خل العذول موطـي الراس منكوس..* معاني..*

[الوصلاوية]

رد: خل العذول موطـي الراس منكوس..* معاني..*

هيه والله


الحين جهزي دموعج الي ياي بصيحج اهئ اهئ


امممم


الحين بنزل الجزء ناو



الوصلاوية
.
.
.
.

 

[الوصلاوية]

رد: خل العذول موطـي الراس منكوس..* معاني..*

الحب أسمى شي في هالوجود..وأنا عطيتك حب ما له حدود..غريبه أحوالك وطبعك غريب...تصد عني وإنت أقرب قريب...المشكلة إنّي أحبك كثير..ما أقوى على بعدك مهما يصير....محتاج أنا منك حبيبي حنان
...توقف معي لما يخون الزّمان...من أبسط حقوقي أحس بغلاي..تعطيني من وقتك .. تجلس معاي
مقدر أقول إلاّ عسى الله يهديك

تميت ساكته ..مب عارفه شو ارد لها و انا كلي خوف انها سمعت كلامي حق باباتيه ..تجدمت مني نظراتهاا لي خوفتني...بلعت ريجي قلتها بخوف: انتي من متى واقفه هني...
زختني من ذراعي: شوق لا يكون تقصدين ان ذياب فرق بينج و بين ابوج ..
حمدت ربي بداخلي..لان حصيص ابروحها طلعت لي الجذبه هزيت راسي مب عارفه اوافق كلامها او لا ..
فهزتني كانها اتصحيني: شووووووقاني تخبلتي توج عروس اتقولين عن ريلج نذل ...لو عمي سمعج جان حرج عليج ...
ابتسمت مرتاحه : ابروحي اسولف ..
حصه: شو ابروحج اتسولفين ..لو سيفاني مكاني شو بتحسب انج مب مرتاحه بزواجج..
قلتها ابسرعه : لا حصه انا و ذياب وايد متفاهمين ..
فكرت لو خبرت حصه اني مب مرتاحه مع ذياب ممكن اتخبر سعيد و سعيد يخبر ذياب عقب ذياب يخبره عن سبب نفوره مني ..خوفتني الفكره وايد فرجعت أأكد كلامي : و الله العظيم اني احب ريلي حصه شو فيج...
نسيت وجود باباتيه لي ما حط ايده ع جتوفي عباله اني قاعده اتضارب مع حصه ..
فقالت حصه و مبين عليها الراحه: زين صدقتج بس لا اتعيدينها ..ولا ترمسين شرات هاي الرمسه انا صار لي خمس مدري ست سنين متزوجه اخوج ما جد قلته ها الكلمه و انتي ما كملتي اسبوع ..
حسيت اني تاخرت ع ذياب و غير اني ابا اهرب من حصه فقلتها : اخر مره و الله ..
بست باباتيه و قلته: بروح باجر بييي زين حبيبي ...
سلمت ع حصه و قلتها: بوسي لي حمودي ..
ظهرت من حجره باباتيه و من البيت عقب ما سلمت عليهم ...ركبت سياره ذياب كنت برمسه بس تذكرت انه عق عليه رمسه قويه من ساعه فسكت ..
حتى هو ما رمس ضايج بي بس حاولت اطنش ..كنت سرحانه بالموقف الي صار مع حصه من شويه تخيلت لو سمعتني شو بيكون موقفها و شو بتسوي لو عرفت اني النذل الي كنت اقصده هوه اخوها راشد ...تنفست بعمق ...انتبهت انا طلعنا ع الشارع الرئيسي ..رفعت راسي اطالع الطريج ..
سالته: وين رايحين..
قال بصوت واطي و كان مركز اهتمامه بالشارع: بمر شويه المكتب ...عندي شغله ...
سكت ما علقت ...عقب ربع ساعه تقريبا وصلنا ...بركن السياره ع جنب ...قلته بنزل معاك ...ياني فضول اجوف مكتبه و مكان عمله ..بس طنشني
و كان بنزل فقلته : اخاف اتم ابروحي..
بند السياره قال: نزلي ..
نزلت ابسرععه خايفه لا يغير رايه ..ربعت وراه ..كان يمشي بخطوات سريعه و انا احس اني كنت اربع وراه علشان الحق به.. و باللفت حرجت عليه قلته و انا اناافخ من التعب : انت تمشي ولا تركض..؟؟

قال ابرود: محد قالج تنزلين معاي
قلته بعصبيه: متعمد ..

طالعني و قال بهدوء: هيه ...
كان ودي هذيج اللحظه اصفعه بس علشان ابرد غيضي بس خساره اللفت انفتح بابه

فطلع و لحقته قلته: احمد ربك انفتح باب اللفت ..."سكت فكملت كلامي" كنت صفعتك..
وقف فجاه فدعمته ما توقعته انه بيوقف او بهتم بكلامي لانه دوم يطنشني ...رفعت راسي و حطيت ايدي ع خدي مكان دعمته قلته: انت ما اتجوف...عورتني ..أأأأأأأأي .."يلست افرك خدي و بيني و بينكم كنت ابالغ يمكن يهتم"
فقال: دواج محد قالج تلحقيني جنج ذيل ...
قلته: انت عديم الاحساس ...
صد عني و كمل طريجه: شهاده اعتز فيها ..

لحقته ولا جني توني مضاربتنه لانه يسرع بخطواته...جفته يظهر مفتاح من جيبه و عقب فتح الباب ..كان مكتب عود عيبني ترتيبه جفت طاوله و جريب منها باب ...راح باتجاه الباب فلحقته الظاهر هني مكتب السكرتير ...فتح مكتبه ...
قلته: مكتبك عود ...؟؟"ويلست اجول بنظري كان وسيع ما توقعته جي ..."

طنشني وراح صوب مكتبه يفتح الادراج..لمحت شي باب فرحت صوبه و فجيته ..جفت حجره مب وايد عوده و فيها كنبات و كانها يلسه حق العملاء ..
قلته بصوت عالي علشان يسمعني: ذيااب هني ترتاح..

رد علي: تعالي ظهري ما يخصج...
ياني فضول اوايق من الدريشه اجوف الدنيا برع ...فتحت الدريشه و شهقت وااااااو راس الخيمه بكبرها اتبين من هني ...
صرخت: ذيااااااب روعه المنظر ...شغلني عندك و حط مكتبي هني ...
سمعت صوته: اقولج ظهري من هناك ...
تتافففت يقهر هالانسان بس احبه ..صكرت الدريشه و ظهرت من الحجره جفته يقرا اوراق كانت بيده ..
جفت مكتب كله ملفات سالته: هاي صج ملفات فيها اوراق ولا اتقص علينا شررات المسلسلات بس زينه..
رفع راسه يطالعني بنظرات غيض و رجع يطالع بالاوراق ..زين ما قلته شي بس سالته عفانا الله كل يعصب ها البارد ...بارد و يعصب ما تركب !!
تجدمت صوب المكتبه و سحبت ملف ابا ارضى فضولي بس نقزت يوم حرج علي: ردي الملف مكاانه ابسررعه..

رديته ابسرعه اول مره جي يصرخ عليه تم يطالعني بنظرات عصبيه فعضيت ع شفايفي خايفه منه عقب ما رجع يطالع بالاوراق الي كانت بيده قلته : زين ما باكلها بس كنت بجوف شو مكتوب فيها ..
بس سكت يوم رجع يطالعني هالمره كنت اكيده ان بييني كف منه بس تنفست مرتاحه يوم قعد ع كرسي مكتبه ..و زخ القلم بيده و قعد يشخط ..طاحت عيني ع ثلاجه موجوده بالزاويه فرحت صوبهااا حاولت افتحها بس كانت مقفوله غمضت اعيوني يوم سممعت ذياب يزقرني: شوووق ..
التفت صوبه طالعت مكان اشر ع الكنبات و قال: يلسي هناك ولا تتعبثين بشي ياهل انتي ..؟؟

يوم قال لي هالعباره تخيلت انه يرمس بنته مهره ولا حمودي فرحت و قعدت مكان اشر لي ع الكنيه ..وحطيت ايدي ع خدي اطالعه ...مرت دقايق فتعمدت اقول بصوت عالي : اففففف
طنشني ..
شهقت بصوت عالي يوم طاحت عيني ع برواز: ذياااااااااااب ها المنظر جفناه بماليزياا
ذياب من سمعني اشهق نقزت ع باله صار بي شي فحرجت علي وكانه يحذرني : شوووووووووووق
فضميت شفايفي ع بعض لاني حسيت بموقفي السخيف فسكت ...طالعت الساعه ..
و قلت: ملل ...
رد من غير ما يطالع: محد قالج تنزلين معاي ..
قلته: ذليتني ...متى بتخلص ياني الرقااد...
وقف و رجع الورقه داخل الدرج و قال: يالله ...
وقفت ابسرعه مستانسه ...طلعت و لحقني قفل المكتب سالته يوم طاحت عيني ع المكتب الي برع
فقلته: منوه هني قاعد ريال ولا حرمه ..
طالعني و كأنه يقلي ما يخصج ...تنهدت الله يصبرني عليك ...
باللفت قلته: مكتبك وايد حـلو ...
ما لقيت رد قلته: خلني اشتغل معاك .."طالعني جنه مب متوقع فابتسمت له فصد عني ابسرعه "
ظهرنا من اللفت عقب ما ركبنا السياره قلته: ارمس جد..
همس : شوق ما ابا اسمع حسج موليه مفهوم...
كانت نبرة صوته ما بين التهديد و و الاشمئزاااااااز...
عور قلبي كلامه ..فسكت منحرجه قلته: مدري كيف اكسبك..
رد: ما يحتاي لان ماشي فايده ...
سالته: متى بتخبر علي اهلي ..
ذياب: ما بخبرهم "وطالعني" مب عشانج ..علشان كبريائي
سكت عنه لو كلمته زياده ادري بيقولي رمسه شرات السم...وصلنا البيت و انا احس مصدعه يمكن القهر من كل شي يصير حولي ...دشينا الصاله ..كانوا متيمعين يطالعون مسلسل ...
ربعت مهره صوب ذياب فشلها لوت عليه
ندى: شوق اشتقت لج تعالي يلسي معانا ..
قلتها : لا اسمحيلي تعبانه بروح حجرتي..
عطيتهم ظهري ركبت الدري سمعت صوت خالوه العوده اتقول : شو بلاها حرمتك..
بس طنشت انا كافي متحمله عذاب اخوها بعد هي و بنتها ابصراحه وايد وايد علي ...رحت حجرتي فريت كل شي ع شبريتي و دشيت الحمام اتغسل ..
عقب ساعه و نص ظهرت من الحمام تفاجات يوم جفت ذياب و مهره ع الشبريه ...يلست امشط شعري الظاهر ان مهره بترقد خلاص ..مدري أي شعور صابني و انا اجوف مهره بين حضن ابوها ...كنت اتمنى اني اشاركهم حياتهم بس ذياب يبعدني عنه و عن بنته قد ما يقدر ما توقعت جي بتكون حياتي ابد معاه ..
.انسدحت و هذي اول ليله ارقد فيها فـ بيت ذياب دعيت ربي اني اتم طول حياتي جريبه منه ...
سمعت صوت مهره و كانت نودانه : باابا..
التفت لها جفت ذياب يلعب بشعرها: هاه بابا شو تبين ..
قالته: انا بردانه ...
سالها بصوت حنون: اقصر ع المكيف ..
شل الرموت و قصر المكيف
قام ذياب و عدل اللحاف يغطيها زين ..صديت عنهم و انسابت دموعي ع خدي ..ابا اعيش مع ذياب و بنته ابا اشاركهم عالمهم و حياتهم..

.بطلت اعيوني وصديت اطالع لورا جفت ذياب نش من مكانه عقب ما


الله لو تدري حبيبي وش كثر مليت العتاب>>وانت في قلبي حزن ..في عيوني سراب....خايف .. يذوب باقي الأمل في دمعتي ..وإنت على بعد النظر .. ألمسك بأطرافه...أقرب من عروقي .. من الشوق...ومهما تبعدك المسافة .......وكلما طلّ الفجر .. أسأل عليك الصّبر

رقدت مهره . و ظهر من الحجره ..ظنيت انه بيرجع بس مرت ساعات حاولت ارقد ما رمت فكري و بالي مشغول به وين راااح ...نشيت من مكاني و رحت برع ..تفاجات يوم جفته منسدح ع الكنبه ..شكله كان يطالع التلفزيون و رقد.
.رحت صوبه همس: ذيااب ..
فتح اعيونه و طالعني و رجع غمضها و قال: شو تبين ..؟؟
قلتها: تعال ارقد داخل ليش راقد برع ..
قال : روحي ارقدي انا بتم هني راقد ...
قلته بيأس: ليش ..؟؟
تم ع وضعه : بس روحي ارقدي..
ما تحملت اطالعه من بعيد تجدمت منه و يلست عالارض جريبه منه قلته بنبره اترجااه: لا تحرمني منك..
طنشني كملت : انا ابا اشاركك حياتك بكل صغيره و كبيره بكل حلوها و مرها ..
رد: ما تصلحيلي ..
قلتها بغيض: امبلى اصلح لو انت تبا ..
قال ابرود و كانه يستفزني: انا ما ابا ..يلا روحي ارقدي ولا تضيعين وقت ..خليني ارقد من التعب ..
شويه : لي متى بتم حياتي معاك جي...
ذياب و كانه تملل مني: بس عااد فجي عني ...انتي ما تفهمين انا ما اطيج قربج مني...خليلني بحالي يا بنت الناس...
و انا ليش اتعب عمري و ادري هالانسان نحيس ..راسه يابس..وقفت ما قلته شي ..دشيت حجرتي طحت ع الشبريه ..كانت مهره تجلب اخرتها خذتها بحضني بس ما رقدت الا جريب الفير ...
تجلبت ع الفراااش ع صوت طفولي صوت مهااري .كنت ببطل اعيوني بس غيرت رايي يوم سمعت حس ذياب يقول حق بنته: اششششششششش وطي صوتج عموه راقده..
مهره: باباا ليش عموه نايمه فوق شبريتك..؟؟
ذياب: لانها حرمتي..
ابتسمت و انا اسمع سوالف ذياب مع بنته ..
ردت تساله: كل بتنام معانا .
ذياب: هي كل يوم و انتي لازم تتعلمين ترقدين بحجرتج ابروحج ...زين بابا
صرخت مهره: لالالا انا بنام معاك و مع عموه ..
كنت اتمنى اسمع تعليقه بس الظاهر شل مهره و قال: يلا عن الحشره تعالي نتريق تحت ..خلي عموه تنام لا تزعجينهاا ...
غمضت اعيوني رجعت فتحتها ع الساعة وحده الظهر ما صدقت يوم جفت الساااعه..تذكرت اني سمعت حس ذياب و بنته شكيت اذا كنت احلم او واقع .رن تلفون حجرتي فمديت ايدي رديت بكسل: الوو
ندى: ايه صح النوم ..قومي بسج كسل ...
ابتسمت: و الله توني نشيت..
ندى: هههههههههه بعدج مصدعه..
قلتها: لا ...
ندى: زين شو رايج اييج الحجره ولا ما تبين ازعاج..
قلتها: تعالي بكون متغسله و مصليه
ندى: زين ..بييج قبل ما اييج خالي ...مع السلامه ..
رحت الحمام ..عقبها بربع ساعه كانت ندى موجوده معاي..
فاجاتني ندى: شوق مرتاحه معانا..
قلته : هيه ليش هالسؤال ..

ندى: مدري احسج مب طبيعية شو فييج .خالي مزعلنج..اسسسسفه شكلي تدخلت بشي ما يخصني..
ابتسمت: لا ندوووي و الله مرتاحه كافي خالج بقربي ...
قصدج: ذياب.
ضحكت: ههههههه هي ذيااب
ندى: امممممممم بديت اقتنع بكلامج؟؟
طالعتها مستغربه فابتسمت: عن راشد..صدق خالي يعرف مصلحتي..
سالتها : انتي ما اتعرفين شو بين ذياب وراشد...
ندى: ما بينهم شي بس ظروف العمل و الحياه فرقتهم عن بعض هذا حجي خالي ...المهم انا كلمت خالي قلته بفكر لازم اتخذ قرار صحيح..وخاصه اخاف ع زعل قوم عمي ..
زخيت ايدها لان ندى بدت تتقبل الموضوع : زين ندى حاولي فكري بـ حياتج..دخيلج انتي ربيعتي و انا ابا لج الخير ...
وقفت ندى: زين من عيوني ..و الله عارفتنج ..امممممم اشك خالي بيي الحينه..تعالي نزلي تغدي ..اوكى ..؟؟
قلتها: من عيوني ..
ظهرت من حجرتي سرحت معقوله امبين علي اني مب مرتاحه معاهم ؟؟ وقفت ورحت صوب المنظره اطالع ويهي .ابتسمت يوم تذكرت كلام ندى زين انها ع الاقل حطت فـ بالها تفكر بكلامي يا رب ترفض راشد يا رب ....التفت صوب الباب يوم تصكر ...ابتسمت يوم جفت ذياب كنت بتجدم صوبه بس يوم جفت ملامحه تميت واقفه ابمكاني ..

سالته: شووو..؟؟
تجرب مني فرجعت لورا و لصقت بالتسريحه ...قلته مره ثانيه: شوه..
زخ ايدي بس بعصبيه ارتجفت لاني اول مره اجوف ذياب جي محرج علي
قلته بخوف: شوه فييك؟؟
صك ع اسنانه: خلج بحالج لا تدخلين بحياتي او حياة ندى او بنتي مفهووم
فهمت انه يقصد سالفه ندى يوم اقنعها انها ترفض راشد حسبت ذياب بستانس من هاي الخطوه لانه هوه بعد رافض فكرة زواج من ندى ..
قلته بصدق: ندى ربيعتي ..
صرخ علي: لو كانت ربيعتج و تخافين عليها ما لعبتي من ور اها و اترمسين الشخص الي كان ممكن ترتبط فيه
قلته : بس انا خايفه عليها من راشد حتى انت "رص ع ايدي فقلته" أأأي فج عني ...
قاطعني و حذرني نبره صوته حسستني بالبروده بكل جسمي فقال: شووووووووق هذي اخر مره اقولج مالج خص باهلي خلج بحياتج الوصخه..
صحت و صرخت بويهه من الغيض: انا كان قصدي شرييف كنت ابا ابعد ندى عن راشد..
رد علي بنفس اسلوبي: ما ابىى اسمع اسمه موليه...انتي ما حذرتيها الا لانج تبينه وتغارين .
فج عن ايدي و ابتعد عني لحقته و انا ميته من القهر و غير دموعي الي بيينت ضعفي ها سبب ثاني خلني انقهر قلته: ما بيني و بين هالانسان شي ..انت ما تفهم ..
التفت لي و قال: انا ما اصدقج بشيء موليه ..انتي وحده ما في حيا تواعدين ريال بالسفر وين تتحرين عمرج عايشه بلد اجنبي و غير انج مخطوبه .."صرخت يوم عفد علي و زخني من ذراعي و صرخ علي " يوم انج تبينه حق شوه وافقتي عليه علشان بيزاتي جان قلتي لي كنت عطيتج ...

يا هو ظالم ما في قلبه أي رحمه...وكل ما زاد حبّه زاد ظلمه ...الهوى والشوق في قلبي من الله...حل روحي وصار دمي بعض دمه...لو دعاني يوم بالتفكير جيته..أترك همومي وأشيل اليوم همّه
أحتري كلمة تواسني في همي

الحينه ذياب بحاله مهما نطقت او دافعت عن نفسي ابد ما بسمعني ...كلامه آلمني و علاقتنا الي بدت تنهد اكثر عن الاول المتني اكثر..كنت محطيه أمل اني ممكن نرجع شرات قبل بس الحينه صرت اكيده ان ها مستحيل ...ابتعد عني كأنه متجزز مني..
عطيته ظهري و غطيت ويهي بيديني و يلست اصيح بصوت عالي ...سمعت صوت باب حجرتي يتصكر بقوه ..ما طاوعتني ريولي اوقف فيلست ع الشبريه ...طاحت اعيوني ع التلفون ..اتصل باهلي انهي حياتي معاه خلاص ...حركت ايدي صوب التلفون بس تراجعت قبل ما احط ايدي ع السماعه ..شو بقولهم ..؟؟ريلي مب طايقني لانه سمع حسي اواعد ريال غريب عني قبل عقد قرانا.باياام ....؟؟
عقب سيفاني و سعيد بعرفون اني بهاك اليوم ما كنت بسافر بروحي مع ريال ...غطيت ايدي بويهي و رجعت اصيح بصوت عالي شو الحل يا ربي شسوي ..انا هذي الحياه ما اتحملها ...اوكى ممكن اصبر لكن ع كلام ذياب و تجريحه لي ما اتحمله موليه ..
صخيت يوم سمعت صوت الباب يتبطل صديت الصوب الثاني امش دموعي ع بالي مهره ..عاد تخيلوا لو جافتني اصيح بتفضحني فضيحه..شو بيقولون عني عروس توها اتصيح ...بس طارت افكاري السخيفه كلها يوم جفت ايد ذياب اتزخ ايدي ...حاولت اييرها بس منعني..تميت صاده عنه ..تجرب مني و لصق فيني .و خلني اوايهه

جيت أبزعل عليك وناويٍ بالخصام >>>كل مافي خفوقي بس أزعل عليك>>>بس من يوم شفتك قلت برضى وأجيك>>>خل روحي بروحك هذا أغلى وسام >>خل عيني بعينك خل ايدي بيديك>>ياشروق المحبة ياشموع الغرام
يا ورود بحياتي عطرها يهتديك>>ما تموت المشاعر دامني أحتويك>>انطبع في خفوقي اسمك بحرف لام
وفي عيوني عشقتك في حياتي أبيك

.قال بصوت واطي و هو يمسح دموعي : انا و الله ما احب اجوف دموعج..؟؟
نزلت نظري بالارض رجعت اصيح صدمتني نبرة صوته الحنونه: شوووق لا اتصيحين..
ورجع يمسح دموعي رفعت نظري اطالعه هذا هو ذياب الي من شويه كان محرج علي...زخيت ايده الي كانت حاضنه ايدي وقلته بنبرة ترجي: انا غيير عن الي بالك و الله غير ..هوه كان يبا يفرق من بينا ذيااب
فاجاتني ابتسامته حط عينه بعيني و قال : ها كله ما ينفعني شوق...
حسيت باليأس خلاص..
كمل كلامه: انا ما اقدر ارتبط بانسانه كانت مشاعرها لشخص غيري و مب اي شخص ..انسان حاقد لي...
لصقت فيه: شو بينك و بينه ..انا مالي علاقه ..
رن تلفون الحجره ..طنشه ذياب و قال: مب مهم سالفه قديمه عبالي انتهت بس ما توقعت الامور بتوصل لها الدرجه ..
قلته: انا ما يهمني انا باك ذياب انا وافقت عليك ..لاني اباك انت ...
رن التلفون مره ثانيه فرد ذياب : الو ....ييبوا الغدا فوق ...باي..
كنت بقوله ندى تترياني اتغدا معاهم بس لقيت الوقت مب مناسب و خاصه ان ذياب يرمسني بطريقه وديه يعني ممكن اقنعه انه يسامحني...بس انصدمت يوم وقف و ابتعد عني..نشيت من مكاني
و لصقت فيه : ذبيياب ..
ابتعد عني: ششوق تبين تعيشيني معاي خوف من اهلج ما منعتج بس ابعدي عني و عن اهلي بليز .. و ظهر من الحجره ..انسدحت ع الشبريه مضايجه الله يغربلك يا راشد هدمت حياتي .لعبتهاا صح يا الحيواان ..دوااي استاهل ها الي يطلع عن شور اهله .

.ها الي يسوي شي من ورا اهله ...حطيت المخده ع راسي و انخمدت و انا كارهه حياتي وكل شي فيني ...تمنيت اني ما انش موليه علشان ارتاح من ها الهم ...
نشيت ع رنة التلفون ..مديت ايدي ادور ع سماعة التفلون رديت بكسل: الو ..؟؟
شيخاني: رااااااااااااااقده !!
نقزت : شو فيج يا الدفشه روعتيني..
شيخاني: هههههههه شو ما بتيين بيتنا ..

يلست اطالع الساعه انصدمت جفتها جريب المغرب: قلتها مدري بجوف ذيااب..

رد علي: زين مب مشكله ترا اسمعهم يقولون يبون يتغدون في بيتج ..
ابتسمت : حياكم الله..
شيخاني: اونج راعية بيت..
طفرت منها: يلالالالالالا باي ..
شيخاني: ههههههههههههه باي..

نشيت رحت اتغسلت ..لبست ثيابي معقوله ذياب ما قومني..من الرقاد خلني راقده ع راحتي.. اصلا هوه شو يهمه خلاص ...ما عاد يربطنا شي..و انا بفكر بطريقه اخبر سعيد ..ها اذا قدرت اتجرأ يا ويل حالي ..شو بيستوي بالمستقبل ..الله يستر ...

نزلت تحت الصاله ..ابتسمت يوم جفت مهاري يايه صوبي ككانت تلعب بيللاستيشن مع خوان ندى ..
مهره: عموه تعالي العبي معانا بغلبج..
نزلت و بستها ع خدها و قلت بخاطري لو جافني ابوج معاج بياكلني و تذكرت بألم الي صاار من بينا الظهر...
قلتها: بعدين حياتي ...بروح اسلم ع خالوه زين ..
رردت مكانها تلعب من غير ما اتعلق ع كلامي هاي شكلها ع ابوها يوم اطنش الواحد ...رحت الصاله ..الثانيه حسيت من نظرات فتون و امها و ندى الي ابتسمت لي انهن كانن يرمسن عني ...بس ما حطيت في بالي ...ما شي اقوى من علاقتي بـ ذياب بتأثر بنفسي ولا فتون و امها ما يهمون ...
قلتهن: لسلام عليكم ..

