قصة (عيال العـم) ابطالها اعضاء البرزة ...

[معاني]

مشاركة: قصة (عيال العام) ابطالها اعضاء البرزة ...

عاشقة التـراث ===> عسى ايامج كلها ضحك ..


العوسج ======> امشي انعاس احسن ليك ..


الزين كله =====> عسى ايامج كلها وناسه و ضحك ..


قاريء الكلمة ==> .. اتريا و جوف و ياما حجـوف ... :smile:


بن جديد====> اول مره اجوفك تضحك من عرفت البرزة ..كل شي نصيب و حظ ..


راعي الويلات ==> ان شاء الله بس بغيتك تفضحهم ..


رهف ========> :mf_cupidh حمدي ربج خليتج بس سراقه اونه اعترض ..


الريام =====> عاشت ايامج ..


الوصلاوية =====> حياج الله ...


شاكره لكم مروركم و اتريونا بالجزء الثالث ... :smile:

معاني ..

 

[بو هزاع]

مشاركة: قصة (عيال العام) ابطالها اعضاء البرزة ...

انا ما اتريا الجزء الثالث

اشحقه اترياه شو منو بعد بيعطيني بوكس والله حاله خلتني مصخره في هاي القصه

ابوي غيري القصه من ساسها لكرياسها ما يصلح جذه شو هاي الحاله


لا تعال شوف الضحكه
ها هو هوي هو

شو من الهنود الحمر انتي يا معاني شو هاي الضحكه ها هو هو هواي عنابو من سنه

احين تغيرين القصه وتخليني انا البطل يا بلاها قصه

والله حاله



وحاله وحاله بعد



بوهزااااااااع
معصب

 

[العوسج]

مشاركة: قصة (عيال العام) ابطالها اعضاء البرزة ...

ههههههههههه


والله شوها عيال العم .. ولا الأخ .. اللهم لاحسد ..

 

[معاني]

مشاركة: قصة (عيال العام) ابطالها اعضاء البرزة ...

:mf_violen بو هزاع ..


مولك ابويه محتشر ... المهم عايبني دورك .. :smile: ..و يخي كيفي قصتي انـا اباااا جي دورك ... اذا مب عايبنك ..ارفع قضيه ... :mf_boff:
و الله حاله ..


العوسج ..

امنور و حياك الله ..
:biggrin: :biggrin: :biggrin:

معاني..

 

[الوصلاوية]

مشاركة: قصة (عيال العام) ابطالها اعضاء البرزة ...

ياخي لا تزعجووووووووووون معاني والله
يالله نتريا
الوصلاوية

 

[معاني]

مشاركة: قصة (عيال العام) ابطالها اعضاء البرزة ...

استفيدوا من كلام الوصلاويه ..

تراه يفيد و ينفع .. :smile:

شكرا ع مرورج ..

معاني .

 

[معاني]

مشاركة: قصة (عيال العام) ابطالها اعضاء البرزة ...

الجزء الثالث ..

في مركز الشرطة ..
الشرطي"الصياد" :- انتوا عيال عم و تضاربون ... عيل شو خليتوا حق الغريب ...

و العوسج و بو هزاع .. و قناص و رفيع الشان امنزلين راسهم ..
الصياد: هـاه ليش ما اتردوووووون ... تبون الناس تشمت فيكم عيال عم و مجاتلين ...

العوسج" يجذب" طويل العمر انا و بوهزاع يالسين في حالنا "ياشر لـ قناص و رفيع" هم الي تحرشوااا باخوي و انا ما ارضها ..

رفيع"امحرج" أيـه منو الي اتحرش فـ الثاني..
بو هزاع"يكلم رفيع " انت مب انت الي سبيتني و تميت تزقرني هزاع امباع ..

و الصياد يالس يفكر وبنفس الوقت يطالعهم مستغرب هذيلا شكلهم ما بتسنعون ..

قناص: يا الجذااااب ...
العوسج"يتجدم" لا اتقول اخوي جذاب يا الشلاخ ..
رفيع "يحرج" ايه انت احترم نفسك..

