكد
منها انها بريئه ومب شرات الرمسـه اللي احين قاعدين تقولونها ..
عبدالله وهو يمثل اونه ذاايب :شباب انا لما جربت منها حتى مارضت تطالع عليـه
شو معناه هـ الشي انها وحده محترمه ..
ثــاني وهو مقهور من الداخل : اكيد انها تعرف انا نحن ربع الفيصـل يالذكي
عبدالله لا زال يمثل : شباب عيوونها عذاب بريئه بـ شكل قووي
انا اعرف البنات اللي من هـ النوعيه والللله ..
طـالع ثـاني ع عبدالله بـ قهر وقـال : بسك مدح بسك ..
الفيصـل وهو يلتفت ويطالع ع ثـاني : وانت شو لك فيها هاااه
ثـاني طالع ع الفيصـل ومارد عليـه ..!
.
مـانع & راكـان & عبدالله ...ميتين من الضحك عليـهم
كل مره واحد يضارب الثـاني والسبب روضـه ..
اللي ماتدري وين الله حاطـها ..!
راكـان وهو فوق جتف مانع وعبدالله ويهمس لهم: امـوووت ع الغيـره يـاا نـاس
مـانع:طـالع شقايل مقهووريـن هههههههه
عبدالله وهو يضحك >كل حياته ضحك خخ :هههههههه طالعوا بس
..يطالعون على بعض ويتضاربون ..
يـا اخي يعني احين صج مهتمين فيـها ..؟!
مـانع :ههههههههه يووووووووه طالع فصول شقايل وارم خخخخ
راكان وهو يغني بـ خبال : حبيت لي وحده حبها اثنين هههههههههههه
ما كمل الاغنية اللي بـ روحه مألفنها غير مانع وعبدالله منفجرين من الضحك ..
فجــــأه سكتوا كل الشبــاب وهم يسمعون صرخـه يايه من برع ..
بسرعه البرق نشوا بـ خمستهم وهم يربعون لـ برع ويسمعون الصريخ
.
.
.
حمدوه بـ لعانه :اقوول يزوي طالعي طـالعي من وين يمسكونه جيه ولا
( وضربت يزوي بـ خشبه كانت بـ ايدها بـ قووه ع اليدار ) ..
وصرخت حمدوه بـ تمثيل :احين يعني انجسر خلاااص ..
اول ماسمعت جيـه روضـه الســالفه صرخت بـ اخر قووه تملكـها :لآلآلآلآلآلآلآلآلآلآلآلآلآ
من قوه الصرخه اللي صرختها يمكن انسمعت بـ كل هـ المزارع ..
بدت روضـه تكح من قوه الصرخه : كــح كــح كــح كــح
اما عن حمدوه ويزوي فـ هن بـ الارض منسدحات من الضحك ..!
.
روضـه وهي تصرخ بـ شكل قوووي :حمدووه والله العظيم
ورب الكعبه اذا هـ الصوت هو صووته هو ويتجسر فـ احسبي حسابج
من احين انه رأسج بـ يتجسر فـاهمه ولا لاااااا ..
..
..
عبدالله وهو يلتفت بـ المزرعه : هاا الصوت مب غريب عليـه ..
راكان :حتى انـا والله ..
الفيصــل بسرعه عرف انها روضـه اللي صرخت ..
طــاح قلبـه فـ الارض ..
امــا عن ثـاني فـ من سمع الصرخه اكتشف انه صاحبه الصرخ روضـه
لانه صوتها يوم رمسته لحد احين بـ اذوونه ..
ابتسم مـانع بـ خبث وهو يطالع على راكان وعبود ..
لانهم مخبل شراته ..
فهموا لـ ابتسامته وبسرعه لحقووه ..
رقى مانع دري الملحق وطلع فووقـه ..
وتبعووه راكاان وعبدالله ..
كان فيصل بـ يوقفهم بس استغرب وهم يختفون فـجأه ..
بسرعه سار ويـاهم ..ولحقـه ثـاني ..
.
.
روضــه ومن كثر ماتصرخ تحس حلجها بدا يعورها :كــح كــح ..يزووي والله ثم والله
وماتيبنه لا اراويكن منو رووضــه بنت احمد ..
يزوووي وصمخ ان شاء الله ..لاتضحكن يامسودات الويوه وردنه ..
.
عبدالله من طبـعه واايد يضحك فـ اول ما طالع روضـه وهي
تكح وتصرخ طـاح فـ الارض من الضحك ..
مـانع وهو يضحك : بلاها هااي جيـه ..شو مسروق عنها ..
ابتسم ثـاني وهو يـطالع روضـه من كثر ماتصرخ تكح بـ قوه ..
امـا الفيصـل فـ كان مقهووووور وبـ القو بعد ..
ليش جيه قاعده تصرخ ولا القهر بدون شيـله وظاهر بـ جينز ..
.
حمدووه بدت تخاف وصرخت عسب روضـه تسمعها :انززين بنـ..
( يتها ضربـه قوويه ع الظهر سكتتها ) ..
يزووي بـ لعانه :شوو نرده ..
وصرخت عسب روضـه تسمعها :اييييه انتي لاتحلمين نرده ..
حطت روضـه ايدها بـ خصرها وتخصرت وصرخت بـ قهر وهي
ماحسه بـ الدنيـا :يعلج يايزوووي تنجلبين على وراج ياااارب العالميــن
.
يزوي وحمدوه انفجرن من الضحك لانه روضـه تدعي من القلب ..
ثــاني وهو يضحك :احين هاي بلاها جيه شو مسروق عنها ..
الفيصـل ماقدر يتحمل اكثر عن جيـه وضحك ويـا ربعه ..
التفتوا كل الشباب على الفيصل مب مصدقيـن انه يضحك ..
.
روضـه وتصرخ بـ صوت اعلى :اايه انتي يالي تتحرين عمرج البوس ..
يالخبله العووده يـ الخيس ..يالمعفنه ..اسمعي زين ..
علمً يوصلج ويتعداج الليله مابتحدرين لا انتي ولا هاكي الصخله اللي وراج
فاهمات ..
ورقدن هني بـ الحووي عسب الجلاب يين ويأكلنكن ..!
.
راكــــان :اؤؤؤؤؤؤللله مقهوور صج ..
مانع :هههههههههههه اااه فديتهم يا نـاس محلاتهم ..
عبدالله وهو يحط راسه بـ جتف مانع:هيه والله انهم غاوين ..
ثـاني التفت ع الشبـاب والغيره بـ داخله تسري .
مايدري ليش مايرضـى عليـها ..
اما الفيصــل فـ ماقدر يتحمل وقـال : عيب يامسودين الويوه عيب
.
ضحكوا الشبـاب ع فصوول اللي يفضح عمره .. خخ
يزووي وهي تعلي صوتها :انزين بـ شرط بنرده لــج
روضه نقزت من الونـاسه وقـالت :يعني هو سليم ..
انزين ارفعيـه عسب اتأكد قبــل ..
رفعتـه يزووي وطالعت رواضي انه معافىء وسليم ..
وقـالت :شو شرطج قولي ..يعلج ماتقولين شرط غيره ياربيه
اباج طيحين ع ويهج ويتجسرن ضروسج المسوسات واحد واحد
وتسيرين العيـاده ويركبون لج طقم اسنان ..شرات العيايز ..
.
حمدوه طاحت فـ الارض وانسدحت وهي تضحك وقالت:حرام يزوي مب زين جيه ههههههههههههههههههههه كح كح
.
عبدالله وهو يفج فونه :لحظـه شباب بـ سجل رمسه العيايز اللي تقولها
مـانع : لا بـ امانه عيبتني هااي يركببون لـج طقم اسنان ههههههههه
راكان يبا يقهر فصول وثاني :فدددددديتهم يا ناس حبيتهم خلاص والله حبيتهم ..
مانع بـ لعانه وجنه فهم قصد ربيعه :وانا حتى انا دخيلك
راكان :شو انت ..اووف يهالوه كلـه يبونه ..
.
صرخت روضـه بـ صوت اعلى :قوووووووولي يالنذله قووولي شرطج
يزوي وهي تصرخ عسب تسمعها روضـه :مم شسمه هاك شسمه
هيه اباج تسمعينا شي قبل لاتوودينه فوق
روضـه صرخت بـ قهر :تحلميــــــــــن من المستحيلات
حمدوه:عيل ماشي جيتار ترا صج احين بدقه ع اليدار
روضـه تصرخ وتحس انه احين بينط لها عرج من الصريخ والمزاعج :انا بدق رأسج ع اليدار
حمدوه ويزووي :هههههههههههههههههههه
قعدت روضـه ع الارض وهي تقول بـ تمثيل :بنات والله حرام
حرام انا تعبانه توني بس راده من المستشفـى مب زين والله ..
ارحمن حاليــه ..و ردنه ..
.
.
ثـــاني وهو يضحك :عاااش عااش بدينا تمثيل هههههه
رااكان :انا مافهمت السالفه ..اييه فهموني شو يعني سمعينا
مانع : يالتيس يـ الغبي عسى يركبون لك طقم اسنان
طاحوا الشباب فـ الارض من الضحك ..بدا مانع يقلد الرمسـه
راكان :هيه كمل سب اقصد اآآأأآآآأأ تفهيــم ..
مـانع :سارقات جيتارها ..ومايبن يردنه ..
ثـاني :شباب اسمعوا اسمعوا ..
الفيصـل :حشى هاي حلجها ماينبح من هـ المزاعج ..
تريوا بس احين بصرخ عليها تهدي شووي ..
.
كل الشباب مسكوا فصول لانه بيسويها خبـل :لا دخيلك اسكت نبا نكمل الفلم
.
.
.روضـه بـ قهر وتمثل عليهن :دزوووي حبيبتي حرام تدرين انا حالفه ماادق عليـه
يزوي: اولا دزوي فـ عينج ..وثـانيا ..مابااا مابرده الا اذا سمعتينيه شيء
ثـاني بـ لعانه:عيبتني هااي دزووي ..احسها فيها لعانه شراتنا خخ <<لعيونج
عبدالله : حتى انا عيبتني هاي الثانيه <<حتى ما يعرفها ..بس عسب محد يقول شي وهو ماقال شراته خخخ
.
روضـه وكل قهر الدنيا بـ داخلها : انزين خلاص وافقت بس تعالن اظهرن..
حمدوه :هااااااااااااا صدقتج ..عسب يوم نظهر تضرربينا ..
روضـه تزاعج:والله ما بضربكن تعالن ..
حمدوه:هاه ترا حلفتـي ..
روضه اونها بـ تسوي فيها نخوه : افا والله مب روضـه بنت أحمد اللي
بترد فـ رمستها ..
مـانع بـ خبث :عاشووووو عاشوو امووت انا على اللي مايردون فـ رمستهم
راكان :احين بـ تظهر من عيونهن هـ الخبلات ..
ماادري ليش احساسي يقول بيتكفخن ..
.
ظهرن يزوي وحمدوه من تحت الشير وسـار حذال روضـه اللي قاعده بـ الارض
..
يزوي وتلوح بـ ايدها :ترا حلفتي هاه ..
روضـه وتأشر ع الارض :تعالن مابسوي فيكن شي .افا والله بس
قعدن البنات حذال روضـه ..
.
مــانع :واخيــــــــــــرا ظهرن
راكان :فديتو انا فديتو
عبدالله بـ خبال:راكانوه شو هاي فديتو
ثـاني طاح فـ الارض من الضحك :هههههههههههههه عبود ياخي احبك والله
الفيصـل :راكانووه ابا منك جم كلمه تحفظنـي
مـانع وهو يصرخ :يـــــا لبيـــــــــــه ظهرن ظهرن طالعوا طالعوا ..
.
و اول ماقعدن نشت روضـه اونها بتضربهن وصرخن يزوي وحمدوه من الزيـغه ,,
وروضـه طاحت فـ الارض من الضحك:اقول يبيه اذا تبن تسمعن شي ..
قبل لا اغير رأيـيه ..
مدت لها حمدوه الجيـتـار وبدت روضـه تدق عليـه وهي مندمجـه ..
كان العزف واايد حزززين .. كانت تعزف موسيـقى حزيـنه ..
وكانت مغمضـه عيونها وتتذكر هي وعهود وماريـا يوم يعزفن ..
.
تتذكر اللي علمهن ع الجيـتار وحده اسمها ماريـا ..
كانت صـاحبه جنسيه ايطـاليـه ..عسب جيه تبَرع فـ الجيتار ..
تعرفن عليـها بـ فرنسـا ..
.
كانت روضـه تدق وهي مول مب فـ الدنيـا ..
كانت طلع كل طاقتها وحزنها بـ العزف ..
اما يزوي وحمدوه فـ كانً منزلات عيونهن بـ الارض ..
وهن يسمعن بـ هدوء ..
كانً متأكدات انه روضــه مضايجه لو مابتدق هـ اللحن ..
.
الشبــاب سكتوا مره وحده من بدت روضـه تدق ,,
كانوا منصدميـن من مهارتها فـ العزف ..
واللي صدمهم اكثر انه اللحن واايد حزيـن ..!
.
راكـان بـ هدوء : ليش هـ اللحن بـ الذات ..؟!
عبدالله :معقـوله تكون مضـايجه عسب جيه دقت هـ اللحن ..!؟
مـانع : سبـحان الله يمكن بس جيه دقته .. ومانتبهت ..
ليش يعني تسون شي من لاشيء ..!
ثـاني كان ساكت ويستمع لها بـ هدوء ..
امـا الفيصـل فـ كان فـ عالمه الخاص وجنه بدا يعرف
بعض الحقائق عن روضـه ..!
.
.
فــجأه قطـع عليـها صوت فونـها ونغمـه الرنين الحزيـنه
.
ودي ابكــي لين ما يبقى دمــــوع
ودي اشكي لين ما يبقى كـــــــلام
ومن همومٍ احرمت عيني المنـــام
انطفت في دنيتي كل الشمـــــــوع
والهنا ما يوم في دنيـــــــــاي دام
.
حطت الجيــتار على صوب ..
وظهرت فونـها من جيب البنطلون ..
رفعت الفون وطـالعت ع الشـاشه واستغربت من الرقـم الدولـي ,,
ولآ فتح خط فرنســا ..
.
ابتسمت وهي تنش من قعدتها وتقول :يزوي حمدوه الجيتار امانتكن ..!
نشت وهي تطالع ع الفـوون وتقول بـ خاطرها :منوو ياربيه ..رقم غريب
فـجاه شهقت وقـالت :نانــا ..!
مشــت شوي بـعيد عن البنات وهي تلعب بـ ريولها فـ الارض
و بسرعه ردت وقـالت : bonsoir ( مسـاء الخيـر ) ..
.......... بـ لهفه: tu me manques( افتقدكـ ) ..
فــجت عيونها على كبرهن بـ صدمــه وقـالت : ..............
.
.

 

[ღهمس المعانيღ]

