قصة (عيال العـم) ابطالها اعضاء البرزة ...

[معاني]

مشاركة: قصة (عيال العام) ابطالها اعضاء البرزة ...

الجزء الثانـي ..

و بعد ما خلصوا العشى ردوا قوم بن جديد بيتهم ... من دشوا الصاله ..

يلس قناص ع القنفه و حاط ايده ع خده :mf_viking ..يتذكر ضحكت رهف . :smile: .. و يلست حذاله الزين كله .. و مجابلهم بن جديد..
اتروعوا يوم الوصلاويه فصخت الشيله امحرج.. و اتصارخ.. :mf_w00t2:
الوصلاويه: واااااااااااااااااااااي بجتلها "وتقلد صوت رهف" عمي و عمي مالت عليها ...

بن جديد"يطالعها مستغرب" شيفها اختكم يتها الحاله ..
رفيع "ناوي يروح حجرته" غيرااانـه من بنت اخوك ..

بن جديد: تعال تعال ...

وقف رفيع ابمكانه متروع من نبرة صوت ابوه الي كانت تهديد...
بن جديد: سمعني شو قلت...

الزين كله و قناص يطالعون بعض و الوصلاويه خافت وسكتت يوم جافت ابوها امحرج...

رفيع"مرتبك يطالع قناص عشان يساعده"

بن جديد: ما تسمع شو قلت...؟؟
الزين كله"غامضنها رفيع" باباتيـه..

بس نقزت ابمكانها يوم صرخ عليهاا (بن جديد) : بس انتي محد سالـج..

قناص: انزين رفيع ما قال ...."وسكت :mf_cupidh يوم طالعه بن جديد.."
بن جديد:"يرمس رفيع" تعال ايلس هني ..."و ياشر صوب الوصلاويه.."

بن جديد: احم احم بسالكم سؤال ... ودي اعرف جوابه من زمان من ايام الصبا..
طالعوا العيال بعضهم مستغربين من ابوهم(بن جديد) اتغيرت نبره صوته وصار يسولف عادي فارتاحوا :smile:

قناص الاريام "اتفضل ..
بن جديد"يعدل شواربه " : احم احم الا بسالكم منو احلى انا ولا اخوي سراب البيد اجوف رهف و اختكم الوصلاويه متخبلات عليه :mf_death: ..

طالعوا بعض مستغربين .. و فجاه يلسوا يضحكون ابصوت عالي ...
هههههههههه
ههههههههههههههههههههه
ههههههههههههههههههههههههههههههههه

حس بن جديد بالاحراج ... فوقف .. و يوم وقف كلهم سكتوا متروعين .. و من جافوه يفسخ العقال كلهم وقفوا وشردوا هم جدام و بن جديد وراهم و كل واحد ع حجرته وقفل عليه الباب هو يالس يلحقهم ...

و يقول :mf_laughb : ما عليه اوقفوا
***
و في اليوم الثاني ...

و في بيت قاريء الكلمة ...

راعي الويلات راقد يالس يحلم انه يخمس في سيارته المكسيما السوده و حوليه الشباب مستغربين من حركاته وكيف يحرق الشارع حراااق و من بين هالشباب عيال عمه (رفيع الشان" قناص الاريام"

غيرااانين منه ...اتروع يوم رن موبايله فرد ع الموبايل ابسرعه ..
راعي الويلات :منوووو :mf_franki
راعي البورش: شو منوووووو شفيـك ...؟؟

راعي الويلات" خسك الله كنت احلم حلم شو ياخي ...
راعي البورش: خل عنك من عرفتك و انت تتحلم بالويلات

راعي الويلات: هههههههههه شدراك ساحر حتى في احلامي تدخل ..
راعي البورش: قم بسك رقاد قم...

راعي الويلات: شو تبا ...

