ذكرت الود وايام التصابي

[برووق]

السلام عليكم ورحمة الله وبركاته

مدونتي كلها قصايدي

الي يحب الشعر يقرب عساها تنال اعجابكم



قصيدة رثاء اخوي حسن الله يرحمه

يا رافـعـــن ســبـع بـلـيـا عـــمـــادي
................ يا جـــامــع مــخاليقك يوم التنـــادي
إرحــم اخـويـه عـظـيدي ومـسنـــدي
.................الـــي رمته المـنايا وسـط للحـــادي
مفجوع قلبي وأنـت أعـلم بحالتـــي
..................الدنيــا حولــي كـسـاها الســـوادي
قـطعو فـــؤادي من خـبـرونـــــي
.............. كـنــهم رمــوني بالرهــاف الحـــدادي
ويــنــك ياخــويـه لي اعتزيبك
...................كنت اذخرك حزام وقت الشـدادي
تــركتني ودمـــوع عينــي تهامـلـــت
................أعيــش مــن بــعدك بــليــا فـــؤادي
لا قـــوت يهنالـــي ولا لذ مـشربـــي
.............. والدمــع يــجري لين بــلـل وســـادي
كلما رفعت جفون عــينـي أشوفـــك
.................. يا كيف يهنـــالي لــذيذ الرقـــادي
أتـخيلـك فــي كــل شــي أشوفـــه
................ وتشب في قلبي لــظى نار وقـــادي
المـــوت حــق وفرقــاكم لي صعيبه
.............. تــوك شــباب وتــوه العــمــر بـــادي
يــــارب تعــفو عنــه وتــغفـر زلتـــه
.................. وتسكنه الفردوس يارب لعبـــادي
وتــجعل قــبــره روضـه من جنتـــك
................ إيـــهب لـــه منها نســيم البـــرادي
وتشرب من الــكوثر حـوض نبيـــك
.............. الصـادق المصـــدوق للناس هـــادي
ويلهمنا من الصبر على طول فرقه
................ بالحشر ألقاك مع الناس لسعـــادي
لــو الدمـــوع تـفيــد و بتـــرد غالـــي
.............. إن كـــان مــن دمعـــي سيلت وادي


14/2/2009 يوم وفاته الله يرحمه


صالح عبد الله الحصن الشحي

( برووق )


اعجبتني قصيدة الشاعر درع القبيله وجاريتها بها الابيات الي مبداها يقول درع القبيله

الحمدلله بحبله معتصم *********** من شرور النفس وكياداللئيم
الحقود اللي اذا فاجر خصم ********** يبتعد ويصد حراته جحيم

مجاراتي اقول

مرحبــــا بـــك عـد ما خـط القلم .... اوعــدد ماهــب ذعـذاع النسيـم

ياسعيد مر طاريــك حنن وإرتزم .... ورعـدت قيفـان منبعها الصميـم

شاقنـي معنـاك يا راعــي الشيــم .... يانسـل لجــواد يـا ولــد الكريـم

والناس فيها اجناس كـم بتعد كــم .... كـم فيها مـن السنافـي والرخيـم

يامــــا ويامــــا عزيـــزن ينظلــم .... يلبسونه ثـوب هـوعنـه حشيـم

وان فضيـت ابســد ماحــد ايكتــم .... لاصديق ولا رفيق ولا غريـم

تصبح كنـك نــار في رايـة علــم .... الكل يشمت من ريايل وحريـم

كنه جـدر العرس به عيش ولحم .... الكل يغرف استغفر الله العظيم

وحـــد فيهــم بالصداقـه والنعــم .... تعطيـه ســـدك ولا كنــه عليــم

لـو يصيــر مـن بينكـم سيــال دم .... مـا يبيــح بسـد فـي يوفـه كتيـم

ذاك لي مجراه من مجرى النسم .... ترابعه سراي فـي ليـل ن عتيم

اتحطـه بيمنـاك لـي قربك زهــم .... ذا سنادك لي شكيت بيـوم ظيـم

والختـم صلـوا على سيــد الامـم .... عـد كل حروف القــرآن الكريـم

اوعـدد من طاف وصلى بالحرم .... او بكى مابين زمـزم والحطيـم

وماعليك زوود بوعسكور اعجبتني الابيات فجاريتها وافتخر بك شاعر ومن منطقتي


الشاعر / صالح عبدالله الحصن الشحي

الرد الثاني لابيات درع القبيله

الي مبدا الابيات يقول فيها درع القبيله

ياهلا باللي تعلى بالقمم ******* قي ديار العز مايخلى النديم
شاعرن له باع في سرد النظم ***** يابروق المزن لي دوت حطيم
من عرين اشبال تخة هل شعم ***** فاهم المعنى ومقصوده عديم

اقــول

هزنــي معنـى القصيــده والنظـــم .... من بادع الامثــال لي مثله عديــم

قمــت ارددها صاحــي وبالحلـــم .... ينبهــر مـن قافـــها حتـى الفطيــم

الطيب في اصلك من خال ن وعم .... وانتــو العــزوه اذا فينـــا ظليـــم

نحيــا ونمــوت ونندفن فيهـا شعـم .... نـبـــذل الارواح واللــه العظيـــم

الاوليـــن اقـوالهــم كلهــا حكـــم .... نتبـع نهجهم كالصـراط المستقيــم

ربـونا عالعـادات واسلـوب وقيـم .... يعلهــم فــي وســط جنــاة النعيــم

ونعلــم الاجيـال هذا هــو الاهــم .... مـن بعــدنــا يـا الاخــو الله كريـم

في وسط هالمغريات ماحـد سلـم .... ذاك مــن ذاك الـذي يطلــع سليـم

خلو العبـاده واتبعو صوت النغـم .... اغـواهم ابليـس الشيطـان الرجيـم

اتعـج وسط بلادنا عـرب وعجـم .... حد لابس جنز وحد خصره هظيم

يـارب يــا خـلاق كــم نقلنـا إثــم .... يــا عفــو يـا غفـــور ويــا حليــم

تغفـــر الـزلات مـن زلـــة قــدم .... ياخالقي بإسمك الرحمـن الرحيـم

والعفو يـاسعيـد ومنك ما انحـرم .... ولا تقاطـــعنا طلبتك يــازعيــــم


الشكر كل الشكر لك درع القبيله كفيت ووفيت واطربتني
الف تحيه والف شكر ولا تقطعنا يــابومحمد

اخوك الشاعر / صالح عبدالله الحصن الشحي
برووقـــــــــــــ


ونيت ونه


ونيت ونه بتطلع الروح
...............كنه وصل قباض لرواح
يا رايحين العين باروح
................معكم ولا اطير بجناح
خفاق قلبي ازم ايشوح
...........يوم الدليه الخالي ارتاح
صوب الدروع لف بي روح
.....بعد الوقن في سيح ضحضاح
هناك لي من خده ايفوح
............مخلوط دهن العود فواح
والمبسم الي منه مذبوح
..........والعين فيها الرمش ذباح
والجيد كانه قايد اسروح
......لي يرتعن في سيح وابطاح
شعره على الارداف منشوح
...........من سبته ماني بمرتاح
احس به قطعه من الروح
.....لي تل معلاق الحشا اوشاح
يا روح روح الروح يا روح
.............يا بدر بين النجم لواح
من زود مابي خايف ابوح.
......الدمع على الخدين فضاح

