قصة (عيال العـم) ابطالها اعضاء البرزة ...

[معاني]

مشاركة: قصة (عيال العام) ابطالها اعضاء البرزة ...

الزين كله ...

نورتي الصفحه ... :smile:

عاش من جافج ...

و فالج طيب كم الزين كله عندنا نحن .

معاني ..

 

[معاني]

مشاركة: قصة (عيال العام) ابطالها اعضاء البرزة ...

عين الصقر ..

ههههههههههه

اتخيل شكلك و انت يالس تكتب الرد ..

مولك ابويها انو ادري انك اتقص ليي ...

ع العمووووووووم ..

حيـــــــــااك اللـــــــــه ... و زين ان القصه عيبتك ...

جفت دورك ... كيف رزين و عاجل ..عكس شخصيتك فـ البرزة .. :smile:

شاكره لك مرورك ..

معاني ...

 

[راعي الويلات]

مشاركة: قصة (عيال العام) ابطالها اعضاء البرزة ...

وينه


وينه


وينه


وووووووووووين الجزء الاخير


ذليتوووووووووووونا ما يصير


يا خي بلشتونا

 

[الزين كله]

مشاركة: قصة (عيال العام) ابطالها اعضاء البرزة ...

تسلمين الغاليه ...

بس وينووووو الجزء الأخيــــر ؟!!

على بالي وصــل ..!



تحيااتي ...

الزين كله..

 

[معاني]

مشاركة: قصة (عيال العام) ابطالها اعضاء البرزة ...

راعي الويلات ..

اعصابك ...موبيك ..

الزين كله ....
هلا و الله ..

اسمحولي اتاخرت ... بس انا حاليا مشغوله بكتابة مسرحية...

لختام الانشطه الصيفية ...

بعد ما اخلص بنزل لكم الجزء ..

و السموحه ..

معاني ..

 

[الوصلاوية]

مشاركة: قصة (عيال العام) ابطالها اعضاء البرزة ...

اهئ اهئ
معااااني
حراااااااااام
بصيح
ما قطعت قلبج
اهئ اهئ
خلاص خلصت دموعي

 

[بو هزاع]

مشاركة: قصة (عيال العام) ابطالها اعضاء البرزة ...

لستو من المتابعين لهذه القصه




وعين الصقر انته وين تعرف تقرا قصص سير اقنع يا بوي


بوهزاااع

 

[شيخة البنات]

مشاركة: قصة (عيال العام) ابطالها اعضاء البرزة ...

شو السالفه هالموضوع صاك ال 22 صفحه!


كيف خلص الفلم الهندي ولا بعده

اريد اختصار بكلمتين....حد مات.!


خخخخخخ



شيخة البنات
داشه عرض 125 درجه

 

[معاني]

مشاركة: قصة (عيال العام) ابطالها اعضاء البرزة ...

السلام عليكم ..

اسمحـــــــولي ..يالي اتابعون ..قصة .عيال العم ..

بس بغلق الموضــــــــــوع ....

.لـي ما انـزل الجـزء الياي..

لان صارت ردود و تعليقــــــات

مالها لزمه و داعي ... :mf_cupidh

و السمـوحه ..

و ان شاء الله ما بطول عليكم ..

معــــــاني ..

 

[معاني]

مشاركة: قصة (عيال العام) ابطالها اعضاء البرزة ...



الجزء الاخيـر

((15))

في المستشفى ..

وقف العوسج و رفيع و بـوهـزاع .. يوم جافوا قاريء الكلمة و سراب البيد و بن جديد ..يايين صوبهم ..
اتجدم رفيع مستانس يوم جاف ابوه ..
فتح بن جديد ذراعه يحضن ولده يوم اتجدم منه ... و يلس يصيح رفيع الشان ..
بن جديد: لا اتصيح خل الصياح للحريم مب لك .. .."ويبوسه ع راسه و سراب البيد يدق جتف بن جديد عايبنه موقفه..

