" الـــــــروح الغراميـــــــــة "

[تلع لعناق]

رد : " الـــــــروح الغراميـــــــــة "

السلام عليكم ورحمه الله وبركاته


عظم الله أجركم في فقيدنا الشيخ مكتوم بن راشد آل مكتوم .. الله يرحمه ..وعساها ان شاء الله آخر أحزان الأمارات ..


والشكر موصول


معاني

غناتي

قناص الآريام

بعترف لكم بشي انتو الثلاثه انا لولاكم انتوا وردودكم ماكنت بكمل قصتيه ..


الروح

الروح أول شي انتي ليش تصرخين عليه ؟؟
تبين الصدق استانست يوم صحتي:biggrin:
وكلامج وايد حلو وايد عيبني الله يسعدج مثل مااسعدتيني بهالرد .. مشكوره
وبخصوص سؤالج طبعا القصه قصتيه وأنا اللى كاتبتنها .. وعن الطلب قولي اللى بخاطرج ..

ونه شوق

فديتج لاتزعلين مني وهذا الجزء اهداء ...:redface:



تلع لعناق

 

[تلع لعناق]

رد : " الـــــــروح الغراميـــــــــة "

الجزء الخامس


سعيد ميودنها بصوت عالي :ميثه اشفيج ..مييثه ..؟؟؟؟؟؟
وميثه شبه مغشي عليها ..وبدت تغمض عيونها .. ومب حاسه بشي ..
خليفه بخوف: يايه تربع جنها شافت لها شوفه ..ويطالع اليبل بحذر ..
وسعيد يتامل بويها وشعرها اللى تناثر حولها .. وعقب استغفر ربه وهو مغمض عيونه كنه يتصارع مع روحه ونادم ..
سعيد يلحف شعرها :خليفه غضّ بصرك .. غضهّ ..
خليفه يفتر حوله : شو يايبنها هني !!..وركض صوب اليبل ..
وسعيد مايسمعه همه الوحيد ميثه شو استوالها ؟؟ ليش كانت تربع وتصرخ ؟؟ ياربيه شو بلاها ؟؟وهو محطيها ع ايده .. يحس غير ..غير .. ومب قادر يحط ايده ع ويها .. مب قادر يلمسها .. كلما يحاول يتراجع .. قلبه كان يمنعه ..
ميثه تحرك راسها وبضيجه:امممم ماريد .. بيجتلوني بيجتلوني ..
سعيد يطالعها وبخوف مقطع له حشاه:الميث .. الميث دخيييييلج ردي عليه .. غناتيه ردي عليه ..
ميثه تفتح عيونها وتتطالعه .. ماقدرت تميز ملامحه .. كانت تشوفه اربع ويوه واكثر .. ماصدقت أكيد عيونيه تكذب عليه .. هذي عيونيه تخوني تقص عليه .. هذا سعيد .. لا ..
ميثه بدت تحس انها قريبه من سعيد وايد وحست بايده اللى محطينها تحت راسها .. فجاه حست بعمرها وخازت عنه ابسرعه جنه لدغتها حيه .. وهيه تتحاشاه بنظراتها وتعدل عباتها عند ريولها .. تريد تستوعب .. وتتطالع الرمل اللى بعباتها .. وتلمس ويها كله رمل حتى يديها ..وخصله طويله من شعرها يايه ع أردافها وفارده شعيراتها عالرمل .. وباجي شعرها داخل .. تمت ثواني تتامل بالخصله .. تريد تستوعب ..
ميثه تناظر شعرها وبصوت واطي بدون لاتتطالعه : شفت شعريه ؟
وسعيد صاخ ..ومنزل راسه ..
ميثه تتطالعه :شفت شعريه ؟
سعيد منزل راسه :آسف ...
ميثه بضيجه :غمض عيونك ..وبهاللحظه ميثه وهو مغمض عيونه وهي تتطالعه ماشلت عيونها عنه .. نزلت شيلتها وهي تتمنظر به وهو مغمض عيونه .. ادقق بتقاسيم ويهه .. عذااب هالريال .. عذااااب .. لمت شعرها ولفته عدل .. وهيه تتطالعه ادقق بحيّاته المقرونه .. بخشمه خاطرها تمرر صبوعها ع يبهته لين خشمه .. وسعيد مغمض عيونه وبهالحظه تناثرت ريحت العود الهندي من شعرها .. وسعيد رغم البرد والهوا البارد يحس بحراره مب طبيعيه ..
سعيد من بطل عينه وهو يطالع الرمل .. وميثه ميته عليه ..هي تتطالعه وهو يطالع تحت .. آاااه فديته هالمخلوق .. غير ..
ميثه تتطالع ايدها : ايدي كلها طين ..
سعيد شل سفرته من على جتفه : نظفي بها ..
ميثه تتطالعه وهو يطالعها يتأملون فبعض كانت عيونهم هي اللى ترمس تقول أشيا مايريدون حد يعرفها .. وماقدرت تقول شي .. غير : ماريد .. مشكور (وافترت حولها) وين نعالي؟ وفجاه شهقت ..
سعيد بخوف:شو بلاج؟
ميثه ساكته وتحاول تتذكر شو استوالها .. وهيه ليش هني ؟؟؟؟ شوفت سعيد نستها السالفه ..
وميثه تتطالعه تتذكر .. وسعيد يطالع من بعيد خليفه ووياه اثنينه ..يايين صوبهم .. وميثه تفتر وراها .. وتشوفهم .. وترد تثور ..
ميثه تنش وتعدل عباتها :هم ..هذيلا اللى كانو بيلحقوني ..وربعت ووقفت ورا سعيد ..
سعيد يطالعها ويرد يطالعهم : ميثه .. هذيلا أكيد عمانيين .. يايين من الساحل العماني .. لاتخافين ..وميثه تتطالعهم بحذر .. وكل اشوي توايج من ظهر سعيد ..
ميثه : اميه اشكالهم تخرع .. شو يريدون ؟؟
سعيد يفتر صوبها :حطي الغشوه ..
ومن اتجدمو صوبهم ارتبشت ميثه .. وسعيد يطالعها ويبتسم عحركاتها العفويه ..
ميثه : ماريد .. ماريد بيلحقوني ..
سعيد :ميثه .. عييب ..شو بيقولون عنا العرب ..
ميثه تاشر عليهم :مااااااااريد ..
خليفه : سعيد شل خطيبتك .. فضحتنا ..
وسعيد يهدي بميثه .. اللى كل اشوي تفتر وراها وتتطالعهم ..
ميثه بخوف:روح هات اربيعك عن يجتلونه ..(وهي تناظر سعيد اللى يطالعها بنظره حنان) سعيييد ارمس جد رووح هاته .. انته ماتعرفهم هذيلا .. يسوون أي شي عشان ياكلون ..انته لاتروح وياهم ..لاتروح .. بيشلونك عقب عندهم .. لاتروح ..
وخليفه يطالعهم ويهز راسه .. فضحتنا هالبنيه فضحتنا ..
سعيد يطالع عيونها :الميث خلاص ..
ومن نظرته ميثه صخت .. كانت غير .. آاااه
وهو يتخطى ميثه بخطوات وميثه وراه ..
سعيد وقف: روحي وانا برقبج لين ماتدخلين السكه ..
ميثه منزله راسها:ماعليه .. انا بروح صوب البنيات ودرتهن هناك ..
.. ومن مشت عنه بخطوات .. ماتريد تودره .. افترت له وشافته بعده واقف ويطالعها .. ومن شافها مفتره صوبه ابتسم ابتسامه عريضه .. وميثه من شافت ابتسامته نزلت راسها .. ياويلي هذا ناوي يذبحنيه ...
ميثه : سعيد ..
سعيد بشوق :يالبيه الغاليه ..
ومن سمعت ميثه جلمه الغاليه أول مره ينعتها بالغاليه .. سكتت ثواني : اتحمل على عمرك ..
سعيد يتاملها :ان شاء الله ..

وراحت ميثه لربعها وطول الدرب وهي تفكر بسعيد .. يالله افديته عسى الله يحفظه .. و البنات شافتهن حادرات من اليبل .. ومن شافنها ..
حصه :ميثاني طافج المنظر من فوق .. روعه الا رهيييب ..
ميثه تتنهد وتيلس عالصخره :آاااه .. انتي وين وانا وين ..
مزنه تتطالعها وتقرى الفرح بعيونها حست السالفه ابها سعيد وتنغزها :اشحالج ؟
وميثه تتطالع مزنه وماردت عليها .. سرحانه ..
لطيفه تتطالعها :بلاج مب على بعضج .. هاج حماّض ..
ميثه وعيونها تلمع وبالها مشغول : مشكوره لطوف ..
حصه ادزها : لزي اشوي بيلس جداج ..
ميثه تثور :اييييييييييه ماخبرتكن وانا امشي عالبحر .. قولو شو شفت ؟
تقاطعها مزنه وتسالها:البحر هالصوب ؟ .. وتاشر عليه ..
ميثه : هييييه .. صبري اكملج السالفه ..
لطيفه :خيييييبه شو مشابج هاك الصوب ..
ميثه :ايييييييه خلوني اكمل السالفه ..
حصه :حشى هب ريول عليج ..
مزنه تفتر صوب حصه :هب هبابج الله .. ردي الشهاده عويهج ..مافينا للعثره ..
ميثه :ايييييييييه والله رمسه أزيد عن اللى قلتوه .. مب رامسه ..وكيفكم عاد ..
وثارن البنات وقالت لهن ميثه السالفه .. وهيه ترمس و البنات مندمجين بالسالفه ..وحصه من الخوف ..
حصه تفصخ نعالها :يالله نربع شو تتريون .. وربعت ..
البنات يطالعنها ويضحكون ..
لطيفه :حلفي انتي بتربعين وانتي حافيه .. وعباتج وراج اطير ..
وبهالحظه ظهرو سعيد وخليفه والاثنينه اللى شافوهم .. وحصه ردت عورى وهيه تتنافض ومن شافت سعيد صخت .. والبنات تغشن سريع ووقفن ..
حصه بصوت واطي وميوده طرف عباة ميثه : ودوني البيت .. دخيلكن ..
وخليفه من شافهم : شو تسّون هنيه ؟ .. (و يأشر عليهم بايده )يالله ردن بيوتكن ..
و لطيفه من قال جيه عصبت .. منوه يتحرى عمره هالسبال !!! هو منوه يكون عشان يهزبنا !!!!وحصه من شافت سعيد ارتاحت وخاز الخوف من قلبها .. وميثه تتطالع سعيد اللى حست بنظراته صوبها .. يالله فديييت وقفته وعيونه ..
مزنه بصوت واطي: يالله طوفن .. خليتو الريال يزفنا ..
لطيفه :والله لو لا الرياييل اللى عنده جان رديت عليه .. وعرفت اسكته ..
ومن ردن بيوتهم قالت ميثه السالفه لهلها ..
يدوه ظبيه مندمجه بالسالفه :حي .. وانتي شو موديج هناك ..؟
ميثه : يدووه انتي تدرين ان عشقي البحر ....قلبي هو اللى يوديني صوبه .. يعني مب بايدي ..
يدوه ظبيه :هذاك وايد ابعيد اللى صوب اليبل .. مايسدج اللى مجابل دكان ابوج ..
مريم تيلس جدا يدتها :يدتيه .. تحيدين الميث وهي ياهل حاشرتنا بهالبحر .. جنه الا واحد من هلها ..
ميثه تتذكر سعيد : آه .. فدييييت قلبه ..
مريم :هههههههههههههههههههههههه قلب البحر .. ثرج خليتيه واحد من هلج صدق ..
عفره اطل من الدريشه : الميث .. مزنه ادق الييدار سيرلها ..
ميثه تنش سريع :فدييييييتها ..
وهيه تربع اندق طرف صبع ريولها بالييدار وطاحت عالارض.. وباغمت من الويع ..
ميثه ميوده ريولها :أاااي .. يعور ... لا مايعورنيه.. مايعورنيه ..
وشمه اللى كانت تلعب بالتيله ويه راشد .. ضحكت بصوت عالي ..
وحمد من صراخها ظهر من حجرته .. ويبتسم ..
حمد : هاه شو استوابج هالمره ؟ ..
يدوه ظبيه : دومج مستعيله وتترابعين في كل بقعه ..
ومريم ويدوه ظبيه نشّن صوبها ..
ميثه :مايعور .. لا مايعور .. لاحد يودنيه ..
مريم :ايه عن البزى .. خلي يدوه تشوفها لج ..
يدوه ظبيه :ويديه .. صبريه بشوفها لج ..
بهاللحظه يدخل بوحمد .. وتربع شمه وراشد صوبه وحمد يروح له ..
حمد يحب راس ابوه :بويه الشيخ علي يريدك تروح له ميالسهم ..
بوحمد :توني ياي من عندهم .. ويشوف امه موخيه عند ميثه ..
حمد يطالع ميثه :ميثه اندقت بالييدار ومسويه مناحه ..
وميثه تصرخ ويدوه طايحه ابها
يدوه ظبيه :ودري عنج البزى .. شمه ماتسوي سواتج !!!
ميثه متغصصه : يدووه اقولج تعورنيه والله .. ومن شافت ابوها ياي صوبها صخت ..
بوحمد :السلام عليكم ..
الكل رد السلام..ويدوه ظبيه تفتر وراها :وعليك السلام ورحمة الله .. تعال شوف بنتك ..
مريم :بويه اندقت عالييدار الا بسيط .. وتقول ماتروم تمشي .. بزى بنات بويه ماعليك منها ..
بوحمد يوخي لعند ريولها ويحركهم : تعورج ؟
ميثه تحرك شفاتها صوب مريم وتقولها "جب ":هيه بويه .. ها الصوب ..وتاشر بصبوعها ..
بوحمد يحركهم عالخفيف وميثه : يعورنيه ..
بوحمد : لا مابيعورج .. يالله نشي ..
وميثه تقوم بصعوبه ويالسه تعري .. وحمد ومريم يضحكون عليها ..
ميثه تاشر عليهم :بويه شوفهم يضحكون عليه ..
بوحمد :لالالا محد يضحك .. امشي عدل ..
عفره : يالله الريم بنغرف الغدى .. نشي عاونينا ..
مريم :ان شاء الله ..
سلامه ميوده بطنها وبتعب : وين ميثه ؟ اووووه بويه ماشفتك..ومشت تسلم عليه .. بس بوحمد مشى صوبها ومسك ايدها ..
حمد :بسم الله عليج ..هذيه جدا عيونج الميث ؟
سلامه تحب ايد بوها :الله يطولنا بعمرك بويه ..
ميثه مفتره صوبها وتتويع : شو تبين ؟
سلامه بتعب:روحي مزنووه حليلها من متى ادق الييدار ..
ميثه :ياااربيه نسيت المخلوقه .. ومشت تعري .. وحمد يعلق عليها
حمد :هههههههههههههههههههههه لايقه عليج المشيه .. تبيني أوصلج ؟
ميثه بصوت عالي:لا استريح مكانك ...
حمد :هههههههههههههههههههههههههههههههههههه ان شاء الله اختي ..
وفوق السطح .. مزنه تتطالع اريول ميثه : خيبه كل ها عشاني ؟
ميثه :هيه عشان تعرفين غلاتج وقدرج ومعزتج عندي ..
مزنه : ههههههههههههههههههههههههههههههه دواج ..
ميثه تنشع غشوتها : انتي بعد !!! مايسدني حمد الطفس .. سعيد مادرابج .. ماعليه ..
مزنه : فديييت روحج عساني انا ولا انتي ..
ميثه :شوفي مزنووه والله يعورنيه مووت .. (وبدلع ) روحي خبريه سعيد ..
مزنه تسايرها :ان شاء الله من يرد ..
ميثه تثور :ايييييه مافيني عالفضايح لاتخبرينه .. يسد اليوم ..وتبتسم ..
مزنه :شو اليوم ؟؟ شو استوا شفتي اخويه من وراي ..
وقالت ميثه السالفه كلها وبالتفصيل لمزنه ..
مزنه :يااويل حالي .. اكيد بيبيت سهير اليوم .. حليله والله يغمض اخويه ..
ميثه :اييييه بس ..
بهاللحظه يسمعون صوت حمد يزقر ميثه ..
حمد : الميييث يالله بنتغدى .. نترياج ..
ميثه :يايه يايه ..
مزنه تنزل من الييدار :والفضيحه .. يالله نتشاوف عقب ..
ميثه تبتسم :الله يعينه على مصابه ..
مزنه بعفويه:منوه؟
ميثه تضحك :حمد خويه ..
مزنه متردده تسال عنه :ليش .. ممم شو فيه ؟
ميثه تتطالعها : عرب ملعوزين به .. الليل يهاذي بهم .. الصبح يتغزل ابهم .. حتى الظهر يعد بهم قصيد .. اتصدقييين ؟؟؟ اقولج حالته حاله ماحد يعلمبه غير ربي العالمين ..
مزنه حست بغيره ..وثواني : الله يهنيه ويجمعهم ببعض ..وافترت بتروح ..
ميثه :ايييييه ماتبين تعرفين منوه ؟
مزنه تحرك جتفها بدون اهتمام :عادي؟
ميثه :الهنوف هههههههههههههههههههههههههههههه..
مزنه ارتاحت وثواني :انزين يالله فارجي ..
وميثه من نزلت عالدري .. سارت تغسل ايدها وشافت حمد عند الدرام ..
ميثه وهيه تعري :حمد فديتك صّب عليه الماي ..
حمد يطالعها :تعالي ..
ميثه :حليلها والله مزنووه ..
حمد :شو السالفه ؟
ميثه تتطالع ويهه: انخطبت ..
حمد ملامحه تغيرت ..:منوه ؟
ميثه ..:شو منوه ؟
بهاللحظه زقرهم ابوهم ..
بوحمد :حمد .. الميث يالله بويه انقفضوا ..
ميثه :ان شاء الله بويه ..
حمد :منوه خطبها ؟
ميثه تحرق اعصابه:هههههههههههههههههههههههه واحد ..
حمد يمسكها من طرف كندورتها ويدزها : عن الحركات انزين .. وراح عنها ..
ميثه تضحك بصوت عالي :هههههههههههههههههههههههههههههههههههه صبّر ..ماتريد تعرف منوه ؟؟ هههههههههه

