๑ لا تلــــــوم المغــرم الهــاوي..قصتيه الأولى.. ๑

[معاني]

رد : ๑ لا تلــــــوم المغــرم الهــاوي..قصتيه الأولى.. ๑

اليازيه خفي ع سهيل ..

و حمده يا عيني ع التغلي..هالانسانه وايد خجوله ..:Good:

روعه فطيم ضحكتني ..

فنااااااااااااااااااااان هالجـزء ..الا رهييييييييييييييب ..

يالله غناتي ..

نترياااااااااااااااا الجزء الياي ..

نحن فـ الانتظااااااااار

و تسلم يمناج....​

 

[غنَاتْيـے]

.
.

.
.
๑ معانـي๑
.
.
هلا والله يسعد لي مساج..!
فنان بس مايدق عوود...:Good:
اتريا تحليلج في كل جزء حبوبه..^.^
وشاكره لج مرورج الدائم..!
.
.

​

 

[غنَاتْيـے]

.
.

.
.
الجزء الرابــع..!


๑ طلبت الله يرويني عيونه..من عقب الفراق ورقد في حضونه...حبيب القلب ماجوز انا عنه ولا لي حد من دونه طليبي ๑


منصور : يزوي دوري في السده اللي هناك سيدي مال عيضه ..!
اليازيه : اي واحد شي ثنين ..!
منصور : هذا الاخضر هاتيه ..!

حط منصور السيدي وظبط ع اغنيه " إن زعلت ارضيك وكل عمري فداك "

الكل ساكت ويسمع يدري انه للاهداء حق حمده و كل وحده تقول في خاطرها واااو بتستوي عندنا قصه حب غير فطيم & مايد ملوعين جبودنا من سنين نرمس عنهم..!
وليش ماشافو بعضهم من سنين وشو المشاعر اللي اداخلهم كل وحده سرحانه في صوب..!


منصور قطع عليهم افكارهم : من وين تبن عشا ..!
فطيم + وغايه : ماكدونلز ..!
منصور : ماتملن منه هذا السقم قولن شي ثاني ..!
غايه : عيل شو تبانا ناكل براتا وكيما ..!
منصور : وقسم بالله بنزل لكن بالخيزرانه ..!

غايه : انزين ماعليه بتيي عقب تبى شي..!
نقع منصور من الضحك وفهم قصد غايه ...!

منصور : فديت يزيوي مابتقصر..!
اليازيه : ههههههههههههه خلاص منصور عادي نبى من ماكدونلز ..!

منصور : بنات خالوه موافقين ..!
فطيم : هي طبعا ..!
منصور : مابطلب لين حمده ترمس..!

اليازيه : يالله حمدوه عن النذاله بنموت يووع..!
حمده سكتت عقب غمضوها من بعد نظراتهم اللي تكسر الخاطر..!
حمده : بشرط..!

منصور صد ع ورا لا إراديا : عيوني لج ..!
طاحت عين حمده ع منصور وهو بدون نظاره شمسيه لانه المسا طبعا ... ونظراته اللي تشع بالسعاده ماقدرت تنزل عيونها..ابتسم لها منصور اتلخبط كيانها ..وعرفت بعد هالنظرات انه مشاعرها غريبه وشي ينولد في قلبها الصغير اللي ماعرف حد قبل عيال خالتها وعمومتها...قلبها اللي كان متعلق بهذا الشخص من هي وصغيره..!

عرفت شو يعني انه افكارها تسرح بشخص..وتتحلم بــه...شخص يحاصرها بعيونه وهمساته...!
لملمت افكارها وبتسامتها وسعادتها..!

حمده : نبى اليازيه وغايه يباتن عندنا اليوم ..!
منصور : فالج طيب واللحينه اتصل في امايه ..!

نزلت حمده راسها بخجل.. ونزل منصور ياخذ لهن الأكل اللي يبنّه ..!


" حد مثلي بات مشجنه حلم طيف مر خطافي ..واغتنم من وجدي الونه يوم كل بالكرى غافي "

" آخر العنقود يتصل بك "

حمده : هلا فيصل ..!
فيصل : مرحبا حمدوه وين انتو ..!
حمده : عند ماكدونلز ناخذ لنا عشا وبنرد البيت..!
فيصل : خذولي عشا وياكم مسوين شوربه وفطاير ومادري شو مابى ..!
حمده : ان شاءالله فديتك اللحينه بنييب لك شو تبى..!
فيصل : ماك جكن مع فرايز ..!
فطيم تصارخ : هههههههه فيصلو ماتبى وجبة الاطفال ..!
فيصل : اقولج حمده قولي لها تاكل تبن ..!
حمده : ههههههههههههههههه الله يغربل بليسكم يالله برايك مع السلامه..!

