قصة (عيال العـم) ابطالها اعضاء البرزة ...

[معاني]

مشاركة: قصة (عيال العام) ابطالها اعضاء البرزة ...

الرمس و النمر المقنع ..يلسوا يلاحقون الوصلاويه و رهف .. الي كانوا يتمشون ع راحتهم.. و يسولفون و يضحكون ... ولا يدرون عن شي ..

الوصلاويه: وناسه اليوم ...

رهف: هي مغامرات ههههههههههه ..يا سلام من يقول انا و انتي طالعات ع كيفنا ..و نتمشى ..

الوصلاويه: هي بس مب جنا اتاخرنا يالله قومي .. نشتري و نخلص قبل ما يفتقدوناا..

رهف: صدقج .. عمي سراب بعد بيينا.. وعدني ياخذني لـ راعي الويلات ..

وصلوا الكافتيريا الموجوده برع المستشفى .. و اشتروا لهم ...
الرمس: انطب عليهم احينه..

النمر المقنع: طبعا لا ... بيلسون يزاعجون .. و يصارخون.. و بفضحونا ..

الرمس : عيل شنسوي تقريبا خلصوا.. و يمكن يردون داخل المستشفى..
النمر المقنع: اصبر خلنا انراقبهن ..

و من الصوب.. بن جديد و قاريء الكلمة و سراب البيد.. وقفوا يراقبون ..الرمس و النمر المقنع .. و رهف و الوصلاويه ..

بن جديد "يهمس"هذي سواياج الوصلاويه هاه اذا ما كسرت ظهرج بالخيزرانه..
سراب البيد"بصوت واطي" متفيج انت اسكت عن يحسون فينا ...

و طبعا العوسج و بو هزاع .. و رفيع الشان.. يراقبون بن جديد و رفيع الشان و قاريء الكلمه ... من غير ما يعرفون شو السالفه ...

العوسج: ابوي و اعمامي ليش واقفين هناك ..؟؟

رفيع الشان: يراقبون رهف و الوصلاويه..؟؟
بو هزاع: ليش شو مسوين...اكيد امسوين شي جايد بنااااااااات اخر زمن ...

العوسج: اندسوا زين عن يجوفونكم ...

الوصلاوية:-:يالله انروح ..؟
رهـــف : ابا ذره ..

الوصلاوية: اووووووه انتي محد يطلع وياج اووووووووف هلكتيني كل ها الاكل بعد تبين ذره عنبوه ما تشبعين ..

رهـف : حياتي و موتي الذره ما يخصني ...ابااا

الوصلاويه: انزين باخر الدنيا ما اروم اروح هناك ..
رهف"اتمد بوزها شبرين" عيل انا وصلت هني معاج.. و شريتي الي تبينه .. ما ترومين تشترين لي الي اباه..

الوصلاويه: اففففففففف زين بس لا تتحرين عمج سراب البيد تدلعين جي علي ..ارمسي .زيييييييين.

رهف: ههههههههههه
النمر المقنع و الرمس.. كانوا جريبين من رهف و الوصلاويه.. و كانوا يسمعون كل كلمه يقولنها ..
النمر المقنع: وين سيارتنا ..
الرمس: جريبه..

النمر المقنع: روح ييبها هني ...و انا بحاول ارمسهم لي ما اتيب السياره ابسرعه ..
الرمس: زين ..

بن جديد: وين رايح ..؟؟هاه..
قاريء الكلمه: صدقه الضابط...شكله رايح اييبب السياره ...

سراب البيد: عيل بروح اييب سيارتي ..قاريء انت كلم الضابط قوله عن الي يصير ..
قاريء الكلمه: مب مشكله ..

رفيع: جوفي عمي وين رايييييح..؟؟
بو هزاع: مدري شو يخططون ....

العوسج: اسكتوا خلنا انعرف شو يصير ..."يشهق" جـوووووووووفوا هناك ..

بو هزاع: شو ..

العوسج: جوف واحد يرمس رهف و الوصلاويه ...
بو هزاع: الي يقهر ابوي و عمي ساكتين ...

العوسج: عصبت انا عصبت ..

النمر المقنع: السلام عليكم ..؟؟
رهف و الوصلاويه"يطالعن بعض " ..................

النمرالمقنع : السموحه بس انا من عيمان.. و ياي ازور واحد من الربع .. و ما اندل المستشفى زين ...