و اتجدم بو هزاع يبا يضرب رفيع بس وقف ابمكانه يوم سمع صوت الصياد..
الصياد"واقف ابمكانه" بـس انت و هـــــــو صج ما فيكم مذهب ولا تحشمون المكان الي انتوا فيه ... حتى في الشرطه تضاربون .."ويرمس الكاتب". خذ رقم اولياء امورهم ... ابسرعه ...و اتصل به .

..وضغط ع الزر الي جدامه ... فدش الشرطي الواقف عند الباب ..
الشرطي: نعم سيدي ..
الصياد: خذهم حجرة التوقيف لي ما اييون اولياء امورهم ...

بو هزاع: لحظه لحظه شو اولياء امورنا ... تبا عمي بن جديد يجتلنااا..

الصياد: لا و الله شو رايك بعد تيلس ابمكاني ..
بو هزاع:"مستانس " الله يخليك
رفيع الشان: لا لا ابوي خلاص بنتعهد ما انكرر الضرابه بس لا تتصلون حق ابوي..
العوسج: خايف "و ضحك" خخخخخخخخخخخخخ " بس سكت يوم جاف الصياد يطالعه بنظرات"

قناص: شو رايكم نعطيهم رقم عمنا سراب البيد..
الصياد: يالله ابسرعه ...ست و ستين قضيه فوق راسي ..
العوسج: خلنا انساعدك ترانا في الخدمه ..

الصياد : اففففففففف انت تسكت و لا كلمه مفهووووووووم..
رفيع الشان وقناص يسون كفك .."يضحكون ع شكل ويه العوسج يوم فاتن عليه الصياد"
هههههههههههههههههههههههههه

بو هزاع" جب ولا كلمه ...تضحكون ع اخوي ...صج انكم ما اتـــ "وسكت يوم جاف الصياد اتحرك من مكانه .."

الصياد "وقف جريب منهم" و تستهبلون على بعض .."ويطالع الشرطي الواقف" لا تاخذهم حجرة التوقيف فرهم في السجن ..مدة اربع و عشرين ساعه..عشان يعرفون السنع
كلهم مع بعض : لا لالالالالالالالالالالالا
الصياد : عيل كلمه ما ابا اسمعها منكم ...مفهووم..
سكتوا امنزلين راسهم فـ الارض ..

و عطوه رقم سراب البيد .. و خذوهم حجرة التوقيف ..

**

طلعت رهف من حجرة الزين كله ...ابسرعه قبل لا تنتبه لها .. و سارت الصاله ..
سراب البيد: وينها بنت عمج نشت ..
رهف"مرتبكه" هاه .. مـ مد .. مدري..

عاشقه التراث": ما تدرين .. بالله عليج .. ليش رايح عيل..
رهف : اقصد قومتها بس ما رضت مدري اذا قامت او لا ..

دشت الوصلاويه و شايله معاه صينية العصير ... عطت يدتها .. و بعدين سراب البيد و بعدين رهف..و اونها سوت عمرها بطيح فاهتزت الصينيه و انصب العصير فوق رهف..

صرخت رهف ووقـفت و كرده فعل طبيعيه ... صفعة الوصلاويه صفعه قويه لانها كانت تدري انها متعمده...

عاشقه التراث: ها عطيها بعد زيدها عيل ليش اتصبين فوقها العصير ..
الوصلاويه"حطت ايدها ع خدها متفاجاه من صفعة رهف .."

رهف "شويه و بتصيح" احينه شسوي خرست ثيابي و عبايتي عصير *:_:*

سراب البيد"يراضيها" ما عليج حبوبه بنت عمج ما تقصد عاد انتي الله يهداج عصبية..

حرجت الوصلاويه يوم جافت سراب البيد طنشها و يلس يراضي رهف .. فطلعت من الصاله امحرجه ..و كانت شويه بتصيح ...ابها لحظه و قبل لا يناديها سراب ..

