• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

๑ لا تلــــــوم المغــرم الهــاوي..قصتيه الأولى.. ๑

الحالة
مغلق و غير مفتوح للمزيد من الردود.

الزين كله

:: مشرفه سابقة ::
التسجيل
22 أكتوبر 2004
رقم العضوية
2318
المشاركات
7,044
مستوى التفاعل
37
العمر
42
الجنس
الإقامة
دار زايــد
رد : ๑ لا تلــــــوم المغــرم الهــاوي..قصتيه الأولى.. ๑

اممممممممممم

صدقج يامعـانــي .. كل واحد حاجز له وحده لووول :h_lala:

بس في شي غامــض بالسالفه ...!

" حميد "

"وماتنسى حميد اللي مسافر تبع المشروع البريطاني والكل ينتظر رجعته خاصه ( ...... )"

خاصة منوو !!!.. كلهم محجوزين ويحبوون خلااص :dontwanna

امممممممم .. ويتنـــج :m_atmasha



الزين كله
 

راعية بحر

๑ . . عضو مجتهد . . ๑
التسجيل
3 فبراير 2004
رقم العضوية
1169
المشاركات
834
مستوى التفاعل
2
العمر
38
الجنس
رد : ๑ لا تلــــــوم المغــرم الهــاوي..قصتيه الأولى.. ๑

انشالله مايد يكون من نصيب فطيم ونفرح فيهم خخخخ
مشكور غناتي ونتريا التكملة
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
w6w_2005102910153068cab607.jpg

.
.
w6w_2005102910175295b4738e.jpg

.
.
الزين كلــــه
.
.
هلا والله بالزين كله..مسائج ورد..!
ربي يسلمج فديتج..هــا اشوفج قريتيها بعد تفكير عميق ولا...:dontwanna >>> لا يكون غرقتي..>>> سخيفه..!
انا جدا سعيده أنه القصه حازت على اعجابج ورضاج..!
اممم ليش مستعيلين..نحن لين اللحينه ماقلنا حد يحب حد غير فطيم و ميوود..وحميد..!!
مرورج اسعدني كثيرا...!!
وانتظريني..!
.
.
سمسوم خصب
.
.
يامرحبا بج..!
ربي يسلمج يا الغاليه..!
واشكرج ع متابعتج..!
عدلتي الخط..:Good:
.
.
معانـي
.
.
هلا بج غاليتي..!
تسلمين والله حضورج على عيني وراسي..!
ويعطيني دفع معنوي...:Good:
لالا لين اللحينه ماثبت هل هو حب..امممم الله يعلم شو بيستوي خلاف لا تستعيلين..!
تدرين الغلا ناقصني راعي الويلات وتعليقاته...هــاع...:Good:
شاكره لج طلتج..!
.
.
راعية بحــر
.
.
هلا والله..!
اممممم إن شاءالله...!
وترقصين في عرسهم بعد>>>> بتتصفع...:dontwanna
وتابعيني وفالج طيب يا حلوه..!
.
.
w6w_20051029101858eff64d4a.jpg
 

سمسوم خصب

๑ . . عضو متميز . . ๑
التسجيل
12 سبتمبر 2005
رقم العضوية
3992
المشاركات
592
مستوى التفاعل
7
الجنس
الإقامة
قصر سمسوم
رد : ๑ لا تلــــــوم المغــرم الهــاوي..قصتيه الأولى.. ๑

لاواللة ياغناااااااتي

ماعرفت اعدل الخط
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
رد : ๑ لا تلــــــوم المغــرم الهــاوي..قصتيه الأولى.. ๑

w6w_2005102910153068cab607.jpg

.
.
w6w_2005102910175295b4738e.jpg

.
.
سمسوم خصب
.
.
خلاص يا الغاليه..!
بداية من الجزء الياي بكبر الخط عشان خاطر عيونج..^.^
.
.
w6w_20051029101858eff64d4a.jpg
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
w6w_2005102910153068cab607.jpg

.
.
w6w_2005102910175295b4738e.jpg

.
.

الجزء الثالث..!

عسا في يوم تعرف كبر قدرك..كثير الناس من دونك قليله..عيوني تحتري بالامر وصلك..و اخاف دموعها تبقى هميله


اليازيه : اووه حمدوه متى رتبتيهن ..." تقصد البومات الصور " ..!
حمده : هذاك اليوم خذت من لايف ستايل كمن البوم ويلسنا انا وفطيم لين الفير نعدلهن مكثرهن الصور..تدرين سهيل التصوير عنده شي مقدس ههههه..مع انه مايعرف ولا شي بس يعرف يجمعهن مادرى عن غايوه وهاوياتها..!