ومزنه من نزلت يلست عالدري تفكر.. تريد تعرف ليش هيه ارتاحت من قالت ميثه الهنوف .. وميثه شو كانت تعني يوم نغزتها بذيج الرمسه !!!!!
ام سعيد واقفه تحت الدري وتتطالع بنتها : شعندج هناك ؟ يالله نشي نغرف الغدى ..
مزنه انتبهت لصوت امها اللى روحت : يايه اميه ..
وبوسعيد وام سعيد وسعيد ملتفين حول صينيه العيش ..ووياهم مزنه ..
ام سعيد :مزنوه اميه .. روحي هاتيه الرويد عالغنجه محطيتنها فطرف ..
تنش مزنه :ان شاء الله ..
بوسعيد :من وين هذيلا الخطّار ؟ من اعمان؟
سعيد :هيه بويه عمانيين ..
بوسعيد :من اعمان همّ؟
سعيد :هيه هيه ..فديتك من اعمان .. وديناهم صوب الشيخ علي .. يقولون كانو يصيدون والجو هادي وعقبها الريح هبت عليهم فجاه وساقت مرجبهم صوب فريجنا ومن شافو الفريج ردت لهم الروح .. من بعد مافقدو الامل بالرده لديارهم .. يقولولك يومين ماذاقو شي ..
مزنه مندمجه :الله رحيم ..
ام سعيد :حليلهم .. الله قادر على كل شي ..
سعيد :هيه اميه .. الحيين هلهم مايدرون عنهم ..
بوسعيد :الله كريم ..
وبوحمد من خلص غداه زقر امه وحرمته وخبرهم بان الشيخ علي رمس بميثه يبيها لولده عقاب .. والولد يبيها على سنه الله ورسوله ..
يوده ظبيه :لالالا البنت لولد عمها ..خبره .. ولد عمها شاريها ..
ام حمد :وشو قلت له .. ؟
بوحمد : امره رديت عليه ذيج الساع .. قلت له البنيه محيرنها لولد عمها ..
وهناك في بيت عقاب .. ومن درى الميث محيره لقايد ..
ام عقاب :ماعليه فديتك .. بخبر ابوك يوم يسافر الكويت يخطبلك وحده من معارفه ..
عقاب بنظره :والله ماأبدي بنات بلادي على كويتيه ..
ام عقاب :عيل خلاص تخير اللى تباها ..وبنيوزك ..
عقاب يفتر الصوب الثاني وبحسره : عمريه 25 والشيب كسى راسي .. ويوم بغيت اللى خاطري ابها مااستوا نصيب .. اشوووه هالدنيااا .. ووووف .. استغفر الله ..
وبهاللحظه دخلت حصه :السلام عليكم ..
وردو السلام ..
ام عقاب :وعليييج السلام .. وانتي تمي على هالحال .. دومج مطيحه فبيت اربيعتج ..
حصه :ويديه .. خلاص استلمتني امايه اللحين .. امايه شكلج معصبه من شي ومحطيه حرتج بي ..
ام عقاب : اشو هالرمسه اليديده بعد !! مسوده الويه ..
حصه تيلس جدا امها :فديت ويهي والله .. شو اسوي البنيه زقرتني ..اقوم واجفيها مايصير يااميه ..! (وتتطالع اخوها ).. فديتج صبيلي اقهوه .. عقاب شو فيك ؟ .. ويهك معتفس جذيه !
اطالعها عقاب بنظره وعقب نش وظهر برى .. وحصه مستغربه ..اول مره تشوفه جيه ..
حصه :امايه شو بلاه عقاب ؟؟؟؟