عاشقه التراث : ههههههههههه بنات دلوعات اخر زمن .."اطالع ساعتها " وينه راعي الويلات خله ياخذني الصالون ابا اسوي مناكير و مدكيير ...

رن موبايل سراب البيد قبل لا يرد عليها و كان يرمس و يطالع رهف مره اتصيح و مره اتنظف عبايتها ... و كانت الوصلاويه واقفه من بعيد اتراقبهم اتجوف سراب شو يسوي ...

سراب البيد "مستعيل بعد ما صكر الموبايل" انـا طالع هاه برجع لكم عقب ..
عاشقه: تعال وين رايح وصلني الصالون بدربك..

رهف : وين عمي اتخليني هني مع هذيل المتوحشات
عاشقه : سود الله رقاع ويهج نحن متوحشات
رهف: اهيء اهيء اهيء ..عمـي .

سراب البيد" يصكر باب الصاله" برجع بعد ساعه مستعيل ..

ابمجرد ما صكر الباب ..عفدت الوصلاويه داخل الصاله ..
عاشقه التراث" ويه بسم الله شفيج روعتينا..
الوصلايه "تجرب من رهف" تدلعين هاه اونج خرست عبايتج خذي عيل" و شلت العصير مال سراب ورشتها بس رهف اتحركت فانصب على عاشقه التراث ..

عاشفه التراث: واااااااااااي حسبي الله عليكم من بنات العصير بارد ...

رهف: ما عليه انا اراويج" وشلت عصير عاشقه ورشته ابويه الوصلاويه"

عاشقه التراث"شويه و بتصيح": عصييييييييييري ما شربته ...

الوصلايه حرجت فاتجدمت تضرب رهف يرتها من شعرها و يلست رهف اتصارخ و اتقرص الوصلاويه و عاشقه التراث اتصارخ
_ لحقوا علينا ... و لحقوا علي

و فجات سكتت عاشقه من الصراخ يوم طاحن فوقها رهف و الوصلاويه .. و اغمي عليها ..

**
و في سياره قاريء الكلمة

قاريء يعطي الرقم حق بن جديد... و بن جديد يتصل ..
بن جديد: هذي امعرسه..عطني الرقم الثاني..
قاريء الكلمه يعطيه..

بن جديد: هاي ترمس انجليزي ما افهم لها ولا كلمه... عطنا الرقم الثالث ...

قاريء يعطيه الرقم الثالث ..
بن جديد: اففففففففف الله يهداك رقم شغاله شو تبا فيه ...

قاريء الكلمه: هههههههههههه هذي الفراشه تشتغل هناك مال التنظيف ع بالي وحده من الي يطالعون الفلم..

بن جديد"يهز راسه" اخوي انت اكبر عني ما اروم اقولك كلمه ..عطني عطني الرقم الرابع..

و يعطيه قاريء الكلمه الرقم الرابع
بن جديد: اوهوووووووو حق شو معطتنا رقمها يوم انه موبايلها مقطوع ..
قاريء الكلمه : ما فهمت شو قصدهاا

بن جديد"مستغرب" شو ..؟؟
قاريء الكلمه: تباك اتجدد بطاقتها "ويضحك" ههههههها

بن جديد: اتهبي الا هي .. اقولك الظاهر انا منحوس اخر رقم انت دق يمكن تطلع وحده

قاريء الكلمه : اوكى الحمدلله امبوني محظوظ..
بن جديد: بنجوف ...

قاريء الكلمه " وهو يدق الرقم " هالرقم مب غريب علي ..
بن جديد: و الله ..

قاريء الكلمه"متشقق" يرن يرن ..
بن جديد: علي ع الصوت عشان اسمع ..

قاريء الكلمه:يبعد عنه الموبايل" ما يرمسون..
بن جديد" يوطي صوته" زين قول انت الو ..

قاريء الكلمه: احم احم الــــــــو ..
صاحب الرقم :-هلا و الله بها الصوت ..

نقزووووو قاريء الكلمه و بن جديد يوم سمعوا صوت الطرف الثاني ..و يلسوا يتضاربون ع الموبايل .. و اخرتها سحبه بن جديد..

