دموع ..... قصه روعــــــه

[قلب تيبات]

مشاركة: دموع ..... قصه روعــــــه

تسلمين الغاليه ع الباارت اليديد


تسلم الايااادي











أختكم الشحيه الصغيرونه

قلب تيباات

 

[شوق الدلع]

مشاركة: دموع ..... قصه روعــــــه

تسلمين ع القصة الأكثر من روعة


و ننتظر البقية إن شاء الله


والله يوفقج حياتي


شــــــــــ الدلع ــــــوق

 

[سما الوفى]

مشاركة: دموع ..... قصه روعــــــه

نتريا البقيه

 

[الجريح]

مشاركة: دموع ..... قصه روعــــــه

السلام عليكم
مشكوه اختي ضماي انت على هالقصه اللي هي اكثر من الروعه وانا متشوقه اعرف شو نهايتها
بلييييييييييييييييييز لا اطولين علينا بالاجزاء الباقيه
مع السلامه
اختج الجريح

 

[ظمـــــــاي إنت]

مشاركة: دموع ..... قصه روعــــــه

هلا اخواااااااااااني ...

خاطري انزل لكم البقيــــه ... بس المشكله ما يفتـــح الموقع ...

وان شاء الله اول ما يفتح على طووول بنزل كل الاجـــزاء والسمووحه منـــــــــكم نطلبهــــــــا ....

 

[ahmed alshehhi]

مشاركة: دموع ..... قصه روعــــــه

الله يهديج ظمووي وايد طويله القصه بقسم وقتي بالريوق وبالعشى وبين كل فترة وفترة بقراا جزء
عالعمووم يسلمواا على القصه

 

[سما الوفى]

مشاركة: دموع ..... قصه روعــــــه

مشكوره أختي ظماي أنت على القصة الروعة بس ممكن تعطيني اسم الموقع

 

[ظمـــــــاي إنت]

مشاركة: دموع ..... قصه روعــــــه

الســــــــــــلام عليـــــــكم ...

رجعــــت لكم بتكملـــه القصـــه اتعرفووون تميت ادووورها بمواقع ثانيه لين حصلتهــــا...

وانتوا تستاهلووون اكثــــــــر ... السمووووحه اطلبهـــــــا منكـــــــم ....

********************************************************************

الجزء ((23))

