i آه من قلب (ن) غدا حبه جنوني i

[جرح]

رد: i آه من قلب (ن) غدا حبه جنوني i

تسلمين غاليه ع القصة و نتريا الباجي​

 

[غالية وتتغلى]

رد: i آه من قلب (ن) غدا حبه جنوني i

يسلموووووووووووو مشكلجيه و جرووووووحة عالمرووووووور:h_gamzah:

 

[غالية وتتغلى]

رد: i آه من قلب (ن) غدا حبه جنوني i

البـارت الـ 36 ..

وعقـب سـارت سـاره تزقر الحرمه عشان تاخذ المقاسـات و يووم خلص فصخـو الفسـاتين .. وجـان يطلعون .. و اتفاهمو ويا طـوني .. و قالوله شو يعـدل فالفسـاتين وجيه .. و قـال انه الاثنين بيخلصـهم .. وعقـب فطـوم شافتلهـا فسـتان وايد كيـوت قايسته و طلع اوكيه عليـها " حق عرس مريوم و عليـا " .. وحتـى سـاره شافتهـا فستـان و عيبها و خذته .. و يوم خلصـو شغلـهم .. سـارو محـل الكوشـات .. يختـارون كوشه حلـوه حق مريوم و عليـا .. و رفيـعه قالت حق الريـال فكرت انه يكون في حاجز ع طرفييـن .. اختـارو كوشه و هوه قال بيعدلها و بيحطلهـا اشيـاء حلـوه .. كـانت الكوشه عبـاره عند استيـج طويل .. و بيكون في اقـواس كله ورود يعنـي بيكون ع طرف الاستيج اللي ع اليمين .. و ع اليسـاره .. و ع طرف كله ورود جـوري .. وكرسي فـ النص واايد حلـو وراقي .. الكوشه يايه شرات الجـدار و حصـا كبـار و و رود و في مـاي و كـانت الكووشه بـ منتهـا الجمـال .. و كلهـا ورود من جميـع الانواع و الالوان (( طبعـا 2 نفس الشي )) .. اما الكـوشه فطـوم و سـاره.. الاستيـج بيكون زجـاج و داخله كله سمـج صغـار و ع الاطراف من اول الاستيج ولين اخره كله ورود و بيكون في استيج صغير مابين الكوشتين .. و الكرسي بيكـون راقي ولونه ابيض و في ريش ع الاطراف .. ييكـون في بـ (( البـووه )) بيت شرات الثلـج و فيه لمعـه .. و من فوق كله ورود ,, و عقب طلعـو و سـارو محـل بطاقـات الافراح .. و فطـوم اتفقت ويا سـاره يختـارون البطـاقه اللي اخترتها فطوم (( البطـاقه بتي شرات كتـاب بس يعني مافي صفحـات بس ينفج و ع جهة اليمين عند حمـدان و فطـوم ,, و اليسـار عن سـاره و محمد .. و رفيـعه اختـاره حق مريوم و عليـا ))

بطـاقه مريوم و عليـا : كـان شرات البرواز .. وكان البرواز فيه سرميـك منحوت عليه ع شكـل ورود و اوراق و ملونيه ..
لون البطـاقه كـان بني .. و الخلفيـه كـانت شرات الجـدار اللي فالكوشه .. و الخط بيكـون بالديواني .. وايد وايد راقيـه البطاقه ..

بطـاقه سـاره و فطـوم : مثـل ما قلت بي شرات كتـاب .. جهة اليمين بيكون اسـم حمـدان " و صورته و هوه صغيـر " و امس فطـوم و " صوورتها يوم كانت صغيره " ... و البطـاقه بتي شرات المخمـل الابيض شويه متين و لين .. ع جهة اسم فطـوم وحمـدان البطاقه كلها بيكـون فيها اوراق اللي ما الثلـج ماعرف شو يسمونهم .. بـ الفضـي .. المهم يدل انه شتوي .. و عند سـاره و محمد نفس مال فطـوم و حمـدان بس اللهم الصوره غير و الاسـامي غيـر = ) ..

ويوم اتفقـو ويـا الريـال .. و قالوله انهم بيتصلـون عليه عشان يقولوله كمن بطـاقه .. و بعديـن طلعو من المحـل وسـارو محـل وايد تمدحه رفيعه تصويره .. و اللبومـاته .. و اختـارو الالبـوم حق العـرس .. " حق مريوم و عليـا .. و فطوم و سـاره " و بعد قالت رفيعه انهم يبـون مصورين و جيه .. و عقـب طلـعو .. و سـارو محـل مال المسكـات ,, و اختـارو حق مريوم و عليـا مسكـات روعه .. و سـارو البيـت ..

فـ سيـارة عـزوز ..
رفيـعه اتصلت لـ الصـالون .. اللي تتعمـل وياه .. و حجـزت موعدين .. واحد تـاريخ : 8/8 ( حق حنـا و اوكسجيـن + حـلاوه " جسم كامل حق مريوم و عليـا ) و حمام مغربي و حمـام زيت + تدليك كامل للجسم يوم >> (( حق اللي بيعرسون )) .. التـاريخ الثاني .. 9/8 .. ( حـق مكيـاج + الشعـر ) هـا كله لـ عرس مريوم و عليـا ,, امـا عرس فطـوم و سـاره .. حجـزت موعديـن واحـد تاريـخ : 5/9 ( حق حنـا و اوكسجيـن + حـلاوه جسم كـامل حق فطـوم و سـاره ) و حمام مغربي و حمـام زيت + تدليك كامل للجسم >> ((حق اللي بيعرسون )) التـاريخ الثاني : 6/9 ( حـق مكيـاج + الشعـر ) ..

وعقـب فطـوم اتصلت حق مريوم وقالتلهـا انها بتسيـر تشوف البـوم المجلـها .. و مريوم وقالتلهـا اوكيه و انهم هم بيسيرون ياخذون شنـط لسفـر و هم بيزيدولهم + حق حمـدان و محمد و عقـب سكرت .. و سـارو ياخذون شنط حق السفـر و راحو البيت..
امـا عند حمـدان واللي وياه .. سـارو محل اللي فيه البـوم ملجة فطـوم ,, و شافته مخلص ,, دفعـت بـاجر الفلوس و روحو البيت
وحمـدان فالسيـاره كل دقيقه يناجر فطوم انه تفج الالبـوم .. وهيه هب طايعه .. ويوم وصلـو البيت .. حططو الاغراض فـ غرفة اللي تحت ,, و البنـات + الحرييم يلسـو فـ ميلس الحريـم .. و الاولاد و الريـايل فـ ميلس الريـايل .. بس في واحد كـان فميلس الحريم لوول عرفتوه .. حمـداااااان .. بس عسـب يشوف الالبـوم ,, فطـوم كانت فالنص و حمـدان عدالها و البنات حوليها و الحريم بعد
حمـدان : يـلا عـااااد فجـييه
فطـوم : اووووووص .. بس ابا اقول شي ,, فيه صوره بتكون كبيره انا مالي خص فيهـا .. لانه حمـدانوه قال نسوي جيه
ام حمـدان شهقت : وييي شو سويتو !!
فطـوم : ههههه لايروح بالج لبعيـد خخخ .. الحين بتشوفين ,,
وفجـت الالـبوم الراقي ,, و تمو يشوفون الصـور و حمـدان كل دقيقه يتفـدا ,, و يضحكون على حركـاتهم وفطوم تتحرطم وتقول انهم مالهم خص هاي الحرمه .. و يوم وصلـت فطوم ع الصوره اللي تقصد بهـا كلهم ضحكو عليهم و حمـدان يشوفهـا و يتتفدا فطوم
""" تحيدون اي صوره .. كان جدامها محطي ايده ع ظهـرها و مقرب ويهه صوب ويه فطـوم وهم الثنين حايسين راسهم لوول و مسكرين عينهم شويه """
ام حمـد : يا المستخــف شو هالصـوووره !!!
حمـدان : هههههههههه ,, عذااااب والله
مريـوم : ياويل حـاليه كشخـه
ام حمـدان : هب هيب ولدييه طـالع ع ابوه
الكـل : ههههههههه ..
فطـوم : يلا خلصـو الصور .. الحين صور البنـات ..
حمـدان : انزين .. يـلا جـااو فليل بدقق فالصور عـدل
الكـل : هههههههههههه ..

