.ღ. آلـــة حــ في زمن تسليه ــــب.ღ.

[عيوز مشتطه]

رد: .ღ. آلـــة حــ في زمن تسليه ــــب.ღ.

قصتج وايد حلوه يا اواشي ,, وانا متاكده ان هالكلام يستوي عندنا 100%

الله يهدي البنات والشباب ويفجج عقولهم زين ما زين عشان يعرفون الصح من الغلط ,,

ونحن في انتظار البقيه على احر من الجمر ,,

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.

عيوووووووووزي.. هلا وغلا والله
منـوره .. ^^

أكيد شي منهـمـ وأخس عنـ جيـهـ .. عسى الله يهديهم
مشكوره على مرورج وجريب ان شاء الله احط الجزء الثاني ^^


على فكره القصه كاملــــهـ ، بدون ما ينقص منها أي بارت







تحيـــــــاتي

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.






رجعت فطيم البيت وسيييده غرفتها عند النت والجات.... لأنها ما قدرت تدخل الجـــــات من الكليه بسبب البروجكت... لكنها ها المره ما دخلت باسمها المعتاد دخلت باسم ثاني، عسب ما يشوفها ,,,,, و ما شافت أسمه من بين المتواجدين.



تمت تترياه حوالي ربع ساعه ،، وعقب ظهرت قالت (يمكن هو اونلاين في الماسنجر،،، بس ما بفتحه أخافه يكون موجوووووووود وأنا ما أبا اكلمه اليووم... أباه يحس شويه بالي سواه البارحه .. )



راحت تصلي صلاة العصر ، وتسلي عمرها بطبخه معينه ألين ما يه المغرب...



ما قدرت تتحمل ، فدشت الماسنجر وجان تشوفه أونلاين .. ولكنها طنشته ،، سلم وتم يرمس وهي مطنشه وعقب حطت مشغول.......





تم سعوود يعتذر لها وبين لها انه يسولف ،، وإنه أصلا ما عنده ها الحركات ... طلعت فطيم من الماسنجر لأنها تبى تحس بغلاها أكثر !







وفي اليوم الثاني ... دشت فطيم الجات و تمت تحط أشعار وقصايد ، و مطنشه الأخ سعوود ... إلي دخل عليها ورمسها


.....................


..............


............


........


- اذا ما رديتي عليه الحينه بزعل منج..

- طرشت له (.................)

- ع العمووم طمنتينا عليج: ) يالله باي.. وظهر حتى قبل ما تقول له باي، و أصلا هي ما طرشت له شي ، لأنها كانت تنتظر رد منه ........

وعقب شافت اسمه ظهر ،، استغربت



و يلست تفكر وتحاتي .. وتلوم نفسها ((أنا ليش جذه شو سويت ... حرام بخسره...... هو وايد يعزني !!!

اليوم بدش المسن و بسولف وياه ولا جنه شي مستوي.. و بنسى السالفه الأولانيه .. وببدى صفحه يديده...))



سعود شاب من شباب الجات ،، لعاب ،، ويحب ييمع بنات خلق الله ،، ويلعب عليهن ، وعقب ما ياخذ منهن إلي يباه يودرهن ،، وطبعا فطيم ما تعرف سوالف الشباب لين هناك ،، كانت مشاعره اتجاها مشاعر أي واحد يحب يعلق أي بنت بحبه ، ، وعقب يودرها عسب تركض هي وراه،، وبالـذات إلي مثل حالة فطيم ،، ما يخصهن في الدنيا،، ولا بسوالف الشباب........


فكان كل ما يحصل فرصه للكلام الحلو ما يقصــــر ،، و ما شاء الله عليه ذكي بها السوالف ...

كانت فطيم جزأ مهم فحيــاته ،، عسب يثبت رجولته جدام الشباب ،،، كان مراهق اصغر عنها بكم من سنه ،، و لكنه وهمها بانه اكبر عنها ...!!