الشاعر صالح عبدالله الحصن الشحي



جاراني بالقصيده الشاعر علي بن سعدين الشحي

يقول بومحمد شاعر الشحوح الحربيه


مسكين يلي بايت اينوح ... يلعي وليفـــه صار شحاح

هذا الهوي مافيه مربوح ... غيــر الشقا ومتالف ارواح

ياصاحبي مادمت مجروح ... عند الحبايب سير وارتاح

والي سكن في ذيك لسيـــوح ... لاتتركه بوخـــد وضـــاح

كانــك بغيـــت اتسيـر وتروح ... صوب الغضي قم سير سوح

مهما كتمت الحــب بيبوح ... وانــت الذي للـــدرب مفتــــاح


الشاعر علي بن سعدين الشحي


فارسلت له ها الابيات مع الشكر


حيك عدد ماناح عالدوح ... قمري على لغصان صداح

ارتاح قلبي بنظم مشروح ... من عزوتي بالضيق وافراح

لوني من الضيقات مذبوح ... والقلب به طعنات لرماح

حسيــت كنه ردت الروح ... وهمي اشوفه قـــام ينزاح

هاذي عوايـــدنا يالشحــوح ... تاريحنا مسطـر بللــواح

صديقنـا لـه بلســم جروح ... وعـدونا نرفـع لـه ســلاح

تمت ارجو تقول مسموح ... وعساك بن سعدين مرتاح


الشاعر صالح عبدالله الحصن الشحي ​

 

[برووق]

ثـــوب العشــق

مالنــا غيـرك أعـــز النـــاس ........ يابعـــد كــل اهلـي وناســي

صبت قلبي في وتر حساس ........ هيجـت شعـري واحساسي

لي ذكرتـك شلني النومـاس ......... طـال ليلي وطــاب نوماسي

طبعك وطبعي مزجته بكاس ........ وآتبــاهــا مـــاحــــلا كاســي

أشربه لي ضاقـت الانفـاس ........ مـــن حلاتـــه يـــرد انفاســي

قبـل لايجـن الدجـى بغلاس ........ ارسمـــك يابــــــدر لغلاسـي

أخط اسمك عالي الاطعاس .......... يا اسـم غالـي ع لطعاسـي

اسرح وامـرح مع الهوجـاس .......... فـي خيالـك دوم هوجاسي

اتخيلك في وسط هالجلاس .......... وانت غيـر عن كل جلاسي

فصلت ثوب العشق بقياس .......... تشابه قياسك مـع اقياسي

كـــل واحــد مننــا لبــــاس .......... فصل لباسك علـى الباسي

يامحبي خطيت بالقرطـاس .......... شوف وقرى خط قرطاسي

إنته الي لـك خضعنا الراس .......... ماحد غيرك يـاب لي راسي

انت غيـر غيـر عن هالناس .......... يــابعـد كـل ربعـي وناسـي


الشاعر / صالح عبدالله الحصن الشحي



نــــــار البعــــــاد

انا لي سـال دمعـي بكل وادي ..... يعـرفونـي حضرهــم والبـــوادي

انـوح بصـوت شروات الحمايــم ..... اذا هبــــت نسايمــــها بــــرادي

انـا العاشـق لــي قلبــه تولـــع ..... ظنـاه الشـوق مـع حـر البعـادي

اذا هــام الفؤاد واذكــرت خلـي ..... مــن لدمـــوع خطيـت المـدادي

بعدوبــه وحرمونــــي وصالــــه ..... بقت حسـرات وأصفـق بالايـادي

آخـــر مــــره عيونــي انظرتلــه ..... قبــل سنتيـن بعيـــد الاتحــادي

لمحني واهملت دمعـات عينـه ..... ضـــاق البـــال وتقطــع فــؤادي

كأنــه يقــول يالمحبــوب وينــك ..... جفانـي النـوم وحرمـت الرقـادي

خذونــي عنــك لديــره بعيـــده ..... ومـن بعــدك انـا مـا طـــاب زادي

ومنها اختفى عن شوف عيني ..... ولا جانــي خبـــر عنــه بوكــادي

عنــه النـــاس انشــد واتخبـــر ..... صـرت كنـي غريــب فـي بـلادي

عل بيوم تجـي صدفـه اشوفــه ..... يريــح جفـون اضنـاها السهـادي

شفتو حد يعيش من غيـر قلبـه ..... ذبـل حالـي مـن شهـور عـدادي

أسكب دمعتي مـن جـور مابـي ..... ثوبـي الحـزن توشـح بالسـوادي

أكابـد ليعتـــي والحال ينحل ..... ومــن لهمــوم اعلنـت الحـدادي

سبب خـل غشانــي نـور خـده ..... يهـب مــن ريحتـه مسك وزبـادي

حبيبـي مـن جمالـه قـد فتنـي ..... جمـــال مــن صنــع رب العبــادي

أحبــه كــم انـــا ميـــت بحبـــه ..... يـامغـلاه واحــب طبعــه الهــادي

إذا بانـــــت ثنايــــاه وتبســـــم ..... لمــع بــراق ع صــدره والنهـادي

شكيت من علتي لاحد اصدقايه ..... سنــادي يـوم حزات الشــدادي

بوسلطـــان لـي سكنـاه مزيـــد ..... سعيد المـر حميـد المـر البـادي

انــا راضــي ولــو يحكــم عليــه ..... يشلني يبيعني بسوق المزادي

تبون تعرفون ليش القلب ضايق ..... سألـو محمـد بـن راشـد النيـادي

وبـو راشــد لو يامـــر عليـــــه ..... تحت امره ولو سجن انفرادي



الشاعر / صالح عبدالله الحصن الشحي


ايـــام الصبــــا



ذكــرت الــــود وايــام التصابــي .... وجرح في وسـط لفواد غابـي

هبــوب الكــوس ذكرنــي بخلــي .... وزمــات الصبــا اول شبابـي

تذكرتـــه وسالـــت لــي مدامـــع .... علـى الخديـن هطـال السحابـي

رعــــاك الله ياوقــت مضالــــي .... زمـــان فيـــه مالـــــذ وطابــي

زمــــان راح يعـــل الله يعـــوده .... بقت ذكـراه فـي صفـح الكتابـي

اول كـاس حــــب الــي شربتــه .... ابـد ماينمـحي لو الـراس شابي

اســر قلبـــي وشـل العقـل منـي .... خشيـف الريـــم تلعـات الرقابي

لدين العـود مهضومـه خصوره .... من المبســم رحيق الـورد ذابي

شرى عنق الضبا لي بان نحره .... زاده من الحـلا نقش الخضابي

ولا منــه نشــل ذيــك الجدايـــل .... الاواشيـــب قلبـــــي واعذابــي

تملكـــني ملكنــــي واهتوانـــــي .... وعـن غيــره انـا صكيت بابـي

يزاورنــــي وازوره كــل ليلــه .... لاحاســــد ولا واشـــي درابــي

تمنيـت الصبــا لي فـات يرجـع .... تعـود ايـام مـن ماضـي حسابي

بان الشيــب والايـــام تمضـــي .... احـــن لذكرياتـــي ع الهضابـي

انـــا لولاه ماسالــــت مدامــــع .... ولا غنيــت فـي روس الروابـي

ولابيحــت عـــن ســـر خفيتــه .... على طـول المـدى ناخت ركابي

يـاشرتــا الصبــا بلــغ سلامـي .... شفنـي مـن العنــا فاقــد صوابي

خبرهــــم غلاهــــم مـــا تبــدل .... غلاهــم زاد مـن لبسـو حجابــي

علــى عهـــد الوفـا نحنـا بقينــا .... حتـــى نندفـــن تحـــت الترابـــي

ويـاربـي طلبتــك تغفـــر اليــه .... عـن الزلات فـي يــوم الحسابـي

عبـدك زل أســرف بالخطايــا .... ذكـــــر وده وايــــــام التصابــي



1/6/2011
الشاعر / صالح عبدالله الحصن الشحي


​

 

[برووق]