وعقـب تمـو يشوفون البنـات صورهم .. و يوم خلصـو فطـوم زقرت البشكـاره عشـان تحط الالبوم فحجرتهـا .. و عقب تعشـو و روحت رفيعه ويا عيـالها بيتهم ,, و بو مريـوم ويا حرمته و ولده .. اسـتوت سـاعه 10 ,, اجتـمو البنـات وام حمـدان فـ الغرفه اللي يحطون فيها اغراض " اللي تحت " ويابو شنطهـم ,, و بدو يحطون كل يوم شوي شوي ,, و حتـى حمـدان ومحمد ,, فطـوم و تسـاعد حمـدان و سـاره تسـاعد محمـد ,, و يلـست ام حمـدان ترمس ام مريـوم ويكتبن اسـامي المعزومين حق عرس فطوم و سـاره .. و عليـا ومريوم ماشالله عليهم ماخـلو حد ما عزموه ,, و اليوم الثاني راحو عند المحـل و قالوله كم عدد البطايق و هاي الاسامي .. و قالت ام حمـدان انه يكتبون ممنوع استحـاب الاطفـال .. مـرو الايـام بسـرعه ,, و خلص فسـتان مريوم و عليـا طبعـا شرات قووم فطـوم " اجار " و خلصـو تجيزات العـرس .. ومـرت الايـام بسرعه ,, و بنـات كانو يتـابعن جلسـاتهم عند الدكتـوره " الليـزر " و بعـد فـ 3 ايـام فالاسبوع يسيـرون النـادي .. وماشالله عليهم اجسـامهم استـوت صافيه و نااعمه .. و الحريـم كل يوم يطلعون (( بس بدون البنات )) عشـان يخلصـون الزهبـه حق البنـات ,, وكـان عبـاه عن 4 صنـاديق .. وفيهم اغراض طقـم روب و صوابين وشمـوع هالسوالف .. و قمصـان نوم و كل وحده ع خـاتم و عطور ودهن عـود و و و و وايد اشيـاء خـذو ,,, و رفيـعه حجزت حق عزوز و عمـر و حريمهم لـ المانيـا تاريخ .. وبعـد حجـزت حق فطـوم و سـاره فـ قصـر الامارات وقالتهم التاريخ ,, و بعـد حجزت حق مريوم و سـاره + الاكـل .. + غـرفه فوق ,, و بعد يابو البومهم مال الملجه ,, مره وحده يابو مال سـاره ,, وكان اشكـالهم خبـااال ..

وبعــد مرور الاسـابيع و الايـام و الليـالي ,, يـا تاريـخ " 8/8 " ..
وكــانو الكـل بزي .. قامو مريوم وعليـا من وكت و سـارو ويا ام حمـدان والدريوليـه يحطـون اغراضهـم فـ الفنـدق و يرتبـون كل شي و يصففو العطور هالسوالف .. وسارو يشوفون الكوشه و شوفيه من العيـوب و الحمدالله كل شي ترتوب .. وبعدين .. مرو ع البنـات اللي هم فطوم و سـاره .. مرو ع ام مريوم و رفيـعه ,, عسـب يسيرن الصـالون ,, يوم و صلـو ,, سـارو مريوم و عليـا يسون اوكسجيـن جسم كامل + حـلااوه جسـم كامل ,, ويوم خلصو سـارو يسون حمام مغربي و حمـام زيت + تدليك كامل للجسم .. و الحريـم و فطـوم و سـاره بعد سوو حلاوه بس هب جسم كامل ,, و تحـنو .. و هم يتحـنون ,, يو مريوم وعليـا وهم خـلاص يحسن انهم نظاااف من الخـااطر لوول وعقب يلسـو عشـان يتحنن (( الحريـم + فطوم و مريوم ,, حنـو ايدهم كامله )) و مريوم و عليـا طبعا ايدهم كامله و ريلهم ,, و تقريبـا خلصـو شغلهم ع المغرب وعقـب سارو الصـالون يسون فروفـا ع المكيـاج مالهم ,, ويوم خلصو سـارو ينعشـون و ردو البيت و فطوم و سـاره ,, سـارو ساعدو مريوم و عليـا اذا في شي ناقصنهم نسـو يودونه الفندق ,, وبعديـن رقـدو ..






يوم الخميـس ..يـوم الفـرح .. يـوم السعـاده ..
تـاريخ : 9/8 .. سـاعه : 11:30 ,,

طبعـاً العرايـس فسـابع رقـاهم ولا جنه اليوم عرسهم .. ولا دقايق يرن موبايل مريوم تم يرن كمن رمه وجـان تنـش مريوم
مريـوم : هممممم
عـزوز : شو راقده فديتج
مريـوم : اهييه
عـزوز : بســج قومي نشي
مريـوم : ههههه .. خلاص ماعليه ..
عـزوز :يلا عيـل فداعة الله

قـامت مريوم و سـارت الحمـام وتسبـحت ,, و عقب وعت عليـا و سـارت الحمـام بعد اتسبحـت و يوم خلصو ,, يلسو عدال بعض
مريـوم تفـكر و تشوف اللحـاف : خـايفه موت
عليـا : ويي حتـى انا ,,
مريـوم : شكله هاليـوم مابيعدي ع خيـر ,, حاسه انه شي بيستوي عليـووه جان تلوي عليهـا
عليـا : فديتج حتـى انا .. قلبي مرتـاح و هب مرتـاح .. بس ان شاء الله خيــر
مريـوم : ان شاء الله ..
وعقـب دقايق فطـوم ادش عليهـم ..
فطـوم : بـلااكم !! يـلا ماشي وقت بنسير الفنـدق ..
عليـا : اوكيه ماعليه بنلبس و بنيكم
فطـوم : اوكيه فديتكم ..