وهناك فبيت عم ميثه .. قايد يالس في الميلس ويه اخوانه ..
قايد :حميد دخيلك رمس بويه ..
حميد:وانته ليش ماترمسه ؟
قايد منزل راسه : الصراحه من بعد سالفه عمي .. مااروم احط عيني بعينه ..
حميد:لازم ترمسه هذا ابوك ..
قايد بغيض :تدريبه ما يرمسني ولايسويلي سالفه من ادخل البيت .. حتى راسه مايخليني احبه .. واللحين تقولي ارمسه ...
عبدالله :لازم .. تراك سودت ويوهنا .. وين تريده يرمسك .. أحمد ربك مادفنك حي ذاك اليوم .. عيل تصرق عمي من قلت فلوس ابوك .. الحمدلله والشكر ..
قايد بنظره حاده :انته مالك شغل لاتتدخل بسالفتي ..
غدّير:قايد ..
قايد يطالع غدّير:ماتشوف نغزاته .. !!! الله يغربل هالصنعه ..
عبدالله يتمصخر :هه .. استريح مكانك .. بنت عمك ماتبيك ..
قايد : تباني ولا ماتباني .. مب شغلك .. ياخي لادخل عصك فشي مايخصك .. والله حاله !!
غدّير:لا اله الا الله .. انتوا ماتعرفون تتفاهمون كله مناجره ..
حميد:ياجماعه صلو عالنبي ..
الكل عليه الصلاه والسلام ..
قايد يفتر صوب حميد: عليه الصلاه والسلام .. ها أخوّيه شقلت ؟
حميد يأشر بصبوعه :شوف ترا بوك تدريبه روحه عصبي .. ومن يسمع طاريك يثور علينا .. يعني صّبر لين ما تهدي الامور من امبينكم.. وخلاف يصير خير .. لاتستعيل على رزقك ..
حميد :تبي شوري .. رح استسمح منه مره ثانيه .. وان شاء الله بيرضى عليك هالمره .. وعقب بنتفاهم يميع ويه عمي ..
قايد :لا مااقدر بيروغني برى البيت آخر مره قالي لا تراويني رقعه ويهك ..
غدّير:حاول اكثر عن مره مهما كان هذا ابونا ياقايد .. ابونا اللى ربانا .. مالنا غنى عنه ..
قايد مستانس :فديتكم علكم سند لي طول عمريه .. وأنا اقول هذيلا اخواني اللى اشد ابهم ظهري ..(وينغز عبدالله و بنظره) مب الخديه اللى يسمع كلام حرمته .. وماله راي ..هه ..
عبدالله بنظرات جهنميه :منوه الخديه ؟ ويفز ميود خيزرانته .. واخوانه بعد ينشون وراه .. اما قايد ..
قايد واقف ورا اخوه العود حميد : ومنوه قال اني عانيك بهالرمسه ..!
وعبدالله رفع بهاللحظه الخيزرانه.. غدّير وميودنه من طرف ايده ..
حميد ميود الخيزرانه :احشم ..تشوفنا رياييل بلحّي تشل الخيزرانه بويوهنا ..
عبدالله يثور ويظهر حرته كلها بويهه:ماتشوفه شو يقول ! .. منوه الخديه اللحين ! مندس ورى اخوك ..محد غيرك الخديه .. (وياشر بصبعه) .. صارق ابوها وتريد تخطبها .. بتخبرك انته ويهك ماعورك من نظره عمك يوم عرف انك الحرامي ؟؟؟.. شو انته ماعندك عزة نفس !!!.. ياخى البنيه عايفتنك ماتريدك .. بالغصب هوووووو...
وقايد يشوي شواي من هالرمسه :رح رح حرمتك تزقرك ..
وبهاللحظه بس حس عبدالله بصوت سلامه وهي تزقره .. وافتر صوب الباب .. وراح لها ..
عبدالله عند الباب : دواك عقب ..وظهر
سلامه بتعب : حبيبي ..شو فيكم ..
عبدالله ينزل صوبها وايود ايدها :فديتج ليش يايه لين الميلس مب زين تهلكين بعمرج وايد ..
سلامه تتطالع الخيزرانه:انتوا خليتو حد يرتاح .. والله حشرتكم واصله لين الحجر .. وكله تتنازعون جني من اصبح وامسي على هالنزاع اللى مايخلص .. الصراحه خفت عليك ..
عبدالله يطالع ويها .. وبحنيه :فديتج .. يايه من حجرتج لين هنيه عشان تطمنين عليه .. فديت روحج انا ..
سلامه تتطالع عيونه :مابيك تتناجر وياهم هذيلا اخوانك ..
عبدالله يطمنها :لا تحاتين .. هذا قايد نفس السالفه ماعنده غيرها يعيد ويزيد ابها
..تعرفينه ياهل وقاص على عمره اون يبي يعرس ..
والرواح البنات سارن يغسلن الثياب .. وميثه ومزنه ماشيات في السكه لمحن قايد .. وقايد من شاف ميثه بدى يضعف .. ومتردد يكلمها ولا لا .. مشى صوبها .. وميثه ومزنه توهن بيفترن عالسكه الثانيه ..
ميثه : خطفي خطفي هالصوب ..
قايد يزقرها:بنت عمي .. ويتجدم صوبهن .. السلام عليكم ..
وردو السلام ..
قايد : ميثه بغيتج برمسه ..
ميثه تتطالعه وساكته ..
قايد : السالفه تخصنا انا وانتي .. يعني مااريد ..
تقاطعهم مزنه :ميثه انا بتجدمج ..
ميثه تيود ايدها :لا .. مزنه مابتروح بتم وياي واللى بينقال بتسمعه ..
قايد يرفع راسه ومنقهر من غرورها ..وبنظرات : بس اللى بقوله اريده بيني وبينج ..
ميثه : أنا ومزنه روح بجسدين .. واذا بترمس ارمس .. ولا الدرب تندلها ..
قايد منقهر من كلامها : أريدج ...
ميثه مستغربه :أريدج !!!
قايد :أريد أخطبج ..
ميثه طاح قلبها :تخطبنيه !!!.. لا .. وتمت تهز راسها ..
قايد يطالعها : شو لا ..؟
ميثه تفتر عنه : لا .. ممم .. أنا ماريد ..
قايد يطالعها:شو ماتريدين ؟
ميثه تغمض عيونها : أنا ماريدك .. ماريدك تكون ريلي ..ماريد ..
قايد كنها طعنته بسجين وبصوت حزين : ليش؟
ومزنه واقفه عطرف .. ومستهمه على اربيعتها .. الله يعينها ميثه .. الللله يعينها ..
ميثه بالم :انا اكرهك ..
قايد :ليش تكرهيني ؟ انا شو سويت بج عشان تكرهيني هالكثر ..
ميثه بحزن:بس مابيك .. ماأقدر اغصب عمريه عليك ..
قايد والشر بعيونه :ليش فحياتج حد ؟
ميثه بتحدي : مالك حق تسألني هالسؤال ..
ومزنه محطيه ايدها ع قلبها من رهبه الموقف ..
قايد بدى يضعف :ميثه ارحميني .. الله يخليج .. ارحمي ولد عمج .. صدقيني بخليج تغيرين نظرتج بي .. أنا احبج ..
ميثه صدت له ..أول مره تشوف هالضعف بقايد .. وصخت من هالنظره ..
قايد :حبيبتي ليش ساكته ؟
ميثه بخوف:لا تقول حبيبتي ..
قايد يطالع مزنه وينزل راسه : والله أحبج ..
ميثه والدمعه بعيونها :يالله مزنه بطينا عالبنات .. وسحبت ايد مزنه ومشت ..
وقايد يطالعها .. وكيف جفت به .. ويطالع خطواتها ..
قايد يطالعها قبل لاتبتعد ..وبصوت قوي :ميثه ..؟
ميثه وقفت ..بس مارمست ..
قايد وضروسه تصتك ببعض من القهر : باخذج يعني باخذج وبتشوفين ..
وميثه من سمعت جيه كملت دربها قبل لايكمل رمسته ..
قايد بصوت عالي ويثور : باخذج يعني باخذج .. اسمعي انتي مالج شور .. احمدي ربج اني مسويلج سالفه وياي اخذ رايج .. اصلن انتي مالج شور .. انتي بنيه مالج كلمه يوم الرياييل يرمسون .. انتي بس عليج اطعيني وبس هذي خانتج .. فاهمه ..
وميثه تسمع هذا كله وتصيح .. وتمشي بسرعه ماتريد تسمع زوود ..
ميثه تصيح :مزنووه .. انا ماباخذ سعيد .. ماباخذه ..
ومزنه تصيح وياها : ميثاني لاتصيحين ..بس خلاص ..
ميثه :ماباخذه .. طول ما قايد موجود مستحيييل نكون لبعض مستحييل ..
مزنه تصيح :الله فوق .. ربج بيرحمكم ..
ميثه تصيح : مزنوه انا لو عرست قايد .. باجرها بفر عمريه بالطوي .. ليله وحده مابتم وياه .. ماقدر ..
مزنه محطيه ايدها ع جتف اربيعتها :بس ميثوه لاتقطعين قلبي زوود ..
ميثه تترجاها والدموع مبلله غشوتها : الله يخليج لاتخبرين سعيد شي .. ماريده يضايج ويتكدر خاطره ..
مزنه تمسح دموعها : لا مابخبره ..
ومن بعد ما ردت ميثه البيت تمت تصيح .. حست بهاللحظه انها بتنحرم من سعيد صدق ..
سلامه داشه الحجره :ميثاني شو فيج تصيحين ؟حتى ماسلمتي من دخلتي ..
ميثه تتطالعها :يريد يجتلني ..يريد يجتلني .. وترد تنزل راسها وتصيح بحرقه وألم فظيع بقلبها وضيجه بصدرها ..مب قادره تتحملها ..
سلامه مشت صوبها ولوت عليها :حبيبتي اشفيج ؟
ميثه تحضن اختها : قولوله ماريده .. اكرهه ابغضه .. عله النفاذ .. ماريده ..
سلامه :منوه قايد ؟
ميثه تمسح دموعها بظهر كفها:اتصدقين سلامه اليوم تلقاني انا ومزنه بالسكه ...وقالت لها السالفه ..وهي ترتجف عند كل كلمه ..
سلامه تتذكر عبدالله وايامهم :حليله .. ميثووه .. قايد شاريج .. والله يحبج ..صدقينيه كل يوم يرمس عنج عند هله حتى عبدالله وحميد و غديّر.. والله مايمر يوم الا ويييب طاريج ..
ميثه تنش وتوقف عند الدريشه .. أنا أحب سعيد .. سعيد هو حبيبي مااقدر اعيش بلياه .. سعيد هو قدري ..مااقدر .. مااقدر اهده .. حرام هو يحبنيه .. يحبنيه .. وينك عني ؟ تعال وشوف شو يسوون بي .. يبوون يفرقونا .. يفرقونا ..
سلامه تنش :ميثوه .. وافقي وصدقينيه عقب بتتعودين عليه وبتوالفينه ..
ميثه تصرخ:ايخسي .. أخذ واحد شرات هذا .. ماتسدج فعايله .. تبين اختج تبتلي بواحد مثله والله باجر برد لكم مطلقه من فعايله .. وتيلس عالارض وتصيح بحرقه ..
سلامه بخوف وتتأملها: بسم الله عليج .. ميثوه ليش تصحين هالكثر .. بس خلاص بتجتلين عمرج ..
ميثه وخدها يلمع من الدموع :محد حاس بي فهالدنيا .. كني قطعه ثياب تمشوني عكيفكم .. حالي حال هالشبريه اللى اتشوفينها .. حتى بويه ويدوه وامايه .. كلكم .. محد حاسبي ..
سلامه تربط شعر ميثه : ميثاني فديتج اشو هالرمسه !! ..
ميثه تشاهق:ماريده ..
سلامه :خلاص لاتصحين .. ..
ميثه :أون يحبني ! أي حب اللى تتكلمين عنه؟؟.. (وتتذكر سعيد وبشاعريه ) الحب رحمه .. تضحيه ..وفى .. الحب كل شي بهالدنيا .. وولد عمج حبه زايف .. لعبان اخرطي .. هذا مايعرف الحب اصلن .. قايد لو فيه ذره احساس جان مارد يرمس بالسالفه من يوم عرف اني ماابيه ..
بهاللحظه يدخل حمد الحجره ..ويطالع ميثه شاله الدنيا بصريخها ..
حمد يطالع ميثه: شو فيج تزاعقين ؟
سلامه بنظره حزن : نفس السالفه ..قايد ..
حمد : لا اله الا الله .. (ويطالعها )..اللله يغربله هذاااا شو جنسه مايحس ..وظهر ابسرعه ..
والفليل .. بعد العشى بنفس اليوم .. مزنه يالسه في الليوان .. وسعيد ميود طيره ويالس يعابل به .. ومب حاس بشي .. ومزنه تتطالعه بنظرات ..نظره شفقه عحال اخوها واربيعتها .. حبهم ماراح يكتمل ..! سعيد مابياخذ ميثه .. ياترى القدر شو مخبي لهم ؟؟ حليلك ياخويّه ..
سعيد يعابلل طيره ودون مايطالعها:مزنوه شي شاغل بالج .. جنج من ساعه يالسه جداي ومانطقتي حرف واحد .. شو فيج ..؟
مزنه محطيه ويها ع ركبتها وبدون لاترمس وهي تتطالعه هزت راسها كنها تقول ماشي ..
فديتك ياخوّيه لو تدري بلي فخاطري ..!
سعيد يفتر صوبها :والله بج شي .. حالج مب عايبني .. ارمسي ..؟
مزنه تداري دمعتها :فديتك بروح انام انا .. تعبانه اشوي .. تصبح على خير ..
سعيد يطالع خطواتها : وانتي من هله ..
فيها شي البّنيه !!!!!!!مب طبيعيه ..
وبهاللحظه افتر سعيد لييدار قوم ميثه ..وتم يطالعه ثواني ويتخيل طيف ميثه وهي تتراكض جدا البحر وشعرها الطويل ينوف حولها .. وعقب رفع راسه لسما وشاف القمر كبير وايد و مضوي ..ومنور كل بقعه .. وحوله النجوم متناثره بالسما .. سبحان الله الذي ابدع في خلقه .. وبهاللحظه هبت نسمه بارده ..لفحت سعيد بعذوبتها ورقتها وهو مغمض عيونه ويتذكر غناته ..
صابه شوق مب طبيعي ..وسار السطح .. وهو يفتر بكل زاويه من زوايا سطح قوم ميثه .. مشتاق لها شوق ماله قياس ..

لو تبكي عيوني الدمع دم ..مغرم انا بك حيل مغرم .. دوّن الزمان بالحب روحي .. ماأندم أنا عن الحب مااندم .. أهوأأأأأأأأك .. أهواك قد الخلق في الكون في حسنك الخفّاق مفتون .. مجنون أنا بالحيل مجنون .. خلي الملا والناس تعلم .. بصبر على بعدك وقربك .. مسجون انا والسجن حبك .. مسجون والسجان قلبك .. اذا يعذبني ويرحم ..

وهو يطالع بيت ميثه افتر بلحظه ما اشتغل الليت .. افتر بزاويه صوب بيتهم وبيت ميثه .. وهو يراقب المكان .. منو اللى ضو الليت ..! صخ ..وهو يطالع البرق اللى خطف في مقلته للحظه .. وعقب اختفى .. عيونه كانت تلمع .. لحظه شافها وبلحظه اختفت .. ميثه ظهرت ..وهو يتريا شوفها مره ثانيه .. محتاي شوفها لحايه التايه في الصحرا للماي .. لحظه بلحظه بينت ..وهي اتيمع شعرها واتيبه جدام عجتفها اليمين .. وسعيد يتامل فهالمنظر ويتلذذ به عن خاطر .. لحظه بلحظه مشت صوبه ..

بانت علامات السفر .. أقول انا شلي ظهر ؟ أتحسبه نور القمر .. أثره حبيبي واعرفه .. شوفه يشوق ناظري .. والجو منعش وشاعري .. مشتاأأأأأأأق له من خاطري .. مااقدر اقول واوصفه .. هلا بمن شرف هلا .. هلا ياعمري ومسهلا .. نورت ياكل الحلا .. هلا يانور العاطفه .. قلبي ومتلهف عليك .. وشوقي ومتعطش يبيك .. وشعري ينادي بس فيك .. ودمعي اضنك شايفه .. يامن تملكني غلاك .. دخيلك انا في رجاك .. خفف على قلبي هواك .. نومي تراني عايفه ..

*للتنويه :كلمات الشاعر الأماراتي يمعه بن نايم الكعبي ..

لحظه بلحظه وهي تشرب ماي .. مب حاسه بلي حوليها .. سكون وصمت و هدوء .. غير صوت ام كنت (البومه) .. حطت الجلاس ومشت ..

الوجه كالقنديل والخد اذهبّي والعين عين الشادن اليفلاني .. وشف نشّافي عله المتصّوبي من سلسبيل ينعش العطشاني .. نابي ردوف امعزّل مثل الدبّي غّض الصبا عوده عويد الباني .. لي من مشى تجف الخطا ومرتبّي شبه القطا توح اقدامه متواني ..

*للتنويه :كلمات الشاعر الأماراتي سالم الجمري "رحمه الله " ...

فيك الجمال مكمل بطيب واخـلاق... جل الذي صورك ياتلـع العنـوق
عين المها والخـد ياضيـه بـراق... ترف الصبا متزهي بعود ممشوق

*للتنويه :كلمات الشاعر الأماراتي الوسمي ..

فجاه وقفت وحطت يديها الثنتين عالعمود .. وهي رافعه راسها تتطالع القمر ومحطيه راسها عالعمود .. وسعيد يشوفها جي .. صابه حزن فظيع على هالمنظر .. وهو حاس ابها شي مب طبيعي شاف الحزن والغموض مغلف المكان .. شو بلاها ؟؟ قرى الحزن بوقفتها وتاملها بالقمر .. شوفيها ميثه !!!



ودخلت ميثه حجرتها .. ومن دخلت يلس سعيد وهو مغمض عيونه وهو يمرر ايده اليمين ع ويهه .. وطيف ميثه يمر بخياله ..

