يوميات الأعضاء

[✿βạņ๑๑ŧạ✿]

يالسه في الدوام ملانة اطقطق على الكوبورد ما خليت برزة ما دخلتها وحطيت فيها مشاركة .،.

مديري مسافر وانا يالسه بدون شغل ( هاي اللي ما اتحب اتم بدون شغل ) ..

كل ساعة اسير عند الموظفين واسلوف مع هذا وهذيك .. افف خلصت السواالف ..

اتريا الدوام يخلص عشان وراي مشاوير وطلعة لان اليوم الخميس ..

واخيييرا نهاية الاسبوع ..

لي رجعه للموضوع بقولكم وين بروح وشو بسوي .. بسويلك دعاية حق المحلات والاشياء اللي فيها ..

دبي مول ما ينعاف من ادخله كل شيء ابغي اشتري له لزمة وماله لزمة ..

بتكون طلعة بنات يعني بنستانس هههااي ..

.
.
.

وبخصوص زيتونة ما لقيتي الا طيطار " اعععع " .. حليلها غادة ما تستاهل ..
يلا ان شاء الله تستانسين في اجازتج ..

[عالي المقام]

قبل شويه رديت من المستشفى ..

قضيت اليوم مع خالتي الغالية ربي يشفيها

تقولي ربي يطول بعمرها : أول مرة أرقد في المستشفى من ربي خلقني..سبحان الله

[أحلام أنثى]

قاعده فالصاله واشرب شاي اخصر
واترياا كنتااكي يووصل خخخ

[ رَبيْ
رَجوتُكْ حَقِقْ ليْ مُرادي ،
قَلبيْ ،
وَنَفسيْ ،
وَجَسَديْ ،
وأبعِدْ عَنيْ ما يُزعِجْ خاطِريْ ، ]

[آل بهلـول]

يسعد لي مساكم

عملت الكثير في هذا اليوم ولله الحمد

بدأت بالمشروووع في مراحله الاولى

وهي عملية تجميع معلومات ضخمه جدا

غدا بإذن الله سوف اكمل ما بدأت

بالنسبه العمل ولله الحمد والمنه على ما يرام...حسب الخطه المرسووم السير عليها

تصبحون على خير ايها الاحبة الكرام

أمسيتُ أكتبُ أبجديـــــة َ غُربتي .. شعرًا بلا نَسَقٍ و لا إيحــاءِ

و أُذيبُ في حُلوِ المعاني وِحدتي .. فتصيرُ أُنسًا يكتسي بحيائي

[عالي المقام]

صباح الخير و الابتسام و السلام

مرهقة!

اليوم عندنا تجمّع عائلي ع الغدا في البيت ^_^ يعني أكثر من 250شخص ما شاء الله

و من الصبح ترتيبات و مراجل و قدور تثور و تقطيع السلطة إلخ ...

و الحين تقريبا خلصت الأشياء الأساسية اللي أروم أساعد فيها و استعد عسب أسير المستشفى

أدام الله علينا و عليكم نعمه ظاهرة و باطنة

[آل بهلـول]

يسعد لي صباحكم

جمعـــة طيبـــه

من زمان لم ُأبخــر البرزة

أحس فيها جن وسحـــر

أمسيتُ أكتبُ أبجديـــــة َ غُربتي .. شعرًا بلا نَسَقٍ و لا إيحــاءِ

و أُذيبُ في حُلوِ المعاني وِحدتي .. فتصيرُ أُنسًا يكتسي بحيائي

[آلخزآمــے~]

في سوريّآ آليوم إرتقى 200 شهيد إلى ربهم
« آلأخبآر مؤلمة و آلنفسية تعبآنة "
سئِمت الحيآة ><
يآآآرب السعآدة و آلفرح إشرح صُدور آلمسلمين .

قلبي سُوريّه , لآيُشآبهني في حُبهآ أحدُ . .

[عالي المقام]

مساء السلام ..

توي رجعت قبل شويه من المستشفى

سويت للغالية خالتي سوالف يوم كنت أساعدها بالعلاج الطبيعي

تسلم لي ضحكتها الغالية

[عالي المقام]

تلفوني صار له مدة تعبان

و من كم يوم رافض فكرة أكلم أي حد أكثر من دقيقة أو افتح النت فيه بس يستقبل ويرسل

أس أم أس (: يسلم لي كيف رايق :) = معناته تلفون جديد يا عالي

و أقول له بإذن الله لكن اختاروا لي ع ذوقكم لأن ما أحب صدعة اختيار الفونات

[غادة الرياض]

كنت بنام ونشب فيني أخوي إلا وأقوم أتعشى
ويوم جلست ع العشاء كانت جنبي حنين بنت أخوي ماسكة الملعقه باليسار قلت لها
لا مايصير حبيبتي كولي باليمين قامت قرّبت فمها عند إذني وحكت لي بشويش / لا غادة أمزح على الشيطان
صارت البنت اذا قرّبت بتحط الملعقه بفمها تمسكها باليمين خخخخخخخ
يقالكم مقصّرة صوتها عشان مايسمعها الشيطان وتخرب الخطة

عجزت آكل من الضحك
قمت وأهلي لازالوا يضحكون عليها محد قدر يتعشى

وإني لَـ عبد لِـ رب رؤوف رحيم . . يضمد جرحي مهما اتسع
لاتنسوا اخوانكم المسلمين في سوريا وبورما من دعاءكم