ردن : عليكم السلام ..
وقفت خالوه العوده : يلا انا بسير بيت ريفيجتي ام احمد ..
و ظهرت من الصاله ..طالعت ندى مستغربه من تصرف خالتها بس طنشت ندى و قالت : تعالي قعدي شكلج كنتي راقده ..

يلست جريب منها و قلت : هيه ..سوري و الله كنت تريا ذياب علشان ننزل تحت نتغدا بس رقدت ..
ندى: هي بالاول قال ييبوا الغدا فوق عقب نزل تحت يتغدا ..
فتون : انتي ما صار لج اسبوع امودره زوجج ...
رفعت حياتي: انا وردته متى ..؟؟
فتون: شو كل ترقدين ...
ندى: يمكن تعبانه انتي ما اتعرفين ظروفها..
فتون محرجه: و انتي ليش ادافعين عنها ...؟؟؟ يعني انتي بعد متضايجه من حركاتها ..
طالعت فتون و ندى مستغربه حق شو كل هاه الحينه ....
.ندى : بس فتون ..شو فييج الحينه انتي محرجه..
فتون واقفه: خالي تزوجج علشان ادارين ع بنته مب ترقدين 24 ساعه .لا تنشدين عنها ولا عنه ..
بلعت ريجي كنت بصيح ع كلامها هي ما تدري شو علاقتي بـ ذياب و انه مانعني اني اتجرب من بنته و من ندى .. و كل اهله .
ندى حسيت بها متضايجه: بس عاااد فتون ...
قلتها: فتون ...اذا ريلي اشتكى و تضايج هذيج الساعه لج حق اتعاتبيني بس ريلي راضي ..
فتون : من قالج راضي ..؟؟.و شي اكيد انه ما بشتكي لنا ...توه بنته تباج تلاعبينها و انتي شو قلتي لهاا ...ما اقول غير الله يرحمج يا حنان ...
ما قدرت ارد عليها نزلت راسي بالارض .. و فتون ظهرت من الصاله ....عضيت ع شفايفي علشان امنع دموعي انها تنزل ..من حقها فتون اتقول هالرمسه و اكيد امها قالت نفس الرمسه ما ينلامون لانهم ما يدرون شو يصير ...نشيت ندى و يلست عدالي : شوق ..
قلتها: ما عليه ندى انا فتون اعرفها زين ...ما يحتاي اتبررين ..
ندى: لا تضايجين ...
رفعت راسي ابتسم لها : مب مضايجه بس يوعانه من البارحه ما كلت شي ...
ندى : ثواني بس ازقر الشغاله ..
حطيت ايدي ع يبهتي اتنهد يا ربي اتحمل ذياب ولا اهله .. الحمدلله ان ندى ربيعتي ...جان صج ما بتحمل ...
يت الشغاله و حط لي اللاكـل قعدت و انسولف انا و ندىى ..استانست معاها وايد كانت يلستي معاها خفيفه و حلوه شرات سوالفنا ..كنا نتذكر ايام الدراسه و الكليه...ذكرتني بموقف مره مر عليننـا ...في حصة العربي ...يتني أبلة العربي تعبانه ...كان عندها الضغط مرتفع ...استانسنا يوم قالت ماشي درس اليوم و طوال الحصه حطت راسها ع الطاوله راقده ...كنت انا ووحده اسمها اسماء ...شياطين في الفصل ..فكنا نظهر من الفصل شويه شويه من غير الابله ما اتحس ..

قلت حق ندى: كنت احاول اقنعج اتيين معانا بس كنتي خوافه ...

ندى: ههههههههههههه الحمدلله ما ييت معاج ..يوم وصلتي عند الباب رفعت راسها الابله و راغتج هههههههههههههه اتذكر شكل ويهج..

احتجيت و انا ميته ضحك: هههههههههههههههههههه مب انا و الله كانت اسما ودوها عند المديره .
ندى: و انتي شو يا حظي ..وقفووج باخر الفصل طول الحصه ..
اتذكرت ايام الدراسه روعه ضحكت ع ندى و تعليقااتها: هههههههههههههههههههههههه
بس صخيت يوم جفت ذيااب واقف عدال باب الصاله و كأنه اول مره يجوفني اضحك..
ندى: خالي تعال اقعد تعال بسمعك فضايح عروستك ايام الدراسه..
قلت ندى متلومه: بس ندى ...

ندى: ههههههههههههه لا تتحرا ها وحده هاديه لا كانت شيطانه..
ما توقعت ان ذياب بتجدم و بيقعد عدالي حسبته بطنش كالعاده و بيروح عند بنته او اي مكان انا بعيده عنه .يمكن علشان ندى موجوده معانا ..
ذياب يطالعني و يرمس ندى: عارفها عروستي زين ما زين وقت ما اتكون اتمثلل ولا ع طبيعتها ..
ندى وقفت اتصب له جاي: لالالا مستحيل اتعرفها كثري ...هذي قرينتي مب ربيعتي ...
قهرتني نظرات ذياب و كأنه يقول لي خاينه ...وقفت فقالت ندى: وين وين..؟؟
قلتها: بغسل ايدي عقب بروح بيت اهلي ..
ذياب: مب لازم اتروحين اليوم ..
خذت نفس طويل: ع راحتك...

كنت ابا افتك من نظراته ...ربعت حجرتي غسلت ايديني و يلست اجلب محطات التلفزيون...حياة ممله و تعيسه ...دش علي ذياب ...طنشني رايح حجرته لحقته و قلته : كيف يهون عليك اتجوفني و ما اترمسني ..؟؟عيل انا ليش ما اقدر اسوي فيك نفس الي انت اتسويه فيني ..؟؟
رد ابرود: لاني كشفتج ع حقيقتج و انتي تبين تثبيت لي العكس ..
قلته بانفعال: انا عمري ما مثلت عليك...كم بتحمل هاي الحياه انا بموت "كنت بصيح بس تداركت روحي عطيته ظهري و ظهرت من الحجره "
كنت وايد مضاايجه ..دشت علي مهره اتصيح غمضتني خذتها بحضني سالتها بحنان: شو فيج حياتي ..؟؟
مهره تمسح دمعها: سهيل ضربني ...
قلتها: ما عليه يوم بجوفه بضربه ..
رفعت راسها اطالعني بعيونها البريئه: اضربيه وايد..
ابتسمت لها و قلتها: وايد وايد...
تجدمت علشان ابوسها بس ذياب شلها عني .. طالعني بنفس النظرات يوم كنا تحت فـ الصاله ...
مهره: بابا سهيل ضربني ..؟؟
ذياب: ما عليه حبيبي باجر ما بناخذه معانا البحر...
صرخت مهره مستانسه: انا احب بابا بروح البحر الله ..
فاجتني ضحكته: هههههه
كنت اطالع التلفزيون بس بالي كله مع ذياب و بنته ...راقبته يوم ظهرها من الصاله ..
رفعت راسي اطالعه طنشني قلته: نظراتك هاي مالها داعي ..
ذياب و كأنه يترياني ارمس : لا تقعدين تشكين لي ..مب عايبتنج الحياه قلنالج روحي بيت اهلج..اصلا انتي مب مرحب فيج هني ..حطي في بالج انتي ضيفه هني ... و الضيف عمره ما يطول فـ الدار ...

كلمات كانت مثل الطعون في صدري ...نزلت راسي بالارض يلست اراقب الدموع الي كانت تتناثر ع ظهر ايدي ..وايد يكرهني ذيااب وايد يحتقرني ...
رفعت راسي و انا مجروحه: ودي اروح بس شو اقولهم ..؟
تطنز علي: قولي ان ريلي عرف اني ارمس غيره و كنت مواعدتنه ..
ما تحملت كلماته فشليت الرموت و فريته ..ذياب كان متفاجات مب ردت فعلي او انه ما توقعها ..علشان جي ما قدر يتفادى الرموت الي يااه ع خشمه فصب ع طول دم ...شهقت يوم جفت الدم يسيل من خشمه عفدت صوبه متروعه : ذياب ..
حط ايده ع خشمه و قال : شو سويتي ...؟؟
صحت و انا اجوف الدم : انا اسفه ما قصدي ...
خطفني ولا كأني كنت اعتذر له راح الحمام لحقته ..كان يتغسل بالمغسله كنت اراقبه و قلبي يتقطع يوم اجوف الدم مب راضي يوقف خفت اكثر ..
قلته: ذياااااااااااااااب مب راضي يوقف النزيف ...
تجدمت منه بس رفع ايده :خلج خلج بعيد عني ...
ما همني صده عني بها اللحظات لاني تذكرت الثلاجه الموجوده ف، الصاله فـ ربعت اييب له ثلج...عل و عسى يووقف الدم ...جفته ظهر من الحمام .. و كان زااخ كلينكس بيده ..مدت ايدي و ترجيته: خذ الثلج بينفع ...

ابتعد عني امطنش الثلج الي بيدي ...و قال: ما يحتاي بدا يخف ..
جفته يفصخ كندورته لانها اتوصخت دم ..تجربت منه عقب ما فريت الثلج فـ الحمام..شلت كدورته الي عقها عالارض علشان انظف الدم منها بس تفاجات يوم ييرها عني فقلته: بنظفها..
قال: بفرها بالزباله ...
طالعته هالانسان بارد ...ما توقعته جي يا برودك يا ذياب ...طلعت من الحجره قبل لا افلعه مره ثانيه ..يلست ع الصاله ارتجف و انا اتذكر كمية الدم الي نزفهااا ...جفته تاخر بالحجره فرحت له ...لقيته منسدح عالشبريه يطالع السقف يلست ع طرف الشبريه الصوب الثاني و قلته : انا اسفه...
ماشي رد............................
ترجيته: ذياب ..رد شرات قبل ..
رد ابرود : متى قبل لا اعرف انج راعيه تلفونات
همست: انت ما منك فايده ...بس انا احبك...متحمله كل شي علشانك ..
طالعني و رجع يطالع السقف بس هالمره غمض اعيونه ...
قلته: فتون من ساعه قطعتني بالرمسه اسال ندى...
جفته ما علق ع كلامي فكملت: تظن اني ما اهتم بك ولا بمهره ..هي ما اتعرف ...
قاطعني ووقف جنه يبا يظهر : خلج منها ...
وقفت معاه: بس اترفزني ...
رد علي عقب ما شل غتره بيده: طنشيهااا ...
قلته: وين بتروح..
قال: ما يخصج ..
قلته: بروح بيت اهلي ..
رد علي : مب لازم خليها باجر ..
قلته: زين يبون يتغدون معانا باجر ..اتصل بهم اعزمهم ..
طالعني بنظرات ما فهمتها..و طلع من حجرتي ...تنفست من الغيض ..و ها الانسان العنيد الله ياخذك يا راشد خربت حياتي بخبثك و حقدك..بس اموت و اعرف شو بين ذياب و راشد...؟؟
نزلت الصاله تحت جفتهم متيمعين يطالعون التلفزيون فيلست معاهم ...
مهره: عموه
شلتها و حطيتها بحضني ..
مهره: هذا سهيل ضربني يلا اضربيه ...
ابتسمت لها و قلتها: انتي ما تنسين شرات ابوج ..
مهره: يالله اضربيه ..ضربني ..
قلته اوني اخوفه: سهيل ليش تضرب مهرا هذي اخر مره زين حبيبي ...
خالوه العوده: غريبه يالسه معانا ...
قلتها: لاني ما رحت بيت اهلي ...
فتون و كانها تتمصخر : و بتتعشين معانا ...
سكت ما رديت عليها يلست اطالع التلفزيون ...جفت اخو فتون نوااف داش بيده البوم صور ربعت فتون من مكانها و يرت عنه البوم : ليش متعبث بالبوم ملجتي ...
نواف: بس بجوفه..
فتون محرجه: منوه امرك تدخل حجرتي هاه ..
قلتها و انا فيني فضول : ممكن اجوفه فتون ...
مدت فتون يدها و عطتني اللبوم ...عيبني شكلها و شكلها استانست يوم قلتها شكلج غير و جنج وحده عروس مب حفله عقد قران ...يلست اتراويني الصور .. جفت ذياب ..مدري ليش رقع قلبي و كأنه واقف جدامي ..بس انصدمت الا انصعقت يوم جفت صورة الريال الي دعمته موزي ..
قلتها: منو هاه
ردت: هاه اخو هزاع ..اسم عارف ؟؟
استانست موزي للحين اتحاول اتعرف عنه شي و انا شكلي الي بخبرها عنه ..
قلتها: شكله اكبر عنى ريلج بس ريلج احلى ..بس اقولها جي علشان تستانس مني و بالفعل استانست
و قالت: هي ها اخوه الاكبر ممب معرس بس سمعت هزاع يقول يفكر يخطب ..و الظاهر بسون عرسهم في يوم واحد..
دعيت في قلبي انه يكون من نصيب موزي لانها تستاهل كل خير لانها طيوبه و حبوبه ..قعدت اسولف مع ندى و فتون و خالوه العوده سوالف كثيره ..هالمره ما ضيجوا بي ابد ..مر الوقت الين ما تعشينا ..و اتصلت بذياب بس ما رد علي ..و من اتصلت به خالوه العوده رد عليها انحرجت من الموقف ..المهم قالها انه بتعشى برع مع الربع ..
..من عقب هاليوم عرفت شو الي يريح خالوه العوده و فتون اني اجابلهم في البيت 24 ساعه ...فصارت حياتي مع ذياب جي ..ما قمت اجوفه بالمره الا اذا ياه يرقد او يلاعب بنته ولا ياكل و يشرب ..حرمني منه موليه ..حتى مشاعري و احاسيسيه صوبي تعبت وايد ..و الي كاسر ظهري ان ذياب ما قد ظهر مشاعره صوبي ابد ...قدرت امتص غياض فتون و امها من صوبي يوم كثرت يلساتي معاهم ..لدرجه اني قللت المشيه بيت اهلي..حتى باابااتيه ما قمت اجوفه وايد.
.كنت اسمع وايد ملام و معاتبه من صوب اهلي لاني قطعتهم ما عدت اسمع اخبار حد..حتى عن سيفاني و بدور..ما ادرى وين وصلوا ولا خبرت موزي عن سالفه عارف ...حياتي انجلبت فوق و تحت ..صرت بس احسب حساب اني اراضي أخت ذياب و فتون حتى ارتاح معاهم فـ البيت و هاي كانت اكبر غلطه لي...
ذياب كان ملاحظ اني قطعت اهلي بس ما علق ع شي موليه ...

مرت اسابيع ع ها الحال .. و احس الي صار بيني و بين ذياب شعره ممكن تنهد باي لحظه ...الين ما ياه اليوم الي اتصلت فيه شيخاني فـ ليل طيرت عقلي مني يوم قالت باباتيه بالمستشفى رقدوه ...

ربعت برع الحجره صوب ذياب الي كان يطالع التلفزيون بوقت متاخر..تفاجا يوم جافني يايه صوبه و انا اصيح.
نقز: شوفيج..
زخيت ايده اترجاه: باباتيه بالمستشفى تعبان ..خلني اروح له دخيلك..
وقف ابسرعه : زين لبسي ...

 

[الوصلاوية]

رد: خل العذول موطـي الراس منكوس..* معاني..*

رحت شرات المينونه البس ثيابي و عبايتي و شيلتي ..قلته: مهره بتم بروحها بالحجره..
ذياب: ما عليج بزقر لها الخدامه ...يلا تعالي..
ركبنا سيارته حاولت اتصل بسيفاني و سعيد و نحن ع الخط بس محد يرد علي يلست اصيح ..ما توقعت ان ذياب بزخ ايدي و انا ما صدقت و كأن الحياة ردت لـ قلبي يوم حسيت بلمسته..
قالي بصوت حنون: لا اتصيحين شوق مافيه الا الخير ...ان شاء الله ..
رصيت ع ايد ذياب: بالفتره الاخيره قطعته ما قمت اجوفه..يا ويلي ..باباتيه بروح عني ..و الحينه محد يرد عليه دواي استاهل ...
ذياب كان متعاطف عليه: شوق لا اتسوين بروحج جذا ..علشاني زين لا اتصيحين ...
ما كنت مصدقه ان ذياب جي يرمسني... فحاولت اسكت و قلته: باباتيه بيكون بخير ..
ابتسم: ان شاء الله ...
وصلنا المستشفى .. رحنا صوب الطواري ابسرعه ..جفت سعيد و سيفاني واقفين برع ...تجدم مني سعيد يوم جاف جي حالتي ...قلته: وين باباتيه ..
سعيد يطمني لوى عليه: ما فيه شي شوق لا اتصيحين..
ترجيته: احلف انه ابخير ..
سعيد بكل حنان: اسئلي سيفاني ..
طالعت سيفاني ابتسم: اكيد هذي شيخاني يبا حد يقص لسانها ...روعتج...
قلته: سيفاني شو فيه باباتيه قول الصج..
سيفاني: ما فيه شي ...الحمدلله كل شي بخير ..
صحت: عيل شو يسوي هني جان هو بخير فهموني ..
ما توقعت ان ذياب اييرني من سعيد و يلوى عليه يخفف عني : حبيبي هدي ...
لو كنت بموقف غير ها الموقف كنت طرت من الوناسه ..بس خوفي ع باباتيه شغل بالي وايد ...
قلت سعيد: ليش ما قلتوا لي ادري شايلن علي بقلبكم لاني ما قمت ازوركم وايد..بس ها مب معناته ما احبكم
سعيد و كانه مستغرب : من قال هالكلام...ندرى انج مشغوله بحياتج ...
سيفاني : شوق لا تقعدين اتخربطين فـ الرمسه ..
حطيت راسي ع جتف ذياب يوم قال لي : المهم اهلج و الوالد ابخير ..
قلتهم: ابا اجوفه زين ...
سعيد: زين خلي الدكتور يظهر بالاول ...

طلع الدكتور من الغرفه تجدمنا صوبه .
.الدكتور: الحمدلله ما فيش اخطار بس كان محتاج جرعة اوكسجين ...
سيفاني: يعني اهو ابخير نقدر انظهره من المستشفى ..
الدكتور: مافيش مانع .بس انا افضل الليله يبات فـ المستشفى ....لي بكره الصبح باذن الله يعني تحت المراقبه ..
طالعت ذياب مرتاحه ابتسم لي و قال: ارتحتي..
هزيت راسي بمعنى هيه التفت لـ سعيد يوم قال: يلا تعالي انجوفه ..
سعيد: ما فيش مانع يا دكتور ..
الدكتور : اه طبعا اتفضلوا ..
دشينا الغرفه و ذياب بعده كان لاوي عليه و جنه خايف اتصرف تصرف خبال ...يلست اصيح من جفت باباتيه منسدح عالشبريه ...رحت صوبه و لويت عليه ..حط ايده ع ظهري ..
رفعت راسي اطالعه قلته: سامحني حبيبي و الله اني امقصره معاك...

ارتحت يوم جفت ابتسامته و كأنه متفهم موقفي و راضي عني قلته: لو كنت ابروحي معاك ..كنت حكيت لك ظروفي كلها ..
سيفاني :ذياب ..شوق شاربه شي اليوم.
ذياب: هي ريدبول ..
سعيد+ذياب+سيف= هههههههههههههههه
حرجت عليهم : متفيجين تنكتون
سعيد يأشر لي: شوق طاعي طلع لج جناح بطيرين ...
سعيد +ذياب+سيف: هههههههههههه
عقدت حياتي : انا الي بديت اشك انكم شاربين شي ..
سعيد تجدم و يبوس راس باباتيه: سلامات ابويه .
و نفس الشي سيفاني و ذياب ...
قلتهم: انا بتم مع باباتيه الليله ..
سيفاني: ما يحتاي انا بتم ..
قلته: ما اروم اهده ..
ذياب: باجر الصبح بييبج شو قلتي ...
سعيد: هي احسن شو اتسوين اتباتين ابروحج هني ...
قلته: عيل باجر بيي اتغدا معاكم .."طالعت ذياب فرد علي " ما يهمج حتى انا بيي اتغدا زين جي ..
ابتسمت له هالانسان و الله ما ينعرف له ..بس وقت الشده ينسى كل غيضه ..قعدنا حوالي ربع ساعه لاخر لحظه يوم وقف ذياب .يعلن انسحابنا ..لاحظت ان طوال يلستنا كان زاخ ايدي ....وقفت معاه ..سلمت ع باباتيه و بسته ..و قلته: باجر ان شاء الله بييك ..زين فديتك..
وبالمره وقف سعيد ..يبا يروح ..ظهرنا رباعه و تم سيفاني بالمستشفى مع باباتيه ...
و بالرده قلت ذياب: مشكور ..
رد علي ابرود: ها واجبي ...
زخيت ايده: ربي ما يحرمني منك ...
يير ايده عني و كأنه يقولي خلاص انتهى خوفج يعني ماله داعي وجودي ..
همست : ذياب ..
رد علي: لا تظنين الي صار بخليني انسى اساس علاقتي فيج و شو طبيعتها ...
بند السياره و نزل فلحقته ...دشينا البيت متاخر ..بها الليله حاولت ارقد بس ما قدرت..افكار تضارب براسي مره باباتيه و مره ذياب و مره حياتي الي احس انها صارت بلا طعم ولا معنى ...
فتحت اعيوني ع الساعه 10 الصبح...ع طول اتصلت بسيفاني ..ما رد علي ..رحت الحمام اتغسلت .عقبها ..رجعت اتصلت ..بعد ما رد علي ..اتصلت فـ بيتنا .
..ردت عليه شيخاني : الو ..
قلتها: شحالج ..؟؟
شيخاني: بخير اخيرا تذكرتينا ..
قلتها: شخبار باباتيه وينه ..؟؟
شيخاني: هذوه يالس عدالي .
استانست : يعني ظهر من المستشفى ..
شيخاني: هي الصبح سيفاني يابه وراح رقد شكله تعبان.
قلتها: ابيه و انا اتصل ازعجته ... زين وين ماماتيه ..
شيخاني: لحظه .
سمعت حس ماماتيه: ماماتيه شحالج..
امايه: ابخير شحالج انتي يمه ..
قلتها: ابخير ..سامحيني.. قاطعتنكم..
امايه: ما عليه يمه صار عندج بيت و ريل هم اولى ..
قلتها بكل صدق : فديتج و الله ..اخته تضايج جان ما قعدت معاهم او ظهرت بروحي هي بنتها ..
امايه: فديتج و الله اني اعرف هالسبب ..ما عليج من خراط اختج ...وقت ما تبين اتزورينا حياج ..
قلتها: فديتج انتي فاهمتني بس متلومه من اخواني ...المهم اني اليوم بتغدا عندكم انا و ذياب ..
امايه: حياج يمه قالي اخوج سعيد..قوم خالتج حليمه بعد بيون .
استانست: الله و الله لهم وحشه ..الله يستر من لسانهم..
امايه: هههههههههههههههه ما عليج منهم اهم شي ريلج و بيتج يمه ..
استانست يوم جفت امايه اتقدر ظروفي ...: قلتها زين بروح اطالع مهره ..
امايه: الله يحفظج سللمي عليهم ..
قلتها: ان شاء الله ..
نزلت تحت بالصاله ..جفتها فاضيه استغربت رحت صوب حجرة ندى جفتها راقده و عدالها مهره ..ييريت عنها اللحاف: قومـي بسج كسل,,
ندى تجلب ع الفراش: خليني راقده شوقاني...
قلتها: غريبه راقده للحين..
ابتسمت : احلم ..خربتي علي..
بطلت اعيوني: تحلمين في منوه ..؟
ندى: عمي مطرش البارحه يبا يخطبني رسمي و نملج..
شهقت من الصدمه حتى ندى لاحظت هالشيء ...يلست ابسرعه: شو فيج..؟؟
قلتها: انتي وافقتي..
ندى: لا بس شكلي بوافق ...
كنت بقلها ذياب شو قال بس تذكرت هاك اليوم كيف حرج علي يوم ر مست ندى عن هاي السالفه ..بس ندى ابروحها قالت: خالي قال فكري زين ...
قلتها : زين قومي خلناا نتريق ..
قومنا مهره معانا ... و شويه شويه نشوا كل الي في البيت ..فديت ذياب بالدواام...تريقنا عقبها قعدنا انطالع التلفزيون ...اهم شي ارتحت من تعليقات و نغزات فتون وخالوه العوده قدرت اكسبهم ابين لهم اني صرت وحده منهم و اشاركهم بكل شيء بس ذياب الي للحين ما اعرف كيف اوصل لقلبه مره ثانيه ...وقت الظهر رحت حجرتي شيكت ع موبايلي جفت مسج..فتحته لقيته من ذياب اول مره يطرش لي مسج من عقب ما تزوجنا ابتسمت كانت من بينا كل مسجات ايام الملجه ..تنهدت و انا اتمنى ترجع هالايام ...قريت المسج " تزهبي من ارجع من الدواام بنروح بيت اهلج"
رحت اتسبح و اتعدل و اتمكيج و يتني مهره فلبستها و عدلتها كانت مستانسه انها بتظهر معانا ...شويه ودش علينا ذياب عفدت له مهره: بابا بروح معاكم ...؟؟
طالعني ذياب بنظرات لوم: انا ما قلتلج انج بتروحين معانا ..
مهره وشويه بتصيح: عموه قالت بروح معاكم ما يخصني..
ذياب: زين حبيبي روح تتحت اتريينا
مهره: بروووووووح
ابتسم لها ذياب: هي..
ربعت برع مستانسه ..قلته: ذياب انا فكرت أخذ مهره
قاطعني: ما يحتاي اتبررين..
ودش الحمام يتسبح ...عقب ربع ساعه كنا في بيتنا ....دش ذياب الميلس لحقته كان باباتيه هناك سلمت عليه و قعدت ابوسه و اتحمد له بالسلامه ذياب كان يراقب الموقف بس ابد ما علق ع شي ... عقبها رحت صوب الصاله ...صرخت من الوناسه يوم جفت بدور...لوت علي.
.و قالت: يا الدبه و الحماره يا الخايسه ..يالي ما صدقتي انج عرستي ...وحشتيني..
ضحكت عليها: ههههههههههه وين ايامج بدور..اخبارج و اخبار ..
عضت ع شفايفها اتسكتني و اتأشر بعيونها ع الموجودات داخل الصاله..
ضحكت ع حركتها: هههههه فهمت ...
دشيت و سلمت ع موزي و حصه و شيخاني و خالوه الي هزأتني من الخاطر لاني قطعتهم ..كل هاه علشان اكسب رضى اهل ريلي شسوي يا خالوه .. و بعدين انا مب مينونه ادش بيتكم ..و راشد موجود به دمر حياتي الله يغربله ...
قعدنا انسولف ...و نضحك...و نسينا للحظات اللوم و العتب من صوبي .. حمودي اندمج مع مهرا و قعدوا يلعبون مع بعض...ييرتني موزي ع صوب و قالت لي : بقولج خبر بتستانسين عليه .
قلته: حتى انا عندي لج اخبار حلوه كنت ابا اخبرج من زمان ...
موزي: شو قولي شوقتيني ..
شوق: لا باول انتي قولي شو سالفتج ...؟؟
موزي صاصرتني باذوني: سعيد امرمس حصيص عن واحد يبا يخطبني ..
حطيت ايدي ع حلجي مب مصدقه : يا رب يكون عارف .
موزي مصدومه: كيف عرفتي اسمه ..
ططرت من الوناسه: يعني هوووووووووه..
موزي: هيييييييييييييييييي هههههههههههههههههه
قلتها: هو اخو هزاع ريل فتون ..
موزي ضربتني ع جتفي: و يوم اتعرفين جي ما خبرتيني هاه صج انج تغيرتي ..
كلام موزي عورني بس وناستي لها كانت اكبر فطرت و لويت عليها : ههههههههههههههه فديتج مبروك موزي..ع طول وافقي بدون تردد..
قلتها: اكيييييييييد."وطت صوتها" حصيص قالت لي انه يبا يعرس بسرعه هو و اخوه نفس اليوم ..
قلتها: صح فتون قالت لي مره ان ريلهاا قالها اخوه يبا يخطب و بسون عرسهم بيوم واحد...
موزي : الله روعه ..
نشت موزي من مكانها يوم زقرتها خالوه حليمه ...جفت حصه يالسه سرحانه نشيت رحت صوبها ..ابتسمت لي :شحالج..
قلتها: ابخير انتي شو بلاج قاعده ابروحج..
قالت: ماشي افكر بالحمل ...
قلتها: باي شهر صرتي ..؟؟
ابتسمت: بدش الخامس ..و انتي ما صار شي ..
قلتها: لا تو الناس ..
حصه: تقريبا شهر و نص مر ع زواجكم..
هزيت راسي بمعنى هي و انا اقول بخاطري جنه عشرين ..سنه ..سمعت صرخت مهره من فوق بصوت عالي رفعت راسي اطالعها جفتها هي و حمودي و شكله حمودي ناوي يطيحها من ع الدري ..ربعت صوبهم اصرخ ..
لا حمودي لا ...