الـبارت الـ { 20 }


.
فــجأه قطـع عليـها صوت فونـها ونغمـه الرنين الحزيـنه
.
ودي ابكــي لين ما يبقى دمــــوع
ودي اشكي لين ما يبقى كـــــــلام
ومن همومٍ احرمت عيني المنـــام
انطفت في دنيتي كل الشمـــــــوع
والهنا ما يوم في دنيـــــــــاي دام
.
حطت القيــتار على صوب ..
وظهرت فونـها من جيب البنطلون ..
رفعت الفون وطـالعت ع الشـاشه واستغربت من الرقـم الدولـي ,,
ولآ فتح خط فرنســا ..
.
ابتسمت وهي تنش من قعدتها وتقول :يزوي حمدوه القيتار امانتكن ..!
نشت وهي تطالع ع الفـوون وتقول بـ خاطرها :منوو ياربيه ..رقم غريب
فـجاه شهقت وقـالت :نانــا ..!
مشــت شوي بـعيد عن البنات وهي تلعب بـ ريولها فـ الارض
و بسرعه ردت وقـالت : bonsoir ( مسـاء الخيـر ) ..
.......... بـ لهفه: tu me manques( افتقدكـ ) ..
وبـ سرعه قـال وهو يتنهد وكـأنه يرمس عمره : Elle a une belle voix ( صوتها جميـل ) ..
سكتت روضـه وهي تسمع الصوت .. تحس انه هـ الصوت مب غريب عليـها ..!
تمتم بـ هدوء وخوف : qui es - tu (من انت ؟!! )
.......... : comment allez – vous ? ( كيف حالك ..! )
(روضه من سمعت صوته ورمسته حست بقلبها طاح فالارض محد غيره
هو مره ثانيه رجع لها ..)
أنقهرت من بروده .. وألتزمـت الصمت ..!
......... : j'ai quelque chose a vous dire( لدي ما أقوله لك ) ..
روضه : De quoi s'agit – il ? (مـا الأمر .. ) ..
ربورت : aaah comme tu es gentile ( آآآآه كم أنتي لطيفـه ) ..
روضه بـ قهر و بـ العربي قالت : خلصنـي مالت على هـ الشكل .. ( وكملت بـ الفرنسـي ) : Rbort .....
قطع عليها ربورت: croyez-moi…..(صدقيـني ......)
روضه بقهر وهي تقطع عليـه رمسته : Quoi ? ....(مـــاذا )
ربورت بـ حالميه : Je t'aime (أحبـك ..)
حست نفسـها بتذبـحه هـ الريال وقح بـ شكل محد يتصوره ..
قالت بـ قهر :حبتك قراده ..(وكملت بـ الفرنسي وبـ نبره كره ) : Je comprends…. ( أفهم )
( عرف أنها بـ تقولـه اتركني وغيره من هـ الكلمات وبـ سرعه قـال وقطع عليـها : Je ne comprends pas ( أنـا لا أفهم ..)
روضـه وهي تحس بـ اعصـابها خلاص فلتت .. قالت بـ عصبيـه : يعلك ياربيه ماتفهم طول عمرك ..
ومن القهر صكرت فـ ويهه وبـ سرعه أغلقت الفون كامل لانها متأكده انه بيرد يدق ..
رفعت رأسها للسماء وهي تسحب دفعه
هواء لرئتيها وقالت بتعب وبهمس : آآآآآآه ياربيه من اظهر من مشكله
احدر فـ مشكله ثانيه ..
خلاص من عرف رقمي مستحيـل يودرنـي انا متأكده ..!
.
بس فجـأه حست بحركه حذال المزرعه ..
رفعت راسها بسرعه وهي كل جوارحها تقولها انه هو محد غيره ..
حولت نظرها للمزرعه اللي حذالهم وبسرعه طالعت على بلكونه الفيصل
اللي دايم متعوده عليه تطالعه هناك ..
بس تفاجأت انه محد .....!!!
لا زالت تسمع حركه وجنها ضرابه ماتدري شو هـ الصوت ..؟!
وجنه حد قالها التفتي صوب الملحق ؟؟
واول ما طاحت عينها على شابين يتضاربون والباجي اللي حولهم يحاولون يفجونهم ..
بسرعه نزلت نظرها على لبسها ورفعت ايديها وهي تتحس شعرها
وانفجعت وهي توها بس تنتبه لشعرها ولبسها ..
بسرعه سارت حذال البنات
وقالت بسرعه وبهمس : بنات بسرررعه نشن فيه شباب فوق ..
نشن البنات بسرعه وسارن داخل ..
واول ماحدرن سمعن صوت ام سالم وهي تقول : رواضـــي شو هالمزاعج ،
الساعه 12 وانتي جيه تباغمين ..!!
توها تنتبه انها كانت قاعده تصارخ وتزاعج وجنه محد حذالهم ..
ولا جنه ليل
قالت بسرعه وهي متوجهه للدري: اووووه نسيت .. انزين امايه اخر مره خلاص
(وهي تربع فالدري وتصرخ ) : بســـــــــــــير ارقد بــابــــــاي ...
والبنات وراها لانهن متأكدات ان روضه وراها شي ولا مابتربع جيه ..
ام سالم وتصرخ : روضه بشوي شوي لا تتجسرين ..
(ام سالم وهي ترمس ام الريم ) : تقول اخر مره وهي تصرخ .. مادري
هالبنت متى بتعقل ..
ضحكت ام الريم على رمسه اختها ...
.
.
وفجهه ثانيه اول مانشت روضه من ويا البنات عسب ترد على الاتصال اللي
ياها توجهت لمكان بعيد شوي عنهن ..
تبعها الفيصل بعيونه وهو يقول : منو هالمره يا ترا ؟
راكان : والله حرام عليكم ترا وايد ظالمين هالبنت ..
ثاني بدون احساس قال وهو يطالع على روضه وهي تمشي بعيد :
فديت هالدلع وربيه ..
رفع الفيصل بسرعه عيونه وطالع على ثاني وقال بقهر: ايييييييه انت
احترم عمرك ..
عصب ثاني من عصبيه الفيصل وحركاته اللي جنه يبا يملك روضه لنفسه
ثاني : يوم بتكون حلالك ذيج الساعه ارمس .. اوكي ..
جرب الفيصل من ثاني وقال بعصبيه وهو يركز عيونه على ثاني : ملــــــكي غصباً عنك
تبا ولا ماتبا ..
عصب ثاني وبقوه بعد .. ورفع ايدينه وضرب الفيصل فصدره ..
رد الفيصل على ورا من قوه ضربه ثاني وقال بقهر : تضربنـــــــــي يالحيوان ..
ثاني وبقوه وبشراسه : شو تتحراني اخااااااافك ...!!!
جرب منه اكثر ورفع الفيصل ثاني من ياقته ..
وبسرعه التفتو الشباب ( راكان ، مانع ، عبدالله) وانفجعوا لما اطالعو ربعهم يضاربون
بسرعه البرق تحركو الشباب لجهه الفيصل وثاني وهم يحاولون يفجونهم
عن بعض ..
عبدالله : حرام اللي قاعدين تسونه ..
راكان وهو يحاول يبعد الفيصل عن ثاني : فصـــــول ودره ..
مانع وهو ورا ثاني ويحاول يبعده : ثــــاني استغفر ربك وودره حرام
اللي قاعدين تسونه انتو ربع ..
.
.
.
اما عن روضه والبنات اللي كانً فـ البلكونه يطالعن الشباب يتضاربون
قالت روضه وهي تحاول تركز : شو مستوي ؟!
يزوي : ايييييه نشن خلنا نحدر لا يطالعونا ..
حمدوه وهي تسحب روضه : يـــلا بســــــــرعه على داخل ..
روضه مارضت تتحرك ويبست ريولها وحمدوه تسحبها من جتوفها ..
روضه : حمدووووه لاااا ودريني مابا .. مابا .. ماباا ابا طالع ..
(مدت ايدها لليدار وهي تمسك فيه بقوه ) ..
يزوي : ودريها برايها هي حره ..
اما عن روضه ماتدري ليش حست بنغزه وجنها بدت تفهم بعض من اللي
قاعد يستوي ..
بعد الفيصل عن ثاني وهو مستغرب من نفسه شقايل تجرا وضرب اخوه
وحبيب قلبه ثاني ، وبسرعه نزل تحت وهو تارك ثاني متسند على مانع
وراكان ...
.
.
حاولت وحاولت تطالع على ويوه الشباب ماقدرت ..
روضه وهي تحدر الحجره : اكيد هنود يتضاربون (حاولت تقص على عمرها مع
انها متأكده انه واحد منهم الفيصل ..)
حولت نظرها لـ حمدوه ويزوي ولقتهن راقدات ..
بدلت ملابسها وسارت حذالهن عسب ترقد ..
ما ثواني غير تغفي عيونها وتغط في سبات عميق ...
.
.
.
.
راكان يصرخ على ثاني : اخرتكم تتضاربون على بنت ..!!
مانع وهو يحاول يهدي راكان : راكان ثاني مب غلطان والفيصل هم بعد مب غلطان
راكان بعصبيه : هيه انا اللي غلطان ..
عبدالله : كلنا نعرف ان الفيصل متعلق فـ روضه ..
وعلى فكـره انا بديت اشك ان الفيصل معجب فـ روضه .. ( سكت لمده ثواني )
عقب قال بهدوء : الفيصل بدا يحب روضه
بســـــرعه البرق التفتو راكان ومانع يطالعون على عبدالله اللي يسكت
ويسكت ، ويوم يرمس يصدم الكل ...
.
.
.
.
ويـــــا الشباب " المخيم "
الســاعه 12:51 ص
حمد وهزاع وعبدالباسط يطالعون الـ TV والباجي يلعبون كره طائره ..
هزاع كان فكره مشغول .. لحظات يحس انه اشتاق لغرور وثقه روضه ..
ولحظات يحس انه يبـا ينسى طاريـها
حمد يرمس عبدالباسط :بلاه هزاع ؟
عبدالباسط يتمصخر : يحب هههه ..
حمد : هههههه ومنو تعيسه الحظ ؟؟!
عبدالباسط بنرفزه : اوووه منو يعني (سكت وفجأه قال) : بشكــارتكم ...
حمد يفكر : منو شكارتنا .. هاه تقصد بشكاره شلتنـا ..
( بشكاره شلتهم هي روضـه من يوم سالفه العقرب وهم عالنين الحرب عليـها
وسموهـا بشكاره الشلـه ..خخ )
بسرعه التفت هزاع وبقوه .. وطالع على حمد وعبدالباسط !
حمد انتبه لـ حركه هزاع وقال : خيــــر بو الشباب ؟!
هزاع يحاول يضيع الموضوع : هـــا ... لا ماشي ..!
.

.
وفجهه ثانيه منصور وعبدالله ومحمد وسيف يلعبون كره طائره ..
محمد وهو يصرخ على سيف : ايييييييه فوووق ... لا لا لا فووق
سيف يصرخ : اييييه صمختنـــــــا ..
منصور نزل على الارض يضحك : ههههههه احين نحن نلعب ولا نتضارب
صرخ حمد اللي كان قاعد يطالع الـ tv : منصووووور احين بجســـــر فونك
يا اخي طفربنــا .. تعال رد على اللي يدق ..
منصور يصرخ على حمد : منو اللي داق ..؟!
حمد وهو يطالع على شاشه الفون : أحم ميم – نون والباجي مشفر
ضحكوا الشباب لانهم فهمو قصد حمد ..
منصور وهو يرفع الكـره : حطه سايلنت
حمد : مابترد عليها حرام ساعه كامله تدق ..
سيف يصرخ على حمد : ايييييه ترا صكيتنا ...خلاص بس عاد ..
قالك مايبا يرد عليها ..
محمد وعبدالله ومنصور ميتين من الضحك على سيف اللي معصب لانه مهزوم ..
.
.
هزاع يرمس عبد الباسط : شو السالفه ..؟!
عبدالباسط بهدوء : ماشي بس ربيعه منصور داقـه ..
يكون فـ علمك ( وهو يرفع عيونـه يطـالع على منصور اللي يلعب ) : ماشي بنت فـ الدولـه ما مرقمنـها
..( وضحـك .. لانه خـانه التعبير شوي خخ ) ,,!
ضحك هزاع على حركات منصور لانه شكله ما بيمرر جماله بـ هالهدوء
اكيد بيستغله فـ جذب البنات ..
بس كان توقع هزاع مب فـ محله .. لانه منصور يسوي هـ الحركات عسب يتناسى
اللي فـ داخله بـس ..
.
.
.
.
.
وبـ مكان بعيد عن الشباب كانت ميره متسدحه فـ الشبريه وهي تفكيرها
مب وياها ..
" يعني اللي انا سويته حرام .. هيه اكيد حرام ..
(مدت ايدها
على خدها وهي تتذكر مكان الطراق اللي عطتها اياه روضه )
.
وقالت : انا استاهله .. حرام اللي سويته فـ روضه انا وايد ظلمتها
ولازم احين اكفر عن ذنبي عسب ارتاح من هـ التفكير والارهاق
بس شقايل اوصل لها .. اكيد انها كارهتني وحتى ماتبا تسمع صوتيه ..
اوووووه انا بجرب بس مب احين .. باجر ان شاء الله من الصباح
بحاول ارمسها .. بس فجأه كانه احد قالها انتي بهالحركه راح
تخوني اخوج ..
وبسرعه غيرت رايها وقالت : مستحيل انزل من قدري راح انسى
السالفه .. ومع الوقت راح انسى .. انا متأكده ..
.
.
.
.
الساعه 1:00 صباحاً ..
فجت روضه عيونها بـ خوف وهي تتطالع على الحجره وجنها تبا تتمسك
بـ اي شي يقولها ان هي بالواقع ..
نشت بتعب وتسحبت لحد مانزلت من الشبريه
وعقبها سارت برع الجناح .. جربت من الغنفه وقعدت .. وردت راسها على وراء
وهي تتذكر سبب خوفها واللي استوى قبل شوي ..
كانت تتطالع بالحلم عهود تصرخ وتقول كلمات مب مفهومه
وروضه كانت تتطالع عليها وتضحك ..
.
تنهدت بـ تعب وهي تقول : آآآآه يا عهود انتي الموت كان اقرب لج
وارتحتي .. لكن انا يا عهود ما فكرتي فيـه ...
ما فكرتي فيه شقايل انا بعيش بعد ماتموتين .. عهود ارجوج
ردي .. ردي .. ( ردت لوعيها وهي تقول ) : استغفر الله يا روضه
شو هالرمسه .. موت عهود حق .. ( سكتت لفتره ) وعقب كملت
والدموع بدن ينحفرن بخدودها وبصوت أجش : بس انا اشتقت لها
وربي اشتقـــــــت لها ... آآآه يا عهود كيف ان فرقاج عذاااب ..
احس ان الموت ارحم ليه ولا هالعيشه .. ليش تركتيني ..ليــــش !!
مب كافي اللي كل يوم اعيشه ( سكتت لثواني وعقب قالت ) :
ومب بس جيه يا عهود عذابي احين عذابين .. الفيصل وايد يجرحني
وهو ما يحس واحين مب هو وبس .. احين ياب ربعه .. آآآه يا ربعه ..
(غمضت عيونها وهي تقول ) : وربيـعه الحنوون..!! ( عقب عقدت حواجبها وهي
تفكر فـ هالكلمه ) وقالت : الحنوون .. ومنو هـ الحنوون ..
وليش اول ما طالعته حسيت بشئ غريب ..
آآه ياربيه ماعدت اقوى .. انا ضعيفه ..
( وابتسمت بألم ) : .. هيه انا ضعيفه ..
الكل اول ما يطالع عليه يقول هالبنت تملك كل قوه وجبروت الدنيا
بس انا ضعيفه ( غطت ويها بـ أيدينها ودموعها تنزل بألم وهي تشهق ) :
أنـ ـ ـ ـ ــ ــا ضعيفـ ـ ــه ...
ماعدت اقوى اكثر من جيه .. انا بعد انسانه ليش الكل اول
ما يطالع عليه يقول انا قاسيه .. ليش الكل يتعمد يجرحني
.. آآه يا عهود من عقب فرقاج وااايد اشياء تغيرت .
حتى اللي من لحميـه ودمي جرحنـي .. يتحروني اني ما احس
الكل يقول اللي فخاطره وما يحس انه جرح انسانه ضعيفه
اكــره هالكلمه اكره كونـي قويه من الخارج لكن ضعيفه من الداخل ..
الكل يترجم غروري قساوه .. حتى حمدوه ويزوي جرحني يا عهود
.. ( ابتسمت بألم وهي تقول ) : قالت لي انتـي قلبج حجر ..
طول عمريه ما راح انسى هالكلمه .. ليش انه دموعي ما تنزل جدامهن
الكل يترجمه قساوه ما يدرون انه محافظه على عزة نفسي
عهود انـ ـ ــ ـ ( نشت بقوه وكأنه احد قالها خلاص ياروضه كـــــــافي ) :
انا شو قاعده اسوي ( مسحت دموعها بقوه وشراســه ) ..
وسحبت لـها شيـله وبـ سرعه ظهرت من الجنـاح كامل ..
.
نزلت تحت وهي مول مب واعيـه بـ الي تسويـه ..!
تناست انـه السـاعه 1 .. واذا استوى لها شيء محد أكيد راح يعرف ولا يحس فيـها ..
مشت بـ هدوء لحد ما وصلـت لـ باب الفلـه .. فتحته بـ هدوء ..
وهي تظهر برع ..
كانت تمشي بدون أحسـاس .. مشت ومشت ..
وفجــأه وقفت وهي تطالع وين وصلـت ..
تمتمت بـ همس : أنــا شو وصلني لـ هني ..!
التفتت بـ سرعه وهي تطـالع على الاسطبلات ..
طالعت على المكان اللي كان الفيصـل محاصرها فيـه ..
غمضت عيونـها وكأنها تبا تطرد هـ الفكره من ذهنـها ..!
.
فــجأه حست بـ حركه غريبـه وراءهـا ..
بسرعه فجت عيونـها وهي تحس بـ ريولـها تشللن ..و حتى ماقادره تتحرك ..
كانت متـأكده انه اللي وراءها يستوي مستحيـل يكون من عمل الانس ..
خـافت تلتفت وتطـالع شيء مايعيبـها ..
بس حست بـ شيء قووي بـ داخلـها يدفعها انها تلتفت ..
بسرعه التفتت عسب ماتغير رأيــها ..
أنصدمت من اللي طالعتـه .. كان ظل شخص طويـل واضـح ..
بس ملامح ويـه مب واضحـه لانه المنطقه اللي كان فيـها يسود فيها الظلام ..
حست بـ راحـه لـكونه اللي واقف من الانس ..
وكانت كل ذره فيـها تحلف أنه اللي جدامه هو الفيصـل بـ ذاته ..
.
فـجت عيونـها بـ صدمه وهي تطالعه يجرب صوبـها..
كانت تبا تشرد بس حست أنـه ريولـها متشللات ..
و كان واضـح انه يطالع عليـها ولا حرك عيونه عنـها
حست انه فـيه شيء غلط قاعد يستووي ..
بسرعه نزلت عيونـها وهي تطالع على شعرها
اللي يتعدى تحت الظهر والشيله واايد قصيره يعني جنها مب مغطيه شي موول
حاولت تتفادى الموقف ومشت بخطوات سريعه عسب تشرد عنه
بس مسرع ما قطع عليها صوته الدافئ ذو البحه القويه : من حقج تشردين
مب انتي تسوين اللي تبينه وتورطين الناس ..
( تجمدت مكانها أحين تأكدت منو اللي وراها ، ولا شو هالرمسه اللي
قاعده تسمعها " انا اللي اسوي الشي وعقب اورط الناس فيه "
وبتهجم اقوى وهو يعلي صوته الدافئ : ارتحتي احين من عقب ما فرقتيهم ..!
غمضت عيونها بقوه ودقات قلبها بدت تسرع ..!
اكثر شي بهالدنيا تكرهه الفرقا .. لانه محد حس بطعمها المر
غيرها هي ..
التفتت بسرعه مستغربه من تهجمه المباشر .. وما اهتمت برمسته مول
ولا حركت فيها شعره ..
لكن الكلمه الوحيده اللي هدتها [ فرقتيهم ] ..
قالت بصوتها المبحوح وهي تتطالع عليه : فرقتهــم .. وارتحت ..!!
شو هالرمسه اللي قاعد تقولها ..!
راكان وهو اعصابه فلتانه خلاص .. ضحك ضحكة سخريه وقال :
ماتعرفين هاا .. لا سلامتج ما قصدت اي احد ..
مب انتي بنت احمد المليالدير ومحد يروم يعاتبج ..
حقج عليه نسيت والله ..
( غمضت عيونها وجنها ما تبا تسمع رمسته )
وبدت تحس ان كل قواها بدت تخور ..
الكل يتهجم عليها بدون سبب مبرر .. وقالت بهدوء وهي تركز
عيونها بعيونه .. ( ولـ اول مره بحياتها ترفع عيونها بعيون واحد غير
الفيصـل ) : أسمعني زيـــن .. انا موول مب فاهمه شي من اللي قاعد تقوله ..
واذا عندك شي ارمس بوضوح .. واذا بس مجرد رمسه فاضيه
انا مب مستعده اخسر وقتيه عشانك ..!
أستغرب من قوتها وقال وهو معصـب : يعني ما لج ايد فـ ضرابه
الفيصــل وثاني .. مب انتي السبب اللي خلاهم يتضـاربون
( سكت لـ ثواني وعقب كمل وهو يركز عيونه بعيونها .. وبسخريه ) : آآآه
نسيت انتي مالج دخل فالسالفه .. نسيــت .. نحن السبب ..
( نزلت عيونها للارض وهي تحس ريولها مب شالتنها تحس بقوتها
اختفت .. )
ضحكت ضحكه سخريه على نفسها وقالت بألم : آآه نسيت
انه اي شي يستوي لازم اكون انا فـ ويه المدفع ..
نسيت انه اي فراق يستوي بين اثنيـن انا سببه ..
ونسيت انه مجرد كوني بنت احمد اللي الكل يطلق عليه
المليالدير ما راح يكون ويايه مشاعر شراتكم ...
ونسيت انه كوني بنت احمد ما راح تمر عليـه شرات تجاربكم ..
( غمضت عيونها بألم وهي تتذكر ) : اذا انت خيفان على علاقتك
بـ ربعك تخرب فـ صدقني ما راح تخـرب ..
لانه محد ذاق طعم الوحده شراتي انا .. ( وتأشر على نفسها )