اليازيه : هي والله تدرين خذت لها كاميرا يديده الاسبوع اللي طاف انزين وين مال ماليزيا وتركيا يوم سرتوا في الصيف أنا ماشفتهن ..!

حمده : هي نسيت ارويج اياهن والله السفره بدونكن ماكانت حلوه الله يسامحج يا " مريم " مابغيتي تربين الا في الصيف..!

اليازيه : هههههه حرام عليج ويابت لنا فديت روحه حمودي ..!

مريم+ أخت اليازيه البكر ماخذه واحد من أهل أبوها وكان ( محمد ) أول ولد لها ساكنه في سويحان عند اهل ريلها..حرمه عاقله ورزينه وبنت حلال +

اليازيه : هههههههههههه حمدوه شوبلاه سهيل جيه شكله في هالصوره دوومه حركات ..!
حمده : ماحيد والله بس هالمكان روعه يا يزوي حديقة كاملة كلها حق الفراشات بس..!
اليازيه : هي اشوف هالصور روعه يالله المره اليايه ان شاءالله بنسير معاكم ..وين صور لبنان مال العام شي صورة سهيل وايد حلوه تعيبني هو مصور ورا الصخره اللي في الروشه ..!

حمده : اوهوووووو انجبي دوري اروحج بيأذن المغرب ونحن هذربان..!

بعد المغرب خلصن البنات شغل منصور صلت يزوي مع حمده ويلسن يسولفن شويه خلاف اتصل مايد ع اليازيه عسب تظهر له خاري وسارت بيتهم..وفطيم يوم درت انقهرت ليش مايحدر هي كانت في حجرتها ماتدري انه يزوي سارت ..!

فطيم : لا والله وليش ماتقولين انه يزوي سارت..!
حمده : تعالي اضربيني الله يخليج انزين ميود مانزل بلاج جيه مستلهثه عليه اركدي هب زين..!
فطيم : اووووف كريهه متى بنتمشى ..!؟

حمده : كيف نظهر بدون شور امايه انتظري لين يوصلن من بيت عمي ..!


في بريطانيا ..حميد يالس في حجرته بروحه وسارح بخياله صوب دار بوخليفه رحمة الله عليه ..!
آآآه يا عفراء متى ارد وتكونين حرمتيه ع سنة الله ورسوله..والله ولهت عليج وماعاد فيني حيل أصبر..!

علي : بو الشباب نحن هــنا..!
حميد : خسك الله يا الدب خوفتني دوومك هادم اللذات..!
علي : عدال يا روميو ..!
حميد : جب جب ..علي متى نرد البلاد يعني تقريبا كم ساعه بقت..!
علي : حميد اقولك انخمد ابرك لك أنا باجر أول كلاساتي من صباح الله خير مابنرد الا ع اخر رمضان او في العيد بعد ..!


حميد : اصغر من مريم عمره 25 سنه يدرس في بريطانيا من تخرج من الثانويه العامه ومايرد الا في الاجازات يموت في بنت جيرانهم " عفرا " وهالسنه بيخلص وبيخطبها وعفرا اخت ربيعه " علي "
وشافها مره بالصدفه أيام العيد يوم كان ساير بيت علي يسلم عليهم بحكم انهم جيران من سنين طويله اتعلق ابــها لانها سنافيه.. وايد مواقف جمعت امبينهم بالصدف واممم اصلا يناسبون حق بعض..!

بعد اسبوعين ..في بيت " أم حميد "

تــرن ..تــرن ...!

زينا : ألو ..!
حمده : وين ماما اليازيه ..!
زينا : جاجيه انجين لهظه..!
حمده : يقطع هالمنطوق سيري سيري ازقريها..!

حطت زينا بشكارة قوم اليازيه السماعه ع الطاولة وسارت تزقر اليازيه..!

منصور نازل من ع الدري ويغني : غرشوب رعبوب والخصر منهوب والعود ميال نهاب القلوب من شوفه اذوب .. يابس يابس يابس..مرض ..يا زينا خربتي عليه كل اللحن كنت مندمج ..!

منصور : وجع شو فيج ليش اتصارخين من قمة راسج..!
زينا : ماما همده يريد جاجيه ..!
منصور قلبه يدق : همده في عينج يا الخامه وين في على تليفون..!
زينا : ايوه داخل تليفون ..!
منصور : روحي غرفتها ..!