 

[الوصلاوية]

رد: خل العذول موطـي الراس منكوس..* معاني..*

اشتقتلك يا فرحة العمر وينن ..يللي عيوني منك ينبع ضياها
لولاك يا الغالي بدنياي ما كنت ..اشفق على ايامي تطول مداها
اهين نفسي لك بمرضات لاهن ..واتبع هواك بعسرها عن هواها

ربعت ابسرعه فوق الدري ...شليت مهره ابسرعه لان حمودي كان زاخنها يبا يدزها من فوق الدري ...
قلته: توك شحلاتك تلعب معاها ..
حمودي: ليش تضضربني ..
مهره اتصرخ: عيل ليش يضربني ..
قلت : حمودي حبيبي هذي مهره يايه تلعب معاك ..حرام لا اتسوي فيها جيي و بعدين الريال المفروض اتدافع ع الحرمه هب تضربها فديتك..
حمودي: انزين ما بضربها ..
بسته ع خده: فديتك انت الشاطر.
مهره مكشره: انا بعد شاطره..
قلتها: و حلوه ولا تزعلين ..
وصلت حصه فوق: شو السالفه ...؟؟
شوق: ماشي يضاربون كان يبا يفرها من ع الدري..
طالعت حصه حمودي بنظرات عتب ...فاندس وراي ..مترووع ...
ضحكت عليه: ههههههههههههههههه ما بتضربك حبيبي ..
حمودي: يوم تبطل عيونها يعني بتضربني ..
حصه+ شوقق: هههههههههههههههه

نزلت مهره و حمودي تحت بالصاله و حصه نزلت ..لمحت ان بدور مختفيه ؟؟ غريبه وين راحت ...طلعت برع الصاله ...جفت باب الزراعه مفتوح رحت صوبه بس ريولي ما شلتني يوم سمعت صوت سيفاني
يقول: اوووه خبلتيني فيني ..
بدور: انت الي طفرت فيني ..
حطيت ايدي ع حلجي سيفاني و بدور من متىىىىىىىىىىىىىىى...ليش ما خبرتني بدور ان سيفاني صالحها خلاص ...
سيف: الحينه صار لي ساعه قاعد اقنعج اخر شي اتقولين لي لا ..
بدور: كيفي انا اباك الحينه تخطبني ..
كنت بضحك ابصوت عالي هاي بدور دفشه وويها لووح .. و الظاهر ها السبب الي خلا سيفاني يتعلق بها ...
سيفاني: انا اباج اتكملين دراستج...
بدور: شوه اتخاف يقولون لك حرمته ما عندها غير شهاده ثانويه..
سيف: اففففففففففففففففففف ..بدور ها مستقبلج ..
بدور: زين ليش تعصب علي انا ما ابا اكمل دراسه ..
سيفاني: نسبتج عاليه ...؟؟ حرام اضيعين ع عمرج..
بدور معانده: ما توقعت اييب هاي النسبه ..هذيج الفتره كنت ابا اطنشك فانشغلت بدراستي ...
سيفاني: زين شو رايج اخطبج بس خطبه و العرس عقب ما تخلصين كليه..
بدور: لا و الله ...سيفاني حبيبي احبك ..ابا نعرس شو دراسه ما دراسه..
عضيت ع شفايفي يوم حسيت ان كلامهم بتغير مساره .. و حسيت بالخجل لاني قاعده اتسمعهم ..رحت بعيد عنهم ..المهم تذكرت ايام ما كنت اجوف راشد في بيتهم او بيتنا ..بس شتان بين علاقتي ب راشد و علاقة بدور بـ سيف ..حسيت بالخجل يوم تذكرت ايامي مع راشد غير كلام ذياب الي رن في اذوني" الله يستر شو مخباي لي بعد " تنهدت ..ورحت صوب الميلس ...كنت بدش بس غيرت رايي.. اخاف ذياب يحرجني ولا شي .. رديت الصاله ...عقبها التمينا كلنا و اتغدينا ... كنت اطالع بدور بنظرات جنها فهمت ... كنت ابا اعرف كيف تراضوا هي و سيفاني يمكن استفيد و اراضي ذياااب ...
بس ما كان شي وقت للان ذذياب زقرني يبا يروح البيت ...لحقتني امايه عند باب الحوي اتسلم عليه ..
ما توقعتها اتقول حق ذياب: داري ع شوق يمه ..
طالعني ذياب و كأنه ظن اني خبرتها شي فقال: ان شاء الله ..
امايه: عاد كل يومين يبها لنا ..
ذياب: فالج طيب بس ان شاء الله هاليومين ...يمكن نطلع صوب الشارجه.
رفعت راسي اطالع ذياب ..معقوله يبا ياخذني الشارجه ..؟؟ ما قال لي ولا لمح...يا ليت يكون راضني يا ليت ...
ظهرنا من البيت ..في السياره اتذكر اليوم ..اشياء حلوه مرت علي موزي انخطبت من عارف انسان تباه .. و سيفاني و بدور شكلهم صاروا سمن ع عسل ..يا ليت حياتي تتعدل مع ذياب و كل شي يتصلح اتمنى ..

وصلنا البيت ع اذان العصر ..دشيت اصلي و مهره راحت تلعب مع سهيل و عبيد..و ذياب طبعا كالعاده ظهر من البيت و ما بيرجع الا وقت ما بيرقد ...حياة ممله ..رحت ايلس عند قوم خالوه العوده و عرفت ان فتون و ندى ظهروا السوق ..
خالوه العوده: ها استانستي بيت اهلج..
قلتها: الحمدلله صار لي فتره ما جفتهم ..المهم تطمنت ع ابوي ..
خالوه العوده: شو فيه ابوج ..مب البارحه رحتي له المستشفى و كان ابخير ماله حايه اتروحين له اليوم..
كتمت غيضي الحينه من زمان قاطعه اهلي علشان ارضيها و بعد تعاتبني لاني رايحه اجوف باباتيه
قلتها: هذا ابوي ...وواجب علي اتطمن عليه ..
خالوه العوده: زين ما قلنا شي ...دام ريلج معاج ما انروم انقولج شي ..
تنهدت و قلتها: ذياب قال يمكن بنطلع الشارجه ..
خالوه العوده: هي يبا يغير جـو ...فيه الخير اخوي يبا يطلعنا انغير جو..
حسيت بخيبه يوم عرفت انهم بطلعون معانا ع بالي انا و ذياب و مهره بس ..تبون الصدق تضايجت من الخاطر ...لاني خفت ينكدون علي طلعتي ..ابتسمت اتطنز ع روحي و انا ع بالي ذياب رضى عني و يبا يطلعني ...
خالوه العوده: هب حرمته حتى ما تنزلت اتقول تفضلوا تغدوا بيت اهلي ..
صدمتني قلتها: نحن مب مسوين عزيمه .. و بعدين انتي مب غريبه حياج الله بكل وقت ..
مدري ليش عصبت و قالت: عيل قوم خالتج شو يسون عندكم
كنت برد عليها بس تذكرت امايه اتقول اهم شي ريلج و بيتج فسكت عنها ..وقفت علشان اتجنب المشكله الي ممكن اتصير بيني و بينها ...بس وقفت يوم سمعتها
اتقول :لكن شو انقول الخير جايفنه هب شرات بعض الناس يدورون لبناتهن ريال علشان جيبهم
حرجت عليها و قلتها: شو قصـدج ..
بس سكت يوم سمعت صوت ذياب من وراي يحذرنـي : شوووووووووووووق ..
كنت بصيح من الغيض ..تمنيت انه دش قبل علشان يسمع اخته شو قالت لي ...
خالوه العوده : اشوه انك دشيت و جفت بعيونك و سمعت باذونك كيف اتعاملني ...
شهقت و طالعتها قلتها: انتي قاعده تستفزين ...مدري شو بلاج علي ..
تجدم ذياب و قال بصوت هادي : بس شوق ...
طالعته و كنت بصيح: كانت اتقول لي ..."بس نظرات ذياب لي خلتني اصخ"
خالوه العوده: من جي ما اباها اتروح بيت اهلها مدري شو يقولنها عنا يفرون مخها ولا هي طول ما قطعتهم شحلاتها كانت ..
ذياب : اختيه خلاص مهما كان هذي حرمتي ..ما ارضى عليها ..
طرت من الوناسه يوم جفت ذياب يدافع عني ووقف بصفي ..ابتسمت اطالعه ...لمحت خالوه العوده حرجت فقالت بعصبيه : يعني انت عايبنك ..الي اتسويه حرمتك..
زخ ذرااعي و جربني منه : ما عليه انا راضي لانها ما ضرتني ولا قد جفتها ضرتكم بيوم صح اختيه ..
صخت خالوه العوده و ما عرفت شو اترد عليه ..لان كلام ذياب صحيح..انا قطعت اهلي علشانها .. و فوق ها اتعق علي رمسات ..
خالوه العوده و شكلها منحرج: انت حر يوم انت راضي عنها انا ما فيني اتدخل ..
طالعني ذياب فابتسمت له و انا اتفداه بداخلي لانه دافع عني قال لي: روحي فوق
هزيت راسي و قلت حق خالوه العوده : السموحه منج خالوه ..
ما ردت علي ابتسمت لـ ذياب و رحت حجرتي ..ها الريال بذبحني يا عالم بموت بسبته ...يصد عني و مقاطعني بس وقت الشده يوقف معاي ...ما يرضى عليه ..فديته ...سمعت صوت باب الصاله ينفتح ربعت صوبه ..
ابتسمت له : ذياب متى بنروح الشارجه..
فاجاني بروده: باجر ..
نقزت ابمكاني : اخيرا بغير روتيـن حياتي ..."لصقت فيه وهو يطالعني " كم يوم بنقعد..
بعد ايده عني فانحرجت و ابتعد : مدري ع حسب اختيه.."طالعني" هذي اخر مره اجوفج اترمسين اختي بها الطريجه ..
قلته: هي اتحط علي ..كانت اتقول ان اهلي مزوجيني لك علشان جيبك مب علشان الستر ..
طالعني بنظرات استهزاء: ليش مب كان ها غرضج..
حسيت ان ويهي احمر من تعليقه ...صديت عنه ..لو تماديت معاه اظن بكفخه باي شي جدامي ...
دشيت حجرتي اتفاجات بصوته وراي: زهبي شنطج و شنطة مهره..
قلته و انا شويه بصيح : ما بروح معاكم بروح ايلس بيت اهلي ...
ذيااب: بتروحين ..
طالعته و صحت: انا اكرهك يوم تعاملني جي اكرهك ..
تغيرت ملامح ويه ذياب متفاجا...ما علق ولا قال شي ع طول ظهر من الحجره و يلست اصيح .. كم بستحمل هاي الحياه كم يا ربي ...
من ها الموقف الظاهر اتكنسلت روحت الشارجه ... و خالوه العوده تمت منتفخه لي بس انا كنت متحمله نغزاتها لان عقب ايام بنتقلون بيتهم اليديد... و لاحظت من قلت لـ ذياب اكرهك..ما قمت اجوفه موليه ...ولا كأني عايشه معاه بنفس البيت ..ها الشيء كان معذبني و مطفر بي ...بس ما بيد حيله ...و بها اليوم المفترض ينتقلون بيتهم اليديد ...رحت الصاله و كنت زاخه مهره ... ذياب كان يتريانا علشان ياخذني بيت ابوي ...
ذياب: مهره وين رايحه..
اندست مهره وراي : بروح مع عموه ..
ذياب: روحي داخل العبي عند سهيل و عبيد..
مهره مصره: بروح مع عموه..
قلته: ذياب حرام متعلقه فيني ..خلها بتلعب مع حمودي ...
خالوه العوده : شوه تبين تعلمين البنت ع الهياته ...
ما رديت عليها ولا حطيت عيني بعينها كنت اطالع ذياب الي طالعني يوم اخته عقت علي هاي الرمسه ..
ذياب: ندى قومي خذي مهره دااخل.."طالعني" يلا طوفي
صرخت مهره و اتعلقت فيني تباني اشلها : بروح مع عموه .."ويلست اتصيح يوم جافت ندى واقفه."
شلتها و قلتها: حرام عليك ذياب ...تكسر خاطرهااا ..
ادري ذياب ما يبا بنته تتعلق فيني بس الظاهر مهره اتعلقت فيني خلاص ...
وقفت ندى يوم جافت مهره اتصيح فقالت: تغمضني خالي خلها اتروح مع شوق ..شو فيها ..
نشت فتون من مكانها :- انا باخذها عنج..و قعدت اتسحب مهره بقوه حتى ان مهره شمختني برقبتي ...فاضريت اعطيها لـ فتون ..قلبي تقطع ع مهره ...ذياب ما قال شي موليه... ودتها فتون داخل و مهره اترافس اتصيح تبا تنزلها عالارض
و اتصرخ: عموووووووووه عمووووه
ما طاوعه ذياب يجوف بنته جي فتجدم و خذها عن فتون وودها فوق ابروحه علشان يقص عليها بكلمتين و يسكتها مثل كل مره ..
خالوه العوده : سويتي لنا مشكله علمتي البنيه اتهايت كل مكان ..
حرجت و غير موقف فتون مأثر علي قلتها: وين بتروح يعني بيت ابوي مب مكان غريب ..

خالوه العوده: دام اهلج متعلقين فيج جي زوجوج من اول ..
كنت عارفه ندى مب عايبنها الوضع ورغم هاه ما تقدر ترد ع خالتها لان اتسوي لها الف احساب ..
قلتها: بنجوف بنتج جان بتصبرين عنها عقب ما اتعرس ...

فتون فاجاتني : ما يخصج فيني ...شو جايفتني شراتج ..
قلتها : شو فيني انا ...!!
ندى تجدمت و زختني من ايدي : خلاص شوق تعالي نتريا خالي برع ..
تجدمت مع ندى لاني اصلا ما ابا اسوي مشاكل و خااصه ان ها اخر يوم لـ فتون و امها في بيتي ...بس حرجت من الخاطر يوم سمعت خالوه العوده اتقول : يحليله اخوي الله بلاه ..
التفت لها كنت بصيح من الغيض : انا بشوه ضايجتج علشان تعامليني جي ..."للحظه شكيت انها اتعرف عن سالفتي براشد بس استبعدت هالشي يوم
قالت : اخوي ما يبا وحده اتهايت ..
قلتها:: انا رايحه بيت ابوي .. و جان عن المهايته طاعي بنتج كل يوم ناقزه الاسواق انا يوم كنت مالجه بالغصب ذيياب يطرشني اروح اتزهب ..حق عرسي ..
فتون : شو قصدج
ندى: بسكم ...حرام عليكم..
قلتها: ندى انا غلطت بحق اهلج ..
خالوه العوده واقفه: اووووووه خليني اروح حجرتي اخير لي ...لو تميت هني ما بيصير خير ..
تمنيت ان ذياب يكون موجود .جان محد قدر يرمسني بها الاسلوب تمينا نراقبها انا ندى لي ما اختفت ..
ندى: تعالي شوق نظهر برع ..
فتون : هذا طبعج يا ندى..من صغرنا و انتي دوم تفضلينها علي ...
طالعنا بعض انا و ندى ...فتون موليه ما بتخف غيرتها من علاقتنا ؟؟
فتون و كأنها بتصيح : انتي دوم تحبينها ..اكثر عني انا بنت خالتج لكن هاي وحده ما تقربلج بشي ...
قلتها: انا حرمة خالها و خالج..
فتون محرجه: انا ما رمستج انتي ..
قلتها: شو سويت فيج علشان تكرهيني ..
فتون: انتي جفتي اسلوبج مع امايه كيف كان ..
قلتها:: هي الي اتحط علي دوم انتي بروحج شاهده ع هالشيء ...
فتون:حتى و لو انتي اصلا وحده مب محترمه ...
شهقت ندى: عيب فتون ...
كنت برد عليها بس ترجتني ندى: دخيلج شوق تعالي نظهر برع ما نبا مشاكل ..علشان خاطر خالي .
تجدمننا و جريب نظهر من الصاله ..عفدت فتون و زخت ندى من جتفها : مب كل مره بتهديني و بتروحين معاها ..
شهقت ..حتى ندى شهقت من الصدمه يوم جفنا الغيره بعـين فتون ..
ندى: أأأأي فتون هديني ..شو فيج..
فتون شكلها بتصيح :ما بخليج اتروحين معاها ....
تعاطفت مع فتووون وايد مدري ليش حسيت بالشفقه من صوبها ..
فقلت: ندى خلاص تمي معاها انا بتريا ذياب برع ..
ندى متضايجه من لمست فتون: زين فجي عني فتون ...كسرتيني
تجدمت علشان اهدي فتون حطيت ايدي ع ايدها الي كانت زاخه جتف ندى : فتون خــ ـ ـ ـ
بس فتون قاطعتني و دزتني بقوه ع بالها اني بسحب ندى عنها صرخت صرخت ألم و كنت بطيح عالارض بس زخني ذياب ...الي اخيرا ظهر ع الساحه و بوقت متأخر وايــــــد ...
ابتعدت فتون عن ندى متروعه يوم جافت ذياب و قالت :ما كان قصدي..