حمده : اليازيه دقي ع منصور خل ايب حق فيصل عشا ..!
اليازيه : اوووووه تليفوني صكر مافيه جارج ..والله يخليج شو هالرنه حد يحط حد مثلي عنبوو حشره..!
حمده : كرييهه مايخصج دوم سنيانه وماتدرين عن شي دوج دقي من تليفوني..!

منصور واقف يتريا الطلب ..يسمع تليفونه في مخباه يهز وهو محطي سماعة بلوتوث فما اطالع الرقم..!

منصور : مرحبا الساع ..!

رمسته اليازيه وقالت له شو اييب حق فيصل وصكرت عنه وصلو البيت نزلو سامان قوم حمده وفطيم وطبعا مش مخليات شي مب ماخذينه من الخرابيط والشبس والحلاوه..وسدات اورنامين سي..!


منصور : غايه تمي هني بودي اليازيه اتييب ثياب لج وبرد اييبها ..!
غايه : انزين خلاص اقولج يزوي هاتي لي وقايه بيضه لا تنسين وابى بيجامتي الورديه ام قلوب حمراا...!
فطيم : عنبوج زاد اللي يقول ماعندنا وقايات ..!


اليازيه في حجرتها اتحط لها جلابيه وثوب نوم بعد ماحطت ثياب غايه ..!
منصور ياي صوب غرفتها شاف باب غرفتها مفتوح دقه الباب بشويش..!

منصور : يزوي وينج..!
اليازيه : هني عند كبت الملابس ..!
منصور : انا رمست امايه وقالت برايكم دام انه باكر خميس ..!

تم منصور مساند ع الطوفه ويحرك صبوعه شكله في خاطره حايه..!
اليازيه شافته بنص عين : منصور شو بلاك تبى تقول شي..!
منصور : يزوي ماابى ارد ع حمده قلمها عايبني والله فيه ريحتها ..!

ضحكت اليازيه : عادي برايه انا بخبرها انك خذته ..!
منصور : يالله اترياج في السياره لا تتأخرين ..!


سارت يزوي صوب المكتبه وخذت لها كم فلم هندي ونزلت ...!
منصور : يالله الرب حافظنج سلمي ع البنات وباجر بخطف عليكن وقت ماتبن اتصلن بي بيي اشلكن..!

اليازيه : مع السلامه ..!

دخلت اليازيه بيت خالتها وشافت الكل يالس ع طاولة الطعام ومحطين الأكل ويالسين ياكلون..!

اليازيه : يعلكم الزط اتريوني انزين ..!
فيصل : الصراحه قلت لهم ..انا ماينزل لي الأكل من دون يزوي ..!
اليازيه : اسكت بو شلاخ يسلم عليك ..!
الكل: هههههههههههههه ..!

كانت الساعه 9 وام راشد حليلها تعبانه ورقدت من وقت تمو يالسين في الصاله ومتعايزين يغسلون ايديهم..!

فطيم + غايه + حمده + اليازيه + فيصل

وفيصل ينكت عليهم وماخذ الجو بسوالفه عن المدرسه وضرابته مع الأستاذ ..!

فيصل : منو بيلعب معايه بلي استيشن ..!
غايه : انا بس لا تغش ..!
فيصل : شو قالو لج فطيم..يالله تعالي العبي لو تبين اصيحين..بغسلج غسال..!

سارت اليازيه مع حمده غرفتها فوق بدلت ثيابها وصلت العشا..!
حمده تطوي السياده ..!

اليازيه : حمده ترا منصور عاجبنه القلم ودخل خاطره ويبى ياخذه..!
حمده : برايه خل يشله واصل ..!
اكتفت اليازيه بابتسامه حلوه اللي تبث في روح حمده الأمان ..!

خبرت يزوي حمده سالفتها مع سهيل اليوم ..!

حمده : يا حيوانه ليش ماتقولين فديت سهيل والله انه حبوب ويغرم ليش مادانينه..!
اليازيه : خقاق ومتسلط مادري ع شو ..!
حمده : هههههه ياحليلك يا سهيل والله انج ظالمتنه..شو تبين اكثر عن جيه يا يعتذر لج ..!
اليازيه : اووف فكينا منه الله يخليج فكه اشوف موتره محد وماله حس..!
حمده : هي اليوم الاربعاء عنده زام لين نصايف الليل ..!
اليازيه : فكه بناخذ راحتنا..!
حمده : اصلا يوم غيرنا اثاث البيت والحجر هو غير خذ الغرفه اللي تحت وعبدالله يا فوق يعني الصاله اللي فوق حقنا وع كيفنا مرتاحين قبل تحيدين كيف عفست سهيل بلي استيشن و DVD..واشرطه الدنيا..وعبدالله في دلما مابيرد الا باكر ..!