منصور : ألــــو...!
حمده قلبها طبول عرفت انه منصور : اليازيه هنــي..!
منصور : وعليج السلام ورحمة الله وبركاته..!
حمده تبى تضحك بس قابضه ضحكتها ..!
منصور : اشحالج ربج بخير وشحال خالوه ..!
حمده : كلنا بخير وسهاله مانشكي باس ...!
منصور : وانا بخير وعافيه..!
حمده في خاطرها : يا الغلس... الله يعل اليازيه...!
حمده : منصور ماعليك امر ازقر اليازيه لاني مستعيله شويه واتصل ع موبايلها مافيه ارسال يعطي مغلق ...!
منصور : كم تدفعين ..وين سايرين ..!
حمده : اوووف نبى نسير كارفور ناخذ سامان رمضان امايه مب رايمه تسير شويه ركبها تعورها ونبى غايه واليازيه يسيرن معانا ...!
منصور : والشيخات منو بيوديكن ...!
حمده : الدريول والبشكاره ..!
منصور : تخسن وبوطحنون موجود ماتسيرن مع دريول ..!
حمده هذا شو اقوله يقهر مطول السالفه وهي قصيره : مابترضى امايه والدريول يالس بليا شغله..!
منصور : يالله يالله عشر دقايق وبنخطف عليكن وخلي خالوه عليه ومحد يروم يرمس ..!
حمده مغيضه ليش يرمسها جيه شو هالدفش : انزين مع السلامه..!


" ربع ساعه وأنه سياره منصور عند بيت ام راشد نزل عسب يسلم ع خالوته ونزلن اليازيه وغايه"


منصور يتحمحم : هود هود ..!
سهيل : هدا هدا اقرب بو طحنون ..!

سهيل وام راشد يالسين في الصاله ومحطين الفواله وسهيل يالس يخرط ع ام راشد حليلها والبنات فوق ...دخل اول شي منصور سلم ع خالته وراه غايه واليازيه هب متغشيات يخافن من خالتوهم تهد عليهم ع قولتها سهيل شرات اخوكم اشعنه المستحى ..!

ام راشد : فديتكن بناتي اشحالكن عساكن بخير ..!
اليازيه : بخير وسهاله خالوه انتي اشحالج وشو صحتج ..!
ام راشد : الحمدلله يعلني افداج ماغير هالركب متعبتني ..!

وسهيل ماشل عينه من ع اليازيه كل ماحس انه منصور التهى او رمس مع امه قعد يطالع اليازيه ..!
وهي مطنشتنه او بمعنى آخر تتنافض مب قادره تتصرف ومرتبكه وحالتها لله..!

غايه : سهيل شو هذا السيم في حلجك ليش تقلدني..!
سهيل : مع هالويه الا زايدني حلاه ليش تغارين مالي احلى عن مالج وهالأحمر اللي حاطتنه والله حركات هالبنات حطي شفاف وخلاص ..!

اليازيه في خاطرها : خقاق هالأسود..!
غايه : منو قاص عليك ..مشكله والله وبعدين انا كل مره اسير الدختر اغّير لونه..!
سهيل : اسكتي الله يخليج ملسونه شرات ربيعتج وين بتظهرين غير ..!
غايه : لا والله هالسنه نحن ثنويه عامه بنرفع الراس هب شرات عرب ههههههههههههههههههه

وام راشد ومنصور يضاحكون عليهم ..!

سهيل : سيري سيري ازقري البنات من فوق بيأذن المغرب وانتن ماسرتن..!
منصور : يالله انا بشغل السياره وتعالن خاري ..!

سارت غايه تزقر قوم حمده من فوق ...وهن مخلصات بس يستحن ينزلن يقعدن مع منصور
وغايه تقولهن عادي هي كانت تضارب مع سهيل..وحمده مستغربه يعني سهيل عادي عنده مايخالف نشوف عيال خالوه حتى راشد ماعلق هذاك اليوم ع الموضوع يوم رديت معاهم..ارتاحت شويه بعد ماعرفت وجهة نظرهم..يعني مره ثانيه تروم ترد مع منصور..وليش هي مهمته وايد في السالفه..!


اليازيه : عنج عنج خالوه انا بسير ابدل الغسول
ام راشد : وهاتي فناييل زياده من المطبخ بعد ..!
اليازيه : ان شاءالله خالوه..!

نشت اليازيه سارت صوب المطبخ التحضيري ..ولحقها سهيل بعد ماقال حق امه انه بيسير حجرته بيرتاح شويه لانه عند شفت مسائي اليوم ..!