راعي البورش: يالله ترا الشباب يتريونا في السينما بتروح ولا ؟؟؟
راعي الويلات "ينقز من مكانه" طبعا بروح بس تعال افففففففففففف

راعي البورش: شو بعد...؟؟
راعي الويلات: عمي سراب هني اكيد بمنعني اذا درى اني رايح السينما..
راعي البورش"مستغرب"...كيف بعرف !!منو بيقوله؟؟؟ :mf_romans

راعي الويلات: هي و الله كيف بعرف ..
راعي البورش: يا الثور من عرفتك و انت ثور.. :mf_viking

راعي الويلات"امحرج" صكر صكر التلفون لاخمس ابويهك حشرتنا من عرفتك و من عرفتك رب الحمد ما كمل شهرين من عرفتك..

راعي البورش : خخخخخخخخخخ :mf_laughb
راعي الويلات : يالله مع السلامه

راعي البورش: فمان الله لا اتاخر نترياك ...هاه

راعي الويلات "طفران" زيييييييييين اذيتنا .."ويصكر الموبايل "


دش سراب البيد حجرة رهف بعد ما دق الباب ...
رهف"تبتسم" حياك شيخنا ... :smile:

سراب البيـد: شتسوين..
رهف: اممممممم ماشي توني امصكره من عند اواشي..
سراب البيد : منو هاي ربيعتج..

رهف : الا اختي و حبيبتي و كل شي ..
سراب البيد: ول ول ... عيل اخطبيها لي "و يبتسم"

رهف"واقفه امحرجه :mf_fart2: و اتحط ايدها ع خصرها" نعم نعم ..تبا تزوج عشان بعدين ما اطب بيتنا و تنساني

سرب البيد: تتحريني صغيرون المفروض العوسج يعرس و اخوج بو هزاع ابسن زواج..

رهف: العوسج و بو هزاع ابرايهم ما علي منهم المهم انت لا و الف لا ..
سراب البيد"يضحك" ههههههههههااااا بعدج صغيرونه ما اتعرفين شو اتقولين..

رهف"تتمصخز" شكرا.. :mf_bond:
سراب: ع العموم يالله لبسي عبايتج بنظهر ..

رهف"متفججه :mf_laughb " ويييييييييييييييين المنار ..
سراب البيد: لا لا شو المنار .. هاه الي قاصر بنروح بيت عمج الا هو اخوي بن جديد..

رهف"متحبطه :mf_biggri " شو بيت عمي "اتنزل راسها" ما ابا اسير ما احب اروح هناك ...
سراب البيد: وعدتهم تبين تكسرين كلمتي ..
رهف: روح ابروحك..
سراب البيد: اباج اتيين ايلسي شويه مع بنات عمج ..
رهف: البارحه شبعت منهن ..
سراب البيد"يطنشها" خلاص ابرايج ...
و قبل ما يظهر من الحجره ..وقف يوم سمع رهف اتقول..
_خلاص خلاص بيي معاك امري لله ...

سراب البيد"يبتسم" امبونج طيوبه J.. بروح ايلس عند امايه (عاشقه التراث) يمكن اتيي معانا ..لي ما تجهزين ..
رهف: دقايق اوكى جاهزه ..

**
طلع راعي الويلات من حجرته.. لمح يدته (عاشقه التراث) يالسه اطالع التلفزيون تم يطالعها جافها اصلا راقده و هي يالسه فتم يمشي شويه شويه ع اصابع اريوله ...خاف لا اتجوفه و اتخرب عليه الطلعه و اتقوله وصلني هني ولا هناك ...

اتجمد ابمكانه يوم سمع عاشقه اتقوله..
عاشقه التراث: هاااااااااااا اجوفك تزحف شو بلاك جنك حرامي ..وين رايح ..
و قبل لا اتكمل كلامهاا حط الموبايل في مخباه و رفع كندورته وحطها في حلجه وركــــــــض ابسرعه من غير ما يطالع وراه ..شغل السياره و حركها قبل لا تلحقه يدته .. يعرفها لو عيوز بس سريعه شرات الارنب ...