اليازيه : هي احسن لاني يبت افلام هنديه بنشوفهن اليوم..!
حمده : عاد سهيل مايداني الافلام الهنديه ودومه يواقع فطيم ...!

تمن يسولف وحمده تحط العصاير اللي خذتهن من كارفور في ثلاجة حجرتها وودت الباقي في الثلاجه اللي فوق لانه عندهم مطبخ تحضيري صغيروني ع قدهم هي وفطيم وحطن المكسرات والسامان كله هناك..!

وفيصل + فطيم + وغايه بعدهم يلعبون وصراخهم واصل لين فوق وكم مره اليازيه فاتنت عليهم ..!

حمده من فوق الدري : حووووو فطيم و غايه يالله بنشوف فلم هندي الساعه اللحينه12.!
فيصل : هي يالله برايكن انا بسير ايلس ع النت عقب برقد ..!

بندن ليتات الصاله والمكيفات ونظفن المكان من الحب اللي عفسو فيه الصاله ..!

حمده : يالله سيرن بدلن اسغفر الله ماصليتن بسرعه نترياكن قبل مايبدا الفلم..!
فطيم + غايه : انزين لا تشوفونه يا النذلات بنصلي وبنبدل ..!


لابس ثوب كويتيه ومبطل العقــم والغتره ع الجتف يظهر مفاتيح البيت من مخباه ويفج الباب بحركه خفيفه ماينسمع لها صووت..!
تحت صخه بس فوق في حس تلفزيون..!


حمده في المطبخ التحضيري تظهر البيبسي من الثلاجه واتحط الحب والمكسرات في المله واتسوي لهن سندويجات اونهن ياعن متعشيات من وقت الساعه 9..!

اليازيه لابسه بيجامه بيضا مخططه بعيناوي قطعتين وفاله شعرها الطويل والأسود وقاعده تعيد الفلم من اول.. ماخذه راحتها لانه واثقه محد بيحدر الصاله من الأولاد وفاره شيلتها البيضه ع الأرض..!
واللي يدخل الصاله وهو ياي من تحت بس يشوف ظهر اللي قاعد ع القنفات ..!

سهيل : حمدووه شو عندج قصري ع التلفزيون ..!

اتيبست اليازيه مكانها مب عارفه تتحرك وين ولا شو اسوي حست جميع اعضائها وقفت عن الحركه وقلبها ماينبض وقفت بسرعه وبحركه سريعه شلت الشيله من ع الأرض واتلحفت ابها..!

سهيل فز قلبه مع انه الليتات كانن مبندات ما عدا الابجورات الصغار ..!
آآآآآآه ياقلبي هاي يزوي ولا اتحلم ابها من اليوم العصر وهاذي بخيالها وغمزاتها..!

ركضت اليازيه المطبخ التحضيري وحضنت حمده وتمت اتصيح ..!
حمده ماتت من الخوف بسم الله شو السالفه ..!

سهيل بعده عاجز عن الحركه بعد ماشاف شعر اليازيه وهو طالع من تحت الشيله عذااااب ..!
نزل تحت وهو مب مصدق يبى يتكلم ويستسمح مب عارف شو يسوي افكاره مضاربه..!

حمده : بس يزوي مااستوى شي غسلي ويهج وصلي ع النبي..!
اليازيه تمث دموعها : شافني وانا بدون شيله والشعر كشه لا ومعلقه ريولي في الطاوله ...!
حمده فيها ضحكه لكن مب وقته : خلاص فديتج ماكان يدري ماصار شي الله يرفق بحاله اخويه اللحينه اكيد حالته حاله ..!

اليازيه تضرب حمده : سخيفه والله احس قلبي بيظهر من بين ضلوعي ..!
حمده : اللحين بسير له تحت حرام عليج تلاقينه متلوم ومب عارف شو يسوي..!

نزلت حمده تحت غرفة سهيل وشافت نور خافت من تحت الباب يعني بس الأبجوره تشتغل..!
دقت الباب..طق..طق..طق..!

.
.