سكرت الريم عنه وهي تصيح وتسأل نفسها وين يابت كل هذي القوة ياترى وليش خبرته.........
قعدت الريم تصيح وقررت تشيل هزاع من بالها وتعتبره تجربة ولازم تنساه ....
الصبح.... في الدوام....
منىتدق الباب وتدش: هلا ريموتي....
ريم وهي مشغولة: مرحبتين الغالية....
منى: هاه شو بلاج مشغولة أشوف....
ريم: هيه والله عندي أشغال وايدة خاصة من رجعت من الإجازة وانا احس بأني مقصرة...
منى: بخليج عيل....
ريم: بس تدرين بنروح بيتي اليوم أباج بسالفة مهمة...
منى عاد فضوليه: شو خير ...؟؟؟
ريم: قلت بعدين مب ألحين....
منى شافت ريم جدية وهالوقت مب للمزاح: أوكي بتغدى عندكم اليوم.... اتصلي حق اندونيسيتكم وقوليلها تسوي مجبوس لحم إماراتي على اصول....
ريم وهي ترفع راسها وتبتسم: وبدوي بعد أوكيك.....
راحت منى عن الريم....
وفي البيت.....
ريم: لينا.... لينا ....
منى وهي منهمكة بلأكل: ما تسمعج....
ريم: عيل ما في غيرج يسير اييب....
منى: والله ما تستحين ضيفتج وتأمريني .... عيب منقود....
ريم: سمعوا هذي انتوا ضيفة مب جنج من سنين تاكلين وتشربين وتنامين وتتسبحين في هالبيت والبيت بيتج حبيبي....
منى: هيه ما قلت شي بس ما بشتغلج.... ما روووم أبى آكل....
ريم: يالله... ولا أقول أنا بسير بس لا تقولين قوليلي....
منى وهي تحيس حواجبها: لا حول بسير مذله.....
منى: يالله الغدى وتغدينا قولي عاد....
ريم وهي تتنهد وتحاول تبتسم: راشد فاتحني مرة في الموضوع....
منى وهي مستحية: بس .......
ريم: قلتله بأنه ما عندج مانع وإذا يبى يتقدم عند أهلج ويخطب....
منى وقفت: ريموه ما باه.........
ريم متفاجئة: شوووه!!!!! ما تبينه ليش شفتي عليه شي ولا عشان العيال.....
منى: لا والله يعلم الله بغلاه عندي والعيال بعد.... بس.............
ريم : بس شوه فديتج..؟؟؟؟ ليش فهميني.....
منى: العرس مسؤلية وهو بيفرق بينا وأنا مابى تفقدين شي في حياتج غير اللي فقدتيه.... مشت منى صوب الدريشة وهي تطالع برى... ريم ما تعرفين غلاج والله والله يالريم أغلى ما في الدنيا....
ريم كانت ساكتة ربيعتها فاجأتها بهالكلام: بس.......
منى: خلاص نحن بنهتم بعيال راشد ونحن مب متزوجات....
ريم وهي تصيح وتلوي على ربيعتها: منوه لا لا دخيلج لا مابى أكون سبب هالشي وغلاتي ورب العالمين يامنى تتزوجين راشد.... دخيلج تتزوجينه .... لا لا ترفضين أنا تعبانة ولا يعلم بهالتعب غير الله أ[ى أشوفج عروووس وأشوف الريم وأطمن على عيال فطيم دخيلج.....
منى تصيح: خلاص لا تصيحين قطعتي قلبي ......
الريم وهي تحط ايديها بإيدين ربيعتها: والله بيسعدج راشد زين...... وعديني تتزوجينه وعديني يالغالية....
منى وهي تصد: بس مابى اخليج.....
الريم : ما تبين الريم ربيعة عمرج تفرح.....
منى: أكيد....
الريم خلاص.....
وصار عرس منى ولا استوى مثل عرسها... لانها وحيدة اخوها وامها......
وبعد عرس منى سافرت وخذوا معاهم ريم الصغيرة ومحمد والمربية ....
ريم في الامارات.... وحيدة .... بس كل ما تذكر منى تصيح وهي فرحانة.....
ريم تلفونها يصيح.....
ريم: مرحبا.....
........... : أهلين العفو إختي مغلط....
ريم: لا عادي ما عليك....
وبعد فترة رن التيلفون,,,,,
ريم: ألوه....
..........: هلا والله .....
ريم: منوه يتكلم....
....... : أنا....
سكرت ريم واغلقت تيلفونها.....
والمغرب طلعت الريم تتمشى في سيارتها....
وقفت عند البستان وقالت: هنيه يا قلبي شفناه وهناك خسرنا وراح...... آآآآآآآآآه يا قلبي...
وشغلت الFM....
وسمعت هالكلامات...
(( ما قلتلي يالغلا وشحالها عيونك ترقب طيوفي أو إن النوم غالبها... ما قلتلي انت تحب ومنهو مظنونك واللي تحبه احاسيسك يحسبها هذا سؤالك عسى الله يكون في عونك ريح حياتك وجنبها مصايبها .... مادمت سالي وتجهل من يحبونك.... ترجم شعورك وهذي من غرايبها.... ما بان فيك الغلا ولا هيض شجونك ... ولا شفت عيني وكيف النوم حاربها ... ترقب طيوفك وانته عايش بكونك... وانا على حسرتي وانته سبايبها ... اصبر القلب واترياك واصونك واعقد عزومي على باجر واراقبها واقول يمكن تغيب وتمطر مزونك والارض تزهر وتتحقق مطالبها.... شمس الأماني أخاف تغيب من دونك... انته المجرة ومشرقها ومغربها.... والنور يصبح ظلام...))
وبندت ريم الراديووما خلت راشد الماجد يكمل أغنيته...
ريم وهي تكلم نفسها: يالله الله يوفقك... وبندت السيارة ونزلت عشان تروح تشتري أغراض لازمتنها...
في البستان...
ريم وهي داشه استوديو أشرطة....
ريم: لو سمحت بغيت شريط الجسمي اليديد....
........ : تحبي تسمعيه او عادي...؟؟؟
ريااال: شغله لو مافيها ازعاج للإخت بسمعه...
ريم وهي صاده : لا عادي شغله....
وسمعوا أجزاء منه....
ريم: عطني واحد....
الرياال: اثنين واااحد لي ولا أنا بس مرتز اسمع...
.......: اكيد حبيبي ما تزعل....
ريم : تفضل... وطلعت ريم وراحت يلست بتاكل بيتزا وتذكرت منى واليوم الأول اللي شافت فيه هزاع....