الوصلاوية:خير شو بغيت ..؟؟

النمر المقنع :-بغيت اعرف اذا يبيعون هني ذره ..
رهف: هي شي ^____^

النمر المقنع"يطالع وراه يتريا الرمس لي ما ايي بسيارته" وين ..؟؟ انا دورت ابكل مكان ..

الوصلاوية: نحن في طريجنا نشتري ذره .. تم ورانا و بندليك الدرب..
النمر المقنع"مستانس" مشكورات..

و ساروا جدام و لحقهن ...يتريا الرمس يوصل بـ سيارته عشان يشلونهن

شويه وقف الرمس بـ سيارته.. و سراب البيد وقف بسيارته جريب من قاريء و بن جديد عشان ما يحسون فيهم النمرالمقنع و الرمس ..

العوسج : عليهم ...
بو هزاع: اترحموا ع اعماركم ..

رفيع الشان: ياللـــــــــــــــه ..

و يركضون صوب النمر المقنع ...

اتفاجأو بن جديد و قاريء يوم جافوا العيال .. يركضون صوب النمر المقنع ..
بن جديد: خلوووووووه ..ما يخصكم فيه ..خلووووه يا الاغبيااااااء

قاريء الكلمة: العوسج بو هزاع.. وقفووووو وقفوووووووو

اتروعت الوصلاويه ورهف يوم جافوا اخوانهم يركضون صوبهم ... و صوت بن جديد يزاعج بس ما يدرون وينه ... اما النمر المقنع ..

ابسرعه فتحت .. باب السياره و فر الوصلاويه داخل السياره .. و ما لحق يدز رهف.. لان ارتبك يوم جاف قوم العوسج ..ياي صوبه ...و الرمس شي طبيعي يوم جاف انهم انكشفوا ... حرك السياره ... و معاه الوصلاوية بس ...

النمر المقنع"فلت رهف من ايدينه": الرمـــــــــــــس اتريــــــــاانـي ...

رهف يوم جافت اخوانها ياين صوبها يلست اتصيح ...

_ انا ما يخصني هو ابروحه انا ..*:_:*

و يلسوا العوسج و بو هزاع وو رفيع الشان يضربون النمر المقنع ...و النمر يلس يصارخ ... و رهف اتصيح واقفه ابعيد مب فاهمه شو الي قاعد يصير ..

بن جديد و قاريء ما قدروا يركبون السياره.. بعد ما خربوا عليهم العوسج و بو هزاع و رفيع الخطه ... بس سراب البيد شغل السياره .. و لحق الرمس ...

قاريء الكلمه و بن جديد..يمسكون العوسج و بو هزاع و رفيع الشان ..

بن جديد"يضربهم بالعقال" هدووووه لا ابركه فيكم ...هدووه اقولكم ..

العوسج: أي أي اييييي

قاريء الكلمه"محرج": منو امركم اتسون جي هاه ...
رهف"اتصيح " ابا عمي ابا عمي ...

بن جديد"يرفع العقال بيده يخوفها" بتسكتين ولا اداويج بها ... فضحتينا الناس اتيمعوا جب اص يالله ..

بو هزاع"يتحسس مكان ضربة العقال": شو يالس يتحرش باختنا و تبانا نسكت ..

قاريء الكلمه"يصرخ عليهم" انتوا ما اتعرفون شو السالفه خربتوا علينا كل شي ..اووووووووووف الحين سراب شو بيسوي ابروحه ..؟؟

بن جديد: معانا هاه "و ياشر لـ النمر المقنع" يمكن بنوصل لـ شي ..

رفيع الشان: يعني كل ها خطه ..

طالعه بن جديد بنظرات فنزل راسه و سكت ..

اتصل قاريء الكلمه بالصياد..و خبره شو صار و كيف العيال خربوا عليهم.. و طبعا العوسج و بو هزاع و رفيع نزلوا راسهم ..متلومين ..لانهم خربوا عليهم ...

**

قدر الرمس يخلي سراب البيد يضيعه .. و كانت الوصلاويه ..ميته من الصياح خايفه .. و كانت اتصارخ يوم يفاتن عليها الرمس ...

سراب البيد "وقف بوسط الشارع وضرب قبضة ايدينه بـ سكان السياره امحرج لان الرمس قدر يفلت منه ..

اتصل به الصياد .. بعد ما عرف السالفه ...