 

[ღهمس المعانيღ]

تدري كل ربعاتي خانني .. عوووني اللي هن كانً عوني باعني
عشان خاطر جمن بيزه ..
وترد تقول بنت احمد المليالدير ..
( ضحكت بسخريه وهي تكمل ) : هاااه .. اللي يملك الملاين
ماعندهم مشاعر ..
( رفعت ايدينها وهي تأشر عليه بتهجم ) : انـــــــت ماعندك مشاعر ..
لانك تورث الملاين من ابوك ..
( سكتت وهي ترد تتهجم عليـه مره ثانيه .. وتأشر على المزرعه ) :
تتحــرى اني مستانسه بهالعيشه .. طبعــا لا ..
لانه هالبيزات اللي ترمس عنهن ما راح اييبن ولا يردن لي اللي فات
او مات ..
( سكتت لفتـره وهي عيونها تتجول بأرجاء المزرعه ) : انا مقدره خوفك
على ربعك لانه بـ هالزمن ما راح تلقى بسهوله ربع تقدر تثق
فيهم .. ( وتأشر على عمرها وتبتسم بألم ) : شــراتي انا بالضبط
عقب ما خذن اللي يحتاينه منيه شــردن ولا شفتهن ..
لكن ربك قدر اللي الاقي الصديقه اللي ما تنشرى بـ بيزات الدنيـــا
كلهـــا ..
حبتني لكوني روضه مب لاني بنت احمد المليالدير ..
عكسهن هـن .. لكن الموت خذاها منيه .. ويمكن لانه بعد
احد الاسباب ان حالتها الماديه كانت بمستوى حالتنا ..
( نزلت عيونها للارض .. وهي خاطرها تفرغ اللي بداخلها من حزن ) :
قولي احين ما كنت تقولي انا بنت احمد المليالدير ومحد يروم لي ..
( ورفعت عيونها وهي تتطالعه بعصبيه حاده ) : لـــو بيزاتي اللي ترمس عنهن
كانً يردن الميت ما ترددت لحظه وحده اني ادفع كل ما املك عسب اردها ..
و شرات ما انت تحس ( وتأشر على نفسها بهدوء قاتل ) : انــا احس ....
( رفع راسه بعد ما كان منزله بـ الارض .. وهو يحس توه بالغلطه اللي
سواها ) ..
وقال بـ هدوء : ما كنت متوقع انه وحده شراتج تملك كل هـ الجاه والصيت
راح يكون كل هـ الشي بداخلها ..
( سكت وعقب كمل بهدوء ) : انا اســف ..
ضحكت ضحكه سخـريه على نفسها وقالت : انت أسف ..
لو كلمه اسف تمحي الجرح اللي كل واحد فينـا تسببه
جان الكـل تأسف .. ( نزلت عيونها للارض وهي تقول بصوتها المبحوح ) :
عـادي أخويه لا تتأسف .. صدقنـي تعودت .. وانـا ما فـ قلبيـه
ذره حقد عليـك .. لاني مقدره خوفـك على ربعك ..
وصدقنـي اصعب شئ بـ هالوجود انـك تكون راعـي ثروه كبيـره وتختـار لك صديـق يكون قد الثقه و الوفاء ..
لانـه الغني واايد صعب يختـار صديق ..
( ألف علامه استفهام فوق راسه شو تقصد .. )
لكـن اللي صدمه وهي ترفـع راسها وتتطالع عليه بصدمه
وعقب مســرع ما اختفت من جدامـه ...
روضـه وهي تربع على الفله : ياربيـه مستحيـــــل انا شو سويت..
معقولــه اني كنت قاعده اشكـي همي لـ ربيع الفيصـل ..!
وربـي ما حسيـت شقايل جيه استوى .. آآه ياربيه ليش ..!!
لكن مب ذنبـي انا .. هو هـ الريال فيـه شئ مب طبيعـي
يخلـي الواحد غصب عنه يقول اللي فـ خاطره ...!
.
.
كان بعده منصدم فـ مكانه ليش فجأه اختفت ..!
لكن مسرع ما انرسمت بمحياه الابتسامه وهو يقول : نسيت
انها الاسطوره روضه اللي محد يعرف عنها شئ اكيد انها ندمانه
ليش رمستني وقالت لي اللي فـ خاطرها ..
( نزل راسه بـ الارض وهو يتذكـر شكلها لما كانت جدامه ) : ما ألوم
فصـول وثوينـي يوم يتضاربو عليهـا .. صدق انها شي هـ البنت ..
( رد من وين ما ياي وهو متوجه لموتره اللي برع فله الفيصـل )
اول ما ظهر من مزرعه بو سالم وحدر مزرعه بو الفيصـل
توجه على الملحق وظهـر من باب الملحق على برع المزرعه
عسب يرد بيتهم ..
لكن كانو مانع وعبدالله يتريونـه حذال موتره ..
لانهم استغربو من اختفاءه المفاجأ ..
مانع بخـوف : ويـــــــن كنت ..؟!!!
عبدالله : وبأي حق تتمشى فالمزرعه بروحك ، انت تدري ان
اهل فصول داخل .. حسبي الله على بليسك ساعتين
زارعنـا حذال موترك ..
مانع : قلنـــا الريال ميت ..
راكان وهو يبتسم بـ راحه : شباب انا واايد مرتــاح ..!
( مانع + عبدالله ) .. ألف علامه استفهام فوق روسهم ..
مانع : شو تقصد ..!
راكان وهو يبتسم : ما بتصدقو ..!!
عبدالله : لاحوول ارمس ... ( وهو يطالع على ساعته ) : تأخرنــا ..
راكان وهو يطلق القنبله : كنت ويـا روضــــه ....!
مانع + عبدالله بصدمــه : شـــــــــــــــووو ...!!!!
راكان وهو يرسم بمحيـاه ابتسامه جانبيه خبال : هيــه ..
عبدالله وهو يسحب مانع وراكان على موتره : اركبو بنسير من هني
ما فينا يسمعنا فصول ويجلب الدنيا فوق روسنا ..
( توجهو الشباب للكـوفي ، وراكان يسردلهم بقايا
الموقف اللي صار بينه وبين روضه )
والشباب كانو بشبه صدمه من رمسه راكان ..
مانع بصدمــه : روضه ربيعتها ميته ..
راكان وهو يتذكـر كلمات روضه وهي تقولـه:
[حبتني لكوني روضه مب لاني بنت احمد المليالدير ..
عكسهن هـن .. لكن الموت خذاها منيه .. ويمكن لانه بعد
احد الاسباب ان حالتها الماديه كانت بمستوى حالتنا ] ..
.
عبدالله بـ لوم : وربي حرام عليكم نحن واايد ظالمين روضه ..
مانع وهو يوجه رمسته لـ راكان : راكان مب حـرام عليك
تعق عليها هـ الرمسه ..
راكان وهو متلوم : وربي مب قاصد .. ( وهو يتذكـر الموقف
ويرد لـ ذاكـرته لـ وراء .. )
كان ساعتها ثاني ظاهر من الملحق وهو يصرخ ويزاعج والشباب
يحاولو يوقفونه بس ما قدرو ..
انطلق ثاني وهو تارك وراه مانع وراكان وعبدالله مفجوعين
لا يستوي فيـه شي لا سمح الله ..
راكان وهو يضرب ريله على الارض : ابا افهم شو بيستفيدون من
هالضرابات ..
مانع بهدوء : راكان هدي اعصابك ..
مشى راكان بعصبيه لا يتهور ويسوي شي محد يتوقعه
مع انه راكان من النوع الهادي جدا ..
ومن المستحيلات يعصب .. لكن دائما يقولون احذر من
شر الحليم اذا غضب ..
مشى وهو عقله مول مب وياه .. كان سارح كليــاً ..
توقف فجـأه وهو يطالع زول شخص طويل يمشي بـ هدوء
حذال مزرعه بو الفيصـل ..
حاول يركز منو ها .. لكن حس بشعور غريب يقول له انه حرام
اللي قاعد تسويه .. وكانه ضميره قاعد يصحيـه ..
كان يبا يرد لو ما طالع هـ الشخص يقترب من الضوء ووضح ويهه
فج عيونه للاخر وهو يقترب من المزرعه وهو يطالع على هـ الشخص
قال بـ هدوء قاتل وهو مصدوم : روضـــه ..!!!
مد نظره على الشبك وفـ باله فكره وحده بس " الانتقام " ..
كان معصب ليش وصلوا ربعه لـ هالطريج ..
وكان فـ باله محد غير روضه اللي وصلتهم لـ هالمواصيل
فجأه صحـى من ذكراه على صوت مانع : وصلنــا

بعيـــد عن الشباب كان قاعد بروحه وهو يفكر باللي سواه
يحس بالضيجه تسري بصدره مايدري ليش ..!
حول نظره لحافه الشبريه وهو يطالع الفون حذاله ..
مد ايده للفون وهو يطالع عليه لمده ثواني ..
بسرعه توجهه لـ رقم روضه .. وهو محطي ايده على زر الاتصال ..
كان بيدق لو ما حس بشي يقول : لااا .. لاتدق ..
( وخر ايده عن الفون وهو يرد راسه على الوساده وهو يتنهد
بقوه ، وهو يحس بشعور اغرب من الغريب ..
يحـس انه مشتاق لها
من فتره ما التقى فيها ولا الصدف جمعتهم ) ..
غمض عيونه بتعب وهو يتذكر حركاتها اللي تقهره وبالقو بعــد ..
عمره محد قدر يحرك شعره من الفيصـل غيرها هي و........
( فج عيونه بسرعه وهو يقول بعصبيه : شو ياب هـ الطـــاري )
ابتسم ابتسامه متجعرفه وهو يقول : هي السبب محد غيــرها
لو ماهي هـ الحقيـره الحيوانه كانت روضه احين مرتـاحه ..
وماعذبتها .. لكن اشكرها هـ الحقيره الف مره لانها كان السبب
فـ استمرار علاقتي بـ روضه ..
فجـأه سكت وهو ينتبهه للـرمسه اللي قالها قبل شوي
معقوله انا قلت هـ الرمسه ..!!
لا انا اصلا كنت اقصد انها سمحت لي الفرصه اني اعرف بنت اكبر
المليالديريه فـ البلاد وبس ..
( نزل راسه وفجأه طاحت عينه فـ الفون اللي كانت بأيده المرتخيه
ورسم ابتسامه كلها خبث بـ محياه ، بمجرد انها الفكره ييت
فـ باله .. وقال بأبتسامه صفراْء : اشتقنالج والله ..!
.
.
.
.
.
.
جربت من الفله بعد ما كانت تربع وهي ضامه ايدينها بصدرها من قوه
البرد القارص ..
دفعت باب الفله بقوه على داخل وهي تقول : آآآه .. آآخ.. آآخ بـــرد ..
حدرت الفله وهي تتطالع ان الانوار اللي بالصالات خافته وايد ..
مما معطيها رونق الهدوء ، وناشر السكون بين أرجاء الفله ..
خافت يكون أحد حس بغيبتها وقــاعد يتريـاها ..
توجهت على الدري وهي تبـا ترقيـه عسب تسير على جنـاحها ..
بس وفجأه حست بـ الصدمـه تجتـاحها وهي تسـمع صوت من وراءها
وأكيد انـه من الصـاله لانه الصووت وايد جريـب ..!
بسرعه التفـتت وهي تطـالع ع مصدر الصوت ,,
وفجت عيونها على الاخر من هوول الصدمـه ...!
وبسـرعه قـالت فـ خاطرهـا : أووف مالت على هـ الشكـل ..
( وهي تطـالعه لاف جسمـه كـامل وحاط ايده على تكيت الغنفـه
وهو يطـالع عليـها بنظرات خبـث ..قال بهدوء غريب : من وين راده الاخت فـ هالوقت المتأخر ..؟!
طالعت عليـه بحقد وهي ترد نظرها ووجسمـها كامل
على جدام وهي تبا ترقي الدري ..!
بس تفأجات وهي تحس بـ ايد توقفها ..
ما قدرت تتحمـل لقافته الزايده ..
وصرخت عليـه بصووت واطئ ونبره الحمق واضحـه فيه : ميوود ودر ايديـه لا احين اجتلـك ..!
ابتسم بـ خبث .. مما خلاها تطـالع عليـه بـ نظرات شك ,,
بس بسـرعه تفادت الموقـف وهي ترفـع ايدها على فوق
وعقب نزلـتها على تحت عسب تتخلص من ايده اللي مشبوكـه بـ ايدها ,,!
بس انصدمت وهي تطالعه يربع وهو يجرها وراءه ..
فجت عيونها للاخر من الصدمـه .. وهي تطالعه متوجـه على باب الفلـه ,,!
صرخت عليـه وهي تحاول تفلت من قبضـه ايده : ودرني وين تبا تودانيـه هاه ..!
ميوووود يالحيووان ودر ايديــه ..!
حاولت بشت الطرق انها تخليـه يودرها بس ماقدرت ..
حاولت تثبت من نفسـها عسب تثقل ومايقدر يسحبها ..لكن خططها باتت بـ الفشـل !!
ظهر من الفلـه وهو يمشـي بـ الحديقـه و روضـه وراءه ,,!
وتحاول تفج عمرها منه بس مب قادره ,,
كان اقوى منها بـ واايد لانه بنيـه جسمـه ماشاء الله قويـه وهو ذو جسم ..
توقـف فـجأه وهو وسط الاشجار الكثيفـه والهواء القووي يحرك الاشجار يمين وشمــال ..!
سحبت ايدها بـ قهر وهي تطالعه لما وقف ,,
بس اللي شل لها حركتها وهي تطالعه يربع ومتوجه على الفلـه وتاركها بروحها ,,
ضغطت على شفـايفها بـ اسنانها بـ اقووى ماتملك والسبب
الاول والاخير القهر اللي تملكها ..!
حاولت تخفـي عصبيـتها وهي تمشـي عسب تظهر من هـ الغابـه
الموحشـه اللي حولـها وهي مملؤه بـ الاشجار ولو تصرخ من اليوم لـ باجر محد بيسمعـها ,,!
.
تمتمت بـ قهر وهي تقول : انا براويـك يـ السلندر .. معليـه ..!
مشت بسرعه عسب تظهر من الغابـه لانها تحس بـ خوف مب طبيعي ..
بس توقفت فـجأه وهي تحس بـ شئ بـارد يلفح لـها ايدها ويوقفها مكأنها
شهقت بـ قوو وهي تتنفس بـ صوت مسموع ..
حست بـ قلبها طــاح بـ مكأنه ,, كانت متأكده انه اللي تحس فيـه مب طبيعي
معقولـه يكون واحد من أخوانا ( يني ..اعووذ بـ الله .. ) ظهر لها بـ هالوقت المتأخر ومن بين هـ الاشجـار ..!
كانت تتنفس بـ صوت قووي وظاهر فيـه نبره الخوف ..
فجأه قطع عليـها تفكيرها شئ يسحبـها بقووه ويلفها على وراء ,,
كانت هالحركـه كفيلـه انها تجتـل رووضـه لـ الصميـم ..
اول ماحست بـ انه احد لفها وسوى هـ الحركـه
رفعت ايديـنها الثنتين وغطت ويـها من زود الخووف اللي اجتاحها ,,!
.
لكن اللي شللها و وقف كل وميض امـل كانت تحس فيـه بـ انها راح تنجا ..
لما حست بـ اللي جدامها يسحبـها بـ قووه .. وهي ترتمـي وسط حضنـه ..
غمضت عيونها بـ خوف وهي تحس بـ كل خليـه فـ جسمها تصرخ من الرعب اللي تعيشـه ,,
وبدت تقول بـ صوت هامس ومسموع شووي : بسم الله الرحمن الرحيـم ,,
الحمـد لله رب العالميـن الرحمن الرحيم مالك يوم الديـن ..(لانه سورة الفاتحـه تحرق اي يني يكوون جدامك ) !!
وقـفت من القرايـه وهي تحس بـ شي يجرب من أذونها ويهمس بـ صوت شوي مسموع : أنــا أنس لا تخـافي يــا قلبي ,,!
.
.قراءه ممتــعه ..