بن جديد"محرج": راااااااعـــــــــــــــي الويــــــــــلات يا الهـرم
و ابسرعه صكر راعي الويلات الموبايل..

بن جديد: صكر الصايع ..يتمصخر علينا ..

قاريء الكلمه: كيف عطانا رقمه..؟؟؟ مستغرب انا ..
بن جديد: اكيد امطرش سيلانيه ..

شويه و يلسوا يضحكون ابصوت عالي ..يوم يتذكرون صوت راعي الويلات

هههههههههههههههههههههههاااااااااااا
رن موبايل بن جديد..
بن جديد: ها الزين كله شو بغيتي ..

الزين كله: الحق علينا يبه يدتي طاحت غشيانه الحق علينا..
بن جديد"متروع" شو وين انتوا ..
الزين كله: في بيتنا .. ابسرعه تعالوا ..

قاريء الكلمه: شو السالفه..
بن جديد: يالله يايين .." و يرمس قاريء" الوالده مدري شو بلاهاا

**

في مركز الشرطه
سراب البيد: اسمحلنا يا الطيب..

الصياد: مسموح بس لازم يوقعون ع التعهد انهم ما يكررون هاشيء و الدكان يطالب بتعويض عن الكراسي الي اتكسرت ..

بها اللحظه دشوا عيال العم الاربعه امنزلين راسهم مستحين من عمهم (سراب البيد)
سراب البيد: يصير خير ... من حقه يطالب بالتعويض..
ووقف و سار صوب عيال اخوه و كان وايد امحرج ....

الصياد: ياخي الله يعينك عليهم ثجل دم و استهبال و مسخره ع القانون .."ووقف ابمكانه" ع العموم انا بخليك تتفاهم معاهم ...و قبل لا يطلع من الحجره سمع سراب يرمسهم ..

سراب البيد: شو ها الي سويتوه .. زين جي فشلتونا جدام الناس..

العوسج" اونه متندم " عمي انـا ...
بس سراب البيد ما عطاه فرصه ع طول قاله "جب ولا كلمه و صفعه"فنزل العوسج راسه بالارض ..وقف الصياد ابمكانه و شكله عيبته السالفه فيلس ع الكرسي الجريب من الباب و اتجتف يطالعهم ..
و بو هزاع ما رضى ع اخوه فحب يتبلى ع القناص و رفيع الشان ..

بو هزاع : عمي نحن مالنـا..
و بعد قبل ما يكمل كلامه عطاااااااه كف ع ويه خله ينطم .. و نفس الشيء صفع رفيع و قناص الاريام ..

سراب البيد"محرج" شو تبوني اقول حق ابوكم ..تدرون شو بيسون فيكم ..

و الشباب ساكتين متلومين من عمهم و من الصياد الي يالس يراقب الموقف ..و شكله عايبتنه السالفه ...

سراب البيد: هذي آخر مره صدقوني ثاني مره بخليكم في السجن .. يالله الحينه اعتذروا ع بعض ابسرعه..اجوف..
سلموا ع بعض و اعتذروا .. و اخرتها وقعوا التعهد .. و دفع سراب البيد قيمة الخساير ... و رجعوا البيت ..

**
في بيت بن جديد ..
دش بن جديد يربع و لاحقنه قاريء الكلمة ...فتحوا باب الصاله ..
جافوا رهف و الوصلاويه كل وحده شعرها شرات الجنيه ... و ملامح ويوهم اتدل ع انهم كانوا يصيحون ... و الزين كله .. اتصيح خايفه ع يدتها ..

قاريء الكلمة: ها ها شو مستوي بالغاليه "ويضربه ع ويها" امايه امايه..

لصقت الوصلاويه ابـ رهف خايفات من عمهم بن جديد ...
الزين كله: باباتيـه ...*:_:*

بن جديد" يطالع الوصلاويه ورهف" شو مستوي جنكم طالعات من مقبره ..
رهف"ترتجف" هـ هـذي بنتك ..