عاشقه التراث: ما عليه ما عليه تشرد عنيه هاه ان ما اخبر عليك ابوك..
دش عليها سراب البيد يضحك: ههههههيههيههي شفيج امايه..
عاشقه: ها الشيطان شرد عني عباله بتامر عليه اماره..

سراب البيد: منوه .. :mf_cupidh
عاشقه التراث: منوه غيره راعي الويلات...

سراب البيد: خلاص ما يهمج انا و رهف بنروح بيت بن جديد بتيين ويانا..
عاشقه: ويه بيت ولدي كيف ما اروووح ...

طلعت رهف من حجرتها : يلا انا زاهبه ..
سراب البيد: توكلنا ع الله ..

**

وقف العوسج سيارته عند دكان الفريج كانوا الشباب امسوين يلسه ... فنزل من سيارته و نزل معاه بو هزااع ... اتفاجاوو يوم جافوا قناص الاريام و رفيع الشان يالسيين

بو هزاع: طاع منو يالس ..؟؟
العوسج: شو يايبنهم هذيلا هني اففففففففف ...

بو هزاع : طنشهم ولا جنهم موجودين..
العوسج: ها الي بيصير يا ويلك اذا رمستهم ...
بو هزاع: ما يهمك ..

اتجدموا و سلموا ع الشباب ..
_ السلام عليكم ..

ردوا كل الموجودين: عليكم السلام ..
العوسج: هلا هلا و الله ابولد العم "ويسلم ع قناص و ييلس حذاله"

تم بو هزاع واقف ابمكانه مستغرب من تصرف العوسج :mf_zippy: "و قال في خاطره" اللوم علي انا الي دوم اصدقك يا الجذاب العود"

و يلس بو هزاع بين سعود و الكعبي و العوسج يلس بين رفيع الشان و قناص ..
رفيع : و انا مب بن عمك..

العوسج: لا احيدك هاك اليوم يوم جافوا عند درام البلديه عاقينك داخل كرتونه طمام..
ضحكوا الشباب فانحرج :mf_depres رفيع الشان فسكت..

بو هزاع"يرمس الكعبي بس قصده رفيع": هااااااااااه البارحـه ويه بويه وين ما جفنا شي
قناص "يغير الموضوع" شحالك بو هزاع..
بو هزاع"نبره جديه" ما يخصك..

الكعبي : هاها بو هزاع ليش معصب ..
العوسج: لايعه جبده ..من احم احم...

مسك رفيع الشان اعصابه .. فوقف ابمكانه

قناص : وين رفووووووووووع..

العوسج: اخوك رفووووووووع من عرفته منصووووووب عليه ..

ضحكوا الشباب ع تعليق العوسج
خخخخخخخخخخخخخخخخخخخخخخخخخخخخ

مسك رفيع الشان اعصابه و طلع من اليلسه..
سعود: زعلتوا الريال ..

بو هزاع: لا وحياتك مب زعلان الا صار مجرور و مجزوم عشان جي انسحب..
وقبل لا يكمل كلامه وقف رفيع ابمكانه و من غيضه عطااااااااااااااا بو هزاع بكس في خشمه . :mf_jumpon .

وقف بو هزاع يدافع عن نفسه .. فرد له البكس .. وقفوا الشباب الموجودين عشان ايودونهم ..عفد القناص يوم جاف بو هزاع يضرب رفيع الشان ...

العوسج"يمسك قناص الاريام" هاهاها وين رايح.."وهفه ابكس بعيونه ..
و انجلبت اليلسه كل ضرابه من فوق و تحت ... :mf_swordf

لدرجه كل واحد يضرب الثاني مب عارف منو عدوه منو صديقه... خاف راعي الدكان :mf_Flush: .. الضرابه فخاف ع دكانه يوم جاف الكراسي نصها اتكسرت.. و ابسرعه شل سماعة التلفون و اتصل بشرطه ...

**

دش راعي الويلات ويا رفيجه راعي البورش السينما ..وبعد ربع ساعه..
راعي الويلات "يشهق" جوف منو هناك..