وباجرها قايد كان في المزرعه ومنهد حيله .. وويهه متغير .. هو بصوب وسعيد وخليفه بصوب .. وعلى طرفهم فلاح وغيث يسوون شغلهم روحهم ..
غيث : ماادري احس قايد مب طبيعي .. فيه شي ؟
فلاح يطالعه :هه .. شو تبابه ..يولّي ..
غيث يطالعه :حالته ماتسر تقول به شي !.. اشرايك انسير له ..
فلاح يثور :ايخسي .. ايخسي ارمس هالاشكال انا .. انا مستواي فوق عن هذيلا الناس ..
غيث يطالع فلاح :الله يهديك .. لاتغتر بعمرك مب زين ..ترا كلنا واحد ومحد احسن عن الثاني الا باعماله اللى ترضي ربه ..
وسار له غيث .. وقايد كان يحط الرطب في صناديق عوده .. ومب حاس بوجود غيث وراه ..
غيث :السلام عليك .. اشحالك قايد ..؟
قايد افتر صوبه واطالعه بنظره استخفاف : هه .. تتخبر عن حالي .. ! أقول .. رح فازع اخويّك اخير لك .. وصد عنه ..
غيث تم واقف ثواني.. :الله يسامحك .. مممم اذا محتاي شي ولا تباني اسمعك بتلقاني جدا عيونك قريب .. وسار عنه ..
فلاح : هههههههههههههههههه ها بومطر شو العلوم ؟؟
غيث : جب جب كمل شغلك وانته ساكت ..
فلاح :ههههههههههههههههههههههههههههههههههه قلت لك ماينعطى ويه ..
غيث سارح :به شي .. مب قايد اللى اعرفه ..
فلاح :ياخي انته وايد مهتم بهالانسان والله انه كرييه .. طبه عنك وكمل شغلك ..
غيث : لالالا تقول جي .. صدقني بداخله قلب طيب .. قايد محد يعرفه كثري انا ..
وبنفس هاليوم الضحى قايد كان يالس تحت السدره الغاف يتريا ميثه عشان يرمسها مره ثانيه .. وتوهن البنات ظهرن من السكه .. ومن شافهن قايد تمت ميثه ومزنه واقفات ..
حصه :ليش وقفتن ؟
ميثه مضايجه وكارهه حياتها .. ومزنه :اتجدمن وانا والميث بنلحقكم ..
لطيفه : برايج بس لا تبطون ..
ومن مشن لطوف وحصيص ..
حصه :امممم لطوووف ماسمعتي شي عن ميثوه ؟
لطيفه : عن ميثوه .. لا .. ليش شو مستوي ؟
حصه :تدرين انه عقاب اخويه خطب ميثه .. الريال طلع يحبها .. وانا ماادري ..!!
لطيفه :قولي والله يحبها !! ..
حصه :اسمعي .. ورمس ابوها .. بس ظهرت محيرنها لولد عمها قايد ..
لطيفه باستغراب :قايد .. قايد ماغيره !!!
حصه :هيه قايد تصدقين عاد قايد لميثه ..
لطيفه : الله يعينها عيل .. واخوج الله يصبره على بلوته .. صدق محد مرتاح بهالدنيا ..
حصه تتذكر سعيد :آاااه الله يصبر اليميع .. لطوووف البارحه شفته جدا باب بيتنا يرمس اخويه عقاب .. والله العظيم .. اسميني ماعينت خير قمت اتراكض شرات الخبله من الفرحه ..
لطيفه تفكر بخليفه .. وسرحانه :منوه؟
حصه ادزها :من غيره .. سعيد ..!!! اشفييج ..
وهناك جدا سدره الغاف ..
ميثه :انته ماتقولي شو تريد ؟ كل اليوم والثاني واقف لي تحت هالسدره .. فضحتني ويه ربعي ..!! وتفتر عنه بغيض ..
قايد بحنيه:انتي اشفيج !! ..كله تعصبين عليه وتتناجرين .. باجر جي بتسوين بي يوم باخذج ..
ميثه بغيض :لاتقول يوم باخذج .. لا تقول ..
قايد يطالعها .. غير .. يحسها مب ميثه اللى كان يعرفها .. فديتها ..
بهاللحظه ظهر لهم سعيد وخليفه من السكه .. والكل افتروا صوبهم .. واتلاقت العيون ببعضها وسعيد من شافهم وشاف ويه قايد حسه مب طبيعي .. واخته واقفه عطرف .. وميثه من بينهم .. وميثه من شافت سعيد نزلت راسها .. وقايد همه الوحيد ميثه .. ليش تقسى عليه !!
خليفه : سعيد عين من الله خير ..
سعيد معصب : ياخي هالريال شو مشكلته !!! شو يريد منها ..
وخليفه ساكت يفكر ..
سعيد يطالع وراه : خليفه .. انا تعبت خلاص مب قادر اتحمل اكثر .. كل يوم والثاني اشوفه يرمسها في السكيك .. هالشوفه كنها سجينه مغروسه فقلبي ..
خليفه بجديه: سعيد ..انسى بنت بوحمد .. انته تربط روحك باوهام ...
سعيد يقطعه: خليفه .. القدر يقدر يفرق دروب كنا نمشيها لكن مستحيل يفرق قلوب عاش الغلا فيها .. صدقني مااقدر ..
خليفه :اذا انته تقول جي عيل شو خليت للبنت ..
سعيد منزل راسه: آه .. اعشقها مووت ..

حسبت ان العشق فرحه تنسيني ألم واحزان .. حسبت ان العشق شعله اذا ابرد تدفيني ولكن الوهم فيني يحور لي العشق الوان يوديني على دربه وعلى كيفه يمشيني ..

خليفه :سعيد ..البنيه تحبك و متعلقه بك وانته لازم توقف هالشي ..
سعيد يطالعه بعين حايره :شقايل يعني ؟
خليفه متردد : اسمحلي عهالرمسه ..بس شو اللى يضمن لك انك بتاخذها ..؟وهي محيرنها لولد عمها ..؟يجوز انها تكون لك .. او لولد عمها
سعيد يتقطع بهالرمسه : بس هي ماتريده .. الزواج بالاكراه مايستوي .. الدين حرم هالشي ..
خليفه :تريده ولا ماتريده .. هزرك بوحميد بيبديك عولده .. وابوها بيبديك عولد اخوه ..

ومرت الايام .. و طوى الحزن على سعيد وميثه وقايد .. حتى لطيفه وحصه .. وماننسى عقاب ..
وفي يوم من ايام لطيفه كانت فبيت حصه .. وهي توها بتبطل الباب شافت بويها خليفه .. تمت واقفه تتطالعه ..
حصه تربع بليا شيله:لطفوووووه مسوده الويه ..نسيتي .. وتلمح خليفه وتباغم وترد ريويس ..وخليفه ماشاف لحصه كان منزل راسه ..
خليفه : اذا ما عليج امر..بغيتج تسلمينها لام عقاب قوليلها من طرف ام خليفه ..
لطيفه تتطالع البقشه اللى بايده وبصوت رقيق: ان شاء الله ..
ومن رد خليفه البيت اطالع الكرسي اللى كان ينحط به الورد .. وافتر صوب الدريشه اللى كانت دوم تنفتح بس عقب مارمسها كله مسكرتنها ..بذيج اللحظه انرسمت على ويهه ابتسامه ماعرف شو سببها ..
مرت الايام .. وانتشر الخبر في الفريج ..ان قايد يريد ميثه .. وميثه ماتباه ومسويه مناحه في البيت تموت ولاتاخذه ..
ميثه ترضخ الباب وراها :أكرهكم ..اكرهكم كلكم .. وتمت تصيح بحجرتها ..
حمد يدخل وراها :ميثووه .. قولي لا اله الا الله ..
ميثه تصيح
حمد يطالعها وقلبه متقطع عليها وجان يظهر .. وراح يتخبر عنه ويدوره بكل بقعه ..ومرن يومين وما بيّن قايد .. انتشر الخبر .. الكل قام يدوره .. وين سار ؟؟؟ وين اختفى ؟؟؟
والرياييل سارو صوب اليبل يدورونه .. واخوه عبدالله يالس فطرف دكان ابوه .. ومحطي ايده عراسه .. ويتذكر اخر مره شاف فيها قايد .. ويلوم روحه هو السبب ..هواللى خلى اخوه يتهرب من الكل .. سارح بفكره ..
عبدالله: حمد اليوم تخبرني عنك .. رمسني عن ميثه وقال البنّيه ماتبيك .. وانها ............
قايد يقطعه :بس خلاص .. كافي .. حرام عليكم اشو انتوا ماتحسون ..! وعيونه ادمع .. مب كافي هي تسمعني كلام يسمّ البدن .. حتى انتوا اخوانيه ..عزوتي ..
فز عبدالله من يلسته ومستغرب:قايد انته تصيح !!!!
قايد يثور ويصرخ: شل ايديك عني ..وظهر من الميلس وهو ميود سفرته بايده ..
الكل كان يصيح ام حميد .. يدوه وام حمد .. والبنات .. غير ميثه كانت ساكته ومن الصدمه ماكانت ترمس وايد ..
حمد داش البيت :السلام عليكم ..
يدوه :وعليك السلام والرحمه .. هاه ولديه حمد ..عسى لقيتوه ؟
حمد تعبان ويفصخ سفرته :ماادري لحد يتخبرني عن شي .. تعبت خلاص .. ويلس بالليوان .. ويتنهد بتعب ..
يدوه تصيح ومحطيه ايدها عراسها ..وبحسره :ياويلي ياولديه ياقايد .. وين سرت وودرت هلك .. وميثه تتطالعهم وساكته ..
شمه تتطالع يدتها وتصيح وتمسح دموعها: يدوه بس لاتصحين .. الله يخليج .. امايه تعالي شوفي يدتيه تصيح ..
ام حمد عيونها تدمع وتتطالع عيالها : حمد بويه وين ابوك عيل؟
حمد :ابويه بعده ويه الرياييل .. يقولون قايد يمكن سار اعمان ..
يدوه تمسح دموعها بطرف شيلتها :حمد بويه نش ودني بيت عمك ..
وميثه تتطالعهم وسرحانه ..

ياموت خذني كم بدنياي عانيت .. خذني معك واعلن وفاتي عالملا..

وباجرها من الغبشه ساروا الرياييل يدورونه ..وسعيد وخليفه كانو بالمزرعه .. سعيد خلاص مستوي حطام انسان .. خلاص تعب ومب قادر يتحمل اكثر ..
خليفه يفكر:هزرك وين راح؟
وسعيد ميود الداس ويقص به الحشيش .. وسرحان ..
خليفه يطالعه : معقوله راح اعمان .. وودر جلفار ..
وسعيد صاخ ..
خليفه :مافكر بهله ..بامه اللى تحاتيه ..
سعيد يطالع العوانه :يحبها ..!
خليفه : يحب منوه ؟
بهاللحظه زقر عقاب خليفه .. وخليفه راح له .. وتم سعيد يقطع الحشيش .. وهو يضرب بالداس عالحشيش ..ضربت ع ايده .. وجان يباغم بصوت عالي ..
سعيد : آاااااااااااااااااااي .. وتم ميود صبعه والدم يصب عكندورته البيضه ..
وهو يتالم ويرفع راسه ويغمض عيونه :آي ..آي ..
وحصه ولطيفه كانو بالمزرعه في بيت السعف .. وحصه من سمعت صريخه ..ماقدرت افترت صوب الباب ولطيفه حاولت توقفها بس بدون فايده ..
لطيفه تمسكها من طرف عباتها : لا تتخبلين حصووه ..ردي ..!!
حصه بخوف :حرام عليج ..هذا سعيد ..هديني بروح له .. وربعت ..
حصه تتطالعه : شو فيك ؟
سعيد يطالعها ويتالم وساكت ..
حصه تتجدم صوبه وتشوف الدم عكندورته :عطني ايدك .. وهيه تتطالع الدم .. ذرفت دموع لا اراديا ..وهيه تتطالعه وميوده ايده ..
سعيد مستغرب :لا ماعليج بتخف بعد اشوي ..ماعليج ..
حصه تصيح :شو ماعليج .. صبعك انطر وتقول ماعليج .. وخذت طرف شيلتها وطرتها وربطت بها صبعه عشان يوقف الدم .. وسعيد منزل راسه ويحس بصياحها ..مب مستوعب نسى الالم من شاف غشوتها مبلله دموع ..
حصه : اشوي اشوي على عمرك ..ارحم حالك ..
وسعيد ساكت ومنزل راسه ..
حصه تتطالعه :اللحين روح البيت وارتاح اشوي ..
سعيد : بخلص شغلي وعقب بروح ..وافتر عنها سريع ..وهي واقفه تتطالعه .. وسعيد يترياها تروح .. وفجاه يت لطيفه وخذتها .. وهم يمشون .. وحصه ساكته وتتطالعه وراها ..
وسعيد يشتغل بضمير ..ويتذكر الميث ..

لا عادك الله يازمان .. خليتني معذب سنين .. من يوم انا عمري ثمان .. قلبي مع خلي رهين .. وش حيلتي من ذا الزمان .. يلي يلف به عاشقين .. حرمتني دعج العيان .. وادعيتني ف وده سجين .. كني عليه الموت حان .. واشوفني في الميتين .. بسباب حوري الجنان .. لي شد من داري ضعين .. هذا الزمن مابه امان .. ياكم فرق عاشقين .. نور القمر ماعاد بان .. وانا على فراقه حزين .. عذبت قلبي يازمان على فراق الغاليين .. عذبت قلبي يازمان .. عذبته .. آاااه ..

*للتنويه :كلمات الشاعر الأماراتي عبدالله الغيثي ..




















شو بيكون مصير ميثه وسعيد وقايد وحصه وسعيد ولطيفه وخليفه وعقاب ؟




تلع لعناق

 

[تلع لعناق]

رد : " الـــــــروح الغراميـــــــــة "

ايييييييييييييييه ابا رايكم بهالجزء ؟














يالله سي يو بعدين

 

[معاني]

رد : " الـــــــروح الغراميـــــــــة "

تلع العناق ..