رفيع "مب رايم يرمس من الصياح" انت ما تد.. تدري شـ شو صار لنا ..
بن جديد:مب ايديني يا ولدي "ويدقدق ظهر رفيع" قالي عمك شو سويت و الله انك نشمي .... يالله انروح نتطمن ع اخوك قناص الاريام..

بو هزاع"يمسح دموعه متاثر" الحمدلله ع سلامتك عمي ..

بن جديد\"ياشر لـ بو هزاع" تـعال .تعـال .
يتجدم منه بو هزاع..بن جديد"محرج عليه":انت ما بغيت اتمر بالشارع الا بعد ما احترقت السياره و خلصت ..؟؟

بو هزاع"يطالع عمه و قاريء الكلمة مب عارف شو يرد ..

بن جديد" بو هزاع ينقز من صراخ عمه " هــــــــــــــاه شفيك سـاكت ..
العوسج"بصوت واطي": توني اقول من وين نزلت لك الحنيه ..

بن جديد"يطالعه " شو قلـت ..

العوسج"متروع" اقولك الحمدلله ع السلامه..
بن جديد: ع بالي بعد ...الله يسلمك

سراب البيد: الله يهداك بن جديد بو هزاع شو ذنبه.. المهم يالله روح تطمن ع ولدك ..
بن جديد"يرمس قاريء" بروح اتطمن ع قناص و برد عشان اجوف راعي الويلات ..

قاريء الكلمة: ما يخالف .."يرمس العوسج" الدكتور ما يااه ..؟؟

العوسج"يهز راسه بمعنى لا .." ابا اروح البيت تعبان ..

سراب البيد: قلتلك يا عمي ماشي رقاد هاليومين ..
قاريء الكلمة:بروح اجوف الدكتور ابا ادش اتطمن ع ولدي..

بو هزاع: ما اظني يدخلونك العنايه..

قاريء الكلمة"و هو رايح" بحـاول ..
سراب البيد يجوف بو هزاع سرحان"يضربه ع جتفه" شفيك ..

بو هزاع: افكر ابـ عمي عفانا الله كيف عصبي شو طينته هاه ..
سراب البيد: عيب ها عمك لا ترمس عنه جي ..

العوسج: عمي وين يدتي ..؟؟
بو هزاع: صدقه وين يدتـي ...؟؟ ..

سراب البيد"يرفع راسه فوق و يتنهد" الله العالم بس ان شاء الله اتكون ابخير و بصحه سلامه ..

**

طلع بن جديد من المصعد.. و سار صوب غرفة قناص الاريام ... دق الباب و دش ..وقفت الزين كله ..مستانسه..

الزين كله: باباتيه..

طالع قناص الاريام الي كان ع باله وحده من الممرضات دشت الحجره .. حاول يقعد..
بن جديد"داش الحجره" خلك خلك منسدح ..

قناص الاريام "يمد ايدينه" ابوي ...وينك ..
بن جديد"يمسك ايدينه" موجود يبه اشحالك شخبارك"و يبوسه فوق راسه"الحمدلله ع السلامه

قناص الاريام"شويه و بيصيح" كنت محتاجنك ..
بن جديد: سامحني يبه.. صدقني مب ايديني ... سيارتي احترقت و الحمدلله اني طلعت منها .

الزين كله"تشهق" ابيه ..
بن جديد"ياشر لها" تعالي صوبي ..تعالي سلمي ع ابوج ليش واقفه بعيد..

طالعت الزين كله قناص الاريام مستغربين من تصرفات ابوه ..اول مره يحسون انه صار حنون ..
اتجدمت الزين كله من ابوها.. و باسته فوق راسه ..
بن جديد: عمكم قال لي كل الي صار ...

