.ღ. آلـــة حــ في زمن تسليه ــــب.ღ.

[أدركت القـ م ـر]

السلام عليكم ورحمــة الله وبركــاته




نمر بالكثير من التجارب في حياتنا ، نحزن لبعضها ونسعد لأخرى ..
نتعلـم منها وأخــرى تمر علينا كطيــــــــــــــف لا نشعر به ، وأحيـــانا
نصبح مصائد تتحكم بنـــــــــــــــا آلات صنعناها نحن البشر.........

وما حياتنا إلا محطــات وقصص ، نعيشها ونتعايشها ،،
ونتواصل معها حتى النهايه.....








.ღ. آلـــة حــ في زمن تسليه ــــب.ღ.


قصه ليست بالجديده في عالمنّــا الواقعي ولو أنها ليست واقعيه ،،
قصه تحدث مراراً وتكراراً على اختلاف الاساليب ولكن المغزى واحـــد والمراد واحـــــد...






-= تفسير العنوان =-
آله : ماسنجر
حب: وهم
في زمن: هذا الوقت الذي نعيشه
تسلية: مضيعة وقت






القصة تحكي عن شابة من عائلة معروفة بالأدب والأخلاق والسمات الفاضلة، استخدمت
النت بطريقة خاطئه ، و لجأت إلى محادثة الشباب بإسلوب خاطئ أيضاً ... حتى وقعت في الشراك... ولكن....!!


أين ستصل بطلتنا في هذه القصه..؟

هل ستستمر في خطأها ، أم تتراجع عنه..؟





القصه بالعاميه ^-*
سأنشرها قريبا ،، انتظرونا ^^
<< كاتبه القصه من سنه وشي وأحينه فكرت أنزللكم اياها ، وان شاء الله تعيبكم :mf_cupidh >>


تحياتي
طيف الألم

 

[Mr_Bean]

رد: .ღ. آلـــة حــ في زمن تسليه ــــب.ღ.

صح كلامج

وويعطيج العافيه

ويسلموو الايادي



بنو

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.

هههههههههههههههه شو هو الصح ..ما فهمت عليكـ شو تقصد..!
لول
الظاهر انكـ ما قريت شي ..^-*..


ع العموم ثانكس ع المرور الكريـم ^^

 

[Mr_Bean]

رد: .ღ. آلـــة حــ في زمن تسليه ــــب.ღ.

لووووووووووول

عن الفضايح

وانا وشلي فهاي السوالف

يسلمو خيتوو



جاري الانتظااااااااااااااااااار

بنو

 

[المهيري]

رد: .ღ. آلـــة حــ في زمن تسليه ــــب.ღ.

جـــــــــــــاري الأنتظار........................

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.




مستر بيـن + المهيـريـــــهـ = انتظرونــــــــــــــــــ! ^____^

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.


أفا ما اشوف حد متحمس للقصــــهـ.. :h_m7tarah

احبـــــــــاط × احبـــــــــــ!طـ :008:

وينكمـ يابويــــــــــهـ .. >.<

يالله بترياكـمـ بعد يوم يومـيـــــن ... وعقب بنزلهـا للي حاب يقراها :m_gamzah: ..،

 

[عويد]

رد: .ღ. آلـــة حــ في زمن تسليه ــــب.ღ.

نحن على جمر الأنتظار ..





آآآآآآآآآآآآآآآآآآخ أحترقت .. يالله بسرعة قبل ما أتفحم .. خخخخخخخ





أختج عوييد الشحي ..

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.

هههههههه هلا بعويد الشحـي...

خلاص ولا يهمكم اليوم بتنزل ان شاء اللهـ .. أهم شي اتكون ع المستوى المطلوب ^^



ولكم خالص تحياتي

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.




.ღ. آلـــة حــ في زمن تسليه ــــب.ღ.




الجزء الأول : تعــارف !


