غنَاتْيـے
مُصورَه فُوتُوغرَافيه ♥
- التسجيل
- 1 أغسطس 2005
- رقم العضوية
- 3845
- المشاركات
- 14,841
- مستوى التفاعل
- 4,076
- الجنس
- الإقامة
- بــوظَبيـے . . *~
.
.
๑
.
.
السَلامْ عَليكمْ ورحمة الله وبَركاته . .
مساكمْ كب كيـك :ax:
انا اجازة من إسـبوعين فـ ماخذه راحتيه وألعب في المطبخ ع كيفي :3nb:
محد يكرهني كثر الشغالات من المواعين لي افرهن حق الغسيل ---------------> :lol:
اليـوم بنسوي كـب كيك بالتويكس. . لـ عيون ReaL DaY timo
طريقته حلوة وطعمه أحلى . . أخير عن مال المحلات اللي مدحـوب شـكر :shyy:
يالله نبـدأ . . بسمْ الله :ala:
- كوب وربع طحين . .
- كوب وربع سكّر بودرة . .
- 3 أرباع كوب زيت . .
- 3 أرباع كوب حليب مراعي . .
- بيضتين . .
- 3 خواشيق كبيره كاكاو بودرة . .
- خاشوقه كبيره بيكنج باودر . .
- نص خاشوقة صغيرونه ملح . .
- خاشوقة صغيرونه فانيلا . .
- تويكس . .
في المضرب الكهربائي . . نخفق البيضتين . .
أنخل الطحين + السكّر + الكاكاو البودرة + الملح + البيكنج باورد واخليهم ع يمب . .
اضيب الحليب والزيت ع البيض . . واخفقهم شوّي . .
من بعدها اضيف الأشيا اللي نخلتها واحط الفانيلا واستمر بالتحريك لين يختلطون كلهم مع بعض . .
اجّهز الكب . . واصب فيهن الخليط ما أكثّر عسب خلاف بينتفخ ع فوق . .
اقطّع التويكس واحط حبه في كل كـب . . " تقدرون تستخدمون اي نوع من الجوكليت "
أدخلهم الفـرن من تحت . .
واشوفهم لين ينخبـزون عدل . . شيّكو عليهن عن يحترقن :eh_s(6):
وقت ماهم ينخبـزون اسوّي الكريما . .
هني ملاحظة يا حلوين . . لو تلاحظون انا حاطة من ضمن المقادير فوق . .
كريمة ماكتـوب . . الصراحة ماحبيتها أبداً وع طول ساحت وخربت الكيك كلّه -_-"
يا انكم تخفوق دريم ويب مع قشطة وشوّية حليب . .
أو تسون كريما لذيذه يمي . . احينه بخبركم عنها . .
- 12 حبة كيري . .
- زبدة . .
- كوب سكّر بودرة . .
نذوب الزبدة ع النار وخلاف احطها في وعاء الخفق ----> عجبتني وعاء :3nb:
اضيف عليها جبن الكيري . .
وخلاف بالتدريج اضيف السكّر هب مره وحده . . من بعدها احطها في الثلاجة ربع ساعة . .
وأزيّن الكيك :shyy:
شوي شكل التزيين معوّق بس ماعليه تجربة أولى :ko::
تقدرون كذلك تحطون فوقها توفي على النار " شكر + قشطة "
وخلــصنا :a040:
بالعافيه عليكم . . والسموحه ع القصـور . .
غناة البـرزة timo
.
.
๑
.
.