فرصة ثانيه للحب..

[معاني]

مشاركة: فرصة ثانيه للحب..

سراب البيد..

أكيد حضورك صفحتي اسعدني ..

وكلام المشجع لي اسعدني اكثر..

بس ابا اعـرف من عند منو سمعت القصة ..؟

يا ليت اتخبرني التفاصيل ...يهمني اعرف...

و مشكور ع الاطـراء

 

[سراب البيد]

مشاركة: فرصة ثانيه للحب..

مرحبا أخت معاني
أكيييييييييييييد احنا انشجع المواهب
وعن القصه الحلوه سمعتها من اختي
وكنت وقتها في الدوام
صراحه عجبتني وايد
وكانت طريقة اسلوبج تشدني وايد ما ودي انوقف
لكن لظروف شغلي كنا نتوقف ونكمل اليوم الثاني
وانا احاول ان شاء الله انزل كل القصص اللي تكتبينها عندي واطبعها اذا مافي اي مانع عندج
وفي الختام اتمنى لج التوفيق والنجاح
أخوج

 

[معاني]

مشاركة: فرصة ثانيه للحب..

مشكور اخوي ع التشجيع..

و اكيد ما عندي اي مانع..

 

[سراب البيد]

مشاركة: فرصة ثانيه للحب..

شكرا وتسلميلي يا معاني

 

[معاني]

مشاركة: فرصة ثانيه للحب..

سـلم غاليك و مغليك..

 

[حورية الشحوح]

مشاركة: فرصة ثانيه للحب..

الحمد لله وضحت الامور الحين بس معاني صدج منصور يحب ميثا اتمنى يكون صدج وما تنلدغ منه مره ثانيه المهم انا اتريا التكمله واشكرج على اسلوبج الحلو شو رايج اتصيرين كاتبه
وساعديني اني اكمل فهذا المنتدى لانه اول منتدى اشارك فيه وما اعرف للمنتديات واااااايد
احبج واااااااايد اختج حورية الشحوح

 

[معاني]

مشاركة: فرصة ثانيه للحب..

حورية الشحوح..

اتصدقين وايد استانست..ع ردج الحلــــــو..

و اتمنى صج اجوفج دوووووم بالبــــــــرزه..

و انا بعد احبج وايــــــــــد .. :tongue:

 

[بو هزاع]

مشاركة: فرصة ثانيه للحب..

حشا القصة شرات المسلسلات المكسيكية عنابو متى بنشوف الحلقة الاخيرة الله يعلم


احيدني كنت اتابع مسلسل مكسيكي من صف اول ابتدائي الحلقة الاخيرة يوم كنت صف ثالث ثانوي

شكل هاي القصة نفس الشي بعد



الله يستر بس



بوهزاع

 

[معاني]

مشاركة: فرصة ثانيه للحب..

ههههههههههههه

بو هزاع

..يعطيك الف عافيــــه..

خلاص ولا تزعـل ..

ما بجى شي ع القصه..

قاال ايه قال مسلسل مكسيكي..

 

[معاني]

مشاركة: فرصة ثانيه للحب..

الجزء العاشر
و في بيت (مريم) دشت (مريم) حجرة (سعود) تبا اتسولف معاه عن سالفه خطبته لـ (ميثاا)

بس جافته مب موجود .. و هي طالعه من الحجره .. انتبهت شي اوراق موجوده حذال الكمبيوتر .. الي لفتهاا ..ان الوان الاوراق نفس ..الاوراق الي كانت (ميثا) توصلهاا ..في دوامهاا ..

انصدمت يوم جافت ان هاي الاوراق نسخ من الاوراق الموجوده عند (ميثاا)

قالت في خاطرها " يعني سعود الي كان يطرش رسايل حق ميثوووو .. و هي فقيره متخبله ع بالها منصور "

طلعت من حجره "سعود" سارت الصاله ..جافت (سعود) يطالع مباره ..
يلست (مريم) جريبه منه ..
مريم : ها خطبت ولا بعدك ؟؟

سعود : (مستانس ) خطبت بس اترياا الرد ..الله اشكثر انا مستانس يا مريوم ..

حست مريم بالضيجه لان اتعرف ان اخوها بنرفض و يحليله و هو وايد مستانس .

مريم : يا فرحه ما تمت .
سعود : شو ووو ...يعني ؟؟

مريم : ليش ما قلت لي انك بتخطب ميثاااااا.
سعود (تغيرت ملامح ويهه) قالت لج ..شو رايهاا
مريم : سعود يا ليت قلت لي قبل لا تتقدم أي خطوه .