.بس فاجاني ذياب يوم صفع فتون ...الي غطت ع ويها و يلست اتصيح بمكانهـاا ...ما تحملت الموقف ..حتى ندى شكلها كانت بتصيح...فربعت برع اهرب من كل شي ...و كان المفترض أظهر من اول ما قال لي ذياب يلا طوفي...ما كانت كبرت المشكله غمضتني فتون ...
وقفت برع عند سياره ذياب و يلست اصيح ..من الخاطر ..حرام الي يصير لي ...فتون و امها و ذياب ..ما يطيقوني ...ذياب بحركته و صفعته لـ فتون و كأنه يبا يثب لهم اني انا و هو مرتاحين و ما يرضى علي ...بس بالفعل ما توقعت ردت فعله ...و ليش اصلا ردت الفعل هاي ..؟؟؟
بس لو ما ظهر كنت فعلا طحت عالارض ...يا ربي انت عالم اني سويت المستحيل علشان ارضي ريلي و فتون و خالوه العوده اكثر عن جي ..ما اتحمل و الله ما اتحمل ...
كنت بعدني اصيح يوم ظهر ذياب ..وبطل لي باب السياره ..قعدت داخل .. و تميت اصيح ...ركب ذياب السياره كنت ابا اجوف ملامح ويهه بس ما قدرت ..شغل سيارته .. و تم قاعد جريب مني و ساكت ...
رفعت راسي قلته من غير ما اسوي حساب لـ دموعي : محد مصبرني بها البيت غير ندى و اليهال ..
التفت لي جفت ملامحه هاديه مد ايده و مسح دمعي : بسج صياح ..
قلته و انا اشاهق: ما كنت اباك اتمد ايدك ع فتون ..الحينه خالوه بتحتشر عليك و بتحرج مني ..
حرك السياره: لا تشغلين بالج انتهت السالفه ..
مسحت دموعي: متى برتاح من ها العذاب ممتى ...قول لي متى ..؟؟
تم ساكت ما رد عليه ..رجعت اصيح و انا اتذكر الموقف الي مر من لحظات ..
وقف سيارته فجأه طالعته جفته يتصل سمعته يقول: ندى ظهري مهره برع ..ابسرعه ...
صكر الموبايل ..
قلته: كان من اول خليها تظهر معانا كنا اتجنبنا المشكله الي صارت ...
ذياب و كأنه طفر مني: بس عاد ..
يلست امسح دموعي ...ابتسمت يوم جفت مهره يايه تركض مستانسه ..فج لها ذياب الباب و قعدها ع حضنه عقب ما باسها ..
مهره و كان امبين عليها انها كانت اتصيح: بابا بروح معاكم ..
باسها مره و جنه كاسره خاطره: هي بابا ..
عفدت مهره فوقي يوم حرك ذياب سيارته لوت علي حسيت بالحرقه برقبتي يوم لوت علي اتذكرت مكان شمختني بس كتمت الالم ...بستها مكان ما باسها ابوها ..
قلت : شعور روعه يوم اتجوف ياهل مستانس بعد ما كان يصيح..
ذياب طبعا ............................."ماشي رد"
مهره: عموه شو يعني شعور ..
ابتسمت لها : يعني انتي حلوه ..
ضحكت مهره: هههههه انتي بعد حلوه صح..
ضحكت :ههههههههه هيه ..
مهره تتأملني : عموه كنتي اتصيحين.
قلتها: لا ..
مهره مصره: امبلى منو ضربج بابا ..
هزيت راسي بمعنى هيه لان ذياب التفت لنا فما ادرى شو الي منعني ..
ذياب شكله متضايج: مهره روحي يلسي ورا
مهره لصقت فيني: لا ابا عموه ..
عرفت ان ذياب مقهور مني ..خطر ع بالي العب عليه لعبة سيفاني ايام ما كنت استفزه لي ما يضربني ..بس ذياب مستحيل يمد ايده علي ..
تعمدت اقول: فديتج و انا بعد اباج مستحيل اتخلى عنج
طالعني ذياب بنظرات استهزاااء فابتسمت له ..
مهره: عموه باباا مب حلو صح..
ضحكت و تعمدت ابالغ بضحكتي: هههههههههههههااي ..انا و انتي احلى عنه صح ..
مهره: هي ..البنات حلوين بس بابا مب حلو ..
ضحكت و يلست ادغدغ مهره الي قعدت تضحك مستانسه بصوت عالي .. ..
ابدت ما توقعت حركت ذياب يوم وقف السياره فجاه ع الجنب و قال: يلا نزلوا مب حلو هاه ..
دفنت مهره ويها بصدري و كأنها تحتمي : ههههههههه ما بننزل ههههه انا و عموه بنضربك وو
طالعت ذياب مبتسمه يوم مهره يلست تضحك بصوت عالي ..شلها ذياب بيد وحده و بكل دفاشه من حضني .قلته و انا متروعه: شويه شويه عليها ..
مهره اتصارخ : ما بنزل ما بنزل ...
ضحك ذياب ورص بيده ع خدها و كانه يهددها و يلاعبها بنفس اللحظه: عيل قولي بابا حلو..
مهره اتصرخ و تضحك مسانس: انت حـلووووو
كان ودي اشارك ذياب و بنته بس اعرف و مليون بالميه جان رمست ولا شي بنتهى كل شي .. و بيرجع لبروده و تطنيشه لي ..فتميت ساكته اراقب الموقف ..
قعدت ذياب يلاعب بنته بكل دفاشه و هي اتصارخ و تضحك و مرات تضربه: بس انت حلووووووو اقولك حلوو "ضربته ع جتفه" ما تفهم ..
شوق+ذياب: ههههههههههههههههه "تفاجات يوم اشر لي" و عموه ..
مهره تحضن ابوها: مب حلوه صح بابا ..
شهقت : مهرووووووووووو يا العياااااااره ...
ذياب: ههههههههه صح .."باسها ع خدها " الحينه روحي عند عمتج خليني اسوووق"
عفدت مهره فوقي اتبوسني صديت عنها : ماشي ماشي ..انا مب حلوه هاه ..
مهره: امبلى انتي حلوه قصيت ع باباا
ذياب+ شوق: ههههههههههه
ما انتبهت ان ذيااب غير طريج ..الي يودي لبيتنا ...سكت ما علقت يلست اسمع مهره اتغنى و تترقص ...و انا و ذياب كل واحد في عالم يفكر ...طالعت ذياب يوم وقف سيارته صوب جريب البحر ...
صرخت مهره : هي هي وصلنا البحر ...
شلها ذياب عقب ما بند السياره و نزلها فنزلت معاهم ..كان الجو ع البحر بديع ... ماشي ناس غيرنا ..تجدم ذياب موليه صوب البحر و معاه مهره .. كانت مستانسه تمنيت ان حمودي يكون معانا ..تميت واقفه عدال السياره اراقب ذياب و بنته ..مهره اتصارخ: عموه تعالي ..
تجدمت منهم مع اني كنت متردده لان ذياب شكله ما يباني اشاركهم ...وقفت بعيده عنهم بخطوات ..رفعت راسي اتنفس براحه يوم الهوا يضرب بويهي ..ما حسيت بعمري ان الهوا طيح شيلتي و ان شعري ظهر ..
فجيت عيني يوم سمعت مهره اتقول : بابا عموه ما تستحي شعرها طالع ..
حطيت ايدي ع شعري كنت بلبس شيلتي بس فاجاني رد ذياب: حبيبي ماشي ناس هني غيرنا ..
ارتجفت مدري من الجو ولا من كلام ذياب يوم قال "حبيبي طالعني" ..تمنيت اتجدم منه و المسه ..بس خفت يبتعد عني ..انقهرت لان ذياب حارمني منه ..نزل ذيااب مهره فييت صوبي ..اما هوه ابتعد عنا و قعد ع الرمل يراقبنا انا و مهره ..
مهره: عموه تعالي نسوي بيت ..
عيبتني الفكره عالاقل بنسي ذياب و حبه الي امبهدلني ..يلسنا عالارض .. و كنا نلعب بالرمل ..و الصدف .. و ذياب يراقبنا ...جفت الوناسه بعيون مهره ...ذياب ما يابنا هني الا علشان يراضي بنته ..من ساعه قال ان سالفته مع فتون انتهت تمنيت اعرف كيف راضها بسال ندى ..عجيب هالانسان ع قد ما يزعل يراضي الا انا حليلي ...شو شو سوا فيني ما يراضيني كل يطنشني ..
صرخت و طارت كل افكاري يوم مهره فرتني بالرمل فوقفت ابسرعه : مهرووووووو يا الطفسه ..
ربعت مهره صوب ابوها تضحك علي ...يلست انظف عبايتي ...التفت لها جفتها بحضن ابوهاا يضحكون علي ...ههههههههههههههه
فااااااالح بس يضحك علي لكن يحبني و يونسني لا ..يا هالانسان العجيب ......رحت صوبهم و قعدت جريبه من ذياب ..قامت مهرا تلعب جريب منا تجمع الصدف : بابا هاي بعطيها حق سهيل ..
ذياب: زين .
و شلت صدفه ثانيه: عموه هاي حق حمودي ...
ابتسمت لها: حلوه ...
يلست مهره تلعب ابروحها ذياب يراقبها و انا اراقب الشمس وقت المغيب ...
قال لي بصوت واطي: لبسي شليتج شي سياره يايه من بعيد..
لبست شيلتي و انا ادور السياره ...جفتها خطفت من بعيد..عدلت شيلتي التفت لـ ذياب جفته يطالعني و اول ما طاحت عيني بعينه صد عني ...ما قدرت اقاوم مشاعري اكثر ...زخيت ايده كان بسحبها بس وقف يوم زقرته باسمه: ذياب ..
همس و كان يراقب : شوق خلج بعيده عني ..
بس انا لصقت فيه اكثر و ترجيته: ما اتحمل بعدك عني اكثر ما اتحمل ..عذابك..ارحمني ..
اول مره احس ان كلماتي اثرت فيه لانه التفت لي ابسرعه و تم يطالعني ..كنت اطالعه بنظرات ضياع و خوف ..و عذاب ..دمعت عيوني يوم رص ع ايدي ..لاني قدرت احرك فيه مشاعره صوبي الي قال عنها ماتت..بلعت ريجي خايفه انه يصدني ..بس ارتحت يوم حط صبعه ع طرف عيني و مسح دمعتي غمضت عيوني مستمتعه باحلى مشاعر هاجت فيني صوب هالانسان ...جفت هالشيء بعيون ذياب ..عرفت انه بعده يحبني ..عالاقل راشد ما قدر يقتل مشاعرنا ...
قال بنبره جننتي: شوق ااتصدقين احس اني من زمااااااااان من زمااااااااااااان مفتقدنج ..
ابتسمت له بس كنت ارتجف : ذياب انت ناوي تذبحني ..
ابتسم: مينون انا اذبحج ..
طار قلبي فقلته: معقوله ما اهون عليك..
رص ع ايدي: ما تهونين عليه شوق ...انتي ....
بس تبخر كل شي يوم صرخت مهره : بااااااباااااا
نقزنا انا وذيااب و التفتنا صوب مهره الي ابتعدت وايد عنا ..
رفعت ايدها: جوف هاي الصددفه حق ندى ..
حسيت بالوحده يوم ذياب فج ايدي و نش من مكانه
و راح صوب بنته : تعالي هني مهره...عن يسحبج الموج..
مهره يوم جافت ذياب يايي جريب منها ربعت تركض صوب البحر و تضحك: ما ابا ...ما ابا
وقفت ابسرعه متناسيه مشاعري الي انطفت .. خايفه يوم جفت مهره تربع صوب البحر ع بالها ذياب يلعب معاها ..
ذياب يركض صوبها ..: مهره تعالي تعالي ..
وقفت مهره يوم جافت الموج يضرب بريولها الظاهر انها خافت ...من الماي ..اتنفست مرتاحه يوم شلها ذياب بحضنه ..رحت صوبهم ...و انا احمد ربي ان ما صار شي بـ مهره ..كان ذياب يعاتبها بس بنفس الوقت يبوسها ..
تجربت منهم كنت ببوس مهره بس صدمني ذياب يوم بعدها عني و قال محرج: زين جي كانت البنت بتغرق ..
قلتها بخوف من نظراته الاتهاام: حمدلله ما صار شي ..
رد علي بنفس النبره: يعني لو ما زقرتني كان الله العالم شو بيصير لها..
ما عيبني اتهامه لي فقلته: انا شو ذنبي ..
ذياب: شو ذنبج مب انتي الي قاعده من شويه اتقصين علي بكلمتين .و تتوددين.خليتني اغفل عن بنتي ..
حز بخاطري كلامه فقلت بصوت واطي: اقص عليك..!!
طالعني و قال جنه لايعه جبده: طوفي يالله السياره ..
خطفني سمعت مهره اتقوله: بابااا شو سوت عموه ..
تميت واقفه ابمكاني ..مهمومه حزينه التفت اطالع البحر ...اروح اعق عمري فيه علشان ارتاح من الدنيا ..كنت اظن يوم بعرس برتاح من شر سيفاني و تحكمه بحياتي بس عقب ما عرست تمنيت عذاب سيفاني ولا تجريح و عذاب ذياب لي ..نقزت يوم سمعت هرن ذياب ..يباني اركب سيارته ..رحت و انا مكسوره الخاطر و ميته بداخلي ..حسيت اني انسانه مالها قيمه موليه ...ركبت السياره كانت مهره مستانسه تلعب اما انا و ذياب خيم علينا الصمت .
.تميت اطالع برع يوم قال: بتروح بيت ابوج..
تنهدت و قلته بألم: هيه ..
مهره: بابا بروح مع عموه..
طنشها ذياب ما رد عليها ..
مهره تدلع هليه: ابا العب مع حمودي بابا ..
تروعت يوم حرج ع مهره: لااااااااااااااااا
صخت مهره موليه ما تكلمت لانها خافت من ابوها ...نزلت بيت باباتيه ...و حرك ذياب سيارته ..حتى ما اتريا لي ما ادخل البيت ..كنت ابا اصيح بس ميوده روحي ..ما ابا ابين لاهلي اني متضايجه و حياتي هم فـ هم مع ذياب ..اخاف عقب ذياب يخبرهم عني و عن راشد...

دشيت الصاله ..جفت شيخاني و حصه و باباتيه قاعدات بالصاله و حمودي راقد بحضن امايه ..سلمت عليهم حاولت ابين لهم اني طبيعيه ...بست باباتيه ع راسه و يلست جريبه منه .
.قلته بخاطري: محتاجتنك باباتيه ..

شيخاني: شوق بسم الله شو فيج..؟
قلتها: شوو..

حصه: ههههههههههه لاعبه بالرمل ..
طالعت عبايتي شهقت: اووووه توني يايه من عالبحر ..اخييج اتخيست هاي الطفسه مهروه خيستني ..
رحت الحمام غسلت عبايتي و عطيتها لـ ستي تنشفها ..
امايه :شحالها ام فتون..
قلتها: بخير اليوم بيروحون بيتهم خلصوا ...
شيخاني: اخيرا ..
امايه: شيخه...
شيخاني: بعد الواحد يبا يرتاح مع ريله ابروحه..
ابتسمت لها: لا عادي انا مرتاحه غرفتي فوق ابروحها بعيده عنهم ...
حصه: ما قد جفنا بيتج..
قلتها: ليش ما اتيوني ما يحتاي اعزمكم ...جوفوا لكم يوم ..زين ماماتيه
امايه: ان شاء الله ...
قلتهم: الخميس ..
حصه: لا الخميس ملجة موزي..
صرخت من المفاجاه: قولي و الله ..
حصه: هههههههههه و الله ..
قلتها: اخيرا ما بغت ...ليش محد خبرني ...
شيخاني: شو بعد قلنالج ..ما يحتاي اتفصلين و اتسوين ..عندج ثياب زهبتج للحين ...
قلتها: زين من قالج بفصل ...
شيخاني: عبالي بعد..
قهرني اسلوبها فقلتها: حتى لو فصلت شو يخصج انتي ...؟؟
حصه: رديناااااااااااا..
امايه: ههههههههه ما اتيوزون ...عن طبعكن ..
شيخاني: شسوي من كثر ما احبها ابا اتضارب معاها ...
امايه: ماشي حرمة ريال الحينه ..
سالتهم اغير الموضوع: وين سيفاني و سعيد..
شيخاني: خوانج بالله عليج متى قعدوا في البيت ...
سالت امايه: سيفاني مب ناوي يخطب بعد..
امايه: ما قال بعده ...
حصه: شوق ندى ما قالت لج شي .
سالتها :مثل شوه
هزت جتفها: يعني عن راشد اخوي مووافقه ولا لا ..
امايه : و ليش ما اتوافق مب محيره له ..
حصه: هي بس غريبه صار لها فتره طويله ماردت خبر .. من رمس ابوي خالها ..
ما حبيت اتدخل بالسالفه فقلت: ما ياب لي طاري ذياب ولا ندى ..
حصه: مدري و الله ..
اتغير الموضوع قعدنا انسولف بس انا ردت لي الذكرى ع البحر مع ذياب ..بتخبل ما اعرف يحبني هالانسان ولا صار يكرهني ...استانست عالبحر ظنيت بسامحني بس حرج علي شرات كل مره ..بس لو مهره ما زقرته شو كان بيصير يا ربي ؟؟؟

امايه: اتصلي بريلج جان بيي يتعشى ..
اتصلت به ما رد علي بس عقب دقايق رجع اتصل بي..
قلته: ما بتيي تتعشى ..
رد علي : لا مشغول فـ بيت اختيه ...
سالته: خلاص انتقلوا ..
رد علي : هيه خلاص بتفتكين منهم ..
كلامه المني واايد ..ما حبيت ارد عليه فقلته : يلا باي .
رد علي: يوم بتخلصين اتصلي بي "وصكر التلفون بويهي"

حصه: بلاج شوق ..
قلتها: ماشي ..
كنت بصيح بس الحمدلله دش سعيد علينا ..و قعد يسولف معانا و تعشينا ...شيخاني انسدحت عالكنبه اطالع التلفزيون ..و امايه خذت باباتيه حجرته علشان تعطيه الدوا سلمت عليه لاني يوم بروح اكيد بيكون راقد ..تميت يالسه بالصاله مع شيخاني ابروحنا لان حصه راحت حجرتها مع سعيد...كنت متملله ..ما كنت ابا اروح بيت ذياب لان فيني غيض منه ...فكرت اتصل بـ موزي ابارك لهاا ..
ردت علي: غريبه شوق متصل بي ..
ضحكت: ههههههه ابارك لج صج ما تستاهلين..
موزي: ههههههههه فديتج و الله الله يبارك فيج..
شوق: عاد خبرينا انج بتملجين ..
موزي: و الله انشغلت ادور فستان حق الملجه ...
قلتها: وين بتسون الملجه؟؟؟
ردت علي: فـ بيتنا
همست لها: الله يعينج يوم فتون بتكون حرمة حميج..
طالعتني شيخاني لانها سمعتني ..اما موزي: هههههههههههه ندى حرمة اخوي قالت لي نفس الرمسه

هذيلا بعدهم ما بنسون كلمة حرمة اخوي ..تنهدت فقلتها: وين بدور الدبه اباها بسالفه..
موزي: بدور راقده.
قلتها: غريبه..
موزي: اونه مب راقده من البارحه..
قلتها: زين سلمي عليهم و خبري بدور اني اباها بسالفه..
موزي: ان شاء الله مع السلامه..
صكرت عنها ..شيخخاني: شو تبين بدور ..؟؟
قلتها: ما يخصج..
شيخاني: مالت عليج..
نشيت فريتها بالوساده ..فيت ع ويهها ضحكت عليها ..نشت علشان اتفرني بالوساده ..بس ما صابتني قلتها اغايض فيها : ويويويوويويويو
شيخاني محرجه: زولي بيت ريلج ..
قلتها: قاعده عله ع قلبج ...
شيخاني: اسكتي خليني اطالع المسلسل ..
فكرت اتحرش فيها بس ابد مالي بارض ..تنهدت مدري اتصل بذياب او لا ..اخرتها فكرت اروح فوق حجرتي قبل لا اعرس ..فجيت الباب ..مشاعر الحنين سيطرت علي ..هذي حجرتي ..الي كانت لي ملجا وقت ضيجي و فرحي صكرت علي الباب .. يلست ع الشبريه .
.اتذكر كل شي مر بيني و بين ذياب في هاي الغرفه ..ايام ما كان يطرش لي مسجات ..طاحت عيني التسريحه هني كنت اتعدل له يوم ايي يزورني في الميلس ..غطيت ويهي بيدي و يلست اصيح .اتمنى يرجع ذياب شرات قبل ...رفعت راسي بسرعه يوم انفج باب حجرتي ...
حصه اطالعني مصدومه: اسفه دشيت عليج فجاه
مسحت دموعي : لا عادي ...
تمت حصه واقفه عدال الباب قلتها: تعالي دشي ..حصيص ..
يلست عدال مستغربه سالتني: شوفيج ..؟؟شوقاني...
سكت ما رديت عليها لالاني مب رايمه ارمس..
كملت: من اول ما دخلتي كنت حاسه ان فيج شي...؟؟
كنت بصيح بس يودت عمري لان حصه الوحيده الي دوم اتحس فيني..يوم اتضايج حتى ايااام ما كنت ارمس اخوها و اتضارب معاه و اتضايج كانت هي الوحيده اتحس فيني..
حطت ايدها ع ايدي اطمني: اذا كنتي خاايفه اني اخبر سعيد .
قاطعتها : مب ها قصدي حصيص "عضيت ع شفايفي امنع دموعي" وايد متعذبه ...
سالتني: اهله..
هزيت راسي بمعنى لا ..
حصه مستغربه:لا اتقولين ذياب..
ابتسمت اتمصخر عليهااا: ليش مب امبين علينا ..
حصه: لا انتي و ذياب امبين عليكم شرات الملاك..
حطيت ايدي ع ويهي اصيح: حصه ذياب وايد مبهدلني..
لوت علي يوم جافتني اصيح: من شووو ليش ..؟؟معقوله ذياب..شو السبب..؟؟
شوق امسح دموعه ..ما يثق فيني يشك فيني...دوووم
حصه: ليش شو الي خلاه يشك فيج شوق..
سكت شو اقولها اخوج دمر حياتي و اني كنت ارمسه ..سكت ..
هزتني حصه متروعه: شوق سويتي شي يخليه يشك فيج..
قلتهاا ابسرعه : لالا انا احبه و اباه و ما ابا ابتعد عنه ...موليه..
حطت ايدها ع جتفي: حبيبيتي كل زوجين يتضاربن ..
قلتها: بس ذياب حارمني منه ..
انصدمت حصه: شوق انا اذكر انج كنتي رافضتنه لا يكون ...
قلتها : لا حصه انا احبه و الله ...
حصه: علشان جي ما قام اييبج بيت اهلج ...؟؟
قلتها : لا كنت ابا راضي اخته تضايج يوم اطلع من البيت ..و انا خبرت امايه علشان تتفهم الموقف ..
رن موبايلي ما توقعت ان يكون ذياب المتصل رديت عليه : الو ..
سالني ع طول: تبين ترقدين بيت اهلج...
رديت ابسرعه : لا
قال : يلا انزين اتريااج برع تعالي..
قلته : زين باي ..
وقفت ووقفت معاي حصه: ذياب .
قلتها : هي برع ...
نصحتني: شوق مهما قال ريلج او عاملج اصبري و ردي اساءته بالاحسان علشان تكسبينه..
قلته بحزن: و الله ها الي اسويه بس ما يعطيني فرصه ...
ابتسمت: كثر الدق يفج اللحـام..
ابتسمت لها و قلتها : مشكوره ..
سلمت عليههم و طلعت ركبت السياره ...سلمت عليه رد السلامه من غير ما يطالعني...
قلته: اهلك راحـوو ..
رد علي: هي بترتاحيين ...من حشرتهم ..
كنت برد عليه لانه يتعمد يستفزني بس سكت عنه و ما رديت ..دشيت البيت ..ع الرغم من دوم اتضارب مع خالوه العوده الا اني افتقدتها هالمره افتقدت وجودها بالصاله ...عفدت داري ...دشيت حجرتي جفت مهره راقدع دشيت الحمام اسبح ...عقب ما ظهرت وايقت بالصاله جفت ذياب منسدح عالكنبه مكانه يبا يرقد ...خليته ع راحته و ما رمسته ورحت ارقد و بحضني مهره..
مرت حياتي هاليومين عاديه جدا ...قمت اجوف ندى وايد و اقعد معاها عقب ما فضى البيت ..رغم ان ذياب مب عايبنه بس ما لمح ولا قال لي شيء ... و وقت ما كنت اروح بيت اهلي كانت ندى اتروح بيت فتون علشان ما تزعل منها ...
سالتهتا مره : شو سوت خالوه العوده يوم ذياب صفع فتون ..

هزت ندى جفتها جنه شي عادي: ما قالت شي و بعدين خالي مب اول مره يضربهاا ...
سكت تذكرت كلام ذياب لي مره يوم كنا في المطار قبل ما انسافر ماليزيااا ...ان ملايين من الناس عندهم اهل شرات سيفاني..يمكن هو واحد منهم !! بس مستحيل ذياب يسويها ما قد مد ايده علي..
فريت رموت التلفزيون بعيد عني طفرانه ابعد الافكار السخيفه عن بالي ..تخيلت بيتنا و بيت خالووه حليمه اكيد الحينه مرتبشات بملجة موزي...

حتى فتون يمكن مرتبشه معاهم .. و ندى بعد كم مره طلعت اتروح معاهم السوق علشان اتفصل لها فستان للملجة ...الا انا بها العالم وحيده مالي بارض..لشيء موليه ..زين مهره اتسليني و مرات خوان ندى ... التفت صوب الباب يوم سمعته ينفج كان ذياب ..طالعني مستغرب و كانه مب متوقع يجوفني بالحجره ..
قال لي : غريبه يالسه هني وين ندى عنج ...
قلتها: بالسوق مع قوم عمها ...
ذياب : هي صح ...
قلته: بروح الملجه ...
رد ابرود: بنروح الشارجه...
قلته: يعني ما بحضر ملجة موزي .. و نددى وين بتروح ..؟؟
رد ابرود و هو يدور ثيابه علشان يسبح : بتروح بيت اختيه ...
قلته: انا ما ابا اروح الشارجه ابا اروح الملجه عقب موزي تززعل علي ..
طالعني و قال: وين ملجتهم ..
قلته: في بيتهم ..
تجدم مني و حط عينه بعيني و قال : يعني تبين اتجوفين "سككت شويه و قال" شخص معين فـ بيت خالتج
رفعت راسي اطالعه و انا كلي قهر بداخلي منه قلته لانه كان يقصد راشد.. دزيته و طلعت من الحجره لاني لو تميت معاه ثانيه غيرها كنت بذبحه ..يلست اطالع التلفزيون ....

..اندمجت ابفـلم أجنبي ...لمحت ع التلفزيون شي فايل ..نشيت من مكاني رحت ارضي فضولي ...كان مكتوب عليه ملف الاحوال الشخصيه ...فتحته كنت ابا اعرف شو داخله .بس تروعت يوم ييره ذياب من ايدي ابسرعه قبل ما اقرااا اي كلمه ..

الوصلاوية

.
.

 

[عيوز مشتطه]

رد: خل العذول موطـي الراس منكوس..* معاني..*

الوصلاويه لو استوى شي بالشيبه بذبحج انتي ومعاني وياج ..

شوق العنز الله يعينها على ذياب متقلب الاحواال .. بس صدق يعني وايد عليه يوم ستر عليها .. وذالنها ذل بعد >> ما ينلام ..

فتون النحسه تقهرني ردودها طلعوها من القصه ..

مووزي طلعت مب هينه ويا هالافلام الهنديه خخخخخخ ..

سيفوه اعتدل حاله .. ماله حس وايد ..

ندى .. عسى الله يفكها من راشد النذل يعلها تغير رايها ..

بدوور .. خبالها غير بعد .. وايد جريئه .. تحب بدفاشه هههههههه ..

سعيد وحصه الله يهنيهم بحمودي الخبله خخخخ .. بس زيغتني حصه يوم سمعت شوق ترمس ابوها زين ما كشفتها اتغربلت شوق ..

ام فتون النسره بعد ما تعيبني طلعوها من القصه خخخ ..


جوومبلييت يا امايه جومبلييت ..