سراب البيد: مرحبا..
الصياد:هاه عرفت مكانهم..؟؟

سراب البيد"محرج" ضيعته ...

الصياد: كنت متوقع ..هذيلا عنهم خبره .. المهم تعال ابيك..

سراب البيد: خبروك السالفه ..؟؟

الصياد: هي خبروني .. هم الحينه موجودين بالقسم عندي ... اكيد قوم ذياب عرفوا ان نحن كشفناهم.. المهم تعال القسم ...

سراب البيد: ما يخالف ..ياينكم .. فيمان الله ..

بنفس الوقت اتصل الرمس بـ ذياب يخبره السالفه ...
ذياب: شـووووووووووو يعني متفجين مع الشرطه..

الرمس: زخوا النمر المقنع..

ذياب: امممممممم اسمعنى الرمس ...لا اتيي المكان الي نحن فيه..روح مكتبي الي صوب راس الخيمه ..

الرمس: حاضرين ...

ذياب: سكت الحشره الي عندك"يسمع صوت الوصلاويه اتصيح" و نحن بعد دقايق بنكون عندك.. قبل ما يخبرهم النمر المقنع ..مكانا الحالي ..

وصكر عنه ..

**
في اليـوم الثـــــــــاني ...

في قسم الشرطه ...

كلهم متيمعين هناك..باستثناء قناص الاريام و راعي الويلات .. و راعية التراث و الوصلاويه ...

سراب البيد: خلاص ما يصير جـي .. قاموا ياخذون واحد واحد منا ...و انتوا باردين يا الشرطه ..

بن جديد"ياشر ع رفيع و العوسج و بوهزاع" كل من هذيلا ...

الصياد: انتوا اتجوفون هالوقت وقت اللوم و العتب ...؟؟؟

قاريء الكلمه: طبعا لا بس انت لو كنت ابمكاناا بتحس نحن الي بنحس فيه ...امايه مختفيه و بنت اخوي صارت معاهم ... و راعي و قناص صرنا انخاف انخليهم ابروحهم ..

الصياد: ممكن تهدون شويه عشان انعرف نتصرف ...؟؟؟

الكل .........................

الصياد:-اول شي اباكم اتعرفون .. حطينا مراقبيين ع غرفة قناص الاريام و راعي الويلات ...و ثانيا ...

طوال الليل حاولنا نعرف من النمر المقنع ... مكان ..ذياب وربعه ... و قدرنا انعرف مكانهم ..

قاريء الكلمه: عيل وين امايه و بنـتي ..

الصياد: للاسف الظاهر الشخص الثاني الي كان مع النمر المقنع وصل السالفه لـ ذياب ..و غيروا مكانهم ؟؟

سراب البيد: بس الوصلاويه اتعرف مكان السي دي ...

استغربوا .. العوسج و رفيع و بو هزاع و الزين كله ...ورهف ..كيف الوصلاويه اتعرف مكانه ..؟؟؟؟
بن جديد"يضرب يبهته" اخاف اتخبرهم الوصلاويه خوافه و اكيد بتقولهم مكانه..
الصياد: حياة الي عنده اهم من السي دي ...

بعد ساعه ... قعد الصياد..يسال واحد واحد ..عن الي صار من مواقف مع الي يتعاملون مع ذياب ... و جاف اقرب خيط يوصلهم لـ مكان ذياب اليديد ...

عن طريق الزين كله ...هي اتعرف روح الحب ..!! اخت ذياب .. و احتمال كبير اتعرف مكانه ..

**
في مكتب ذياب..
الوصلاويه اتصيح..

ذياب: بسج بتموت من الصياح من البارحه عنبوه دموعج ما خلصن ..

عاشقه التراث: انتي شو اتسوين يايه هني ... جان طرشتي ابوج ولا عمج .. يايه ابروحج شو اسوي فيج..

ذياب: بس بس بس انتـي ...الاسيف تعال قص لسانها .. ولا اجتلها بالمره ..
الوصلاويه"هي اتصيح" لا لا انا اعرف مكان السي دي بس لا اتسون فينا شيء ...

ذياب من سمع هالعباره حس وجنه ماي بارد انصب عليه ..
اتجدم منهاا ..

ذياب"يبتسم" اتعرفين مكان السي دي ^_^
الوصلاويه اتهز راسها بمعنى نعم ..

راعية التراث: انتي تتعاملين معاهم هاه ..