في البدايه اشكرج..ع الجزء ..و التواصل الحـلو منج ..

و ثانيا..

فالج طيب بعلق ع الجزء ..

بس بعد ما نقرااااااااااااا ..

معاني ..:smile:

 

[روووح]

رد : " الـــــــروح الغراميـــــــــة "

مالت عليج انزين

اونه استانست يوم انا صحت


انزين اقووووووووووووووووول


ترى الاسلووووووووب واااايد حلو ماشاء الله عليج


بخبرج عن الطلب بس هب الحين عقب عقب

خل اكمل قصتج اول


الجزء الخامس ماقريته بعدني


الحين بقرااااااه

وعقب برد اعلق

لا تستبطيني

خ
خ
خ
خ


روووح تحييج

 

[قناص الآريام]

رد : " الـــــــروح الغراميـــــــــة "

السلام عليكم ورحمة الله وبركاته


تلع العناق

الوجه كالقنديل والخد اذهبّي والعين عين الشادن اليفلاني .. وشف نشّافي عله المتصّوبي من سلسبيل ينعش العطشاني .. نابي ردوف امعزّل مثل الدبّي غّض الصبا عوده عويد الباني .. لي من مشى تجف الخطا ومرتبّي شبه القطا توح اقدامه متواني ..

فيك الجمال مكمل بطيب واخـلاق... جل الذي صورك ياتلـع العنـوق
عين المها والخـد ياضيـه بـراق... ترف الصبا متزهي بعود ممشوق


.. القدر يقدر يفرق دروب كنا نمشيها لكن مستحيل يفرق قلوب عاش الغلا فيها



لا عادك الله يازمان .. خليتني معذب سنين .. من يوم انا عمري ثمان .. قلبي مع خلي رهين .. وش حيلتي من ذا الزمان .. يلي يلف به عاشقين .. حرمتني دعج العيان .. وادعيتني ف وده سجين .. كني عليه الموت حان .. واشوفني في الميتين .. بسباب حوري الجنان .. لي شد من داري ضعين .. هذا الزمن مابه امان .. ياكم فرق عاشقين .. نور القمر ماعاد بان .. وانا على فراقه حزين .. عذبت قلبي يازمان على فراق الغاليين .. عذبت قلبي يازمان .. عذبته .. آاااه ..


ما شاء الله

الله معاج بكل خطه من حبرج المبدع

حافظج الرحمن

أخوج قناص الآريام متابع ​

 

[معاني]

رد : " الـــــــروح الغراميـــــــــة "

لو تبكي عيوني الدمع دم ..مغرم انا بك حيل مغرم .. دوّن الزمان بالحب روحي .. ماأندم أنا عن الحب مااندم ..

ميثه : االله يعينج بس لا تستسلمين علشان ما تعيشين طول حياتج في نكد ابسبب ولد عمج..!!

قايد .. ياخي البنيه ما تباك ..و الناس كلها اتعرف حق شو متعلق بها زود ..؟؟بس وين اختفيت .؟؟

سعيد: لا تسمع كلام خليفه و تنسى ميثه ترا بتندم ..و مثل ما قلت القدر ما يقدر يفرق بين القلوب كثر ما يفرق بين الدروب.

خليفه: شكلك بديت اتحن ع لطيفه ..

لطيفه: الحكران يقطع المصران طنشيه..تمي ع جي ..

عقاب و حصه : اممممممممممم مدري و الله شو اقولكم ..

ننتظرالجزء الياي ..

معاني..

 

[تلع لعناق]

رد : " الـــــــروح الغراميـــــــــة "

أدري اني بطيت عليكم وايد
ماادري شو بلانيه هاجس الكتابه بعده ماياني !!!

والله ماادري شو فيني مستاءه من هالشي

المهم خلال هالاسبوعين الجزء السادس بيكون وياكم ..



اختكم
تلع لعناق

 

[معاني]

رد : " الـــــــروح الغراميـــــــــة "

تلع العناق ..

ونحن بالانتظار ..

معاني..​

 

[تلع لعناق]

رد : " الـــــــروح الغراميـــــــــة "

السلام عليكم ورحمة الله وبركاته ...


غناتي ليش مارديتي عالجزء ؟؟بسامحج هالمره .. بس ان طوفتي الجزء السادس بذبحج [SH10][/SH10]




الجزء السادس


رفع راسه بتعب وهو يتامل حوليه .. النخل .. العصافير الصغيره المتيمعه حول الفلج .. والشمس ظهرت من ورى اليبل و بدت تشرق وترسم ضوءها على الفريج .. دقايق ولاّ عقاب مجبل صوبه ووياه الريوق ..
عقاب يتفحص ايد سعيد :مامن شر؟شو بلاها ..!!
سعيد يطالع صبوعه ويتذكر البنيه :الشر ماييك .. اه .. رفعت الداس وبالغلط طاح على ايدي .. وانطر صبوعي .. وسكت .. وهو يطالع عقاب بنظرات .. ويتذكر البنيه ..
عقاب يتريق :اقلط ..
سعيد يسند راسه عالييدار:آااااه ..
عقاب بنص عين :شف .. هالتنهيدات اللى من الخاطر وراها شي ترا !! شو صايبنك ؟
بهاللحظه ابتسم سعيد .. ابتسامه اتذوب الصخر وتخليه سايح ..
عقاب : مب علينا .. الضحك ماهو علامه واحد مستريح ..
سعيد يتذكر ميثه .. بحسره : ومن قال اني مستريح ..
عقاب : تراني مااحب اتدخل .. بس هالمره برز بويهي .. اشرايك ؟
سعيد يطالعه وبشاعريه :أريد ابكي على قلبي وتخنقني انا العبره .. واحس بدمعتي الحرى على محجر عيوني تجول .. تبي تنزل واعاتبها تقول اش فيك مغتر؟ .. واقول الصبر يا دمعه انا وانتي نخل واخيول ..

*للتنويه :الشاعره الاماراتيه مطلع الشمس ..

عقاب يطالعه ويتذكر الميث : صدقك .. اقول الصبر يادمعه انا وانتي نخل واخيول ..
سعيد يطالعه ويعدل يلسته: وانته !!! من يومين حالك مب عايبني ؟
عقاب وقف اللقمه ع ثمه : سبحان الله .. وهز راسه بابتسامه باهته ..
سعيد يتامله :حتى الابتسامه من ورى خاطرك ؟
عقاب :سبحان الله انته حسيت بي .. واربيعي عبدالله اللى هو اربيعي ماحس بي .. سبحان الله ..
سعيد :جن فخاطرك رمسه ..ارمس ؟
عقاب يتذكر ميثه :آاه .. خلها على الله .. الله كريم ..
وعالضحى راح سعيد يتمشى عالبحر .. وهو يطالع الاولاد يلعبون ويصرخون ويضحكون من القلب .. ماعندهم هموم او شي يحاتونه .. شرات ماكانو يهال كان كل همه اللعب .. يلس يتذكر كل بقعه جمعته ويه ميثه .. كل مكان حصل بينهم حديث انحفر بقلب سعيد بحب وشوق .. كل همسه همسها بين نفسه من يشوفها ويتاملها .. لحظه ماكانو يتواجعون ويه بعض ولحظه ماكانو يضحكون ببراءه .. ميثه غدت شي مستحيل بحياة سعيد .. مستحيل .. آه .. لو فرقونا داخلي حب مامات .. الحب واحد مايجي حب ثاني يا اجمل مامر من عمري من اوقات يافرحتن مني سرقها زماني .. افز من نومي على الخد عبرات واقول لدموعي وش فيك ؟ مايفيد واللى راح .. انتهى ..
سعيد من خاطره :آااااه ياقلبي ..كم بتحمل !!!
بذيج اللحظه ميثه ويه مزنه يالسين في الليوان ..
مزنه بحزن:سعيد غير ..متغير واايد .. حتى الاكل مايذوقه ..
ميثه بحزن : فديته علني ماذوق حزنه .. عله فيني ولافيه .. وتفتر صوب حجرته بحنين ..
ونشت بدون لاترمس ..
مزنه تتطالعها ومستغربه :وين بها ؟
ميثه تتطالعها: حجرته ! .. عادي ..
مزنه هزت راسها بحزن ..
وميثه تمشي صوب الحجره .. وهي متردده تدخل ولا لا .. قلبها يسوقها لهالمكان .. ريحه الدخون كانت شاله الحجره .. وهي واقفه عند الباب خنقتها العبره .. تتطالع كل شي يخص سعيد .. شافت الرسمه اللى رسمها .. والروح الغراميه .. قرت اسمها واسمه.. رسمه العيون اللى تذرف دموع .. هذي حياتهم .. دموع وفراق .. بهاللحظه نزلت دمعتها .. شبريته والجمبل .. العقال معلق في مكانه.. المنظره المكسوره .. الخرس .. كناديره .. التذكارات اللى كانت بينهم .. الورد المجفف .. كل شي انتبهت له .. وهي تمرر صبوعها على دريشته .. وتمسح دموعها بايدها الثانيه .. وتتامل البحر من الدريشه .. تسمعه يثور ويصرخ شرات قلبها الصغير .. بدت تفقد الامل .. حست بحد واقف عند الباب ..
ميثه تفتر وراها :سعيد !!!
سعيد مستغرب من وجودها هنيه :ميثه !!!
ميثه حطت الغشوه .. وظهرت سريع ..
وهيه طايفه :السموحه ..
وسعيد لز عطرف .. وهو يطالعها لين مااختفت عن نظره .. تم يناظر الصبّه ..يتاملها معقوله هذي ميثه اللى كانت هنيه ..!! الله رحمني .. لك الحمد والشكر يارب ..
مزنه :سعيد !!! متى ييت !! وتفتر حولها ..
سعيد :تصدقين ميثه كانت ف الحجره .. شفتها بعيونيه ..
مزنه تتطالعه : روحت ..
سعيد يبتسم:هيه .. من شافتني استحت مني وظهرت ..
وميثه من وصلت البيت تمت تصيح بحجرتها .. حلم يموت وتالي الحب مامات ..في عشرة العشاق عهد ومبادي .. اوقات اقول انك شفا الجرح واوقات اقول انك نفس الجرح ماله ضمادي .. يا ابعد من الاحلام واقرب من الذات ..كنك معي بين الحنايا تنادي ..
ومرت الايام الكئيبه .. والحزن استدل ستاره على جلفار .. ويطرق ابواب حياة ميثه وسعيد .. ووايد أمثالهم .. وقايد مابين .. والشيخ علي أمر عقاب وسعيد وخليفه يسيرون اعمان يدورونه .. وميثه منقهره من الاوامر اللى يطلعونها ويكون سعيد فيها ..
ميثه بغيض :هو مب ياهل عشان يدورونه بكل بقعه ..
يدوه ظبيه :وانتي شلج بالولد .. اعوذ بالله من شرها .. وتنش .. ادعيله يرد بالسلامه ويريح هله ..
سلامه : حليلها والله عمتيه ماتنام الليل وكله تهاذي به ..
يدوه ظبيه : لازم الضنى هذا ..
ميثه مب حاسه بعمرها :اللحين استوالهم يومين مغيبين عنا ..
سلامه :منوه هم ؟
ميثه :اللى سارو يدورون ولد عمج ..ووف مالت ع شيفته يتم هناك اخير له ..
مريم تضحك وتيلس جدا سلامه :هههههههههههه وانتي ليش تبغضينه ..حرام عليج ..
سلامه :شكلها الميث تشوف به شي ونحن نشوف به شي ثاني ..
عفره : لالا .. انا اول مره اشوف وحده شرات ميثوه خطيبها مايعرفون وين داره ؟ياكل ولا يشرب ؟؟ وهي ابد مب مستهمه منه ..
ميثه عطت عفره نظره ونشت عنهم بغيض .. وسارت صوب امها ويدوتها ..
ميثه محطيه ايدها عخصرها .. :يدووووه ..
يدوه اطالعتها :شو فيج ؟
ميثه تاشر بايدها:رمسي بناتج .. قوليلهن ان يابن طاريه ولد عمهن .. بتقصبينهن ..
والبنات عطرف ويضحكون ..
يدوه تعدل برقعها :يوزن عنها بنات ..
ميثه بغيض :اكرهكن ..
عفره : فديتج ميثاني تعالي ..
ميثه :لاتيبون طاريه ..
عفره :لامحد بيرمس عنه .. تعالي يلسي ..
ميثه :اوووه يومين وايد .. ظنج بيغيبون اكثر عن يومين !!
عفره :يستوي ليش لا ..
سلامه :اوه .. من اللحين مشتاقه !..
ميثه عيونها تلمع :لمنوه ؟
سلامه بخبث :اظاهر قلبج بدى يرفق بحال ولد عمج قايد ..
ميثه تنش :والله مب مستهمه منه ..