 

[ظمـــــــاي إنت]

مشاركة: دموع ..... قصه روعــــــه

الجزء ((24))
******************************************************

عند بوابة البستان... ريم تمشي صوب سيارتها.... لقت رسالة عندها.... زخت الرسالة.... وحطت اغراضها في السيارة وبندت الباب الوراني وركبت وفجت الرسالة...
أنا معجب فيج... لو في ملكة جمال للامارات تراج ملكة جمال الخليج...
ولا تعتقدين ألعب... من مدة وانا اتمنى تسويلي سالفة....
وهذا رقمي((.......)).... في انتظارج....
سلطان...
ريم زخت قلم وكتبت على الطرف الثاني شوية كلمات وابتسمت ووطت الرسالة على السيارة اللي عدالها وشغلت وراحت....
سلطان كان يراقبها... سيدة لما شغلت سيارتها خذ الرسالة وفجها....
أولا : الجمال جمال الروح...
ثانيا: لا تنسى اللي يالس تسويه ما ترضاه في اختك حتى الناس عرضها غالي...
وأخيرا أنا مو مالت لعب .... الله يهديك...
سلطان : يالله يالله عاد مستويه شريفة مكة... وقطع الرسالة...
***
فليل..... في بيت جوم هزاع في بوظبي....
في غرفة مريم: الوووه....
سارة: مرحبا الغاليه....
مريم: هلا والله ساروه..
ساره: ودي اشكيلج....
مريم: خير فديتج....
ساره: هزاع.......
مريم سكتت: سارة مشاكلكم حاولوا تحلونها بروحكم لانها شي خاص فيكم ...
ساره: والله ادري بس احسه ما يحبني...
مريم: لا لا يتهايلج أكيد يحبج ليش حد ما يحب ساروه ...؟؟؟؟
ساره: أحس قلبه معلق بهوى حد غيري.... والله صدقيني هو حتى ما يشتاقلي...
مريم ساكته ...
ساره: هزاع اللي كان مالج عليها ليش طلقها لاني كل ما حاول استفسر عن هالموضوع يسكره ويضايق....
مريم: ما قلج منوه كانت حرمته....
ساره: لا الا صدق منوه هيه؟؟؟؟
مريم : ريم ربيعة إختج العنود....
سارة منصدمة: شوووه؟؟؟؟؟
مريم: ألوووه ساروه ساروه....
ساره: مريم حرااام عليج شو تقولين كان هو نفسه .......
مريم: هيه بس هذا ماضي والكل نساه...
ساره: بس الريم لا ما نسته,.....
مريم: الريم الله يكون في عونها....
ساره: يعني انا سرقت املها الاخير بهالدنيا....
مريم: انتي ما كنتي تدرين...
ساره ودموعها تنساب عخدها: خلاص ببند ألحين...
مريم: ألوووه ساروه....
ساره سكرت ويلست ترمس عمرها: يالله يا هزاع حد يترك وحدة مثل ريم ويسوي سواتك تركتها في عز احتياجها حد يكون بقربها.... ياربي ليش هي ما قلتلي ليش يالريم عكثر ما حبيتج والله تمنيت يردلج يا ما دعيتلج ومنوه طلع في النهاية هزاع ريلي... لا لازم هزاع يعرف الحقيقة و..... وصاحت... لا لازم ؟؟؟؟؟
***
ريم يالسة روحها ترتب غرفتها وتتمشى في البيت....
ريم وهي تتغنى:_(( آنا مو ولهان آنا شوفني مو ولهان آنا دنيا من الوله محتاجك أبيك .... آنا مو تعبان آنا مو تعبان آنا آنا دنيا من التعب راحتها ايديك... ولا ناقص حب ثاني انجرح منه واعاني... ولا ناقص حب ثاني انجرح منه واعاني الله يرضالي عليك))..