راعي البورش: شفيك روعتني ..
راعي الويلات: و انا اقول راس منو ها العود .. :mf_cupidh
راعي البورش"يضحك" ههههههههههه منوه ..
راعي الويلات: عمي بن جديد.. هااااااااااه بالسينما و امسوي روحه هاك الابو الي ما عنده هالسوالف ...طااااااااااااع منو يالس حذاله ..

راعي البورش "يدور " امنو..
راعي الويلات: ما اتجوف انت ...وحده يالسه معاه "ويهز راسه بمعنى نعم" طحت عليك يا عمي ...لااااااااااااااااا :mf_w00t2: مستحيل ما اصدق يا ريال..

راعي البورش"حس ابعمره بتخبل" شووووووووبعد...

راعي الويلات: ابوي هناك .. هاه قاريء الكلمه اونك رايح القهوه الشعبيه ..و الله وصدناكم..

راعي البورش: انت الحين ياي اتجوف الفلم ولا اطالع ابوك و عمك يخي جوفهم في البيت افففففففففف
راعي الويلات: خلك انت طالع الفلم و انا براقبهم شو يسون .. :mf_kamika

**

في بيت بن جديد..
في الصاله ..الوصلاوية يالسه مع يدتهااا عاشقه التراث و مع رهف و سراب البيد..

عاشقه: الا وين ابوج..و الزين كله وينها..
الوصلاويه"اطالع رهف من طرف عينها" ابوي طلع و الزين راقده..

سراب البيد" راقده بها الوقت ...!!
رهف"ادلع صوتها اتغايض الوصلاويه" عمــــــي انت وعدتني تعزمني ع العشى لا تنسىىىى..
سراب البيد"مستغرب" :mf_zippy: انا !!!!متى ..

رهف"تقرصه ع ايده" وااااااااي منوه شاغل فكرك و مخلنك نساي..

الوصلاويه"من بين ضروسها" انـــــا شاغله باله"ادلع صوتها" صح عمي ...
رهف"امحرجه :mf_chieft " اتهبين الا انتي منو انتي عشان ينشغل باله عليج هاه.

الوصلاويه :mf_rudolp : احترمي نفسج لا اطولين السانج انتي يالسه في بيتنا..
سراب البيد: بس بس شفيكم ... صج مراهقات ...

عاشقه الترااث: انتوا يا مسودات الويه بدل ما اتحطون لنا فواله يالسات تضاربن ع عمكن من زينه..

سراب البيد"متفاجأ" يمـــــــــــــه شفيج الله يهداج..
عاشقه التراث" محد قالك ادلعهن .. من زينهن جايف اشكالهن انت .. انا احلى عنهن..

السراب البيد: ههههههههههههههههههههه .. :smile:
رهف: انا طالعه ع عمي حلوه و قمر.. :mf_bluesb

الوصلاويه: من حلاتج انا الي اشبهه صح يدوووووووه..
عاشقه التراث"امحرجه" مالت عليكن من بنات ..

سراب البيد: لحظه لحظه انا بصلحكم... الوصلاويه عمي روحي المطبخ يبي ليدتج الفواله ... و انتي رهف روحي حجرة الزين كله و قوميها من الرقاد..

الوصلاويه: ان شاء الله عمي كم عم عندي .."وقامت من مكانها ""
عاشقه التراث" طاع مسودة الويه نست عمها قاريء الكلمه..

رهف" اتقلد صوت الوصلاويه": ان شاء الله عمي كم عم عندي مالت عليج..
سراب البيد "يعاتبها" رهـــــــــف ...
رهف : انزين بروح اجوف العقربه الثانيه ..

عاشقه: مدري هالبنات طالعات لغايت ع منوه..
سراب البيد"يطالع امه" احم احم ..
عاشقه : تقصد طالعات علي هاه ..