ومر ثالت يوم ..
وعبدالله بحجرته ويلوم روحه هو السبب .. باواخر الايام ضغط عليه وايد بسالفه بنت عمه ميثه ..
سلامه محطيه ايدها ع جتفه وبحنيه: عبادي لا تحمل نفسك فوق طاقتها ..سالفه قايد انته مالك ذنب فيها .. واخوك مصيره بيرد ماله اهل غيرنا .. وبعدين هو ريال ماينخاف عليه .. ولا اشرايك ؟
عبدالله يطالعها :سلامه .. انا مب هامني قايد وغيابه عن البيت كثر شوفت اميه وصياحها له ليل ونهار .. يعني انا سبب فكل دمعه تنزل من عيونها .. انا ..
سلامه : بيرد ان شاء الله و عمك مطرش الشبيبه يدورونه.. وصدقني هو مايهون عليه يودر ميثه .. تعرفه متعلق ابها وايد ..وبنشوفه معرس جريب ان شاء الله .. بس انته ادعيله ..
عبدالله متردد : ماادري ..بس اذا استوا به شي ..
بهاللحظه حطت سلامه صبوعها ع ثمه :لا تقول جيه .. تعوذ من الابليس.. قايد مافيه الا كل خير .. رح صل ركعتين ادعيله يرد وعشان تريح قلبك ..
عبدالله يحب راسها :فديتج ..كلامج يريح والله .. الله يخليج لي ..
سلامه : يلستك ف الحجره مابتفيد .. رح فازع عمي واخوانك اخير لك بدال هاليلسه جنك حرمه ..
عبدالله بعين حاده :بذبحج سلامي !!!
سلامه تضحك : ادريبك من ورا خاطرك .. وتنش بصعوبه ..
عبدالله يلبس كندورته :اقول سلامي تمي ويه اميه ونسيها ولاتخلينها تذرف دمعه وحده ..
سلامه تبتسم له :ان شاء الله ..
عبدالله ذاب من الابتسامه ويهز راسه: حسبيه الله عليج ..
سلامه عند الباب وبخوف :شوه ؟ ماسويت شي انا ..!
عبدالله يصرخ : ياااااااااربيه كيف احبهاااااااااااااااااااااااااا.. ابسرعه اظهريه …
سلامه ضحكتله بغنج وظهرت ..

وهناك ابعيد عن جلفار في السلاسل الجبليه مابين اعمان وجلفار .. سعيد وخليفه وعقاب ويه قايد .. يالسين في الصفّه (بيت من الصخور) .. وقايد يالس ايمع الحطب ويحطه في الموقد اللى مسوينه ع طرف الصفّه ..
قايد :مااريد ارد وياكم .. ردو روحكم وبعددكم ثلاثه .. مب ياي وياكم هني مرتاح انا ..
عقاب يطالع ربعه :هلك يتريونك .. الفريج كله مجلوب فوق تحت .. وامايتك مب فحاله ياقايد ودر عنك العناد صدقني مابيفيدك بشي..
قايد توله لامه :فديتها ..سلمو عليها ..قولولها اني ابخير ومافيني شي ..
خليفه : خل عنك بتروح ويانا ..
قايد يتذكر ميثه :آااه .. ماريد والله .. لاتغصبوني على شي انا ماريده ..
عقاب :شو المانع ..؟
قايد : جيه مرتاح .. اريد اريح ناس مني ومن شوفتهم لي .. بهاللحظه افتر سعيد صوبه ..
خليفه يهز راسه : صدقني سعيد قلبه نظيف وابيض .. وهو اول واحد طلب من المعزب انه ندورك ..
قايد : بس انا اريد بنت عمي وهي ماتبانيه .. احبها والله .. بسببها انا مودر الفريج .. ويحرك الحطبه عالضوى بغيض.. ويتذكر غرور بنت عمه ..
بهاللحظه سعيد غمض عيونه من حرقه اللى يسمعه .. وعقاب حس بغصه بحلجه وماقدر يكمل رمسته .. وخليفه حاس بسعيد ولاانتبه لعقاب ..
خليفه يحط ايده ع جتف سعيد :عيل نش وبتلقاها تترياك ..
قايد : انا قلت رمسه وحده وخلاص .. مب راد يعني مب راد ..جم يوم وبكون في اعمان هانت خلاص وصلنا ..وبامن حياتي هناك ..
عقاب : يعني بتودر بنت عمك ..!
قايد تراجع برمسته:لا .. باخذها .. اقولك احبها احبها مووووت .. اذا ماتصدق شق صدري وشوف شو لها داخل ضلوعي ..
وسعيد يطالع كل هذا وفاج عيونه على وسعهن .. ومب قادر يتحمل زوود .. يحبها ؟؟؟ يحب ميثه غناتيه ..حرام هالموت البطئ ..مااقدر اتحمل اكثر ..
عقاب :عيل نش ..
قايد يفكر :وان ماوافقت ..
والكل ساكت ..
خليفه :قم وانا اخوك ..
سعيد يفتر ع يمينه ..

زمان تعند غدالي عنيف .. سقاني همومه جرعت الهموم .. فهم يروّح وهم نكيف .. وعبرات تصلا بصدري سهوم .. وجفن غدا للكرا له معيف .. يحاول يغضّي ولا يجيه نوم .. وتدمع عيوني بوبل ذريف .. من الوقت يلّي غدالي خصوم .. وش اللى اسوّي بحظ خليف .. أبدا ولا قد تعدّل بيوم .. واذا هب نود عليّه مريف .. جدد جروح بقلبي تدوم .. والقلب ينبض وجرح نزيف .. والناس حولي وخايف تلوم .. واصبحت كني كسيح وكفيف .. ولا لي عضيد بحالي يقوم .. أنا مثل يلّي بحمرا المصيف .. والماي حوله ومنه محروم .. ويصلاه حر يقصه نصيف .. ولا يشوف حتى ظليل الغيوم .. وش اللى أسوّي بلايه كليف .. على الحال صابر بكل العزوم .. ولا لي سو ا الصبر أشوفه صريف .. لزوم أتعدل وتفرج لزوم .. ويالله تسعف وعبدك ضعيف .. تفرّج أمابه وانته رحوم ..
*للتنويه : الشاعر الأماراتي محمد العامري (العنيد ) ..

