• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

" الـــــــروح الغراميـــــــــة "

رد: " الـــــــروح الغراميـــــــــة "

تلع لعناق ...

كل ما اقرا بارت اتعجب من جمال الأسلوب وبساطته

وأحن للأيام الماضية وذكرياتها وجمالها

كل ما اقرا سطر يشدني الحنين وأرحل بفكري بعيد لبعيد

وفي كل شخصية اتذكر كل شي

سلمتي يالغلا

وبإنتظار البارتات الجديدة




تحياتي
حورية البحر
 
رد: " الـــــــروح الغراميـــــــــة "

:h_mar7aba

حوريه البحر ..:mf_fart2:

مرحبا بج والله بصفحتيه الغاليه ..
وبحروفج الألماسيه اللي نورت الروح الغراميه وأثلجت صدري وفرحت قلبي ..:mf_cupidh
واتمنى التواصل الدايم منج ..

وان شاء الله الجزء العاشر بنزله خلال هالاسبوعين بعدني يالسه اكتب فيه .. والسموحه منكم عالقصوور ..



تلع لعناق
 
التعديل الأخير:
رد: " الـــــــروح الغراميـــــــــة "

تلع لعناق

مارديتي علي الظاهر مخربطة



سموحة منج اقري فوق بس اللي بالأحمر
 
رد: " الـــــــروح الغراميـــــــــة "

تلع العناااااااق

مرحبا الساع >>>>>>>>>. تو النااااااااس

يعطيج الصحه و العافية .؟.. ابدعتـي .. مشاعر و احاسيس تضارب بين قلوب شخصيات القصه ...

محد اتهنى غير حصه الي ارتبطت بانسانه حبته >>>>>>> شي يقهر ..

و لطيفه اشعنه اتكابر ..؟؟

المهم اتمنى ان قايد الجباان يطلق ميثه ...

و عاد الله يعلم متى بيكون الجزء القادم ..

سلمتي و سلم قلمج المبدع ..

معاني ...​
 
رد: " الـــــــروح الغراميـــــــــة "

السلام عليكم ورحمة الله وبركاته

تلع العناق


ميثه وهيه تصيح : داش البيت يهازب ويفر رمسه وعقبها ظهر ..

هييه وبعدين ...؟ ^_^


قناص متابع


قناص الآريام
 
رد: " الـــــــروح الغراميـــــــــة "

:h_mar7aba

تلع العناااااااق

مرحبا الساع >>>>>>>>>. تو النااااااااس

هيه توا الناس

يعطيج الصحه و العافية .؟.. ابدعتـي .. مشاعر و احاسيس تضارب بين قلوب شخصيات القصه ...

محد اتهنى غير حصه الي ارتبطت بانسانه حبته >>>>>>> شي يقهر ..

صدقينيه هالشخصيه تغمض .. شو الفايده اذا بترتبط بانسان حب غيرها ؟؟؟
و لطيفه اشعنه اتكابر ..؟؟

ههههههههههههههههههههههههههههههه احسن خله يذوق الويل منها ههههههههههههههههههههههه بعده ماشاف شي .. والله معانيووه الرمسه اللي قالها مب اشويه ..!!
المهم اتمنى ان قايد الجباان يطلق ميثه ...

مممممم ماعرف انا ..

و عاد الله يعلم متى بيكون الجزء القادم ..

سلمتي و سلم قلمج المبدع ..
وتسلم عيونج وقلبج وايدج اللي برمجت هالحروف ..
معاني ...
 
رد: " الـــــــروح الغراميـــــــــة "

:h_mar7aba


السلام عليكم ورحمة الله وبركاته

تلع العناق


ميثه وهيه تصيح : داش البيت يهازب ويفر رمسه وعقبها ظهر ..