الاسيف: شششششششششششششششش بس سكتي ..
ذياب: بس هدوووء ..."يرمس الساحق" سد حلج هاي العيوز و ما ابا اسمه صوت حد فيكم..."ويطالع الوصلاويه و يبتسم لها عشان ما اتخاف منه ..
" وين السي دي ..

الوصلاويه"تبلع ريجها بصعوبه" اول احلف ما بتسوي فيني شي ولا في يدتي ..

ذياب: اوعدج يالله قولي ترا بغير رايي و بستعمل معاج القوه قولي وين ...؟؟

الوصلاوية .: "اتاشر ع شنظة عاشقة " هناااااااااااك..

ذياب:- !!!وين..
الوصلاويه: داخل شنطة يدتي ..

ذياب: و اذا كنتي جذابه ..شسوي فيج ..

الوصلاويه"متروعه" صج موجود داخل الشنطه ..

ذياب: الرمس افتح شنطة العيوز ..

بطل الرمس شنطة راعية التراث ...و جاف السي دي موجود ..
الرمس: موجود موجود ..
ذياب : وينه وين قلبي .. و ييلس يبوس السي دي و الاسيف و الساحق و الرمس يلسوا يتنقزون من الوناسه ..

عاشقه التراث"اتحس حيلها منهد و مب رايمه تستحمل " انا يوعانه مب ماكله من البارحه هديتوا حيلي انهد حيلكم قولوا امين ...

الوصلاويه"جافت يدتها مب ع طبيعتها " يدتي يدتي .... "اترمس ذياب" انت قلت بتهدنا يالله نفذ وعدك ..

ذياب: الاسيف فرهم في الحجره و ابسرعه خلنا نشتغل بالسي دي .. بنكشف الارقام المشفره للبنوك و الشركات.. و بنحولها ع حسابي في البنك ...

خذوا عاشقه التراث والوصلاوية الحجرة الثانيه .. و قفلوا عليهم الباب ...
و انشغلوا بالكمبيوتر و السي دي ..و مجاهلين الوصلاويه الي كانت اتصارخ يوم جافت يدتها طايحه ما اترد عليهاا ..

**

قدرت الزين كله تاخذ معلومات من روح الحب ...عن طريق التلفون...و طبعا كانت التلفون مراقب .... فـ البدايه رفضت روح الحب تعطيها أي معلومات ..

بس بالاخير ...قنعتها الزين كله انه تبا تعتذر له .. و تجرب منه ... و من هالسوالف ..لي ما عطتهم مكانـين ..تقدر اتجوف فيه ذياب ...

بعد ما صكرت الزين كله التلفون ... حط بن جديد ايده ع جتف بنته مستانس منها ...و حست الزين كله بالراحه لان ابوها را ضي عنها ...

الصياد: امممممم المكان الاول عرفناه بس الثاني ...يمكن الا اكيد هو هناك ... المهم ... قاريء الكلمه .. و سراب البيد .. و بن جديد ...اباكم اتروحون هناك ...و نحن بنكون.. خلف الستار ..

قاريء الكلمه: كيف يعني ..؟؟

الصياد: بنراقب المكان من بعيد ...

سراب البيد: بس هم يدرون ان نحن متعاملين معاكم ..
الصياد: ما اعتقد .. لان الموقف الي صار امس فـ ليل يوم تدخلوا الشباب يخليهم يشكون .. و مب متاكدين ..

و بن جديد"ياشر للعيال" و هذيلا اسجنوهم عشان ما يخربون علينا مره ثانيه ..

الصياد: هههههههههه بن جديد لا تنسى قضيتك مع راعي الكراج ما خلصت ترا ..

**
في مكتب ذياب...

ذياب يالس ع الكمبيوتر مندمج .. بشغله .. و طاير من الوناسه ...و طلب من الساحق يحجز له تذكرة سفر .. عشان يسافر ع طول من يحول الرصيد لـ حسابه في البنك ...

الرمس"متروع" ذياب ذياب..

ذياب: هااااااااااع ما اجوفني مشغول ...؟؟
الرمس: شي جماعه يايين صوبنا ..

ذياب :شوووووووو منوه ..

الرمس: ما ادري ..
ذياب: الاسيف روح جوف منوه و انت يا الساحق سد حلج هذي الي ياللسه اتصيح ..عن حد يسمع حسها .."ويتافف" اففففففففف ما بغوا اييون الا و انا اشتغل ع السي دي اوووووووووووووف ...