الوصلاويه"شويه و بتصيح" مب انا هاي رهف يلست ع راسها ..
رهف: انتي الي ضربتج يت ع بطنها عشان جي طاحت غشيانه ..
الوصلاويه: لا مب انـ ..

بن جديد: بس بــــــــس هنتينتكم يبالكم ضرب ..
رهف و الوصلاويه من سمعوا هالجمله صاحـوااااااا


بن جديد"متروع" ناخذها المستشفى !!
قاريء الكلمه: لا لا ما يحتاج ..بطلت عيونها ..

الزين كله: طلعت ع صراخهن و جفت يدتي طايحه غشيانه ..
قاريء الكلمه" امايه امايه..

عاشقه التراث"اتون من الويع" وااااااااي جتلوني حسبي الله عليهن من بنات حشى مب بنات هذيلا ..

بن جديد: منو سوا فيج جي "ويطالع رهف و الوصلاويه"
عاشقه التراث"اتاشر" : هذي الزيـن كله ...
الزين كله "اتحط ايدها ع حلجها" و اللــــــــــــه مب انـا شفيج يدتي خرفتي ...

قاريء الكلمه: امايه ناخذج الطبيب ..
عاشقه اتتحاول توقف" لا يمه عندي موعد في الصالون بسوي مدكيير و بدكيير
بن جديد" طفران" هاوقته الله يهداج...

عاشقه: وين اخوكم سراب ودرني خليني اروح بيت قاريء مينون اطب هني مره ثانيه..

قاريء الكلمه"يعطي مفتاح سيارته للزين كله" يبه وصليها السياره انا باخذها البيت ..

الزين كله"مقهوره من عاشقه" ان شاء الله ..
و ابسرعه ركضت رهف تحتمي ابقاريء الكلمه ..
رهف"ابدلع" باباتيه انا مالي شغل هذي الوصلايه لا تضربني اهيء اهيء ..

بن جديد: تعالوا تعالو بغيتوا تجتلون امنا راس مالنا ...
الوصلاويه تنقز ورا قاريء الكلمه خايفه..

رهف ادزها :قومي ها ابوي مب ابوج ..روحي خليه يضربج..
قاريءء الكلمه: خلهم بن جديد هذيلا يهال ما يعرفون شو يسون..

بن جديد: لا لا شو يهال لازم اعاقبهم عشان ما يكررون الي صار الحينه..

و شل عقاله يبا يضربهن

و قاريء الكلمه "رافع ايده" اقولك خلهم ...

و رهف و الوصلاويه واقفات ورا قاريء يحتمون فيه و يصيحون ...و بن جديد يدووووور و ابيده العقال امعاند الا يضربهم ...


قاريء الكلمه: اقولك خلهم ..
بن جديد: ماشي الا اضربهن .. " ويدور يبا يوصل لهن ..و هن يدورون .. و قاريء بالوسط ...ما عنده غير كلمة

: خلهن هذيلا يهال ...

اخرتها فقد قاريء الكلمة توازنه لان رهف اتيره من صوب و الوصلاويه بعد اتيره .. فطاحوا بثلاثتهم ع الارض ...

و ما صدق بن جديد و يلس يضرب بالعقال ...

و كل الضرب ع قاريء الكلمه ...
و قاريء يصارخ : اييي اييييي ايه انت يالس تضربني ما اجوف أي أي ...

بن جديد" عاد امحرج ما يجوف الي جدامه" يا الي ما تستحون بنات عم و تضاربون و بغيتوا تجتلوا امايه ...

قاريء الكلمه: خـوز ها العقال جتلتــــــــني من الضرب ..

و رهف و الوصلاويه خايفات و يصيحون .. كانت اتيهم ضربه او ضربتين.. بس قاريء الكلمه .. هو الي اخذ الضرب كله ...اخرتها ...

طاح بن جديد ع القنفه الي وراه بعد ما يته رفسه من قاريء الكلمه ..