دشت رهف حجرة الزين كله جافتها راقده بسابع نومه ..
رهف: قومي الزين ..عمي يباج برع..
بس الزين موليه مب حاسه بعمرها ...سارت رهف صوب التسريحه جافت خاتم عود ع شكل عباد الشمس .. طالعت الزين كله جافتها بعدها راقد ...

فشلت الخاتم وحطته في شنطتها ... فتحت السده و جافت علبه ايشدو .. فشلته وحطتها بشنطتها .. و شلت غرشه العطر ... و قالت في خاطرها" هديه حق اواشي هاهاهاه" وطلعت من الحجره ..

**
قاريء الكلمة و بن جديد طالعين من السينما و راعي الويلات و رفيجه راعي البورش لاحقينهم من غير ما يدرون ...

بن جديد: يخي جفت البنت الحليوه...
قاريء الكلمه: أي وحده الي يالسه ع صوب اليمين ولا الشمال...

بن جديد: الله يهداك جفت الي يالسه ع صوبك هاي شكلها تنزانيه..
قاريء الكلمه: لا و الله "ويضحك" ههههههههههههههه
المهم جم رقم حصلت..

بن جديد: رقمين و انت ..
قاريء الكلمة "يطلع من مخباته ثلاث اوراق" ثلاث ارقام ..

ين جديد: رزق رزق اليوم .. "و يتنهد" و الله الواحد يرتاح يوم يرفه عن نفسه مب 24 ساعه مجابل العيال خسهم الله ..

قاريء الكلمه: انت الله يهداك وايد عصبي حار بركان..
بن جديد: خلهم يتادبون...

نقزووووووووو يوم سمعوا صوت راعي الويلات من وراهم..
راعي الويلات: هااااااااااااا طحت عليكم ... و الله وصدنااااااااااااااكم
راعي البورش واقف من بعيد يضحك علي شكل ويوهم يوم جافوا قاريء و بن جديد..

قاريء الكلمه"يضحك و بنفس الوقت مرتبك" ههههههه راعي الويلات شتسوي هني ...؟؟

راعي الويلات: هااااااه تغازلون يا عيااااااااااااااا
بن جديد: جب ولا كلمه ..

نقز راعي الويلات ابمكانه وسكت متروع .من بن جديد..
بن جديد"محرج يرمس قاريء" ها انت امدلع عيالك جوف كيف يرمس مسود الويه قليل الاحترام..

راعي الويلات يبلع ريجه ابصعوبه وبنفس الوقت منحرج.. و يطالع ربيعه راعي البورش الي ميت عليه ضحك
قاريء"الله يهداك بن جديد فضحتنا الناس اطالع خف صوتك..
بن جديد: تعال تعال "يرمس راعي الويلات.."

اتجدم راعي الويلات و هو ميت من الخوف ..
بن جديد: شو سمعت انقول ..

راعي الويلات"يرتجف" ماشي ماشي ...
بن جديد: جفتنا اليوم..

راعي الويلات: ابدن..

قاريء الكلمة: هههههههههههههههههههههههههههههههه

بن جديد: يالله رووووووووح من هني..
راعي الويلات يطالع ابوه قاريء يوم يالس يضحك عليه .. و سار ابسرعه قبل لا يزاعق عليه عمه ..

قاريء: ياخي ما اروم اصير مثلك حار ..
بن جديد: جفت شو اتسوي العصبيه..يالله يالله انروح السياره و نتصل و انجوف اصحاب هالارقام ..

قاريء الكلمه: يالله انروح ..


و ركبوا سيارتهم ...

**
يتـبــــــــع >>>

معاني

 

[عاشقة التراث]

مشاركة: قصة (عيال العام) ابطالها اعضاء البرزة ...

السلام عليكم ورحمة الله وبركاته

معاني

ههههههههههههههههههههههههههههه
بموت من الضحك لا ما اتوقعت قارئ يسوي جذه لالالالا مستحيل

بن جديد: يخي جفت البنت الحليوه...
قاريء الكلمه: أي وحده الي يالسه ع صوب اليمين ولا الشمال...