شويه ودش الاسيف: الحق الحق قوم بو هزاع ..
ذياب : نععععععععععععم ... جافوك ..؟؟

الاسيف:لا ..

ذياااااب : امممممممممممم دخلوا الكمبيوتر د\اخل.. و اسمعوني زين ما زين ..

و من الصوب الثاني ...
دشوا سراب البيد و بن جديد و قاريء الكلمه.. ولاحظوا ان مكان ذياب بين بيوت جديمه و مهجوره.. باين ان محد ساكن بها المنطقه غيره ...و طبعا هم ما لاحظوا ان قوم ذياب كشفوا وجودهم ...

سراب البيد: عرف وين ينخش ..مكان محد يتوقعه ..

قاريء الكلمه: اسكتوا ما نبا يحسون فينا خلونا انطب عليهم فجاه ...
بن جديد: يالله ...

اتجدموا .. و الشرطه كانت اتراقب من بعيد ...فتحوا المكتب شويه شويه ...جافوا ماشي اضاءة و كان المكان مهجور ؟؟

فتح سراب البيد الليت ...

قاريء الكلمه: محد حد هني ...؟؟

بن جديد: شي غرفتين ...

سراب البيد: وين انروح ...؟؟؟
قاريء: سراب انت دش هالغرفه ... و انا بدش الغرفه الثانية ...

بن جديد: انا بتم هني ...

فتح سراب البيد: الغرفه ع الي كانت ع ايده اليمين...
سراب البيد: الغرفه فاضيه .. محد موجود هني ...قاريء افتح الغرفه الثانية ...

فتح قاريء الكلمة الغرفه الثانية ...و اتفاجأ بالوصلاوية و امه راعية التراث ..

قاريء الكلمه"محرج" هدهم يا الحرامـي ...

ذياب"ماشر مسدس صغير ع راس امايه" دش انت و اخوانك داخل ...الغرفه ابسرعه ...

اتجدموا بن جديد و سراب البيد...

بن جديد: انا اراويك يا ................... بنتــــــي ..

بس سكت يوم جاف ذياب يرص ع راعية التراث و يلصق المسدس ع راسها ... و كانت عاشقة مب حاسه بالي يصير حواليها ...و الوصلاويه زاخنها الاسيف من رقبتها ...

سراب البيد"يطالع الكمبيوتر" السي دي و موجود عندك شو تبا اكثر ..سرقت الي سرقته ...شو عندك بعد..

ذياب"يضحك ضحكة استفزاز" هيهيهيهيهيهيهيهي اباكم اتخبروا الي محوطين في المكان يرجعون مكان ما يو

بن جديد" متجدم يبا يضربه" انت ارااااااااويك..

بس مسكه سراب البيد ..اتريا بن جديد ما نبا انخاطر ..
ذياب"يزاعج عليهم" ابسرعه لا اضيعون وقت.. انا حولت كل شي ع حسابي .. يعني مب خسران شي .. انتوا بتخسرون ... و بتخسرون وايد اشياء ...

قاريء الكلمه"يتنهد و كانه استسلم خلاص" سراب اتصل ..بالضابط و خبره ..
طلع سراب البيد موبايله .. و اتصل بالصياد يخبره بالي صار ...طبعا الصياد ..

بعد ما عرف ان عاشقة و الوصلاويه.. ممكن يصير لهم شي ... طلب من مساعديه يبتعدون عن المكان ...و كان ذياب يراقبهم عن طريق جهاز صغير شرات التلفزيون... و يوم اتاكد ان الشرطه روحت خلاص ..طلب من الرمس اييب سيارته و يوقفها عن باب المكتب ..

سراب البيد و قاريء الكلمه و بن جديد كانوا يحسون بغيض لانهم مب قادرين يسون شي ...بعد ما وصلت السياره عند الباب ..اتحرك ذياب .. و طلب من قاريء و سراب و بن جديد ..يتحركون بعيد ... و يفتحون له المجال له و لـ ربعه (الاسيف و الساحق)) انهم يركبون السياره ...

طبعا بن جديد و قاريء الكلمه و سراب ما كانت بايدهم أي حيله ..لانهم خايفين ع حياة امهم و الوصلاوية ...حط ذياب السي دي في جيبه .. و اتحرك صوب السياره ...

