الغالــــي المزيـــون...

[الوصلاوية]

مشاركة: الغالــــي المزيـــون...

معاني
وين
الوصلاوية

 

[معاني]

مشاركة: الغالــــي المزيـــون...

عيــــــناويه ..

تسلمين يا الغاليـــــــــه ..


ها ..شـــــــرف لي ..

معاني ..

 

[الزين كله]

مشاركة: الغالــــي المزيـــون...

ليييييييش القصة مب كاااملة

:*_*:



معااني يالله حطي الجزؤ اللي عقبه :s


الصرااحه القصة واايد حلوة ... واحلوت يوم توفت اليده ... صحت عليهااا غمضتني

"صج الانسان ما يحس بقيمة الغير الا اذا فقده.."




تحيااتي معااني

وبانتظار الجزء الياااي على احر من الجمر...

^_^

 

[الوصلاوية]

مشاركة: الغالــــي المزيـــون...

يالله يا كريم
الوصلاوية

 

[معاني]

مشاركة: الغالــــي المزيـــون...

الزين كلـه ..

امنوره الغالــــــــــيه ...

و الحمدلله ان القصه عيبتج ....

و اتريا تعليقج ...

تسلمين يا الغلا كله ع المتابـــــــــعه ...

معـاني ..

 

[معاني]

مشاركة: الغالــــي المزيـــون...

الوصـلاوية ..


فديتج و الله ...

اوعدج اني ما اظهر من البرزة .. الا و امنزله لج جزء يديد ..


معــــــــاني .

 

[معاني]

مشاركة: الغالــــي المزيـــون...

الجزء السـادس..

ما عرفت شيما كيف وصلت حجرتها..كانت تذكر كل كلمه يقولها سيف..نزلت راسها اطالع الارض و يلست اتصيح..

عرفت انه انفتح لها باب يديد في حياتها..باب عمرها ما كانت تتوقع تدشه..وصعب عليها تتحمله..

بلحظه حست كل شي انتهى من حياتها..راحت يدتها ..و معها راح سيف و اختفت من حياتها اجمل لحظات مرت عليها..من غير ما اتكون فيها بيزات ولا حفلات ولا فساتين..

دشت امها حجرتها..اتروعت يوم جافت شيما اتصيح ابصوت عالي..

ام سالم: شو بلاج يمه.."تحضن بنتها"

شيما مب رايمه ترمس..بس حست براحه و هي فـ حضن امها..يوم جافت ان بنتها مب راضيه ترمس زقرت ..مها..

دشت مها الحجره..
ام سالم: تعالي جوفي اختج مدري شو بلاها..
مها: شفيج شيماا..

حست شيما انها بموقف سخيف يلست تمسح دموعها..
شيما:_ماشي ..ما بلاني شي..

ام سالم: شو ما فيج شي و انتي مب راضيه تسكتين..
مها: سيف قالج شي..

شيما: لا ما قال شي بس تذكرت يدتي و الي سويناه فيها..

ام سالم"اتعاتبها" الله يرحمها ..هي ابروحها ما ردت البيت..
مها:- خلاص يمه لازم نفتح باب يديد..بعد كم يوم عبدالله بيوصل من السفر..

ام سالم: الله يرده بالسلامه..
مها: يالله انا بسير ريلي يترياني برع..

ام سالم: تمي الليله هني اختج بعدها يالسه..
مها: امايه بدر ما يصبر عني محتشر عليه لاني راقده يومين هني..

سلمت على امها و شيما و طلعت..
ام سالم"واقفه" بسير اسوي لج شي تاكلينه..

اتمددت شيما ع الشبريه..فكررت كانت تطنز لاختها مها و حياتها مع ريلها ..لكن الحين تتمنى اتكون شراتها..

اتمنت صج انها اتعيش بس لو يوم من الايام الي كانت فـ فيينا مع سيف..

صج مهاا عرفت تختار حياتها ما جذبت يوم قالت اهم شي الراحه..طالعت بطاقتها..اتنهدت الحين هاي البطاقه بترجع لها سيف ولا يدتها..مستحيـــــــــــل..

**

عرفت شيما ان سيف ما ياب طاري لاهله عنه ولا عن شيما..لان ام سيف كل يوم تتصل تتطمن عليها.. و اجوف احوالها و احيانا اتزورها..

شيما محتاره اتخبر اهلها بالسالفه ولا شو..بس اكيد بعرفون مب اليوم باجر..

اتنهدت اتمنت اتعرف الحين سيف شو يسوي.. ومع منو يالس..باجر برجع من الدوام..و هي مخبرتنهم انها باجر بترجع..

الحين شو اتسوي..لازم اتبين لسيف انها اتغيرت..صحيح مب منه فايده لانه يدتها خلاص راحت..بس عشان سيف..

لازم اترد بيتها و بيت ريلها..شرات مهاا اختها..عشان محد يشمت فيها حتى صديقتها ودرتهم بعد ما تزوجت..الحين لو يعرفون السالفه اكيد بضحكون عليها..