مركز منار


القصيده تعبر عن نفسها

مروا علــــي اليــوم هنتيــن .... بمركز منار وكنت ساهي

أشروا عليه من طرف عين .... مع ابتسـامه ما الشفاهـي

هبت علـي عطورهـم زيـن .... تميـت من صـدري اناهـي

قالوا تفضل قلــت ع ويـــن .... قالوا بعيــد عن ها المقاهي

قلتلهم تعرفونــي انـا الحيـن .... يمكـن غلطتـوا في شباهـي

قالــوا نعرفــك دون تبييــن .... بنــات نحنـا مـن الـدواهـي

يبدا اسمــك ص مب سيـن .... شاعـــر وعنـا دووم لاهي

هـــذا رقمنـــا والعناويـــن .... اتفضل معانا كـاس شاهـي

قلت اسمحولي ساير الحين .... شبـت بصدري نـار واهي

ذكرت بقلبي نـاس غاليــن .... مربــاه فــي عــز وجاهـي

يسـوى من العالــم ملايين .... مثـل العســل اسمــه بفاهـي

لـو تنقطع رجلـي وليديـن .... ما خونه ولو تشطر جباهي

عندي قلب واحد مب اثنين .... وما بيع حبيبي بكاس شاهي


الشاعر / صالح عبدالله الحصن الشحي


الاقدار


رمتنــي الاقــدار فــي بحــــر غــــدار ... لي زاد طوفانه كسى مـوج طامي

مــا تنفــع الاحـذار فــي وقــت لقــدار ... غارق وقلبـي ينـزف بجـرح دامي

ياويـل مـن قلبــه هــوى مبعــد الــدار ... ياويــل مـن حكمـو عليــه بعدامـي

أتذكــر ايـــــام مضــت فيهـــا تذكـــار ... عيــت عيونـي بالكـرى مـا تنامـي

أحــــس بفؤادي مثـــل واهــي النـــار ... والجســم عيــا مــا تشيلـه اقدامي

تيـــــــار يجرفنـــي دولاب واعصـــار ... مــاتـم فينـــي الا بقايـــا عظامــي

الله يعيـــن الــي علــى البعـــد صبــار ... مثلــي وهايـــم بالمحبـــه هيامــي

طيفـــه يسلينـــي كـــل ليــــل ونهـــار ... واتذكـره لـي نـاح فرخ الحمامـي

مـابيــن حيـن وحيـن اصيـــح وانهـار ... وازقـر بإسمـه لو غفيـت بمنامي

بينــي وبينــه سيـوح وديــان وقفــار ... بعـدت ديـاره لي نويــت المشامي

من ظروفه الصعبه غدا القلب محتار ... قلبـي مــن الاشــواق لا مايلامــي

فـــي قربــه الدنيــــا تتفتــح ازهـــار ... وإلا ابتعـــــد عنـــي آزم حطامــي

اسمعني يا محبوب لو طالت اعمـار ... قلبي ترى عـن هوى الغير صامي

وإنـــت يـــا قلبـــي جبـــــار جبــــار ... صابر على الامال ولوعـة غرامي

أحبكــــم والله لــوصــار مـــا صــار ... الله يجمعنــي بــك بمسـك الختامي


وتسلمون


14/9/2011


الشاعر صالح عبدالله الحصن الشحي


قلبي تولع


قلبـــي تولـــــع ولا هيـــــد .... في هــوى مدعـوج لعياني

مـن نظرتــه قمــت اتشهــد .... احسبـه مـن حــور لجنانـي

كامــــل بالحســـن متفــــرد .... زاهيـن فــي كــل الالوانـي

شـــل قلبــي قمـــت اتنهـــد .... بين صاحـي وبين حلماني

الخصـــر فترين لــو ازيـــد .... والنهـــــد تفــــاح لبنانــي

والردوف معزلـــه والقــــد .... والصــدر للخيـــل ميدانـي

انبهـــرت بلامعـــات الخــد .... كنهـــــا بـــــراق لمزانــي

رمش عينه مرهفات الحـد .... والثنايــــا حــــــب رمانـي

أحـس روحي تنزل وتصعـد .... يــوم سلـــم بــي وحيانــي

مــاتمهـــل عنــــي وابعــد .... قـال خوفـي يشـوفنـا ثانـي

إنته عمري وانت لي سيد .... لــك حياتــي ملــك يافلاني

حبــك بقلبــي قصــر شيـد .... بيـن ورد وفــوع ريحانـي

واللقـــا مـابيننــــا ايجـــدد .... مـــــن تامرنـــي بتلقانــي

حسـب ظرفي لـك وبتعـود .... بـــس اصبـر كـان تهواني

ودعونـي وصـرت متقيــد .... واخترس نطقي من لساني

يعــل بعــد العيـــد يتجــدد .... موعــــد اللقيــــا بخلانـــي

ياعسى داره سحب ترعد .... مـــع برقهــا يبــات دنانـي

وسلامتكم 4 / 9 / 2011


الشاعر / صالح عبد الله الحصن الشحي​

 

[برووق]

قصيدة ( القريه العالميه )


هلابك عــد ما هبــت شمالـــي .... وما نسنس هبـوب المطلعيـه

وما غرد على رووس العوالي .... طيــور انغامها عذبـه شجيـه

هلابك يابعــد عمـري وحالـــي .... هلا يامطــول الغيــبه علـيـه

من الفرحه مادري وش جرالي .... خفت آطيـــرعكـس الجـاذبيه

شفت احبيبــي يمشـي حذالـــي .... يتبعنـــي بقريــــه العـالميـــه

يناظرني ودمــع العيــن سالـي .... من الاهداب يرسل لي تحيـه

تبسم لي عرض لي وارتكالــي .... وقدم لي رساله مــع هديـــه

قريت الي كتبه وضـاق بالـــي .... ومضمون الرسالـــه واعلـيه

فقـدتك يــا اعــز انـسان غـالــي .... بـعد فرقاك مــا ذقــت الهنيه

بعـد عمــري احبــك لا ازالــي .... احبـك ليــن تدركـني المنـيه

رساله ولعــت بالجـوف صالـي .... مـن الحسرات آصفــج يديـه

تذكــرت الزمــان الي مضالـي .... على نور القمر نسهـر سويه

رعى الله وقـتنا وذيــك الليالـي .... تجيني بالخفا وقت اعشــويه

تسامرني وخلــــق الله ذهالـــي .... نقضـي اللـيل كلــه سامريـه

الـيـــوم آنـــوح واردد مقالــــي .... ايــرالصــوت كـني راعبـيه

مثل ماناح بــن روغــــه وقالي .... سحــرني بالعيــون الـبابلـيه

بعــد فرقـــاك ماشــي ايهنـــالي .... ولا للغيــر نفسي بــه بغيــه

سلامــي لك ولــو البعــد طالي .... عسانا نلتقي يــا الـشارجيـه

عسى دارك هطل وبل وهمالي .... تبات برووقها تشعل لظيـــه

الشاعر صالح الحصن الشحي ( برووق )