هييه وبعدين ...؟ ^_^

^_^
سلامتك
 
رد: " الـــــــروح الغراميـــــــــة "

ايييييييييييه بخبركم .. أنا وايد وايد فرحانه تدروون ليش ؟؟؟

لانه وصلتني اخبار انه واااايدين يقرون القصه وانا والله وايد مستانسه من هالشي بس هم ما يشاركون بالمنتدى فياليت لو يشاركون ..
والقصه ان شاء الله نهايتها بتكون قويه واتم بذاكرتكم للأبد ..
بس لا تعصبون عليه اذا تاخرت بالاجزاء ..أدريبكم تبون تذبحوني وتغتالوووني .. بس ماتروموووون .. هههههههههههههههههههههههههههههههه فديتني والله ولا يخصنيه .. المهم بغيت اخبركم اممممم لا لحظه اول شي .. سوري لاني مزحووومه وايد هالاسبوعين ف عشان جذه ماكملت الجزء كله بس كتبت اشوي يعني 6 صفحات .. شفتو كيف انا احاتيكم .. بس محد حاس !!! الله كريم ..
عالعموم انا حطيت هالفصل لاني واعدتنكم .. وخلاف بنزل الفصل الثاني بس هو بيكون جزء واحد يعني هو الجزء 10 وفيه فصلين الاول والثاني .. اوكيه ..


أدريبكم محد حاااااااس ههههههههههههههههههههههههههه حشرتكم ..



اهداء لــ عيون الغزال ..




الجزء العاشر

الفصل الأول


ميثه : طلقوني منه .. ماريييييييييده .. اليوم خله يطلقني ..
ام حمد : حمد رح ازقر ابوك ..!
ميثه وهيه تصيح : داش البيت يهازب ويفر رمسه وعقبها ظهر ..
حمد يتجدم صوبهم وهو فالخ من الوضع: شو فيكم ..؟
ميثه تصارخ : حمد قولهم ماااااااابااااااااااااااه ..
حمد :لا تصارخيين .. خبريني شو مستوي !!
ميثه قالت لحمد كل شي .. بس ماقلت له عن الكلمه لانها تحس بوجود سعيد فقلبها و غصب عليها وما قدرت تنكر .. وهالشي كان متعبنها وايد ويأنب ضميرها .. فما قدرت تخبر اهلها كل شي ..
ام حمد : لالا هالرمسه ماينسكت عنها .. الليله سعيد يتفاهم ويه ولد اخوه .. الليله ..
حمد نزل لمستوى راسها : هذا مايستحي داش البيت ومحد فيه .. وينازعج !!
ميثه : طلقوووني منه ماباه انا ..
حمد وقف وهو معصب :تضفرت عظامه عسى ..أنا بعلمه كيف يثمن رمسته ..
بهاللحظه نشت يدوه ومسكت ايده: والله مااضاربه ..
حمد: عاد بذمتج يدتيه هالرمسه تنقال .. (ومشى بخطوات سريعه وهو نازل من الدري ) شو يتحرى .. البنت ماوراها رياييل ..!!!!
ام حمد تتطالع خطوات ولدها : ياااويلي العيال بيتذابحوون .. حمد ..حمد ولديه رد ابوك وعمك بيتفاهمون .. رد ..( واطالعت شمه ) شمه روحي ازقري ابوج ..
يدوه ظبيه: وين تروحله عند العرب !.. عيل ولدج شو خانته ساير له ..!
وشمه من شافت حمد معصب .. صاحت ويلست جدا يدوتها ..
يدوه ظبيه مسكت يديها : لالالا فديتج .. عيب مايصيحون .. مايصيحون ..
ميثه تصيح وخايفه لايستوي بين هلها شي بسبها ..
يدوه تاشر بايدها و تدخل الحجره: لا استريحي ماشي طلقوني منه وماباه ..تبينه يطلقج .. باجرها سيرتج على السان كل حد .. محد بيرحمج من الرمسه اللي بتنقال..
بهاللحظه ميثه ناظرت يدوتها.. هم ليش مايحسون ..!!