وسـارو البنـات يتلبسـون بجايم و عبـاه مسكره و لفـو الشيله و تغشـو و كل وحده طرشت حق ريلهـا انه بيطلعون ,, وخـلاف
طلعـو كلهم ( الحريم كلهم و البنـات ),, و سـارو ايبون المسكـات ,, و سـارو قصـر الامارات .. و تريـوو شويه و يشوفون القـاعده شو فيها و جيه ,, و سـارو يتصلون و تغـدو فالمول و بعدين ردو قصـر الامارات و ام حمـدان و ام مريـوم ,, بيتمون ويا مريوم و عليـا .. وبعـد بيتمكيـجن فقصر الامارات " فـ غرفة عليـا " .. امـا رفيـعه و فطـوم سـاره .. سـارو الصـالون يتمكيجون ,,

سـاعه 6 ونص ..
فـ بيت بو حمـدان ..
بو حمـدان : يلا امـايه تأخرنـا ..
ام حمـد : يلا يايين ,, يلا آآمنه .. طوفي خلينـا نسير تاخرنا
ام خـالد : صبري خليني ادخـن المعاريس
ام حمـد : يلا بسرعـه ..
ام خـالد : اللهم صلي ع محمـد ,, فديتكم والله غاويين
عمـر + عمـر : احم مشكوره فديتج ,,

وعقـب بو حمـدان و بو مريـوم و بو حمـد و ام حمـد و ام خـالد .. + محمد و حمـدان و عزوز و عمـر .. سـارو قصـر الامارات .. و يوم وصلـو تمـو فـ قاعة الريـايل .. و كانو يايبين فرقة حربيه ,, وحـالهم رقييييييييييييييص .. و عقب محمد و حمـدان سارو عند ام حمـدان يرمسونها .. وعقب رن موبايلها و كانت فطوم متصله
ام حمـدان : هــلا حبيبتي
فطـوم : هلا فديتج .. خالو خلي الدريوليه تي عندنـا مااشي وووقت
ام حمـدان : اخلي حمـدان ايي !!
فطـوم : لالالالالالالالالالا ,, الدريوليه بليز
ام حمـدان : خـلاص ماعليه ..
فطـوم : فداعة الله
ام حمـدان : مع السلامه

 

[غالية وتتغلى]

رد: i آه من قلب (ن) غدا حبه جنوني i



--------------------------------------------------------------------------------




!¦[•..آآه من قلب (ن) غدا حبه جنوني..•]¦!


حمـدان : اسير ايبهم ؟
ام حمـدان : تبـا الدريوليه ..
حمـدان حط فخـاطره : ليش عـاد ؟
ام حمـدان : هممم مادري ,, جان تتصل حق تينـا و تقولها تسير الصـالون .. راحت عنهم و سـارت عند مريوم و عليـا تشوفهم ,,
و حمـدان اتصل حق فطـوم يهزبهـا ..
حمـدان : انزين ليش ماتبيني ايي !!
فطـوم : حبيبي حمـدان .. هب محطيه شي فبـالي بس عشـان ماتشوفني .. يوم بتكشخ و كل شي تعـال شوفني
حمـدان : خلاص برايج بـاي ,, >> سكر سيده

فطـوم : ويي زعـل !!
رفيـعه : يلا يا شطـوره سيري راضيه
فطـوم : ههههههه الله يخليج ماعليه بيرضـا ..

وعقـب دقايق جان ايوصلون و يسيرون غرفة مريـوم ,, عشـان يبدلون ثيـابهم ,, و يلبسـون فساتينهم ,, و طقمهم و يدخنن و يتعطرن وجيه ..

فطـوم : وردي كـت .. و عند الصدر ياي ع شكـل 7 .. كله فولك و شجج .. وياي شفاف و في اكسـات باللون الوردي الشويه غـامج و وعقب من بدايه الريول ياي كله بالخرز و جيه و تحت ياي جيبون و شيفونات مقصصه شكل رقم بلون الوردي الفاتح و الليموني وايد وايد حلـو الفسـتان ..

سـاره : كان بعد كت فستـانها باللون البني و عند الصدر في اخضر و شويه برتقـالي و فنص شفـافف ,, زلكه فولك و خرز .. وشفاف عن البطـن شويه .. و عقب ياي قطعه مدرجه باللون البنـي و الذهـبي ,, وبعد وياه في قطعه شفافه التـور .. وايد حلـو وبسيط ..

والريـايل و الشبـاب سـارو صـالتهم عسب المعـازيم بدو ايوون ,, و حتـى ام حمـدان و ام مريـوم ورفيـعه و ربع رفيعه و ام حمـد و ام خـالد + البنـات واقفين يستقبلـون و يسلمون ع الحريـم ,, و عقب دقايق جان يخلص فطـوم و سـاره سارو يشوفون عليـا و مريوم و شو آخر اخبارهم و عقب نزلو يسلـمون ويا البـاجين ,, وكلهم مستغربين من فطـوم وين طلعت هـاي ههههه
و كل حد يطالعهـا و يقولون هـاي مخطوبه و هيه تتحرطم تقول مايشوف الدبـله فايدي و يضكون عليهـا .. و كل شويه يسيرون فوق عسب يشوفون البنـات .. و ساعدوهم فـ لبس الفسـتان و حطولهم بودر اللي في لمعه ع ظهرته ورقبتهم و ع الصدر ..

سـاعه 11 ونص ..

مريـوم : دخيييلكم لاتخلـونـا
سـاره : شوفيكم .. بنتم وياكم لاتخافون ..
فطـوم : ماعليه حبـايبي لاتخافن ولا شي ,, جان تتصل رفيـعه و تقول انهم يزهبون عسب بينزلن عقب شويه
سـاره : يلا عقب شويه بيون خالوه و امايه عسب تنـزلون ..
مريـوم : وابووووويه .. لا شو بدري بعـد
فطـوم : ايييه الحين هاييل بيروحون .. يلا اكم يـو

وعقـب لبسـو عبي عليـا و مريوم و و الحريم و البنـات يساعدونهم و يخفوون عليهم ,, ابا سـاره سارت تضبط اللحـن اللي بينزلون عليه ,, و يوم خلصـو نزلو صوب القـاعه و بندو اليتـات .. و انـفج البـاب ,,, و دخلـو مريـومه و علايه وهم قلبهم شويه و بيطيح فـ بطنهم ,, فطـوم و ام حمـدان و ام مريـوم يساعدونهم و يرتبون الفستـان عسب يمشون عدل .. و عقب دقايق يت سـاره .. تساعدهم ,, و المصوره تصور فيديـو و مريوم و عليـا يبتسمون و كـل قام يسمي عليهم و يقرا عليهم من عيون العـذال
ماشالله عليـهم كـانو مـلااك نازل من السمـا ,, طالعيـن خبـااااااال يطيحـون الطيـر من السمـا ,, و تمو يدورون فالقاعه وعقب كل وحده سارت كوشتهـا و يوم يمشون ع الاستيـج في شي جي كبيـر شرات دائري يوم يو صوبه .. هوست الحرمه و طلعو اوراق ملونه و طلع صوت قوي لوول نصهم قفزو ,, و تمو يحاوطون و ليين مايسلو و بدو يصورون الحريم و جيه ,, و يوم خلصـو قامو الكل يسلم عليـهم ,,
مريـوم : الله يبـارك فيـج فديتج ,, اوووه عفروه ,, فديت روحج لج وحشه والله
عفـرا : يالله يالله ما نروم مستويه حلوه .. مبروك فديتج
مريـوم : الله يبـارك فيج ..