ريم: يالله اشتقت لج يا منوه وااايد يالله عاد متى بتردون؟؟؟؟
تقاطعها الخدامة: ماماه ريم تلفون ....؟؟؟
ريم: ألوه....
مريم: مرحبا الريم اشحالج؟
ريم: يسرج الحال شحالج إنتي؟ منوه .؟
مريم: مريم....
ريم: مرحبا الساع الغالية....
مريم: حبيت .......
ريم: خير فيه شي؟؟؟
مريم: لا بس قلت اتخبر عنج واطمن عليج....
ريم: يالله عايشين والحمدالله على كل حال ....
مريم وهي مرتبكة: خلاص ببند عيل....
ريم: برايج ما بطول....
***
هزاع يتصل لسارة وهي ماترد عليه....
وأخيرا ساره شافت التيلفون...
اتصلت... هزاع: ألوه....
ساره : مرحبا...
هزاع: هاه وين من متى اتصل لج وماتردين.... واتصلت حق عبادي مايرد بعد...
ساره: هونك هونك ليش معصب .... حرام ....
هزاع: ساروه ليش يالسة معصبة بلاج...
ساره: بس ... أقول بغيتك بسالفة ضرورية...
هزاع وهو يتأفف : خير شو هناك....
ساره: ممكن اتي بيتنا ألحين ....
هزاع مستغرب: أيي بيتكم ألحين.... ليش انشالله .؟؟؟؟
سارة: قلت سالفة مهمة جدا ...
هزاع: بيي بس عقب ساعتين....
ساره : قبل ما تي اتصل....
ومرن الساعتين وسارة تعد .....
هزاع: السلام عليكم ورحمة من الله وبركاته....
ساره وهي اطالعه وتنزل عيونها: هلا تفضل....
سارة يلست وهي تتنهد وهزاع يطالعها مب فاهم شي من اللي يستوي....
هزاع: هاه حبيبي خير بلاج مستويه جذيه حد أذاج....
ساره: هيه حد أذاني ....
هزاع وهي يبتسم ويمشي صوبها ويمسك ايديها اطالعته: حبيبتي بسج دلع عبادي ادريب ه يحب يغيضج وانتي ما تصدقين...
فجت ساره ايديها من ايديها وقالتله: خوز ايديك عني واسمعني زين....
هزاع اتضايق من حركتها.... ورد يلس ....
ساره: منوه حرمتك الأولية؟؟؟؟؟؟
هزاع رفع عينه واطالعها: أنا شو قلت؟؟؟؟
ساره: وانا شو قلت..؟؟؟؟؟
هزاع : شفيج؟؟؟؟؟
ساره وهي عيونها تدمع: ريم يا هزاع الريم كانت حرمتك وانا محد قالي .... الريم ذيج الانسانة اللي وقفة دومها وياي وسمعت كل كلامي عنك الريم اللي كانت ما ترضى الا برضاك ... وانته ليش سويت كل هذا.... ليش يا هزاع كسرتوا قلبي....
هزاع مشى صوبها ومسكها من جتوفها : حبيبي ليش وشو صار الريم ولا غيرها...؟؟؟؟
سارة: لا تزخني عقب اليوم تفهم ؟؟؟؟ جوم عني...
خاز هزاع ويلس: وألحين شو فيج؟؟؟؟
ساره: في شي ما تعرفه وما حاولت تعرفه.... تعرف شوه؟؟؟؟
هزاع: شوووه؟؟؟؟؟؟
ساره: ريم صح اخطفوها بس ريم بجر يا هزاع بجر ..... قالت هالكلمات وهي منزلة راسها...
هزاع كأن الصاعقة نزلت على راسه : ب ...... ب....... بجر؟؟؟؟؟؟ انتي شو تخربطين ...
ساره: مب يالسة أخربط ولا شي ... ريم الانسانة اللي تخلو عنها كل الناس ظلمتها وانته قلبها ظلمتها وما حاولت تفهم .... تركتها بأول مطب تعرضتوا له.... وأنا ما باك... ما باك....