 

[الذيب الوصلاوي]

رد: خل العذول موطـي الراس منكوس..* معاني..*

تسلمي اختي الوصلاويه

عالجهد المبزول
الذيب الوصلاوي متابع القصه
بس اوقات ما اروم اقراها بسبة الوقت


عالعمووووووووووم مشكوووووووووووره

 

[صرخة مشاعر]

رد: خل العذول موطـي الراس منكوس..* معاني..*

يسلموووووووووووووووووووووووو ..^^

 

[الوصلاوية]

رد: خل العذول موطـي الراس منكوس..* معاني..*

في حجر عينة لي غديـر وسحابه وفي وسط قلبي له تناهيت وعتاب..إن قلت أحبه يكفي القلب مـابه وان قلت أنا مابيه ..باصير كذاب

وقفت ابسرعه متروعه اطالع ذياب نظرات خوف و استغراب من تصرفه ...
فر الفايل ع الكنبه بعصبيه و قال: انتي ما ترتاحين الا اذا تعبثتي بكل شي اتجوفينه ...؟؟
بلعت ريجي و قلته: انا ع بالي فايل عادي ما كنت ادري انه يتعلق بدوامك...
طالعني بنظرات و راح صوب الفايل شله بيده سالته: شو هاه..؟؟عن شو يتكلم ...؟؟
تجدم مني فرفعت راسي اطالعه قالي بنبرة تهديد: اشياء اتخص شغلي ما اريدج تتدخلين فيها ..زين..
هزيت راسي بمعنى انزين و انا اطالعه بنظرات وحده غبيه مب فاهمه شي ..و غاب عن نظري ...رحت حجرتي و علامة استفهام اشكبرها تترقص حولي راسي لي حرج ذياب ..زين انا بعدني ما جفت الملف ولا قريته ..؟؟؟ يعني حسيت ردت فعله مبالغ فيها ...تنهدت و يبت مهروو بحضني ورقدت ...
قبل ملجة موزي بيومين ..جفتها فـ بيت امايه ...هي و بدور ....كنا قاعدات بحجرة حصيص نتناقش بسالفه الملجه ...كل وحده اتقول شو بتلبس ...
موزي: عيل شوق ما قلتي شو لون فستانج..
ابتسمت شو اقولها الحينه هاي !!
بدور: اكيد لون وردي...
قلتها: بدور نتي اخر وحده ترمسيني ..
بدور: ليش فديتج بعدج ما صرتي حميتي قمتي تقاطعيني ..
شيخاني: هههههههههههههههه ماصخه بدور...انتي بعدج حاطه سيفاني فـ بالج..
بدور: ليش مب ناوي يخطبني..."تستهبل"
موزي: بدور بس عاد ...
قلتها: ان شاء الله بخطبج ..بس ....................
بدور: شووووووووووو
قلتها: لا اتسوين روحج متلهفه تبين اتعرفين ..شي .تراج اتعرفين اكثر عني" و طالعتها بنظرات مكر"
انحرجت بدور لانها فهمت قصدي و تلميحاتي...فسكتت..
حصه: بدور انتي كل البنات بيعرسن الا انتي تمي تترين سيف ..
بس بدور طنشت كلام حصه و قالت لي: شوق انتي من متى ما جفناج كيف تبين اتعرفين اخبارنا جنه محد عرس غيرج..
قلتها: اخترعوا التلفونات ...
شيخاني: ايه ..موزي مري علي باجر يوم بتروحينن الصالون ..
موزي: راشد بياخذني ...
راشد ... راشد..بالاول كنت اتخبل يوم ينطرى لي هالاسم..لكن الحين مجرد اسم ينذكر جدامي .. و اي مشاعر تباني اقدمها لك يا راشد عقب دمرت حياتي و انا الحينه قاعده ابنيها بس بصعوبه .....طالعت شيخاني يوم قالت : عادي مري لي الا بسالكم..ها متى بعرس ..حتى بدور بتعرس و ندى تتريا راشد...
بدور: هههههههههههههههههههه مالت عليج بايخه ...
شيخاني: لووووووووووول ...
انتهزت الفرصه: ندى لمحت لي ان عمها يبا يخلي السالفه رسميه خلاص و يملجون صح هالرمسه..
بدور: كل هل تلميح ترا وضحت السالفه شو بعد...
بدور و شيخاني يضربون يد بيد كفففففففففج:: ههههههههههههههههه
حرجت عليهن: عن السخاافه انتي و هي ...
موزي: و ابوي يوم يستخفن دمهن هالثنتين...
شيخاني وقفت: بدور تعالي حجرتي براويج فستاني ...عن ياكلونا هذيلا
نشت بدور و قبل ما تظهر قالت لي : شوق و الله اباج بسالفه زين ..
طالعتها بنظرات عتاب ردت لي بابتسامه و اختفت هي و شيخاني ...
حصه: شوقاني ..ما قالج ذياب شي
استهبلت عليها :شوه..؟؟
حصه: عن خطبة راشد و ندى..
قلتها: لا ذياب ما يحب اتدخل بسوالفهم..
موزي: ويه زوجته انتي ...؟؟
هزيت جتفي اطااالع حصه الي اتفهمت كلامي و قالت: انا اذكر انه رافض الخطبه بس ندى موافقه ..
قلتها: هي الظاهر جي قاعد يقنعها ..
موزي: شو ها يقهر مب ع كيفه يحدد مصير البنيه و بعدين هي محجوزه له من كانوا صغاريه ...يعني كان موافق يوم كان ربيعه و غير رايه يوم تفارجوا ...؟؟
قلتها ذكرتها : موزي ترمسين عن ريلي انتي ..؟؟
موزي: سوري بس شسوي يقهر ...
حصه: بس عاد موزي ...ان شاء الله بغير رايه ..
ما قدرت ادافع عن ريلي ..شو اقولهم ريلي ما يبا اخوك يرتبط بـ ندى علشان اكتشف علاقتي فيه ...تنهدت ...بصمت يا عذابي ما كنت اتوقع هالعلاقه بتسوي وايد مشاكل ...
موزي: ان شاء الله ..المهم شوقي بتيين معانا باجر الصالون خلي ريلج اييبج...
قلتها بصوت واطي : موزي ترا ما بحضر الملجه..
موزي مب مصدقه: ليشششششششششششش
قلتها: بروح الشارجه باجر ...
حصه: زين الملجه ورا باجر ..
قلتها: بنتم ثلاث تياام هناك ..
موزي: لا و الله اكيد ريلج متعمد..
دافعت عنه مع اني ادري انه متعمد: لا حرام عليج عنده شغل بس اوعدج برمسه اليوم يمكن يغير رايه..
موزي اتحذرني : هـي قوليه ترا موزي بتزعل ....و اتعرفون زعلي ..
قلتها: اعوذ بالله منه ...
ضحكنا : هههههههههههههههههههه
دش حمودي مستعيل : ماما وين نعالي ,,"شويه و بيصيح"
شليته و حضنته : فديتك وينك انته من زمان ما سمعنا سوالفك ...
حمودي يدزني: قوووووووووومي بروح الجمعيه .."ويصرخ" وين نعالي .
موزي: عفانا الله هالولد مب جايف خير ..
ضحكت عليها : ههههههههههههههههههه
حصه: زييييييييييين لا اتصرخ منو بياخذك الجمعيه ...؟؟
حمودي يصرخ: باااااااااباااااا يلا وين نعالي ..
نشت حصه بصعوبه: الله يغربل ابليسك ...
موزي + شوق: هههههههههههههههه
كانت بتلبسه نعاله بس ييره عنها حمودي وربع برع ..
حصه اطالعنا : ها الولد مب جايف خير .عفانا الله ..
ضحكنا ..وحشتني سواالف حمودي ..طالعت الساعه جفتها عشر فـ ليل ...
قلت :-الحينه بيي ذياب ...
ع طول دشت سيتي : مدام ..ذياب برع ..
موزي : اووووووووووووووووووووووووونه هب هب مب حس عليج ..
حصه: صلي ع النبي ...
شوق: ههههههههههه لا يروح فكرج بعيد ترا كل يوم اييني بها الوقت ..
موزي: انا اقوول بعد..المهم اقنعيه زين ..
قلتها: ان شاء الله و الله ودي احضر ...اكيد بقنعه ..
سلمت عليهن و رحت سلم ع باباتيه الي كان راقد بحجرته بسته ..تحرك متضايج ابتسمت .. و طلعت ..سلمت ع امايه سمعت ضحكت شيخاني و بدور من حجره شيخاني .
فجيت لهم الباب فجاه فطالعوني شيخاني: شوووووووووو روعتينا دفشه ..
قلتها متعمده :شتسووون ..؟؟
شيخاني: وحدج يقولولج اسرار ...
بدور: شوقاني تعالي برمسج..
قلتها: بروح الحينه مره ثانيه ..يلا مع السلامه ..
وصكرت عنهن الباب قبل ما اسمع تعليق اي وحده منهن...طلعت من البيت جفت ذيااب واقف برع يسولف مع سيفاني ...تجدمت منهم .. و سلمت ع السيف ...
سيفاني: شحالج شوق ..؟؟
قلته: ابخير اشحالك انته ..
رد عليه : ابخير الحمدلله "فاجأني يوم سأل ذياب " ها مخبله فيك ..ولا استوت حرمه ..
بلعت ريجي و ارتجف اتخيلت لو ذياب قاله عن الي صار في ماليزيااا ..شو ممكن يسوي فيني سيفاني ..عادي يدفني في بيت يدتي الجديم من غير محد يعرف ...
طالعت ذياب بخوف ..هم ذياب طالعني بس ابتسم و قال لـ سيفاني : لا استوت حرمة بيت ...
رغم اني عارفه ان ذياب مب كان صادق فـ رمسته الا اني اتلومت و نزلت راسي بالارض من نظراته ..
سيفـاني : اشوه طمنتني يا ريااااااااااال ..
ذياب: هههههههه ول شو مسويه بك ...
سيفاني : ماشي بس كانت اتعرف تستفزني ..
طالعني ذياب فابتسمت له علشان يعرف اني ما كنت شرات الارنب جدام سيفاني مثل ما يظن ...
سيفاني: ان شاء الله يوم الخميس بنجوفك ف، بيت بو راشد..
هز راسه ذيااب بمعنى لا و قال: عندي محكمه مشغول ...
سيفاني: يعني انت بعدك ما تتدش بيتهم..
تحرك ذياب ناوي يروح: ولا بدشه..
كنت اسمع رمستهم مستغربه ..ليش ذيااب ما يدش بيت راشد..زين اذا كان متضارب مع راشد شو علاقة اهل راشد...
ذياب: يلا شوقاني ..
هذي أول مره يدلعني من كرهني بس ذياب يتهرب خايف سيفاني يتمادى بالرمسه جدامه ...سلمنا ع سيفاني ..و قلته قبل لا اروح السياره : ترا داخل بنت الخاله ..
سيفاني يحك راسه اونه يفكر .
قلته: اووووووووونك حركات ..
ضحك علي : هههههههههههههههههه
ابتسمت له : مع السلامه..
رد علي: - فـ أمان الله
ركبت سيااره كان ذياب يترياني داخل سالته : ليش ما تدش بيت خالوه حليمه..
رد علي و من غير ما يطالعني مركز ع الشارع: ما يخصج ..
تنهدت و قلته: لازم بعرف بيوم ..
ذياب: ما يهمني ...تعرفين ولا ما تعرفين ما بتغير شي ..
قلته بكل غيض: انت انسان جاسي ...
ماشي رد ..............................
قلته: انا بروح ملجة موزي ..
رد علي : تكلمنا بها الموضوع وايد ...
ترجيته: و الله موزي بتزعل توها عرفت حرجت علي ..و قالت لي احاول اقنعك ..
رد علي : بتزعل و بترضى ..
كتمت غيضي صديت عنه اطالع الشارع الين ما وصلنا البيت ..كالعاده كانت مهره راقده .. و انا انخمدت عطول و ذياب رقد ع الكنبه فـ الصاله ...تجلبت وايد حاولت ارقد بس ما رمت ..ابا اقعد مع ذياب ..اباه يسولف معاي .. يضحك معاي ..حالي حال اي اثنين متزوجين ...فريت لحاف عني و طلعت من الحجره جفت ذياب مندمج قاعد يكتب .. و يكتب ...حتى انه ما لاحظ اني واقفه عدال بابا الحجره ...تميت اتأمله .الي يجوف ذياب مستحيييييييييل يظن انه محامي ..بيظن رجل اعماال مدير شي من هالسوالف ...
تسندت ع باب حجرتي اراقبه ..اتذكـر ايام ملجتي معاه اول يومين من حياتي معاه ...ما تحملت اكثر ..تجربت منه ...ييرت كرسي رفع راسه يطالعني يلست جدامه ....في البدايه طالعني مستغرب يظن اني راقده ..عقب طنش ورجع يكتب ..
سالني وبعده منشغل في الكتابه: شو تبين ..؟
قلته: ما ياني رقـاد ...
ذياب : شو اتفكرين فـ الملجه ..
قلته بصوت واطي : لا ..كنت افكر فيك..
رفع راسه يطالعني و كأنه مب متوقع جوابي ...بلعت ريجي كنت خايفه من صده لي
فكملت ابسرعه: اتذكر ايام ملجتنا ...يوم كنت اتزورني .."رجع يكمل كتابه طنشني" كنت انسان غيير..
سكت اتريا رده بس ............................."ماشي رد"..
حطيت ايدي ع جتفه : ذياب ..
فر القلم بعصبيه ووقف : روحي ارقدي خليني اعرف اشتغل ..
وقفت معاه قلته بعذاب : انت ليش ما تحس فيني ...
حرج علي: لان ما عندج احسااااااااس ..
وشل القلم و الاوراق و ظهر من الصاله..
يلست ع الكرسي يأسه شسوي ...شو الحل ..؟؟؟لو بيدي جان جفت راشد و كسرته شرات ما كسر خاطري و قلبي صوب ذياب ...تنهدت ...رحت حجرتي خلاص مليون مره اقول ما بيي صوبه و اخرتها من اجوفه انسى العالم كله ..لي متى ..كنت بصيح ...بس رفعت راسي من ع المخده يوم اتبطل باب الحجره ..
ذياب: باجر بنظهر الساعه 8 ...قومي الساعه 6 رتبي اغراضج و اغراض مهره
تطنزت عليه: شو بتم هناك يومين بعد..
رد ابرود: يوم الجمعه بنرجع ...
كنت بقوله اذا محكمتك باجر حق شو انتم يومين في الشارجه بس يبا يتهرب من ملجة موزي...اه يا عذابي..يتني رفسه من مهره الي انجلبت الصوب الثاني. ابتسمت..لويت عليها و بستها ... و رقدت ...
ما حسيت بـ ذياب يوم دش يسبح . و يرتب اغغراضه ....
ذياب : قومي شوق ..
جفت الساعه كانت 7 الصبح ...
ذياب: يلا نشي الحينه بتيي ميري اتغسل مهره و اترتب اغراضها ..
قلته: ما يحتاي انا موجوده..
رد علي : مهره عندها الي يخدمها محد يحتاج هني ..."راح صوب الباب و قبل ما يظهر طالعني و قال " بييكم عقب ساعه تزهبوا ...
نشيت باي وقت مناسب ولا غير مناسب يحرج و يعق رمسته ..الله يعيني ...عليك يا ذياب ..نشيت تغسلت و بدلت ملابسي .. و قومت مهره ..يتها ميري بس قلتها اتزهب الفطور و اتخلي مهره علي ..
مهره اتصيح: ابا اناااااااااااااام
ابتسمت لها: حبيبي انا و بابا بنروح الشارجه..
مهره: ما ابااااااااااااااا
وقفت : خلاص عيل انا و بابا بنروح الالعاب و نتي تمي هني مع ندى و عبيد و ميري ..
نقزت مهره ع الشبريه تتنقز : بروووووووووووح ...
شلتها ضحكت عليها: ههههههههههه حركات شرات ابوج ...
سبحتها و لبستها و عدلتها ...أول مره احس ان مهره بنتي صج ..لويت عليها و بستها
و قلتها: انا ما اعرف ارقد من دووننننننننج خلاص ..
مهره: بعد بابا ..
قلت بخاطري بالاول خليه يرقد معانا ...يابت ميري الريوق : تريقنا انا و مهره ...عقبها بدقايق ..اتصل ذياب ما قال غير : يلا ظهروا ..
زقرت ميري اتزل شنطتي و شنطة مهره .. و تاخذ مهره السياره اما انا قبل ما اظهر رحت حجره ندى ..جفتها راقده ..هزيتها : ندوي ..
بطلت عينها بكسل و ردت غمضتها : خلوني ارقد توه ريلج حشرني الحينه انتي شو تبون ..
ضحكتني : ههههههههه يا الكسوله ...زين بغيت اقولج انا بسير ..
ندى: ادري .انا عقبها بروح بيت خالوه العوده ...
قلتها: زين سلمي ع موزي و باركي لها ..
تغطت باللحااف : زين باي باي ..
ضربتها ع الخفيف: مستويه ما تستحين ...
ندى بكسل: هههههه فديت حرمة خالي ..
نقزت يوم سمعت هرن سياره ذياب: يلا باي ...
ركبت السياره ذياب : من متى اترياج ..
قلته: كنت اودع ندى ...
سكت عني ...يلست مهره بحضني مستانسه كانت اتغني صوت عالي ..اما انا كنت اطالع الشارع مضايجه ابا اروح ملجة موزي ... و الظاهر ذياب كان حاس بضيجتي بس مب هامنه ..سندت راسي بالسيت مصدعه لاني البارحه فـ ليل ما رقدت زين ...و اليوم ناشه من وقت ...كانت مهره تتنقز فوقي
قلتها: مهره حبيبي شويه شويه عورتي بطني ...
مهره: انتي عيوزه..
فاجاني تعليقها قلتها: انا !!!جايفتني اكبر عن ابوج ...
طالعني ذياب فجاه اتروعت من حركته بس الظاهر عيبه تعليقي لانه ابتسم ..غريب هالانسان !!
ذياب: مهره روحي يلسي وراي خلي عموه اتنام ...
طيحت مهره راسها ع صدري و لوت علي :ابا عموه ..
بستها: فديتج...
كنت اظن ذياب بحرج او بتضايج لانه دوم يحذرني ابعد عن بنته و ندى ...بس هالمره ما علق ..طنش و تم يركز بالطريج. يمكن باله في المحكمه ..
.يلست امسح ع مهره و اغني لها ..متناسيه وجود ذياب لاني كنت مصطله ...اخرتها رقدت مهره ...بحضني ...و انا بعد كنت نودانه يوم فاجاني ذياب بتعليقه: صوتج حـلو ...
فتحت اعيوني اطالعه احلم ولا اسمع حسه صج ...بس يوم جفته يطالعني يتريا رد
قلته بكل رسميه : شكرا ....
وقف عند الاشاره طالع مهره جان يقول: توها تلعب مسرع رقدت...
قلته: اصلا فيها رقاد ...علشان جي كانت اممممممممممم
كمل عني: متخبله...
قلته: حرام عليك لا اتقول عنها جي ...
طالعه جدامه و تحرك ..قلته متى بنوصل ؟؟؟
رد علي: نص ساعه جريبه الشارجه ..
قلته : تعبانه ابا ارقد مب راقده البارحه ...
طنشني .. و انا غمضت اعيوني احاول ارقد بس ما رقدت ..عرفت ان ذياب مرتب اموره و حاجز من اول لان نزلنا ع طول ..كانت الساعه 9 نـص ...فر ذياب الشنط ع الارض ..و قعد ع الكنبه يطالع الاووراق ...اما انا قعدت ارتب اغراضنا عقب ما حطيت مهره بفراشها ...
وقف عقب ما ياه اتصال تجدم مني : شوق انا بظهر برجع ع الساعه هنتين ...اتطمن انج بتكونين بخير انتي و مهره ..
قلته: وايد بتتاخر .
زخ ايدي : ما اتخافين بتصل بج كل شويه ."جنه غير رايه" ولا ارقدي .. و يوم بتنشين اتصلي بي زين..
عيبني تقربه مني و نبره صوته الي كانت خاليه من التطنيز شرات كل مره
قلته: زين ما يهمك مهره بعيوني ...
ذياب: واثق منج..
راقبته يوم هد ايدي وراح صوب مهره و باسها .. و طلع من غير ما يودعني حتى ... قفلت الباب ...ووو حولت موبايلي ع الصامت .. و انخمدت ع طول ...
قومتني مهره: ماما يدقون الباب ..
قلتها: مهره ابا انام .....
مهره: يدقون الباب عموووووووووه ..
نقزت ..اسمع صوت الباب ..طالعت موبايلي شهقت ..الساعه هنتين و ربع ...كانت مكالمات من ذياب و سعيد اخوي ..اتصلت بـ ذياب ..
قال لي : فجي الباب حبيبي
نقزت ابتسمت لـ مهرا او مره اسمع هالكلمه من عقب هذيج الليله .
.قلت مهرا: حبيبي بابا ع الباب منوه اول بفتح الباب ..
ربعت مهره و لحقتها خليتها تغلبني ...شلتها علشان تفتح الباب ...
مهره تصرخ: بابا غلبت عمووه ...
شلها ذيااب و باسهااا ...كنت مستانسه ع بالي برحب فيني ...لانه قال حبيبي بس طنشني و دش داخل ..
قلته: شو سويت .
ذياب و كأنه هم انزاح عنه: ماشي خلصت و افتكيت ...
يلست جريبه منه : شكلك مستانس ...عسى دوم اتكون حياتك جي ناجحه ...
رد علي و كان يلاعب مهره: الا بحياتي الزوجية ...
كلامه كانت مثل الصفعه بويهي ما توقعت هارده ...سكت عنه قعدت مهره جريب مني وراح الحماام يسبح..و انا قمت بدل ملابس مهره احاول انسى كلامه مهره: انتي قلتي بنروح الالعاب !!
قلته: زين حبيبي عقب ما ناكل و انخلص و يرتاح بابااا عقب بنروح برع انلاعبج زين ...
مهره: انا يوعانه ..
قلتها : من عيوني الحينه بابا بييب لنا اكل ...
ظهر ذياب من الحمام..عقب دشيت انا اتغسلت و غسلت مهره يوم ظهرت جفت الغداا موجود يلسنا ناكل كالعاده انا ساكته و ذياب يرد ع بنته الي كانت ترمسه ....عقب ساعه حطيت لــ مهره قناه سبيس تون علشاان تهدي و ما اتسوي حشره حق ذياب لانه رقد ...بس حشرتني و ما رحمتني متى بنروح الالعاب ..؟؟ انتي قصيتي علي ..؟؟ عموه طلعت جذابه...؟ جفت ذياب يتجلب بفراشه ...
قلتها خلاص زين باخذج ...بس اذا كان جريب منا ..بس لا تخبرين بابا علشان ما يحرج علينا زين ..
مهره طبعا ما تسمع شو اقول لانها كانت طايره من الوناسه :بنروح الالعاب ...
لبست عبايتي ..و نزلتها قبل ما ينش ذياب .ابتسمت يوم جفت محل الالعاب مجابلنا مره ...دشينا ...كانت مهره مستانسه و الي يجوفها يقول هذي بحياتها ما لعبت ...ولا اول مره تجوف العاب مع ان ابوها مب مقصر معاها موليه ....
قعدت الاعبها تقريباا معظم الالعاب الموجوده و كنت اصورها بـ موبايلي ..بس تضايجت يوم صكر و انغلق ..امفضيه البطاريه ..اخرتها رحت اشتريت سياره حق حمودي .. و مهره شلت لها عروسه ..و سياره شرات سياره حمودي .. و شلينا حق عبيد و سهيل ..نقزت يوم أذن العصر ...
قلتها: يلا بابا بيقوم بحرج علينا ...
و نحن طالعات ..طاحت لعبت مهره و بطريج الريال الي مار ..فدز اللعبه بريوله من غير قصد بعيد..
صرخت مهره : لعبتييييييييييييي
حسيت ويهي احترق ذكرتني بـ حمودي يوم يفضحنا ..
قلتها: خلاص بشتري لج غيرها ..
الريال منحرج شل اللعبه قال: تعالي خذيها ما انكسر ..
تجدمت مهره منه متلومه و خذتها
ابتسم لها زخيها زين علشان ما تطيح منج مره ثانيه ...زين يا المزيونه .."طالعني.."
حسيت بخوف فقلت : مهره تعالي هني ابسرعه ..
يتني مهره .. زخيتها من ايدها ..وربعت برع المحل و قطعت الشارع و انا كل شويه اطالع وراي اخاف يكون الريال لحقني... حسيت براحه يوم وصلت عندي باب حجرتنا ...
قلتها : يلا دشي لا اتسوين حشره حق باباتيه .
و قبل ما افج الباب ...انفتح و كان ذياب ..كان يطالعني و اطالعه امطنش مهره الي كانت تحكى له عن شو سوت
مهره: باباتيه عموه ودتني صوب الالعاب انت كنت نايم ..
بلعت ريجي قلته: ع بالي كنت راقد..
ما كنت اعرف انه محرج الا يوم اتكلم : منوه سمح لج تطلعين برع ...
طالعت مهره و طالعته و كأني ابا اذكره ان مهره واقفه معانا و ما يحرج علي ..بس ذياب طنش الظاهر كان وايد محرج : ميـنونة تظهرين بروحج..
قلته: مهره كانت تبا تلعب ...
ذياب: ما فيج صبر لي ما انش من الرقاد...
بلعت ريجي و قلته: كنت راقد و خفت لا اتسوي لك ازعاج...
ذياب : لا و الله ..
تجدمت مهره اتراويه اللعبه : جوف بابا عروستي طاحت بعدين الريال عطاني..
التفت ذياب لـ مهره يوم قالت ريال ..و رجع يطالعني ..
قلته : شو فيك...
بس ذياب تم يطالعني بنظرات محرجه سالني بعصبيه: طلعتي الصبح ..؟؟
قلته بسرعه: لا رقدنا ما وعيت الا يوم انت دقيت الباب ..
ذياب يطالعني بنظرات مب مصدقني قلته : و الله ما طلعت الا يوم مهره حشرتني خفت لا اتسوي لك ازعاج و انت تعبان ...
مهره اتيير ابوها :بابا ..جوف عروستي..
شل ذياب اللعبه من مهره بعصبيه فرها بالارض بقوه الا ما تكسرت ..ردت مهره لورا متروعه لانها جافت ابوها معصب حتى انا طيحت الاجياس من ايدي خايفه من ردت فعل ذياب ..
عفد علي ذياب و زخني من ذراعي بعصبيه : اذا انتي متعوده اتهايتين من غير حسيب ولا رقيب شي راجع لج ..لكن بنتي ما يخصج فيها ...
يلست مهره اتصيح بصوت عالي خايفه ..اما انا من كثر خوفي ما رمت اصيح بصوت عالي بس كانت عبراتي اتهل بصمت ...ما توقعته يعاملني جي جدام مهره زين لو غلطت بس ما توقعته جي يعصب ...فج عني ابسرعه يوم حس انه بالغ برده فعله ... و راح صوب الشماعه لبس كندورته ... و اتعصم ابسرعه .. و شل مهره الي كانت قاعده عالارض اتصيح ...و طلع برع ..
خلني وحيده بالحجره مجابله لعبه مهره المكسوره ... و هداياا حمودي الي تناثرت عالارض ..يلست اصيح بصوت عالي ...حتى ما فكر يعتذر او يراضيني ..ما همه غير بنته ..صرت ما اطيق حركاته ..ولا تطنشيه لي .. رغم كل ها الشي الي يقهر ..
مشاعري صوبه ابد مب راضيه اتموت ..مسحت دموعي شليت الالعاب المتناثره و حطيتها بمكان واحد ...و رحت الحمام اغسل ويهي ...فتحت الستاره اطالع الدنيا برع ...وين خذ بنته ..الحينه ..؟؟؟ اكيد ندم انه يابنا معاه الشارجه ...تنهدت ابعمق ...
حسيت بالملل لان الساعات اتمر و ذياب للحين ما شرف يلست اجلب قنوات التلفزيون من محطه لـ محطه ..لاعت جبدي ...فكرت لو ما نزلت انا مهره تحت شو كان ممكن يصير ...كان ذياب طلعنا و اندمجت معاه بس دوم الظروف اتكون عائق بيني و بينه ..
عدلت بيلستي يوم سمعت صوت الباب ...كانت الساعه عشره ...دشت مهره محتشره من الوناسه ناسيه الي صار لها من ساعات ...هذيلا اليهال لو ينضربون دقايق و ينسون كل شيء ..رفعت راسي اطالع ذياب و كان يطالعني...طنشته حضنتني مهره الي كانت تحكي لي ع الالعاب الي لعبتها ,,بستها كان ودي احضنها بس عقب الكلام الي قاله ابوها عني...مب بسوي هاشيء جدامه ..شويه ووصل العشى ...نشيت من مكاني يوم ذياب قالي : تعالي تعشي ..
قلته: ما ابا ..
و عدلت الفراش اوني برقد ...بس انا ادري ان النوم بجفى عيوني ..مهرووو و ذياب رقدوو و انا بعدني اتجلب و مليون فكره تطري في بالي ...مرات حياتي مع ذياب و مرات ملجة موزي و شو شعورها بتاخذ الانسان الي جمعهم القدر صدفه ... ولا بدور و سيفاني كيف ترااضـوو ...و ع اذان الفير صليت و انخمدت ...نشيت فتحت اعيوني جفت الحجره فاضيه ذياب و مهره محد ...مدري وين رااحـووو الظاهر ذياب طلع بنته يمشيهاا ..مدري كم كانت الساعه المهم من غمضت اعيوني رقدت ..الين ما حسيت بثجل فوق بطني ..
مهره: عموووه قومي..
ابتسمت و قلتها: مهروو قومي بضربج..
مهره تتنقز فوقي : قومي يلاا انتي كل تناميييييييييييين
ضحكتني: هههههه شسوي محبوسه بين اربع جدران كلتي عيش ..؟؟
مهره : لاااع بابا قال ..بناكل مع ماما ..
تنهدت و قلتهاا : زين عنونـي ..يلا وخري علشان انش ..
مهره تضحك: ههههههه ما ابي و تمت تتناقز..
شليتها و فريتها جريب مني اوني اصارعها ..و هي تضحك..نسييت ان ذياب موجود فالحجره ...مدري ليش اول ما فجيت عيني و سولف مع مهره حطيت فـ بالي ذياب برع ...تفاجأت يوم جفته يطالعني مستغرب ..رتبت شعري .ابسرعه و نشيت ..رايحه الحمام ..اتغسل ...عقب ما ظهرت ...طاحت عيوني ع مهره ..كانت اتحاول تعدل عروستها الي كسرها ذياااب ...ام ذياب كان يطالع من الدريشه ...و التفت صوبي
قال : يلا لبسي علشان بنظهر نتغدا برع ...
رحت صوب التسريحه امشط شعري : ما اشتهى "حسيت ان بغمى عليه من اليوع "
تجدم مني : من البارحه ما كلتي شي ..
لفيت شعري و فريت المشط : نفسي مسدوده ..
التفت لـ مهره الي وقفت جريبه مني: عموه سوي عروستي ...
قلتها :حبيبتي خلي بابا يعدلها لج ..انا ما اعرف ..
رحت صوب الكبت بس شهقت التفت لورا يوم تصكر باب الكبت الي فتحته..حاولت ارجع لورا اكثر بس كنت لاصقه بالكبت..
تطنز علي ذياب: عن تكسير الكبت ولا تدشين داخله ..
كنت اطالعه من زماااااااان ذياب ما تجرب مني سحرني ابعيونه اطالعه ...حتى هوه تم يطالعني ...
ذيااب: اجهزي علشان بنتغدا برع .....
كنت بقوله ما ابى ..اوني اكابر بس سكت عنه و صديت اطالع برع ..
.جدم راسه و قال بصوت و اطي :
سيفاني ما جذب يوم قال اتعرفين تستفزين الواحد..رغم انج وحده جبانه ..
طالعته بعصبيه ها ياي يراضيني ولا يقرضني .....قربه مني يذبحني حتى انفاسه الجريبه مني حسيت انها بتحرقين من زمان ما حسيت بها المشاعر و كم و كم لو شو اوصف لكم ما وفيت اني اشكثر اشتقت لها الاحاسيس ...غمضت اعيوني يوم دز يبهتي ع الخفيف و كأنه يبنبهني: ايه انا ارمسج..
شكله يبا يراضيني ...عيبتني السالفه لان بيني و بينكم ما ابا انحـرم من هالمشاعر ..
قلته: شووه
قال: مهره يوعانه يلا ..انروح نتغداا ..
صديت عنه: ما ابااااه
ذياب يحاول يستخف دمه : معقوله مب يوعانه خيبببه شو طاقه عليج ..؟؟
طالعته بعصبيه "اوني محرجه"و صديت عنه و انا ميته بداخلي خايفه لا يطنشني ولا بعد خايفه لا يحس اني ارتجف من اليوع ..
ذياب : اممممممم يعني اروح انتحر افر روحي من الدريشه علشان ترضين .
قلته من غي ما اطالعه: علشان مره ثانيه ما تمد ايدك عليه..
شهق ذياب: جذااابه انا مديت ايدي متى !! يا الجذابه..
كنت بضحك بصوت عالي لانه مهره اتصرااخ تبا حد يسوي لعبتها المكسوره . و تزقرنا انا و ابوها و نحن مطنشيها .. و غير ذياب كان يرمس شرات اليهال ...بس يودت روحي "اثجلي شوق بس هالمره"
صديت اطالعه يوم سكت جفت قاعد يتأملني و يبا يضحك بس ميود روحه فدزيت ويه الصوب الثاني
وقلته: لا اطالعني ..
ذياب: ههههههه خلاص عيل ما بنتحر دام انج طلعتي وحده جذاابه ..انا بفرج من الدريشه ..
كنت بشهق بس ذياب ما عطاني فرصه ييرني صوب الدريشه قلته: هني يا المينون ..
طالعتنا مهره بنظرات خوف ...ع بالهااا صج ابوها يبا يفرني ....برع ..
مهره شويه بتصيح: بااابااا
ذياب: علشان مره ثانيه نا تجذبين علي..
حطيت ايدي ع صدره ادزه : ذياب وخر..مهره امصدقه جوفها بتصيح ..
ذياب يبطل اعيونه: ليش انتي بعدج مب مصدقه اني ابا افرج من الدريشه..؟؟
ضربته ع جتفه بدلع: ذيييييياب بس عاد الشيطان شاطر ..فج عني..
ذياب : اول طالعي برع ...
صديت لورا اطالع تحت دارت الدنيا فيني يوم تخيلت اطيح من هالمسافه طالعت ذياب بخوف
فضحك علي: هههههههه مهره افرها ..
مهره تصرخ: لالالالا "و شكلها بتصيح "
قلته بخوف : و الله الشيطلن شاطر انت مينون ...
ذياب: عيل بظهرين معانا ..؟؟
قلته ابسرعه: لازم بظهر شو تبا تذبحني من اليوع ..
ذياب يبتعد عني ويضحك : ههههههه يلاا عيل لبسي ..
ابتعدت عن الدريشه ابتسمت ع خباله : : زين دقايق بس ..
لبست مهروو و مشطت شعرها .. و لبست انا و ذياب كل شويه يلا و يلا ..متى بناكل ..؟؟ انتوا يا الحريم سنه لي ما تلبسون ..؟؟ و انتي كيف متحمله هاليوع كله ..؟؟حشرنا حشره ..
...اخرتها طلعنا ..رحناا مركز صحارى و صوب المطاعم يلسنا هناك...لاحظت ان ذياب كان يتحاشى قربي ...بس كان يضحك و يسولف ولا كأنه بينا شي ...
عقب ما خلصنا غدا مهره : بابا بلعب ..
ذياب يشيلها: بسج انتي ما تشبعين ...
كنت ابتسمت ع تعليق ذياب بس عقب تروعت يوم زخ ايدي و جربني صوبه قالي: انتي وين اتروحين تمي جريبه مني ..
يقهرني يوم يعاملني جني ياهل او اني بضيع ..باي لحظه منه ...
ركبنا السياره قلته: اليوم ملجة موزي ...مدري كيف شكلها ..
ذياب: بتجوفينها بالصور ...
ابتسمت: ذياب وين صور عرسناا ما يبتها من الاستديو ..
فاجاني يوم قال: موجوده في الكبت..
شهقت : و ليش ما قلتي و الله انك تقهر ...
عفدت مهره فوقي و رقدت عطول قلته: شكلها تعبانه ..
ذياب: ناشين من وقت هلكتني ندمت اني ظهرتها معاي ..
ضحكت عليهه: ههههههههههههه بنتك لازم تتحملها ...
عيبتي الالفه الي صارت بيني و بين ذياب و ما بغيت تختفي مجرد رجعتنا راس الخيمه ..
فاجئني يوم سالني : و انتي شو الي جابرنج عليها .
يلست العب بشعرها: لانها بنتك ولاني احب اليهال ...
سكت ما علق ع كلامي ..حطيت ايدي ع ايده و قلته: ذياب ..انا ما ابا منك الا شي واحد انك تحسسني انك راضي عني ..
سحب ايده ..فعضيت ع شفايفي غلطت يوم ذكرته كان لازم اتماشى معاه و اطري له شي من الي مضى حماره انا ..و الله اني غبيه ..
ترجيته: انا محتاجتنك ...
ذياب : بحاول اتفهم موقفي صوبج
سكت عنه ما ابا ازيده ..قعدنا نتمشى بالسياره...الين وصلنا سوق الذهب بالشارجه ..طالعته مستغربه ..
قالي : نزلي شويه اباج تختارين لي عقد ..
قلته: زين ..
استانست من زمان ما هداني شي ..نزلنا و شل هو مهره ..دشينا كذا محل ..ما عيبنا شي ..اخر شي اقتنع بالعقد الي اخترته ..وعيبه وايد ..ردينا الفندق ...و انا اتريا اللحظه الي بهديني العقد بس خله ع التسريحه ...قعدنا انطالع تلفزييون..عقبها ودنا ذياب السينما..و انا فـ بالي العقد حق منوه عيل ..؟؟ و ليش طلب ذوقي عيل ..
دشينا الفندق ساعات متاخره من الليل ..كانت مهره راقده حطيناها ع الفراش ... و رحت الحمام اتغسل ..ظههرت من الحمام جفت ذياب قاعد يطالع التلفزيون ..طاحت اعيوني ع العقد ...
زقرني : تعالي شوق يلسي ..
يلست جريبه منه سالني: استانستي اليوم ..؟
قلته و انا مرتاحه وايد : وايد حتى انك نسيتني سالفه الملجه ..
ابتسم: زين بعد..
قلته : بس شي وااحد شاغل مخي ..
طالعني مستغرب تجربت منه لي ما لصقت فيه و أشرت عالعقد : ها
ضحك: ههههههههه شو بلاه ..
عقدت حياتي: ع بالي لي ..
ضحك: ههههههههههههههههه
طالعته مستغربه شو يضحكه !...
نش من مكانه وراح صوبه و زخه ابيده وقفت يوم ياه صوبي استانست ع بالي بلبسني و انه كان ناسنه بس صدمني يوم قال : هاي حق عروستي اليديده ...
تمنيت اموت ولا اسمع منه هاي الرمسه بس تطمنت يوم ابتسم حسيت انه يسولف ضربته ع جتفه : ذياااااااااااب
تكلم بجد : صدق بغيتج انتي تختارينه ...
بلعت ريجي بصعوبه و حبست دموعي و قلته : انت اتقص علي ...
قال بنبره اتنرفز : ليش ...؟؟
قلته: لانك اليوم غييير عن الايام الي طافت موليه ..
حطت العقد ع الطاوله و قال: لاني حسيت اني ظلمتج البارحه يوم هزبتج .ع سالفه الطلعه مع مهره.و راضيتج اني طلعتج من الظهر الين ها الوقت..."قال لي" علشان جي سالتج استانستي ولا لاء ...
بديت اصيح ع كلامه قلته و انا قلبي يتقطع : انت جذاب ...
ضحك يتمصخر : ههههههههههه ليش ..
قلته بانفعال : لانك تحبني ..
تجدم مني : قلتلج الي يموت بها الدنيا من سابع المستحيل يرجع ...
صحت : عيل ليش خليتني اختار العقد تبا تحرق قلبي ...
قال بنبره جديه: مثل ما حرقتي قلبي ..
صرخت عليه: انا مالي ذنب ..
صد عني يبا يروح يرقد لحقته منعته و قلته: منو هاي ...
رد علي ابرود: ما يخصج ...
ضربته ع ظهره بكل غيض و انا اصيح: ليش ليش تعذبني تباني اموووت ..
زخ ايدي و قال بانفعال : بس ..
حاولت ابعد ايده عني لاني اول مره احس اني مب طايقتنه ...بس هو تم راص ع ايدي
قلته : طلقني ..
رد ابهدوء: ما اتخافين ع ابوج ..
قلته: ما يخصك قول الحينه طالق قووول
طالعني ذياب بنظراات تحدي فخفت صج يطلقني فصحت بصوت عالي ..منهاره ...تجدم مني حضن ويهي غمضت اعيوني و قلته: مب طايقه لمستك ..انا "كنت بقوله اكرهك بس هو جريب مني ما قدرت انطقها"
لوى عليه و همس بأذوني : العقد هديه حق فتون ..
انصدمت رفعت راسي اطالعه جني وحده غبيه قلته : جذاب ..
ابتسم و قال : و الله العظيم .حق فتون.."وضحك علي بصوت عالي " هههههههههههههههههه
دزيته ابكل قوتي و انا اضحك و اصيح بنفس الوقت فطاح ع الشبريه وهو ميت ضحك علي ...
ما كفاني حسيت بالغيض لانه يضحك علي فرحت صوب العقد و كنت بفره من الدريشه عفد صوبي
ذياب : لا يا مينوونه ههههههههههههههه
زخه عني بس انا ما طعت اعطيه و قعدنا نتصارع عليه ..اخرتها يره عني بقوه .كنت انافخ من التعب ..
ذياب: خبله انتي..
قلته: انت مينون و جذاب عود ...
ذياب : يفر العقد ع التسريحه : هههههههههههههه و الله انج سالفه ..مدري كيف طلعت مني هالسالفه
قلته : لانك جذاب عود ..
ذياب : هههههههه
قلته: ما يضحك ...؟؟؟
ذياب: و الله شكل ويهج يضحكني..
دزيته: ذيااااااااااااااااب
ذياب:ههههههههههههه
بس نقزنا يوم صرخت مهره: بابا صوتك عالي....."و شويه بتصيح"
عض ذياب ع شفايفه منحرج
ضحكت عليه: هههههههههه تستاهل ...دواك يوم حصلت هزبه من بنتك..
ذياب يكتتم ضحكته ..و يطالع بنته ..
ضحكت عليه : هههههههههههه
ذياب : عيل ما اتضاربين شوق تضاربين ابوج ..
مهره اتحطت ايدها ع اذونها : بسسسسس بابا ابا انام صوتك عالي..
طالعت ذياب و طالعني و يلسنا نضحك عليهااا ..و مهروه تنافخ من الغيض..