سعود : ليش ميثاا ما تباني .
مريم : لا ما تبـــــــاا.

سعود : ليش ليش ..شو بلاني انا ..

مريم (شفقانه ع حاله سعود) :- يا اخوي يا عمري ..البنيه رافضه فكرة الزواج ..توها دق لي تلفون اتصيح و حالتهاا حاله ....هي مب رافضتنك شخصيا ..بس هي ما تبا اتعرس .

سعود : (متفاجا) ما توقعت جي بتتقبل الموضوع .

مريم : و انا ما توقعت انك بتحب ميثووووو .. و بطرش لها رسايل كل يوم ..وادق لها تلفونات بعد صح .؟؟

سعود : (مغير السالفه) زيين انتي ربيعتها اقنعيهاا انتي اتعرفين تقنعينها اكيييييد.

مريم : حاولت بس هي رافضه الموضوع من اساسه .

سعود : شو المطلوب مني الحين .
مريم : اتغير رايك و تنسحب من السالفه ..

سعود Lمضايج): ما اقــــــدر حلم حياتي ارتبط بالانسانه الي حبيتهاا ..

مريم : بس هي ما تبااااا .. و انا ما يهون علي اجوف اخوي عايش مع وحده ما تباه .

تم سعود ساكت و سرحان ..
كملت (مريم) كلامها : انا اجوف انك تنسحب من السالفه ..

سعود : شو راي اهــــــلهاا
مريم : ميثاا اتصلت لي و هي تصيح معناتها اهلها راضييييين و هي تخاف يقنعونها بها الزواج ..

سعود (مستانس) دااام اهلها راضين خلاص ليش اغير رايي ...الحين بترفض بس باجر بخليها اتحبني .

مريم : يعني شوووووو؟؟

سعود : مرايم هاي البنيه موت احبها ...لو ما تباني انا اباهاا ..و باجر بتعيش معاي و بتحبني .

مريم : لا تكون اناني و تخرب حياة البنيه .
سعود "حرج" انتي بدال ما تستانسين حق اخوج جي اتقولين ..

مريم : البنت رافضتنك .
سعود : اهلها موافقين يعني شي امل ارتبط بها ..و بعد الزواج بتغير رايهاا فيني ..

مريم : "عصبت" اووووووه انت ما تفهم .

سعود : و انتي ليش محرجه .
مريم : كيف اتعيش مع وحده ما اتحبك .
سعود : بتحبني بعد الزواج ..وايد ناس جي .

مريم :"منفعله" واذا قلت لك انها اتحب شخص ثاني .
سعود "منصدم" اتقصين علي ..ميثوو مب جي .

مريم : و الله انها اتحب انسان ثاني و هو يحبها و ناوين ع الزواج ..شو رايك الحين ..؟؟

سعود تم ساكت ..شويه وقف ..
سعود: انا بترياا راي اهلهااا ..ما اقدر اتخلى عنها افهميني مريوووووم ...يا ما بنات حبو قبل الزواج ..وبعدين نسوا ..عقب الزواج ..

وطلع برع الصاله .

و في اليوم الثاني كانت (ميثاا) تشرب الحليب ..دشت عليهاا امها الصاله ..
ام راشد : ها رقدتي زين .

تمت (ميثاا) ساكته تشرب الحليب ..
ام راشد : الله يهداج يمه ..
ميثو : يالله امايه بسير الدوام تبين شي ..

ام راشد : سلامتج الغاليه
باست راس امها .. و طلعت ..و في الطريج فكرت (ميثاا)

اكيد (سعود) غير رايه بعد ما رمسته (مريم) لان مستحيل أي شاب يقبل بوحده ما تباه ..قالت في خاطرهاا

""شو ها الصدف الغريبه ..معقوله سعود اتسوي جي .. و الله اني ما حسيت فيك ..

و انت ما بينت لي شي الا ..من بعيد .. اصلا كيف ما عرفت صوتك بالتلفون ..آآآآآآه الله يستر ""

فكرت تتصل بـ (مريم) بس (مريوم) ما ردت عليهاا ..
قالت "اكيــــــد الحين عندها طابور ..بطرش لها مسج و بسالها شو الاخبار "

و فـــ الدوام ..ما قدرت (ميثاا) اتجوف (منصور) وايد لانه كان مشغول بالاجتماعات ..وها الي كان مضايجنها ..

عبدالله :- بلاج من دشيتي اطالعين الباب ..
ميثاا : لا مـاشي ..ابروحي ملانه ..

عبدالله : عشان منصور مب موجود ..
ميثا (متفاجاه) :- ما يخصه ..