 

[ღهمس المعانيღ]

آلبـآرت { 22 } ..
‘
’
ابتسمــت ميره بـ راحه وهي تقول بـ صدق : انتي ماتستاهليـن اللي ييج
من الفيصـل طيبـة قلبـج تجبـر الواحد غصـب يحبـج .. والظـاهر الفيصـل
بعده ما عرفج على حقيقتج .. ولازم يعرفـج ..!
قطــعت عليها روضـه بـ خوف : ميــره لااا ....أقصــد ..لاتتدخليـن بـ سالفتي أنـا وأخووج .. لوسمحـتي خلج بعيـد ,,
وصدقيـني أنـا اعتبرج شرات ختيـه .. بس كلـه ولا تتدخـلين بـ سالفتنا أنـا والفيصـل ..
( وبـ نبره غريبـه ) : الفيصـل خليـه بعيـد ..!
ميـره : أنزين ليــش ..؟!
روضـه : من دون ليـش .. مـابا الفيصـل يعرف بـ سالفتنا أوكـي ,,!
ميـره : أنزيـن .. ( وجنـها تذكرت شيء ) : صـح تـعالي ..يعني خلاص أنتي مب زعلانـه عليـه ,.؟
ابتسـمت روضـه وهي تقـول بـ صدق : أقولـج شيء بس لا تعصبين ..!
ميـره : هيه قوولـي ,,
روضـه بـ هدوء : تدريـن من أول مره رمستيـني فيـها ..حذال البـاب ونـحن بـ عزيمتكم ..وقلتي لـي أنج ندمـانه ..!
ميـره بـ أستغراب : هيـه بلآنــي ,..؟
روضـه وهي تضـحك : من هـاك اللحظـه وأنـا كنت مسـامحتج ..
حسيـت أنـه القهـر اللي كان بداخلـيه من لحظـات وانا أتذكر اللي سويتوه فيـه انتي واخواج ,,
تبـخر من لحظـه قلتي لـي أنج ندمـانه ,,
ضحكـه ميره وهي تقول : حسبي الله على بليسـج ..
( بس فجــأه سكتت وهي تقول بـ أستغراب ) : عيـل يوم سامحتيني من يوم فـ العزيمـه ..
ليش دقيـتي عليـه وقلتي لـي ما بسامحـج الا اذا قلتي لي شو سـالفه أخووج ,,
( ارتبـكت روضـه ..اوووف شقـايل أنـا غبيـه ,,هـ الطيبه مورطني دوم ..)
قـالت بـ سرعه عسب تتفادى اللي توها سوتـه وبـ ذكاء منها : لانـه مصيري بـين أيدين أخوج احيـن ..
( عقدت ميره حيـاتها وهي مستغربـه من كلمـات روضـه ,,
شوو تقصـد ..امـا عن روضـه فـ كانت متعمده تقول جيـه عسب تضيـع السـالفه ,, )
.
ابتسمت روضـه بـ خبث وهي ميقـنه شو توها سووت ..
غرقتـها بـ دوامـه أفكار مالها نهـايه ..
بتخليـها تفكر فـ هالجمن كلمه وبتنسى تسـألها عن شيء ..
قالت بـ سرعه لا تســألها ميره عن شي يديد : أوك حبيبتي بـ خليـج أحيـن ..الوقت وايد تأخر
ونحن ما حسيــنا .. ( ولفت رأسـها وهي تطـالع ع السـاعه اللي فـ الحائط ) : مـرت سـاعه كاملـه ونحن نسـولف ومب حاسيـن ..
بسيـر أرقــد احيـن ..أوكيـك ..
ميـره : روضــه شكراً ..وربـي اني بـ حيـاتيه ما راح ألقـى شرات قلبـج الطيـب ,,
ابتسمت روضـه : من ذوقـج حبيبتي ..ويلا مع السلامـه ,,,!
ميـره : مع السلامـه .. وأحلام ورديـه ,,!
.
صـكرت عنـها وهي ترد رأسـها للوسـايد اللي وراءهـا وتقول بـ ضيـجه : آآه ..معقولـه كـل هـ الشئ فـ الفيصـل ,,
( حسـ بـ انه دمعتـها راح تنزل ..
بسـرعه غمضـت عيونهـا عسب ماتنزل دمـعه وحده وتكون لـ للفيصـل ) ..
همسـت بـ هدوء : عيـل والله مـا ألومـه فـ اللي يسويـه فـ البنات ,,
( ضحكت بـ سخريـه ) : ولا ألـومـه فـ اللي يسويـه فيـه ..
آآآآه يـ الفيصـل انت شــراتـي بـ الضبـط ..
كل واحد لقـى منـا اللي يكفيـه من هـ النـاس ..
مـاقصروا فيـنا ..
( انسدلت من قعدتـها وهي ترد رأسـها لـ حافـه الغنفـه وغطـت فـ سبات عميـق ..) ...!
.
.
.
.
الســـاعه 48 :9 ص ..!
.
( بـ هاليوم استوت تطورات وايد ومن أهمـها .. انه مـايد من الفيـر ..
رد بوظبـي ..
وكان سبب خوفـه انه متأكد انها روضـه بـ تقول لـ هلها عن سـالفته اللي سواها امـس ..
وما كان يدري انه روضـه من المستحيلات تقول حق أحد عنها لا تتورط بنفسـها ) ..
.
.
كـان بـ هالوقـت كل الحريـم برع قـاعدات فـ الهواء الطلـق ,,
أم راشـد : مب جنهم تأخروا ..؟!
أم ســالم : هيـه والله ..عيـل امتى بـ نوصل البلاد اذا لـحد احيـن ما وصـلوا ,,؟!
أم هزاع .. وهي تطـالع على بوابـه المزرعـه : هاه الطيــب عند ذكـره ..
وصلـوا الحمدالله للـه ..
[ وصــلوا الشبـاب والشيوبـه ..و أول من نزل منهم هو حمـد ..] ..
صرخ حمد بـتعب : آآه تعبــان ..
ضحكـه أم سـالم وهي تقول : هـ الحمد ماادري امتى بـ يعقـل ..!
نزل هزاع بـ شموخـه المعتـاد ..وهو يقول بـ عصبيـه : حسبي الله علـى بليسـك ..خيستنـا ..!
سيـر خذلـك شوور ..!
.
نزلوا الشبـاب الباجيـن وكـل واحد من سيـارتـه ..
وهم يـضحكون على سوالف حمد وهزاع اللي بـ طول الطريج يتضـاربون ..!
.
.
نشــت حمدوه من طـاولـه الطعام وهي تقول : تسمعن اللي اسمعـه ..!
اسمـع صووت عبدالبـاسط والشبـاب ..!
يزوي : هيه عيـل أكيد وصلوا ..
( ونشن البنات يربـعن وظهرن برع ..) ..
يزوي أول ما شـافت سيف سـارت بسرعه وارتمـت وسـط حضنه : سوافـي اشتقت لك مووت ..!
ابتسم سيف وهو يحضنـها بـ قووه : وانـا قلبي اشتقت لج واايد ..
.
امـا عن منصوراللي اول مانزل من السياره وهو يحس جسمه متجسـر كـامل
قعد فـ الارض وهو يتسدح ورقد ولا جنـه شيء مستوي ..
أاول ماسوى هـ الحركـه ..ضحك على عمره ..
لانه متعود على روضـه لما تتعب تسوي شرات حركتـه بـ الضبط ..
قال بـ هدوء : حبيبتي اشتقت لها هي و هبـالها ,,!
سارت حمدوه حذال عبدالباسـط وهي تغلس لـه عيشتـه ..
وتخبـل فيـه .. وهو أنواع الصريخ والمزاعـج استخدمهـا لـ أختـه ,,
اما عن حمدوه اللي منفجره من الضحك : بسووطي خلاص ..لاتعصب بـ نش هاه ..
.
فـتحت بـاب الفلـه بـ تعب وهي تظهر من البـاب ..
واول ما لفحـها الهواء البـارد ضمـت الجـاكيت الفوشـي على جسمـها ..
حولت عيونـها للشبـاب وفجـأه فجت عيونها للاخر وهي تطـالع اللي منسدح فـ الارض وراقــد ..
ضحكـت وهي تطـالعه يسوي شرات حركـاتها بـ الضبـط ..
محد غـير [ منصور و روضــه ] اللي يسون هـ الحركـه ,,!
سـارت بـ سرعه صوبـه وهي تضربـه فـ ريله بـ الخفيف عسب تصحيـه : نــش سلم عليـه ,,
.
فج منصور عيونـه ببطئ وهو يطـالع اللي حذالـه ..وقـال : أمووووت أنــا على الحـلويــن ..
هيــه هاي ويـوه يطـالع عليـها ( وكشر ) : مب ويـه حمد وشلــته
( نش من تسديحتــه ) وهو يجرب من روضـه وقـعد يطـالع عليـها لـ مده ..
اول ما طالعت انـه الظاهر بـ يطول .. جربت منه بـهدوء وحضنـته وهي تضرب على جتفـه بـ الخفيف : يـ الدب اشتقت لـك ,,ّ
ياهم صوت من وراءهم : هيــه هييـه يـا قصص الحب والغرام ..
( وصــرخ حمد ) : اييــــه يامسوده الويـه .. أنا اخوج حبـيبـج ..رووحج ..عمرج..دنيتج
(صرخ بـ صوت أعلى ) : ماسلمتي عليـه ..وهذا ولـد خالتج وجيـه حب وغرام واحضـان . وعايشه ويـاه قصص العشق والهيـام ..
قالت روضـه بـ صوت هامس : صح لسانك سويت شعر ..<<لعيون ميمي ..!
طـالع عليـه منصور بنظرات كرهه وقـاله : وخر لا احين اسدحك ..كافي اللي مسونـه ..
لف عنـه وهو يطالع روضـه اللي نقزت بسرعه وقـالت : صح منصور ماقلتلك ..!
منصور بـ فضول : شوو ..؟
جربت مـنه روضـه وهي تهمس فـ أذونـه ..
ما ثواني غير منصور ضحك .. وعقب همس لـ روضـه بـ كلمات .. وشهقت روضـه << أسرار مسوين فيها خخ
.
طالع عليـهم حمد بـ نظرات كرهه ومشـى عنهم ,,
هذا منصور و روضـه من يلقون بـعض ينسون اللي حولهم ..
كل واحد ييب من صوبـه العلوم والاخــبار ..
.
( هزاع كــانت عيونـه مثبــته على روضـه ... ) ..
من أول ما ظهرت لـحد ما حمد طالع عليهم بـ كره ومشـى ..
( استغرب وبـ شده من رمسـه حمد ويـاها .. والعلاقـه القويـه اللي تجمعها بـ منصور ) ..
قـال فـ خاطره : ولد خـالتها وأحضــان والحـاله .. وهم ويـاهم عادي ..
معقولـه روضـه راعيـ .......
( سكت فـجاه وهو يقول ) : لا لا مستحيــل ..روضـه مب من هـ النوع ..
وسـار حذال عبدالله اللي قاعد بـ الارض وهو يقولـه بـ همس : بــسألك سؤال ..؟
عبدالله بـ ملل وتعب : قوول ..
هزاع بـ ثقه ويحـاول يخفي نـبره الاهتمام .. تحت صوتـه البـارد : احين منصور ولد خـاله روضـه ..و جـيه ويــاه ..؟!
ضحك عبدالله مما وتر هزاع وقـال : روضـه صـج انها بنت خالتـه ,,
بس قبـل كل شي هي اخـته بـ الرضـاعه ,, وماشاء الله عليهم علاقتهم وايد قويـه و فووق ما تتصور ..
( فجــأه وبدون أحسـاس منـه .. حس بـ شعور الراحـه ينبعث وسط صدره ,,نش من قعدتـه وهو يقول بدون أحسـاس : الحمـــد لله ,,!
(استغرب عبدالله منـه ومن حركـاته .. وقـال وهو يرفع أيده ويـأشر على هزاع ) : بلاه هذا ..!
.
محمد وهو يحدر الفلـه : ايـــيييه امتـى بنرد البلاد ..؟!
{ بو سـالم و الشيوبـه حدورا الميلس العود وقبـل لا يحدر بو سـالم رد وجنـه تذكر شيء ..} ..
زقر ام سـالم وهو يقولـها : يـ الغاليـه ترا بـاجر من الفيـر بـ نرد البلاد..
ام سـالم وجنها ما صدقت خبر : يعني مابنسير اليوم ..!
بو سـالم : لا والله تعبانيـن ..!
.
.
.
.
مر الوقـت بـ سرعه قصـوى ..
و روضـه كانت بـ طول هـ الفتره حبيسـه جنـاحها ..
كـان الشاغل الاول لـها سالفه الفيصـل و مريم ..
.
وعـلى حدود السـاعه 5:13 م .. نزلت من جنـاحها ..
وهي حاطـه جاكيتـها الفوشـي بـ أيدها ..
و مدت أيدها وهي تعدل تنورتـها البيضـه المشجره بـ تدرج الفوشـي ,,!
.
فتحت بـاب الفلـه وهي تظهر لـ برع ..
أول ما ظهرت ولـفحها الهواء البـارد .. غمضت عيونها ومدت الجـاكيت على جسمـها وهي تضم يدينـها ..
بدت تمشـي وهي فكرها سارح للبيـعد ..
كانت مول مب على الدنيــا ..
كانت سـالفه الفيصل الشاغل الاول لـها بـ طول هاليـوم ..
وصلـت لـ مكانها المفضـل وهو حذال بركـه حصـى موزع بطريـقه حلوه داخل المـاي ..
قعدت حذال وحده من الحصـاي الكبـار ..
رفعت فونـها اللي كان فـ أيدها ,,
وحطته جدام عيونـها وقالت بـ تساؤل :ليــش نـايف لـحد أحيــن ما دق عليـه .. ( تنهدت بـ تعب وهي تقول ) : معودني يدق عليـه فـ اليوم 7 مرات ..
والـيوم ولا مره سمعت فيـه صوتـه .. شو مستوي عليـه ..
( دعست على رقم 2 وهو يحولـها لـ رقم " أدمنت حبـكـ " .. )
ظلت لـ ثواني عديده تتريـاه يرد .. بس محد يرد ..
( قـالت بـ نبره خوف ) : يـا ربيـه ليش مايرد ..
( دقت عليـه مره ثـانيه و وثلاثه ورابـعه وسـادسـه .. وطبـعاً ما من مجيب .. ) ..!
حست بـ الخوف يذبـحها ..وقـالت بـ خوف : أكيد فيـه شي .. ياربيه بلاه
لايكون مريـض .. لا ان شاء الله مب مريـض ..اووف انزين بلاه ..
ياربيـه المشكلـه انه رقمـه يصيـح .. لو انه مصكر بيكون عليـه اهون ..
( فجـت عيونها للاخر وهي تقول بـ خوف مب طبيعي ) : روضـه عن هـ الافكار ,,
ان شاء الله مافيـه شيء ..
يـاربيـه الا نـايف .. ( وبـ همس يذبـح ) : ياربيـه لا تراواني هـ اليوم فـ نايف ..
دخيلك يـا نايف رد ولا تقطع قلبيـه وتـذبحني فوق ما انا مذبوحـه ..
( حطـت أيـدها على فمـها .. وهي تحس بـ أنه روحها بتظهر من مكأنها ) ..
مب متخيـله انها تعيش ولو لـحظـه وحده دون حيـاتها وأبوها نـايف ..!
تمتمت بـ صوتها المبحوح : دخيـلك يـا روح روضـه رد ..
ولاتعذبني فوق العذاب اللي اعيشـه .. رد يـ الغالي رد ..
( سمعت صوت ياي من حذالـها وشكلـه وايد جريب هـ الصوت ) ..
التفتت بـ سرعه وهي تطالع على مصدر هـ الصوت ..
أول ما طالعتـه حست بـ الصدمـه تجتاح لـها كيـانها ..
بس مسـرع ماغيرت نظره الصدمـه لـ نظره برود قـهاره بشكل لايتصور ..!
.
أبتسم بـ سخريـه وهو يـقول بـ صوتـه الرنـان : منو هـ اللي متزيـغه عليـه لـ هالكثر ..
وأحيـن بـ تموتيـن من كثر ما متزيـغه عليـه ..
هدي أعصـابج .. مايسوى عليـج ..
.