الزين كله"نزلت دموعها" كنت بموت .. الله ستر بس ..
بن جديد"يضربها ع جتفها" هم و بنفرج يا بنتي .."ويطالع القناص" لحظت ما احترقت فيني السياره حسيت اني خلاص بفتقدكم ...و ما بجوفكم مره ثانيه... "ويرص ع ايد قناص الاريام و ادمع عيونه" بس الحمدلله .. كل شي عداا ع خير ..

قناص الاريام و الزين كله: الحمدلله .. الله يخليك لنا يبه..

الزين كله: و يخلي عقالك بعد ..
بن جديد"يضحك" ههههههههههههه لا خلاص الموقف الي صار لي و لكم خلاني اتغير .. و احس اني لازم اغير معاملتي لكم .. لان محد يضمن هالدنيا ..

قناص الاريام: ابوي شو صار بسيارتك..

بن جديد"يتنهد" هييييي ها سيارتي ..خلاص اتكنسلت.. و الله يخلي واحد من الشباب الي عفد علي و طلعني من السياره .. كنت مخنوق و حسيت اني خلاص بنشوي ..

الزين كله"تمسك ذراعه واتصيح" بسم الله عليك الله يخليك لنا محتاجينك باباتيه ..

بن جديد"يبتسم و يحاول يداري الدمعه الي كانت بتنزل من عيونه " الا اختكم وينها ما اجوفها ...

الزين كله"تمسح دموعها" نزلت تحت مع رهـف يشترون لهم عشى ميتين يوع ..
قناص الاريام: قلتلهم لا اتاخرون ..

بن جديد"جنه حد ضربه ع راسه" من متى نازلين ..؟؟
الزين كله: اممممممم يمكن خمس دقايق تقريبا ..

بن جديد" زين يبا تمي مع اخوج بروح اجوف ولد عمج و بتطمن عليه..
الزين كله: ان شاء الله ..

قناص الاريام: ابوي تعال بعدين ..
بن جديد: اكيـد .. يالله اتحملي باخوج ..
وطلع من الحجره ابسرعه ..لانه خاف ع الوصلاوية و رهف يوم تذكر كلام الصياد ان ممكن يحاولون يخطفون غير امه راعية التراث ..

**
رهف و الوصلاويه .. طالعات من صوب باب الطواري ...
رهف: تعالي هالصوب وين رايحه انتي ..؟؟

الوصلاويه: انا اذكر الكافتيريا الصوب الثاني ...؟؟
رهف: لا اتخرفين ... و بعدين الباب الرئيسي متصكر خلاص .. يالله عن نتاخر .. بياكلنا قناص ..

الوصلاويه"اطالعها بنظرات" بياكلــــج قنـــــــــــــــاص هـاه ... اونج انتـــــــي ..

رهف :"تضحك" هههههههههههه

التفت النمر المقنع صوب ضحكت رهف ..
النمر المقنع: الرمس الرمس .

الرمس: هـاه ..؟؟

النمر المقنع: جوف هالبنتين ....
الرمس: متفيج انت اتغازل قوم يالله ...انــــ
النمر المقنع "مقاطعنه" هالبنتين .. من اهل بو هزاع .. جفناهم في بيتهن انا و الساحق ..

الرمس: و الله !!!!تعال نتصل لـ ذياب انقوله شو نسوي ..

النمر المقنع: زين يالله خلنا نلحقهم قبل لا انضيعهن..


**

دش قاريء الكلمة .. غرفة العناية .. يتطمن ع راعي الويلات ... حز بخاطره يوم جاف ولده .. راقد ولا يدري عن شيء ... يلس يتامله .. و يتامل الاجهزة .. الي مركبه عليه ...

دمعت عيونه ..يوم يتذكر كيف كان يشرد من امه .. يوم اتوصله مكانه .. صدق محد كان فاضي لامايه غيرك..