ركض سراب البيد صوب باب المكتب .. بعد ما طلع ذياب وربعه و معاهم راعية التراث و الوصلاوية ...بس ما لحق يسوي شي لان الساحق قفل باب المكتب عليهم .. و تموا محبوسين داخل ..

بن جديد:يرافس الباب" افتح الباب يا الجبان ..

ذياب و ربعه: ووووااااااااااههههههههههه

ذياب: هذا الي يتحدااا ذياب ..

طبعا بن جديد و قاريء و سراب يرافسون الباب عشان يكسرونه ...

ركب الاسيف جدام ..و الرمس هو الي مفروض يسوق السياره ..فتح الساحق الباب الي ورا ..

الساحق: شو اسوي بهااااااي "يقصد الوصلاويه" افرها هني ..؟؟
ذياب: لا ركبها معانا يمكن يلاحقوناا الشرطه خلهم طعم بايدنا ..

ركب الساحق الوصلاويه و كانت اتصيح و اتصارخ باباتيه ساعدني ...و ذياب ركب راعية التراث .. ركب الساحق .. و قبل ما يركب ذياب ....

سمعوا صراخ من وراهم ..

التفت ..جاف العوسج و بو هزاع و رفيع الشان.... كل واحد شايل قب بايده ...العوسج ع طول ضرب اييد ذياب الي طاح المسدس من ايدينه ... و بو هزاع و رفيع يلسوا يضربون جامات السياره ..

.بنفس اللحظه قدر بن جديد و قاريء و سراب يكسرون الباب ..و التفوا كلهم ع سيارة ذياااااااااااااب ...

و بن جديد طلع كل غيضه بـ ذياب ضربه ضرب ...و سراب امر رفيع ينزل الرمس من السياره عشان ما يفكر يحركها ... بنفس الوقت .. بو هزاع طلع حرته و غيضه بالاسيف و كسره تكسير ... اما قاريء ..

فساعد بن جديد ع ذياب ... و صارت الجتله و غبرت الدنيا من الضرابه ...و سراب .. طلع الوصلاويه و راعية التراث من السياره ...

.و قام يسعف امه .. الي كانت غشيانه ...ع ها الضرابه كلها ..وقفوا كلهم ابمكانهم يوم سمعوا صوت طلقة رصاص ..كلهم التفتوا صوب الساحق ...

ذياب"يضحك وويه امورم من الضرب" ههههههههههههههه

الساحق"يحرك المسدس و بنفس الوقت متروع" أي واحد يتحرك ..بضربه و ما علي من حد...

دز ذياب بن جديد و سار صوب مسدسه الي طايح في الارض .. ...

ذياب: جفتوا رجالي كيف ...ها الرياييل ولا بلاش ...

و قبل ما يشيل مسدس...

الساحق: خل المسدس مكانه ..تحمل اتشيله..

طالعه ذياب مستغرب ...
الساحق: ههههههههههههههههههه مينون اخليك تستانس بالملايين و اتقص علينا بمليون بس ..

ذياب"من بين اسنانه" يا الخاين ..
الساحق: ههههههههههههههههههههههههااا طلع السي دي و عطه للاسيف ..."يصرخ" طلعه ابسرعه قبل لا............

طلع ذياب السي دي من جيبه و قلبه يتقطع.. ع خيانه الاسيف..و الساحق

الاسيف: حبيبي و الله الساحق ..
ذياب: يا الخونه ...انا اراويكم..

سراب البيد و قاريء الكلمه و بن جديد.. يطالعون بعض مستغربين..
بوهزاع: لا تستغربون الخاين .. حتى مع نفسه يخونها فـ ما بالكم برفيجه ..

الاسيف:جب ولا كلمه تقصدني هاه ..

الساحق: الاسيف ابسرعه خذ السي دي من ذياب و اركب الس..............

و قبل ما يكمل جملته يته ضربه براسه خلته يطيح غشيان...

رفيع الشان "يصارخ" قنــــــــــــــــاص الاريــــــــــام ...
قناص الاريام ابسرعه شل المسدس من ايد الساحق .. و بوهزاع يير السي دي من الاسيف و كسره...و بن جديد..شل مسدس ذياب الي كان طايح ع الارض ... و قاريء مسك ذياب.. الي قعد يصارخ و جنه اتخبل يوم انكسر السي دي ..

و ابمجرد ما ظهر قناص الاريام ...و طاح الساحق غشيان.. ردت الضرابه و الجتله ...إإإإإإإإ لين ما ييت الشرطه ...و زخت قوم ذياب و ربعه ...