اليازيه : هااا ( شهقت ) سخيف ..!
سهيل : منو السخيف وانتي ليش كل مره اشوفيني تشهقين اتقول شايفه جني ..!
اليازيه لا تعليق اظهر الفناييل من الكبت ..!

سهيل بصوت رقيق ع شكل همس اول مره تسمعه اليازيه : اليازيه زعلانه عليه من هذاك اليوم ..!

تمت ساكته ثواني اتجلب في بالها متى...هي اذكرت يوم قالي مايرمس يهال ...بس انا ماافتكرت في السالفه اصلا..وابتسمت بعد ماداخلها شعور غريب من صوت سهيل..!

سهيل : ارمسج ردي عليه ..!
اليازيه : مايخصك اذا ازعل ولا لا.. هب انا ياهل..!

وهذا كله اليازيه صاده عنه وعاطتنه ظهرها وهو بيموت يبى يشوفها وهي ترمس ولهان ع غمازاتج يا بنت الحلال ..!

سهيل : ع العموم ماكنت اقصد وطلع ..!

تمت اليازيه واقفه مكانها وتقول معقوله سهيل عنده احساس اذا حد زعل ..ولا حد اضايق..بيتم خقاق هالديج انا ليش مستهمه خل اسير قبل منصور ماينحرني..!

منصور : وينج دوووووووووم متأخره ..!
اليازيه : كنت ابدل الغسول حق خالوه ..!
منصور : عنبو كل هذا لو قايله لج ييبي ماي من الطوي شو بسوين ..!

البنات يضاحكن ع منصور وخباله ..!

فطيم : حط لنا حسين الجسمي مانبى خالد عبد الرحمن ..!
منصور وهو ينقع لبان ويسوي منه نفاخه : جب ماعندنا بنات يشرطن..!
فطيم : تدري انك كرييهه..!
منصور : لو ماسكتي بنزلج في نص الشارع ..!

فطيم : انزين عطني لبانه ..!
طلع منصور اللبانه من حلجه ومد ايديه ع ورا وطبعا حمده يالسه الصوب الثاني عشان تتحاشى نظرات منصور من الجامه ..!

منصور : دووج لبانه ..!
فطيم : وعععععععععععععععععععع مالت عليك يا الطفس..!
منصور : انزين ماعليه انتي وهاي غاايوه لسانكن يباله قص ..!

سكتن البنات ومنصور يسوق وينقع لبان حشرهن وهن منقهرات منه ..!
فجــاه منصور اذكر شي ..!

منصور : حمده قلمج الــ pink واايد حلو بو فراشه تراه عندي ..!

حمده مب مستوعبه شو يقول هذا ومن وين يابه..اذكرت انها كانت ادور عليه قبل كم يوم لانها هي ويزوي عندهم شرات القلامه..وحست انها غبيه وجنه حد صاب عليها ماي بارد اللحينه البنات كلهن بيتحرن انه حمده ناسيه قلمها بين اوراق منصور متعمده ..!

حمده بغيض : هي نسيته بين كتبتك واوراقك هذاك اليوم..!
حس منصور انه حمده انحرجت وانه الوقت اللي قال فيه الجمله هب مناسب ..!

منصور : بطرشه لج باجر مع يزوي ..!
وساد السياره صمت لين وصلو كارفور..!

نزلن البنات ومعاهن منصور وسارن صوب الأكل اول شي يخلصن كل الأشياء اللي تباها أم راشد
كانت حمده كاتبتنها في ورقه عشان ماتنساها ونفس هاليوم كانت عوشه مرت راشد بتسير هي تاخذ الأغراض بس " خليفه " عنده اجتماع مجلس الأمهات في الروضه مالته..!

غايه وفطيم مع بعض ياخذن لهن شويه قلامه ودفاتر من الطابق اللي فوق فسار معاهن منصور مايبى يخليهن روحهن وكل شويه ينزل يوايق ع قوم حمده وهو متلوم في داخله..!


فطيم : صرصور صرصور تعال..!
منصور : وقسم بالله يا فطيم ياويلج مني شو تبين فضحتينا..!
فطيم : ترا الشي اللي سويته زعل حمده ونحن ندري هي نسته بالغلط اكيد ..!
منصور تم قافط شو يقول حتى هاذيلا المفاعيص حسو..!

منصور : الله يعين ميود عليج..!
فطيم ويها استوا ام & امز : سخيف ..!
منصور : والله ماكنت اقصد بس فجاه اذكرت والسالفه ماترزا..!
غايه : ماترزا سواد ويهك بعد شويه بننزل تحت حاول ترمسها نحن بنفضي لك الجو..!