حوار مع قلبي

حاولت أرجع حـب لي مـات..... قلـبي مــاطايــــع يـــــرده

عـاذلـته مـــــــره ومــــــرات..... خايـــف عليه إيبيح ســـده

إيقــول بسني مالكلافـــات ..... أتعبتـنــي مـــده ومــــــده

تسكب من العينين عبـرات ..... وكل يوم تحضن لك مخده

خلك من عالي المقامــات ..... كلن يفصـــل لــــه ع قــده

بسك من قطع المسافـات ..... وياليت تشوف إلي تـــوده

اليــوم ما بتبــعك هيـهـات ..... خلاص باب الوصـل ســـده

أدميتني بكـثر الجراحـــات ..... الصـبر عنــدي فــــاق حـده

بوعبـد الله فات الـذي فات ..... لأهل شعـــم قلبك مــــرده

الشاعر / صالح عبد الله الحصن الشحي

برووقـــــ



قصيدة بالراس تتراقص شياطين

لي دار دولاب الشـــــــعر بي ...... بالـــراس تتراقـص شياطيـــن

ولي هب لي نسناس غربي ...... فاضـــت دمــوع بمقلت العين

يزاغيـــه لــــي دار المهبــــي ...... أشـــــم به ريـــــــح المحبـين

ياويــــل مـــن فـكـــر نشبـــي ...... يـــدور فيني شمــال ويميــن

أحــــس مـعـلاقـــي يشبــــي ...... يـثــــور يتفجـــــــــر براكيــــن

أذكــــر زمــــان طــاف مربــــي ...... كنه خطف في ساعه وحين

كنــت بهنـــا والزيـــن قربـــــي ...... نقطـــف من زهــور ورياحين

أقـــول أحبــــك قـــــال حُبــــي ...... آمــــر ونحــنا لـــــــك ملبـين

تقـــــول أبــــــي ونـــــا ألبـــي ...... فــي غمـــره مابينـنا أثنــين

فيهــا جمـــال ما خلــق ربــي ...... سبحان لي سواه من طين

جيـــد وخـــدود وعيـن تسبـي ...... عقـــال خلتـهـــم مجـانـيـن

واليــوم وقتـي لي غــــدر بي ...... بـعـــدت ديـــــاره والعناويــن

إشتقت لــك ماقــــدر أغبـــي ...... وأبيات شعـــري لـك براهين

لوتدري بـعــــدك لي حصلبي ...... اليـــوم كنــه إيمــــر عاميـن

لقـيـــاه تراودنــــي ياربـــــــي ...... رفـعــت كفـــي أقـول آميــن

إتــــــرد لـي محبـــوب قلبــي ...... مافراقهـــم ذقـــت الآمرَيــن

آمــــــــال تراودنـــي وتهبـــي ...... مادري توديـنـي علــى وين

لي إشتقت لك ماهو بذنبي ...... بالـراس تتراقـص شياطيــن

الشاعر / صالح عبدالله الحصن الشحي

برووقـــــــــــ​

 

[برووق]

قصيدة ويل قلبي


ويل قلبي رايح اوغادي
................تلته عني هواويه
اشتكي من واهي افوادي
............يوم كل الناس هيعيه
ما اشتهي قوتي ولا زادي
... ......مبتلي ما حد درى بيه
صابني من غض لنهادي
.........سهم عينه ما رحم فيه
مبسمه من ريحة الكادي
............ الشفايف حمر ورديه
صورة خلاق لعبادي
............كيف أقدر وصف حوريه
يا بعد عمري بك امرادي
........... لي لفى ذعذاع غربيه
قام قلبي يطرق انشادي
........ قمت اشل اللحن حربيه
من سببهم عايف ابلادي
.......... ابدارهم مروبي اشويه
امسح دموعي وتزادي
.............. بللت ثوبي مع ايديه
في حشايه نار وقداي
......... وفي عيوني بروق لاظيه

الشاعر / صالح الحصن الشحي


هاي قصيده رد على مشاكاة الشاعر حمود مفتاح الخاطري



هلت دموع وجفت عـــروق ..... وقلبـــي مـن الصدمـــه ولا فـاق

كنه على قلبي جبل طوق ..... ومطـــوِق إبيه سبــعــة أطــواق

من الهم لي جاسيت ولعوق ..... يالخاطـــري لفــــراق حــــراق

لاتلومنــي لـفـــؤاد محـــروق ..... لي من ذكرتـــه الصــدر ضـاق

كل مــا سليت وقلــت باروق ..... إنهــل دمــــع العـيـــن دفــــاَق

عشرت عمـــر مرة وانا اذوق ..... من سلسبيل اشفاه تريــــاق

غــر غـــرير وحلـــو منطـــوق ..... واللحـــــظ كنـــه رمــي تـــفاق

مثــله مـــا حبيـــت مخلوق ..... ولامثلـــنا مــن ذاق لشــــــواق

واليوم باب الوصـــل مغلوق ..... حسبي على الي سبب افراق

إمـــن الصــباح آير طـــاروق ..... ف اللـــيل جفــني الـنوم ماذاق

الحظ الردي ما يطلع لفوق ..... دومـــــه على لــــــــنزول سبَاق

ياحمــــود لاتلومه بـــرووق ..... عايــــش بلا مهجــــه ومعــــلاق


ما عيك زووود يالشاعر


برووقـــــــــ

الشاعر / صالح عبدالله الحصن الشحي



قصيدة وينك انته

كل ما ناحت علـى الاغصان ..... راعــبـــيـــــه ذكرتنيـــبك

هاظ مابي حركـــت لشجان ..... إشعلت قلــبي لواهيبك

قلـبي اختارك من العربــــان ..... بــين هالعالــم أماريـــبك

ماشفت مثلك خلق انسان ..... لو وصفتك عجــز وصفيبك

ماخلق مثلك بإنس اوجــان ..... خايف من العين لاتصيبك

بك جمال صاغـــه الرحمــن ..... مكملنه حسنك وطيـــبــك

الخــدود وطرفك النعســـان ..... كــل شي لي بك محليبك

خصــر يتمايل عويــد الـبان ..... يــــوم تقبل قــمت أهليبك

لو رسمــك بريشته فـــنان ..... هـــام قلـبه مــن تصاويبك

لاتــلوم المغـــرم الـولهــان ..... لي ذكــــرك وقام يلعيـــبك

إنـت زرع القـلب والبستان ..... إنــت روحـي لي بتحييبك

إسقني ريجك أنا عطشان ..... ضاميات القلــــب برويــبك

ذاب قلـبي جفــت الغدران ..... ويـنك إنـته ويــن مادريـبك

ألـبارحـــه بعالـيات أغصان ..... راعــــبـــيــــــه ذكـرتنيــبك

الشاعر / صالح عبدالله الحصن الشحي

برووقـــــــــــــــ



قصيدة العيد الوطني ( احبك يا شعم )

افتخــر فيــك واحبــك يــا شعـــم ......... واحــــب فيــها جبالـها وترابــها

ديرتــــي اصولــها منــــذ القـــدم ......... اعتــز فيــها ويشهدون أغرابها

ابتســم لي من طريتج ابتســم ......... طيبــة اهلـها وزينــها حلابـــها

الساس بنــوه اجـدادنا ماينهــدم ......... نحافظ عليه ونحن لي اولابـها

يا كم نهلنا من مدارسك العلـــم ......... عشـنا بيـن اقلامــها وكتابــها

بعيــد الاتحــاد انرفع اطول علـــم ......... فيها وعلا لين شـم اسحابــها

رفــرف للعلـيا طـــايــر كـالسهــم ......... من صفقـوا شبانـها وشيابـها

ثــارت قوافــي واعتزيبــك يـاقلــم ........ باخـط مـن نظـم الشعـر ومابها

نحمي حمـاك يا علم وقت اللـزم ........ لحوض المنايا نرتمي مانهابـها

نروي الثــرى نجريه من سيال دم ........ نحــنا رحـاها نـارهـا وشَبابـها

كـل القبايــل والنعـم فيهـم نعـــم ........ اتصيح يـاك المــوت يـا شرابـها

نحنــا اهـل نخــوه وكلنا ولاد عــم ........ مربى الاسود الي تكشر نابها

مـن ارضــها للجــو نولعــها حمــم ........ ولا بـهــا ولا بـقـطـع ارقــابـــها

كلنا فداك سيــدي عالي الاســم ........ يـاريـس الدولــه يامـن غلابـها

وزايد الي في وسط قلبي انرسم ......... ياعل لك الفردوس تفتح بابها

وبوراشــد الي كانه الجبل الاشـم ......... فـوق العلالي دولتـي يرقابـها

وصقــر ابـوي انته يالحـــر الشهــم ........ ايـديك بالخيـرات كـم تسعابها

وشيـوخ يلي من غلاهم كالنسم ........ على نهـج زايـــد تخب اركابها

الشكـــر لله وللحكـــومه بكــل فـم ........ يسلــم الــي للعــلا علابــها

الامــــارات ارتقــــت بيــن الامــــم ........ وقـت المحــن الكــل يتذرابـها

افتخــــر امـاراتــي تعليـــت القمم ........ الكيــف كيفي وزيـد يا صبابها

تعرفون من علمنا المبادىْ والقيم ........ زايــــد الــي مندفــن بترابــها


الشاعر صالح عبد الله الحصن الشحي​

 