.
التـفتت تطـالع عليـه لـ ثواني
وبـ سرعه ردت نظرها .. وهي مسويتله طااف ..
وتطالع على بركـه المـاي اللي حذالـها و اللي موزع فيـها الحصـى بطريـقه خبال ..
أنتظرت لمده ثوانـي تطـالع زولـه يختفي من جدامـها بس ماتحرك ..
استغربت منـه وبـ شده ..
متعوده لما تسوي هـ الحركـه بسرعه الشخص يتركـها ..
بس هذا غيـر بعده موجود ..
كانت متوقـعه لما بتسوي هـ الحركـه بيسير بس استغربت من اصراره ..
.
( التفتت بسرعه من الصدمـه اللي تحس فيـها وهي تسمع رمسـته .. فجت عيونها
للاخر ..) : ابا افهم شي واحد انتي شو تخفين وراء هـ العيوون ..انا متأكد انه شي
وراج يـا روضـه ..لانه صدقيـني اللي فـ باليـه مستحيـل يكون من وحي الخيـال ..!
( كانت فـ قمه ذهولـها ..اكتفت انها تطالع على البركـه اللي جدامها ولا نطقت بـ كلمـه وحده ..)
حست بـ رمســته فـيها نوع من الشك ..
فـجأه حسـت بـ نغزه فـ قلبها ..
ماتدري شو سببها ..قالت بـ هدوء و حتى ما كلفت نفسـها تلتفت عليـه :شو تقصد ,,.؟
( ابتسم بـ هدوء وهو يقول ) : مـا اقصد شي صدقيني ..لكن اللي عيونيـه طالعته شيء ثـاني .. والظاهر مب أي شيء ..!
( كـانت الفكره الوحيـده اللي فـ بـالها ومتأكده منها .. انه هو شاك فيـها
من يوم سمع رمسـتها عن نـايف ..
لانها متأكده انـه ما يعرف منو ها نـايف ) ..
ارتفع ضغطها منـه وبـ سرعه قالت وهي تبـا تتخلص منه بـ اي طريقه : هزاع انت شو ويـاك ..احس تصرفاتك ويـايه مب طبيـعيـه ..!
( قـال بـ نبره هاديـه ومملؤه بـ الثقه ) : أنــا ...(سكـت ..بس مسرع مـا كمـل ) :أنــا يا روضـه ما اخفـي شي لكن اللي هو يخفـي فـ يكون ( وبـ نبره غريبـه .. وابـتـزازيـه ) : أنتــــــي ..!
( سكت .. وعقـب قال وهو يكمل : ( انا يـاروضـه ملاحظ كـل تصرفـاتج ..
أو بـ المختصـر المفيـد وتكون أسرع .. (و بـ همس ) : أراقبــج وين ماتسيريـن ..!
التفــتت بـ سرعه وهي تطـالع عليـه بـ صدمـه .. معقولـه هزاع يراقبـها
وهي اللي ماحسبت حسـابه انه حتى ممكن يعطيـها شوي من وقـته ..
ظهر فـ الاخير يراقبـها ..قـالت فـ خاطرها وبـ خوف : معقولـه عرف بـ سالفه الفيصـل ,, ( ارتفـع صوت تنفسـها وقالت ) : لا مستحيــل ..!
أبتسـم ابتسـامته الجـانبيـه المعتـاده وهو يقول : مصدومـه صــح ..!
أسمعـي زين ياروضـه ..
( رفعت عيونـها وهي تطـالع عليـه .. حست للحظـات بـ الخوف .. بس مسرع ما استعبدت هـ الشعور ) ..
كمل بـ هدوء : أبــا افهم أحيـن كل شيء ..
ســالفتج .. وسـالفه هدوءج الدائم .. وسـالفه هـ الفونـات اللي ما يوقفن مول ..( ابتسم بـ هدوء ) : والاهم من هذا كلـه ..( و بـ نبره غريبـه ) : العزيـمه ..!
( بسـرعه رفعت عيونـها وهي تطـالع عليـه .. وفـ خاطرها كلمه وحده بس تتردد .. ) ..
[ العزيـــــمــه ] ..!
( حست بـ قلبـها طاح فـ الارض احين تأكدن شكوكـها أكيـد انه يعرف بـ سالفه الفيصـل أكيـد ..
مب هو مراقبنـي اذاً خلاص .. كل شي أنكشف يـاروضـه ..كل شيء ..
( رفعت عيونـها وهي تسمعه شو يقول .. وكل جوارحها مركزه عليـه..
عسب تفهم كل شيء .. ولا تفوتها كلمه وحده ,, )
قـال بـ هدوء : روضـه .. تذكريـن أول ما وصـلنـا أنـا وخواتي ..
وقـتها انتي كنتي يـايه من برع ونحن كلنا مجتمعيـن بـ الصـاله ..
سـألتي البنات شو السـالفه .. وجاوبـنج انه كلنـا معزوميـن ..
لـحد هني كنتي جداً عاديـه .. بس الصـاعقه ..لما سألتيهن منو اللي عزمنـا ..
وقاللج الجواب .. كنتي بـ هاك اللحظـات تعيـشي بـ صدمـه ياروضـه
ومن قو الصدمـه عليـج .. ما لاحظتـي اني بطول اليلسـه قاعد اطـالع عليـج ,,!
( نــزلت عيونـها وهي أحيــن خلاص قطعت الشك بـ اليقيـن ..
وتأكد لها كل شيء .. أكيد يعرف بـ سالفتي انا والفيصـل أكيـد .. )
اما عنه فـ كمل بـ هدوء : وتذكريـن لما ردينـا من العزيمـه ,,
الكـل سار يرقـد ..
وانا هاك اليوم النوم كان مجافيـني وسهرت لحد السـاعه 3
وفـجأه انصدم بـج وانتي نازلـه ومتوجـه على المطبـخ ..
تبعتـج .. ولقيت انـج قـاعده تشربين دواءج ..
لما طالعتيني اني طالعتج وانتي تشربين الدواء ..
بسرعه حاولتي تخفيـن الدواء عسب ما اطالعه .. بس القدر خلاج تحطيـنه تحت الطـاولـه ..
ولما ييتي تردين جناحج نسيتيـه يـا روضـه ..
ظهرتي انتي ولما ييت انا ابا اطـالع شو كنتي تسوين لقيت الدواء مرمي على الارض ..
قريت عنـه شوي ولما تأكدت من اللي قريتـه انصدمت أنـه ياروضـه هـ الدواء محد يستخدمـه
الا اذا كان واصـل الحد الأدنـى من الالـم والتعـب ,,
وما يعطونــه الا لـحالات استثنائيـه جداً .. ( وبنبره غريبـه ) : وانتي كنتي منهم ..
.
كــانت مصدومـه .. لا مب مصدومـه كانت أكبر من الصدمـه تجتـاحها
كل هـ الشي يعرفـه وهي فـ العسـل ما حسـت فيـه ,,
بسـرعه رفعت عيونـها وهي تمدهن بـ طول المزرعـه ..
وابتسمت بـ سخريـه وهي تقول : وشـو دخـل سـالفه الدواء بـ سالفه العزيـمه ..
.
( وردت تبتسم بـ سخريـه .. وهي طبـعاً متوقـعه انها بـ هالحركـه تغلبت عليـه ..
وعثرت لـه وأنسد الطريـج عنـه .. مادرت وقـتها انها فتحت لـ نفسـها أبواب ما تتصكر .. ) !
.
قـال بـ هدوء عكس أبتسامة السخريـه المنرسمـه بـ شفاهه ..
وبـ هدوء جداً قـــاتل : روضـه .. شو استوى فـ العزيمـه و وصلـج لـ حال الله اعلم فيـه ..
ولـ درجه انج حتى ماتقدريـن توقفين وتمشيـن شرات النـاس " وثبت نظره عليـها .. "
( وهو يتذكر لما كانت تمشي ومستنده على اليدران ) ..
حست بـ انه ألسـانها انربـط .. ماعادت تقوى تقول شيء ..
هو ذبـح كل أمل كان يرقـص بـ داخلـها انه مايعرف عنـها شي ..
بس أحيـن خلاص كل شي وضح والظاهر هو يعرف بـ سالفه الفيصـل و أكثر بعد مما هي تعرف ..
( مـا لقـى عندهـا رد .. غير الصدمـه اللي مرسومـه وبـ أتقـان فـ ملامحهـا الحاده ) ..!
وبـ سرعه قـال : مـا عندج رد أوك ..
أبـاج تفهميـني يـاروضـه شي يمكن سبـحان الله انا غفلـة عنـه .. < وانت غفله عن شيء
تذكرين الليـله اللي مايد وصـل فيـها ..
وقتها كنا كلنـا قاعديـن بـ الصـاله ..
وانتي قاعده ويـا منصـور تسولفون وتضحكون ..
فـجاه يـاج اتصـال وجلب لج حالج 180 درجـه ..
وقـتها حسيت بـ الارتبـاك والزيـغه واضـحه وضوح الشمس بـ عيونـج وملامح ويهج ..
حاولتي تخفيـنها عن الكـل ..( أبتسم بـ ابتسامه غريبـه ) : وأهنيــج قدرتـي ..
لكن بـ النسبـه لـي انا صدقيـني كان صعب عليـه أصدقــج ..
منو ها الشخص اللي كان سـاعتها داق عليج ..
( مـا سمع منها رد .. بس لما رفع عيونـه لقـى الاف علامـات الدهشـه
واضـحه بـ وجه روضـه .. اللي الواحد صعب ومن المستحيلات اذا قدر يـأثر عليـها لانه البرود مصيطر على كل ذره فيـها .. ) ..!
( ابتسـم بـ هدوء وقـال ) : وشـو ســالفه هـ الطلعـات اللي محد يدري فيـها ..
( رفــعت عيونـها .. بـ خوف .. بـ حيره .. بـ ضيج .. بـ قله حيـله .. معقولـه انكشـف أمرهـا .. )
قـال بـ هدوء : ماكنتي متوقـعه صــح ..!
(و كمـل بـ صوت بـارد ) : أوك يا روضـه حان وقت الصدمـه الاكبـر ..
شو رأيــج تسمعيـنها ..
( رفعت عيونـها بـ خوف الدنيــا كـله .. تجمع الخوف والرعب بـ وسط صدرهـا ..
أكيــد انـه احين بـ يقولـها عن سـالفه الفيصــل أحيـــن ) ..
ابتسم وهو يحـاول يخفـي النبره الغريبـه اللي ظهرت فـ صوتـه : راح اصدمج أكثر وبـ قولج يـا روضـه ..
وعـلى كـل هـ الادلـه اللي ويـايـه أنـه وراءج شيء ..
الا انـي برد و بـ قولـج ..( سكت .. بس مسرع مـا قـال بـ همس وصوته العذب يعلـى ) : أنـا متأكد مليون فـ المئـه انه روضـه بنت أحمد مستحيـل تغلـط ..
أنــا يـاروضـه اثق فيـج أكثـر مما أثق فـ نفسي ..
( رفـعت عيونـها وأخيـراً طـالعت فـ عيونـه .. )
طالعت عليـه بـ صدمـه .. طالعت عليـه بـ نظره غريـبه ما قدر يترجمـها ..
( كانت فكره وحده بس فـ بـالها فـ هالثواني ..
خاطرها تنش وتحضـنه بـ اقوى ماتملك وتقولـه وربي أحبـك ) ..
ومسرع مـا قالت فـ خاطرها : آآآه يـا هزاع ليتك ما قلتـها ليتك ما قلتـها ..
جتلتنـي يا هزاع .. ذبحتنــي .. لـحد الصميــم ...
ليـتك ما قلتـها .. ليتك مـا قلتـها ..!
" و يــبـحر عقلـها للبـعيد البـيعد .. وهي تتذكر الكلمـات اللي حطمـنـها
وعاشت طول عمرهـا تتمنـى تنسـاهن وتغفر لـ أمهـا والسبب هـ الكلمـات
وربـي صعبـه انسـاهن صعبـه .. هن كانً مجرد كلمـات وخلاص خرجت من فمـها
لكن أنـا كانً خناجـر تنغرس بـ كل شراسـه وسط قلـبي ..
ليـتج يـ الغاليـه ما قلتيـها .. هن سبب هـ العيشـه اللي أنـا فيـها ..
وهن السبب الرئيسـي فـ تحطيمـي وعدم ثقـتي فـ الناس ..
لانـي تأكدت أنـه اذا الجريـب ضرك فـ أكيـد الغريب ما يتردد يحطمـك ..!
تذكرت الكلمـات اللي كانً أكبـر عاثر فـ طريـجها ..
كانً كلمـات ولكن واقعهن أكبر بـ كثير من الكلمـه ..
( غمضـت عيونـها بـ ألم لا يترجـم أبداً وبـ اي لغـه من لغات العـالم .. ) ..
وهي تتذكر كلمـات امهـا اللي كانً سبب كـافي فـ تحطيمـها ونثرهـا
أشلـى متنـاثره بـ أقسـى صوره ممكن العيـن والعقـل يتصورونـها ..!
( ضـغطـت على شفـايفـها بـ أسـنانـها وبـ شراسـه كانت كـافيـه بـ تحويـل شفـايفـها
الورديـه لـ لون أزرق شـاحب مخيـف .. وكأنـها تحاول تمنـع دموعـها من الظهور ..!
( بدت تتنفـس بـ صوت مسموع .. والكمات تـتردد وسط ذهنـها .. )
هـن السبب فـ تغريبـها وهن السبب الاول فـ أختفـى بسمتـها وللابـد ..
( غمــضت عيونـها وهـ تسمـع الكلمـات تتردد وكـأنها توهـا تنقـال .. )
{ أنــتي يـاروضـه غيـر عن كل خواتـج .. مع انـي ما قصرت ويـاج
وعاملـتج شرات أختي مب بنتي .. بس خسـاره كل هـ الشيء فيـج
( صرخ بـ صوت أعلـى ) : أنــتي بـعدج فـ يوم من الايـام بـ تيـبـي لي
واحــد فـ البيت .. وبتنزليـن رأسنـا فـ التراب .. }
وغيـرها وغيـرها من الكلمـات الـلي كانت كفيـله بـقتل روح روضـه وللابـد ..
مـاقدرت تتحمـل أكثر عن جيـه .. أمـها اللي هي أمـها وأخوانـها عمرهم
مـاعطوهـا الثقـه وشـكو فـيها وفـ أخلاقـها ..
تتذكر الكلمـات الجارحـه اللي دايم تسمعـها من أخوانـها على أنـها الوحيده من خواتهم اللي تصرفاته تدل على أنـها مب متربيـه ولا عندهـا أخلاق
مع انـها الوحيـده من أخواتـها اللي حافظـه على اسم أبوها وهلـها ..
وعمرهـا ماخانتهم من وراءهم ولا خانت ثقتهـم ..
كانت دايم تخـاف تغضب ربـها بـ هالتصرفـات ..
ولكن الـمكأفـاه اللي لقتـها أنـها تصفـع بـ أقووى الكلمات اللي تخدش حيـاها وشرفـها ..
وأحيــن فوق كل ها الشيء هزاع الللي هو ولد عمـها وما صارلـه يعرفها الا جمن يوم ..
وثق فيـها ومع انـه الادلـه اللي ويـاه تأكد لـه انه روضـه مذنبـه
ومليوون فـ المئه بـعد ..




مـاقدرت تتحمـل أكثر الافكـار بدت تتعاصف فـ ذهنـها بـ قوه وشراسـه


وكـأنها تقولـها أنـا اول اللي بـ حطمـج ..


نشـت بـ سرعه من قعدتـها والدموع وأحمرار عيونـها بدا يوضـح ..


عدت هزاع بـ بطئ ولـكن أول ماعدتـه ..


حضـنت ويـها بـ أيديـنها وهي تربـع بـ اقوى ماتملـك ..


عسـب تختفـي عن ناظر هزاع اللي كان يطـالع عليـها وبـ صدمـه ..


ليش سكتت فـجأه ..


كانً الدموع محفورات وبـ كل قسـاوه وسط خدودهـا ..


كـانت كلمـات هزاع كفيـله بـ أنـها تفتح جرح حاولت تدميـه من سنين وسنيـن


لكن وللاسـف عاود بـ فتـحه وبـ دون أي رحمـه أو قصد منـه ,,


.


توجـهت على غـابه كثيـفه وسط المـزرعـه مملؤه بـ الاشجـار ..


بسرعـه دخلـتها وهي تبـكي بـ ألم ونحـيب قـاتل ومؤلـم لا يتصور ..


وقفـت حذال وحده من الشيـر وهي تحاول تتنفس ..


لانـه الصيـاح والمشـى السريع قطـع عليـها التنفس ..


بـكت بـ ألم عمرها مـا راح تبـكي شراتـه ..


بـكت على نفسـها .. بكت على الكلمـات القاتلـه اللي مب قادره تنسـاها


بكت على جرح أندمـى لـ سنين وأعوام ..


بكت على كل ألم وجرح كان محفور ومكـتـوم لـ سنين وشهور وسط صدرهـا


كانت هـ الفرصـه كفيـله بـأنها تخلـي روضـه تفرغ كـل اللي فـ خاطرها ..


حطت أيدها على جذع الشــيره وهي ترجـف من شده البكي والنحيب المؤلـم ..


وشـهقـاتها كل مالها وتزيـد ..


وحطــت أيدها الثـانيه بـ سرعه على فمهـا عسب تمنـع شهقـاتها من الانتـشار ..


.


وقـف بـ سرعه وهو يطـالعهـا جدامـه ..


حول عيونـه بـ سرعه قصوى على أيدهـا اللي فـ الجذع وترتجـف بـ شكل مخيف ..


ورفـع عيونـه بـ ألم وهو يطـالع جسمـها المتـهالك يرتجـف بـ قوه ..


وصوت شهقـاتها كـل مـاله ويزيـد ..


همـس بدون أحسـاس منـه وبـ همس غريب ومب طبيـعي : روضـه أنتي تصـ...., ( سكـت وهو توه بس ينتبـه للكـلمات اللي كان بـ يقولـها ..


لانـه اكيد انـه السبب الوحيـد اللي خلى روضـه تربع وتختفـي من جدامـه ..


انـها ما تبـاه يطـالع على دموعـها وألمـها وأنكسـارها وضعفـها القـاتل لـحد الاذبـه .. )


.


فـجأه رفـع أيده بـ تردد .. بس مسرع ما كان يبـا يردها مكأنها ..


ولـكن وفـجأه حس بـ شيء قوي يجتـاح كيـانه ..


وخلاه بـ سرعه يرفـع أيده ويـحطـها فـ جتف روضـه .. عسب يحسسـها بـ وجوده ..


كانت حركـته كفيـله بـ قتل روضـه فوق ماهي مقتولـه ..


كانت تحس انـه عزه نفسـها وكرامتـها اللي حافظة عليـها طول عمرها احين انهدمت والسبب هزاع ,,


بس كان شعور غريب يغلب على تفكيرها وعقلـها وهو انها تحس من لمسـه أيده حنان بـ عمرها ما لمسـته الا فـ خـالها و أبوهـا نـايف ,,


كانت تبـا تصرخ عليـه عسب يتركـها لكن اللي صدمـها وشل عقلـها من مكأنـه ..


وهي تحس بـ أيده اللي أنغرسـت وسط ذراعـها ..


ولفـها بـ قوه وارتمـت وسط حضـنه ..


حضـنها بـ اقوى مايملك عسب يخفف عليـها .. لانه يحس أنه هو السبب فـ اللي هي فيـه ..


بس روضـه وبـ المقـابل أول ما لفـها بـ سرعه رفعت يديـنها وهي تحضن ويـها وتغطيـه ..


مما خلاها تزيد من صوت صيـاحها وشهقـاتها .. حركته كانت كافيـه بـ قتلها لـ الصميم .. هو ذبـحها بـ كلماته واحين ياي يخلص عليـها بـ حنانـه ..


ماقدرت تتحمـل أكثر عن جيـه وصـاحت بـ صوت شوي مرتفـع ..


.


أول ما طالعها رفعت أيديـنها وحضنت ويـها وغطـته فـهم منها أنـها ماتبـاه يطالع على دموعها ..


بـ سررعه قصـوى منـه رفـع أيده وهو يحطـها على أخر رأس روضـه ودخلـها أكثر وسط حضـنه


عسب تختفـي ملامـح ويـها ..


( كـان قـاصد بـ هالحركـه على أنـه ارتـاحي ما راح اطـالع على دموعـج ) ..


أمـا عنـها أول ما هزاع رفع أيده وحطـها على رأسها وغرسـها وسط حضـنه وأختفـن ملامـح ويـها ..


بدت تبـكي بـ ألم عمره وفـ حياته كلـها ما سمع شرات هـ البكي المؤلم ..


وكـأنها وأخيـراً لقت الفرصـه اللي تحتريـها من زمان و تظهر كل اللي فـ داخلـها ..


( حـتى هزاع اللي هو هزاع القوي المغرور الشـامخ وكل صفات القوه فيـه


حس أنـه من صوت صيـاحها المؤلم راح يصيـح ويـاها .. ماقدر يتحمـل صوتها المؤلم اللي يذبـحه لـ الصميم .. )


( غمـض عيونـه وهو يـلوم عمره ويـقول فـ خاطره : يـاربيه بلاني ..


فـ عمريـه ماسويـتها ..وحضنت بنت ولا تعاطفـت ويـاها ..


واحين سويـتها ويـا منو ... ويـا بنت عميـه اللي أحبـ... )


( قـطع تفكيره وكأنه ما حب هـ الفكره ,, وهو يرد لـ بذاكرتـه لـ وراء ..


وقـتها كان شي قووي دفـعه يسوي هـ الحركـه ويحضـنها ,,.,,


.


.







.


.




.........: هيـه يـ الغالي خذ بـالك ....أفــا والله ......لاتقول جيـه أنـا واثق فيك أكثر مما واثق فـ نفسي ..




....لا بس أهم شيء تأخذ نسـخ من العقود واتفـاقيات التواقيـع اللي


وقعنـاها فـ ألمـانيـا .....هيــه ....خلاص عيـل ....صدقنـي ...يـا محمد


مـابيسـ....( سكت فـجـأه وهو يحس بـ عقلـه تشلل كليـاً ..فج عيونـه للأخر ..


مـا صدق عيونـه أكيد عيوني تجذب أكيــد ..معقولـه اللي جدامي حقيقـه مب خيـال ..


ومنــو ولديـه هزاع وحبيبـه قلبي روضـه ...


( بـ سرعه التفتت وجـنه مايبا يصدق اللي عيونـه طالعتـه ..


وهو يطـالع حمد ياي من بعيد يربـع .. جرب حذالـه عسب مايحس ولا يطـالع اللي هو طـالعه ...)


.


أبتسم أبتســامه صفراء شـاحبـه عسب يخفي الشكوك ..