وعقـب شغلـو التيلفزيـون الكبيـر اللي كان ع الينب ,, كانو مشغلين صوب الريـايل وهم يرزفـون و البنـات عـاد فاجين عيونهم و يتفدون ,, وعقـب نص سـاعه ,, اتصل عزوز حق رفيـعه عسب انه يبون يدشون ,, قالتلهم اوكيه ,, تغـدو الحريـم ,, و فطـوم و سـاره ساعدو مريوم و عليـا عسب يلبسونهم العبي لانه عزوز و عمـر بييون ,, و يوم استوا كل شي تمـام ,, دخـلو بو حمـدان و بو مريـوم و بو حمـد ويا عمـر و عبدالزيز ,, و كل واحد سـار عند حرمته و عقب شلو العبـاه ,, عزوز بغـا يموت يوم شـاف مريـوم ,, و سيده سـار صوبها و باس راسهـا
عـزوز : انتي حقي الحين محد يقدر يقول بعدين و مادري شو ولاتطلع
مريـوم بدلع : ههههه ,,
عـزوز : مبروك فديتج ,, وباسها ع خدا
مريـوم : الله يبـارك فيك ..
بو حمـدان : مبروك فديتكم
عـزوز + مريـوم : الله يبـارك فيك

عنـد عليـا و عمـر ,,
عمـر : آآخ يا قلبي تذوبين والله ,,
عليـا : ههههه
عمـر : مبروك فديتـج و باسهـا ع خـدها ,,
عليـا مستحيه : الله يبـارك فيك ..

وعقـب كل واحد يا يسلم عليهم و ربــشششه الجـو كـاان ,, و عقـب دقايق سـار كل وحد يقص الكيكه اللي كانت ع الكوشه و اكلو بعض و شربو بعض و المصوره تصـور و حـالهم كـان رقييص ,, و عقـب دو المعازيـم يروحون ,, و استوت سـاعه 12 ونص
و كل واحد يناجر يبـا يروح " الي هم عزوز وعمـر .. وعقـب البنـات لبسـو مريوم و عليـا عبيهم و سارو اول شي عمـر و عليـا وبعدين عـزوز و عمـر ,, ومـحد تم فـ القاعه .. غير الحريم و البنـات و الشباب وين المدخل .. جان فطـوم تسير صوب حمـدان ,,
حمـدان امبوز .. فطـوم : حبيبي شوفيه ؟
حمـدان : خوزي عنيه ما ارمسج
فطـوم : حبيبي والله سوري بس انا قصدي انه ماتشوفين الا وانا بالفستـان ,,
حمـدان يطالعهـا من فوق لي تحـت : الله يغريل العـدو تخبليين
فطـوم : راضي عليه ؟
حمـدان : هيه فديتج ,, اصـلا انا مستحيل ازعل عليج ,, فديتج والله ,,

وعقـب تعشـو كلهم و كل واحد سـار بيته ,,

عنـد مريـوم و عبدالعزيـز ..
كـانو توه المصوره مخلصه من التصوير و مادري شو ,, و جان عزوز يوصل الحرمه لين الباب و سكره و مريوم اول ما سمعت الباب قلبهـا وقف ,, جان تسير صوب الغرفه و يلست ع الكرسي جدام التسريحه عسب تفج اللي فشعرهـا ,, عـزوز شافهـا ..
عـزوز : حبيبتي ,, لين ماتخلصيـن انا بسير اتسبح بسرعه
مريـوم : اوكيه فديتك ..
دخل الحمـام اتسبـح .. اما مريوم خوزت اللي فشعرهـا و عقت الفستـان تعذبت يوم عقته لانه كان ثجيل و لبست روب و علقت الفسـتان و طلعت هديـه عـزوز و حطتهـا ع الطاوله وبعدين عزوز طلـع ,, جان تسير فجت شنطتهـا و تشـوف ظـرف كبيـر ابيض شلته و خذت ثيابها و دشت الحمـام .. قالت بتسبح اول و عقب تشوف شو الظرف .. عنـد عزوز ,, لفتـه جيه بـوكس شويه كبيـره محطوط ع الطاوله سار صوبه و فجـه ,, حصل فيه : 3 عطـور و بوكس شويه كبير فجه و حصل فيه سـاعه وايد وايد راقيه و مـاركه بعـد ,, و تيشيرتين و كـابين ,, و كـرت مكـتوب فيه : حيـاتي عزوزي ,, ادري انه الهديـه بسيـطه ,, بس ان شاء الله بتحصـل اكثر منهـا فـ الايـام اليـايه ,, حبيبتـك ,, مريـم ,, ابتسـم و رد كل شي مكـانه و خلا البوكس تحت الطاوله

عنـد عليـا و عمـر ,,
عليـا يالسه ع الشبريه تخوز اللي فشعرهـا ,,
عمـور : عـلايه انا بدش اتسبح ..
عليـا : اوكيـه ,,
من دخل سيـده شلت الجيس اللي فيه هديـه عمـور و ظهـرت البوكس لوول ولا عقت فستانهـا و حطته ع الشبريه ,, و عقب عقـت الفستـان و علقته و لفت عمرهـا بفوده ,, وخذت ثيابهـا وتتريـا عمـور يخلص ,, و عقب 5 دقايق ,, سمعت صـوت البـاب توه بيظهـر ,,
عليـا : لااااااااء .. عمـور والله تغمض عينك
عمـور : ليييش ؟؟ >> جان يغمض ,,,
عليـا : خلك مغمضنـها ,, جان تسير شوي شوي و اتدش الحمـاام بسرعه
عليـا : افتحـها الحين
عمـور : ليش يعني !!
عليـا : لانه كنت لافه عمري بـ الفوده
عمـور : سبـاله ياليتني ماسمعت شورج
عليـا : ههههههههههه
وجـان يسير صـوب الشبريه و يشـوف البـوكس ,, يلس و فـج البـوكس ,, وشـاف 3 عطـور ,, سـاعه راقيه واايد واايد .. و كابيـن و قميصين و بطـاقه صغيـره فجهـا و قـرا (( حبيبي عمـوري ... اتمـنى انه هالحديـه البسيطه عيبتك و السموحه لانه هب وايد " وتحت مكتوب " عـلااايـه ))
عمـور : يكـفي انه هالهديه منـج ,, فديتج والله ,,
وعقب نــص سـاعه لازم عـاد البنـات يرقدون فالحمام يوم يتسبحون ,, خلصت سبوح وبس ثيابهـا وعمـر كان طايح ع شبريه يشوف التيلفزيـون ويوم سمع صوب الباب ينفتح سيده سكر التيلفزيـون .. طلعت عليـا وهيه مستحيه تطله جـدامه بقميص النـوم ,, واجت عليه و جان يشوفها
عـمر : هههه زخيتج شو استوين ,, جان يقوم و يسير صوبها واهيه محمره ..
عليـا : ما اسوي شي
عمـر مسك خصرهـا و كـانت هيه مسـانده ع الايدار ,,
عليـا : عمـور اغـاار
عمـر : عيل ليش قصيت عليه و قلتيلي غمض عينك
عليـا : كيييييفيي و اتطلع لسـانه
عمـر : لاتطلعيـنه ولا تراني بقصـه بضروسي
عليـا : حشـى جلب هب عمـر
عمـر : هييه ,, مشكـووره ع الهديه
عليـا احمرت : السموحه عـاد شويه .
عمـر يود ويهـا : كفـايه انهـا منـج انتي ,,
جـان يتقرب زيـاده وهيه خلاص محمره
عمـر : أأ ليش خايفه ؟
عليـا : هـاا لا عـادي ,,
عمـر : والحين ؟
عليـا : بس عـااد ,,
عمـر تقرب من ويهـا و ايده الثانيه كانت ع سويجـات الليتـات سكـرهم : فديتج انا
عليـا انحرقت خـلاص وصرطت ريجها : عمــوووري عـاااد ..