[برووق]

قصيده رد على مشاكاة الشاعر
علي بن سعدين الشحي قائد فرقة الشحوح الحربيه
ابو محمد يقول

الوقت في الدنيا بدا يضيق
.......... والقلب عندي صار ضايق
كل يوم والثاني مرافيق
............... سهران واعد الدقايق
دنيا غريبه يا المخاليق
................ اتغيرت فيه الحقايق
هذا الزمن ما فيه توثيق
.......... هاف الزرع وسط الحدايق
هموم وامراض ومحاريق
............. والي عزيته صار بايق
اذكر زمان فيه تبريق
................ فيه المعزه والروايق
الوقت لول به مواثيق
.............. عندي على قولي وثايق
الناس تصبح به مطاريق
........... يمشو الوعر من دون سايق
عاشو على عزه مصاديق
.................. ارجال بلمعنى لبايق
ما بينهم يا خوي تفريق
............... وقت اللزم شبو حرايق
دلالهم مالبن ع الريق
............. سمت العرب ياهل الشرايق
وانت ياصالح تفرج الضيق
........... وصدق الصديق وقت المضايق

الشاعر علي بن سعدين الشحي قائد فرقة الشحوح الحربيه

وكان ردي ع مشاكاة اخوي بو محمد

ياني كتاب وفيه توثيق
................ اتصفحه سبعة دقايق
من لي سنا شوفه تباريق
.......... راعي البشاشه وطيب فايق
اخوي يشكي الهم والضيق
.............. ما قط شفته قبل ضايق
سهران إير الطواريق
............حتى اللبس ماهوب طايق
مراة يغفي ومره ايفيق
............... الجو عنده هوب رايق
يعل الذي كدرك مايليق
............... اتشب في يوفه حرايق
هذا الزمن مافيه تفريق
.............. الذيب والثعلب صدايق
يوم الردي يصفق تصفيق
................ هايم من اللذات ذايق
خلها على الله وبلع الريق
.......... واصبر على جور الرفايق
وطلب الخالق لاالمخاليق
............. سبحانه خالق هالخلايق

الشاعر صالح عبدالله الحصن الشحي
برووق

​

 

[برووق]

القصيده مشاكاه للشاعر علي بن سعدين الشحي قائد الشحوح الحربيه

هاظ الغرام ولاعج الشوق ...............إذكرت منشـوح الجدايـل
لي حبهــم يجـري بلعروق ............... ورود قلبـي لـه ظلايـل
حنيــت لــه حنــة الــنوق ............... لي حنــة بكـار الاصايل
تميــت ماليعـات مخنــوق ...............والـدمـع نفــات المخــايـل
قلبي يابن سعدين محروق ................ بحشاي سوى بي فعايـل
الناس كلها حظوظها فوق ...............انا حسافــه الحــظ مايــل
كلـــه حلاه ذوق في ذوق ................ ماقدر اوصفه شي هايـل
يشعل فؤادي لاظي برووق ............... همـال ورعـود ومسايـل
اذا ذكرته صرت مشنــوق ............... أفرَج همومـــي برسايـــل
ابتليت بومحمد بغرنـــوق ................ وصله شحيح ماهو محايل
اشتاق له احــن واتـــوق ................ لي راح من بعد الوصايل

الشاعر صالح عبد الله الحصن الشحي

رد علي بو محمد يقول

هاظ الفؤاد وزاد بي الشوق ............ يوم الخوي طرش مثايــل
يامرحبــا مالاظـــت برووق .............. وعداد نفــات المخايـــل
يامرحبا يا أعـــز مخلـــوق ............... فزيت لك راعي اليمايل
راعي المــوده دوم مخنوق ...............النـــار في قلبـه شعايــل
انا شراتك عشــت في طوق ............... بين السعــاده والملايـل
ياصاحبي بقـــول مرفـــوق ............... لاتتركه سمــر الجدايــل
واصل طريقك دام معشـوق ............... وان كانت دروبه طوايل
وارسل سلامك عنـد لشروق .............. ياساكـن بدار الشمــايــل
الحـــر دايــم للســما يتـــوق .............. وانته شراة الحـر طايـل
يــفداك مـالـــي ودم لعــروق .............. لاتشتكي هــم وعضايـل
بوصل جدا داره على النوق ............... يا صاحبي عطني دلايل
بـرد لـــك خـلــك ولحقـــوق ............... لو كان في حــر القوايل
والعذر صالـح راعي الـذوق ............... ان كنت انا بالقول عايل

الشاعر/ علي بن سعدين الشحي قائد فرقة الشحوح الحربيه


قصيدة نـــاعم العــــود

(سلام يا مدقـــوق لوشــام .......... فيك الحسن يا ناعم العود )
(حلـــــو الثنايـــا والتبســـام ......... وانــت الذي بالخـص مفنـود )
(تسوى مصر والهند والشام ......... والرياض ومايملك بن اسعود )
يا (؟)انـــا هايــم بك اهيــام ......... لي من ذكرتك طحت ممـدود
ولي زارني طيفــك بلحــلام .......... ونيـت وكــل العالــم ارقـــود
يـــوميــن والثالــث ولانــــام .......... نجـم الثـريا وغيـره اشهـــود
كنـــي رضيــع بعــد لفطــام .......... ابغــي دفى صدرك ولنهـــود
انتـــه فطــوري بعد لصيـــام ......... يــاسيـد الخفــرات والـــخــود
ارقـــب وصالــك كني إبــزام .......... كالعسكري مرابـط عالحـدود
وكالغيص يلي لابس افطام .......... مايــات مـاتنــزل بــه ابلــــود
دار الهــوى والمــوج لطـــام ........ صابــر وقلبي صخــر جلمـــود
لاتحكمــولي حكــم ظــلام .......... يابو جديــل وخصــر مقلــــود
حبـــك خطمنــي إتخطـــام .......... كــل يوم ياخذني على زوود
سكنتك بقلبي من العـــام .......... بيـن الضلــوع العـوج والعــود
شــد الطناب وشيد اخيـام ........... وادخل بلا اهــدى ولا هـــود
سـلام عـد مــا طايـر حــام ......... وعداد ما نسنس هوى النود
الشـواب قالوها من اعـوام ......... لازم مصيـــر الحــي بيـعــــود

الشاعر /صالح عبدالله الحصن الشحي

علما بان الابيات الثلاثه الاولى ليست لي ولا اعرف قائلها
ولكن نظمت القصيده علي نفس البحر والوزن لاعجابي بلابيات


قصيدة زواج المسيــــار

عرضــت علي ياخوان دكتـوره
ــــــــــــــــــــــــــ تبغي الزواج وتقول مسيـار
هي بنت قبايل حلـوه وأمــوره
ـــــــــــــــــــــــــ من شفتها طارالعقـــل طــار
مـن حسنــها ياحلــــو صــوره
ــــــــــــــــــــــــ إرمــوشــها قطـــاع بتــــــار
وخـــد تشعشـع لــظ نــــــوره
ـــــــــــــــــــــــ ياظــي سنـاه بوقـت لسحــــار
اتقــــول انـــــت الــــــي ادوره
ــــــــــــــــــــــ أرجـوك وافـق لي وقل صــار
كل شي علي الحال مستوره
ــــــــــــــــــــــ ومن الذهــب لاتجيــب قنطـار
بصبـــر معـــك وانــــا صبـــــوره
ـــــــــــــــــــــ إملــك تملــك قـــول وخـتــار
من المنتـدى أطلـب مشــوره
ــــــــــــــــــــ دولاب قلـبـي بــات محــتــــار