وهاي هي سوالف شباب الجات إلي غايبه صورتها عن وايـــــــــــد بنات الله يستر عليهن..!!!



شغــل بالي !

" الجزء الثاني "



- وينك من يومين ما دشيت..

- النت مقطوع.............

- أها..... المهم شخبارك..

- بخير وانتي.؟

- زوينه...

- جي شو فيج..؟

- لا ماشي..!

- متأكده..؟

- هيه .. يعني عادي....

- انزين قولي.. شو بلاج..؟

- ولااااااااااااا شي ... همممم بس اشتقت لك...

- شووووووووووووووووووووووووه...؟ عيديها مره ثانيه..؟

- شو انزين... اشتقت لك يعني شو قلت الحينه..!

- فطيييم تقوووول لي اشتقت لك لووووووول زين زين في تقدم..

- هيهيههيهي جب

- انتي جب

- انته إلي جب

- انزين انا جب ،، بس.......... صدق اشتقتي ليه..؟

- يقولون هههههههههه

- شوه ..؟ ما سمعت ..؟ عيديها مره ثانيه..

- سعودي اشتقت لك


.....


كانت هاي اول مره تقول فيها فطيم ها الكلمــه ،، أو تلمح له بها الشي ،، كانت دايما تتمصخر ،، وتدلع عليه ..

يلسوا يسولفون ويسولفون ، أذن العصر والمغرب والعشا وهم يسولفون ... و طبعا برب عسب الصلاه......



عقب دشوا الجات بعد إلحاح من سعود ، لأن فطيم يوم يكون سعود وياها في الماسنجر ما تحب تدخله،

دشوا الجات عسب يقرضون ، سعود طلب منها إنها ما ترمس الشباب في الخاص وهي طلبت منه نفس الشي !



وفي العام قريض وسوالف ... تمت تسولف ويه واحد أسمه *FirsT* كان اسلوبه حلو وجذاب و"اتيكيت"،، فانقهر سعود وفي الماسنجر



- جنه عيبج..؟

- عادي... جيه..؟

- أشوفج وايد تسولفين وياه.... حتى قمتي هممم تطنشيني..؟!

- لا عادي ههههه سوالف بس !

هممم مب جنك انته الثاني بعد لابسني،، وقاعد تسولف ويا ميره..؟!

- أنا..؟ وين ..؟ ومتى طنشتج .. أنا اطنش الدنيا بما فيها ولا افكر فدقيقه اني أطنشج ..

(بهتت فطيم لما قرت ها الكلام وقالت في خاطرها ( اف كلامه سيده يفز القلب)
- هيه باين...... كلام بس..

- ومن متى وأنا أقولج كلام وبس.؟!

- --------

- ردي..؟ وإلا مشغوله ويا الجماعه ..؟

- لا مشغوله ولا شي شبلاك..؟!

- انزين يالله نطلع

- تووووونا داشين ( بس حبت تغيض به وإلا هو مب هامنها )

- قلت لج نطلع ........

- أوووه.. خلنا شويه.....

- أوكيه انتي تمي وأنا بطلع....





طلع الأخ من المسن ومن الجات ،،، و خلا فطيم بروحها ،، انصدمت فطيم من الحركه إلي سواها ،، وطلعت على طوووووول من الجات طبعا بعد ما ودعتهــم... !


تمت فطيم متكدره من الحركه إلي سواها ،، وإن ها الحركه ما كان لها داعي... ولزووم...


فطيم انسانه عنيده ، حساسه ورقيقه ،، ومن النوع إلي يصدق بسرعه ، ولكنها ما تحب إلي يلعب بذيله ، تعرف إنه ماشي حب فالجات ، ولا في أي مكان ،، ومؤمنه بإن الحب إلي يكون بالحرام نتايجه كبيره ،، وشديــده،، لكنها ما كانت تقدر تسيطر على مشاعرها،، وإلي تحسبه فداخلها ،، لانه كان يدفعها دفع قوي لها الانسان ،، وكانت هاي بلوتها.........