ووقت البريك ..(ميثاا) ع بالها ما بجوف (منصور) بس اتفاجات يوم جافته ياي صوبها ..

ابتسمت له ..
ميثاا: وينك اليوم ما جفناك .
يلس منصور ع الكرسي مجابلنهاا ..

منصور : "مسك اييد ميثاا"وحشتيني .
ميثا : "يييرت ايدها " الموظفين يطالعوناا عيب

منصور : اونج ..شو سويتي بسالفتج .
ميثا : ما ادري اترياا مريوم اترد عليه ..و انت متى بتسير لـ عمي .

منصور : انااااااا سرت خـلالالاص
ميثا "مب مصدقه" يلا عــــــاد صج متى بتسير .

منصور : و الله سويت لعمج تلفون ..طلبت ايدج منه ؟
ميثا "طايره من الوناسه" قوول و الله ..شو قال ما استغرب ..كيف كانت ردت فعله ..يعني شو حسيت من نبرة صوته

منصور(يضحك) : حبيبي بلاج شويه شويه ..بس قال ان شا الله خير ؟في البدايه استغرب بعدين عادي ..خذ السالفه جد ..

ميثاا "تتنهد "" الله يســــــــتر .


و في البيت .تعمدت (ميثاا) تجنب امهاا ..من يوم يت من الدوام لي فتره المغرب ..
كانت اترمس (مريم)
ميثا : شو يعني يبا يتزوج غصب .

مريم : اتصدقين اول مره اعرف ان سعود انانـي
ميثا: زين قولي له اني احب انسان ثاني..يمكن يتراجع .

مريم : ع بالج ما قلته .. بس خذ السالفه عناااااد و الله ميثاا مب عارفه كيف امنعه او اغير رايه .الريال ..ميت فيييييج ..

ميثا : اووف انزين شرايج ارمسه اناا .
مريم : تتوقعين عــــــادي بترومين اتغيرين رايه .

ميثا : ابصراحه ما عندي الجرأه ..بعد ما اروم ارمسه منصور اذا عرف بجتلني .

مريم : امج رمستج عن منصور .

ميثا : بعدهاا .
مريم : انزين انتي ليش مسوتنها مشكله ..وافقي ع منصور و خلاص .

ميثاا : الي مخوفني امايه اخاف ما تقتنع .

مريم : انتي اتوكلي ع الله و جوفي .
ميثاا : خلاص بسير ايلس عندها يمكن اترمسني بالسالفه ..

مريم : خلاص عنوني ردي لي خبر .
ميثا : اوكى باي ..
مريم :باي .

طلعت (ميثا) من حجرتها ..وسارت الصاله ..بس ما جافت امها هناك ..يلست اطالع التلفزيون ..شويه يااه (راشد)
ميثااااا: اتصدق احس من زمان ما جفتك .

راشد : ولا انا ..مندسه داخل الحجره ..شو عندج
ميثاا (تضحك) ولا شـــــي....

بها اللحظه دخلت (ام راشد) الصاله ..حست (ميثاا) بخوف بداخلهااا ..

راشد : هـا العيوووووز بلاج وارمه .
ميثا :زعلانه مني .

راشد : افـــــــــــاا..ليش ؟؟
ميثاا : تبـاني اتزوج غصب .

ام راشد : محد يغصب حد ع الزواج ..بس الظاهر انتي ما تعرفين مصلحتج .

راشد : جي منو المعرس ؟
ام راشد : سعود اخو ربيعتها ..

راشد :الصراحه سعود ريال و النعم فيه انا جابلته كذا مره ..ما ينعاب .

ام راشد : قول هاي الخديه ..

**استغربت (ميثاا) امها ما طرت لها سالفه (منصور) لا يكون عمي ما طرا لها بس هي توها يايه من بيت عمي ..

ميثا : ما ابا سعود .
ام راشد (بعصبيه) عيل تبين منو الي راغج من سنتييييين هاا

ميثا تستهبل) الحين ليش ادخلين منصور بالسالفه ؟؟
ام راشد (بعدها معصبه) : شو اونج ما تدرين ان منصور تقدم لج ...

سكتت (ميثاا) مب عارفه اترد ع كلام امها ما اتعرف شو قصدها من ها الكلام ..

راشــــد (يضحك) شو فلم هنــــــــدي .
ام راشد (تكمل كلامها) انتي ع بالج ما اعرف انج تشتغلين مع منصور .. و انج تبينه مثل ما هو يباج ؟؟؟!!

(ميثاا) بداخلها مصدومه كيف امها عرفت لا يكون (منصور) قال عمهاا ..بس ها الشي بيسهل عليها الطريج فقالت .