الشاعر / صالح عبد الله الحصن الشحي ​

 

[برووق]

قصيده امس العصر ( المطار )


أمــس العصــر مثل الدليــه ألقاني ......... أوصل الى الرقه وارد عجماني
وارجع الى الشهبـا ولا عندي فكـر ........ وعلى المطـار ألف وارجع ثاني
قـالـو حبيبــك عـاد من بعـد السفــر ......... وانـا عليهــم شافــق اولهـانــي
الشارجـه كلها تفـوح ريحتها عطـر ........ مع عــود كمبـودي بورد ريحاني
اقصـد بريحة ذاك لي صافي النحر ........ الـي بحبـــه صـابـنــي إدمـانــي
يـاليـت شـفـتـه اوتمتعــت إبنظــــر ........ ان كـان خفـف شي من احزانـي
لكـن رجعت الدمـع من عيني حـدر ......... بجنب المطار الشوق له وداني
جسـم هضيـم ماحـلا ذاك الخصــر ......... والعـود مياسي وصـدر لبنـاني
والحاجب الي كنـه هـلال الشـهــر ......... والجيــد كنـه قـايــد الغـزلانـي
يـاليـت مـن ياتـي يـلفينــي ابـخبــر ......... يريـح شـوقي والولـه اضنانـي
يدري أحبـه حـب من يـوم الصغـر ........ يـدري أحبـه حـب مـن وجـداني
يـــانــاس يـاعالـــم يكفينــي فخـــر ........ حبــه بـدمي يمـر فـي شريـانـي
مايدري اني أهووم من أمس العصر ........ آصـك للـممزر وارد عـجماني

عسى تنال اعجابكم ـــــــــــ وكلكم له حبيب مسافريتمنى يلاقيه بالمطار

الشاعر / صالح عبدالله الحصن الشحي


قصيدة سلام الله

سلام الله على الي شيدو بالقلــب لهم بنيــان .... ســلام الله لاهــل العيــن معهم اهل بينــونه
سلام امعطر امن الورد فيه الزعفران الوان ....ودهن العود فوقه عود وامن المسك صابونه
تحياتي لكم يا (؟) فيها من شذى الريحان .... خلاصة عطرها الفواح على نحرك يرشونه
كيف الورد يعطر ورد عبيره انت بلاغصان .... اذا هبــه نسيــم الصبح تتمايـل بك اغصونه
محبتكـم بوسط القلـب تلبسنـي الفخـر تيجـان .... وعمـر العين ما شافـت مثلـك بنت مـزيـونه
انا لي دار هاجوسي وأكتب وانتي العنــوان .... اتمايل طـرب والقلـب يعزف اعـذب الحونه
زدتي عن جميع الخود بجمال ماحواه انسان .... تـربعتي على عرشـه طبيعـي شكلـه ولـونه
بهرنـي طلتـك والعـود وزاده حسنـك الفتـان ....انــا خوفـي مـن الحسـاد عنـي لا يحسـدونـه
مــن حقـك تـتمايـل تمايـل يا عـويــد البــان .... الا ياويل قلبي لـي عرض يمشي على هونه
ترى قلبي تولـع بـك خوفـي لا اجـن اجنـان.... واهيـم الليـل بالقفـرى اذا جا الليـل بـسكـونـه
واذا سالوني عن مابي قلـت عاشق وهيمان .... خــذت قلبـي بدويـه قالــت بـه مـن اركـونـه
صابتنــي برمـش العيــن ونهـد كنه الرمـان ....وخـد لـي التفـت بارق وشعـره كاسي امتونه
عسى ربي يحفظك لي بطه وسورة الرحمن .... وعل الي يحسدك كـف رشـة ملـح بعيـونه
عسى دارك هطيل الوسم مالظفره لين عمان ....تخضـر الفيافـي والعشـب ينبـت ويـرعـونه


الشاعر /صالح عبدالله الحصن الشحي


قصيدة مــن انــــــــا

أنا الشــاعر لــي هيضــت فنـــي .................. أخط القاف في عالــي السحـايـب
لكن ظـرف الليــالــي عاكــسني ................. من صــغري وشعر الراس شــايب
أشاكـي أشتــكي أبكـــي واغنــي.................. يعــرفــونــي الأحبـــه والـقرايـــــب
كـــم إتــمنيــت مــافـــاد التمنــي ................. ودنـيا كـــم شفـت إبــها العجايــــب
سألـــت الـــدار وين إلي هونـي ................. لقيــت اطـلالـها وصـارت خرايــب
تقـــول إحبيبـــك شلــوه عنـــي ................. شـدوبــه وراح ويــــــا الركايــــــب
بقى من عطــرهم فوع السمني ..................تهبــه لــي لـفــــت صوبــــي هبايـــب
مضـــت ليـــام ولا يتـــذكرنـــــي ...................نسوني وصــرت كني مالغرايـــب
وأنـــــا بــي شي اكــبر ولعنــي .................( أخويــه لي إندفـن تحت الترايــب )
يـــزاورنــي إذا ما اللــيل جنـــي ................... أهـل ادمــوع وآصيــح إبنحـايــب
دمـــوعــي عالخـــدود وغرقنــي .................. وصــار النـوم مع عينـي حرايــــب
ألا ياســـائلي ولا خــاب ظنــي .................. عســى ماشفـــت مثلــي مالمصايــب
إســـم بـــروق أنــا منه ومنـــي ................... يرافقنــي ومعــه الكيــف طايــــب
ألاظــي وبعـدي المرعد يحنــي ................... مرابــع مدلهمـــات السحايـــــــب

الشاعر / صالح عبد الله الحصن الشحي
ـــــــــــــــــــــــــ بروووووووق ــــــــــــــــــــــــــ


ـــــــ التحدي ــــــــ

يكفي من التطنيش وصلت للحد ................ تشوف رقمــي للأسـف مـا تــردي

خلاص بعت الحب حطيت له حـد .............. رفعت راسي ولا انحني لأي حدي

سويتـنـي لـعبـه تلعـب بي الـنـرد................ كل ما يشوش الراس ارجع أهــدي

أرجوك اتـركـنـي وأنا اوعـدك أبـعـد .............. عنك و أنا لي قلـت أوفـي بوعـدي

أقنعـت نـفـسـي ولا أفـكـر لـك أرد................ تحت الثرى دفنـت ســدك وســدي

هذي النهاية يـازكي الخال والجـد................ ماهي سحـابة صيــف بكرة تعــدي

عسى طريقـك ينفـرش بـه الـورد................ وأنــا بكيفـي بيــن جــزري ومـــدي

تناسيت أنـا الماضـي و أفكـر بغـد................ أدوس على قلبي وأعلن تــحـــدي

الشاعر / صالح عبدالله الحصن الشحي


ردود الشعراء لقصيدة التحدي


الشاعر راشد بن سعدين الشحي رده يقول
يامرحبا من صاح محتـــد ......... قولك لفاني ما يعدي
واجب عليه اكتب الــــرد ....... واطيب الخاطر واهدي
يامرحبا مليـــــون بنعــــد .......واحلى التحايا لك بردي
معذبنك صافـــــي الخــــد ...... وانته عشانه قمت تشدي
انـــــا معاك اليـــد باليـــد ......... بدخل معاكم بالتحدي
باتركـــــه رهيـــف القـــد ....... مركب غرامي مستعدي
يكفي من الهجران والصد...... كل اللعب معروف عندي
لك سلامي عد ماانعد......... ... بالخير لك مديت يدي
الشاعر علي بن سعدين الشحي الاخ العزيز والصديق كلكم تشوفونه مسؤل فرقة الشحوح الحربيه
اخ راشد كلهم شعراء ماشاالله عليهم يقول
بعد العصر انويت ارقــــد ..........لنه الرساله تصيح عندي
فزيت واقف شفتـــه العـــد .. ...... عذب القوافي والتحدي
صدق البحر له جزر اومد ........ بس المحيط اشوف حدي
والي ابتلا بالهجـر والصد ........يمسي شرات الطير يشدي
الرد واجــــب قلـــت لابد............ ببذل معاكم كل جهدي
وانا غـريم الشـوق مستـد .......... وانته ياصالح دوم تهدي
ماقدر اميز حـد عن حـــد........... شحي ترى جدك وجدي