فيك الخير ...
محد من خوانك ولا عيال عمك طلع شراتك .. حس بشعور انه يبا يمسكه .. اتجدم منه ..و مد ايدينه ع ويه .. بس شي منعه و رد ورا ...
دعى ربه فـ سره انه يشافيه ... و يفرج مصابهم ...

اتروع قاريء يوم جاف بن جديد اييره .. و ياخذه برع الحجره ...
قاريء الكلمة: شو فيك ...؟؟

بن جديد ياخذ قارء الكلمة ع صوب عشان العيال ما يسمعونه ..
بن جديد: الوصلاوايه و بنتك رهـف ..محد...؟؟

قاريء الكلمه: وينهم .. "ويزقر سراب الي كان قاعد مع العيال "سراب سراب .. تعال

العيال يطالعون بعض مستغربين ...
بو هزاع: شي عندهم ..؟؟

العوسج: اكيد عيل ليش ما ياااه يرمس حذالنا ..

رفيع الشان: اممممممممممم يمكن عرفوا شي عن يدوووه ...

بو هزاع: لا اتذكرني بخيانة الاسيف ..
العوسج: انا قايلنك من زمان.. كيف امرابع هالاشكال .. و الله لو اجوفه احينه .. بمسح ويه ع الارض هو السبب ابكل الي صار لنا .

رفيع الشان: السبب الحقيقي .. السي دي ..و الاسيف عبد المامور..

بو هزاع: حتى و الله فضل الفلوس ع صداقتي ..
العوسج"يدزه براسه" من زينك و من زين صداقتك امصدق روحك اجوفك ...

و من الصوب الثاني ...

سراب البيد: خير شو مستوي ..؟؟
قاريء الكلمة: رهف و الوصلاويه وينهن ...؟؟!!

سراب البيد: مخلنهن مع قناص الاريام ..."يرمس بن جديد" ما جفتهن ..
بن جديد: لا .. الزين كله اتقول ..طلعوا يشترون لهم عشى و للحين ما رجعوا ..

قاريء الكلمة: لا يكون ...................؟؟؟

سراب البيد: يالله انروح اندورهم ... اكيد مثل ما قال الصياد بيحاولون يخطفونهن ...يالله لا انضيع وقت ...

بن جديد: ابسرعه ابسرعه زين ...

و ركضوا بن جديد و قاريء الكلمة و سراب البيد برع ...قسم العناية ..استغربوا ..العوسج و بو هزاع و رفيع الشان ... من حركاتهم ..

رفيع الشان: شو السالفه ..؟؟ حتى ما وصونا ع راعي او قناص مثل كل مره ..

العوسج: انا بلحقهم .. لازم اعرف شو يصير ..

بو هزاع : انا بيي معاك ..
و رركضوا برع ...
رفيع الشان "يطالع يمين و شمال" و انا بتخلوني لـ منو .. اااصبروني وراكم ..

**
ذياب "يرمس الرمس ع الموبايل" ابسررررررررررعه زخوهن و يبوهن هني ... أي وحده او واحد اتجوفه من احفاد العيوز الي عندنا يبوووووووووهم .."ويصرخ " اباهم كلهم .. خلاص طفح الكيل ...

الرمس"متروع من صراخ ذياب" ان شاء الله .. خلاص تحت امرك.. دقايق و بنكون موجودين عندك..

ذياب: يالله "ويصكر التلفون"

و يضرب ايده ع الطاوله ...و يصرخ فجاه: وين السيييييييي ديييييييييي...

الاسيف"متروع" ......................

ذياب: الاسيف ...روح ييب العيوز بنجتلها .. فيني غيض من عيال الشحي ابسرعه روح..

الاسيف: شو تجتلها ..

ذياب "معاند" هي بجتلها ..عشان يعرفون ان ذياب مب سهل..
الاسيف: انا اقول نتريا هالليله بس .. و باجر .. بنسوي كل الي تبيـه ..

ذياب: بنجـــــــــــــــــوف شو اخرتها ...وياهم ..