**
بعد ما روحت الشرطه..يلسوا يصارخون العيال من الوناسه و يحضنون قناص الاريام الي انقذهم كلهم ...
بن جديد: بعد رزيتوا ابويوهكم ...مره ثانيه يا عيال ..

العوسج: لو ما نحن كنتوا بعدكم مقفول عليكم المكتب ..
بن جديد: بس يا صبي ...

العوسج: يرفع ايده" اســـــــــــــــــف ...
بو هزاع"يضرب ايده" طلعت حرتي بالاسيف .. نار و انطفت ..

سراب البيد: يالله ناخذ الوالده المستشفى ..
...
الوصلاويه"تحضن ابوها و اتصيح" اهي اهي باباتيه ..

رفيع الشان: تو الناس تفيجتي ..
قاريء الكلمه: الحمدلله كل شي عدا ع خير الا قناص انت منو خبرك بها المكان ..

قناص: كنت ميت من الحره كلكم هناك الا انا .. ما صدقت الدكتور قال انك بخير ..و الاشعه سليمه .. طلعت اتصلت بالزين كله و هي خبرتني المكان ..

سراب البيد: الحمدلله ع كل حال يالله ناخذ الوالده المستشفى تراها بعدها مب حاسه بشيء ...

قاريء: يالله انروح و بالمره نطمن ع راعي الويلات ..

**

و في المستشفى ...

راعية التراث ..في الغرفه .. و عندها الدكتوره ... بعد ما طلعت الدكتوره و تطمنوا انها ابخير ... دشوا عليها كلهم ..

راعية التراث: عيالي .. تعالوا حولي .."ادور راعي الويلات" وين راعي لو كان معاي ما صار الي صار ..

قاريء الكلمه: راعي ..الحمدلله ابخير ...

راعية التراث: ليش شو فيه ولدي..

العوسج: بس هو ولدج..
راعية التراث: كلكم عيالي .. بس هو الي نافعني ..

الزين كله: لازم راعي خذني الصالون.. راعي خذني العرس..
راعية التراث: توبه توبه اطلع برع البيت ... بعد اليوم لا صالونات ولا اسواق ..

كلهم : الحمدللـــــــــــــــه ..

رهف : وينك يا راعي تسمع رمسة يدتك..

راعية التراث: انتوا ما صدقتوا ...يالله خذوني اتطمن ع ولدي ..
يابوا لها الكرسي المتحرك.. و كلهم روحوا حجرة راعي الويلات... بعد ما طلعوه من العناية ... و خذوه القسم ...

فتحت راعي الويلات عيونه يطالعهم كلهم.. و دمعت عيونه لان مب رايم يرمس ...

بكت رهف .. و اندست ورا عمها سراب مب متحمله دموع اخوها...
قاريء الكلمه"ادمع عيونه": الحمدلله ع سلامتك يا ولدي ..

راعية التراث: منو سوا فيك جي .. " و اتصيج" ..

بن جديد: لا اتسون جي ..بعدين الولد نفسيته بتتعب ..
سراب البيد: تعالوا نطلع برع .. خلوه يرتاح..

قاريء الكلمه: انا بتم معاه ...
راعية التراث: انا بعد..

بن جديد: انا بعد بتم معاه ...

طلعوا العيال و معاهم سراب البيد.. ووقفوا عند باب حجرة راعي الويلات ..
سراب البيد: جفتوا اخر العدواه و الكراهية الي كانت بينكم كيف انتهت ..

كلهم منزلين عيونهم بالارض مب عارفين شو يردون..

سراب البيد: لو كنتوا متعادين.. و ما حطيتوا ايدكم بيد وحده .. تتوقعون .. جي بتكون النهايه بننتصر ..ع الظروف الي واجهتنا ...

الكل....................."ساكت"

سراب البيد: جفتوا يوم تصافت قلوبكم .. و كل واحد خاف ع الثاني . كيف قهرنا الظروف ...

العوسج: انا اعترف كنت غلطان بحق عيال عمي ..
قناص الاريام: الحمدلله تجرب مرة بحياتنا ...

سراب البيد: المهم انكم استفدوا منها ..صح يا الوصلاويه ..

الوصلاويه: صح.. "و اطالع رهف" انا اسفه ع كل الي سويته فيج..

بو هزاع"يرمس رفيع الشان: و انا اسف ع الي سويته فيك ..