ومرت الايام .. وفي مره من مرات الروّاح .. قوم ميثه يالسين في الليوان .. وميثه كانت يالسه عطرف اشوي يعني ابعيده عن لمتهم .. كانت تراقب الشمس اللى خلال ساعات راح تغيب ..
مريم تحطي حراره اللقيمات في السماط :يدوه ماحدرتي صوب حرمه الشيخ علي .. بنتهم اليازيه ربت ..؟
يدوه مستغربه :ربت !!!
سلامه تضحك :يدوووووووه .. جم مره قلت لج اليازيه بنت علي ربت !!
يدوه تتذكر:هيه هيه .. اليازيه .. شو يابت ماشاء الله ؟
سلامه :ولد وسمته عقاب .. الفال لي ان شاء الله و أقوم بالسلامه .. فديتج يدتيه سيريلها باجر تراها وايد تتخبر عنج ..
يدوه :ان شاء الله .. اذا الله راد ..
مريم تتطالع سلامه :حبيبتي سلامي ان يبتي ولد شو بتسمينه ؟
سلامه عيونها تلمع :امممم انا وعبدالله متفقين نسميه لافي.. اشرايج يدوه مب غاوي ؟
يدوه :لالا !! سميه على اسم ابوج .. سعيد ..
مريم :يدوه عفره بتسمي ولدها سعيد .. نحن جيه متفقين ..
بهاللحظه افترت ميثه صوب يدتها من سمعت اسم سعيد .. ويدوه شافتها ..
يدوه : ميثه اميه .. ليش يالسه روحج قربي صوبي ..
بهاللحظه نشت ميثه ويلست جدا يدوتها ..وهيه محطيه راسها عصدر يدوتها ..ويدوه لاويه عليها ..
ميثه :هيه صدقها يدوه ..سلامه جيه ماتسمينه سعيد ..
مريم :اللى يسمعكم يقول انها خلاص بتيب ولد ؟
سلامه :هيه والله .. يمكن بييب بنوته حلوه شراتي ..
يدوه فرحانه لوناسه بناتها :وشو بتسمينها ؟
سلامه تشل ايد يدوه وتحطها حول جتفها : اشرايج باسم المها .. اللحين مايحق لج تعترضين يدوه !! عبدالله وايد عايبنه هالاسم ..
مريم مندفعه :لالالالالا سميها ظبيه .. ع اسم يدوه ..
والكل يضحك .. بهاللحظه سمعو حد يهود ..
حمد :هود ..
والبنات تغشن وتوهن بيربعن الحجر..
يدوه :هدا .. مرحبا الساع مرحبا الساع
حمد : يلسو يلسو محد غريب الا ولد عمنا ..قرب قرب قايد ..
قايد :السلام عليكم ..
وميثه من سمعت اسم قايد كانت بتنش بس يدوتها لاويه عليها بايديها ..
يدوه بتنش .. بس قايد : والله ماتنشين .. وحبها ع راسها .. اشحالكم ؟
يدوه :يسرك حالي ولديه .. الا اشحالك انته ؟واشحال ربعك ؟
قايد يطالع يدوته :أنا ...آه يايدوه مشتاق .. مشتاق لج مووت ..
وميثه من سمعت رمسته افترت بتروح ..
قايد : ميثه ..
ميثه عاطتنهم ظهرها .. وواقفه ..
قايد : ما تخبرتي عني من يوم ييت .. حتى الحمدلله عالسلامه مستكثرتنها عليه ..!
وميثه دخلت حجرتها وحقرته عن خاااااااااااااطر .. بس قايد ماتاثر من الحركه .. بنت عمه ياما جرحته وجفت به يعني هالشي مب يديد عليه متعود .. ومن هالحركه حمد عوره قلبه على ولد عمه .. حط نفسه بمكانه شو بيكون موقفه .. والله ليودر هالبنيه اللى ذالتنه ذل .. ايهبي ابنيه تردني او تجفي بي ايهبي .. هني حمد حس بقايد ومدى تعلقه باخته .. وابتعاده عن الفريج بسبب ميثه بين له كل هذا .. وعرف انه يحب اخته موووت ومستعد يسوي كل شي عشان توافق عليه ..
ومريم عشان تغير الجو :قايد ايلس اتقهوي ..
وميثه في الحجره ميته غيض منه ويالسه تتحرطم .. وهيه تتطالع الدريشه وغروب
الشمس ..
ميثه :اونه مستكثره عليه السؤال .. هه .. يتحرى عمره سعيد أتخبر عنه !!! ولا في الاحلام حتى .. وايد مصدق عمره !!
وهيه تتطالع هالمنظر ..حزينه لحظت المغرب .. تموت الشمس مجبوره .. هذي أنا دونك يا سعيد بنفس الشكل والصوره ..
وقايد من ظهر من بيت عمه سار صوب الحلاق .. وهناك تلاقى بغيث ..
قايد :السلام عليكم ..
الكل يرد السلام .. وينش غيث يوايهه .. وقايد متلوم من عمره ..
قايد : غيث ..والله ماادري شو اقولك ..سامحني على كل كلمه شينه سمعتها مني ..
غيث : افا والله نحن مابينا هالرمسات ياقايد ..
قايد يضحك :تصدق اللحين عرفت قدري عندك ..
غيث :بس انا لين اللحين ماعرفت غلاتي عندك ..هههههههههههه
قايد :لالالا غلاتك بالحفظ والصون محد ماخذ مكانك ..
وبجذه ردت علاقه قايد بغيث شرات اول .. وقايد فتح له قلبه وخبره بكل شي ..وكل اللي يخص بنت عمه ..
غيث :ماعرفت شو احساسها صوبك؟ ..
قايد يهز راسه بحسره :ماادري شو اقولك .. مرات احس انها تحبنيه .. ومرات احس انها تتمنى موتي .. مادري ماادري والله !! .. بس بيني وبينك عرفت الموت بحبها .. تبى الصدق ؟حبها منحوت بقلبي .. وغدت مني وانا منها .. واحس بقلبي مفروش لها بالياقوت .. وصدري قصور ومدن وبيوت وهي الشيخه الوحيده اللى تحكمني ..
غيث: بتخبرك ؟ انته ليش شال هموم اكبر عنك بنت عمك بتاخذها بتاخذها والشور شور ابوها مب شورها ..ولا شو الراي ..؟
قايد يفتر بغيض:تحمد ربها وتشكره ..
غيث يضحك :وتصلي قيام الليل كل يوم ..
ويضحكون ..
قايد :ماادري .. مغتره بعمرها وايد .. غير عن خواتها ..
وبهاللحظه ظهر سعيد من المسيد بعد ماصلى ركعتين زياده على صلاه المغرب .. وبدربه شاف اربيعه خليفه وساروا اقهوة بوحارب ..
مزنه كانت فبيت ميثه وعفره يالسه تحنيهم .. وكانو يالسين في الليوان .. ويدوه تسحي شعر الهنوف .. وميثاني تاكل اللقيمات وتلقم مزنه وعفره ..
مزنه تتطالع النقوش اللى عفره يالسه ترسمها لها في صبوعها : .. الله ياليت لو عندي خوات شراتكن ..والله وناسه ..
ميثه:الا بختج انتي .. البزى والدلال كله لج ومحد يشاركج به.. سكتي بس سكتي ..
مزنه :هه .. الله يخليج أي بزى واي دلال انتي الثانيه ..
عفره مندمجه وتحني :مزنه انتي الاخت السادسه ..
ميثه تثور :لالالالا مب اختنا .. ماتستوي .. هذي بتكون ..
مزنه تقطعها :ميثووووووه بزعل والله ..
ميثه :ههههههههههههههههههههههه ياويلي عالمستحى ..
وشمه كانت تمشي في السكه توها طالعه من بيت عمها ووياها راشد ولد اختها .. وقايد كان يمشي عكسهم ومن شافهم ..
راشد يباغم :عمي عمي ..
قايد :حي هالشوف .. اشحالج شمه ؟
شمه من ورا خاطرها :ابخييييييير .. ومشت وراشد يرمس ويه عمه ..
قايد :شمه ..؟
شمه افترت وراها :شوه ؟
قايد حسها ميثه بهاللحظه بطريقه ردها : قولي لبيه مب شوه ؟
شمه تعلي حسها:انزيييييييين .. قلنا لبيه .. شو تريد ..؟
قايد :عنلااااتج من ياهل مصدقه روحج .. يالله قومي دشي البيت ..
شمه تاشر بايدها :اوووووه سير.. ودخلت ..
قايد يطالع راشد اللى مشى بخطوات :وانته وين بتروح ؟
راشد يمشي :بيت يدي ..عقب خبرنيه السالفه ..
و شمه من دخلت وهي تربع صدمت بمزنه ..
مزنه :اووووووه شماني خربتي حنايه ..
شمه تضحك بصوت عالي :هههههههههههههههههههههههههههههههههه مااقصد والله ..
مزنه تفتر صوب الليوان :ميثووه تعالي شوفي شموه خربت كل شي ..
وميثه نازله من الليوان :شو فيج تضحكين ؟
مزنه تمد ايدها :شوفي اختربت حنايه ..
شمه تاشر ع خشم مزنه :اطاعو خشمها فيه حنه ..وتضحك ..
مزنه تتطالع ايدها :اهئ اهئ حرام شمه .. بذبحج ..
وميثه يالسه تضحك وتمسح الحنه اللى على خشمها بطرف شيلتها : ههههههههههههههه بس بس حبيبي لاتصحين هههههههههههه ..
بهاللحظه افترت ميثه لشمه اللى ماوقفت من الضحك : بتخبرج انتي عشو تضحكين .. !!اطاعي كشتج روحها محنايه ..
وشمه يالسه تتحسس راسها وتضحك :عادي ..
ومزنه وميثه يضحكون عليها ..وام حمد سوت حراره اللقيمات لمزنه تاخذها صوب هلها .. وبما ان مزنه متحنيه ..شلت شمه الحراره ..ودخلت ميثه البيت ومزنه تمشي في الممر وشموه سبقتها لبيتهم .. وهيه تمشي جافت الباب مفتوح .. وهيه تمشي .. وهو كان يربع ودفش بالباب بقوه ومانتبه لمزنه .. صدمت به وايدها لامست صدره ومن اللمسه وارتبشت مزنوه وطاحت غشوتها .. وتخيست كندروته بالحنى .. وهو يطالعها ويطالع كندورته .. وهي ماحست بعمرها الا تمسك غشوتها وبايدها المحنايه وتردها عويها .. وتظهر ابسرعه .. وهو واقف مكانه يستوعب الموقف ..مب مصدق .. وميود راسه ومغلغل صبوعه بشعره .. ماحس بعمره الا يوم شمه زقرته ..
شمه تتطالع الحنى اللى بكندورته :حمد شو ياك هني ؟
حمد يطالعها وبعده مب مستوعب :جب .. انتي من وين يايه تربعين ؟
شمه :امايه طرشتني بيت راشد اوديلهم اللقيمات ..انته شو تسوي هني ؟
حمد :ماشي توني ياي من ميالس العرب ..
شمه تيود الحنى بكندورته : هذا شو ؟؟يعني انته اللى خربت حنى مزنه ..
حمد مستحي:جب يالله شو هالرمسه بعد .. هذي شو يسمونها ..اه ..هيه ميثه بالغلط طاح عنها .. أونه اربيعة ميثووه ! وين تبين انتي !!
شمه بخبث :هيه هيه قص عليه ههههههههههههههه .. وربعت ..
وحمد لحقها ومسكها من جتفها.. وشلها فوق .. وشمه تزاعق ..
شمه :لاااااا ماااريد بطيح بطيييييح نزلني .. يدوووووه .. ابويه ..
حمد يضحك وهو يمشي:ياااااويلج ان خبرتي اختج .. بعضج .. تفهمين ..؟؟
شمه تتطالعه :انزين نزلني خيستني حنى ..
بهاللحظه ظهرت لهم ميثه وهي محطيه ايدها عخصرها : لا والله !!!حمد !!!شو مسوي .. ؟شو اللى ماتخبرني؟ .. شموه رمسي ..بذبحج ترا ..شو مسوي من وراي؟ .. ليكون صارق بيزاتي اللى ميمعتنهم .. قووول ؟؟؟
وحمد ينزل شمه ومتغير ويهه خلاص راح ينفضح ينفضح ..
وميثه اشوي وبتصيح ومن سكوته :يعني صرقت بيزاتي ..!!( ومشت وهيه تباغم) .. عيل والله هالمره مابسكت والله بخبر ابويه .. (وسارت تمشي سريع ).. وقسم بالله ان شفت ربيه وحده ناقصه لاجلب البيت فوق راسك ..
ومن حشرتها ظهرت يدوه :لا اله الا الله شو مستوي عليكم ماتخلون الواحد يرتاح ..شو فيج ؟
حمد يدس الحنى بسفرته عن تشوفها يدوته : يدوه اشحالج ؟
يدوه محتشره :والله ان ضاربت البنات العلوم بتوصل لبوك ..الهرم يوز عن اختك ولاتقرب صوبها ..
حمد يدافع عن عمره : الله يسامحج يدوووه ..ماسويت شي .. ودخل حجره ميثه ..وشمه وراه ..
ميثه تحسب الفلوس وساكته .. وشمه تضحك .. وحمد خايف لاتفضحه شموه ..
حمد :والله ماخذيت شي ..حسبيهم بعد ..
ميثه تقطعه :لا تحاول بحسبهم ..شو وراي .. هذي ربع وهذي نص ........
شمه تتجدم صوب حمد وتنشع سفرته من صدره وتربع ابها وتظهر برع تضحك ..
وميثه تشوف الحنى وتستغرب وحمد مستحي ومب عارف يركب جمله وحده .. ومنقهر من شيطنه اخته الصغيره ..
حمد مستحي :ماعليه يالنسره ماعليه ..
شمه من الدريشه :هههههههههههههههههههههههههههههههههههه ..أخبرها !!!
بهاللحظه نشت ميثه وسكرت الدريشه والباب ..وعرفت على طول انه السالفه فيها مزنه ..
حمد مستحي :شووووه .. اقولج والله ما كنت قاصد يالس اربع والباب كان مفتوح واندفشت وماحسيت ابها ..
ميثه : والفضيحه والفشيله .. فشلتني جدامها انا باجر وين اودي ويهي منها .. انته بتخبرك منوه لاحقنك ومتحلفبك يضربك وياي تربع ومغبر الدنيا وراك ..!
حمد مستحي ومنزل راسه: جب جب ..
ميثه : والفضيحه .. لا بصدرك بعد !!! .. يالفشيله ..ادريبها اللحين بتتعذر وبتم سنه كامله ما اطب هالبيت ..
حمد :برايها ..والله !!
ميثه بخبث :برايها ..ها ..
حمد يتجدم صوبها :شوه ..!!ماسمعت شو قلتي ؟
ميثه تنش وتروح فوق الشبريه : برايها من ورى خاطرك ادريبها .. وتلحف عمرها باللحاف ..
حمد يشل اللحاف وير عقصها: شو قصدج ..!!
ميثه :آي ..يدوه يدوه لحقيني ..
حمد يحطي ايده عثمها :جب .. رمسي اربيعتج من خطبها ؟
ميثه ادزه ابعيد وتعدل شعرها : مابخبرك .. آي شعريه كله تمطه لي .. بخبر يدوه والله ..
حمد :رمسي ولا باخذ بيزاتج ؟
ميثه تعدل عقصها : لا والله !! وانته ليش تتخبر عنها .. مالك حايه ببنات خلق الله ..ما يسد اللى استوى من ساعه .. والله العظيم ..
حمد يفتر عنها : مب اللى في بالج ..(وبحزن) خلاص انخطبت .. بس تصدقين ماشاء الله عليها من طاحت غشوتها ..ماافتكرت بالحنى اللى بايدها ابسرعه ردت الغشوه عويها .. ماشاء الله عليها .. (ويفكر بعمق) أغلى شي فالبنت عفتها وصيانه كرامتها .. وعزّة نفسها ..
ميثه تتطالعه وحست انه مب حمد اخوها .. اول مره يفتح لهم قلبه جيه .. كان يرمس من خاطره .. وميثه تتطالعه وسرحانه به وبنفس الوقت تتذكر سعيد .. وحمد يطالعها ويشوفها سرحانه ..
حمد يطالعها وينش ويحط اللحاف فوق راسها وينزل راسها للشبريه وهي تباغم ..ويظهر ..
وباجرها .. ميثه نشت من الغبشه ويلست تسوي اقهوه وريوق ..وهي تحط السماط في الليوان شافت ابوها واخوها يايين من المسيد ..
حمد :السلام عليييكم ..
وردو السلااااام ..
ميثه تتجدم صوب ابوها : وعليكم السلام ورحمة الله .. صبحك الله بالخير يالغالي .. وتحب راسه ..
بوحمد : صبحج الله بالنور.. بارك الله فيج ..
حمد : ميثووه شو مسويين لنا ريوق ؟
ميثه تخطف عنه : يدوه مسويه بلاليط وانا سويت رقاق ..
وبوحمد يطالع بنته .. كبرت ميثه وغدت حرمة بيت .. ماشاء الله عليها ..
ومن عقبها الكل راح شغله وميثه دخنت البيت ورتبت كل شي وحطت الفواله في الميلس .. وسارت تاخذ العلوم الدينيه .. وهي تمشي ويه البنات كانت ساكته .. ولطيفه استغربت من سكوتها .. مب بالعاده ..!
لطيفه :ميثوه عسى ماشر ؟
ميثه بنبره حزن :مافيني شي ..
وطول ماهم يدرسون ولطيفه بالها مشغول على اربيعتها .. عمرها ماشافت ذيج النظره الكئيبه بعيون ميثه .. تحيد عيونها فيها روح وحياه .. بس هالمره ابد غير .. وهن ظاهرات من عند الحرمه ..
لطيفه : بنات اشرايكن نتمشى اشوي جدا البحر ؟
ميثه :هيه والله ..خاطريه دخيلكن بنات ..
وسارن وهن يمشن ولطيفه خاطرها تسحب من ميثه رمسه بس مب عارفه كيف .. وهن يمشن وصلن عند الرمل الابيض .. بهاللحظه افترت حصه عيمينها مكان الصخور العوده ..
حصه :بنات بنات تغشن ..ريال هناك ..
مزنه :وين وين .. ماريته ؟
والكل يفتر صوبه .. وميثه تمت ادقق به عرفته من بنيته وعظمته القويه .. سعيد .. كان يالس ومعطنهم ظهره .. ومحد عرفه غير ميثه و مزنه مااهتمت .. حصه ومزنه متجدمات ويلعبن بالماي .. وميثه ولطيفه يتمشن ارواحهن ..
لطيفه :ميثوه بصارحج بشي ؟
ميثه مب حاسه بعمرها كل اشوي تتطالعه :رمسي شو فيج ؟
لطيفه متردده : ماادري .. احس انج .. تح (وبصوت واطي) .. تحبين ..!
ميثه تتطالعها.. وماعرفت شو تقول تمت ساكته نص ثانيه .. كل اللى نطقت به ..
ميثه :أاا ..وتمت تتطالع سعيد مااقدرت تنطق وتقول شي .. وادس مشاعرها ..
لطيفه :ميثوه احسبج شاله هموم اكبر عنج .. واللى اكد لي هالشي عيونج .. وغير هذا رفضج لولد عمج واخو حصه ..
ميثه منصدمه وبنفس الوقت مرتبكه :شوه؟ وأخو حصه شو خصه فيني !!
لطيفه مستغربه :لاتفهميني غلط ميثوه .. والله انا حاسه بج ..(وتتذكر خليفه .. )
ميثه تقاطعها :لحظه لطووف ..ليش قلتي اخو حصه ؟هو شو يخصه بسالفة ولد عمي ؟
لطيفه :لانه خطبج وابوج قاله انج لولد عمج .. وانتي ماتريدين ولد عمج ..وانعزالج في البيت ونظره عيونج خلتني احس انج ..فحياتج حد ..
وميثه تسمع هاكله وصاخه ومنصدمه ..وودها تصرخ ودها تنوح وتشاهق .. ياربي ليش جيه ليش ؟؟ اذا ابويه وعمي ماقربو بولد الشيخ علي ..معناته اني اكيد بعرس قايد .. وسعيد !! بيستوي شي مستحيل حتى التفكير به شي مستحيل ..
لطيفه تتطالع شحوب ويه ميثه : ميثوه صدقيني انتي الاخت اللى مايابتها اميه من بعد حصه .. لاتزعلين مني هالرمسه منزمان اريد اسمعج اياها من حسيتج متغيره ..
ثواني وهي مفتره عن لطيفه .. وتطالع سعيد ..
ميثه تيلس عالطين :أحبه لطوف أحبه .. وبدت العبره تخنقها ..
لطيفه تلوي عليها وساكته .. وغامضتنها وايد ..
لطيفه :يوّلون ميثوه .. اللى مايبانا مانبيه .. ربج خلقنا وهامتنا فووق وناخذ من الدنيا تجارب ونتعلم منها ولا شو رايج ؟
ميثه وهي تذرف دموعها:انتي شو تقولين ..سعيد يحبني .. نحن نحب بعض من يوم كنا يهال .. عمرنا مالعبنا بعواطف بعض .. حبنا عذري وطفولي ومابه تشويه .. سعيد خطبني بس هلي ردوه بسبة ولد عمي .. شوفي حاله (تاشر عليه ) ..عمري ماشفته بهالمنظر .. ماتتخيلين شكثر نحب بعضنا ..مااتعرفون ... وتصيح ..
ولطيفه صاخه وتتطالع سعيد اللى ماشل راسه ولا صد لهن مع انه ضحكات مزنه وحصه وايد عاليه .. بس كان غارق بهمومه .. ولا افتر لهن ..
لطيفه تطالع حصه :تحبين سعيد ولد راشد !!!
ميثه :مب بس احبه .. انا اعشق التراب اللى يدوسه بريوله ..
وتمت ميثه تفضفض لربيعتها بدون ماتحس بعمرها .. ولطيفه منصدمه .. ربعها الثنينه اللى تموت فيهم حصه وميثه واهبين قلبهم لنفس الشخص .. بس يمكن ميثه ارحم لان سعيد يبادلها نفس الاحاسيس .. بعكس حصه يتيمه المشاعر .. وعقاب اربيعه يحب نفس البنت اللى يحبها سعيد .. شو هالدنيا !! وقايد ولد عمها شاريها ويريدها وهيه عايفتنه .. وانا .. انا اللى احبه جرحني جرح لحد اللحين ينزف ومااظنه بيبرى ..
ميثه بعد ما ارتاحت اشوي .. وشافت سكوت لطيفه ..
ميثه وهي تمسح دموعها بظهر كفها:وانتي بعدج تحبين خليفه ولا رمسه يهال ؟
لطيفه :انا حالتي مب اخير عنج .. وقالت لها كل شي ..
وميثه : لطوف اسمحيلي اقولج انج ماعرفتي تختارين الطريج الصح ؟
لطيفه :ادري .. الورد كان اكبر غلط سويته بحياتي .. بس والله مب بايدي .. احبه وايد .. ماعرفت كبف اوصله شعوري .. غير بالورد ..
ومااقدرت تستحمل ولوت على ميثه .. وميثه تشوف حالتها جدام حالة لطيفه ولا شي .. على الاقل هي وسعيد فاهمين بعض ..اما لطيفه ..خليفه ماقدر يفهم مشاعرها وتجاهلها برمسه جارحه ..
ميثه بتحدي : لطوووف .. خليفه هذا صفحه وانطوت .. شوفي ..اللى مرخصنج ومايبيج .. امسحيه من حياتج امره .. وحتى الذكرى خليها حطامى جدامج .. أنا اعرفج زين ..نفسج عزيزه وماترضينها على روحج .. خلج قويه ومايهزج شي ..
لطيفه تسمعها وهي تمسح دموعها: بمشي بعقلي والعواطف توليّ ..
وبجذه ..ميثه ولطيفه ريحن بعض .. وكل وحده تحس بالثانيه ان مصيبة الثانيه اكبر من مصيبتها ..
وسعيد من عقب ماشكى همه للبحر .. انتبه ان الوقت صار الظهر وهو مب حاس بعمره يلس فتره طويله عند البحر .. رد البيت عشان يغير كنته و بيروح المسيد وعقبها المزرعه .. وهو داش السكه اللى تودي بيتهم .. شاف قايد يرمس ميثه عند باب بيت قوم ميثه توها طالعه من بيت عمها .. وعقب دخل بيتهم ابسرعه .. وقلبه متفحم على هالشوفه ..