حمد من ظهر شاف قايد وسعيد وخليفه واقفين جدا بيت عمه .. ومن تجدم صوبهم ..
حمد وهو يطالع قايد بنظرات: السلام عليكم ..
ردو السلام ..
حمد يطالعه: قايد خطف جدامي ..
سعيد حس بنظرات حمد الجهنميه لقايد .. اما خليفه مانتبه كان شارد ويه غزاله السروحي ..
قايد يطالعهم: السموحه ..
ومشى قبله حمد ومن وقف جدا الدجه الصغيره المجابله بيت عمه ..
حمد مفتر صوبه: انته شو عاني برمستك ..؟
قايد ببرود: اقرب بنتفاهم داخل ..
حمد عصب : يوم انه هذي نظرتك فيها ليش خذيتها !!!
قايد : عيل بخبرك .. ( وببرود ) اختك ياهل ..
حمد يتجدم صوبه وبنظره حاده: ياهل !! يوم انها ياهل ليش فكرت تاخذها ..؟
بهاللحظه يظهر عبدالله وعقاب من السكه .. قايد انتبه لهم بس حمد ميت غيض من ولد عمه ..
حمد :ارمس شعنه بغيتها ..؟
قايد نزل راسه وهو حاس بحراره مب طبيعيه من طرى ميثه ..
عبدالله : شو تتواجعوون !!
عقاب : شو السالفه ؟؟
عبدالله : حمد ..
حمد : عبدالله دخيلك ..( وتم يطالع قايد اللي حط عينه بعين حمد ) ارمس شعنه بغيتها ..؟
قايد بويه قوي: أحبها ..
بهاللحظه افتر حمد صوب عقاب وعبدالله ..
قايد :بس هيه تعاندني .. تعاندني بكل صغيره وكبيره .. ولا تقدر ولاتحشم ..
بهاللحظه فهم عقاب .. واترخص منهم .. آااااه يحبها ..
حمد : لااا ..انته اللي تحشم وتقدر داش بيت عمك ولاقدرت من هل البيت ومسمعنها رمسه حتى اللي يخيل مايقولها .. هذي الحشيمه عندك ..؟
عبدالله : حوووه فضحتونا جدام الريال .. عيال عم وتتناجرون في السكيك!!
قايد : عن الغلط ..و ماله داعي هالكلام .. ميثه حرمتيه ومحد له شغل فينا .. والكلمه كلمتيه انا وبس ..
حمد بقهر : عيل الرمسات اللي تعقها ومن عقبها تظهر ولا كنك مسوي شي ..شو تفسيرها ؟؟؟
قايد مفتر عنه :استغفر الله .. دخل الشيطان بينا ..
عبدالله : حمد !!! دخيييييلكم رمسو جدامي ..شو اللي مستوي ..قايد ..!
حمد : والله ياقايد .. لو سمعت انك أذيت مشاعر اختيه برمسه مالها معنى ..السالفه بتوصل لابويه وعمي وخلهم عاد يتفاهمون وياك .. وخل خطبتك تنفج و تعال لي طالب العون .. ومشى ..
قايد رفع راسه: لا ماريد عمي يعرف بالسالفه ..
حمد وقف واشر بصبعه السباب : وشي ثاني .. البنيه مابتظهرلك موليه .. الا ليله العرس .. يوم الا هذي سواياك ..
قايد بصوت عالي: لا عاد زودتها ..
بس حمد ماسواله سالفه كمل دربه .. وقايد ميت من الغيض ..
قايد يثور : لا هو شو يتحرا عمره .. عبدالله شوووووفه ...!!!!!!!!!!
عبدالله مسك ايده : دخل داخل مب ناقصين فضايح نحن ..
قايد يشل ايده وبقهر: الله يغربلهاااااااااااااا ..
عبدالله ايره من طرف ثوبه : يالفضااااااايح ..ماتم حد بالفريج ماسمع صراخكم ..
قايد يطالعه ومب مستوعب: عبدالله سمعت ولد عمك شو قال ..!!

