بـراتـا تايم

[عايشة]

السلام عليكم ورحمة الله وبركاته ..

مو حالكون ؟ :eh_s(6):

الصراحه خاطري اسوي خبز براتا فالبيت
بس ما اعرف المقادير ولا كيف يسوونه

حد يعرف ؟؟

او خبز لذيذ غير عن العاده ..

لاني قررت ادش المطبخ ليوم واحد :boredsmiley:​

 

[غادة الرياض]

وشو البراتا ؟؟ ترجميه لي ياعايشة
ماتدرين . . يمكن تستفيدين من خبراتي المطبخية :eh_s(6):

 

[عايشة]

طيب يا غاادة

هذا ويش تسموونه

 

[غادة الرياض]

اهااااااا قصدك خبز التميس
أقولك وش رايك تجيبونه من أقرب خباز عندكم . . صدقيني أريح
ياماما مثل هالأشياءات لاتتعبين نفسك وتعملينها >> ياحبكم للكرف صدق حريم :boredsmiley:

 

[الجارح2003]

خخخخخخخ
انتي بعدج عالبراتا مااطورتي خخ

سيري مطعم الفارس بيخبرج هع

أخوكم الجارح2003

 

[عايشة]

خبز التميس

بس كلمتكم اهون عن نطق لشحوح

لكلمة براتا

خخخخخخخخخ

لا حبيبتي

انا احب اطبخ واحب كل شي من ايدي > صدق او لا تصدق :think:

ما سمعتي بالمثل اللي يقول من ايدك اطيب :eh_s(6):

 

[عايشة]

خخخخخخخ
انتي بعدج عالبراتا مااطورتي خخ

سيري مطعم الفارس بيخبرج هع

أخوكم الجارح2003

:gada34:

ترى من زمان ما كلته والحين بخاطري
وقلت دام انه خبز ليش ما اسويه فالبيت بروحي

بدل ما يغلونه عقب و يخلون الحبه بدرهم :boredsmiley:

فارس

محد مسويلهم اعلان كثرك :eh_s(6):​

 

[الخَيزُران]

انا احب اطبخ واحب كل شي من ايدي > صدق او لا تصدق :think:

ما سمعتي بالمثل اللي يقول من ايدك اطيب :eh_s(6):

السلام عليكم ورحمة الله وبركاته

صدقتج يا اختي صدقتج
من غير حلفان خخخخخخخ:eh_s(6):

هذا الشيف اسامه يشرح لج
كيف تسويه

http://youtu.be/hyTYMVn3ugI

 

[ريح هوجاء]

السلام عليكم ورحمة الله وبركاته

الله ذكرتيني بالبراتـــــــــا ......كم احبه ؟:boredsmiley:

كانت شغالتنا الاوليه تسوي لنا براتا احسن عن المطاعم فن واللـــــــــه بس خساره راحت عنا
اونه ريلها مدعوم وكدبت لينا راحت بلا رجعه :gada34:

المهم انا كنت اشوفها يوم تعجنه وتخبزه عشان تكون عندي خبره واللعاب يسيل

اهم شي

المقادرير:

6اكواب طحــين
ربع كوب سكـــــر
رشه ملح يعني نص ملعقه صغيره
مااااي حسب الرغبه

الطريقه:


نضع الطحين على سطح او في وعاء عميق ونعمل حفرة من الوسط وتحطين (ملح + ماء) وتبدي تحركين الماي مع الملح
وتاخذين شوي من الطحين من الجوانب وتحركي شوي شوي سوي الحركة لين ما تخلصين من الطحين واذا احتجتي ماي زودي
وتم تحركين العجين وتحطينها على سطح مرشوش بالطحين (شوي) وتحركين اطلعينها فوق وتنزليها
المهم تحركينا لين ما تحسين صارت لينه (مدة 5 دقائق) تحركينها وبعدها تكورينا تحطينها علىى السطح ونحضر وعاء مناسب لكرة العجين شوفي الصور


اتركيها ترتاح ربع او نص ساعه عاااااادي
وبعدين انكورها بس لازم تكون ايدنا مدهونه بالزيت وبعدين غطيها
ناخذ كرة الطحين ونفردها بيدنا شوي وندهن ايدنا بالزيت
وبعدها نقوم نفردها بالنشاب وندهنها بالزيت

ونقوم بسحب العجين من الجوانب حتي تصبح رقيقة جدا

ثم نقوم بلفها مثل ( الحبل )

ونلفها على شكل حلزون
ونكرر الخطوة السابقة في كل كرات العجين

ونفردها بالنشابة بس تكون البراتا ضعيفه

ونضعها في المقلاة وبعدها نضع ملعقة صغيرة ( ملعقة الشاي) زيت ونوزعه عليه

ونقوم بقلب البراتا حتي تحمر اشوي وتخليها تبرد اشوي وتقوم تنفضها بعدين ما كنت ادري شو السر

بس بعدين فهمت المغزى الا وهو عشان تبين الطبقات اللي بالخبز والا ما سموها براتا

واول وحده تاكله انا

جربته مع الجبن والبطاطس صراحه وجبه تغنيك عن كل شي انصحكم اتجربون:nmnm:

 

[ظبية_الإمارات]

أحس البراتا وايد دهن فيه أنا أحب الجباتي أكثر وأعرف أسوي أعرف أسوي البراتا بس ما يعجبني لأنه دسم شويه :eh_s(6):