فطيم بنت ناس وعرب،، طالبه تدرس في الكليه ،، وربعها إلي يدرسن وياها يحبن يجيتن ،، كانت وايد تيلس وياهن لكنها ما تحب تدش الجات شراتهن "لانها تدري بالبلاوي الي تستوي من ورى الجاتات" فكانت تدش المنتديات عسب تضيع وقتها،، وتحب المواد العلميه وتهتم بالصحه ومثلها مثل أي بنت تمووت ع الازياء و الموضه ،، و مع الأيام اندمجت فطيم ويه بنات كلاسها أكثر وأكثر ، و لما تمل من المنتديات و القرايه تيلس وياهن، بس كانت تضحك ع سوالف الجات، ومره من المرات كانت ملانه فطلبت من ربيعتها تغير المكان عسب تيلس هي مكانها،، وتقرض الشباب بدالها !


مع الأيام تعودت فطيم على إنها تدش الجات من الكليه ،، وشوي شوي صارت تدخل الجات في بيتهم ، تاخذ عنهم ايميلاتهم وتضيفهم وياها في ماسنجرها (لان على بالها إنه أرحم عن الجات!)


الأخت تحب السوالف ،، خرشــه ، واختها توأمها "ريم" دايما تيلس وياها يوم يدشن النت ،،، وفهذيج الساعه كانت فاتحه الماسنجر جان ترمس ويا الي و ياها في اللسته ،، بس كان عدها واحد من الي ضايفتنهم ما كانت ترمسه ، مووووول ما تداني سوالفه .. لأنها تحسبه سخيف و مب مال سوالف وقرض،، تتحراه مال ترقيم ، و أسمه سعود .........



- أوهووو شو ها سعود الأهبل.. طفر بي .. بسوي له بلوك و دليت.. وع ما يعرف يسولف .. ياهل عافانا الله !

- صكيه ببلوك سولفي ويه الشاكي عليه سوالف حلوه ،، وصوته ياااااااااااااي خبااال ،، تذكرين يوم طرش الشله..؟

- هيه .. هه الصراحه كلهم تافهين .. بس يالله شورج يا أختي وهداية الله !



تمت فطيم تسولف ويا الشاكي ، لأن الأخ راعي سوالف وقريض ،، وطنشت سعود وفيوم من الأيام ،، محد كان أونلاين وياها غير
(سعـــــــــــود) فقالت "هه ماعـدنا غيره ،، يالله خلني اسولف وياه"



- مرحبااااا السلام عليكم يا الكرام

- مراحب يا هلا

- شحالك ان شاء الله بخير..؟

- والله هاه... تمام الحمدلله وانتي..؟

- بخير الله يسلمك..

..........

.......

.....

..

بعد ثلاث ساعات ،، وعقب ما سارت اختها عنها


- لا والله .. طاع ويهك تقول قوطي بو نص..

- أونج تنكتين .. دمج واااااااااااااايد خفيف.. بس للأسف ما أقدر أجاملج وأقوولج ضحكت..

- هيهيهيهي وأصلا منو قال لك اضحك... أصلا إنته إذا ضحكت بتتفجج ضروسك وكلهن بيطيحن هههههههههههاي

- ههههههه ههههههه وااااااااي هاتوا الشيول .. صدق إنج تاااااااااافهه

- لو تافهه جان ما يلست تسولف ويايه ، لين الحينه بس التافه يعرف عممممممره

- التافه يعرف عمره ها يا الشيفه ... أصلا أنا ما يلست وياج إلا شفقه بس ، لأني أدري إنه محد وياج غيري فقيره وحليلها كااااااااااااااااااااااك ...

- اشدراك إنه محد عندي..؟ ليكون دخلت ماسنجري.. روح يا عمي رووووووووووووح..