دشوا بها اللحظه قناص الاريام و رفيع الشان ...و عفدوا ع ابوهم بن جديد يوم جافوه طايح ع القنفه..

قناص الاريام..: ابوي شفيك ..
و يطالع رهف و الوصلاويه و قاريء طايحين ع الارض ..

رفيع الشان: اليوم الجتله العالميه ...
بن جديد: انا بخير بس جوفوا عمك ..حي ولا ميت ..

وقف قاريء الكلمه : لا ابركه فيك ولا بعيونك يا العمي ايي أي ..ريولي

ساعده قناص الاريام ع انه يوقف ع ريوله ..
بن جديد: سامحني يا اخوي انت اتعرف يوم اعصب ما اجوف شي جدامي ..

رفيع الشان و قناص مستغربين ..؟؟؟شو مستوي ..

و قبل لا يردون ...دشت الزين كله ..
الزين كله"اترمس قاريء" عمي ترا يدتي في السياره تترياك..
قاريء الكلمه: يالله رهف انروح البيت " و يطالع بن جديد" حسبي الله ع ابليسك ...

رفيع و قناص يطالعون بعض ..مب عارفين شو مستوي ..
بن جديد"متلوم من قاريء" قناص ابوي وصل عمك ما اظني يروم يسوق ..

الزين كله : شسالفه..؟؟
بن جديد: ماشي "يقلد صوتها" شو السالفه قومي خذي اختج داخل لاكفر فيها ..

الزين كله "متروعه" ان شاء الله "و اترمس الوصلاويه" قومي قومي يا ام المشاكل ...

ساعد قناص الاريام قاريء الكلمه للسياره
قاريء الكلمه:- اييي شوي شوي ريولي ..

قناص امساند عمه و ابنفس الوقت يطالع رهف الي كانت تمشي وراهم ...
قناص في خاطره "دلوعتي كل الحلا فيها**أحترت أنا مدري شسميها
**في حسنها كن البدر ضاوي **أخت القمر محد يساويها""

رهف "تمسح دموعها و في خاطرها" شو ها اول مره يجوفني ..يطالعني جي ..و قناص من غير ما يحس دعس ع ريول قاريء الكلمه ..
قاريء الكلمه "يصارخ من الويع" واااااااااااااااااااااي عمىىىى بعينك شرات ابوك اشلق..

قناص الاريام "يبوسه فوق راسه" سامحني عمي و الله ما انتبهت ..
رهف حطت ايدها ع حلجها و يلست تضحك

**
يتبع >>>>

معاني ..

 

[رهف]

مشاركة: قصة (عيال العام) ابطالها اعضاء البرزة ...

خخخخخخخخخخخخخخخخخخخخ

حلووو
والله حلوو هالجزء
ويموت من الضحك

خخخخخخخخ

فنان الموقف اللي صار في مركز الشرطة
ولا عاشقة والله عيوز ومتفيجه واضحك

الوصلاويه اقول خلج بعيده عني لا تشوفين شيء ما شفتيه انتي ويا اختج الفخاره
:mf_swordf


يلا نتريا التكملة
لا تبطين علناا

رهووف الدلوعه :smile:
شيخة الوصلاويه والزين كله

 

[الوصلاوية]

مشاركة: قصة (عيال العام) ابطالها اعضاء البرزة ...

ههههههههههههههههههههههههههههههههههههاي
حراااام عليج انا بحياتي محد عطاني كف لا تفاولين علي
الوصلاوية

 

[راعي الويلات]

مشاركة: قصة (عيال العام) ابطالها اعضاء البرزة ...

هههههههههههههه

توج رهووووفه طالعه شرانيه .. زين ما سويت فيهم ادبيهم

اقول معاني لا تخليني دريول عند ها العيوز عاشقه ..لا بعد تبغي حد يوديها الصالون بادكير ومانكير في عمرها..هالعيوووووووز

الله يعينهم عيال العم جااااااااااان خلييهم محبوسين وناااااااااااسه بصير..

يلاه نتريا الباقي لا اطولين..