--------------------------------------------------------------------------------

 

[ظمـــــــاي إنت]

مشاركة: دموع ..... قصه روعــــــه

الجزء ((25))

************************************************

هزاع: خلينا نتفاهم....
ساره: تذكر هالكلمة يوم قلتها للريم لانها كانت مظلومة.... يأ اليوم اللي تنقال هالكلمة لك فيه.... تفهم...
هزاع: لا مسك راسه وجام وهو طالع....
ساره: اصبر شوي انا ما باك بس عشرط ترد للريم الريم عايشة في انتظار طيفك .... لا تتركها ... دخيلك ردلها الفرحة والابتسامة .... طلقني وبجذب أي جذبه عأهلي...
هزاع: وأخوج؟؟؟؟؟
ساره: للاسف يا هزاع هذا اللي يهمك مشاعر اللي جدامك مومهمة....
هزاع طلع.... في السيارة كان يفكر مب مستوعب شي أبدا....
فكر في الرم: هيه يا هزاع ألحين فهمت معنى كلامج يامريم... بس ليش ما قلتولي ... يالريم فديتج الله يعلم بغلاج... ومشى بالسيارة وسار صوب بيت جوم الريم وريم كانت توها طالعة....
استغربت من وجود سيارة كلها مخفي جدام بيتهم طنشتها ومشت صوب سيارتها وهي تفج الباب... سمعت صوت ياي من وراها : الريم؟؟؟؟؟؟
الريم وهي تصد: هلا....هزاااع....!!!!!!!
استغربت الريم وكانت ميتة من الدهشة ومشت صوبه:نعم... وهي موطيه راسها....
هزاع: الريم ممكن نتكلم.....؟؟؟؟؟
الريم وهي تطالعه وعينها بعينه: نتكلم... ؟؟؟؟
هزاع: مب هنيه ؟؟؟؟ الناس؟؟؟؟
الريم: من متى تسوي سالفة للناس ولا لمشاعرهم....
هزاع: دخيلج الريم....
الريم مشت ورى كلامه تفضل ودخلته الميلس...
الريم : تفضل...
هزاع: أنا ادري بأني ظلمتج؟؟؟؟؟؟
الريم ونظرت الدهشة صوب هزاع: ظلمتني؟؟؟ وضح أخ هزاع..
هزاع: لا تقولين أخ ....
الريم: نعم....
هزاع صاح.....
ريم وهي متفاجأة وراحت صوبه ومسكت ايديه: منوه مضايقك؟؟؟؟
رفع راسه وهو متلوم : فديتج يالغاليه....
ريم وطت براسها وهي تحاول تخوز ايديها من ايديه بس هو مسك على ايديها: خلي ايديج في ايديني.... اشتقتلج..
ريم: شوه... وقامت ومشت ويلست بعيد عنه....
هزاع وهو يمش دموعه: بلاج؟؟؟ أنا عرفت الحقيقة ... انتي ليش ما قلتيلي..؟؟؟ ليش...
ريم: ما عطيتني فرصة....
هزاع: خلاص نحن بنرد لبعض...
ريم وقفت: شوووه الدنيا عكيفك ...
هزاع مستغرب: شوه...
ريم: اقول ... تركتني وانا أباك... جافيتني ولما عرفت عن مرضي ما سألت عني ذبحتني وأنا ظنين بين ايديك...
ياما قلت اباك واباك... وقفت ريم عن الصياح هنيه...هيه والله بغيتك بس انته كنت تلعب ما كنت صادق في حبك
قلتها بكل قوة ذاك اليوم ماباج يالريم.؟...... تعرف شو معنى هالكلمة بالنسبة للحرمة معناتها الموت....
واليوم أنا اقولها ما باك... تفضل الحين ..
هزاع: الريم بس أنا ......
الريم انهارت وهي تصيح بصوت عالي... حرااام عليكم كلكم ظلمتوني .... حرااام... وتمت تصيح....
تقرب هزاع منها : حبيبتي فديتج سامحيني فديتج والله لعوضج عن كل لحظة والله ....
ريم وقفت وطلعت من الميلس صوب حجرتها.....
راح هزاع وهو يصيح حس بأنها صدق ظلمها وصدق الريم صادقة بكل كلمة قالتها هي انظلمت من كل اللي حولها….
ريم كانت تعبانة ويالسة تصيح وكانت مستغربة منواللي خبره ؟؟؟ ولو كانت ساره ؟؟؟ شو درى سارة أساسا بأن هزاع وأنا كنا مالجين ؟؟؟؟ أسأله تدور في بالها وهي تذرف الدمعة وراء الدمعة.
الريم يلست تصيح وخاصة محد عندها…. قررت تطلع تغير جو….