مرت أيام و أيام ، لا هو أونلاين ولا هي أونلاين لأنها سوتله بلوك يوم ظهر عنها بدون احم ولا دستور،، فقامت تخاف عليه و تحاتي غيابه ،، كانت بتطرش له ايميل ،، لكنها تراجعت ،،صبرت عمرها عل وعسى هو يسأل عنها !


فليل تمت فطيم تصيح لما تذكرت سعود ، وتذكرت سوالفهم ، وصاحت أكثر لما تذكرت إنه لا يمكن يكون لهـــــــا...





في اليوم الثاني ،، ربيعتها عفرا دخلت الجات ،، وشافت سعود ،، وعلى طول دخلت عليه وسلمت ، وجان يرد عليها ، شوي وجان يسأل عن فطيم



- شخبار فطيم..؟

- جي ما تكلمها...؟

- هممم ما اشوفها.. والنت في البيت مقطوع..

- أها.... هي ما تدش الحينه ،، مشغوله ف البروجكتات !!

- ايواه .. الله يوفقها ان شاء الله .. سلمي لي عليها وقوليلها ان شاء الله اليوم برد النت ..

- يوصل................





استانست فطيم بشكل ما تتصورنه ،،


- أخيراً سأل عنيييييييييييييييي.... عيل اليوم بلصق في الكمبيوتر ما بقوووووم عنه موووول مووووووووووووول ..

- هههههههههههههههه الله يعينج يوم إن ها الأهبل ماخذ كل تفكيرج ،،، مالت عليج

- شوه منووه قااال ويا ويهج ،، انا بس مرتاحه لها الانسان وو و

- بس بس دخيلج حفظنا ها الاسطوانه هههههههههه

- شـــــــــــــــــــــــب ولا كلمــــــــــــــــــــه... يا ادبب وحده في الكليه ههههه


- دبه في عينـــــــــج.......





انتهى الجزء الثاني بسلام....
وسوالـــــف ....


انتهينــا بميل قلب فطيم لسعــــود بشكل كبير لدرجة إنه صار هاجس لها ،،، واكتشفنا نوايا سعود اللعـّــاب...

يا ترى هل سيظلها هذا الهاجس أكثـــر فأكثر..؟
أم هنــــــاك أحداث أخرى تترقب بطلتنّـــــــــــا..........

سنعرف كل هذ في الأجزاء القادمــة..! :h_gamzah:



انتظرونــا ^-*

 

[KиMάήά]

رد: .ღ. آلـــة حــ في زمن تسليه ــــب.ღ.

ننتظر الجزء التالي , يالا يا الغالية ......

 

[мIşs Ł0οŁο0]

رد: .ღ. آلـــة حــ في زمن تسليه ــــب.ღ.

لين متى يالله بسرعة

 

[عيوز مشتطه]

رد: .ღ. آلـــة حــ في زمن تسليه ــــب.ღ.

وييي خس الله العدو ,, رااااااااااااااحت البنيه ,,

اشكرج لتكمله القصه ,,

وبانتظار البقيه ,,

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.

لؤلؤة الإمارات
يا مرحبابج عزيزتي..
تسلمين على مرورج.. وان شاء الله بحط الجزء اليووم ^^



زهـور الشوق
شرايج تين تضربيني احسن..؟! عسى الله يهديج ها اسلوب احينه ..!
ع العموم مشكوره على طلتج..!


عيوزي
يا هلا واخيراً يتي.. هيه اتريي وشوفي الاحداث شو بيصير فيها :h_9admah:
مشكوره وان شاء الله بحطلكم الجزء احينه

 

[أدركت القـ م ـر]

رد: .ღ. آلـــة حــ في زمن تسليه ــــب.ღ.


هكذا نبض قلبي

"الجزء الثالث"




الحـــب عشش في حناياي وتمكـن من كل حواســـي..

حبيــب القلب دامـــــه معـــاي بغـيـــره أبد مــا أبالـــي..