سراب البيد"مستانس" يالله كل واحد يحضن الثاني .. اجوف ..

الزين كله: بتم عيال عم و دمنا واحد مهما صار ..

و كل واحد قام يعتذر للثاني .. و يحضن الثاني ...
سراب البيد: بس خلاص ارحموا اعماركم.. دشوا تطمنوا ع اخوكم راعي الويلات..

ضحكوا كلهم
هههههههههههههههههههههههه

و دشوا الغرفه بعد ما خذوا عهد ووعد انهم يتمون قلب واحد متعاونين متحابين مهما كانت الظرووووووووف

و دامت دياركم عامرة بالافراح و المسرات يا اهل الشحوح ..

تمت ..

و السموحه ع القصـور ...

و اتمـنى ان القصه عيبتـــــــــــكم ... و عاد كل واحد يحط لي تعليقه ورايه ... من قاريء الكلمه...الين اخر واحد امسجل في البرزة ...
معاني ..

 

[الوصلاوية]

مشاركة: قصة (عيال العام) ابطالها اعضاء البرزة ...

تسلمي معاني
مب جنه قصير

 

[معاني]

مشاركة: قصة (عيال العام) ابطالها اعضاء البرزة ...

:mf_cupidh

الوصلاوية ..

انتي من صدج قصيـر ..>>> قلنا اتحبين القصص مب لها الدرجه.. :mf_zippy:

هــــــــــا ..اطول جزء كتبته ...مقارنه باجزاء القصه ..

ع العموم ..

شاكره لج مروج ..

معاني ..

 

[راعي الويلات]

مشاركة: قصة (عيال العام) ابطالها اعضاء البرزة ...

اخيرا نزلتي الجزء الاخير.. ما بغيتي..

وتعليقي.. بعد ما اقرا الجزء ان شاء الله

وتسلمين..

 

[معاني]

مشاركة: قصة (عيال العام) ابطالها اعضاء البرزة ...

شاكره لك مرورك ..

راعي الويلات ..

و اتريا تعليقك ..

معاني ..

 

[ذياب]

مشاركة: قصة (عيال العام) ابطالها اعضاء البرزة ...

مالي ويه اكتب رد بعد فبداية القصه كنت مغازلجي وفالنص حرامي وفالاخير بالسجن >>> لوووووووول...


مشكوره معاني ع العرض الحلو والصراحه تصلحين اتسوين مسلسلات لج مستقبل يعني ويعطيج العافيه واشكرج ع المجهود الرائع...



ذيــــــــــــــــــــــــــــابـ

 

[راعي الويلات]

مشاركة: قصة (عيال العام) ابطالها اعضاء البرزة ...

شاقول ما اقول غير الله يعطيج الف عافيه ع القصه الروعه.. والاحداث الاكثر من روعه.. صدق عليج اسلوب في كتابه القصه اشدين فيه القارىء علشان يتابع الاحداث..ما شاء الله عليج.. يلاه خلينا نشوفج كاتبه كبيره.. ولا تنسين تنزليها بالاسواق.. وما يهمج بسويلج دعايه.. النص بالنص تراه..

والسموحه..

 

[الزين كله]

مشاركة: قصة (عيال العام) ابطالها اعضاء البرزة ...

الله يعطيــــج العاافية ...

والله القصة رووعة ... مب بعيده عنج يا اديبة البرزة ...

ماعرف شو اقول بس الزين كله نورة القصة خخخخ


بانتظار يديدج يالغلاااا...



تحيااتي لج...

الزين كله..

 

[العوسج]

مشاركة: قصة (عيال العام) ابطالها اعضاء البرزة ...

مبدعه شويه عليج . لازم نقول عنج ( أديبة ) .. وصغيره عليج .. ممممــ لازم نقول عنج ( الكاتبه الكبيره )

وبعد شويه عليج

عموما أنا بدوّر لج لقب مناسب

تشكرين الشيخه ع المجهود المبذول وتسلمين


و دامت دياركم عامرة بالافراح و المسرات يا اهل الشحوح


العوسج

 

[الوصلاوية]

مشاركة: قصة (عيال العام) ابطالها اعضاء البرزة ...

معاني انا اول ما نزلتي القصة دشيت وياج
فشفت النص والنص فاتني
والسموحه خخ
بس شو هالابداع والفن
صراحة لج مستقبل باهر
الغلا

الوصلاوية