علما بأن القصيدتين تم اختصارم
فارسلت لهم الرد لان معزتهم بقلبي كبيره غاليين علي واعز اصدقائي
اقول

يامرحبا يانسمــة الـــورد ...........وعود المعتق صنع هندي
بخشوم قبل مصافح الـيـد ...........يلـــي لهم مقـــدار عنـدي
يوم اعتزيهم بيــوم لسـود .......... يوني زحف الفيــن جندي
رصاصهم بالجو يرعـــد ...........شحوح هم ذخري وسـدي
بالشعر كنهم مــوج يزبـد .......... يتلاطــم بجــزره ومــدي
وبالغزل كالماي المبــرد .......... ايلين مــن قلبــه مصـدي
كل قنصهم غزلان شـرد ...........الا الهزيلــه مـــاتـــودي
والي رماني بمرهف الحد ........ بينـــي ومــابينــه تحــدي
صاير من الحسره إيتودد ......... ويقول يــا معلاق كبــدي
وان طالت الايـــام بنفــد.......... ماتشوف دمعي فوق خدي
لاقوت يهنالي ولاارقــــد ......... توبـــه اسمـح لي يـاودي
احكــم عليه قـــول نفـــد ......... يـابعــد عربانـي وجــدي
انا ادري بانه صار محتد ........ غصب على خشمه يردي
كنــه نســى يــوم اتنهــد ......... واهوم تالي الليل وحدي
النـاس من ركع وسجــد ......... وانــا ابا الليلــه تعـــدي
بعاملـــه النـــد بالنــــــد ......... امن الوزى وصلت حدي
بسقيه مالهجران والصد ....... ليـن ايغـدي خاتـــم بيـــدي
سلام ياخواني مـــــورد ........ واجب علي وارسلت ردي


الشاعر/ صالح عبد الله الحصن الشحي ​

​

 

[برووق]

قصيدة عجوز السوق


يابن حموده فيـــك هفـــا.......... مادري مـس امن الشياطين
تسمــع كـــلام المستخفا.......... ضروسها طاحت من اسنيـن
شلــها بعبايتــها ولفــــا............كــودها في دار المسنيـــــن
هاذا جزاها لـــوتعرفـــا..........عيـــوز مافيــها شعرتيــــــن
ضاع العقل قامت تخرفـا......... والا اقــول عطها صفعتيــن
ان اركبت والله ازغفـــا......... بالبطــن بـرفسـها رفستيـــن
ماتشوف حـــناها بكفـــا..........والكحل لسـود تارس العيـــن
ورانا ورانا تلف لفــــــا... ......بالسوق وابواب الدكاكيـــــن
مادري العييز شو هدفــا.... .....الله يغربلـها قـــل اميـــــــــن
ياعلها العاصف عصفــا.... .....ايشلـها مادري علـى ويــــن
والا انا بعطيك وصفـــا..........خـذها ودق الها زياريــــــن


الشاعر/ صالح عبد الله الحصن الشحي


قصيدة سافرت


سافــرت ماودعــت غالـــي .................. انتظـرتـة طالـــت الغيبـــه
قمت ادير الفكر واختالـــــي .................. بالمكــان الــي وعدنيبــــه
اصفق الكفين عاالخالــــــي .................. ليـــت حصلنــا مطاليبــــه
وعنـــايـه وشــــقا حالــــي .................. قلبي العاشق ش اسويبــــه
التفــت يمنــاي واشمالــــي .................. ويــن خلـي ويـن مدريبــه
ارتحلت وضاق لي بالـــــي................... كيف اودعه ياهي مصيبه
سيـــرت انــــا بولــوالــــي................... ابليـــس يلعبــي الاعيبـــه
صور اليه طيب الفالـــــــي................... قـــام يطوينــي باكاذيبــــه
قبل الرياض بربعها الخالـي .................. مر طيفه سـاري مغيبـــــه
دن قلبـي وقـام يطرالـــــــي................... انشغــل لفــواد يهذيبــــــه
لين ارض الشام لازالـــــي................... كالقمـــر فالليـل اسريبــــه
في دمشق قام ايتراوالـــــي................... بيــن ورد فايــح بطيبـــــه
اسامره والنــاس ذهالــــــي................... والنـــوم عيني ماتغضيبــه
لا شراب لا قوت يهنالــــي................... ويـل مـن فـارق محابيبـــه
احســـب الايام وآتالـــــــي .................. عـل يرســل لـي مكاتيبـــه
بلا وداع سافرت عن غالي................... ولا التقـــى كفــه بكفيبــــه


الشاعر / صالح عبد الله الحصن الشحي

الحــــــب الجديـــــد


جيتكم شاكي يا أهل الذيد ..... لــن قلبـــــي تدمــــي طعونـــه

مـن غـزال صـاد قلبـي صيـد ..... صعــب حــذري مــــا يصيدونـــه

صوبتنـي فاتنـــه مـن الغيــد ..... برمـوش كنها رهــاف مسنونــه

واعذابــي منـه خالـي الايــد ..... ذابحنــــــي بنظــــــرة عيونـــــه

ريم من بلادي ماهو مابعيـد ..... ضافـــيٍ شعـــره علــى متونــه

جمـال ربانـي ماهوب تقليـد ..... ولا دخـــل مكيـــاج فـــي لونـــه

يختــال بيـن العــذارى سيــد ..... وان مشى يمشي على هونــه

شــل قلبـــي هــدده تهديــد ..... زعــزعـــــه وإهتــــزت إركونـــــه

لمحـت لـه العــام قبـل العيـد ..... لـــــه نظمــت الشعـــر ولحونـه

لاجـــواب ولا خبـــــر تأكيـــــد ..... خايـــــــفٍ قلبـــــي يصدونـــــه

يدريبـــي غيــرهـــم ماريــــد ..... يعلـــم إن ماعيــش مــن دونــه

لـه شوقـي كـل يــوم إيزيـــد ..... زرع قلبـــــي هافــــت غصونـــه

أخـوي بـومفتـاح حـب جديـد ..... قـد سطـى بي واطلـب العونــه

جيتكـم عانـي يا أهـل الذيـد ..... أحيــــد لـــي طايـــح تشلونـــه


الشاعـــر / صالــح عبـدالله الحصـن الشحــي

قصيدة راشد بن سعدين

صاح قلبي واعلن التوبه...من كثر يا ناس ما صابه
العقل بي دش غيبوبــــه ...لعن ابــوه الزين من يابه
ان مشى يمشي على دوبه...سعد من يلقــــاه يهنابه
ليتني ثـــــوب على ينوبه...او غشايه تلحف اهدابه
ولي ابتلى في حب غرشوبه...ما يلام لو قطع اثيابه
ما يفيد الطـــب وطبوبه...ساهـــر والنــــار تصلابه
يا خيالي شلنــــي صوبه ...القلـــب والروح تهذابه
ولك سلام بكامل طيوبه..صالح ابن الحصن لي يابه
صاحبي والكل يدروبه...ما خسر لي من طرق بابه
الشاعر راشد بن سعدين الشحي

