رد: ~~!!~~ مغامرات رهف ومعاني ونورة ~~!!~~
~~!!~~ الجزء الرابع ~~!!~~
في هالاثناء اتصلت نواري بالدريول " مجيد "
نواري : اقول مجيد روح صوب الصيني برع شوف البنت الي كانت ويانا هناك ولا
مجيد : منو هدا ينزل صوب مستشفى ،، ليش ابله نوره هذا يجي؟
نورة : هييه يجي من 3 ساعة بس انا مافي شوف
مجيد : ليش وين يروح هوو ؟!!
نورة : وين يروح بعد أخوها نزلها وراح عنها
مجيد : شو هدا أخو نزل بعدين روح بعدين هداا مشكل كبير الحين تلاته ساعه
نواري :مجيد انا هب فاضيه لك رووح شوفها برع و جان شفتها خل تركب السياره اوكي
مجيد : زين ابله نوره والله هداا واايد مشكل الحين
وسكرت عنه
رديت انا داخل ادور كنت صوب التونسي ، فرحت صوب الصيني اشوف هالنورة وين زالت
وصلت صوب الصيني صوب السفينة ما شفتها والله حاله وينها هااي
شوي واتصلت نواري بي
رهف معصبه اوني : وينج انتي ؟!؟!
نواري : الحين بييج ، اقول رهف تعرفين احمد بو خاطر وين منشد اغنية " يا اخي "
رهف : نواري انتي شكلج متفيجه
نواري : هههههه لا بس الحين اناا هناا ..هالديكور شرات المكان الي بالفيديو كليب مال نشيدته
رهف : جيه هالنشيده سوا لها فيديو كليب ،، امسات الا سامعه الشريط من النت ،، هييه صح سمعت انهم سوا لها فيديو كليب بس هب بالامارات ؟!
نواري : صبري بصور هالمنظر عيبني وعقب بييج ،، خلاص اندليت المكان
رهف : سوي الي بتسوينه انا مليت الصراحة يوم بتشبعين هياته تعالي لي صوب السفينة
ويوم شفتها تحيرت اتحوط فالمركز .. شوي وتتصل بي
نواري : الله يغربلج وينج ؟؟
رهف – خييبه شو اقول لها هاي الحين - : هاا انتي وين ؟
نواري : انا صوب السفينه ، وينج انتي تقولين مرتزه هنا
رهف : اناا .. هييه . شفتج تحيرتي علي دخلت هالمحل مال الجواتي
نواري : والله متفيجه ،، اقول رهوف حلووه جواتيهم
رهف : توني داشه بعدني ما شفتها زين
نواري : عيل خلاص اظهري وتعالي خلنا انحصل معنعن عقب بنخطف صوب المحلات
دقايق ووصلت صوبي نواري ،، وعقب اتقفنا نفترق ،، ركبت نواري ويا الدريول مجيد السياره ايلفون المركز بكبره ،وانا حصت صوب الباب الصيني وصوب الباركنات ادورها ، وانا ادور كان هناك عمال هنود ايعدلون الشارع الي صوب المركز فيلست اسألهم عن هالتنين ولا وااحد منهم يعرف عربي غصصوا بي وانا الثور ما اعرف انجليزي وسااعتها عااد صدق تعبت واتغصصت وجان ايلس فوق الدجة برع ع الشارع واطالع الي رايح والي ياي وجان اتصل البيت اطمنهم علينا وانّا حدرنا مركز ابن بطوطه ويمكن نتأخر شوي بس امي هزبتني شوي وقالت لي ما نتحير واايد،،،
وعقب اتصلت بربيعتي ويلست اسولف وياها >>>>>>>> متفيجة لااه *.^
عقب ثلاث ساعات تقريبا ومعاني تتريانا برع المركز صوب التنين ونواري ادور ويا الدريول وانا ارمس ربيعتي بالموبايل يتني نواري بالسياره فتحت الدريشه
نواري : ايييه انتي الفضيحة قومي نشي من هنااا
رهف: قومي عني لااه : الحين هذيك تقول مرتزة برع صوب الباب وانا مشيت كل هالمسافه اكثر عن مرة وما شفتها !!
نواري : انزين سيري داخل عن هالفضايح بارزه لي ع الدجه جنج في الشعبيه
رهف – هب مهتمه - : اتصدقين احسها هب في نفس المركز اخاف أخوها نزلها في مكان ثاني ،، هالغبيه ليش ما تتصل بأخوها تسأله عن اسم المركز الي نزلها به
اتصلت بهاا نواري عسب تسأل أخوها وين نزلها بس هييه عنيدة كانت معصبه
معاني : نواري والله آخذ لي تراا تكسي واروح راس الخيمة الحين
نواري: روحي انزين جان تقدرين ،، واتصلي بأخوج اشوف
معاني : شو اتصل به والله لو قلت له للحين ما شفتكن والله بيجتلني
نواري : تستاهلين خل يجتلج ،، ايه الثور ما بيسوي بج شيء يلا اتصلي
معاني : قومي عني ما بتصل به ويلا اشوف تعالن لي ، ادريبكم يالسات تتحوطن وتشرن
نواري بعصبية : بعيينج نتحوط جيه انتي خليتينا نشوف المحلات وشو عندهم ،، وبعدين شو انييج ونحن ما ندري انتي ووين - وعقب اونها رمستها بهداوه وهي كانت معصبه ع الاخير – معنعن اتصلي باخوج اسأليه عن اسم المركز ووين مكانه؟
معاني ترد بصوت عالي : شو هبله اناا ؟!! اقولج صوب التنين
نواري – صمخت اذني الله يغربلها - : اللهم صبرج يا روح ، معنعن تدرين اناا خايفه انج ما تكونين في نفس مركزنا
معاني : لاااااااااااااا ، نواري حرام علييج بموووووت شو اسوي؟
نواري : اتصلي باخوج شو تسوين بعد
معاني ترمس بجدية : لا ما بتصل
نواري : عيل زوولي يوم راكبه راسج انتي واخوج هالثور الي سلمناه الامانه بيده وعقب عقج من غير ما يسلمج لنا شو نسوي بج بعد ،، معاني رمسي اخوج لان الساعه صارت 8 ،،ماشيء وقت خلصينا
وما تحس نواري الا والسماعه تسكر بويها مسوده الويه
الحين هب طايعه تتصل باخوها عسب يدليها ويدلينا تززوول لااه هي الخسرانه خل اتم بروحها
*__^
رهف