و الناس شو بتقول ما كملت شهرين من زواجي.. و الحين يالسه في بيت اهلي..

سيف ليش ما فكر بافكارها .. ليش ما خاف ع كلام الناس على حرمته..

ما تدري كيف صدقت سيف..يوم كان يتغزل فيها و يقولها كلام حلو..

خلاص بتشل لها كم ثوب و بتروح بيت عمها باجر الصبح.. و بتفاجا سيف في بيت اهله..

عاد هناك ما يقدر يقولها شي.. حذال عمها و عمتها..
و في اليوم الثاني..شيما اترتب اغراضها في الشنطه..
ام سالم: انزين تغدي و بعدين روحي..

شيما: امايه سيف بيرجع وقت العصر خليني اكون هناك..و بعدين كافي يلست هني ثلاث ايام..

ام سالم"مستغربه" شيما شو صار لج..
شيما"اطالع امها":_ شـوو..؟

ام سالم: متغيره ..كل شي متغير فيج..شو بلاج..

شيما"اتصكر شنطتها":_ لا تغيرت ولا شياته..بس انا مرتاحه مع ريلي ..حتى جوفي."وطلعت بطاقة البنك" سيفاني حبيبي كل شهر يضيف لي رصيد ..

ام سالم"مستانسه" اللــــــه يوفقج يمه..

شيما"تبتسم":- اميــــــن..وين الدريول..

ام سالم: يترياج برع..
سلمت شيما ع امها... وطلعت..
و في السياره اتصلت لعمتها..
ام سيف:- الـــــوو
شيما: هـلا عموه انا شيما ..شحالج..؟

ام سيف: الحمدلله ..شحالج انتي..؟
شيما: ابخير..عموه انا يايه الحين بيت عمي..ما اباج اتخبرين سيف انزين..

ام سيف: حياج الله يمه البيت بيتج..
شيما:- ما اتقصرين..

بعد ربع ساعه وصلت شيما بيت عمها.. و أول مره اجوفه دخلت البيت..جافته امرتب و عيبهـا..سلمت عليها عمتها.. و يوم سألت عن عمها عرفت انه بالدوام..

دخلتها عمتها حجرة سيف..ما توقعت اتكون جي مرتبه.. وحـلوه..

يلست ع الشبريه..فكرت الحين هني بتكون حياتها ..لي ما يرضى سيف ..بعدين بترجع معاه بوظبي..كانت تتطنز ع مها اختها..

و الحيـــــن صارت مثلها ع الاقل مها يحبهـا ريلها..لكن سيف خدعها..نزلت دموع من عيوها.. يوم تذكرت موقف سيف يقولهاا..خلاص انا ما اباج..

مسحت دموعها يوم انفتح باب الحجره..اضايجت ليش عمتها ما دقت الباب...بس طنشت ..عاد هاي ام سيف ما اتروم اتقلها شي ..صج سيف بذبحهـا..

ام سيف: شو بلاج يالسه..هني ابروحج..
شيما: اطالع الحجره..

ام سيف:- تعالي يمه الصاله..عمج الحين بيي تعالي سولفي معانا ..لي ما ايي سيف..الا هو متى بيي..؟؟

شيما"مب عارفه متى":- قال يمكن يتأخر اليوم..عنده شغل..

ام سيف: زين يمه نترياج ..
شيما:خلاص يايه وراج..

**
سيف و محمد يالسين في المارينـا..كل شويه يرن موبايل محمد..

محمد"يطالع الرقم و يحول التلفون صامت"
اوووووه هاي أذيه..حشرتني قلناها برد عقب شويه..

سيف"يضحك":- يالله روح عن تضربك..

محمد: اتخسي الا هـي والله اسفرها بيت اهلهاا..

سيف"يضحك بصوت عالي" مينون اتسويهاا

محمد: عاد انت افتكيت وريحت عمرك..و انا بسير اجابل الياهل و البيت و المدام اوووف..

سيف:-أي فتكيت يا ريال...ما اعرف انا ظلمتها ولا..
محمد: انت ادرى ..

سيف: كل شي انتهى ابسرعه ما وحى انعيش مع يدتها.."يتنهد"الله يرحمـها..افتقدها ..

محمد: وحرمتك..

سيف:- ما ادري و الله بس هي حياتها غير .. و انا ما اتعيبني البنيه الي اتكون جي..

محمد: ما ااتحبها..

سيف: ابا انساها..
محمد:شو بطلقهـا..؟؟

سيف: مب الحـــــين اصلا ابروحها بتطلب الطلاق..بس خل يمر كم شهر..عشان كلام الناس..

محمد:شفيك اطالع هناك..

سيف: حمود جوف هالبنيه.يالسه اطالع من ساعه..ياخي انا استحيت .. وهي لا..

محمد: وين وين..يمكن عايبنها ظهري..
سيف"يضحك" تستهبل ويـا راسك..