" للاسف ما رمت اصور شي لانه اختربت الكيمره و هم اصـلا سكرو اليتـات هـــع "

عنـد عزوز و مريـوم ,,
خلصت من السبـوح و لبست ثيـابها .. و تعطرت و يلست ع الكرسي تشوف الظرف .. و اول مافجته دخلت ايدها و شافت صـور و و اشرطه " صوت " انصدمت يوم شافت الصـور .. تمت تشوف و تشوف كانو 10 صـور ,,
مريـوم الدموع فعينهـا : لااااااااء مستحيــل ,, جـان تلبـس الروب الشفـااف " طويـل " و جان تتطلع من الحمـام وهيه ماسكه الصـور ورا ظهرها ,,
عـزوز شافهـا : يـاويل حـاليه .. >> شـاف قميصهـا القصـير " كانت لابسه روب بس كان يبين " ,, ومريـوم ع اعصـابها و هوه مادري بالسالفه ,, جان يتقرب ,, كان يبا يبوسهـا ,, بس مريوم سيده سارت الصـوب الثـاني ..
عـزوز استغرب : شوفيـج !
مريـوم الدموع عينهـا : ليش قصيت عليه ؟
عـزوز : فـ اشوه قصيـت عليج !!
مريـوم : ليش لعبت عليه !!
عـزوز : حبيبي بـلااج ؟
مريـوم راوت عزوز الصور : هـا شوه ؟

 

[جرح]

رد: i آه من قلب (ن) غدا حبه جنوني i

يا ويييييليي شو صار بعد ؟؟!!!
تسلمين خيتي بس نبا البارت اليياي بسرعة ..

 

[مشكلجيه18]

رد: i آه من قلب (ن) غدا حبه جنوني i

مشكوووووووووووووووووووووووووووووووووووووووووره

ونتريا الي بعده
بسررررررررررررررررررررررررررررررررعه
ليش ما تنزلين وايد
يالله بلقطاره
حشىىىىىىىىىى

دخيلج
بسرعه

 

[غالية وتتغلى]

رد: i آه من قلب (ن) غدا حبه جنوني i


تسلمووووووووووون حبايبي على المروووووور


البـارت 37 ..

عـزوز استغرب : شوفيـج !
مريـوم الدموع عينهـا : ليش قصيت عليه ؟
عـزوز : فـ اشوه قصيـت عليج !!
مريـوم : ليش لعبت عليه !!
عـزوز : حبيبي بـلااج ؟
مريـوم راوت عزوز الصور : هـا شوه ؟
عـزوز انصدم يوم شاف الصور ..
مريـوم : هالي ماكان يطلع ويا بنـات !!
عـزوز : ................
مريـوم تصيـح وتصـارخ : رد علييييه !!
عـزوز : انزين بس كنت اطلع ,, بس والله العظيـم اني ما مسيـت حد !!
مريـوم : انغشيـت فيك ,, قلت اوكيه ماعليه ترمس وجيه ,, بس ليش ماقلت انك تطلـع !!!!
عـزوز نزل راسه : .................
مريـوم يلست ع الشبريه و حطت راسها ع المخده واتصيـح شرات اليـهال
عـزوز تقرب منهـا و نششهـا و لوا عليـها
مريـوم دزته بالقـو : خوووز عنيـه مابـااك تلمسـني ,, لعـااااب !! دشت الحمـام و رضخت البـاب بالقو ,, و تمت تصيح و صوتهـا كان عـالي ,, و عزوز خايف عليـها تسوي شي بعمرهـا سييده اتصل حق حمـدان ,, عاد حمـدان كان راقد و وعـاه من الرقـاد ..
حمـدان : حق شو متصـل هالوكـت! جابل حرمتك
عـزوز بحزن : حمـدان دخيلك ساعدني
حمـدان : شوفيك عزوووز !!
عـزوز : الكـلبه خـوله اظن مخليه حد يصـورنا يوم كنت وياها !! و مادري شواللي وصله عند مريوم ,, والحين هيه زعلاانه عليه !!
حمـدان : اويييييييه !!
عـزوز : وانا قلتلها كنت العب بس ماكنت اطلع قصيت عليهـا !!
حمـدان : الغلـط منك عزوز ليش ماتصارحهـا من قبل !!
عـزوز : خفتها تزعل !!
حمـدان : خلاص ماعليه .. ان شاء الله باجر انا برمسهـا .. حاول وياها انته
عـزوز : ان شاء الله السموحه ع الازعـاج ..
حمـدان : لا ماعليه ,,
جـان يسكـرون ,,

وتـم عزوز يتريـا مريوم تطلع من الحمـام بس ماطلعت يدق عليها ماترد ,, و مايسمع لهـا حس خاف عليـها وايد ,, و كان في طريقه يعرفهـا يفجون فيها البـاب .. يوم فج البـاب شافهـا طايحه و شعرهـا ع ويهـا ,, سيده شلاها و ودهـا الشبريه و ياب فوده فيهـا ماي .. و مسح ويها .. عسب تنش .. و يـوم فجت عينها ,, حست الدنيـا تدوربهـا ,,
مريـوم بتعب : آآه ويــن انـااا !! ..
عـزوز : فديتج ارتـاحي .. لحفـها و عقب هيه سكرت عينها و رقدت ,,, عزوز تم يالس لين ما ترقد مريـوم .. وعقب ربع سـاعه سار يرقـد ,,

يـوم الجمعــه ,, بيـت بو حمـدان .. 10:00 الصبــح ..

طبعـاً حمـدان ماياه النوم من عقب ماقاله عزوز السـالفه .. قـام الصبـح .. سـار الحمـام تغسـل و خلص .. و طلع و سـار غرفة فطـوم ,, دش عليـها ,, و سـار صوبهـا ,, يلس ع الشبريـه ..
حمـدان : فطـامي حبيبي ..
فطـوم : ...........
حمـدان : فطـووم .. فطـوووووم !!
فطـوم : همممم ,, فجت عيـونها .. جان تيلس و تثـاوب : هـااا شوفيك ؟
حمـدان : قومي بنسير عند عـزوز و مريـوم
فطـوم : ليييييش شو مستوي ؟
حمـدان : ( قـالها السـالفه )
فطـوم انصدمت : وييييييي !! يافرحه ماتمت .. واعليه عليهـا ,, قوم قووم .. بسير الحمـام و بلبس بسرعه
حمـدان : انزين اذا امايه قالتلج وين سايرين ,, قوليلهـا بنتريـق برع .. مانبـا السـالفه توصل عند الاهـل
فطـوم : لاتحـاتي ..
حمـدان : يلا فديتج .. انا بسير البس ,, لاتتاخرين
فطـوم : من عيـوني ..


