مشكلة في فتح برنامج الفوتوشوب [solved]

[ولد القناص]

[align=right] بسم الله الرحمن الرحيم


انا عندي مشكلة في فتح برنامج الفوتوشوب
انا نزلت فوتوشوب cs2 الاصدار التاسع من CD
لان اللي كان عندي قبل ما يدعم العربي
المهم انا دخلت السريال نمبر بس وثبتت البرنامج
الحين المشكله لما افتح البرنامج جي يطلع

ممكن اللي يعرف حل المشكلة يسآعدني
ومشكورين [/align]

 

[soooooooooomh]

مآ عندي فكره عن الموضوع

ان شآء الله اخونا سوبر او اختنآ الاميره يفيدونك

 

[انسانية]

ما عرف

 

[Super]

مشكلتك بسيطة اخوي

بس جاوبني فالبداية


هذا الجهاز جهازك الخاص؟
واذا كان جهازك الخاص هل انت Administrator ؟؟



وبعد ما انتهيت من تثبيت البرنامج هل فعلته عن طريق Activation Code ؟؟


والا بس حطيت السيريال

جاوبني ع السؤالين بارك الله فيك وبنحصل لك الحل بإذن الله



ويستحسن تحط لنا نظام جهازك بعد

 

[ولد القناص]

[align=right]يا مرحبا ..
هيه جهآزي
لا مافعلته دورت ع السريال من النت وحطيته
هو تقريبآ المشكله ف الكراك اذا ما خاب ظني
وانا البرنامج عندي بس بدون كراك
[/align]

 

[Super]

اوك

هذا الكيجن نزله هنــا


بعدين

اختار نفس الصورة فوتوشوب 9

واضغط جنريت

بعدين بيظهر لك سيريل

حطه بالفوتوشوب كوبي بيست بس لا تبند الكيجن






طريقة التفعيل
Activate

اختار خيارات التفعيل


وبعدين خلال الهاتف


بيظهر لك نفس الصوره

رقم التفعيل


جي

حدده وانسخه عن طريق

CTRL + C

او عادي


بعدين ارجع للكيجن وحط رقم التفعيل فـ

Request code

بعدين اضغط جنريت اللي تحت

بيظهر لك رقم بالفراغ اللي مكتوب فيه

Answer Code


انسخه

ورد للفوتوشوب

وحطه بالفراغات نفس هالصوره

ومبروك عليك

جرب ورد علي

 

[ولد القناص]

هلا اخوي
شرحك اوكي ومافيه قصور وفهمت كل الخطوات
انا نزلت الكيجن وحطيت السريال نمبر بس المشكله انه عقب ما ادخله يتثبت البرنامج عمدي بدون ما يطلب مني اكتفيت



يظهر لي جي

وعقب يوم افتح البرنامج يظهر نفس المشكله فوق
مسحت التثبيت اكثر عن مره ورديت سويت مايظهر اكتفيت
ونظامي ويندوز 7

 

[Super]

ما مشكلة

انت بس تابع الخطوات من عند التفعيل

طريقة التفعيل
Activate


فوق موجوده بالصور
طبقها وعقب خبرني شو يصير عندك

 

[ولد القناص]

هيه انا فاهم الخطوات اللي فوق كلها
بس المشكله عقب ما ادخل السريال نمبر
طريقة التفعيل Activate
هالخطوة ماتظهر عندي ع طول يتثبت البرنامج بدون هالخطوه يتثبت بس مايفتح
يظهر عندي ان ماعندي الامتيازات المناسبه عشان اسوي Activate
لازم اتكون عندي امتيازات المسؤول

 

[Super]

شكلك مودي لابك محل مسوي لك فورمات وحاط الادمنسريتر لنفسه وانت عاطنك يوزر عادي

جرب ادخل لوحة التحكم

بعدين حسابات المستخدمين

اذا ما كان عندك مسؤوول Administrator نفس رقم واحد

[BIMG]http://www.alshohooh-upload.com/up/uploads/images/albarzah-b6ffa34fdb.png[/BIMG]

جرب رقم 2 ادخل ع تغيير نوع الحساب
Change account type


بعدين

[BIMG]http://www.alshohooh-upload.com/up/uploads/images/albarzah-bbace78cf2.png[/BIMG]


وطبعا اختار مسؤول

تشوف عندي انا ما يستوي لأني بالأساس المسؤول الوحيد ع الجهاز لذلك ما يصير اغيره الا اذا كان عندي يوزر ثاني أدمين




اتريا ردك

بارك الله فيك