وهو يسمـع حمد يقوول : عميــــه خلوَوَوَوَد ..


وحط حمد أيده على رقبـه عمـه وقـال : يلا تعال أونـه أبويـه يتريـاك داخـل ..


( التفـتت بو هزاع على الغـابـه وهو بـعده مب مصدق اللي عيونـه طالعتـه ..


فـاق من أفكـاره على صوت حمد وهو يقـول : عميـه خلوَد اسمنك تعيبني أحسك شبابي خخ ..


فجــأه رفع بو هزاع الفون اللي كان فـ أيده .. ونسى مكالمتـه المهمـه


واللي كان سبب فـ قطعها ولـده الغالـي وبنت أخوه اللي يحبـها ..


تمتم بـ همس : كله منهم حتى نسوني مكالمتي .. ( وتنهد بـ قوه ) ..


ام عن حمد فـ سمع كلمات عمـه بـس أستغرب منو يقصـد .,

 

[ღهمس المعانيღ]

حدروا الفلـه وهو مول مب فـوعيـه والسبب الاول والاخير اللي طـالعه ..!



.



.







.



.




كانت ولا تزال تعيـش بـدوامـه من الالـم ..



كانت تصيـح بـ ألم قـاتل .. وبـنحيـيب مؤلـم لـحد الموت ..



فجــأه وبدون سـابق أنذار .. فـاقت روضـه من النوبـه اللي كانت فيـها



وبـ حركه سريـعه ابتعدت عن حضـن هزاع .. وهي تربـع بـ أقوى ما تملك عسب تبتعد عن هـ المكان ..



شـقايل ما حست بـ الي استوى .. معقولـه كل هـ الشيء استوي وهي مب فـ وعيـها ..



كانت تربـع بدون أحســاس وفـجأه توقفت وهي تطـالع عمرهـا حذال الاسطبلات ..



نزلـت للارض وهي تعق عمرهـا من وقفـتها وتصيـح بـ ألم عمرها ماحست بـ شراته .. تحس بالالـم يقطع لـها قلبـها ..



حطـت أيدها فـ التراب وهي تحط فوقـها رأسـها وتسدحـت فـ الارض ..



قـالت بـ صوت مبحوح من الصيـاح : ليش يـادموعـي العنـاد ..



خلاص أوقفـي .. أنــا تعبت خلاص ..





( غمضـت عيونها وهي تحس أنـه الالـم اللي فـ صدرها كل مـاله ويكبـر ..)




اضحك مع الناس واخفي همًقتلني

همٍ بوسط العين بينومفضــــــــــــوح






اخفي دموعيبأبتسامه وكــــــــني *.*

كني سعيد بدنيتي بضحكومـــــــــــزوح






( تتذكر كيـف أنها تحاول تخفـي هموهـا بـ ابتسامتها وخبـالها الدائم و اللي يطـالعها يقول هاي أسعد بنت فـ هالدنيـا )




وانا اللي فيني هم وحزنٍسكـــــني *.*

لو سكن غيري من القهر ماتمذبــــوح






مشكلتي بهالدنيا محداًفهمنـــــــي*.*

كل ماوفيت لشخص زادني جــــــروح






( وهي تتذكر ربيعاتها اللي ماقصرت ويـاهن .. بس ردلها الجميـل بـ الخيـانه .. والطعن فـ شرفها ..)




مشكلتي بها الدنيا زمانيطعنــــي *.*

من احباب واصحاب كلن لهســــــروح






( تذكرت امهـا وأخوانها و كل شخص تعرفت عليـه لكن اللي كان يصدمـها كل اللي تحبـهم ويحبـهم قلبـها لازم يطعنونـها فـ الصميم )




كلن تلذذ في عذابيوتركنـــــــي *.*

اعاني جروحه ولا فادنيالنــــــــــــــــوح






بكتم جروح الزمن لو حتىقتلني *.*

واقول اجرح يازمن تفضلومسمــــــوح






اجرح وزيد في تعذيبكوطعنـــي*.*

وش فرقها مادام كل مابي صار مذبــــوح






( ابتسمت بـ ألم وهي تقول : كـل شي فيـه ماات .. لا قلب ولا روح .. !



أنا مجرد جسـد ميـت وبـ روح ميـته ..! )





قالت بـ همس : أنـا شو سوويت يـاربيه .. معقولـه هزاع طالعني وانا اصيـح



ااه هـ الشخص بـ الذات ماكنت أباه يطالع أنكسـاري ..



( غمضـت عيونها أكثر وكانها تبا تتطرد اللي قبل شوي استوى ) : ليتنـي ما قلتها ..



ليتني ماقلتـها .. ليتني ما قلت ولا فكرت بس مجرد تفكيـر فيـها



( ابتسمت بـ سخريـه وهي تقول ) : وهذا هو اللي كان فـ خاطرج يا روضـه تحقق ..



( تقصـد لما قالت ..



خاطرها تنش وتحضـنه بـ اقوى ماتملك وتقولته وربي أحبـك ) ..



.



شهقـت بـ قوه .. وهي ترفـع أيدها وتحوطـها على رأسها وأيدها الثانيـه فـ الارض و محطيـه رأسها عليـها ..



غطـت فـ سبات عميـق وهي تشهق ودموعـها لا زالت مرسومـه بـ ألم وسـط ملامح ويـها ..




.




.




اما عن هزاع فـ كانت صدمتـه ابداً ما تقل عن صدمـه روضـه ..



طـالع على مكأنـها وين ما كانت ... وقـال بـ ألم : احيـن بس تأكدت من اللي سويـته يا هزاع ..



( حط أيده على رأسـه وهو يغمض عيونـه ) : معقولـه يـا هزاع وصلتك لـ هالدرجـه ..



معقولـه وصلت لـ درجه انك حتى ماتحس بـ اللي تسواه ..



وربيـه ما حسيـت .. أصلآ هـالبنت فيـها شيء يغصب الواحد يتهور حتى لو مايبـا ..



حول عيونـه على أرجاء المكان وهو يدورها ويـقول : ويـنها أحيـن .. وين أختفـت ..



( تـحرك بـ هدوء وهو متوجـه على الفلـه .. وقف حذال باب الفلـه



وهو يحط أيــده على صدره محاولاتـاً فـ ضبط دقات قلبـه السريـعه )



همس بـ هدوء : بلاني ... ( وبـ صدمـه ) : دقات قلبيـه كل مالها وتزيـد ..!



( فــجأه عقد حيـاته وهو يتحسس بـ شيء رطب على جاكيـته ..)



ابتسم بـ هدوء وهو متأكد انهن دموع روضـه لما كان حاضـنها ..



( زادت ابتسـامته الغريبـه اللي منرسمـه وسط شفتيـه بـ أتقـان خيـالي ) : أتــمنى أنــج بخيـر ..



.



حدر الفلـه بـ هدوء وهو يطـالع الكل كان موجود فـ الصـاله المفتوحـه ..



حدر بـ هدوء وقـعد على الغنفـه وهو بـاله سـارح كليـاً من هـ الوجود ..



التفـت بـ سرعه وهو يحس بـ أيد تنحط بـ خفه على جتفـه ..



ابتسم بـ هدوء وهو يسمـع أهتمـام سيـف فيـه : بلاك هزاع .. الرب مـاشر ..!



( حرك رأسـه بـ النفي وقـال بـ هدوء غريب جداً ) : سلامتـك يـا الغالي بس شوي سرحت ..!



( ولـف ويـه الجهه الثـانيـه وهو تلتـقي عيـنه بـ عين أبووه ,,



كـان يـطالع عليـه بـ نظرات فتـاكه .. وكلـها حقـد .. ) ..



.



عقــد حيـاته وهو مستغرب من نظرات أبووه وقـال فـ خاطره : هذا بلاه جيـه يطـالع عليـه ..



مـا عار نظرات أبووه أي أهتمـام ورد بـ يسرح فـ عالم روضـه المؤلـم وبـ شكل فظيـع : مب مصدق لـحد أحيـن أي شي من اللي استوى ..



معقولـه روضـه الواثقـه الشـامخه .. راعيـة كل هـ الغرور تكون بـ هالقلب الحسـاس ..



معقولـه أنـها من جمن كلمـه مني هن اللي كانً سببب فـ نزول دموعـها ..



واللي عمرهن ما نزلـن جدام أحد ..



ولا لانـه يمكن تكون رمسـتيه أثرت فيـها .. وحست بـ الذنب ..



لا مستحيـل أنـا واثق فـ روضـه أكثر مما واثق فـ نفسي ..



لو كل هـ العالم يغلط مستحيـل روضـه تغلط .. هالبنت أحسـه فيـها شي قوي يمنـعها تسوي الغلط شرات غيـرها ..



اصلاً نظرتها تخوف بلاد .. مستحيـل تجرب صوب الغلط مسـتحيل ..



وبعدين روضـه مب محتـايه لـ أي شاب فـ هالدنيـا عسب يحسسها



بالحب والامـان ولا يزيد من ثقتها فـ نفسـها ..



انزين ياربيـه اذا ما ترمس شباب منو هـا نـايف ..



أووه انا ما أروم أحكم عليـها بدون ما اتأكد بـ نفسي ..



اصلا هي كافيـه خيـرها وشرهـا من هـ الدنيـا .. وعايشـه بروحـها فـ عالم منعزل عن الكل ..



انزين يمكن أنـا احاول اقص على عمري وأتغاضـى



عن أغلاطـها لانـه وبـ كل سهولـه أنـا أحبـ .... ( بسرعه التفـت وكـأنه مايبا يفكر فـ هـالفكره ..



والتقت عيـونه بـ عيون أبووه واستغرب وبـ شده من نظرات أبووه ..



عاد لـه سـاعه يطالع عليـه بـ نظرات كلها حقـد ..



مـا عطـى ابوه سـالفه لانـه متأكد انه ابوه طالع على أولاد أعمامه وهم يحركون أشغال أبهاتهم ..



واحيـن معصـب عليـه شرات كل مره ليش هو مايمسك لـه شغلـه بدال الغريب ..



حرك رأسـه على جهـت البـاب وهو يـقول : يـاربيـه وين روضـه ..



معقولـه تكون روضـه كرهتنـي لاني كنت عثره فـ طريـج عزه نفسـها ..



وشفت لـها دموعـها .. لا مستحيـل ..



آه ياربيـه .. عسى بس تكون بـ خير وفـ عافيـه ..



دخيـلج يا روضـه لا يستوي فـيج شيء ..



( التفت على جهه سيـف وهو يبـا بس يتوقف عن هالتفكيـر فـ روضـه ..



يبا عقلـه ينسـاها ولو مده ثواني بس .. بس عقلـه كان اعند عـنه ولو لثـانيه ماترك التفكير فـ روضه) ..



رفع عيونـه وهو ويطـالع أبوه يقول لـ عمه بو سـالم : أخويـه أحمد بغيتك فـ سالفه ..



بو سـالم وهو يجرب رأسـه من بو هزاع : يالغالي اذا سـالفه خـاصه خلنا نحدر داخل الميلس يكون أحسـن ..



بو هزاع : لا يـالغالي احسن خلنا هني أبـا الكل يسمـع ,,



( والتفت على هزاع وهو يطــالع عليـه بـ حقد غريـب ..) ..



حس هزاع بـ نرفزه من نظرات أبووه ..



نش بسـرعه وهو متوجـه لـ برع ..يبا يسبر يشم هواء بدال هـ النظرات ..



بس فجــأه حس بـأنه ريولـه تشللن مكأنهن ..



من اللي سمـعه ..



لا يـا ابوويـه دخيـلك لا تحطمـني لاااااا ....!






.
كانً يزوي وحمدوه قـاعدات حذال الدري ونقاشهن كـل ماله ويحتد ..
يزوي : أنزيــن يـاربيـه وينها ,, اختفت فــجأه .. أحين بنكمل ساعتيـن ندور عليـها ..
حمدوه : ياربيـه أذن بـ المغرب أسمعي وهي بعدها ما ظهرت ..
فـجأه همست يزوي بـ صدمه وهي تقول لـ حمدوه : شــت حمدوه أسمعي أسمعي شو يقولون ..
( طـالعن على بعض بـ صدمـه من اللي سمعنـه ..)
.
سيـف .. عبـدالبـاسط .. حمد .. محمد .. عبدالله .. منصـور .. كـلهم بـ صدمـه
وصـاحب الشـأن اللي هو هزاع مصدوم أكثـر عنهم ..!
.
نشوا الشيوبـه والشبـاب وهم متوجهيـن للمسـيد عسب يصلـون صلاه المغرب ,,
ولا زالت روضـه مفقوده عند أحبـابـها ..
مر الوقــت بسـرعه .. ونزل الظلام بـ عتمـته وهو يكسو ويغطـي النور المنبعث ..
ويكسـو القلوب بـ ظلمـته فوق ماهي تحس بـ الآلم والجروح ..!
حدروا الشبـاب والشيوبـه بسرعه داخل الفلـه لانـه البرد بـ هالوقت بـ الذات يزداد اكثر ..
حدروا وكان أخر واحد فيـهم هو هزاع اللي بـ ذاته وقف حذال الباب وهو يلتفت و عيونـه تدور حول المزرعـه .. اللي ظل واقف وما حدر ..
همس بـ هدوء : ويـنج يـاروضـه .. وربي مب قـاصد .. انا اللي وصلتج لـ هالمواصيـل
عيل لو تدرين بـ اللي توه صـار .. شو بتقوليـن .. اه ياروضـه ردي ..
كـافي وربي كـافي .. ردي ولاتقطعيـن قلبي .. فوق ما هو مقطـع عليـج ..
.
أول ماحدرو الشبـاب بسرعه توجـه منصور على الصـاله الجـانبيـه ومحد كان فيـها مول ..
مما خلاه يتوجـه عليـها .. لانه كان بـ هالوقت يطلب الراحـه والسكيـنه والهدوء ..
قـعد على الغنفـه وهو يرد رأسـه على وراء ..
وقـال فـ خاطره : يـاربيـه وينـها هـ البنت .. وين أختفتت ..
ياربيـه عسـى القـاها قبل لا احد يحس بغيبـتها ..
( رفع رأسـه وهو يطـالع جدامـه " يزوي وحمدوه " .. ) ..
همست يزوي : منصور شو نسوي .. مرن ساعتيـن وروضـه لحد أحيـن ما ردت ..
حمدوه بـ خوف على تؤامهن : منصور دخيلك أنـا بموت من الخوف عليـها ..
لايكون استوى فيـها شيء ..
منصور وهو يطالع على حمد ومحمد : لا ان شاء الله مافيها الا الخيـر ..
بس دخيلكن ما ابا حد يعرف بـ هالسـالفه موول.. غيرنا نحن الثلاثـه ..
هاه أحذرن توصـل لـ أخوانها ..
وحاولن تتكتمن على الموضوع لحد ما نلقـاها ..
( يزوي وحمدوه لما طالعن انه روضـه طولت وما ناويـه ترد ..
سارن وقالن لـ منصور عن السـالفـه لانهن يدرن فيـه وايد جريب من روضـه )
.
التفت محمد وهو يطـالع حمده ويزوي يرمسـن منصور وشكلـه بينهم
سـالفه حـاره ..
كان بـ رأسه تدور ملاين الافكـار .. : شو وياهم ..وليش اليـازيه وحمده ويـا منصور ..
وصـح وين روضـه عنهن ..
( التفت وهو يطالع على حمد اللي حذاله وقـال بـ همس ) : وين روضـه ..
حمد بـ خباله المعتاد : أكيـد تلقـاها راقده ..
رد محمد يسرح وهو يقول : معقولـه تكون سـالفتهم عن روضـه ..
وحمد اللي بعده يسولف ومحد يسمع لـه : وكأنك غريب عن طبايع اختك
لازم فـ الشتاء ترقد اربـعه وعشرين سـاعه ..
أنـا ابا افهم شقـايل عاشت فـ فرنسـا وهي كلها ثلوج .. أكيد أنها كانت مول ماتنش .. كلـه راقـده ..
حول محمد عيونـه وهو يطـالع على حمد وقـاله بـ عصبيـه : بس اســــــكـــت ..!
.
.
.
.
نش منصور وهو يرد على اللي داق عليـه وبسرعه ظهر برع الفلـه ..
.
.
.
.
كانت بـ هالوقـت ضـامه الجـاكيت على جسمـها وهي تبتسـم بـ ونـاسه ..
تتذكر كل شيء .. تتذكر كلمـاتها .. تحس بـ راحه عمرها ما حست فيـها ..
طـالعت على الفلـه اللي حذالهم و قـالت : اااااه مستـناسـه واايد ..
.
فـجأه اختفن ملامـح الونـاسه من ويـها وظهرن ملامح الجمود ..
بسرعه جربت من الشبـك وهي تطـالع المزرعه اللي حذالهم ..
بسرعه حطت أيدها على الشبك وهي تطـالع على شخص مرمـي فـ الارض ..
فـجت عيونها للاخر وهي توها بس تتأكد من شخصيـه هالشخص ..
بسرعه مدت نظرها لشبك وهي تدور على باب ولا فتـحه عسب تحدر ..
مشت ومشت تدور على فتحـه بس ماشي ..
بس وفجــأه حست بـ شعور غريب وهي تطـالع فتـحه كبيره على الشبك ..
وكـأنها مفتوحـه عن قصـد .. مافكرت وايد فـ السالفه ولا عطتها اهتمام
ولا منو يكون اللي فتح هـ الفتحـه ..
بسرعه نفذت من الفتـحه وهي تربـع على جـهه البنت ..
بسرعه حطت ركبـها على الارض وهي تمد أيدها وتتحس ويـه روضـه ..
قالت بـ همس : روضـــه ..
[ ماسمعت رد مما زاد من توترهـا .. ] .
همست بـ صوت اعلى : روضــه .. روضــه دخيلـج نشي روضـه نشي ..
كانت روضـه تسمع صوت وتحس أنها فـ حلم.. فجـأه حست بـ الخوف يغزوهـا وقالت بـ سرعه : لا مستحيـل .. هذا صوتـه هو بس ..أنـا متــأكده .. هذا صوت الفيصـل ..
بسرعه فجــت عيونـها برعب وهي تطـالع على ميره ..
تنفست الصعداء وهي تطالع انها ميـره ..
( وردت تغمض عيونـها لانها تحس بـ صداع غريب ) ..
ميـره خافت من حركـتها وبـ سرعه مدت أيدها وهي تحرك روضـه من جتفـها : روضـــه تسمعيني روضــه انتي بخيـر ...روضـه ردي ..
فجت روضـه عيونها ببطئ شديد وهي تبتسم بـ هدوء وصوت متقـطع ومبحوح : هـ..ـ..ـلا مـ.ـ...ـيـ..ـره ..
استغربـت ميره وبـ شده من صوت روضـه ومن تواجدهـا بـ هالمكان ..!
معقولـه يكون شيء استوى فيـها ..
ميره بـخوف عليـها : روضـه انتتي شـس وصلـج لـ هني ,, هاه ..!
وليـش راقده فـ هالمكان .. ( وهي تتجول عيونـها حوول الاسطبلات .. ) ..
نشت روضـه من تسديحتها وهي تتكي على الحائط مال الاسطبـل
واستغربت وبـ شده انها متواجده فـ هالمكان بـ الذات ..
ميـره وبـ استفسـار : روضـه انتي متـ ... ( قطـع عليـها صوت من وراءهـا .. ) ..
حست روضـه بـ انه قلبـها طاح فـ الارض من الزيـغه ..
وبـ سرعه التفتت على وراء ..
أول ما طالعت النظره اللي فـ عيونـه حست و لـ فتره انـها مخوفـه الكل عليـها ولا همهـا أحد ..
حســت بلوم قووي .. وأنها أنانيـه وماتفكر الا فـ عمرهـا ..!
بس اللي ما استغربـته ابداً وكانت متوقـعته ..
لما نزل على ركبـه وهو يحضـن ويـه روضـه بـ ايدينه ويقول بـ خوف : روضـه قلبي انتي بخير ..
حرام عليج وربي كنت بـموت من الخوف عليـج ..( نزل يدينـه وهو يحطهن على جتوفـها ) ..
دخيـلج لا تعيدينـها .. ( وحضـنها بـ قوووه ..)
كان خايف انه يفقدها لانه حس وجرب هالشعور لما روضـه كانت زعلانه عليـه ..
اامـا عن ميـره فـ كانت بـ صدمـه .. بسرعه ابتعدت لـ مسـافه كافيـه وهي تطالع على منصـور و روضـه ..
استغربت وبـ شده من رمسـته وحبه لـها .. حتى لـ فتره شكت انه يكون أخوها
بس بسرعه استبعدت هـ الشعور ..
.
اما عن روضـه فـ كانت بين نارين .. كانت متلومـه فـ منصور ..
والنار الثـانيـه متزيـغه انه يطالع ميره ويســألها منو هاي ..
صح انها تروم تقولـه ربيعتي بس شبـح الفيصـل كان مخوفـها
وخلاها تنسـى اي جذبـه تقدر تقولـها لهم ..
ومع انها عادي موقفـها ما يخوف .. لانها اللي قاعده ويـها بنت مب ولد ..
بس فكره الفيصـل فـ الموضوع هي اللي خوفـتها زود ..
.
بـعدهـا عن حضـنه وهو يقولـها : ليش انتي هني هاه ..
مب حرام عليج طيحتي قلوبنـا انا وخواتج ..
( رفع ايده بسرعه وهو يحطـها على جبين روضـه ويتحسسه ..كان متزيغ لاتكون روضـه مريضـه ..
لانه هـ الجو غصب يخلي الواحد يمرض ) ..
ابتسم بـ راحه وهو يقول : روضــه ..مابتصدقيـن اللي بـ قولج اياه ..
تخيــلي ( وبـ صدمـه ) : هزاع خــ...
.
.
.