قصـر الامـاراات ,,, بالتحديـد .. غرفـة عمـر و عليـا

الحبـاايب فـ سابع رقـادهم ولا يدرون انه مستوي شي .. كـان عـمور حـاط راسه ع جتـف عليـا و شعره ع ويهـا .. هوه تحركه جـان هيه تقـوم لانه قرقطـها شعره لووول ,, سيده فجت عينهـا و مسحت ويهـا ,, مطت ايدهـا شوي شوي عشـان ماتوعيـه توهـا بتقـوم جان يقبض ايدهـا بالقو و ييرهـا ..
عليـا : واااااااي
عمـور : وين سـايره ؟
عليـا : هـاا .. الحمـااام وين يعني بسير !!
عمـور : هيييييه , جان يهدهـا ..
عليـا : بتنـش ولاتكمل رقـادهم ؟
عمـور يتمدد : آآآآآآآآآآآآآآآآآآآآآآآآآآآخ تعبـااااان متكـــسر
عليـا : أأ سـلااامتك ..
عمـور جان ايلس : آآآخ كله منـج
عليـا : جيييه شو سويـييت عن الخـرط .. جان تشرد .. و تفج شنطتهـا ..
عمـر : انــتي ادرا
عليـا شلت ثيابهـا وكانت لاويه عليهـم : جب جب ماحيد بعمـرييه ضربتك ولا كسرتك
عمـور : فديت اللي يستهبـلون
عليـا : جب يمـكن تعبـاان لانك شفتني امس وانا متكشـخه ههههههه .. دشت الحمـام ..
عمـور : هههههه فدييتها والله ,,

غـرفة عبدالعزيـز و مريـم ..

كـانت مريوم راقده و عـزوز لاوي عليـها .. ومـره وحـده فج عيـونهـا زايغـه ..
مريـوم : بسـم الله بسـم الله !! لفـت ورا جان تشوف عبدالعزيـز .. خـازت شوي شوي ,, سارت صوب شنطتهـا خذت ثيـابهـا و دخلت الحمـام .. ويـوم خلصت بدلت ثيـابهـا كـانت لابسه تـايقـر " كانت شرات الكندوره مخصره و كلوش تحت (( شرات الكندوره الحمـار الوحشـي )) و لبست جـاكييت قصيـر اسود .. و طلعت من الحمـام وماقالت شي حق ريلهـا .. سحت شعرهـا و لفته و سـارت الصـاله تطلب ريـوق حقهـا و حق ريلـها ,, و يوم طلبت و خلصت سـارت يابت موبايلها وقالت بتتصل عقب شويه حق عليـا.. وسمعت صوت بـاب (( كان عزوز ))

عنـد حمـدان و فطـوم ..
عقـب ماتلبسـو و كل شي ,, توهم نازلين من الـدري جـان يشوفـهم بو حمـدان ..
بو حمـدان : ها ها ها ع وييين !!
فطـوم : هـاا ..
حمـدان : أأأ ابويه بنسير نتريق برع
بو حمـدان : هييه زين عيل سيرو الله حافظنكم
فطـوم طلعت بسرعه و سيده سـارت صوب السيـاره تتريـا حمـدان يفجـها يوم ركبـو السيـاره ,,
فطـوم : يلااااا حبيبي بسرعه
حمـدان : تريي شويه انزين ,, خليها تحر
وعقب 5 دقـايق حـرك الموتـر ,, و سـار صوب قصر الامارات

عنـد عليـا ..
كـانت تسحي شعرها و عمور كانت فالحمـام " كانو متفقين يلبسـون نفس الشي " و لاتسمع صوت موبايلهـا ..
عليـا : واايه فديتهـااا .. : الـوووو هلا والله
مريـوم بحزن : اهلين فديتـج شحالج ؟
عليـا : بخير و سهـاله .. وانتي ؟
مريـوم تذكرت شو استوا جان تدمع : أأ بخير ,,
عليـا فجت عيونهـا : حبيبي شوفيج !!
مريـوم : دخيـلج تعـالي صوب الغرفه
عليـا : خلاص خلاص الحين بيي ..

سـكرت من مريوم .. و لبست عبـاتها و لفت شيتهـا و تغشت ,, و سـارت صوب غرفة مريوم .. وكانت مريوم تلبس شيلتها بس و سارت تتريـاها ورا الباب من سمعت دق باب فجت بسرعه .. وسيده لوت ع عليـوه اتصيـيح من الخـاطر
عليـا : بسم الله عليج شوفيج !!
مريـوم تصيـح
عليـا تشوف مريوم : حيـاتي قوليلي شوفيج شصـاير ؟
مريـوم : انغشيـت فـ عزوووز ..قص علييييه ..
عليـا : جيه شو سوا ؟
مريـوم : ( قالتلهـا السـالفه ) ,, جان تلوي عليهـا وتصيـح
عليـا : حيـاتي والله ,, بس فديتـج هايل مايخافون ربهم يبـون يخربون بينج و بين عـزوز ,, جان تشوفهـا : حبيبي عـزوز يحبج صدقيني ,, هوه مايلـعب عليج ,,
مريـوم : بس ليييش يقص علييييا !!
عليـا : حبيبي يمكـن خافج تزعلين او شي جيه ,, ماعليه حيـاتي دشي الحيـن وانا بسير عند عمـور بيصفعني شكله طلع من الحمـام ..
مريـوم : لادخيلج خلج
عليـا : ويي سييري عند ريلـج
مريـوم : ماباااااااااااا ,, بسير ويـاج
عليـا : مريوم عن الاستهبـال سيري و اتفاهمي وياه لاتضاربين ادريبج شرات فطـوم سيده لسـانكم مايخلي الواحد بخير
مريـوم اموزه : سيري سيري حمـاره ,, تعـاااالي
عليـا : هـا شو بعـد ؟
مريـوم : بـلااه بوزج ؟
عليـا توترت : هــاا .. شوفيه بعـد ؟؟ ( حطت ايدها ع بوزهـا )
مريـوم : بلااه محمـر ؟
عليـا : هـاا .. هييييه .. حساسيه من الروج الامسي
مريـوم : صحيــح صحيــح ..
عليـا : اشوووه ؟
مريـوم : متاكده
عليـا كانت بضحك بس سكتت : والله لا ارفسج .. دشي داخل .. جان تسير عنهـا وسيده سـارت غرفتهـا وجان تشوف عمـور طالع من الغرفه يتريـاها ومعصب ,,
عمـور : وييين كنتي !!!
عليـا : حبيبي لاتعصب .. كنت عند مريوم تبـاني
عمـور : بـلاااها ؟
عليـا فخـاطرهـا : اقول ولا لا ,, اقول ولا لا .. أأأ بقـول : الله يسلمك اخـوك .................... وبس والحين هيه مضايجه
عمـور شهق : خوووووووله !! وين يت هـاي !!
عليـا شهقت : تعرفهـا ,,, لايكون انتـه وياها ,, تعـااال انا الحين بسير ماشفت الصور !!
عمـور مسكهـا : ترييي تريي ,, انا كنت ويا عزوز بس ماكنت اسوي سـالفه حق خوله
عليـا تطالعه من طرف عينهـا : عمـووووور !!
عمـور : حبيبي والله ماطلعت ويا حـد بروحي ,, كله ويا عزوز ,, حتى هوه كله ويايه
عليـا : انتو ليش جيه تقهرون جان تدزه و تدخل داخل الحجره
لحقـها جان مسكهـا ,, اتساندت ع الايدار و تقرب منهـا ..
عليـا فيها ضحكه : اوووووه خووووز
عمـور : شوفيج ؟
عليـا : عموور خوز
عمـور : شوفيج ؟
عليـا : مـاشي ,,
عمـور : اكيـد
عليـا : هيه اكيـد
عمـور : حطي عينج بعيني ..
عليـا الحين تبا تضحك بس ماتروم : اوووه عمور عن الحركـات
تقرب زيـاده ,, عمـر : حطـي عينج بعيني ..
عليـا تمت تشوفه جيه 10 ثـواني ,, وهوه بعـد
عمـور : الحيـن انا ويه بنـات اطلع وياهم !!
عليـا : هييه هيييه ,,
عمـور : انا ويه هاللوث
عليـا : قلتهـا بروحك ,, لوووث ليش عيل ترمس ؟
عمـور : ارمس اوكيه بس ما اطلع و اسويبهن شي
عليـا : قصـورك بعـد
عمـور : حبيبي والله ماسويت شي ,, حتى عزوز ,, بس كان يسولف وبس
عليـا : واثقه فيك فديتـك .. بس الله يعيـن مريوم ,,
عمـور : خليهـا عليه ,, انا بفهمـها
عليـا : اشوووووووه !! ماسمعت
عمـور : بلاج بلاج عصبتي ,, اختج هاي انزين !! بفهمـا ماقلت بطلع وياها
عليـا بدلع و ترمس شرات اليهـال : انزين انزين ماقلت شييييييي
عمـور : عسـل والله .. طوفي نتريـق ,,