وكان ردي لاخوي راشد
يا هلا ومرحـــــبا وهبوبه...حــــي مـــن وافانــي اكتابـــه
يا الجمس قم ودني صوبه...مادري بن سعدين وش صابه
سيــر عجل واقطع ادروبه...اقطع ابيــه اسيــتوح وهضابه
سمعت يشكي حب غرشوبه...حتــى نومـــه مـــا تهنابـــه
عاف قوته واعاف مشروبه...والدمــــع خـرس لــه ثيابــه
يقـــزر الايــــام بصعوبــــه...لـــي سكـــت قــام ايتهاذابــه
هـــام قلبـــي ودار دالوبـــه...واذكرت لي ناقـش اخضابــه
لي بحشايــه لاعــب العوبه...كـــــن بــــه نيــران شبابــه
صرت كاني شارب اطبوبه...مـــن جبــل لخضــر تعنابــه
المحبـــه صارت اعقـــوبه...لي ابتــلا فيـــها وغزر نابــه
الامــــور اتييـــك مقلوبـــه...كـــم واحـــــد راح بسبابــــه
ياالاخـــو صابتنا الحوبـــه...يـــوم زانـــت غلقــت ابوابه
كلما يينا بنعلـــن التوبــــه ...اتـــدوخ ابنا بنـــت جذابـــه


الشاعر صالح عبدالله الحصن الشحي ​

 

[برووق]

على وين

اتعبتني يا قلب ناوي على وين
................اخاف ترميني بحور الظليمه
اشوفك مسير ناوي جدا العين
..............دار بها للناس قدر او حشيمه
فيها من الغالين الطيب الزين
.................ريم تعلا يرتعي من قميمه
صاد الفؤاد قطع القلب نصفين
...........صوب فؤادي يا ملا في صميمه
يلفي على ذكراه من حين لاحين
..............كنه رذاذ ينعش القلب غيمه
يا قلب اترجاك بالعطف باليين
............فيني لاني بغيرهم دون قيمه
خوفي ترجع منها خالي ايدين
............. وترد حليمه لعادتها القديمه



الشاعر صالح الحصن الشحي


( خبريــــه يـــا نسمــــه )

هب نسناس الهوى جنوبي .... يـاب لـي ريحــة محبينـي

عليــل بالنسمــات ويذوبــي .... إنتعشت وقمت في حيني

خطـت إيـدي نظــم مكتوبـي .... حبرهـا مـن دمعـة العينـي

ولعـــت قلبــي يـامحبوبــــي .... طيفكــم كل ساعـه إييني

يـاهــوى نفسـي ومطلوبـي .... الرسايــــل مـــــا تكفينــي

قمت أحس بالصـدر لاهوبي .... إن لمسته يحــرق إيدينـي

خــوف عـن لايحـرق الثوبـي .... ينصهــــر مابيـــن ضلعينـي

عـــالبحــــر آقـــــزر الدوبـــي .... ألتفـــت يســراي ويمينــي

لين مالت شمــس لغروبـي .... قامـــت الدمعــــه تعزينـــي

ياظنينـــي إلتفـــت صوبــي .... فـــي عذابــــي لاتخلينــي

خذنـي بزينـي مـع عيوبـي .... ولك عمـري وباقـي سنيني

أفتــح فــؤادي لــك درووبــي .... وتصير نبضي في شراييني

رووف بـي لاتحمـل إذنوبــي .... وانت كل شي فيك يغريني

كـــم كـــم وقلـــت بـاتوبـــي .... أشـواق قلبي لـك تودينـي

صبّــرت نفسي صبـر أيوبـي .... عــل يـــوم ويتصـــل فينــي

الخيـــال قوتــي ومشروبــي .... عيشتي عيشـة محازيني

خبريـــه يـا نسمــة إجنوبـي .... طيفـــه الغالـي يسلينــي


الشاعر / صالح عبدالله الحصن الشحي



الطيـــــــف

انــا مشتــاق عطفـك والحنــان ..... حبيبـــي لاتخلينـــي عليــل

فضحني الشوق في عيني يبـان ..... لمن اشكـي وانته لي خليـل

اذا جـن الدجــى بـت اسهــران ..... واذا اصبحت ظنونـي قتيـل

ملكــت القلـــب يادعـج العيــان ..... يانـور العيـن ما مثلك مثيل

انتـه فرق عن الخــود الحسـان ..... انتـه جنتـي وظلـي الظليـل

اذا هوجسـت واطلقـت العنــان ..... يتـم افـؤادنا يصهـل صهيـل

فــي تـايلنـــد بيــن الاقحـــوان ..... تذكرتك جـرى دمعي مسيل

لان طيفك معي في كـل مكـان ..... واشوفك بين سعفات النخيل

تدريبــي احبـــك مــن زمــان ..... وتــدري ما ابـدل بـك بديـل

لقيتـك سلوتــي وبــر الامــان ..... ولا باحـب غيـرك مستحيـل

ترفـق بـي يا عــود الخيزران ..... تراني من العنا قد ذقت ويل

لك اهـدي وروود الزعفــران ..... ودهن عوود كمبودي اصيل

ومن السندس صنع بالقيروان ..... ظناني الشوق باشد الرحيـل


الشاعر / صالح عبد الله الحصن الشحي
القصيده احبها واايد لاني اتخذت بها قرار صعب بحياتي
هاي القصيده داايماا ارددها على لساني اليكم القصيده

القرار الصعب

يــادار مالــي فييـج رغبــه .... جـرح الامـس يـادار قد طاب

لـــول فييـــج الــي احبـــه .... اليــوم قلبــي عــاف لحبــاب

مـلا شراعــــي غنج غبــه .... عليـت بــه في بحــر عبــاب

إلي يحسـب الحــب لعبـــه .... مصيــر حبـه تحــت لتــراب

ماهــوب منـي انــت سبــه .... عيشتنــي فــي حلـــم كــذاب

ماقدرت احصَل منــك نْبــه .... خليتنـــي ع البـــاب طــلاب

حبــك مــع الغربــي يهبــه .... إلبـس من الهجـران جلبــاب

لاانتــه ولا الغيــر افتكـربه .... يدي طويلـه بطعـن لحــراب

إخـذ كـاس الهجــر شربـه .... القلــب عنــك غلَــق البـــاب

طريق الهيــر العيـن طبَـه .... ماعــدت لـه ياقلــب طــرَاب

لفـــراق اوقـد لــه واشَبــه .... للي ما حاســـب لي احسـاب

ادري ان لفــــراق صعبـه .... بلدمــوع تتخضــب تخضـاب

قبلك شربته قمت اغص به .... الحمـــد للــــه انحــــدر ذاب

ان كان لي يا(؟) طلبـــه .... حفظي القصيد حطيـه بكتــاب

اقريه يــوم انتــي بغربــه .... كتبي عليه عاشــق ومصطاب

انا ما حسبت للايام حسبه .... الحيــن مــــابيفيــد لعتــــــاب

والدرب لـي فيـها مطبــه .... لـف ع اليميـن وخـذ ع لجناب

غيرك بـذر بالقلـب حبــه .... بــذر العنــب بيثمــر اعنـــاب

صافي زلال الماي عذبـه .... تجـري مسـايلـها ع لهضــاب

بعيــش متهنــي بقربــــه .... بيـن الخـــدود وسمــر لهـداب

خلاص مالي فييج رغبه .... جرحــك داويتـه وقــد طــاب


الشاعر / صالح عبد الله الحصن الشحي (برووق )​