بن جديد: الله يهداك جفت الي يالسه ع صوبك هاي شكلها تنزانيه..
قاريء الكلمه: لا و الله "ويضحك" ههههههههههههههه
المهم جم رقم حصلت..

بن جديد: رقمين و انت ..
قاريء الكلمة "يطلع من مخباته ثلاث اوراق" ثلاث ارقام ..

ين جديد: رزق رزق اليوم .. "و يتنهد" و الله الواحد يرتاح يوم يرفه عن نفسه مب 24 ساعه مجابل العيال خسهم الله ..

قاريء الكلمه: انت الله يهداك وايد عصبي حار بركان..
بن جديد: خلهم يتادبون...

ههههههههههههههههههههههههههههههههههههههه


عاشقة التراث​

 

[العوسج]

مشاركة: قصة (عيال العام) ابطالها اعضاء البرزة ...

شو هالفن شو هالإبداع شو الاتقان هذا في عرض الحوارات والمحاورات والمناورات ماشاء الله عليج


ابصراحه وضعتيني في مكان هو يتناسب جدا مع طبيعتي كيف عرفتي هااااااااع .. ههه ه هه هه ؟


ابصراحه اقرى سطر واترك عشر سطور بس اوعدج باجر اقراها كامله


امسطل خولتي بمشي بنخمد

 

[الزين كله]

مشاركة: قصة (عيال العام) ابطالها اعضاء البرزة ...

لووووووووووووووووووووووووول



عجيبة الاحداااث خخخخخخخخخخخخخخ


هههههههههههههههاااااااي ... بموت من الضحك ههههههههههههههههههههههههههههههههه


وعلة قولتهم ... "اكبرهم ادمرهم "

ورهفووووه خلج بعيد ابرك لج اوكيييك يالصراااقة

وحليلها الزين ... تحاتي خوانها :$






^_~

 

[قاريءالكلمة]

مشاركة: قصة (عيال العام) ابطالها اعضاء البرزة ...

لا لا مستحيل طبعا...هههههههههههههههه

الظاهر انكشفنا وانفضحنا...

راح تحلو السالفه....بنشوف آخرتها...وياج يا معاني...

قاريءالكلمة

 

[بن جديد]

مشاركة: قصة (عيال العام) ابطالها اعضاء البرزة ...

هههههههههههههههههههههههههههههههههههههه

يا سبحان الله

احين انا بهاي الصوره

عاد كل شيء ولا المغازل يعني المغازل بالحظ والنصيب استوى ههههههههههههههههههه

ننتظر التكمله

الله يقويج

التحيه موصوله اليكم جميعا
بن جديد

 

[راعي الويلات]

مشاركة: قصة (عيال العام) ابطالها اعضاء البرزة ...

هههههههههههههههههههههه

هالشواب طلعوا حركــــــــات بعد...

يلاه معاني خلينا نشوف شو بيستوي... لا طولين

 

[رهف]

مشاركة: قصة (عيال العام) ابطالها اعضاء البرزة ...

لا لا لا لا

اعترض

اعترض وبشده
:mf_swordf



شو خالتني سراااااااااااقه :mf_franki


بس دام اني سارقه الزين الدبه
والهدية لاواشي
نو بربلم


رهوووف
بنت قارئ
ودلوعة الكل :biggrin:

 

[الريـّــام]

مشاركة: قصة (عيال العام) ابطالها اعضاء البرزة ...

لووووووووووووووووووووووووووووووووووووول






هههههههههههههههههههههههه عاشت معاني طيحي فيهم


هاهاهاهاهاها

والله هالقصه عجيبه


بنرجع لكم

 

[الوصلاوية]

مشاركة: قصة (عيال العام) ابطالها اعضاء البرزة ...

هههههههههههههههههههههههههههههه
الزين كله سراااقة
هههههههههههههه
احسن
يالله نتريا التكمله
الوصلاوية