 

[ღهمس المعانيღ]

آلبـآرت { 23 }

أول ما طالعت النظره اللي فـ عيونـه حست و لـ فتره انـها مخوفـه الكل عليـها ولا همهـا أحد ..


حســت بلوم قووي .. وأنها أنانيـه وماتفكر الا فـ عمرهـا ..!


بس اللي ما استغربـته ابداً وكانت متوقـعته ..


لما نزل على ركبـه وهو يحضـن ويـه روضـه بـ ايدينه ويقول بـ خوف : روضـه قلبي انتي بخير ..


حرام عليج وربي كنت بـموت من الخوف عليـج ..( نزل يدينـه وهو يحطهن على جتوفـها ) ..


دخيـلج لا تعيدينـها .. ( وحضـنها بـ قوووه ..)


كان خايف انه يفقدها لانه حس وجرب هالشعور لما روضـه كانت زعلانه عليـه ..


اامـا عن ميـره فـ كانت بـ صدمـه .. بسرعه ابتعدت لـ مسـافه كافيـه وهي تطالع على منصـور و روضـه ..


استغربت وبـ شده من رمسـته وحبه لـها .. حتى لـ فتره شكت انه يكون أخوها


بس بسرعه استبعدت هـ الشعور ..


.


اما عن روضـه فـ كانت بين نارين .. كانت متلومـه فـ منصور ..


والنار الثـانيـه متزيـغه انه يطالع ميره ويســألها منو هاي ..


صح انها تروم تقولـه ربيعتي بس شبـح الفيصـل كان مخوفـها


وخلاها تنسـى اي جذبـه تقدر تقولـها لهم ..


ومع انها عادي موقفـها ما يخوف .. لانها اللي قاعده ويـها بنت مب ولد ..


بس فكره الفيصـل فـ الموضوع هي اللي خوفـتها زود ..


.


بـعدهـا عن حضـنه وهو يقولـها : ليش انتي هني هاه ..


مب حرام عليج طيحتي قلوبنـا انا وخواتج ..


( رفع ايده بسرعه وهو يحطـها على جبين روضـه ويتحسسه ..كان متزيغ لاتكون روضـه مريضـه ..


لانه هـ الجو غصب يخلي الواحد يمرض ) ..


ابتسم بـ راحه وهو يقول : روضــه ..مابتصدقيـن اللي بـ قولج اياه ..


تخيــلي ( وبـ صدمـه ) : هزاعخطبــج ...!


رفعت عيونـها بـ سرعه وهي تطالع على عيون منصـور ..


لا مستحيـل .. أكيد انه متلوم يوم حضني ويبا يخفف من لومه وقال احسن أخطبـها ..


ابتسم منصور وهو يقول : مصدومـه صح ..حتى نحن انصدمنـا ..


لانه متعودين محد يروم يجرب من روضـه وانتي ماشاء الله كل شباب العيلـه أخوانج ..


بس هزاع النذل سواها خيـانه وخطبـج ..


( فــجت ميـره عيونها بـ صدمه من اللي تسمـعه .. روضـه انخطبــت ) ..


فـجأه منصور رفع رأسـه وهو يطـالع حذالهم بنت واقفـه ,,


فـج عيونـه للاخر .. وبدا يتنفس بـ صوت مسموع ..


مب مصدق عيونـه .. وفـ بـاله بس فكره وحده ..كانت تتردد بـ ذهنه ..




[ الميـت ما يـحيـا ]


[ الميـت ما يـحيـا ]


[ الميـت ما يـحيـا ]


[ الميـت ما يـحيـا ]


حس بـ انه كل جوارحـه تخدرت : .. هي يـاربيـه هي .. معقوله ما تكون ميته


لا مستحيـل أنا بعيونـيه شفتها و متأكد انها ميته ..


شرات الشكـل شرات العيون .. معقولـه تكون هي ..


.


نزلت ميره عيونـها وهي تطالع على اللي جدامها قطعها من النظرات ..


حست بـ الخجل يكسوها ..


بسرعه نزلت رأسها اكثر مما هو منزل .. وهي تحس بـ دقات قلبـها


بدت تعلى .. اللي جدامها اقل ما يمكن يقال عنـه .. أنـه ملاك ..


عيونـه السود الوسـاع .. وبـشرته البيضـه اللي جنها بشره اطفـال


وشعره المدرج اللي منسدل بـ ارتياحيـه حول عنقـه الطويـل


واللي يستجيب لـ حركه الهواء ويتحرك ويـاه بـ نعومـه فاقه حول ملامح ويـه


الذبوحيـه..


كان أقل مايمكن انها تطلق عليـه أنــه ملاك نازل فـ الارض ..


بسرعه قـالت وهي تبا تشرد من نظرات منصور اللي قطعتها : روضـه أنـا بسير .. وبدق عليج عقب اوكي ..


.


مشـت بـ كل هدوء وهي تظهر من الفتحـه .. واللي روضـه كانت محطيـه


عيونها عليـها وبسرعه تحولها لـ منصور خوف لا يكشف شيء ويسألها منو


ها اللي فتح هـ الفتحه الكبيره فـ الشبك بس منصور كان فـ عالم مايدريبـه غير الله وحده ...!


.


غمض منصور عيونـه وهو يقول فـ خاطره : هي ياربيه هي .. حتى الصوت هوو ..


شرات صوتـها وشرات الشكل وشرات العيون البنيه على الخضره ..


معقولـه هي اللي كانت جداميـه ..!


لا مستحيـل هي ميـته .. الخـاينه ميــته .. وتستاهل موتها تستاهل ..


.


استغربت روضـه وبـ شده من هدوء ونظرات منصـور ..


حطـت ايدها على جتفـه وهي تقول : منصور .. منصـور ..وينك ..!


التفت منصور وهو فـ عيونه نظره مؤلـمه .. أول ماطالعتها روضـه قدرت تفهمهـا


لانها وبـ كل سهوله ياما شافتها وسط عيونها ..


روضـه وهي تبتسـم وتحاول تخفي ألمها عنـه : بلاك تطـالع على هـ الجهه ..


( ابتسمت بـ هدوء وكانت نظره الالـم بعدها متواجده بمحيـاها ) : البنت خلاص سارت ..


طالع عليـها منصور بنظرات مشتته .. وكأنه ما يعرف خلاص وين الله حطـه ..


ابتسمت روضـه اكثر وهي تقول : حبيتــها ...! ( تقصد ميـره ) ..


ضحك منصور بـ ألم وقـال بـ سرعه : لا ماتوصـل لـ هالسرعه ..


بس ذكرتني بـ شخص ..


عقدت روضـه حياتها وهي مستغربه من رمسـته وقالت بـ سرعه : اذا ما حبيتها عيل ليش طالعت عليـها بـ هاك النظره ..


ما ادري ليش بس حسيتها نظره حـب !


التفت منصور وهو يطالع عليـها وقـال : صدقتـي .. بس مب حب يا روضـه مب حب ..


هـ البنت اللي كانت جدامنا يـاروضـه .. كانت نسـخه من حبيبتي السـابقه ..


أو اقل ما يمكن اني اقولـه .. حبيبتي الخـاينه ..


( فجــت عيونها للاخر وهي تسمعه يقول قصـته ...


معقولـه شخصيـن يأخذون مساحه مهمـه من حيـاتها تكون نهايتهم شرات النهـايه .. الخــيانه .. واللي كانوا هم { منصور و الفيصـــل } ... )


روضـه بـ نظره غريبه : خـاينه ..!


منصور بـ ألم : هيه خـاينه .. تخيـلي يـاروضـه ..


لحظتي اكتشافي لـ خياانتها لي .. بس ثواني ياروضـه ثواني بس مرت ..


وماتت جدام عيونيـه .. ( غمض عيونـه بـ ألم يكره هـ الذكر بـ قووه ) ..


تخيـلي اكتشف خيانتها وماتت فـ نفس هـ اللحظـه ..


وحتى ماقدرت اعاتبـها .. ولا أسالها ليش سوت جيـه ..


هـ الشيء ياروضـه ذبحني اني حتى ماقدرت اعاتبـها ولا اسـألها ليش هي خانتني ..


روضـه بـ صدمـه قوويـه : ماتت ....!


منصور بألم : هيه ..


(سكت منصور لانه يكره هـ الذكرى ) ..


بس قطع عليه صوت روضه وهي تقول : منصور عسب جيه


انت ماشي بنت مب مرمسنها ..؟!


ضحك منصور بألم وقال : شقايل عرفتي ..؟!


روضه وهي منزله راسها للارض : منصور لا تتحراني ما اعرف عنك شي ..




أحين فهمت ليش شو قصدك من ترميس البنات ..
تبا تنتقم من كل بنت ..!
( وبخوف ملحوظه) : منصور دخيلك لا تسوى هـ الحركه ..
(رفع راسه وهو مستغرب من حركه روضه .. وفخاطره يقول بلاها هاي جيه تزيغت ..! )
وبشك قال : روضه ليش كل هـ الخوف ..!!؟
( حست روضه على عمرها وهي تقول ) : لا مب خوف ..
بس يا منصور بهالحركه راح تظلم بنات واايد مالهن ذنب ...
( وهي تتذكر حركات الفيصـل وتقول ) : ( محد حاس فيهن غيريه انا )
وقالت بصوت مسموع : منصور لا تكون شرات غيرك ما عنده احساس ..!!
( حول عيونه عليها وهو مايدري ليش حاس انه روضه وراها شي
بس ماتبا تقوله .. )
منصور بألم وصوت الانتقام واضح فـ نبره صوته : أنـــا ماغصبتهن ..
هن اللي ينـي .. وهالاشكـال بايعه عمرها وتستاهل اكثر من جيه ..
( غمضت عيونها وهي تتذكـر حركات الفيصـل ونغزاته لها .. على
انها وحده من هـ البنات اللي بايعات عمارهن )
نشت من ذكرياتها على صوت منصور وهو يسحبها من ايدها
وابتسامته الخبال منرسمه فـ محياه : يلا نحـدر ..
( ابتسمت وهي تقول ) : هاي مشكلتك تحاول تخفـي اللي فـ قلبك
بأبتسامه ..
مشى على صوب الفله وهو يقولها : شو اسوي ظاهر على بنت خالتيـه
وختيه خخخ ..
( ضحكت روضه على حركاته .. مع بعض الاضطراب اللي تحس فيه
ماتدري ليش كانت تحس بالخوف .. وماتبا تحدر الفله ..
( فج منصور باب الفله ودخلها داخل الفله .. )
أول ما حدروا التقت عيونه السود الوساع الشامخه بعيونها الناعسه ..
بسرعه نزلت عيونها وهي تتطالع هزاع جدامها والشباب متيمعين عليه
لف سيف وهو يقول : أووووه واخيراظهرتي تحريناج ميته ..!
عبدالباسط : رواضي والله واستويتي حرمه .. منو قدج ( وغمزلها ) ..
(كان الكل يلمح لها عن الخطبه ) بس اللي محد لاحظه ان عيون روضه
كانت على عيون هزاع ..
(كانت تحس انها بتموت من المستحى .. لانه حركه هزاع اللي سواها
فيها مب شوي .. ولا طالعها وهي تصيح ..)
بدون احساس تركت المكان وهي تربع صوب الدري عسب
تختفي عن انظارهم ..
( بدو الشباب يصفرون وانواع حركات الهبال على هزاع وروضه )
وعبدالباسط يضرب هزاع على جتفه ويتمصخر عليه ..
وسيف يهز هزاع ..
أما عن هزاع كان ثابت بـ مكانه حتى ما تحرك كان بيموت والسبب
نظراتها .. حس بشعور غريب والسبب نظراتها ..
ومحد قدر يفهم نظرتها المؤلمـه غيره هو ..
وفـ خاطره يقول : انا السبب .. آآه ياروضه وربي ما كان قصدي
بس انتي تغصبين الواحد يتهور .. ادري اني ورطج لكن وربي مب قاصد
( غمض عيونه وهو يترك الشباب مكانهم .. اول ما تركهم مكانهم انصدموا
منه .. كان يمشي وهو مول مب فـ الدنيا ..)
مشى لحد ما ظهر برع الفلـه ..
.
.
اما عن روضه فـ كانت فوق الدري تتطالع عليهم .. وطالعت لما هزاع
كان مكانه ولا تحرك .. كأنه كان جسد بلا روح ..
( غمضت عيونها بألم وهي تقول : لازم ابعد عنك يا هزاع .. لاني
بمجرد اقترابي من شخص اسبب له المشاكل .. ( نزلت دمعتها )
وهي تقول : لازم ارفض قلبك يا هزاع لازم .. مابا اسبب لك المشاكل
يكفي المشاكل اللي سببتها للي حبيتهم .. وانت يا هزاع ..
صدقني دايم راح تكون وسط قلبيه .. لاني بحياتي ما راح اقابل
شراتك وانا متأكده اني ما راح اقابل ...
الكل كان يتمنى يطالع دموعيه كأنه شي غير عنهم مب جنه دموعي
شرات دموعهم .. لكن انت الوحيد يا هزاع اللي ما رضيت تتطالع على دموعي
حتى وانا بحضنك ما سمحت لك نفسك تتطالع على دموعيه ..
( وهي تتذكر لما دخل راسها وسط حضنه واختفن ملامحها ) .. :
آآآه يا هزاع بحياتيه ما راح اقابل شرات قلبك .. ( مسحت دموعها وهي
تسير جناحها ) ..
اول ما حدرت لقت البنات قاعدات بالصاله ..
صرخت حمدوه : اييييييه وين كنتي ..!!
ونشت هي ويزوي وسارن حذال روضه .. وحضننها بقووه وهن يقولن :
روضه بلاج ..! ( كانت ما تتحرك من مكانها ) كانت جامده .. حركت عمرها
ببطئ وهي ترد على وراء ..
يزوي والصدمه ظاهره فـ ويها : سمعتي شو استوى ..!!!
حمدوه ويزوي بصوت واحد : هـــزاع خطبــج ..!!
سارت روضه حذال الغنفـه وهي تقعد وفكـرها مول مب وياهن ..
يزوي بلعانه : والله وظهرت يا هزاع تحب روضه وانا اقول انه نظراته لج
مب طبيعيه ..
حمدوه وهي تضحك : هههههه اقولج هذا وهو اول سنه يلتقون فيها
وجيه بسرعه خطبها لا طيـر .. عيل لو عايش وياها ..
( صرخت يزوي : جاان اغـ ..... )
صرخت حمدوه وهي تسكت يزوي و تقول : جـــب ولا كلمه .. انتي
وهـ الافكار الغبيه .. ( نشت روضه بهدوئها المعتاد وهي متوجهه
لحجرتها وعقبها سارت حذال البلكونه ، وظهرت عسب تشم هواء نظيف ..
قعدت على حافه اليدار وهي تتطالع على الفراغ اللي جدامها ..
حولت نظرها للجهه الثانيه وهي تتطالع بلا مبألاه ..
لكن فـجأه حست بأنه قلبها وقف وهي تتطالعه واقف بروحه ..
( كان قاعد حذال غابه الاشجار يعني وين ما كانوا قبل .. لكن
كان برع .. يعني اللي فوق يقدر يطالعه )
همست بألم : هزاع وربي مب قصــدي .. متأكده اني سببت لك الالم
لكن لازم هـ الشي يستوي انا مب ملك نفسـي احين .. مستحيل
الفيصـل يودرني بحـاليه .. ( اول ما قالت الفيصـل تنهدت بقوه وهي تقول ) :
آآآه يا الفيصـل انت بروحك مصدر عذاب بالنسبه لـي ..!
تعذيبك اللي كل يوم يزيد .. وكأني انا اللي كنت سبب فـ خيانه مريم لك
نزلت من اليدار وهي متوجهه للصاله .. ولقت البنات بعدهن على قعدتهن
همست على غيـر عادتها : احيــن بيي ..
ظهرت من الجناح وهي تاركه البنات فـ قمه اندهاشهن وسارت حذال
الدري عسب تنزل .. لكن وقفت وهي تنزل راسها عسب تتطالع اذا
فيه احد تحت ..
وسمعت ان الدنيا هدوء .
نزلت بسرعه وهي تتطالع انه محد مول فالصالات ..
اكيد انهم كلهم ساروا يرقدون .. بسرعه توجهت ع باب الفله وهي
تظهر من الباب وتتوجه لـ مكان هزاع .. وصلت لحد مكانه
بس ما لقتـه ..!
( أستغربت وبشده من جراءتها .. بس كان شي قوي يدفعـها تسوي هـ الحركـه ولا تتردد ..! )
حدرت داخل الغابه الكثيفـه وهي تتطالع يمين وشمال بس محد ..!!
( تنهدت وهي تقول ) : اووف وينـه ..!
( سمعت صوت من وراها ) : منو تدورين ..؟!
( حست بالقشعريره مجرد ان صوته وصل لـ مسمعها .. )
لفت بسرعه وهي تقابله ويه بويه .. نزلت عيونها وهي تقول : كنـت ...
(سكتت .. ولكن شجعت عمرها وعقب قالت ) : ادورك ..
ابتسم هزاع لمجرد ان كونها كانت تدوره .. وقال بصوته العذب ذو البحه
القويه : آمـري .. شي فـ خاطرج ..؟
( كانت تحس انها بتموت من المستحى مب شوي اللي صار بينهم
ولا اللي زاد مستحاها كل ماتذكرت انها صاحت جدامه ..
لكن وفجـأه بعد ماسمعت صوته العذب حست ان كل اللي فـ بالها
تبخـــــر ...!
( ليـش ياربيه لـ هالدرجه احسني اتلخبط من اسمع صوته .. )
رفعت راسها وهي تقول بأندفاع : هزاع مايسـ ... ( قطع عليها وهو يقول بهدوء ) :
روضه انا شراتج منصدم .. مب متوقع اي شي من اللي صـار ..
وعلى فـكره انا ما خطبتج لكن الظاهر ابويه طالعنا انا وانتي يوم .. ( وسكت ) ..
( حست بـ الصدمـه تجتاح كيـانها .. [ هزاع ما خطيـني ] ..
ولا وويت شو قاعد يقول أبووه طالعنا وعلى هـاك الحـال ..
خسـت بالخجل يغزوها ولفت راسها بسرعه صوب الاشجار من مجرد تذكرها
للموقف .. )
ضحك هزاع بصوت مسموع وهو يطالعها يوم لفت راسها وحمرت ..
ولا ارادياً قال : فديتــج ... !!
( من سمعت له ضحكته حست انها بتموت .. بتسيح فـ الارض
ولكن فجـآه حست بكلمه ثانيـه تنخرلها اذونها ..
[ فديتــج ] [ فديتــج ]
[ فديتــج ] [ فديتــج ]
( حست بالصدمه تشلـلها كل جسمهـا .. وبسرعه طالعت على عيونه وهي مصدومـه .! )
ابتسم ابتسامه خبال وهو ينزل راسه وهو يطالع نظرات روضه ..
( فهم انها مصدومه من الكلمه ) .. وفخاطره يقول : شــــت انا شو قلت
حسبي الله ع بليسج يا روضه انج خبلـتي فيـه ..!!
( حاول يتفادا الموقف وهو يقول ) : يعني يا روضه اللي اقصده
لا تفهمين غلط .. انا ما خطبتج .. ابويه هو اللي خطبج لي .. لانه
شك لما طالعنا ويا بعض ..
فـ حب ان السالفه ماتكبر بينـا .. وطبعـاً ها تفكيـره ..!
( روضه فخاطرها بعدها مصدومه من الكلمه وتقول : ليش يا هزاع
تصعبها اكثـر عليه ليـش .. وربي حرام عليـك ..