ميثا : امايـه يعني انتي تعرفيين اني بوافق ع منصور .
راشـد : دام انها تبا منصور ليش امايه محرجه البنت اتعرف مصلحتها ..

ام راشد :- لا ما اتعرف مصلحتها ..انتي شو ضامننج انه ما بيطلق مره ثانيه ..و بعدين سعود احسن عنه بوايد .

ميثاا : امايه منصور ةوايد تغير ..انتوا انشدو عنه و بعدين ..انا ما ابا سعوووووود.

ام راشد :اذا ما بتزوجين سعووووود ..انسي انج بتزوجين مره ثانيه الا بعد موتي ..و من باجر ماشي دواااااااام.

وقامت محرجه سايره حجرتها ..

يلست (ميثاا) اتصيح متفاجاه من الموقف و من رده فعل امهاااا ..
ميثا : (تصيح)راشــــــد ساعدنـي .
راشد : يمكن الوالده ع حق اتعرف مصلحتج اكثر .

ميثا : انا مب ياهل ..و بعدين انا مب مرتاحه للي اسمه سعود .دخيلك ساعدنـي ..الظاهر امايه تبا تحرمني من كل شي حلوووو

راشد : شو تبين اسـوي .
ميثا : روح قول سعود انا رافضين .

راشد (متردد) : اذا قلته يمكن توصل السالفه لعـمي و من عمـي للوالده عاد تخيلي شو بيصير ..

ميثا (غطت دموعها بايدها ) عيييييل شو اسوي ..؟؟


احتارت (ميثاا) ادق لـ (مريم) او (منصور) ..بس قالت خليني اسوي لـ (مريم) يمكن تحاول تقنع سعود مره ثانيه ..

ميثاا: هـا مريوووووم ما صار شي .
مريم : و الله يا ميثووووو حاولت ماشي فايده .

ميثاا(نزلت دموع من عيونها) يعـني شو ...امايه تباني اوافق عليه غصب ..ولا بتحرمني من الدوام ..

مريم : ليش شو يخصه الدوام .

ميثاا : تراا عرفت اني اشتغل مع منصور ..لو تعرفين اشكثر مضايجه مني و حالتها حاله .

مريم : الله عينج لو ايدي كنت ساعدتج ..بس ما اعرف شو اسوي .

ميثا (مضايجه) حتى رشود مب رايم ...منو عيل بساعدنـــــي .

مريم : رمسي عمج .
ميثا : شو بي
سوي لي عمي ..ها الثاني يقهر ..

مريم : ليش ؟؟!
ميثاا : اكيد هو مخبر امايه اني اشتغل مع منصور .. و اني اباه ..

مريم : شدرااه عمج .
ميثااااا :شدرانــــــــي...بصكر عنج احس بعمري تعبانه .
مريم : برايج عنوني .
ميثا : باي..
** في اليوم الثاني ..اتزهبت (ميثاا) عشان اتروح الدوام ..طلعت من حجرتهاا ..جافت امهاا يالسه في الصاله .
اجدمت منها اتبوس راسهاا ..

ام راشد: انا قلتلج ماشي دوام .
ميثا (منصدمه) امايـــــه انتي من صجج

ام راشد: سايره اجابلين منصور
ميثااا : انا سايره الدوام ..ما عليه من منصور .

ام راشد (استانست) : يعني وافقتي ع سعود.

ميثاااا : لا طبـــــــعا..امايه انتي ع بالج اذا منعتيني من الدوام و حتى لو خذتي عن السياره و الموبايل ..

بعد ما بتزوج غير منصور ..ولا تنسين انا الحين من حقي اختار الانسان الي ارتبط فيه ..لا انتي ولا غيرج له حق

ام راشد وقفت محرجه من ميثاا..وصفعة ميثااااا ع ويهاااا..
صرخت (ميثا) من قوه الصفعه ..وركضت حجرتها ..

يلست اتصييح ..بصوت عالي ..محتاره من ها الزمن الي دوم يعارضهاا ..في كل شي تباه في حياتها ..

دشت امهاا حجرتها ..سمعت (ميثاا) صوت امها ..
ام راشـد : تبين منصور ؟؟زين تزوجينه ..بس لا اظنين اني في يوم بستقبلج في بيتي ..اذا فرج مره ثانيه .

وطلعت من حجرتها ...بعد ساعتين ..اتصل لها (منصور)
ميثاا:الـــــوو

منصور: وينج اليوم مايتي الدوام .
سكتت (ميثاا) محتاره اتقول (منصور)
منصور : بلاج ساكته.
ميثا : منصور خلاص ما بداوم .
منصور : ليييش شو بلاج حبيبي