..

حصه: اللحين بكل بساطه تقولين سعيد حب ميثه اربيعتنا ..!! بعد شو !! بعد مابنيت له قصر فقلبي ..!!
لطيفه تصيح :كنت مجبوره والله العظيم .. وأنا واعدتنها اني مااخبر حد .. بس ياما وضحت لج هالشي بس انتي تصديني ..
حصه تتطالعها: وانا مافكرتي بي .. ماقلتي حصه شو بيكون مصيرها ..؟فكرتي بعمرج وباربيعتج ..!
لطيفه وهيه تمشي دموعها بحرقه: اربيعتيه ..! ليش ميثه مب اربيعتج .. ترضين تاخذين اللي هيه حبته ..عادي عندج كونج تكونين وسط قلبه شرات الغريبه .. ريال حب اربيعتج .. شعرفج اذا هو لين اللحين مب عايش ع ذكراها ..
حصه تقاطع رمستها: لطووووف وانا احبه .. من قال بكون غريبه !! هيه خذها ولد عمها هو أولابها و الله يوفقها ..
لطيفه تقاطعها: المشكله ف سعيد .. تعتقدين انه نساها .. او بينساها ..؟شقى تعيشين ويه انسان فكر بغيرج يوم من الايام..
حصه : تعالي انتي ليش تصحين ..!! كل ها عشان ميثه ..!
لطيفه وهيه تصيح: حرام عليج ..
حصه تيلس ع الشبريه : انتي حرام عليج .. انا سعادتي ويه سعيد ..
لطيفه: سعيد هذا يوم من الايام حب ميثه اربيعتنا ..
حصه اطالعتها بنظره: انتي ع بالج بنجرح من رمستج هذي .. انتي منقهره مني لانه سعيد بيخطبنيه وانتي خسرتي خليفه ..
لطيفه رفعت راسها : أنا ..
حصه تفتر عنها وتمت ساكته وهيه مب مقتنعه بالرمسه اللي قالتها ..
لطيفه تلبس عباتها وهيه مب مصدقه انه اربيعتها وتوم روحها هذي نظرتها فيها ..!! ايخسي انا افكر بهالطريقه .. يمكن انا غلطت فحقها بس جيه تجازيني !! هانت عليها العشره .. !!! يالله على هالسبايب التافهه تتقطع الوصال !! وينتهي كل شي بينا !! وظهرت من بيتهم ابسرعه .. ودموعها سكايب على ويها .. وتمت ادق باب بيتهم بس محد فتح لها .. كلهم خاري .. تمت تتلفت يمكن بتشوف حد من اليهال .. حصه هذي نظرتها ؟؟ انا افكر جذه ؟؟ تمت تصيح بطريقه مب طبيعيه .. بهاللحظه مر خليفه وشافها عرف انها تصيح من حركاتها .. ماحس بعمره الا وهو يتجدم صوبها بخوف .. خايف عليها .. من شافته تمت تناظره مستغربه بوجوده .. قرت الخوف بعيونه بعد قرت شي ثاني .. الشوق والوله .. ومن استوعبت افترت عنه وتمت مجابله الباب وتناهي ..
خليفه بخوف: شو فيج ..؟
لطيفه ساكته ..
خليفه ثواني وانتبه لعمره وللوضع اللي هم فيه: مااريد ادخل .. بس شوفتج جيه وانتي تصحين هالصياح !! ماقدرت اني اخطف ولا اكلمج ..
لطيفه وسط دموعها: فارج ..
صخ خليفه من هالكلمه: انزين .. ( سكت اشوي .. رفع راسه بكبرياء) مشكوره ..
مشى وهيه افترت صوبه .. تمت تناظره .. لا تروح .. ونزلت راسها .. مب جيه قصدي ..!!! ودخل بيتهم ع طول .. ومن دخل حجرته انتبه انها كانت واقفه ومحد فتح لها الباب .. نش ابسرعه .. شافها واقفه مشت وخذت لها طرف وتمت واقفه وهيه تفكر برمسه حصه .. اللحين انا جذيه ؟.. تم يوايج وكان متردد بس عقب ماقدر ظهر صوبها .. وهيه من شافته صلبت عمرها ..
خليفه وهو يطالع الباب : المزلاج مسكر من داخل ..؟
لطيفه بصوت مخنوق من الصياح: هيه ..
بهاللحظه ظهرن حرمتين من ييرانهم ..ومشن ..
لطيفه من شافتهم وهيه خايفه: روح روح .. خلاص انا بروح بيت الييران ..
خليفه يطالعها: لطيفه شو بلاج ؟ .. نحن مانسوي شي غلط ..؟
لطيفه مرتبكه: وقفتك هنيه اكبر غلط بعيونهم .. رووح خلااااااص فكني انته الثاني ..
خليفه طاف .. تعفد الييدار ونط ف الحوي وفتح لها الباب ومن عقبها روح .. ولطيفه محروق يوفها بسبب رمسه حصه .. ما تأثرت بموقف خليفه وايد كثر موقف حصه .. لانه وبكل بساطه حصه اهم بكثير من خليفه فحياتها .. وصداقتها تعني لها الكثير ..