 

[الوصلاوية]

رد: خل العذول موطـي الراس منكوس..* معاني..*

نشيت اليوم الثاني...قبل ذياب و مهره ..فتحت الثلاجه و شربت عصير ..يلست اطالع التلفزيون و اتذكر احداث البارحه حسيت اول مره اكتشف ذياب مينون ...ابتسمت ..يا ليت يتم جي ع طول يعاملني...برايه ما اباه كلام حب..بس ابا معامله طيبه و الله كل ها الي اباه ..منه ...طاحت اعيوني عالموبايل ..طرشت مسج لـ موزي
""مبروك و عسى حياتج كلها افراح و سعاده و السموحه لاني ما حضرت ان شاء الله فـ العرس"
عقبها اتصلت بـ شيخاني بس ما ردت علي..و اتصلت بـ حصه ...
حصه: هلا شوق اخبارج..؟؟
قلتها: ابخير ها شخبارج و اخبار الحفله..
حصه/: فاتتج ..حلوه موزي...
قلتها : كنت اتمنى احضر بس اتصدقين موليه مب ندمامه لاني ييت مع ريلي الشارجه.
حصه: الله يهنيج حبيبتي...
سالتها: جفتي ندى ..؟؟
رد ت علي: هيه كانت معاها فتون ...كاشخه ندوي....
قلتها: يلا بجوفكم بالصور ..
حصه: متى بتيين ..
قلتها: يمكن اليوم ع حسب ذياب ..
حصه: خلاص عيل سلمي عليه..
قلتها: و انتي بعد سلمي عليهم جميع ..
حصه: من عيوني مع السلامه
شوق: مع الف سلامه ...
رحت صوب ذياب اهزه : ذياب ...حبيبي نش يلا ..
فج اعيونه بكسل يلست جريبه منه: متى ناوي اتنش الساعه 11
تفاجا بالوقت: و الله ...
قلته: و الله يلا قووووم..
قعد فقلته: متى بنروح رااااك...؟؟
قال لي : بنتغدا و بنظهر زهبي الاغراض ...
قلته: من عيوني ...
قومت مهره و سبحتها و لبستها ملابس يديده ...وعقبها رتب الاغراض ..انا جي مرتاحه ما ابا اسال ذياب لي متى بتم راضي علي علشان ما ينفر مني ما صدقت انه قعد يسولف و يضحك معاي شرات اول ...نزلنا تحت تغدينا ..عقبها طلعنااا صوب راااك ...وصلنا قبل اذان العصر كان البيت فاضي ...
قلت ذياب: ندى ما تدري انا بنيي اليوم ..
ذياب يحط الشنط عالارض : بروح لهم اليوم ..
قلته: بروح معاك اسلم عليهم من ظهروا من البيت ما قد سرت لهم ..ترييت عزيمتهم بس محد عزمني ..
ذياب: ما تحتايين عزايم ..."طالعني" بروح الحينه عندي شغل ...برجع عقب صلاة المغرب باخذج معاي ..
قلته: زين خذني الحينه بيت امايه..
ذياب: باجر روحي لهم ...انتبهي لـ مهرا ..
كنت بزقره و اقوله لا اتروح تم معاي بس انا اباك محتاجتنك بس غاب عن عيوني يلست الاعب مهره و عقبها نظفت البيت اتسلى طبعا مب كله لانه وايد عود ...اتصلت باهلي اخبرهم اني ييت و اني باجر بزورهم ..عقب ترينا ذياب ايي ياخذنا بيت خالوه العوده ..كنت بالمطبخ اسوي بيييتزا....التفت لـ للباب يوم جفت ذيااب واقف عداله : شتسوووين؟؟
قلته : خلاص ما بتأخر كنت اسوي بيتزااا حق قوم خالوه العوده ...
ذياب: من دشيتي ها البيت عمرج ما طبختي شي اشمعنى الحينه !!!
ابتسمت : كنت ملانه ...و بعدين فضيحه اندش بيتهم ايدنا فاضيه ..
ابتسم لي ذياب: زين يلا باخذ مهره معاي السياره لا تتاخرين ..
قلته : ان شاء الله ...
زهبت البييتزااو رحت حجرتي بدلت ملابسي و نزلت رايحه صوب سياره ذياب ..عقب دقايق وصلنا بيت خالوه العوده ...كان بيتهم حلو و كبير بيت مب اكبر عن بيت ذياب بس شي افكا رمتشابهه منه ..زعلت يوم ما جفت استقبال خالوه لي بارد جدا و جنه شايله بخاطرها مني...حتى يوم عطيتهاا البيتزا فرتها ع الطاوله من دون اهتما م ...
ذياب: عيل وين فتون و ندى..؟؟
خالوه : مدري جنهم فوق ...قاعدات ع الكمبيوتر ..
اتذكرت اللابتوب مالي من زمان ما قعدت عليه ولا قريت قصص...
نش ذياب: بروح اجوفهم ...
قلتها عقب ما روح ذياب: ما شاء الله بيتكم وايد حـلو ..
خالوه العوده: زين فكرتي اتيي اتجوفينه ...كل يوم عافده بيت اهلج..
قلتها: يوم لقيت الفرصه ييتكم...
خالوه العوه و كان ردي ما عيبها: الله اعلم جم باجي سنه ي ما اتييج الفرصه ..
خذت كلامها بروح رياضيه :: ههههههههههههه سنه عاد خالوه ..
طالعتني بنظرات عتاب بس انا ابتسم لها قلتها: عاد انتوا بعد تعالوا بيتي مرات افتقدكم و الله
خالوه العوده: بيتج !! صار بيتج بعد..
قلتها:طبعا بيت ريلي كأنه بيتي خالوه ...
ييت ندى و فتون ووراهم كاان ذياب.استانست يوم جفت ندى ..وقفت اسلم عليها
لوت علي: شوقاني وحشتيني..
قلتها: نفس الشعور و الله افتقدتج..ثاني مره بناخذج معانا ..
ندى: ههههههههههههههه جان بتذلني مهرووو
فتون جنها تذكرني انها موجوده: شحالج فتون ..
سلمت عليها: ابخير شحالج انتي شو الملجه ..
ردت : الحمدلله ابخير .. و كل شي كان روعه ...
خالوه العوده: ذياب بو راشد كلمني ..
كلنا سكتنا يوم خالوه العوده قالت هالجمله ...كملت: قال امطرش عليك علشان سالفه خطبت ندى ..
ذياب: مب موافقين ..
خالوه العوده: بس البنيه تبااه ...شو ندى ..
ندى كانت منحرجه و اطالعني جنها تباني ارمس عنها لكن لو شو يصير ما بتكلم...علشان ذياب بيحرج علي ..لو نطقت بحرف خليه جي راضي عني ...نزلت اعيوني بالارض مستسلمه ..
ذياب معاند: وايد رمسنا بها الموضوع .."طالع ندى" ندى شو تبينه ...
ندى متردده: مدري انتي مخوفني من الفكره ..
ذياب بدا يحرج: لانه انسان فاسد ما يتعاشر و انا موليه ما اضمنه ..
خالوه العوده : بس هذي بنت عمه و محجوزه له من يوم كانوا صغار ..
فتون : خالي لا تربط مشاكل مع راشد بالخطبه ..
طالع ذياب فتون بنظرات عصبيه .و الظاهر شويه و بيقوم يكفخها بس فتون سكتت ..ابسرعه ....متروعه منه ..
خالوه العوده : صح كلام فتون ..
ذياب " ما بيني و بينه شي موليه ..و انا ما ارضى بنت اختي تاخذ هاللوث ..
خالوه العوده: زين انت انشد عن الريال صح كلامي شوق ..
نقزت انا ما يخصني طالعني ذياب بسرعه فقلت : ممدري انا ما يخصني بشي ..
ذياب: شوق مالها خص بالموضوع ...ندى مليون مره سالتج تبينه ولالاء..
ندى: شو فايده ردي جان انت رافض بالاساس ...
وقف ذياب : عيل خلي السالفه معلقه لي ما يحسون انه ما نباهم عقب بروحهم بيهونون ...اختيه شوق بتتعشى معاكم "طالعني" بمر عليج عقب العشى ..و انتي بعد ندى
خالوه العوده: تعال وين رايح انت مب خايف ان عم ندى يزعل ..
ذياب طالع من البيت : جان زعل بروحي بخبره البنيه ما تبا ولدك...
ندى: خالي اصبر شويه ...
ذياب: ع راحتج بترياا ردج هيه ولا لا ع راحتج بس انا من الحينه اقولج هالانسان ما يتعاشر..
وصكر الباب و ظهر خلني بروحي مع اختيه و فتون جان الحينه بيطحون فيني...
خالوه العوده: شوق اكيد تعرفين ليش ريلج ما يبا ولد خالتج..
قلتها: انا شدراني ..
فتون: مستحيل ما اتعرفين ..
طالعت ندى جفت الحيره بعينها ...سكت
فتون: يلا قولي جان تعتبرين ندى اربيعتج و اتحبين لها الخير ...اوقفي معاها ..
بلعت ريجي و قلت: سمعتوا ذياب قال انا ما يخصني بمواضيعككم...
فتون: ويه عيل ليش ربيعتج ..خذتي خالها و خلاص ...انتهت المصالح..
عصبت عليها: شو قصدج..؟
ندى: فتون شو هالرمسه ...شوق رييعتي من كنا صغااار ...
خالوه العوده واقفه: ويه خلواا عنكم هالسوالف الكتاب امبين من عنوانه ...فتون يمه اتصلي بالمطعم اييب عشى حق حرمة خالج ..
فتون بعد واقفه: بتصل بـ هزااع اييب لنا عشى ...
تمينا انا و ندى ابروحنا ..حست ندى اني بصيح ..نشت و يلست عدالي : لا تضايجين ..
قلتها/: افكر اتصل بـ ذياب ايي يااخذني ..من هني ..
ندى تترجاني: علشاني تحملي ..
قلتها: انا يايه اتعشى عنهم ولا اشحت ..
ندى ابتسمت : ما عليج منهم ..حبيبتي..تحملي .
تنهدت بعمق .. و عذاب ...مرت الساعات تعشيت و حسيت بالراحه يااه ذياب ياخذنا ...كان الصمت امخيم علينا الظاهر ذياب متضايج يوم خالوه العوده طرت له خطبه ندى من راشد ..حتى انه ما رمسني ترييته فـ ليل يوم يااه يرقد قلته: ما بترقد دااخل ..
غطى ويهه بيده و قال: لا ..
يلست ع طرف الكنبه : انت متضايج مني ..اذا علشان السالفه الي صارت فـ بيت خالوه..
قاطعني: شووق فجي عني ...خليني ارقد ..
زخيت ايده اترجاه: انا ما صدقت انك هاليومين..
سحب ايده بقوه و نش من عالكنبه ووقف ابعيد عني : هاليومين انسيهم كانت غلطه مني..
دمعت اعيوني: شو يعني غلطت ..ليش تعاملني جي ..
حرج علي: لانج وحده ما تستاهلين الواحد يعاملج بالزين..
وقفت: حرام عليك ذياب "رحت صوبه و صد عني" قلته : خلنا نعطي بعض فرصه دخيلك..شرات اليومين الي طافوا ..
طالعني جنه متجزز: انا ما اقدر اعيش معاج مب طايقنج..و البارحه بس لاني بغيت ارضييج لاني ظلمتج بس لاتحطين فـ بالج اني ممكن اعيش معاج وايد مستحيل
تجربت منه و انا اصيح: ذيااااااااااااااب حرام عليك
زخيت ايده فج عني و قال : روحي للي حبه قلبج
ما تحملت اهاناته أكثر ...يلست ع الكنبه مب متحمله كلامه و تجريحه لي ..كنت فرحانه ع بالي تغير علي ورجع ذياب الي عرفته و حبيته بس طلع كل هاه علشان يرضي ضميره يوم حرج عليه لاني طلعت بنته من غير ما اقوله ...يعني الي قاعد يسويه فيني يريح ضميره ...قعد عدالي و زخ ايدي خلني اواجهه
قلته: انت معذبني ..
قال لي : قلنالج من البدايه وقت ما تبين تروحين بيت اهلج روحي ...
صرخت عليه:ا نت من شوه مخلوق ..
رد علي محرج: و انتي نسيتي شو طينتج يوم قاعده تواعدين الريال تسرقون بيزاتنا و اتسافرون ..
ابتعد عنه مب طايجتنه قلته: هاي السالفه انتهت ..
تجرب مني : بالنسبه لي عمرها ما بتنتهي ..ع بالج اني شراتج اسوي سوالفي و اعقها بحر من ما افكر باحساس و مشاعر الناس ..
دزيته : انت متوحش ما فيك رحمه ...و جنك ما صدقت ارمسك قمت طلعت كل الي بخاطرك..
ابتسم: علشان اتحرمين اتين اترمسيني مره ثانيه ...
رفعت راسي اطالعه بألم : ذياب ليش انجلب جي حالك ...
ذياب بكل غيض: لاني مقهور كل ما تذكرت اني مرتبط بـ وحده اشك انها بنت عـرب ونــ
اول مره اقاطع كلامه ولاني ما بغيت اسمع باجي كلامه ...رفعت ايدي و عطيته كف ع ويهه من الخاطر ..كف برد النار الي بداخلي ...كف حسسني انه ندم ع الجمله الاخيره الي قالها لي ...تميت اطالعه بنظرات عصبيه رغم ارتجاف ..و الي خلني اتاكد ان الصفعه الي يت ع ويهه فادته وايد يوم سكت و طالعني بنظرات أسف ...صديت عنه احاول اكتم صيحه حطيت ايدي ع حلجي غمضت اعيووني يوم سمعت باب الصاله يتصكر عرفت انه طلع من البيت ..ربعت حجرتي و يلست عالشبريه اصيح منهاره .

