مدرسة المشاغبيــن

[قاريءالكلمة]

مشاركة: مدرسة المشاغبيــن

السلام عليكم ورحمة الله وبركاته..

الصراحه القصه في قمة الروعه ومعبره عن الواقع المدرسي...وتنم عن موهبة صاحبها وقدرته على صياغة القصه بأسلوب مفهوم ومتقن..

في انتظار البقيه...

قاريءالكلمة

 

[النمر المقنع]

مشاركة: مدرسة المشاغبيــن

القصة جميلة ونتظر من صاحبها يكملها

 

[ReaL DaY]

مشاركة: مدرسة المشاغبيــن

نتظر البقية

للتذكر فقط

 

[الوصلاوية]

مشاركة: مدرسة المشاغبيــن

وينك نترياك تكملها


الوصلاوية

 

[سندريلا الشحوح]

مشاركة: مدرسة المشاغبيــن

نتريااا التكملة......




السندريلاااااا

 

[hand]

اعادة : مدرسة المشاغبيــن

تسلم اخوي على القصة حلوة الله يعطيك العافية

 

[الساحق الخاطف]

اعادة : مدرسة المشاغبيــن

أشكر كل اللي دخلوا عشان يتفقدوا القصة .. اللي انقطعت احبال افكارها من قبلي ..

والحين انا في صدد اعادة بناء هذي الأفكار ..

أتمنى ان الكل يعذرني .. الظروف واللي تسويه بالإنسان ..​

 

[روووح]

اعادة : مدرسة المشاغبيــن

وااااااااااااااااااااااااااااو روووووووووووووووووووعة القصة..................فيري نااااااااااااااااااااااايس............اتصدقون صار لي ساعة وانا غرقانة في القصة وما انتبهت للوقت..................وياليت خلصتها كاااااااااااااملة...وصلت الجزء الرااااااااااااااااابع..........بس عقب بكمل الباااااااااااااااجي ان شاء الله............



صدق انك ساااااااااااااحق وخااااااااااااااااااااطف

رهيبة القصة .............عيبتني الصرااااااااااااااااحة............بس اللي مو حلو فيها.........انك ما حطيتني بطلة في القصة..........هالشي حز فخاطري.........اصبر شوي بصيح........اهيء اهيء اهيء...........................................................................لو سمحت ايها الساحق......مرة ثانية اخطف صوبنا واتذكرنا في قصصك اليديدة.......وما ارضى تراني بأقل من دور البطلة.....



وبس






روووح تعبت من زود ما تكتب

 

[الساحق الخاطف]

اعادة : مدرسة المشاغبيــن

مشكورة أختي على التواجد ..

عاد هالقصة ما فيها بطل محدد .. الكل لهم دور في بناء القصة ..

وتسلمين على كلامج اللطيف ..​

 

[الساحق الخاطف]