كلن يعشق وكلن يحب بس حبــي غير عــــن الباقـــي..

حبيبي عن الناس يختلف له صفاتٍ تعذب المفتونـــــي..


أحبك يالغالي وأعشقك وأهواك وماعندي غير الأمانـي..

أبدعي وأقـــول الله ثم الله يخليك لي يا عذب المعانــي..

خلك معايــــه.. وان بغيــــت دنيتي ترخص لك حبيبـــي..

ياعمري ياروحي ياحياتي مالي غيرك اعشقه ويهواني..











في البيت

يلست حذال الكمبيوتر مثل ما قالت ،،، وعلى طول فتحت الماسنجر ،، انتهى الليل وهو بعده ما دخل وهي بعدها تترياه يشرف ،،،


وفي اليوم الي عقبه دخلت الجات في كلاس الكمبيوتر ومــا شافته ،، وفي البيت تمت تترياه ،، و نفس الشي ما دخل !


وفي اليوم الثاني،، دشت الجات من الكليه بنك نيمها * كالقطره * وتمت تترياه ساعتين ،راح عليها كلاس .. وهو ما دخل ..... أخيراً الساعه 2 ونص قبل ما تطلع دش ....



- دب دب دب دب دب ما أدانيك.....

- ليش كل هذا...؟ ها بدال ما تتحمديلي بالسلامه..؟!

- جب ليش ما دخلت من يومين..؟

- هممممم اندعمت.......

- هااه.. خير وين .. وكيف..؟ ومتى..؟ والحينه شحالك ان شاء الله بخير..؟

- هيه الحمدلله ههههههه ما فيه شي لا تخافين حصااااااااااان ...

- الله أكبر عليك .. قول ما شاء الله .. ما يحسد المال إلا اصحابه..

- لها الدرجه تخافين عليه.؟

- وليش ما أخاف عليك ويه الويه....

- ليش تخافين عليه..؟

- لأني ما عندي سالفه..

- ليش.؟

- بس جي من الله لوووووووول المهم أخبرك الدريوليه الحينه بتي .. يالله اشوفك بعدين.. أقدر اشوفك ولا..؟

- انتي تبين تشوفيني..؟

- يالله عاد ماشي وقت..

- هههههههههه اليوم ان شاء الله......

- انزين يالله بااااااااااااااااي

- باااااااااي




وفي البيت تقريبا الساعه ثمان دشت فطيم الماسنجر وتلاقت ويا سعود .. وتمو يسلمون ع بعض .. وقاللها عن الحادث بالتفصيل ،، ولكن احساسها يقول إنه "يجــذب عليها !!؟

وانه يبى يشوف غلاته عندها ،، وإذا ها الحركه بتقربها منـــــــــــــه.. وبنفس الوقت مصـدقتنــــــــه "



وفعلا استجابت فطيم لسعود،، عسب تحسسه بإنه مهم عدهــا ،، وهو فعلاً مهـــــــــم بالنسبه لها ، رغم انها ما تعترف بها الشي.......!



- فطيييييييييم

- عووونك..؟

- أحبج

- ........

- وينج..؟ شو مشغوله..؟

- لا يالسه .. لوول بشو بنشغل يعني !

- هممم ..اتحبيني..؟

- --------- مرت دقيقه ثانيه وهي ساكته مب عارفه شو تكتب.. أخبرك أنا الحينه بظهر .. بسير أرقد أوكيك يالله تصبح على خير

- فطيم... عن الاستهبال.. تراني بززززززززعل

- اوهوو لا تزعل خلنا حلوين (a)..

- نحن من متى ويه بعض..؟

- همممممم ست شهور خخخخخ ....

- وليش انتي جي .. ما تحسين ..؟

- أحس بشووو..؟

- تستهبلين..؟

- جب ما احب ها السوالف

- في بنت ما تحب ها السوالف... صدق انج غرييييييييييييييييييييبه

- أوكيه أنا غريبه : )

- فطيم.. تحبيني..؟

- سعوووووود أنا بسير أرقد أحسن لي ...