رن موبايل محمد..
محمد: الله يغربل الي اخترع الموبايلات..لعنة الله عليه..
سيف"ميت ضحك"

محمد: اضحك اشعليك..

سيف:خلني اضحك احس صار لي زمان ما ضحكت..
محمد:وين زمان ثلاث تيام..

سيف: "يرفع حواجبه" ويا راسك..الحزن فـ القلب.. و انت يالس تحسب لي..اووووو محمد قوم يالله انروح..

محمد:شو بلاك..ما ابا اسير البيت..

سيف: ابرايك انا بنزل الشارجه.."يطالع ساعته"الوقت متأخر متى بوصل..
محمد: ايلس شويه..
سيف: مب رايم هالبنيه كيف اطالعني يا اخي استحي..

محمد: طـاع منو يستحي..

محمد يطالع وراه..

محمد:سيفووه..حلاتها..رقمها و عطني رقمها..

سيف بخاطره" مب احلى عن شيما":..ياخي استح ع ويهك..شو خليت للشباب.

محمد: جي منو خبرك اني في الخمسين ولا الاربعين..

سيف:"يضحك" يالله قوم ..ترا عيون البنيه بتنجلع ههههههههههه

محمد: يالله سرينــــــــاا

**

شيما اطالع ساعتها.."وايد تاخر سيف..اخاف ما ينزل ..فيني رقـاد.."
كانت متردده تتصل به ولا..تتريـا ..بعد..شغلت التلفزيون.. و يلست اطالع عرض أزياء..

ابتسمت..حست جنه مرت سنين..يوم كانت متولعه بكل شي .بيزات وحفلات و اسواق مراكز...

ما تدري ان زواجها من سيف ..بس اشهر بغير كل الي فيها..يمكن وفاة يدتها..ساعدها اكثر..سمعت صوت المفتاح يتحرك في قفل الباب ..

ومعاه دق قلبها..وحست ابرجفه..الساعه وحده ..فليل..وين كان فتره ما طلع من الدوام..من الظهر..

وقفت شيما..بمكانها..فتح سيف باب الحجره..كانت شيما بتضحك..على ردت فعله..يوم جافها..يالسه في حجرته..

سيف"امبطل عيونه" انتي شو تسوين هني..؟؟

شيما:- شو انت نسيت اني حرمتك..

سيف: ليش انا شو قلتلج من جم يوم..
شيما"تيلس ع الكنبه"مب ع كيفك..انت ما تباني انا اباك..ها بيت ريلي ..بيلس فيه وقت ما ابا..

سيف"مصكر باب الحجره" تبيـن تاخذين السالفه عنــــــاد يا العنيده..

شيما: انت امسوي روحك بطل و..
سيف: جب لا تكملين..مالي خاطر ارمس بسالفه يدتج..اوكى..

شيما: خلاص روح ارقد..شكلك تعبان ..ارتاح و باجر يصير خير..

سيف: انت شو يالسه تعلميني شو اسوي..؟

شيما"تجرب منه" حبيبي انت ليش ماخذ السالفه جي..

سيف: يبدل ملابسه" انا مب حبيبج انا ما احبج.. و انتي حبج الوحيد البيزات..

شيما"تهمس" سيف..
سيف"من غير ما يطالعها" لا ترمسين جي..مليون مره اقولج الي بينا انتهى..

شيما"شويه بتصيح" انت ما يهمك كلام اهلي و اهلك و الناس..

سيف:- ما يهمني شي..الي كانت اتهمني راحت..و هي سبب وجودج حمدي ربج..

شيما:- تحاول تنرفزني..

سيف: مب مهم..

شيما: انت وايد تغيرت وايد..
سيف: ما تغيرت بس انا كنت امثل عليج..شو ادورين شي اتفرينه فيه بعد..

شيما: انا احبــــــك..

سيف: يتطنز" منو اكثر انا ولا بيزاتي..

شيما"تصرخ عليه" انت ما تفهم..

سيف: روحي ارقدي قبل لا يصير شي ما يعيبج زين..

ودش الحمام يتغسل..
اتنهدت شيما من الضيج..حست انها مخنوقه..وندمت لانها ردت له..قاومت انها ما تصيح..بس ما قدرت..

يلست اتصيح لي ما رقدت..و ما حست بوجود سيف موليه..

يتبع >>>/​

 

[خيماوية و النعم]

مشاركة: الغالــــي المزيـــون...

مشكووووووووورة معااني
عالقصة الاكثر من رائعة



ونتريا الجزء السابع
لا اطوليييييييين




والسموحة

خيماوية والنعم

 

[الزين كله]

مشاركة: الغالــــي المزيـــون...



تسلمين معااني عالنتفه اللي حطيتيهاا

بس عيبتني حركه شيماا ... لووووول

بانتظاااار الجزء اليااااي ... لا تطولين علينااا


تحياااتي

^_^

 

[الوصلاوية]

مشاركة: الغالــــي المزيـــون...

مشكووووووووووووووره معاني
ونتريا
الوصلاوية