 

[غالية وتتغلى]

رد: i آه من قلب (ن) غدا حبه جنوني i

عنـد مريـوم ,, كانت يالسه تشـوف التيلفزيـون ,, وتتريق ,, وكـان عزوز يلبس فانيلته ,, ودخل الصـاله الصغيره و سـار صوبهـا ,, ماكانت تدري انه هوه وراها جان ايي و يبوس خـدها " كانت يالسه ع الكرسي هيه " مريـوم انحرجت و عصبت .. حط موبايله ع الطاوله ,,
عـزوز : السلام عليـكم
مريـوم : وعليـكم ,, حطت ريل ع ريل ,,
عـزوز : شحـالج ؟
مريـوم من دون نفس : بخيييير
عـزوز فخـاطره : ليتني قلتلج من قبل ,, ولا جـان مااستـوا ها كله ,,
سكت عنها و كل ريوقه ,, مريوم حست فيه بس سوتله طاف وعقـب 5 دقـايق يرن موبايل عـزوز ,, تم يشوفه
مريـوم تستهبـل : منـوووه خوله ؟؟
عـزوز : لااء ,, هوس ع سبيـكر و رد : هـلا حمـدااااان ,,
حمـدان : هـلا فيك .. جيه محطي ع سبيكـر
عـزوز : مـاشي الله يسلمك ناس يتحرونك خوله
حمـدان : هييه ,, انزين نحنـا الحين وصالين ,, بنركب اللفـت .. يـلا بـاي .. وسكر ,,
مريـوم : حمـدان شو يسوي اهنيه و منو ياي وياه ؟
عـزوز ابتسـم : فطـيم ,, قومي لبسي عبـاتج
مريـوم قـامت : وليش البس !! بيلس داخل الغرفه و خل فطـوم تيني ,, جـان تسير عنه ,, ودقايق جان يسمع حد يدق الباب سيده سار يفـج
فطـوم وهيه منصـدمه : وين وين مريـوم ,,
عـزوز : فالغرفه ,,
فطـوم سيده سـارت صوب الغرفه : مريـوم حبيبتي والله ,, فجت ايدها بتلوي عليهـأ
مريـوم زعـجت ماقصرت هيه صوت عـالي ,, جان تلوي عليـها : فطـووووووووووووم ,, ليش جييه يستويلي ,,
فطـوم : حياتي والله ,, لاتضـايجين حبيبتي كل شي بتفاهم ينحـل
مريـوم : ليش قص عليـه !!
فطـوم : ماقص عليج فديتج .. اهدي انتي اهدي ,, فديتـج والله ,,

عنـد حمـدان و عـزوز ,,
حمـدان : جيه زين تزعلـها !!
عـزوز : الله يخليك ,, بدال ما انته واقف الحين ,, سير قولـها شي ,,
حمـدان : لا والله تباني اسير خلاص بسيـر ,, كان بيسير بس عـزوز يزخه
عـزوز :ايييه تريا خلني اقولها ,,
حمـدان : انزيـن ,,
سـار عزوز صـوب فطوم و مريـوم و شافهـا اتصيـح فحظن فطـوم ,, وفخـاطره يقول : اكبـر غلـطه سويتهـا اني ما صارحتـج !!
عـزوز : حبيبي مريـوم ,, حمـدان يبـا يرمسـج
مريـوم تصيح : انا هب حبيبتك !!
فطـوم عصبت : مريـوم شو هالرمسه !! عيب عليـج .. خلاص ماعليه عزوز دقايق بس ,, جـان يسير عزوز ..
فطـوم تيود جتف مريوم : مريـوم حبيبي عيب تقولين جيه حق ريلج !! عبدالعزيز يحبج !! ليش جيه تقوليله ,, لو هوه قالج جيه مابتزعلين ؟
مريـوم : امبـلا ..
فطـوم : عيـل يوم بنروح تاسفيله
مريـوم : خـسي !!
فطـوم : مريـووووم !! ,, جان تقوم و تسير ويابتلهـا شيله ,, ولفتهـا مريوم و تمت عدال فطـوم ,,
فطـوم : حمـداااااااااااان ,,