- فطيم صدقيني اذا طلعتي بزعل منج...

- خلاص تعبت بسير أرقد ... باجر ورايه دوااااااام...

- ياما سهرت عشانج.. تذكرين..؟

- هيه ههه ،، شوه تعايرني..؟

- لا أبد ،، "قسم بالله" أحلى الليالي قضيتها وياج...... بس أبا اسمع منج ها الكلمه وعقبها سوي الي تبين تسوينه.. يالله عاد فطومتي؟

( تم قلبها يدق مثل الطبل ،، هاي أول مره يصارحها بحبه لها ،، و أول مره يزقرها بها الاسم ،، تمت تمسح وتكتب وترد تمسح وتكتب الين ما كتبت)

- برقــــــــــــــــــــــــــــــد

- تحبيني..؟





فهاي اللحظه بند الكمبيوتر عند فطيم ،، سوت له ريستارت ما طاع يشتغل ، وسوت له ايقاف التشغيل .. وردت شغلته وبعده على ما هو عليه ،، ما طاع يشتغل ، حوالي ساعه إلا ربع وهي تحاول بس ماشي أمل



( أوهووو هو ما اخترب إلا بهاي اللحظه ... أخافه يزعل مني .. ويتحراني شردت.. شو اسوي الحينه يا ربيييييييييه ما عندي طريقه ثانيه....... )





سكرت فطيم لابتوبها وحطته تحــت ،، حذال شبريتها ،، بعد ما يأست منــــــه،، و حطت راسها عسب ترقد ،، وتمت تفكر بكلام سعود ، وقلبها يدق ويدق ويدق.......

في اليوم الثاني دشت فطيم الجات من الكليه ما حصلته ،، ويوم هو دش ما حصلها وخاصة إن الحينه فترة البروجكتات...


تم كمبيوترها خربان لمدة خمسة أيام ودوه عند المصلح عسب يصلحونه ، وعقب يومين ردوه




فتحت فطيم الماسنجر وإلا تشوف 3 ايميلات



فتحت الايميل ...

1

(أفا والله ما هقيتها منج... ع الأقل كان بامكانج تقوليلي مع السلامه!! ع العموم تصبحين على خير ، والسموحه على ثجل دمي ،، بس كان فخاطريه شي وحبيت اقولج إياه : ) )



2

( وينج........؟؟؟؟!!!!!! من 3 أيام وإنتي غايبه... شو تتغلين..؟ حتى الجات ما تدشين.. : ( !! )



3

فاضيه....



اويييييييييييييه الحينه شو اسوي يا ربي ... طرشت له رساله و خبرته بالسالفه ,...





تلاقوا في اليوم الثاني...



وبعد ما سلموا على بعض ...



- حمد لله ع السلامه...

- الله يسلمك شو اشتقت لي خخخخخ... ؟

- هيييي والله ما اتعرفين اشكثر أنا مشتاااااااااااااااااااااااااااااااااااااااااق لج .. تتغلين ها..؟

- والله الكمبيوتر اخترب

- أها أوكيه..بس ما اخترب إلا فهذيج اللحظه..؟!

- سبحــان الله ! قدر الله وما شاء فعل..

- يا الدلوووووووووووووووووووووعه شخبارج بعد..؟

- بخير الله يسلمك وانته..؟

- دامج معايه أكيد بخير : )






فطيم فها اللحظه ما عرفت شو تقول وشو تسوي ،وبعد نفس الشي كل ما بغت تكتب تمســح، تحس إنها من زمان ما رمست وياه....

وآخر مره كانوا غيــــــــر.... فاقترحت انهم يدشون الجات يتسلون ولكنه رفض بحجة انه يغار عليها ...