من الغبشه وكل شبيبه الفريج عند البحر وصار لهم ثلاث تيام متواصله وهم يستعدون لهالموسم .. موسم الغوص بدى .. كانو يسون المراكب الصغيره اللي بيشلونها وياهم ف الغوص .. الكل كان يشتغل والشواب مرتبشين وكل واحد منهم يتفنن بصناعته اليدوية .. كان كل فريج يستعد لهالشي .. والشبيبه كانو يسون الشاشه .. وهو قارب صغير .. كل اثنينه ويه بعض .. سعيد كان ويه خليفه يرصون يريد النخل بعد مانقعوه يوم كامل في الماي وحمد ع طرف ويسولف وياهم وهو يركب جوانب الشاشه وقاعهـا ويتم حضوها من الداخل بـ الكرب.. عشان يرص اكثر .. وعقاب يسوي ظهر الشاشه ويبدع فيها .. والكل كان مرتبش ويخدم ويساعد ..
و ع طرفهم بعض الشواب كانو يالسين عالحصير .. ومن بينهم الشيخ علي ..
واحد من الشواب بصوت عالي : وين المقهوي ؟؟
ونشو العرب يتفازعون بالفواله والقهوه .. لين مابين حارب وهو شال القهوه ..وقهوي العرب ..
وتحت سدره الغاف ..قايد يالس ومريح وكان راقد وحاط السفره على ويهه ومر عليه غيث وهو شال اليريد ..
غيث : حوووووه .. بوسالم يااااااااااااااااااااااااااااااااااااااي ..
قايد وهو فالخ وفر السفره: ان شاء الله ان شاء الله .. وين وين ..
غيث:ههههههههههههههههههههههههههههههههههههههه خيبه خيبه ههههههههههههههههههههههههههههه ..
قايد : الللللللللللله ينطبك .. خيبه تخيبك يالخداااااااااااااااااي..
غيث بتعب: هههههه نش دخيلك مافينا ع السانه وهزابه ؟ الشواب ينشدون عنك ؟
بهاللحظه ظهرن مجموعه من البنات سايرات عند المطوعه .. افتر صوبهن قايد ..
غيث : غض بصرك ياريال .. منقود اللي تسويه ..! (وتم يتلفت يمين ويسار خايف لحد من الماره يشوفونهم) .. ليش جيه عيونك زايغه !!!
قايد : اطالع اطالع ذيك الفزرا " البنت الطويله ".. اووف ..ماتقول الا ملاك منزلنه ربك يلطف بحالي .. ووف مب حلاه ..
غيث وهو خايف ويطالع مكان لمة الشواب: بتنش ولا ازقرلك بوسالم ..
قايد وهو ناش: ذبحني الشوق الفزرا ..