..ما اتحمل خلاص ...ذياب ما منه فايده ..انا غبيه حماره ولا اي ريال يرضي يعيش ويا وحده اكتشف ان كانت لها علاقه بشاااب و مب اي شاب بالنسبه لـ ذياب ...الله يغربلك يا راشد الله يعدمك من الدنيا و الحياة بكبرهااا
..في اليوم الثاني قومتني مهره
مهره: ماما قومي انا يوعانه ..
فتحت اعيوني كانت الساعه 11 ..الضحى ...نشيت بكسل كنت احس بالارهاق ..و لتعب من الي صار البارحه ..نشيت غسلت مهره و بدلت ملابسها و تغسلت ابروحي .. و نزلنا تحت جفت عبيد و سهيل قاعدين تحت يلعبون بلاستيشن ...
سالتهم: تريقتوا ..؟؟
عبيد: من زماان ...
قلتهم: وين ندى ...؟
سهيل: راقده بحجرتها ..
قلته: غريبه ندى للحينه راقده ..؟؟؟
طلبت من الشغاله اتحط ريوق لي و لي مهره ..قبلها رحت حجرة ندى دقيت الباب ماشي رد..
دقيت مره ثانيه: ندىىىى فجي الباب ..ندىىىىىى
ماشي رد اكيد راقده ... نزلت تحت و تريقت مع مهره ...عقب خليتها تلعب مع عبيد و سهيل ؟.. و يلست ابحر في عالم افكاري ادور حل لـ حياتي مع ذياب ...عقب الي صار البارحه مستحيل حياتنا تستمر ...تنهدت بعذااب ..ارجع بيت ابوي ..؟؟؟ يالله ساعدني ..جفت ندى نازله من الدري ..طالعت الساعه ..
ابتسمت لها: صباح الظهر ...اول مره ندوي اتنش الساعه هنتين الظهر ...خالج الحينه بيي من برع جان بنصدم..
جفت ملامحها جامده طنشتني و يلست اتصب لها استكانت جاي ..
رحت صوبها و يلست جدامها اكيد متضايجه لان ذياب رد خبر لـ قوم خالوه حليمه انهم رفضوا ولدهم ..
حطيت ايدي ع جتفها : ندى حبيبتي ..
صرخت يوم وقفت ندى فجاه وصفعتني ع ويهي ..كانت صفعتها قويه طالعه من خاطرها ..حسيت ان ويهي تشنج من اثر صفعتها ..طالعتها و انا اصارع دموعي اسالها عن السبب بس عيزت شفايفي تنطق بحرف واحد..
اوول مره بـ حياتي اجوف ها الويه للـندى صرخت علي و هي اتصيح: يا الحقيره ..يا الواطيه
صحت يوم سمعت كلامها لي عرفت ان ندى عرفت اني انا و راشد فـ يوم كانت لنا علاقه ...
تميت يالسه ابمكاني مب رايمه اتحرك و ايدي ع خدي مكان صفعتها ..
كنت اجوف دموع القهر بعيونها صحت معاها و قلتها: ندى اسمعيني ..
صرخت: علشان جي كنت اتحاييلين علي ارفضه ولد عمي ...يا المنافقه ..خالي كيف مرتبط بوحده حقيره ..
صرخت عليها: ندىىى
بس ندى ما عطتني فرصه ادافع عن نفسي عفدت علي و يلست تضربني ما قدرت ادافع عن نفسي لاني كنت ما بين الصدمه و الاستغراب من حركات ندى ..كانت ضربات اتييني من ندى بكل مكان من جسميي ...كنت اسمعها اتصيح و اتسبني بس ما كنت افهم لها ...الين ما يااه ذياب ورحمني ..زخها و بعدها عني ..وقفت ابسرعه و انا احس ان عظامي بتكسر ...كنت بحتمي بـ ذياب بس تفاجات انه راح صوب ندى يلوى عليها يخفف عنها حسبت انه بيضربها مثل ما سوا مع فتون بس ذياب وقف بصف ندى .رفعت راسها
اتصيح : خالي كيف ارتبطت بهاي
ذياب كان يحاول يهديها: ندى خلاص سكتي ...اهدي
وقفت وحيده ..ذياب ما افتكر فيني ولا صد صوبي حتى ..كان همه يراضي ندى ..الي كانت اتصيح بصوت عالي مصدومه ..حسيت ان مالي مكان بها البيت خلاص ...ذياب من اول نافرني و خالوه العوده و فتون علاقتي ما كانت طيبه معاهم و ندى الوحيده كانت اتصبرني لكن الحينه خسرت كل شي بـ حياتي سؤال كان يدور فـ بالي .. لـ متى راشد بتقعد تفضحني لي متى ..؟؟ بقعد ادفع ثمن غلطه ما كنت اقصدهااا
ربعت حجرتي و رفعت سماعة التلفون اتصل بـ سعيد الي و جنه كان حاس ع طول رد عـلي ..
سعيد :هـلا شوق
مسحت دموعي و قلت: سعيد تعال خذني بيت ابوي ...

 

[الوصلاوية]

رد: خل العذول موطـي الراس منكوس..* معاني..*

حبـنا مبـني علي صادق اصولـــه ... حبنا اكبر من أقوال البشر
كــل عطف ووّد من شخصــك انولـه ... بالحلا والزين متّعت النّـظر



سعيد بخوف: شو فيج شوق ؟؟ شومستوي !
بلعت ريجي: ما فيني شي بس انته تعال
سعيد: ليش انزين..
صرخت عليه مب طايقه عمري: سعيد بتمر علي ولا ايي بتاكسي ابروحي ..
سعيد مب عايبنه ردي : زيييين
صكرت التلفون بويهه لبست عبايتي ..يلست ع الشبريه اترياا سعيد...تذكرت ندى و الموقف الي صار من شويه ..منوه خبر ندى ..يا ذياب و انا مستبعده هالشيء او راشد و ها الاكيد...حسيت بربكه ...شسوي ..؟؟الحينه حسيت اني متندمه لاني اتصلت بسعيد كنت بتصل به اقوله خلاص لا اتيي ..لان ما عندي سبب اعطيهم عن سبب روحتي بيت باباتيه و خاصه اني متصله بـ سعيد...بس قبل لا اضغط عالارقام رن موبايلي ...و كان سعيد: يلا ظهري ...
ما قدرت اقوله غيرت رايي لان من صكر عني ع طول نزلت تحت ..كانت الصاله فاضيه ..مدري وين راح ذياب ولا ندى ولا اليهال .جفت ميري برع قلتها : ميري خبري بابا اني يروح بيت بابا ..
هزت راسها .:اوكى مداام...
طلعت من البيت ..طالعته الله اعلم ان رجعت له مره ثانيه ولا ذياب ما بيصدق و بطرش اغراضي وراي ..تنهدت ..المهم الحينه شو يفكني من لسان سعيد..
ركبت سيارته قبل ما يحرك سالني : شو فيج..
حاولت امنع دموعي و همست : ماشي ..
حرك السياره و الظاهر انه تطمن يوم جافني مب شايله اغراضي معايه ..
قالي : شوق اذا شي مشكله من بينج و بين ريلج ..ترا روحتج بيت ابوي مب حل ..
قلته بغيض: من تزوجته كله مشاكل مب بس معاه مع اهله كلهم ..
طالعني مب مصدق كلامي .كملت و شويه بصيح : و الله العظيم مب رايمه اتحمل اكثر ..كل وحده " كنت بقول اتمد ايدها علي ولا تطول لسانها بس سكت .."
سعيد: شوو
قلت بصوت واطي : ماشي ..
قال لي : اكلم لج ذياب
قلته بسرعه خايفه: لاااء
سعيد : ليش ..بحاول اتفاهم معاه ..
زخيت ايده لا ارادي اترجاه: ما يحتاي ..اصلا انا فكرت اني اتغداا معاكم و اتصل به ايي ياخذني العصر ..
سعيد مبتسم: دومج عاقل شوق حلي مشاكلج مع ريلج و ابروحج..
هزيت راسي بمعنى هيه ..اتنهدت .يا ليتني ما اتصلت بـ سعيد ..حتى مدري اذا ذياب بيعطيني ويه الحينه ..يا خوفي يخبر علي اهلي بموتوني شو بكون بنظره يا ويل حالي ...نزلت راسهم بالارض ..قعدت اصيح بصمت ...رن موبايل سعيد .ردت فعله لفتتني وايد حتى خلتني انسى دموعي و افكاري للحظه و التفت له ..
سعيد: خلاص عقب شويه بمر عليكم ..مع السلامه..
عقدت حياتي : منوه ..؟؟
سعيد: العياده الي تراجع فيها حصه يبون اروح لهم ضروري ..
استغربت اكثر : ليش ..هي بعدها ما فتحت ملف بالمستشفى .
هز راسه بمعنى لا ..
سعيد: بوصلج البيت عقب بمر عليهم.
قلته: زين مر عليهم العصر ..
سعيد متغصص: يبوني ضروري مدري شو عندهم ..
قلته: زين غير طريجك بروح معاك .
سعيد: ما يحتاي ..
كان فيني فضول و بنفس الوقت خوف كبير فترجيته: دخيلك سعيد..بكون هديت اكثر و ما ابا باباتيه و ماماتيه يجوفون جي حالتي حتى سيفاني تعرفه بسوي لي سالفه..
كأنه اقتنع بكلامي : اوكى ..
سالته: حصه متى كانت مراجعتهاا فـ العياده ..
تنهد : اليوم الصبح اختها خذتها ..موزي ...
هاي موزي من خذت الليسن الكل انتفع منها يحليلهااا موزي ...
وصلنا العياده ..نزلت مع سعيد ..
قلته: بيي معاك..
سعيد يبند السياره : نزلي ..يلا ..عن نتاخر ...
ركبنا اللفت عقب الدور الرابع ...
سألني سعيد: شو تتوقعين ..
ابتسمت له: كل خير ..
حسيته تطمن : ان شاء الله ..حصه عنيده يوم برجع البيت بقرصها من اذونها ...
ضحكني : هههههههههه
جافتني الممرضه فقالها سعيد: من شويه اتصلتوا بي ..علشان موضوع زوجتي حصه ..
المممرضه ع طول عرفت السالفه: ايوه ايوه اتفضلوا الدكتور جوه ...
دشينا انا و سعيد بعد ما دقينا الباب ..كان شكلها مستعده انها اتروح ..
الدكتور : اتفضل اخ سعيد...انت عارف الدوامات خلصت..
سعيد: ايوه خير دكتوره..
كانت بترمس بس طالعتني ..فهمنا انا و سعيد انها تباني اظهر من الحجره بس لو تييبون لي الجيش كله ما بظهر الا اعرف شو السالفه ..
سعيد: ما عليج دكتوره هاي اختي ..
الدكتوره اتاشر ع الكرسي : اتفضلوا ...
يلسنا انا و سعيد مجابلينها .
الدكتوره: اليوم كان موعد حصه في العياده الصبح ..
سعيد يهز راسه بمعنى يدري ...
الدكتوره زخت القلم بيدها ...و قالت : سعيد انت شو اتعرف عن حاله زوجتك..
طالعني سعيد بخوف و قال : ماشي غير انها حامل ...و الجنين بخير ...ليش شو فيه ...
الدكتوره : يا سعيد..للاسف من اول ما حملت حصه بشهرها الاول ..عمري ما جفتك موجود هو اهمال منك ..وعدم مبااالاه او تقصير ...
سعيد متنرفز: لا اكون معاها بس ما ادش الغرفه معاها دكتوره شو السالفه ...؟؟ وترتيني ...
حتى انا توترت و كأنها متعمده تلعب باعصابنا ..بس فضلت السكوت لاني ادعي ربي بقلبي يكون كل خير ...
دكتوره: حصه اول حملها عرضت عليها انها تجهض..
شهقت و قلت قبل سعيد: ليش ..؟؟
الدكتوره : حصه عندها الضغط مرتفع و كل ما كبر الجنين تزيد عليها الخطوره .. و اليوم لما فحصت لها ..الوضع ابد ما طمني ...
سعيد: بس انا اجوفها ابخير ...ما قد تشكت ..
الدكتوره: مب مهم الاعراض اتكون واضحه ...انا اليوم بس تاكدت ان ما عندك خبر بحالة زوجتك ...علشان جي طلبت منك اتيينا فورا ..
سعيد متروع: شو المطلوب مني
الدكتوره: انها تتخلص من الجنين فورا .. كان اسهل لها لو في بدايه حملها ..لكن الحينه بشكل خطوره عليها و ع طفلهاا ...
سالتها: لو ما رضت تتخلص من الجنين ..
الدكتوره بكل اسف : حصه ممكن باي لحظه تدخل بغيبوبه . و واحد من ميه ممكن تستفيق منها ...لان الضغط برتفع اكثر و بسبب لها غيبوبه..
ما كملت كلام الدكتوره طلعت برع الحجره و يلست ع الكرسي ارتجف ...حصه مينونه ..ليش اتسوي جي ...تبا تذبح عمرها ...دموعي طاحت ع خدي غصبن عني مع اني حاولت اداريها بس ما قدرت دقايق و طلع سعيد من حجرة الدكتوره .. و شكله كان مستعيل ...وقفت جفت بملامحه الحزن و الخوف ...مسحت دمعاتي بظهر ايدي .. و ربعت وراااه ..عقب ما ركبنا السياره ..
قلته: حصه تبا تجتل روحها ..
سعيد بصوت هادي: الدكتوره مخبرتنها باول الحمل علشان جي ما كانت ترضى تدخلني معاها الغرفه ...
قلته: حتى انا فـ مره ما رضت دخلني معاها الغرفه ...
سعيد يسرع و مركز ع الشارع : شيخه تدري ....
انصدمت و كأن حد صفعني ع ويهي: مستحيل ما بتخبرك ...
سعيد: مب شيخه كانت معاها اول مره يوم كانت شاكه انهاا حامل ..ولا انتي ..؟؟
قلت ابسرعه : لا شيخاني"تذكرت" سعيد...حتى بنفس اليوم دشت علي شيخاني اتصيح ..و ما رضت اتخبرني عن السبب ...بس ما خطر ع بالي يكون صياحها متعلق بـ حصه ..لاني سالت حصه و حصه سوت عمرهااا ما اتعرف شي ...
تنهد سعيد بعذااب غمضني فسالته : شو بتسوي الحينه ..
سعيد: بدخلها المستشفى غصبن عنها ..تبا تذبح روحهاا ...
بلعت ريجي بخوف ...حرام الي قاعده اتسويه حصه بعمرهاا ..
طالعت سعيد و قلته: حصه للحين ما فتحت ملف بالمستشفى ....
قال : اعرف علشان هاسبب ..تدري لو عرفت غصبن عنها بخليه تنزل الياهل ..بدخلها قسم الطواري ..
امرني : اتصلي لها خبريها سعيد يقولج اتزهبي ...بس لا تخبرينها اني بوديها المستشفى ...
قلته ابسرعه: ان شاء الله ..
سالفه حصه كانت مفاجاه لي و لـ سعيد و بتكون مفاجاه للكل ..الا شيخاني الغبيه الي يبالها ضرب ..هاي السالفه نستني ليش انا مع سعيد ونستي مشاكلي مع ذياب و اهله ...
طالعت سعيد: ما اترد عليه ..
سعيد........................................."سرحا ن ماشي رد "
وصلنا البيت ابسرعه ...نزل سعيد و لحقته ...ربعنا داخل .من دشينا الصاله ربع سعيد فوق الدري ..اما انا سلمت ع امايه و باباتيه ابسرعه ..حتى ما لحقوا يسألوني شو اسوي هني و ليش يايه مع سعيد ..ربعت لحقت سعيد ..وقفت عدال باب حجرتهم توقعت سعيد يهزب حصه بس ماشي صوت ..دقيت الباب و فتحته شويه شويه ...جفت سعيد يوعي حصه كنت منسدحه ع الكنبه ...
سعيد: حصه ...حصه ..نشي ..
ارتجفت ..دخلت داخل الحجره يلست عالارض اهز حصه : حصه نشي ...
شكل حصه ذكرني بحال بابااتيه من زمان يوم ماخذ الحبوبه القويه و مدرى عن شي و انا عبالي صابه شي ..حصه نفس الحاله ..ما تدري عن شي ..
سعيد قام يهزها بقوه و عصبيه : حصه نشي ..حصـــــــــــــــه ..
كنت بصيح بس عاندت هالمره مب وقت صيااح يا شوق انتي بموقف محد يحسدج عليج..اه يا ربي كم بتحمل كل الي يصير لي ..مسحت دمعتي بظهر ايدي لي كانت ترتجف بكل قوه.. و كأني اطلع حرتي فيها ...
قلته: سعيد شلها بناخذها المستشفى ...
سعيد و مب عارف يتصرف ..رحمتني امايه يوم دشت علينا :شو بلاكم ..بسم الله ..
سالتها و صوتي يرتجف : حمودي وين ..؟؟؟
امايه شكلههااا خافت و قالت : بحجرته مع عمه سيف ..
نقزت سيف داخل ..و ربعت برع صوب حجره سيفاني و خليت سعيد تايهه مب عارف يتصرف ...دقيت حجره سيفاني و ما ترجيته لي ما يقولي دشوو ..بطلت الباب ابسرعه ؟؟؟جفت حمودي يضحك بصوت عالي مستانس قاعد يتصارع مع سيف عالشبريه فديت عمرك حمودي ..صحت بصوت عالي يوم جفته يضحك مستانس ولا عنده خبر بالدنيا ...تروع سيفاني و ياه صوبي يربع : شوووه ...
زخني من ذرااعي و قعد يهزني بعصبيه و انا كنت اصيح مب رايمه ارمس ..عقب حاولت ا مسك روحي رفعت راسي و قلته: روووووووح الحق ع سعيد ..حصه تعبانه ..ساعده يووديها الطبيب ...
ما كملت كلامي لان سيفاني ربع برع الحجره صوب حجره سعيد.
حمودي بنظرات حايره: عموووه ليش اتصيحين ..
نزللت ع الارض و لويت عليه اصيح خذته حجره شيخاني كانت راقده بس تروعت يوم زقرتها بعصبيه و جافت حالتي قلتها بغيض و نظرات اتهاميه: خلي حمودي عندج..
حطيته عالفراش و خليت نظرات الاستفهام و الحيره بعيونها و ظهرت عنها ....سمعت حس امايه من الصاله تحت تتصل بقوم خالوه حليمه ....لحقت سعيد و سيفاني الي كانوا شايليين حصه ...ركبت سياره سعيد من وراا علشان احط راس حصه فوقي و خلوها ممدده ع السيت ...
حرك سعيد سيارته ابسرعه و سيفاني السياره الثانيه ...يلست امسح ع شعر حصه ...عضيت ع شفايفي علشان ما اصيح ..ها مب وقت ضعفي بسني صياح يا ربي بسني ....تاملتها جنها راقده ..اظن لو الدكتوره ما رمست سعيد حتى سعيد ما بيعرف ان حصه مستوي بها شي بيظن انها راقده ..
حطيت ايدي ع راسها و يلست اقرا قرآآآآآآآآن ...الين ما وصلنا المستشفى ...بسرعه عفدوا الممرضات و حطوا حصه ع السرير .. و دخلوها داخل ..كل شي مر ابسرعه ....كنا بندش انا و سعيد بس صكروا الباب بويهنا ...صديت ما ابا اجوف سعيد لو جفت حالته اكيد ..بنهـااار ..رحت صوب سيفاني ...
سيفاني مستغرب: شو السالفه ...؟؟؟
قلته و انا احاول اصارع دموعي : حصه حياتها بخطر ...ماا قالت لنا ان حملها خطر عليها..توه الدكتوره اتصلت بسعيد و خبرته ..كنا بناخذها المستشفى ..بس ما لحقنا ..
نزل سيفاني راسه بالارض و كأنه ما يبا يسمع كلام زياده ...يلست عالارض مب متحمله
سيفاني: شوق روحي يلسي صوب سعيد..
قلتها و انا اكتم أهات: مقدر سيف ما اتحمل اجوفه اخاف انهار و انا ما ابا اضعف موليه ..
سيفاني : زين قومي من عالارض الناس رايحه راده اتجوفج..
ما رديت عليه لاني احس خلاص ما اتحمل اوقف او امشي من الصدمه .. و من الي قاعده امر فيه ...شويه جفت سيفاني يايب لي الكرسي ..زخ ايدي و ساعدني ايلس عليه ..
سيفاني : بروح عند سعيد الدككتور يرمسه ...
ما رديت عليه ولا صديت صوبهم ..كنت اقرا قرأن و ادعي ربي يعافي حصه و ما اتكون دشت غيبوبه ...رفعت راسي ووقفت ناسيه عذابي يوم دشوا قوم خالوه حليمه ...خالوه و موزي و بدور ..طبعااا ابوهم متشلل ما يروم يتحرك.. و اخوهم العود شكله ..محد ..
خالوه العوده اتصيح منهاره : شو مستوي وين بنتي ..شو سويتوا فيها ..
ما رمت ارمسها ..بس موزي زختها ...
موزي: امايه صلي ع النبي ...
بدور خايفه: شو مستوي..؟
بلعت ريجي : حصه تعبت علينا مدري شو فيها ...
ما رمت اخبرهم السالفه جدام خالوه حليمه لانها منهاره ...بنفس اللحظه انفتح باب غرفة حصه.. و ظهروا ممرضات يدزونها بالسرير و سعيد لاحقنهم ..

و طبعا تعلقت فيهم خالوه حليمه اتصيح بصوت عالي ..اتعرفون الحريم الكبار لو سالفه بسيطه .يشلون المستشفى شل ..زخها سيفاني ....يارب حصه ابخير .يا رب يودنوها القسم ..علشان ترتاح عقب يظهرونها ..بس ما قدرت اكمل يوم جفتهم يدشون قسم العنايه الممكثفه ...دارت الدنياا فيني ...زخيت اليدار يكون سند لي ...
جفت موزي و بدور و جنهن انشلوا ..شو السالفه ..شو فيها حصه ...كلنا لحقناهم نبا اندش ورا حصه بس منعونا ... و صكروا علينا الباب ..شو يعني .حصه شو اتسوي بـ قسم العنايه المكثفه ...وقفت بالزاويه ..اطالع موزي الي لوت ع امها و بدور الي انهارت بصووب ...