تم يبين لها شوقــــه لها و ع سوالفها ،، وإنه طول هذيج الأيام ما دش الجات وايد ، لأنه ما يحب يسولف إلا وياها ،،

شوي وإلا

- صدقينيييي أحبــــــــــــــــــج.. : D

- جب انزين ..

- يالله قولي إنج تحبيني (6)

- انزين بس مب الحينه .. يوم بتفيج خخخخخخخخ ..

- : (

- ياالله زين مد بوزك خله يوصل الأرض خخخخخ شو أسويلك يعني ههههههه

- أفا يعني ما أهمج

- امبــــــــــــــــــــــــــــــــــــــــــــلا ،،،

- اشكثر..؟

- وايد ..

- خسفه

- انته أخسف .. يا الحرباءه


.....................


....................


.....................


.....................






مع الأيام اعترفت فطيم بحبها له ،، ولكنها بينت له إنه لا يمكن يكون بينهم أي اتصال ،، إلا عن طريق النت ، لأنها بنت ملتزمه ومحترمه و لا يمكن توصل لها الدرجه ...........



مرت الأيام ، وكل يوم تتعلـــــــق بــــــه أكثر ،، و يوم ينقطع عنه النت تتخبل فطيم عليه ، وتيلس تحاتي ،، وهو ولا ع البـــال !!! ...


بدت الاجازه والحمدلله اثنينهم نجحوا ،، وطول فترة الاجازه كانوا ويا بعض ،، ولكن رغم ها الشي ما تجرأت فطيم تطلب منه رقمه أو انها تسمع صوته ،،،،،،

ولا حتى سعـود "عسب يكبر في عينها" والسبب الرئيسي "عسب ما تلومه عقب ما ياخذ منها الي يباه، وما تتهمه بشي"



بدت الدراسه وفاجأها سعود بقراره ، إنه بيقطع النت لأن الدراسه بدت ، وهو جاد فيها ،،،، طبعا فطيم زعلت بس ما قالت شي ،، رضت بالأمر الواقع لأنها على ثقه بإن الي يحب لازم يصبر ويضحي.......


مرت الأيام ،، وهم بس يتراسلون .....



وفيوم من الايام مرت حذال فطيم ، ربيعتها إلي كانت تقوللها كل شي عن الي فداخلها ،، وتصارحها بكل شي،، وحتى عن سوالفها الي في الجات ،، وكانت تعرف عن سعود ، بس ما تعرف الي بينها وبين سعود من علاقه،، فسلمن على بعض وجان تقوللها


- فطيم ابا اقولج شي ،، بس مب احينه ترى عندي كلاس ولازم اروح،، اشوفج على خير

- وين صبري..؟ إلا تقوليلي عن شوه تبين ترمسين..؟

- يا فضووولج .. عاد بيبدا الكلاس حبي اشوووفج عقب والله برمسج بعديييييين .. يالله باااااااي وسارت عنها



تمت فطيم تكلم عمرها ،، وتتساءل عن الي بتقوللها إياااه ....



رجعت البيت و فتحت المسن ،، عل وعسى تشوف حبيب القلــب ،، ولكنها ما شافته ،، قعدت تسوي البروجكت ،، شوي وإلا تشوف حد مسولها آد .. سوت له آكسبت ،، وكانت حاطه مشغول......




يا ترى منوه الي مسوويلها آد ..؟ هل هو سعـــــــود وإلا شخص ثاني ..؟
وشو قصة ربيعتها.. وشو الي كانت تبا تقوللها اياه..؟
هل الاحداث اليديده بتغير مسار القصـــــــه .....؟!


انتظرونا في القريب العاااجل .. k:

 

[KиMάήά]

رد: .ღ. آلـــة حــ في زمن تسليه ــــب.ღ.

تسلمين يا الغالية و ننتظر الجزء اليديد .....

 

[عيوز مشتطه]

رد: .ღ. آلـــة حــ في زمن تسليه ــــب.ღ.

أواشي عن الحركات ونزلي الباقي ..

استعيلي انزين ..

وشكريا ..