اعادة : مدرسة المشاغبيــن

الجزء السادس

بعد ما قرأ استاذ اللغة الانجليزية القطعة طلب من احد الطلاب يقرا القطعة ..
عين الصقر : يالله .. واحد منكم يقوم ويقرا القطعة ..
رفع بعض الطلاب والطالبات اياديهم عشان يقروا والباقي ما رضوا يرفعوا وظلوا هاديين في مكانهم ..
عين الصقر ( وعينه تمر على كل الطلاب وتوقف عند ...) : يالله يا الجوكر .. قوم واقرا القطعة ..
مع انه ما كان رافع ايده .. بس وقف ومسك الكتاب .. وتوه بيقرا ..
زمان الوصل : حرام ..هو ما كان رافع ايده ..
ويلتفت لها الجوكر .. ويطالعها وهو مستغرب ..
عين الصقر : لا والله .. منو الاستاذ أنا ولا انتي .. هاه ؟؟ ( وهو معصب )
زمان الوصل : استاذ .. ما يصير تخله يقرا .. انا كنت رافعة ايدي وهو قاعد ولا رفع حتى اصبعه ..
عين الصقر : شو هالقانون اليديد اللي طلعتي به اليوم .. انا اللي اختار منو يجاوب او يقرا.. ومب عشان فلان رفع ايده او ريوله ..
زمان الوصل مقهورة .. بس ما ترد على الاستاذ .. وتطالع الجوكر بقهر ..
عين الصقر : يالله يا ابني اقرا .. ما بقى من الحصة الشي .. خلوني اخلص وافتك ..
الجوكر حس بالحزن من اسلوب زمان الوصل .. قرا القطعة وهو زعلان من اللي صار ..
وفي المختبر ..
بن ماكس (يطالع الكتاب ويقرا السؤال ) : ما هي نتائج التجربة ؟
ويرفع عيونه عن الكتاب ويطالع الطلاب والطالبات ..
سراب البيد رافع ايده وهو متحمس ..
ب ماكس وعلامات التعجب تلف براسه ..
بن ماكس : جاوب يا سراب ..
سراب البيد( يقرا من الكتاب ) : نتائج التجربة .. احمرار ورقة تباع الشمس الزرقاء .. وهذا دلالة على وجود الحمض ..
بن ماكس ( يتفحص سراب عدل ) : انزين .. وشو هو هذا الحمض ..
سراب البيد ( يرجع يطالع الكتاب ويدور على اسم الحمض ) : آ ...أسمه .. امممم .. حمض .. الـ .....
بن ماكس ( يقوم من مكانه ويسير صوب سراب ) : لا تعب عمرك .. خلني انا بدور عنك ..
سراب (ينتفض يوم شاف بن ماكس قريب منه) : لا ... ل ... لا ... ممم .. ما ... يححححح .. يحتاي ...
بن ماكس ( وابتسامة خبيثة على محياه ) : ليش ؟؟ شوفيك تتنافض جي ؟؟
سراب من الخوف ما يرد .. وعيونه ضايعة في الكتاب ..
بن ماكس ( ياخذ منه الكتاب بقوة .. ويقلب الكتاب بين ايده ) : من متى صار خطك صغير جي ؟؟
ويقلب الكتاب .. ويقرا الاسم اللي مكتوب على الطابع ..
بن ماكس ( وعيونه مبققه ) : المنسي .. هالله هالله .. عبالكم أنا غشيم ؟؟ (وهو معصب ويطالع الثلاثة ) قوم انت وياه ..
القيصر ( يحاول يهدي من بن ماكس ) : استاذ نحنا كنا نحاول نرضيك ..
بن ماكس ( بصوت عالي ) : ترضوني يوم تيون وتقولون لي استاذ نحنا نسينا الكتب مو تاخذون كتب من الصف اللي عدالكم ..
فتى شعم ( يهمس للعوسج ) : ابيه .. الحين بياكلهم وهم حيين ..
العوسج(بهمس اكثر ) : اخاف ما يكفيه ويرجع يكمل علينا
بن ماكس ( يصد للي يرمسون وراه ) : ما ابي اسمع حس ..
بن ماكس ( يمشي صوب طاولته والكتاب بعده في ايده ويتكلم بهدوء مب طبيعي ومخيف ) : الكتب اللي معاكم تخلوها عندي .. والحين تسيرون عند الصياد .. وانا بلحقكم بعد ما يدق الجرس ..
بن سليمان يطالع القيصر .. القيصر يهز راسه على انه ماشي فايدة ..
في مكتب الصياد
غزالة : خلاص نحنا خلصنا ترتيب .. والاستمارات بنعطيها لهم ويا الكتب
..
الصياد : انزين لا زم تنويهيهم على بعض النقاط الموجودة في الاستمارة .. مثلاً عندج نقطة أولياء الأمور ...
طق طق طق ..
الصياد ( يطالع اللي واقفين عند الباب ) : هاه خير ..
سراب البيد : استاذ العلوم قالنا سيروا لمكتب الوكيل ..
الصياد ( يطالعهم بنظرات مرعبة ويرجع يكلم غزالة ) : خلاص.. لا تنسي اللي قلتلك عليه ..
غزالة : ان شاء الله ..
وتطلع غزالة من الغرفة ..
الصياد ( يأشر لهم باصبعه ) : تعالوا .. اوقفوا مني .. خلوني اكحل عيوني بشوفتكم ..
كل واحد يطالع الثاني بخوف شديد شنهم داشين مقصبة ..
الصياد : هاه شو مسويين هالمرة ؟؟
القيصر : سلامتك .. ما مسويين شي ..
الصياد ( يحمر عيونه ) : تطنز حضرتك .. عيل شو تفسر لي وجودك عندي الحين ؟؟
القيصر يبلع ريقه .. وينزل راسه بخوف ..
الصياد (يلتفت لبن سليمان ) : هاه .. وانت ليش مدخل عمرك بهاي السوالف .. ما تدري انك يمكن تفصل .. وتنقص علامات السلوك مالك .. ذيك الساعة بتقعد بطالي في بيتكم ..
بن سليمان ينزل راسه بحزن ..
الصياد ( يلتفت للأخير اللي من دخل وهو يطالع الغرفة ) : هاه يا سراب .. ما بتيوز عن سوالفك البطالية ؟؟
سراب يبتسم ..
الصياد : فرحان .. ( يطالعه بنظرات ) شو عاجبك ديكور المكتب .. اعتقد انت اكثر واحد توقف هالوقفة .. وبعد تبتسم وتطمش الديكور ..
سراب انحرج .. ونزل راسه ..
ترررررررررررررررررن .. ويرن الجرس ..
الصياد : الحين بنفهم سالفتكم ..
الثلاثة .. يتملكهم شعور بالخوف .. ونوع من تأنيب الضمير ..
يا ترى .. هل راح يدخل الصف الثاني على انه مذنب ام برئ .. وشو مصير الثلاثة من هذا كله ؟؟
راح تعرفون في الجزء القادم ..​