​

 

[قناص الآريام]

رد : ๑ لا تلــــــوم المغــرم الهــاوي..قصتيه الأولى.. ๑

السلام عليكم ورحمة الله وبركاته

أحياناً

يتوه الإنسان في خيالاته

قد يكابر على مشاعره ... ببعض من الكلمات الجميله او نظرة عاطفيه او نظرة اعجاب

توهمه الحب هنا .. وهنا لهو موطن ودفى شتاء ..

ولكن يكتشف .. مستقبلاً أنه لم يكن سوى أعجاب .. أعجاب والإعجاب لا يتسمى بالحب ..

يظل يكابر .. على نفسه .. ويكذب حدسه .. ويتيه في مخيلاته .. محاول اصدار ديوان من اشعار الحب

ويعزف اللحان الشوق قلبه بخفقانه .. ورعشة يديه ..


ولكن ماذا يجني .. من ثراب .. سوى شيء غامض يجهله الكل عدا هو ...


وقد يجد الإنسان ما يكابر عليه .. ويكون الإحساس في مكانه وقد يتبادل الشعر بالشعر ..


والنظرة بالنظرة .. والكتمان بالكتمان .. والموافقة بالموافقة .. فلا يجني الا الراحة وسبل الوصول

للمراد ليست بصعبه ..

قد يكون وقد يكون

هكذا هي المشاعر زرعها الله سبحانه وتعالى لغزً ونعمة فينا


الحمد لله والشكر


شكراً أختي الكريمه

كنت اتمنى أن اقراء البقيه

ولا اعلم هل سوف أقراءها أم لا


دمتي بحفظ الله ورعايته

أخوج قناص الآريام

 

[سمسوم خصب]

رد : ๑ لا تلــــــوم المغــرم الهــاوي..قصتيه الأولى.. ๑

تسلميين

وااااااايد حلو هالجزء

 

[غنَاتْيـے]

.
.

.
.
๑ قناص الأريام๑
.
.
يامرحبا بك يا الشاعـر..!
جميله كلماتك فهي حقيقه نعيشها..!!
شاكره لك مرورك..وإن شاءالله تكون من المتابعين وماتقطعنا..!
.
.
๑ سمسوم خصب๑
.
.
هلا بج عزيزتي..!
ربي يسلمج..!
وطلتج الأحلى شاكره لج..!
.
.

​

 

[راعية بحر]

رد : ๑ لا تلــــــوم المغــرم الهــاوي..قصتيه الأولى.. ๑

وااااوحلوالجزء رهيب وابى اعرف التكملة بسرعة غناتي متشوقة

بتوفيق ان شاءالله

 

[معاني]

رد : ๑ لا تلــــــوم المغــرم الهــاوي..قصتيه الأولى.. ๑

روووووووووووووووعه..

اونها يزوي صاحت...

عااد حظه سهيــــــــــــــل هاليوم جافت اليازي ..

ابصراحه جزء ولا ارووع..

و متشوقه اعرف مشاعر سهيل و شو بيقول حـق حمدووه ..

نحن بالانتظار البقية ..​

 

[الرادار الشحــي]

رد : ๑ لا تلــــــوم المغــرم الهــاوي..قصتيه الأولى.. ๑

مرحبـــا عــــوده

هلا بــج يا غنــاتـي

دايــمــا متــألقــه ما شاء الله عليـــج ..^.^..

وهاي بصمــه من راداري تثبت لــج اعجــابي بقصتــج ..^.^..:tongue:

واتريـا الجــزء اليــاي بفــارغ الصــبـــرر


اخــتــج ..^.^..

الرادار الشحــي ..^.^..

 

[غنَاتْيـے]

.
.

.
.
๑ راعية بحـر๑
.
.
هلا حبوبه...!
شكرا فديتج ويوفق الجميع..!
هـاع احسن تمي متحرقصه لين الجزء الياي..:Good:
طانكيو ع متابعتج..!
.
.
๑ معاني๑
.
.
يامرحبا مليووون..!
حليلها يزووي كسرت خاطري طشوونه...:dontwanna
شوفي معانيوو تمي اتحرصي شراتنا حسيتي باحساسنا...:Good:
الف شكر لج ع متابعتج ويعلني ماخلى..!
.
.
๑ الرادار الشحي ๑
.
.
هلا والله يامرحبا الساع..!
شاكره لج يا الغاليه رمستج الطيبه يعنلي ماخلى..!
وإن شاءالله تكونين متابعه طيبه للقصه..!
طلتج اسعدتني ربي لا هانج..!
.
.

​