 

[ღهمس المعانيღ]

قالت بصوت مسموع : يعنـي عميـه طالعنـا يوم ........
( سكتت لانها تستحي تكملهـا ) ..
هزاع بـ ذكاء : حركاته تفسـر هـ الشي .. والصواب الوحيد يقول
انه طالعنا .. لو مابيسوي هـ الحـركه ..
روضه بـ خيبه أمل : يعني انت ما خطبتنـي ..؟
هزاع وهو يبتسم وما انتبه لنبره الخيبه اللي فـ صوت روضه : لا ما خطبتج ..
وبأمكانج ترفضين صدقينـي عادي ويايه ..
( سكت وعقب قال بهدوء وبهمس ) : مابا اغصبج على شي انتي ما تبينه ..
( كان يتوقع ان روضه ماتباه .. بس روضه كانت تحس بشعور غريب
وجنها بدت تميل لـ هزاع .. بس مسرع ما استبعدت هـ الفكـره وهي
تقول : حتـى انا ما ابا اغصبك على شي انت ما تباه
( وبأحساس صادق ) : انت يا هزاع ريال كل بنت تتمناه
وحركتك ويايه ان دلت على شئ بتدل على طيبـه قلبك ..
( سكتت وهي تتذكر وعقب قالت ) : انت الوحيد يا هزاع اللي ييت غير
عن الكل .. الفرصه ياتك لحد مكأنك ورفضتها ..
الكل كان خاطره يطالع روضه ذليله ومنجسـره .. بس انت رفضتها يا هزاع ..
( تقصد لما حرك راسها على صدره عسب ما يوضحن ملامح ويها ..)
كملت بهدوء : صدقنـي بـ ذكرها لك طول ما انا عايشـه ..
و ما راح انسى هـ الشي لاخر لحظه فـ عمريه ..
انت الوحيد اللي ما شكيت فيه مع انه كل الادله تقول اني انا فـ محل
شك .. بس ثقتك وقتها هي اللي بعثرتنـي ( تقصد لماصاحت )
وحنانك هو اللي لملمني .. تخيـل ( ابتسمت ) : بعثرتني ولملمتني
بوقت واحد .. ( رفعت عيونها عليه ) : هزاع اللي أنـا كنت خيفانه عليه
ووقتها سألتني على منو جيه متزيغه هـو نـ ... ( قطع عليها ) :
مــابا اعرف.. انا واثق فيـج ..
( آآآه مقواها من لحظه كانت بتصيح من قوه
الموقف ... المره الثانيه اللي يصدمها .. بثقتـه الزايده .. )
بس مع ذلك كملت والخنقه واضحه فـ صوتها : هو نــايف ..
( وركزت عيونها عليـه ) ..
وكملت بهدوء : بتقول منو ها نايف .. بقولك ها خاليـه يا هزاع بس
محد يدري اني ارمسه لان اميه منعتني حتى من أنـي ارمسـه ! ..
وطبعـا ما ادري ليـش .. هو يا هزاع ابويـه واخويـه وصديقـي
وكــــل ما املك و لكن احين ..( سكتت وبـ سرعه قـالت):
الظاهر مع كل الحب اللي احبـه
راح يكون فيـه شخص ثـاني وياه ( سحبت هواء وعطت عمرها القوه
والشجاعه عسب تقول اللي فـ خاطرها ..
( بس قطع عليها صوت الفون )
.. ( نزل راسه وهو يطالع على الفون اللي فأيده ) ..
( بسرعه فهمت انه محتـاي وقت بروحـه وتركتـه وابتعدت .. )
ماثواني من ابتعدت عنه غيـر تسمع صوت نغمه الرنيـن اللي فـ فونها ..
ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍصارت بقلبي تنـــــوع
ومن همومٍ احرمت عيني المنـــام


بسرعه ظهرت الفون وهي تتطالع الرقم وتسحب نفـس قوي :
الحمد لله اني ابتعدت عن هزاع لو كنت بتورط وما بعرف شو اسوي
( ردت بسرعه وهي متأكده انه محد غيـره ) : ............
الفيصــل بشموخه المعتاد : أرفضــــــي ...
( روضه الاف علامات الاستفهام فوق راسها .. ارفض .. أرفـض شو ؟ )
قالت بهدوء : أرفض شو ..؟
الفيصـل بثقه : ارفضي الخطبه .. يا بفضحج جدام خطيبج هاه اللي ما يتسمى
غمضت عيونها بألم وبـ صدمه وهي فكـرها يبحر للبعيــد .. (( لو فضحني جدام
هزاع راح تهتز صورتيه جدامه .. وهو يثق فيه .. مابا صورتيه جدامه
تهتـــز .. انا قلت يا هزاع راح ابتعد عنك ، لاني مجرد مصدر عذاب
للي احبهم .. وهـ الحيوان شقـايل عرف بـ السالفه .. آآآه يـاربيـه رحمتك وعفوك ..))
( حبت توضح للفيصـل انها هي ملك قرار نفسها .. وانها ماتهتم لـ رمسته ) ..
ضحكت ضحكه سخريه وهي تقول : قبل لا تقوليـه رفضته ..
( حاولت تتمادئ عسب يصكـر : لهدرجه انا مهمه عسب محد يشاركك فيـه ..
لهدرجه .. ( قطع عليها صوت المكالمه وهي تنتهي ) ..
ابتسمت بألم وهي تكمل اللي كانت تبا تقوله : لهدرجه انا مهمه
عسب تقدر تعذبني بروحك ومحد يشاركك فيـه ...!
.
.
اما عن الفيصل فـ كان مصدوم من رمستها وقال بصوت هامس :
ياربيه حتى روضه بدت تلاحظ اني مهتم فيها زياده عن اللازوم ..
بلاك يا فصول بلاك هـ الروضه وايد تساهلت وياها .. اول مره بحياتيه
ما اعذب بنت عذاب كامل . هـ الروضه وايد تساهلت وياها ولازم اثبت لها
انها ما تسوى ويايه بيـزه ..!
وراح ارد اعاملها شرات ما عاملت اللي قبلهـا .. هي ماتفرق عنهن
فـ شي ..



.
.
أستغرب هزاع من اختفى روضه المفاجئ بس عقب فهم انها ابتعدت
عسب تترك له المجال يرمس براحـته ..
ابتسم ابتسامه غريبه وهو يقول : وألـوم عمريـه ليش ...... ( سكت
ما قدر يكملها ) ..
بسرعه رفع راسه عسب يسير يدور على روضه
.. مشى وهو يدور عليها وفجأه وقف وهو يطالع ظل طولها ..
همس بعذوبه : روضـه ... !
( بسرعه التفتت وهي تتطالع عليه ) .. بس مسرع ما نزلت عيونها ..
وهي تطالع انه مركز عيونه عليهـا ..
هزاع بفضول وبصوت بارد : كملــي .. ( سكت ) وعقب قال :
اللي كنتي تقولينـه ..
( سحبت هواء وهي تقول فـ خاطرها ) : خلاص يا هزاع مايستوي
اقولك .. راح ابتعد بكل هدوء عسب ما اسبب لك مشاكل ..
ولا اسبب لنفسي .. راح ابتعد وانسى كل اللي انولد فـ قلبيـه
فـ هاللحظات عسب احافظ على صورتيـه جدامك ..
صعب يا هزاع افرض نفسيـه عليك وانت ما تباني .. مستحيل اسويها ..
حتى لو كان فـ سبيل قلبيـه .. كل شي ولا الكرامه كل شي ولا الكرامه .. )
~ نعــم للحـــب لكـن بكرامـــه خســى حـــب يسقينــــي مذلــه ،،
ارد القلـب لـو طاغـي هيامـه واعـز النفـس عـن درب المذلـــه ~
صحت على صوت هزاع وهو يقولها : روضـه .. بلاج .. انتي بخيـر ..!
بلاج سكتي فجأه ...!!
ابتسمت بألم وهي تقول : كنت اللي ابا اقوله يا هزاع ..
( سكتت .. وهي تقول فـ خاطرها : تحمل يا قلبيـه واصبر ) :
كنت ابا اقولك انك شرات نايف بالضبط والله يعلم شكثـر
احب نايف .. وصدقنـي ( وهي ترفع عيونها وتقول فـ خاطرها : راح ارفض
.. راح ارفض )
قالت بصوت مسموع : انت ... انت بمكانه نايف يا هزاع .. عمره محد
بيي فـ مكانه نايف بس انت ييت ..
( استغربت من نظراته وبسرعه فهمت انه فهم غلط .. )
قالت بسرعه : كـ أب واخ وخال يا هزاع .. انت بـ أعتبار
( بلعت ريجها وقالت بـ ألم ) : أخ يا هزاع ...
ابتسم ابتسامه غريبه وقال : والله يعلم يا روضه انج انتي اغلى
بعد من خواتيـه .. وصدقينـي من البدايه انتي كنتـي كـ اخت لـي ..
وانا اتشرف يا روضه بمعزتج لي ..
( نزلت راسها بألم وهي تقول فـ خاطرها ) : [[ اي شي احبه لازم افقده ]] ..
كانت هـ الفكره تدور فـ بالها .. كانت هـ الجمله رفيقتها فـ كل درب ...!
ليش اي شي احبه لازم افقده ... آآه ياربيه ساعدني ..
( كانت فـ بالها تدور كلمه وحده وبس [[ من البدايه كنتي كـ اخت لي ]] ..
ابتسمت بألم من الداخل عكس ابتسامتها العذبه اللي انرسمت فـ شفاتها ..
مشت عسب تحدر داخل وتركت هزاع مكانه .. وهو لحد احين ماتحرك
من مكانه ..
ظهرت من الغابه الكثيفه ووقفت فجأه والتفتت على وراء وهي
تطالع عليـه اذا ظهر ولا لا .. بس كان بعده فـ مكانه ..
( ابتسمت بكل ضيجـه الدنيا وهي تقول ) : بحفظ الرحمن يا هزاع ..
( وبهمس يذبح ) : راح اودعك احين كـ نقطه حب انولدت فـ قلبيه
ومن لحظه وداعي لك راح تودع هـ النقطه قلبيـه وبتنمحـي للأبد ....
وكـ هزاع الاخ راح اطالعك كل يوم ومستحيـل اذكـر اللي فات ..
وبعادي عنك احسن لي ولـك .. لاني مابا اجبرك عليـه
وانت فـ قلبك غيريـه .. بحفظ الرحمن يا الغالـــي ...
ينجرح قلب،، لكن ترتفع هامه
والله اني لاموت ولا ينحنى راسي
واسمع الحلم يصرخ لحظه اعدامه
رابط الجاش ،،، ماهز الخبر باسي
عزتي غاليه والناس سوامه
قلت ماابيع حتى تقطع انفاسي
( التفتت على جدام وهي تسير ناحيـه الفله عسب تحدر ) ...
كان بمكانـه مصدووم .. مب مصدق اللي قاله ..
انا قلت لـ روضه .. [ من البدايه انتي كنتي كـ اخت لي ] ..
بس انا في الحقيقه ماتعني لي روضـه جيـه ..
التفت بسرعه وهو يبا يلحق عليهـا .. بس طالعها انها اختفـت ..
( ابتسم بألم وهو يقول ) : انا كـ اخ لج .. بس ليش نظراتج تقول غيـر ..!!!
آآه يا روضه لو تدرين اني جذبت عليـج .. انتي مب اختيـه يا روضه ..
انتـي ..... ( سكت ونزل راسه وهو يقول ) : بس كرامتي ما تسمح
لي افرض نفسيه على شخص ما يباني ..
الله يحفظـج يا روضه ويوفقج فـ حياتج ... ويا الشخص اللي تحبينـه ..
( ردت ذاكرته لوراء وهو يتذكـر اول مره التقو فيها .. كان ماله خاطر
ايي المزرعه بس لما طالعها وطالع غرورها اللي فاقه اعجب فيها
من اول نظره .. ويتذكـر مرحها وضحكتها لما تلعب ويا البنات ..
يتذكـر نظرات الغرور والثقه اللي كانت تعطيـه اياها ..
كان معجب بكل حركه اتسويها .. لكن احين كل شي انكشف
مرحهـا ، غرورهـا ، ثقتهـا ، كلهــم تلفيق ..
شخصيتها الحقيقيه مؤلمـه بشكل محد يتصوره .. )
.
فاق من ذكرياته وهو يقول : عيونها تحكـي قصه ألم .. وخاطريه
اعرفهـا .. مشى وهو يظهر من الغابه ويتجـه على الفله ..
وقف فجأه وهو يطالع روضه تلتفت على جهه الفله وتمشـي ..
وفكـره وباله يقول شئ واحد : ما انتبهت لـي ..
( وفـ الحقيقه روضه ما انتبهت انه ظهـر وقت ما هي لفت
على جهه الفله .. يعني هو شافها وهي ما شافته ..)
هزاع بصدمـه : كانت تتطالع عليه .. كانت تترياني .. معقولـــه ..!!
لاااا مستحيـل .. روضه مستحيل تفكـر فيه حتـى .. اكيد انها
شفقانه عليه .. ( ورفع عيونه على فوق بقوه ) : شفقانه
ليش تشفـــق ...!! ما انولد اللي يشفق على هـــــزاع .. "
.
.
>
<
>
.
.
حدرت الفله وهي متوجهه على جناحها .. وعقبها بثواني حدر هزاع ..
كانت بـ اخر الدري من اللي فوق .. مشت على جناحها
وهي مب منتبهه انه هزاع كان يراقبها تحت ..
( اول ما طالعها اختفت توجهه لجناحهـم ) ..
.
اما عن روضـه فـ هي ماحدرت جناحها .. لا ..
كانت ورا عامود الدري .. كانت حاسه انه يراقبها لانها حست فيه ..
وبسرعه تخبت وراء العامود .. وهي تتطالعه واقف مكانه وفجأه
اختفـــى ..
ابتسمت بألم وهي تقول : اختفيت من جدام عيونيه .. واختفيت
من قلبيـه .. ( وقالت فـ خاطرها : بلاج ياروضه استويتي فجأه ضعيفه
عمرج ما كنتي جيه غير يوم ..... )
.
،
.
وجـآآن يخلص البـآآرت .. ^^"