غيث يتجدم صوبه: تريد تعرف أمسات شو صابني ..؟ اقولك طحت طحت بالفراش يومين ؟؟
قايد وهو يمشي: انته متى بتووب ..؟ من يومين وانته وياي ف قهوة بوحارب ..شو هالخريط ..!!
غيث : اسكت ..بخبرك شو شفت ؟
قايد: شوه ؟
غيث يحرك عيونه: ريت بنيه حلوه .. ( غمض اعيونه ) الا عذاااااب ..
قايد وقف: ياويل قلبي .. ارمس ؟
غيث :شفت ريم اخضر .. خشف .. خفري .. فوق نايف .. عالي الذاري ..
قايد : الذاري ..
غيث: بومحيا .. يشبه البدري .. بالحسن لابس دجى ساري ..
قايد فاج ثمه: هههههه ساري ..
غيث:بين عصن وطيه الخصري لؤلؤي يتلف الشاري ..
قايد يعدل سفرته واندمج: ياويل حالي انا ..
غيث: آاااه ..قمت انوح .. شو كنت اسوي ؟؟
قايد فاج اعيونه: كنت تنوح ..!
غيث يتامل فشكل اربيعه: ههههههههه ..
قايد : ورفففجه تكمل ..شو استوا عقب .. شافتك .. ( وبصوت واطي ) ..عطتك نظره ؟
غيث : قمت انوح اوايب الحمري من مليج هيج اشعاري ..
قايد يغار منه: الله يغربل ابليسك ..
غيث: ياجنوود ..ياجنود البيض والخضري عود مالي ياربا داري ..
قايد: وووف طحت طيحه ثرك ..
غيث: لاتتخبر يالخوي .. قالن انته امنين ؟ شو قالن ؟
قايد : انته من وين ؟
غيث: قالن انته امنين ماندري وين لافي ييت من خاري ..؟
قايد: بذمتك ..!!!
غيث يهز راسه: داركم قريبه ب قلب داري (واشر عقلبه ).. جتيل الشوق بالصبري صون مالك واطلب الباري .. رحت كني شارب خمري لانديم اولا من ايداري ..
قايد : روحت .. !!
غيث: ههههههههههههههههههههههههه هيه رحت ومن عقبها يت امايتي ووعتني لصلاه ههههههههههههههههههههههه ثره حلم .. بس شو حلم ... وووووف كني عشته بنظره وبهمسه صدق .. اااه من ريم اخضر خشف خفري ..
قايد : ههههههههههههههههههههههههههههههههه شكلك حلمان بالوالده ..
غيث: ههههههههههههههههههههه فديتهااااااااااااا امييييييه ..
قايد يفتر حوله : حسبيه الله عليك روحن الغراشيب ..
غيث : هههههههههههههههههههههههههههههههههههههههه ..