شفتك مع اللى صار عقبي حبيبك
واحتارت الدمعه بعيني وصديت
مدري هي الصدفه لدربي تجيبك
مدري انا اللى في دروبك تحريت

ميثه ماانتبهت له :روح .. روح ابسرعه عن يشوفك حمد ويسويلك سالفه ..
قايد يلعب بسفرته : افهم من رمستج انج خايفه عليه !!!
ميثه تثور : انته ماتهمني .. حالك حال هالطابوقه .. وتاشر عالطابوق ..
قايد يفتر صوب الطابوقه .. وبقهر :هالطابوقه بكسر راسج فيها .. عنبوج انتي شو !!!ماتحسين ..
ميثه بقهر :شوه ؟ شوه بتسوي ؟؟ بتكسر راسي .. شوف انا اقدر اروح بريولي لعمي واقوله اني باغضتنك وقوله عن سوالفك واللى يمنعني حشمة هلي وشاله اسم ابويه فوق راسي .. فهمت ..
قايد :حبيبي لاتعصب .. ويحاول يمسك ايدها ..
ميثه :اييييييييييييييييه ..
بهاللحظه يسمعون صوت المؤذن يأذن .. الله أكبر الله أكبر الله أكبر الله أكبر .. أشهد ان لا اله الا الله .. أشهد ان محمد رسول الله ..
قايد ايود راسه : استغفر الله .. آسف .. انتي الله يهداج ..
ميثه :أكرهك ..حل عن هالبقعه ..
بهاللحظه يظهر سعيد من البيت ورضخ الباب وراه .. ويشوفهم نظره .. بس عقب يكمل دربه ..وميثه من شافته حسته غير .. كان معصب ..
ميثه :ان ماوخرت عن الباب بصرخ باعلى صوتي .. وبلم الفريج كله عليك ..
بهاللحظه خاز قايد عن الباب :شقي صدري ..(وياشر عصدره ) وغلات ابوج شقيه .. والله عيونج بتصيح دم يوم بتشوفين شو داخله ..
وميثه تسمعه يقول جي وخايفه ..وماردت عليه دخلت على طول ..
وهي واقفه وراه الباب تستوعب الرمسه .. وتسمعه يصرخ ورى الباب ..
قايد يصرخ :انتي ماتحسين ..بليا مشاعر ..
وميثه خايفه لحد من هلها يسمعه .. سيده ركضت الليوان ودشت حجرتها ..
وسعيد في المزرعه وراسه يعوره وايد .. وهو ماسك بايده الثنتين راسه ..
سعيد :يعورنيه ..احسبه هالمره ازيد عن كل مره ..
خليفه منقهر : كله من التفكير .. ويهز راسه بحسره على حال خوّيه .. الله يهديك الله يهديك ..
سعيد ساكت ..
خليفه :اقولك انساها انساها .. لا تفكر بها .. البنيه تعاند هلها ورافضه ولد عمها عشانك ..
سعيد يقاطعه : أحبها ..
خليفه يثور :أحبها أحبها .. مليت من هالرمسه .. انته مالاعت جبدك كثر ماتنطق هالجلمه ..!! تحبها وخطبتها وماقربوبك .. شو بتسوي اكثر من اللى سويته .. بتشلها غصب عن هلها .. ولا بتوقف بويه بوحميد وبتقوله انك تريدها .. خلاص ربك مب كاتبنها لك .. وان شاء الله بيعوضك بغيرها .. خل ايمانك بالله قوي .. الله كريم ..
وسعيد ساكت ويسمع وراسه يحس به بينفجر ..
خليفه :سعيد اسمعني .. البنيه رافضه الكل فعشان جي انته ودرها وان ودرتها بتحطها جدام الامر الواقع وبتسمع رمسه هلها ..
سعيد : أعشقها مااقدر .. وان زوجوها بالغصب باخذها من بيت هلها وبشرد بها ..
خليفه من القهر شل صطل الماي اللى جداه وجبه على سعيد ..
سعيد يفز من يلسته :انته اتخبلت !!!! شو تسوي ؟؟؟؟؟؟؟؟؟؟ وتيبس مكانه من البرد ..
خليفه يتجدم صوبه ويسحبه من طرف كندروته صوبه ..ويطالع عيونه : اربيعي واخاف عليك .. وانا مابسمح لبوحميد وعياله يشربونك من كاسهم المر .. خلك ابعيد عن بنتهم .. نسيت هلك امك رضيعتك .. نسيتهم ؟؟؟؟؟ ودفره بقوه ..
وسعيد يطالعه ويمسح الماي من ويهه اللى خلاه ينتعش اكثر ويمد بصبوعه صوب خشمه ويمسح منه الماي .. وخليفه من قال ذيج الرمسه ظهر من المزرعه .. وسعيد تم يفكر بكلام اربيعه ..

وفي مره من المرات .. ميثه كانت ويه مزنه في بيتهم يالسه في الحجره ..
ميثه :مزنووه هذا سعيد يالس يزقرج ..
مزنه تنش : شقايل .. سعيد ظهر ..
ميثه :مزون لاتقوليله اني هني ماريده يشوفنيه ..
بهاللحظه سمعها سعيد يوم قالت ذيج الرمسه ..لان الدريشه كانت مفتوحه .. وميثوه من قالت جي مشى سعيد في الممر وكمل دربه لحجرته ..
مزنه تتطالعه : فديتك شو تريد ؟
سعيد : بخبرج عقب .. ودخل حجرته ..
وسعيد بحجرته منسدح عفراشه ..
متردد يخبرها ولا لا ؟ بس شقايل ؟؟

علمتني وشلون أحب .. علمني كيف أنسى .. يابحر ضايع فيه الشط والمرسى .. علمتني وشلون أحن .. علمني كيف أقسى .. سير عليه ..

*للتنويه :كلمات الشاعر السعودي الامير طلال الرشيد (الملتاع) رحمه الله ..

حبيبي جيت لك ابكي ومن حضنك اريد دفاك .. واريد ابعد عن عيونك طوال العمر وانساها صحيح انك نبض روحي وصحيح اني ابد منساك .. لكن قدرنا نفترق في يوم ننسى سنين عشناها وياك .. حبيبي اذكرك واذكر سنين عشتها وياك من شفاهك رويت الحب واريد اليوم اضماها ..
وباجرها وصل الخبر لميثه انه قوم عمها اليوم خطبوها وبيحددون الملجه قريب ..وماعرفت شو تسوي غير انها ادق الييدار على ربيعتها مزنه .. وتلاقو بالسطح ..
ميثه حزينه : سعيد وين ؟
مزنه بونه حزن : بعده مارد من المسيد ..
ميثه تفتر عنها :مزنوه تخيلي كل اللى بينيناه انا وسعيد خلال هالسنوات .. ينهدم بهالسهوله .. برمشه عين بينتهي كل شي .. تتخيلين !!
بهاللحظه مزنه صاحت وحطت ايدها عويها :حرام والله .. مااقدر اشوفكم جذيه .. مااقدر ..
ميثه تتطالعها وماذرفت ولادمعه .. لانها تعبت كثر ماتذرف دموع ..
ميثه :مزنوه الله يخليج اريد ارمس سعيد لازم اخبره ..
مزنه تلوي عليها :فديتج ..
وبهاللحظه دخل سعيد وهو محطم .. خلاص يحس ماله وجود بهالدنيا .. وسارت له مزنه وخبرته بكل شي ومن عقب سار لميثه .. اللى كانت تتطالعه كنها آخر مره تشوفه ..
ميثه بحزن :الحقني سعيد ..
سعيد شبه منصدم : خطبوج ؟
ميثه تنزل راسها : هيه ..
سعيد انصدم ..وتم صاخ ويطالعها ..وهو ميت حزين ودموعه تريد تنزل على وجنته بس هوكان يمنعها مايبي يبين جدام حبيبته ضعيف .. تم صاخ وساكت يستوعب ..
ميثه تتطالعه :مد لي ايديك لاتم ساكت ..عطني رايك ..!!
وسعيد من الصدمه القويه ساكت مارمس .. مب مصدق انها خلاص بتكون شي محرم عليه .. خلاص ..
ميثه تتطالعه بعين يملاها الحزن : سعيد !!
يناظرون بعض .. سعيد بصوت واطي :انزين ..
ميثه تثور :لا تقول انزين انزين ..
سعيد :ميثه .. الزين ابد مايكتمل .. كنت اتحرى انا وانتي لبعض وروحي في عالمج سجين .. مكملين دربنا وحبنا اللى بنيناه سنين ..بس ..الحظ عاند ..
وميثه تصيح ومحطيه ايدها عويها ..ومزنه ماقدرت عالموقف نزلت تحت ..
سعيد يطالعها : قومي ولاتزعلين ..عشاني قومي ..
وميثه تصيح ..
سعيد : الميث مااريد هالدموع تبين ..مب عشان شي بس والله مااقدر على شوفتهم .. بسج خلاص ..أروم ادوس الشوك حافي ولا شوفة دموعج ..
وميثه تصيح ..
سعيد :اوعديني هالزعل آخر زعل ؟
ميثه تهز راسها :لا ..مابوعدك .. عمره مابيكون اخر زعل يوم انهم حكمو عليه بالاعدام ..
سعيد :ارضي بالواقع يوم انه حصل .. واسمج بيبقى وسط قلبي دفين ..والقمر لازم فيوم بيكتمل .. والله بفرح دام انتي بتفرحين .. يالله خلينا نستانس بعرسج ..
بهاللحظه ميثه صخت ..وتمت تتطالعه ..هذا شو يخربط !! مستحيل هالرمسه طالعه من قلبه .. طول عمره يكابر ..طول عمره ..
ميثه تعق غشوتها وبعين حايره خرقت عين سعيد :انته تكلم ياهل !!!!!


....؟




:050103hm_



تعتقدون شو بيكون رد سعيد لميثه ؟

افترقو ميثه وسعيد وكيف بيكون الحال من بعد الفراق ؟

وقايد هل راح يتغير من بياخذ ميثه ولا مشاعره بتبرد ؟

عقاب هل بيكون له دور بالقصه ؟ وشو دوره ؟

ومزنه وحمد شو سالفتهم ؟؟؟؟هل ممكن تضيع مزنه من ايد حمد بسبب سكوته ورفضه لاعلان حبه عالملا ؟

لطيفه بتنسى خليفه ؟ وخليفه بيخفق قلبه ؟؟؟



تلع لعناق