منصور من الفرحه..كفج ..!

غايه+ فطيم : هههههههههههههههههههههههههه

بعد شويه نزلن تحت وشافو اليازيه وحمده صوب الباستا ..!


اليازيه : حمده نحن دوم ناخذ كليفورنيا يمي يمي اموت ع الورق العنب..!
حمده : انزين سيري هاتيه مافيه اصك هناك مره ثانيه بترياج..!

غايه : منصور يالله روح يزوي سارت صوب الورق عنب ..!
منصور : تدرين احس عمري مغازلجي ههههههه..!
فطيم : بصنك بكس مش وقته روح رمسها ونحن بنسير عند يزوي بنخبرها..!
منصور : خيبه دفشه والله اخبر مايد خس الله هالويه..!
فطيم : الله يخزيك ان شاءالله روح روح..!

حمده يالسه تتنقا باستا وتسمع حس كل مره تسمعه تعرق وتنشف واييها تلبك معوي ..!


منصور : صوبنا صوبنا..!
حمده حاقرتنه..!

منصور : حمده والله آسف ظهرت مني عفويه لا تستوين جيه ماترزا السالفه..!
حمده شويه وبتخش ويها بين اجياس الباستا..!

منصور : مسامحتني..!
حمده ماترد عليه..!

منصور : ارمسج أنـا هب عدالج مصخره ماتردين عليه..!
ويقرب منها شويه زياده وحمده تحس انه بيغمى عليها ...!

منصور : حمــده ورفجــه..!
.
.
w6w_20051029101858eff64d4a.jpg
 

الزين كله

:: مشرفه سابقة ::
التسجيل
22 أكتوبر 2004
رقم العضوية
2318
المشاركات
7,044
مستوى التفاعل
37
العمر
42
الجنس
الإقامة
دار زايــد
رد : ๑ لا تلــــــوم المغــرم الهــاوي..قصتيه الأولى.. ๑



๑ عسا في يوم تعرف كبر قدرك..كثير الناس من دونك قليله..عيوني تحتري بالامر وصلك..و اخاف دموعها تبقى هميله ๑


آآآآه يــاا قلبـــي ..!

ماشاء الله عليــج يا غناتـــي .. روووووووعة.. !

"منصور : حمــده ورفجــه..!"

امممممممممممممم

حركــاااااااااات :dontwanna بنشووف عاد شقايل بترضى هالـ حمدووه :dontwanna


ههههههه.. عرفناا حميــد حاجر منووو ..!

امممممم , يانااس غمازاات يزوووي تخبل لووووول ^_~:pp



بانتظــار الجزء الياي ياحلوة ..و لا اطوليــن علينااا ..

بالتوفيــج عنـونــــي :m_atmasha


الزين كله
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
رد : ๑ لا تلــــــوم المغــرم الهــاوي..قصتيه الأولى.. ๑

w6w_2005102910153068cab607.jpg

.
.
w6w_2005102910175295b4738e.jpg

.
.
الزين كله
.
.
يا صباح الدلع..!
بسم الله ع قلبج..هـــــــــاع..!
جميع ان شاءالله..!
وشاكره لج متابعتج ..^.^
وان شاءالله يا حلوه..وانتظر المتابعين...عسب انزل الجزء اليديد..!
ع قولة بوهزاعي ماشي تحميس هــاع...!
.
.
w6w_20051029101858eff64d4a.jpg
 

سمسوم خصب

๑ . . عضو متميز . . ๑
التسجيل
12 سبتمبر 2005
رقم العضوية
3992
المشاركات
592
مستوى التفاعل
7
الجنس
الإقامة
قصر سمسوم
رد : ๑ لا تلــــــوم المغــرم الهــاوي..قصتيه الأولى.. ๑

يااااااااويل حاااااااالي

تسلمين عالجزء الحلو

ومشكوووووورة انج كبرتي الخط
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
رد : ๑ لا تلــــــوم المغــرم الهــاوي..قصتيه الأولى.. ๑

w6w_2005102910153068cab607.jpg

.
.
w6w_2005102910175295b4738e.jpg

.
.
سمسوم خصب
.
.
يامرحبا بج عزيزتي..!
ربي يسلمج وطلتج الأحلى..!
افاا عليج كم سمسوومه عندنا..^.^
وشاكره لج متابعتج..!
.
.
w6w_20051029101858eff64d4a.jpg
 
الحالة
مغلق و غير مفتوح للمزيد من الردود.
عودة
أعلى