*للتنويه: كلمات الشاعر الاماراتي سالم الجمري " رحمه الله " ..

شمه تتراكض وهيه ميوده ايد مزنه: ميثاني .. ميثاني .. ميثااااااااااااااااااااني ..
ميثه ظهرت من حجرتها : شووووووووووه .. بتخبرج انتي من وين ترمسين ..؟
بهاللحظه شمه دزت مزنه ف حجره ميثه .. وتلاقت نظراتهم .. ميثه من شافتها ربعت صوبها ..
مزنه لوت عليها: فديييييييت روحج يالميث ..
ميثه وعبرتها متيمعه بعيونها: من متى ماشفتج .. حرام عليج ؟؟
مزنه عيونهاادمع: انتي خافي ربج فيني .. انتي ليش تصحين بسج اخاف اصيح وياج ميثووه ..؟
ميثه تمرر صبوعها ع طرف عيونها: متوله علييييج واااايد .. (وتمت ادقق بتقاسيم ويها بهاللحظه كنها شافت سعيد ) .. والله مشتاقتلج المزون ..( وحظنتها بقوه ) ..
مزنه بهاللحظه مرت ببالها الايام الحلوه : والله وانااكثر ..
شمه تيلس عالشبريه : واخيرا عمي راشد حس فينا وطرشها صوبنا ..
مزنه تمسح دمعات ميثه بصبوعها: امايه قالتله ..!!
ميثه : شموه ظهريه .. نبا نيلس ارواحنا اشوي ..
شمه وهيه تظهر: انزين ..
ومن بعد التراحيب .. ووسط الرمسه والحزن والالم ولوعه الفراق ..والجروح اللي بعدها ماالتئمت ..
مزنه بانفعال: بس سعيد مايباها .. يقول مايبا يعرس ..
ميثه افترت صوبها: مزنه .. سعيد بيتم طول عمره بلا عرس شو ..!
مزنه وهنيه بدت تصيح : مب جيه .. وااايد غامضني اخويه .. سعيد مب شرات اول .. متغير وااايد .. قمت مااعرفه .. حتى ماييلس ويانا شرات قبل .. ولين اللحين متواجع ويه ابويه بسالفه الخطبه .. تصدقين انه يدش ويظهر من البيت وابويه مايعطيه ويه ..
ميثه بحزن: كل ها يستوي بسعيد وانا هنيه ماادري عنه ؟
ومزنه تمسح دموعها ..
ميثه تتطالعها وتجدمت صوبها : كل هذا بقلبج وماتبين تقولين ..
مزنه : شو تبيني اقولج ولا اقولج .. انتي روحج مب ناقصه هموم ..
ميثه تيود يديها : ليش ؟؟.. عشان كل وحده بتشوف حياتها .. ما نشكي لبعض ..؟؟
مزنه رفعت راسها واطالعتها بنظره : ماريد اذكرج بالماضي ..
ميثه وقفت شرات الخيل الاصيل المتمرس: قوليله يشوف حياته .. خلاص ماعاد وجود الأمل ف حياتنا .. (بهاللحظه افترت صوبها) دخييلج قوليله لايعذب روحه اكثر ..

ومن عقبها حمد سار بيتهم يوديلهم اشويه سامان طلبتها ام حمد .. وهو يمشي بالسكه .. شاف مزنه وامها طالعين من بيت ميثه .. ومزنه من شافته تمت تتطالعه ..
حمد منزل راسه: السلام عليكم ..
ام سعيد ووراها مزنه: وعليك السلام ورحمة الله .. اشحالك ولديه حمد ؟
حمد بعده منزل راسه : الحمدلله وسهاله .. الا انتوا اشحالكم ؟
ام سعيد: الحمدلله فديتك مانشكي باس ..
حمد: يامرحبا الساع ..
ام سعيد: اقرب ..
حمد : مشكوره عمتيه قهوتكم مشروبه .. الا ياي اقضي حايه الوالده وارد البحر .. ان شاء الله مره ثانيه ..
ام سعيد بخطواتها الثجيله : يالله عيل فديتك فمان الله ..
من مشن ..افتر حمد براسه صوب مزنه بس مزنه ماسوت له سالفه مشت ..وهو من دخل سلم السامان ليدوته .. وسار تحت شيره اللوز .. وتم يوايج في المكان اللي يحط فيه الاغراض اللي يعطيها حقها .. وحط ورده حمره ..
 
رد: " الـــــــروح الغراميـــــــــة "

:mf_tongue




مابنزل الجزء بعااااااااقبكم




وماحبكم بعد







:050103hm_
 
رد: " الـــــــروح الغراميـــــــــة "

لوووووووووول


يسلموو خيتووو



بنو
 
يجب تسجيل الدخول أو التسجيل كي تتمكن من الرد هنا.
عودة
أعلى