و سيفاني يخفف عن سعيد..انا لازم ما اصيح..صحيح سمعت كثير يقولون الي يدش ها الحجره ما يظهر منها حي بس حصه ما بتموت.. و شريط حصه .. و مواقفها ووقفتها معاي يمر فـ بالي ..انا لازم ما اجازيها بالدموع و الصريخ شرات خالوه و موزي و بدور ..اناا بكون واقفه معاها ...بالدعاء لها الله يشافيها .. و بـ قراءه القران ؟
امايه حرقت موبايلي هي و شيخاني بس ما كنت ارد عليهم ..رحت صوب بدور لويت عليها ... اخفف عنها ...كانت تصيح..بدور الي بحياتي ما جفتها ضعيفه و كانت بقمه الحيويه و الحياة اجوفها منهاره ...لويت عليها .
قلتها: لا اتصيحين بدور حصه ابخير ...صدقيني حصه بتككون ابخير ..
رفعت راسها و جفت الامل بعيونها : حلفي بالله .
ابتسم لها بعذاب: ان شاء الله ..
كانت سوالفنا انا و بدور دوم عن سيفاني و اليوم انجلب حالنا كان سيفاني يراقبني و يراقب بدور ..كنت عارفه وده يسوي اشياءء بس ما باليد حيله ..
مرت علينا الساعات و الدنيا ظلمت و نحن واقفين نفس الحال ...نتريا ..بس الدكتور يوققلنااا ان حصه فتحت عيونها ..بس للحين ما صار شي ..حسيت ان الصدمه الي حلت علينا خفت ...فكل وحده قامت اتصلي و تقرا قرآن حتى سعيد احس انه هدى شويه ..مر علينا وقت الغدا و العشى بس حد منا ذاق طعم الاكل ..كلنا حاطين ايدنا ع قلوبنا ...متروعين ...تنهدت ..كان الصمت مخيم علينا....كان سعيد يدش من فتره لـ فتره لـ حصه ...كنت بدش بس سيفاني زقرني و قال :تعالي معاي انروح البيت ...
قلته: ابا اتم..
سيفاني : زين بردج خلينا نتطمن ع امايه و باباتيه ...و حمودي محتاجتنا ..
من قال هالجمله ...سكت ...رحت معاه البيت ...وصلنا ..كانت امايه و باباتيه في الصاله ..امايه مهمومه و اتصيح و باباتيه قاعد يطالع التلفزيوون .. و حمودي يلعب جيم بوي مب عارف ولا فاهم شو الي يصير حوليه ..شله حمودي و قعد يحضنه و يبوسه و حمودي مستانس ..صحت يوم سال عن امه..
حمودي: وين ماماتيه ..
سيفاني: برع..
حمودي: يابت نونو ..
سيفاني : هي يابت نونو ..
حسيت احلى و اسمى عايله انهدت كنت دوم اجوف سعيد و حصه و حمودي اروع اسره بنظري و دايما كنت اتمنى اعيش و استقر بحياتي شراتهم ...دفت راسي بحضن باباتيه و قعدت اصيح ...و كأني اطلع الدموع الي خزنتها و منعتها تنزل و انا بالمستشفى ..
امايه تمسح دمعهاا : بس شوق بتروعين ولد اخوج ..خلاص ...
حمودي يرمس سيفاني: عمي ليش شوق اتصيح ضربيتها ..
حسيت ان سيفاني قاعد يتلقى اسئله من حمودي الياهل بس ابد ما يلاقي لهاا جواب علشان جي حط حمودي بحضن امايه و صعد فوق ...
مسحت دمعي و قلت امايه: وين شيخاني ..
امايه: شيخاني من الظهر بدارها ما طلعت .
رحت فوق صوب حجرة شيخاني ..دقيت الباب كان مقفول ..قلتها : افتحي ..
ماشي رد...................
دقيت مره ثانيه: فجي الباب شيخـاني ..ترا والله اخلي سيفاني يكسر الباب فوق راسج..
شويه فجته ..قبل ما ادش صرخت علي و هي اتصيح : شو فيج علي انا شو يخصني ...
كانت عيونها متورمه من كثر الصياح حتى ويها غادي شرات الطمامه ...و عفدت فوق شبريتها اتصيح بشكل هستيري .ابصراحه خوفتني تميت واقفه عند الباب اطالعها عقب ما استوعبت الموقف ..رحت صوبها و يلست ع طرف الشبريه ..غمضتني وايد و خاصه اني حسستها انها السبب بالي صار مع حصه ..
قلتها بصوت واطي: زين ليش ما قلتي لـ سعيد ..
يلست قاطعتني كانت اتصيح و اتصرخ : و الله كنت بخبر ..بس حصه قصت علي قالت الدكتوره اتصلت و انها مخربطه بين ملفها و ملف وحده غيرها ...
صدقت كلامها لاني تذكرت الموقف عدل يوم يت حجرتي اتصيح .. و عقب اليوم الثاني او نفس اليوم نزلت تحت ترمس بالتلفون و كاانت مستانس ...يعني كانت حصه ..تنهدت ...
دش علينا سيفاني و قال: يلا شوق ..بنروح
قلت شيخاني: بتيين ويانا ..
هزت راسها بمعنى لا: مقدر ...مقدر ..
قلتها و انا واقفه: بدل ما تصيحين و تلومين نفسج .صلي لج ركعتين تدعين ربج يشفيها ..
سيفاني: شيخاني : ابوي و حمودي فـ البيت ..انتبهي لهم ..
و طلعت عنها ...خذنا امايه معانا .. و حمودي تم يلعب و باباتيه معاه ..ها اليوم فضيع ...وايد فضيع و ثجيييييل ..و طويل ..تمنيت ينتهى ابسرعه...
سيفاني : انا مب مصدق الي قاعد يصير جنه حلم ..
امايه: امر ربك ..
سندت راسي عالسيت ..عيل انا شو اقول يا سيفاني سب و تجريح من ندى و معامله زفته من ذياب و الحينه حصه..معذبتنا كلنا ...وصلنا المستشفى ...دخلنا قسم العنايه المكثفة ..حسيت تلقيت صفعه يوم طاحت عيني بعيون راشد...صديت الصوب الثاني ابسرعه ...كان واقف فـ بدايه القسم مع سعيد .. ووقف معاهم سيفاني ..
تمنيت اني الاقيه بموقف غير هالموقف علشان اعرف اطلع غيضي فيه زين ما زين ..

.رحت صوب خالوه العوده الي كانت يالسه عالارض و محطيه ايدها ع راسها حالتها وايد تعبانه ...بستها عراسها ...بدور كانت يالسه عدالها ..ما انتبهت لـ ندى الي كانت قاعده جدام موزي ...سلمت عليهم .. و توقعت ندى ما اترد السلام بس العكس ..مدت ايدها ...هذي ندى الي اعرفها ...
سالت موزي: شخبار حصه..
موزي : تحت رحمة ربج .."سالتني "حمودي ..؟؟
بلعت ريجي : حمودي يلعب "وكنت بصيح بس يودت عمري يوم قلتها" يدور امه ..
غطت موزي ويها و يلست اتصيح ..ندمت اني قلتها ان حمودي يدور امه ..حضنتها ندى و طالعتني بنظرات عتب ...
ما كان قصدي ..اصيح موزي ...رحت صوب ندى و يلست عالارض جدام بدور ..حسيت بصداع فضيع ..فحطيت راسي ع جتف بدور ..الي كانت شرات الورده الذبلانه مالها حياة ..
بدور : شوق كيف حياتنا من دون حصه تتخيلينها ..
رديت عليها: حصه ابخير باجر ان شاء الله بظهرونها من القسم..
ابتسمت بدور بس كانت تتطنز : حضرتج واثقه..
عدلت بيلستي فجفت راشد مجابلني فرديت لورا علشان ما اجوفه ولا يجوفني و قلتها : ايماني بالله قومي بدور ..
بدور: روحي جوفيها ...كيف حالتها .
ترددت اروح اجوفها ولا ..انا ما فكرت اطل عليها علشان قلبي ما يعورني عليها و انهار..بعد صرااع مع نفسي نشيت ورحت صوب حجرتها ..فتحت الباب بيدين ترتجف .
.زختني امايه من جتفي : لا ادشين مب زين .
عاندتها: ابا اتطمن عليها بس من الدريشه بطالعها .

.دخلت ..من طاحت عيني عليها ...حسيت اني تشنجت ...ما اصدق هذي حصه ..ويها متغير ..منظر الغرفه و هي اجهزتها يروع ..كانت عيونها ملصقه و حلجها في بيب تتنفس منه ..ما تحملت الموقف حاولت اطرد كل شي جدامي ..غمضت اعيوني و ما رمت افتحها و فقدت الاحساس بكل شي ..

رصيت ع اليد الي كانت زاخه ايدي ..و كأني ادور الامان ما كنت اعرف شو الي يصير غير اني قاعده ارتجف و ميته من البرد ..حاولت افتح اعيوني بس ما رمت حاولت مره ثانيه .. و انا ارص ع ايدي الي زاختني ...فتحت اعيوني شويه ما كنت اجوف الا ضباب ...تخيل لي سيفاني جدام اعيوني هيئه و ملامح ويه لان الصوره من واضحه جدامي ...بس الصوت كان صوت
ذياب يقولي : شوق تسمعيني ..
قلت بصوت يرتجف: سيفاني بردانه ...بموت من البرد ...
حسيت اني ضايعه يوم فج عن ايدي و راح يزقر الممرضه دمعت اعيوني و كنت بصيح لاني خفت لا يغمى عليه مره ثانيه لاني كنت احس اني بدوامه
فقلت : سيفاني تم معاي .ويلست اصيح ب صوت عالي جني ياهل : سيفاني بطيح مره ثانيه ...
رجعت و غمضت اعيوني و انا احس بالدفى يوم حسيت اكثر من لحاف يغطيني ...
قالي : ارقدي ...
رجعت و غمضت اعيوني و قلت: لا تهدني ..ترا بموت احس بطيح بحفره
زخ ايدي بقوه و انا بعد رصيت عليه علشان ما يهدني ..تمنيت بها اللحظه يكون ذياب مكان سيفاني ..بس ذياب حتى ما فكر يسال عني و عن حالي .. رجعت رقدت ..نشيت عقب فتره فتحت اعيوني كنت اشوف بحالي احسن عن قبل وضحت لي الرؤيه ..جفت ذياب واقف عدال باب الحجره يرمس الممرضه و معطني ظهره ...حسيت اني تخيل فزقرته اتاكد: ذياب ...
التفت صوبي و ياه ابسرعه يعني انا مب قاعده أحلم ..زخ ايدي
سألني برقه : شو اخبارج ..الحينه..؟ بعدج بردانه.؟؟
قلته بتعب: انا ابخير ...
بردانه ؟؟؟!!! يعني هو الي كان معاي من ساعه مب سيفاني ...
سالته: انت من متى هني ..؟؟
رد علي : من اول ما طحتي ..
من قال لي هالعباره تذكرت حالتنا و حال حصه ..رصيت ع ايده : حصه شخبارها..؟؟بخير !"رجعت اصيح" جفتها حالتها فضيعه ذياب ...
تجرب مني : شوق لا اتصيحين .."وقعد يمسح دمعي بطرف صبعه"
حسيت ان هالانسان مشتاقه له حيل ..اباه معاي بكل خطوه بحياتي بحلوها و مرها. بس هوه ما يباني .. و اكيد علشان الحاله الي نحن فيها بس يعاملني جي و ما يبا يزيدني ...
حاولت ايلس و ساعدني حسيت بدوار خفيف قلته: بروح عند حصه..
قال لي بصوت واطي: حبيبي ماشي فايده اتمين هنااك ...الحينه الساعه 12 فـ ليل كلهم روحـوا ...بس سعيد و خالتج و اخوها موجودين ..
اخوها يقصد راشد..علشان جي ذياب ما يباني اتم ..
قلته بعذاب: حصه محتاجه لنا ..
قال : باخذج البيت كلي شي و ارقدي ارتاحي و باجر من الصبح بييبج ..شو رايج..
هزيت راسي بمعنى اني موافقه كلامه ..
طلعنا من المستشفى و انا كلي حزن و اسف ع حصه ...ركبت سياره ذياب و ع طول سندت راسي ع السيت ...
قال لي : امج و خوانج وايد كانوا يحاتونج..
ما رديت عليه لان بالي منشغل وين بروووح الحينه او ذياب وين امفكر ياخذني بيت ابوي ولا بيته ..
كمل كلامه: المهم انا طمنتهم عليج ..
قلته بصوت واطي: انا ابخير ...الحينه ...
الظاهر اني غفلت لان ذياب هزني : يلا شوق وصلناا ..
رفعت راسي اطالع: وين ..؟؟
طالعني بنظرات : بيتنا ...
طالعته : انا ..
قاطعني: ما عليه تمي هني عالاقل هالفتره عقب انتي تقررين ع راحتج..
كلامه كان بالنسبه لي ..خيبه أمل ظنيت بحضني و بيقول ما بخليج اتروحين بيت ابوج بس هيهات هيهات اسمع هالعباره من هالانسان بالذات ...كان يتأملني و كأنه يقرا افكاري ...صديت عنه .فتحت باب السياره ..و نزلت ساعدني لاني كنت احس بدوار خفيف ..كان البيت هادي ... صعدت حجرتي خذت لي دوش حسسني بالراحه ...ظهرت من الحمام و ميته ابا ارقد ...بس ذياب غصبني اني اكل حتى و لو لقمه كان يحسسني و يعاملني حالي حاله مهره تضايجت في البدايه بس عقب ..استانست لانه حسيت انه يدلعني ,,تمنيت ذياب يعاملني جي بس مب هاي الظروف ...
شربت ماي عقب قلته : انا محتاجتنك ..
خذ عني كلاس الماي و حطه ع الطاوله و يلس عدالي..و زخ ايدي....
و قال بصوت هادي: من قال اني بتخلى عنج و بهاي الظروف مب لها الدرجه انا نذل ..
رفعت راسي اطالعه و جني ابا اتاكد ها الي قاعد جدامي ذياب ولا خياله ...ابتسم لي فحطيت راسي ع جتفه
و قلته : ها اليوم ا تعس ايام حياتي ذيااااااااااااااااااب
مسك ايد ي و باسني ع راسي يواسيني ..صحت و انا اتذكر حصه قلته: محد كان يحس فيني متضايجه ولا مرتاحه الا هي ...وين بلاقى حرمة اخو شراتها ...
و رجعت اصيح منهاره لوى علي ذياب يخفف عني...حسيت براحه يوم يلست اصيح و ذقت طعمها بوجود ذياب جريب مني...
نشيت ع الساعه ست..افتقدت مهره دوم من افتح اعيوني اجوف مهره راقده عدالي بس هالمره كان ذياب ..الظاهر مهره راقده عند ندى ..رحت الحمام ..اتغسلت عقبها ظهرت من الحمام ..اتصلت بـ سعيد لقيته مغلق ..خفت وايد ..رحت صوب ذياب ..اقومه فتح اعيونه ع طول
ترجيته: ابا اروح المستشفى ..
يلست بكسل : جم الساعه ..؟؟
قلته و انا اطلع ملابسي من الكبت ابسرعه : ست وشي
فراللحاف عنه و راح الحمام ...عقب ساعه و نص كنا ـفـ المستشفى ...
ذياب: شوقااني انا بروح الدوام وبرجع تقريبا عقب ساعه
قلته : مشكور ذياب
صفعني ع خدي ع الخفيف يلاعبني: ع شو مشكور يلا روحي داخل و طمنيني عليها ..
ابتسمت له و قلته : ان شاء الله ..
دشيت المستشفى ..و رحت صوب قسم العنااية المركزه ..الكل كان موجود الا شيخخاني .. و سيفاني ..

رحت صوب موزي: شخبار حصه
تنههدت: نفس الحال ..."سالتني" شخبارج انتي ..روعتينا البارحه..
قلتها: انا ابخير ...
صديت لا اراديااا صوب سعيد جفت راشد قاعد صوبه يطالعني ,,كم اكرهك دمرت حياتي بس ها مب وقته ...رحت و يلست جدام خالوه حليمه احمي نفسي من نظرات راشد...حاولت اتصل بـ ذياب طمنه بس ما كان شي ارسال ...لمحت سعيد اختفى عقب رجع ..ربعت صوبه
قلته: شخبارك سعيد..
هز ر اسه بمعنى انه بخير ..ما تحملت لويت عليه و صحت: سعيد ما تستاهل.. انت كنت الاخو الحنون لنا ..
قعد يمسح ع راسي: الله كريم شوق ...

ابتعدت عن سعيد بس نظرات راشد لي ابد ما تحملتهااا ...فرجعت مكاني ...صوب خالوه العوده ..احتمي من نظرات راشد.....
وقفنا كلنا يوم يااه الدكتور ودش ع حصه ..تمينا واقفين ندعي ربنااا انها اتكون بصحه و عافية ...ترييناه يظهر ...
موزي بخوف: وايد تأخر ...
ابتعدت شويه ورااا لان راشد كان مجابلني ..كرهت حركاته بس خوفي لـ حصه كان اكبر ...
ظهر الدكتور فألتمينا حوله و قال: ماشي تقدم بعدها بغيبوبه و الجنين بدت اتشكل عليه الخطوره ...
حسينا كلنا باليأس ..ام حصه رجعت اتصيح منهاره .حالتنا ردت شرات البارحه ...ذياب قال برجع عقب ساعه بس تاخر ساعات ...ما صدقت لمحته داش القسم ..ربعت صوبه ..
كان يسلم ع سعيد مدري شو كان يقوله وقفت ابنص الدرب هناك راشد اذا تجدمت اكثر ذياب بظن اني ييااه علشان راشد...رديت مكاني ...قعدت اراقبه من بعيد و الله يا ذياب ملايين الدنياا ماا اتخليني اهدك ..بس انت ما اتحس فيني ..ما صدقت جفته يدور علي بنظراته فربعت صوبه ..ارتحت يوم جافني و تجدم صوبي .. زخيته من ذذراعه اعاتبه
قلته: قلت بتيي عقب ساعه .
طالعني : اسف طلع لي شغل ..شو بلاج ..
لويت ع ذراعه و ترجيته" يلا انروح البيت ..ما ابا اتم هني ...
ذياب مستغرب : ليش ...
طالعت بنظرات صوب سعيد اخوي و راشد ففهم قصدي .انا و ذياب طاحت نظراتنا ع راشد الي كان يراقبنا ..فلصقت بـ ذياب اكثر ..مدري احتمي من نظرات راشد ولا اغايضه....
حس فيني ذياب فلوى ع جتفي و تحركنا حسيت الشر و الحقد يتطاير من راشد...حمدت ربي ان ذياب ساندني علشان ننثبت لـ راشد انا و ذياب حياتنا مستقره ..و ابد خططه ما خربت علاقتنا ...بس للاسف ها الظاهر ...
حسيت ان راشد راح يعلق يوم بنخطف جدامه و بالفعل ها الي صار سمعته
يقول لـ ذياب : جيف الحال بو مهره ..
رفعت اطالع ردت فعل ذياب ..بس يا جبل ما يهزك ريح ذياب كمل طريجه رافع راسه ولا جنه حد رمسه ...عيبتني حركته يستاهل بغيته بس يعطيه بعد جم بكس بس لا الوقت ولا المكان مناسب ..
ما علقت ع الموقف حتى ذياب ما طرا شي ..طلعنا من باب القسم كنت خايفه لا ينجلب علي بس تفاجات يوم كلمني عادي : انا خذت مهره و ندى بيت اختيه ..بتروحين تتغدين هناك..
قلته: لا بروح ارقد ..تعبانه .
وصله مسج فرفع راسه يشيك ع الموبايل و قال : لازم تاكلين ..
همست : بحـاول ...
بس وقف ذياب فجاه رفعت راسي جفته محرج خفت منه ارتجف :شو ذياب..؟؟
فج عن ايدي و رجع صوب قسم العناية المركزه ..لحقته :ذياب ...شو
بس ما رمت اوصله لانه كان يمشي بخطوات سريعه ..فتح باب القسم بعصبيه و جنه ما يجوف شي جدامه ..الكل كان موجود بالقسم التفت صوبنا ..
وقفت عدال الباب حطيت ايدي ع حلجي...يوم جفت ذياب عفد ع راشد و عطاااااااااااااه بكس بخشمه طاح راشد عالارض ...
صرخت : ذيياااااااااب...
ما رمت اشيل ريولي عالارض عكس موزي و خالوه حليمه الي ربوووعواا صوب راششد..حاول راشد يوقف بس عفد عليه ذياب مره ثانيه و كأنه يبا يطلع كل غيضه ...فوقف سعيد من بينهم ...و تدخلوا المرضى و الدكاتره الوجوودين بالقسم ...
كلهم زخوا ذياب الي كان شرات البركان و سعيد بس تم زاخ راشد الي كان يحاول يرد الضربه لـ ذياب ...
قعد ذياب يدز الي كانوا زاخينه و ياه صوبي حسيت ان بغمي علي من الروعه اول مره اجوف ها الجانب من ذياب صحيح من لحظات تمنيت انه يضرب راشد لكن عقب الي صار تمنيت انهم ما يلتقون ..كانت نظرات ذياب لي لوووووم و عصبيه ..اكيد الحينه بنجلب عليه ..ليش شو قاله راشد بالمسج خله يحرج جي ...
التفت ذياب لـ راشد الي تم يرمس بصوت عالي يهدد و يوعد ..بس ذياب طنشه و مسح ع شفايفه و جنه يغايضه و لوى عليه و ظهرنا من المستشفى ...حمدت ربي تخيلت انه يصفعني و يفرني صوب سعيد و راشد ...ركبنا السياره كنت خايفه اطالع ذياب او ارمسه ..كنت ابا اقوله ما يحتاي تحرق دمك ع ناس ما تستاهل و خاصه مثل واحد شرات راشد الي ما عنده احترام لاي حد حتى لاخته ...شهقت يوم فر علي موبايله بـ عصبيه و قال : خذي اقري جوفي علومج و سوالفج وين وصلتنا ..
طاحت اعيوني ع المسج و انا كلي خجل من ذياب " ..."
قلته وانا فيني غبنه : انا ما يخصنــــــــ
قاطعني محرج: جب ولا كلمه ...
سكت ع طول لاني لو نطقت بكلمه عادي يفرني من دريشه السياره .. و غير الموقف الي صار مع راشد خوفني وايد منه ..
كانت ملامح ذياب جامده ..كنت خايفه منه ...يمكن يجرحني بالكلام تميت ساكته ...لكن عقب ما هدى ذياب و خاصه اني حاولت ابتعد عنه ولا ارمسه علشان ما يطيح فيني ..بس كأنه استوعب ان راشد سوا هالحركه علشان يغايضه و غير انه كان مقهور يوم جافنا شكلنا مرتاحيين ويا بعض ... فاجأني عقب ما وصلنا البيت بساعتين تغيرت حالته النفسيه موليه ..
يلست ع الكنبه : ذياب ...؟؟
قعد عدالي و حط راسه ع الكنبه : بس شوقاني لا تطرين لي الموضوع مره ثانيه "طالعني" كافي الي صار ..
زخيت ايده : موليه ما بطريلك شي يضايجك بس كنت بقولك ..تغديت ولا لاء ..؟؟
هز راسه بمعـنى لا
لصقت فيه : اسوي لك ..
قال لي : لا كافي الي انتي فيه بعد ازيدج ...اييب لج غداا من المطعم ..؟؟
قلته: ما اشتهي بس كنت احاتيك ..امممممممم البيت مب شي من دون مهره
ذياب: بييبها المغرب الظاهر تعودتي عليها ...
قلته : وايد ...
كان بخااطري اسولف له عن خوفي ع حصه بس خفت اذكره براشد علشان جي ابد ما طريت له شي يتعلق بقوم خالوه حليمه ...و مرت الساعات ..
.وووو ..بالعكس تم ذياب يعاملني برقه و حنان ...و كأنه فرش لي الورد بدرووبي و خاصه البيت ما فيه حد غيري و غيره .
حسيت بثجل ع الشبريه مكان راقده فتحت عيني ابطيء جفت ذياب قاعد ع طرف الشبريه ابتسمت له بكسل و رجعت غمضت اعيوني ...بس رجعت فتحتها يوم زخ ايدي و قعد يمسح عليها ...حطيت ايدي الثانيه ع ايده و
قلت ابصوت واطي: ربي ما يححرمني منك ..
ذياب يحسبني راقده و مب وعي لانه سالني: شوق انتي راقده ..
قلته : لا ..."فتحت عيوني و قلته" بروح بيت ابوي بتطمن ع شيخاني و حمودي احس محتاجنا هالفتره ..
ذياب كان يطالعني يسمع رمستي و ملامح ويهه متغيره اكيد تذكر موقف راشد
فيلست مجابلتنه تجربت منه : لا تضايج مني ..انا ما اتحمل ..
غمض اعيونه يوم يلست حطيت ايدي ع خده بس يير ايدي و زخها ...و همس : شوق ..
رفعت حياتي : انا ما سويت لك شي ..
تجدم مني و هالمره هو حط ايده ع خدي و قال بصوت واطي : اسمعيني حبيبي ..
تميت امبطله اعيوني اطالع عيونه الي كانت مليانه كلام ...
غمضت اعيوني وقلته بصوت واطي : شوه ..
تجدم اكثر مني و حط يبهته بيبهتي و قال بصوت واطي : حصه مـاتت ..