- إنتي إلي روووووووووحي بسير ارقد .. مالت ع ها الشيفه تقول سحليه مربوطه .. يالله زيييييين بسير ارقد شي في الخاطر..؟ (H)




سكتت فطيم ثواني ،، لأنه مب ياينها رقاد ، وتبا تسولف وياه من الملل ، و لأن محد وياها غيره ،،





شوي وإلا تقول له

- لا .. لا تطلع بتم بروحي : ( أخاااف أتم بروحي فليل

- لووووووووووووول وانا شخصني فيج روحي لا..

- حرااااااااااام عليك كيف ترضى تخليني بروحي..؟

- لووووول تراج بوووووومه... ما وراج شغل شراتي... (H)

- مالت من زينك.. شو تشتغل يعني..؟ أكيد زباااال خخخخخخخخ

- بدينا بالغلط..؟

- لا انتهينا نيهاهاهاهاه..

- أوكيه بسامحج ها المره ...

- لا والله منو تكون يعني عسب تسامح أو ما تسامح... مالت بس مالت .. بعد ها الويوه صايره تعرف ترمس...!! واااااااااااعجبي..!



وتموا يسولفون ألين الساعه ثلاث و نص فالليل .. عقبها استأذنت واستسمحت منه على ثجل دمها ، واعتذرت ع السوالف إلي قالتها، وهو تفهم الوضع ،،

وايد استانسوا على بعض ،، ويوم ورى يووم بس هو إلي يدش ، والباجين كلهم مختفين !

فتعودت عليه وخذت على طبعــــــــــه ،، وفوق هذا صارت تحاتيه يوم يتأخر ،، وتمل لما ما يدخل !









مع الأيام بدت تستهبل عليه و تلعب دور "الغيرانه" وهو ما صدق،، في كل مره يقوللها قصص من تأليفه عسب يقهربها ،،، ويخليها تتعلق به اكثر واكثر و من قصصه ومغامراته و انه اليوم شاف بنت و انها يت صوبه و أنه طنشتها و و و ،،،،، من ها القبيل

وتبدا هي تسايره ،،



فمره من المرات كان الوقت ليل ، تأخر عليها ، وهي تمت تحاتيه "وينه يا ربي..؟"



والساعه وحده تقريبا ، شرف (سعـــــــــــود)







- سعووووووووووووووووووود…..؟!! وينك .. وينك ها..؟

- موجوووووووووووووود طال عمرج .. بس خليني أتنفس خخخخخخخخخ

- خذ راحتك بس لا تطول..!

- لووووووووووووول على طول هاي بعد ما تصدق.. اعترفي منو وياج..؟

- إنته إلي اعترف وين كنت..؟

- على ما أظن سألتج سؤال واضح.. منو وياج أونلاين..؟

- ( فطيم بينها وبين نفسها لوول شو بلاه هذا..؟ أونه يغار عليه! بسايره وبشوف ردت فعله ) والله محد غير فلان وفلان...... !

- (سعود وهو معصب) ومنو هايلا..؟ ومن متى وياج..؟ وليش ما حذفتيهم..؟

- و لييييييييييش أحذفهم يا دلي..؟ منو تكون حضرتك..؟

- لا والله.... عيل ليش خليتيني أحذف كل البنات إلي عنديه...؟!

- ماشي على طووول انته سويتها............... ما أدري كم من وحده أونلاين عندك احينه..

- والله العظيم حذفتهن كلهن إلا انتي........

أويه حلف .. (فطيم من النوع إلي يصدق بسرعه ، وخاصة إلي يحلف باسم الله ،، فقالت فخاطرها يمكن صدق سواها أويه خديه ها ،، كيف جي يصدق بسرعه..؟ أنا لازم أبين له إنه ما يهمني ،، أخافه يتعلق بي زياده ،، أخاف تستوي كارثه من ها العلاقه، وانا ما أبا ها الشي يصير أبد ،، علاقتنا بس في المسن أيام وتنتهي،، ما اريدها تكبر !)


- انزين وأنا شو أسوي لك إنته غير وأنا غير..

- لا والله كيف يعني..؟

- يعني إنته غصبن عنك تحذفهن لكن أنا عاااااااااادي .. أنا بس أسولف وياهم مب شراتك..

- لا تخليني أزعل منج........

- ازعل شو يعني باجر بترد ولا جنه شي مستوي..(;

- يعني ما يهمج اذا زعلت ...؟

- انزيييييييييين شووو ... خلاص انسى الموضوع المهم شو سويت اليوم.؟

- بتحذفينهــم..؟

- هييييييه أنزيييييين بحذفهم.. تامر أمر انته .. كم سعوود عندييي..؟!

- هيه أنا اقول بعد .. وما تدشين الجات بدوني فاهمه..؟

- أصلا أنا متى دشيته وانته مب موجود..؟ مالت بس مالت ..

- علييييييييييييييييييج

- أغصان الجنه ويييييووو .. جب يالله قول وينك اليوم..؟ و وين سرت..؟

- (استغل سعود الفرصه عسب يغيضها كالعاده) اليوم سرت المهرجان وشو البنات ياا فطييييييييم شو يلاحقوني..

- لااااااااه.. ما أدري منو شايفين ... تووم كرووز الظاهر !

- لا لا أحلى من ها الأشكال.. (H)

- لا والله .. أنزين وانته شو سويت..

- ماشي.. وحده غااااااااااويه تاخذ العقل ابتسمت فويهي و كانت تباني أرقمها هههه الله ياخذ بليس ربعي ،، يعلموني اسوي حركات هههههه

- هيهيهيهيه يا الماصخ .. انزين وشو يعني لما ابتسمت بويهك.. يمكن ضحكت ع شكلك هههههههههههه مصخره ..

عقب شو سويت..؟

- هههه ماشي

- اعترف.. رقمتها ..؟

- يعني انتي شو ايج..؟

- يعني رقمتها..؟ :O

- ..........





........




....



...



..




.




قطعت فطيم النت بويهه ، وطلعت وهي زعلانه ، متغصصه ، وحاسه باحساس غريب ،، تمت طول الليل تفكر في السالفه ، وبسعود ، وتكلم عمرها

(يا ربي أنا شو بلايه.. من زينه افكر فيه احينه ،، خل أرقد أحسن لي ،، ويغازل إلي يبا يغازلها انا شخصني..؟ وليش معوره قلبي..........
.........

افففف يا ربي متى برقـــد ... )



حاولت فطيم انها ترقد لكنها ما قدرت أذن الفير ، نشت صلت و قرت قرآن ألين ما ياها رقاد ، عقب ساعتين نشت ،، واتزهبت للكليه ، سلمت ع امها ،، وظهرت هي واختها ،،، وأول ما وصلت الكليه راحت عند ربيعتها طبعا قالت لها كل الي صار ، وربيعتها تمت تضحك ع السالفه ، وتقوللها لا تنهبلين ،، ها مجرد انسان تافه و يلعب ، تحملي تصدقين سوالف شباب الجات ، كلهم مصخــــــــــره ، إلا من رحم ربي طبعاً بس نادرين هايلا !



تمت فطيم تفكر، وبخاطرها تقول (كيف يلعب و البارحه حسيت بغيرته ،، كانت الغيره بتاكل قلبه يوم سمع إنه عندي شباب في اللسته ، لو ما كنت أهمه جان ما يلس يحشرني عليهم............

أووه لا... أنا بعد جذه أسوي .. أكيد مثل ما أنا أسوي ها الشي هو الثاني يسوي هههه ......... )









وللأحداث بقية......
يا ترى ما هي المستجدات القادمة..؟!
وهل سيطول زعل فطيم على سعود أم أنها لن تستطيع المقاومه..؟!



هذا ما سنعرفه في الحلقات المقبلة.. :mf_cupidh