حمـدان : يلا بسيرلهم ,,
عـزوز : اوكيه ,, جان يسير ايلس فـ الصـاله ,,

وعقـب سـار حمـدان صوب مريوم و فطـوم ,, و تقرب صوب مريوم
حمـدان : انتي بـلااج !!
مريـوم : جب
فطـوم : اييه ما ارضـا ع ريلي !!
مريوم + حمـدان : ههههه
حمـدان : هييه اضحكي جيه شحـلاتج
فطـوم رفست حمـدان : حمـداااان !!
حمـدان : هههههه اوكي خـلاااص !! ,, قوليلي شو السـالفه مريوم
مريـوم : الله يسلمـك يوم كنت باخذ ثيـابي من الشنطه شفت ظـرف ................................. و هالصـور >> و الدموع فعيونها ,, ومن غيـر الشريــط مابا اسممممعه كفـااايه الصور
حمـدان يرمسهـا شوي شوي جنه اختـه : انزين مريـومه هالصـور عاديه !!
مريـوم عصب : لو شفت مصورين فطوم ويا اولاد بتحرررج ولا
فطـوم قرصتهـا : بسم الله عليه يا الجلبه ,, انا وين و الاولاد وين !!
حمـدان : اذا قبل كانت تسوي جيه بتفاهم ويـاها هب سيده بضارب و بزعل و مادري شو
مريـوم : ..........
حمـدان : مريـومه ,, عبدالعزيز والله يحبـج ,, ومستحيـل يخونج ,, هوه امس وعاني من الرقاد بس عشـانج ,, قالي مريوم زعلانه و قالي السالفه ,, مريـومه ,, عزوز ماقالج عسب انج ماتزعلين و تاخذين فكره عنه ,, و هوه قسم(ن) بالله انه ما مـس ولا وحده فيهم
وكـان يقولي شو سوا و شو ما سوا ,, و عمـر كان وياه ,, بس عمـور ماكان يسوي سـالفه حق هاي ,, وعزوز كان يلعب عليها انه يحبهـا وجيه ,, وهيه بعـد .. وشافهـا فـ الكوفي ويا واحد و استوت سالفه ومادري شو وعقب ودر هالسوالف بكبرهـا ,, وبعدين اظن خبروهـا انه ملج وجيه .. وبس !!
مريـوم : ....................
فطـوم : يلا بـلا دلع
مريـوم : اخافه يقص عليه مره ثانيـه
حمـدان بصوت خفيف : اي شي تبغيـن تعرفيـنه عن عزوز خبري فطـوم ,, عشان تخبرني وانا بعدين بخبـرها عشان تخبـرج
مريـوم : اي شي اي شي ؟
حمـدان : هيه اي شي اي شي ,,
مريـوم : .............
حمـدان : خـلاااص الحيين ارتحتـي !! يلا سيري غسلي ويهج و جـابلي ريلج ودلعيه و و وو ,, تعرفين شو تسوين ماله داعي اقولج
مريـوم عصبت جان تقوم و ضربته ع جتفه بالقـو : يا الكـلب
فطـوم : ايييييييه كله ولا ريلي ,, جان تلوي عليه : ما ارضـا عليـه ,, لاتخليني اسير اضرب عزوز (( اونه كانت بتسير ))
مريوم يت و سحبتهـا : اييييه لااا شو تضربينه ماتستحين جـدام ريلج بعـد
فطـوم تتخقق : والله ريلي واثق فيني .. جان تسير صوب عزوز وحمـدان كان ماسك عباتها صوب خصـرها ( بس العباه ) و مشيهـا
فطـوم شافت عزوز غمزلته و سوت حركة اوكيه بايدهـا ,,
حمـدان : يلا ابويه ,, سير عند حرمتـك ,, فداعة الله و سكرت البـاب ,, وجان يسيرون صوب عليا و عمـر شويه ,, و عقب طلعو ..
وسـارو المول عشان مايظهرون جذابين لول ,,


عنـد مريوم ,,

فصخـت الشيله و الجـاكيت حرت الاخت ,, وكـانت متسانده ع المخده و ماده ريلهـا ( وحاطتنهم ع بعض ) و مربعه ايدهـا و ماده بوزهـا ( هب زعلانه بس جيه ) و سرحـانه ,, جـان ايي و ايلس عـدالهـا و ايود ايدهـا ,, هيه فـزت من مكـانها و سيده خوزت ايدهـا ,,
عـزوز : شوفيج ؟
مريـوم : هـاا لا مـاشي !! جان تاخذ المخده اللي عدالها وتلوي عليهـا ,,
عـزوز : بعـدج حـاطه فخـاطرج ؟
مريـوم : ...............
عـزوز : ع راحتـج ,, حبيـت اقولج انه الطيـاره سـاعه 6 .. بنـتم اهنيه ,, بنصلي الجمـعه و بنروح نتغـدى برع وساعه 3 بنسير عند الاهل و بنسير دبـي عقب ,,
مريـوم : خير ان شاء الله ,, جـان تقـوم و هوه سيده مسكـها ,, جان تشوفه
عـزوز : هممم ثـانكس ع الهديـه
مريـوم ابتسمــت ,,

وجـان تسير تشوف التيلفزيـون ,, وتـم عزوز فـ الغرفه ,, سـار صـوب شنطتـه و طلع بـوكس طويـل و خلاه ورا ظهره و سـار صـوب مريـوم ,, طبـعا ماكانت تدري انه هوه وراها ,, لانه كانت يالسه ع الكرسي و الحجـره كانت وراها ,, جـان ايي عزوز يفج البوكس و يطـلع المريـه و فجهـا .. و لبسهـا و هيه ماتدري وجـان يسكـره ,, هيه انحرجت و سيده شاقت هالي ع رقبتهـا و عرفت انهـا مريه ,, جـان ايلس عـدالهـا و مسك ايدهـا ولابسـاها الخاتم و السـاعه ,, و مريوم اتحرجت من اللي استـوا ,,
مريـوم : أأ مـ م مـشكـور ..
عـزوز الحـزن فعينه بس يتريـا كلم حلوه تبرد قلبه : العفـو فديتـج ,,
عنـد عـمور و عليـا ,,

عليـا : عمـوووووور بســك والله اغـااار
عمـر : بلعب وياج كوك
عليـا : شوه !!
عمـر : كوك تعرفينهـا
عليـا : جيه فـ الروضه بعدنـا ولا شوه ؟
عمـر : يلا يلا عشـان خاطرييه ,, انتي اتدوريني ,,
عليـا : لاااا
عمـر : امبـلاا يلا جـب ,, جان ياخذ الشيله اللي كانت ع الكرسي و خـلاها ع عيـونهـا و تم هوه عـاد يسالها ها كم و ها كم اذا كانت تشوف ولا لا ,,
عمـر : صبري ,, عدي لين 10 بس
عليـا : هههه شكلك هب ناوي ع خيـر
عمـر بخبـث : انـا حشى عليـه ,, ان فجيتي بدون ما اقولج بزعل عليـج
عليـا : واااااحد ,, اثنييييييييين , . . . . . . . .. .. . . . تسسسععععه ,, عشــره ,, انا حمـسكك انا حـ عوووم ويـاااااااك
عمـر مسك ضحكته لانه كان وراها ,,
عليـا : لاتقول هاي شو تخرف ترا ها مال نيمـو السمكه الصغنونه ,, جان تدعم الطاوله : آآآي الله يغربل العـدو ,, عمـوووور ما اروووم بتكسـر مافيني !!
عمـر سار عنهـا و سار صوب شنطـته و شـل الطقـم اللي فـ البـوكس ..و يـوده و سار صوب عليـوه
عليـا : عمـوووووووووور >> صوت عالي ولا جـان تندبغ ع ويهـا دبغه محتـرمه
عليـا : آآآآآآآآآآآآآآآآآآآآآآآآآآآآي وصـاحت الدلوعـه ,, جـان تقـوم كانت تبا تفج بس مافجت لانه عمـور قالهـا (ان فجيتي بدون ما اقولج بزعل عليـج) جـان تقـوم عمـرها و هيه اتصيح ههههه حليلهـا ,,
عمـر يبـا يضحك بس مايروم خخخ .. جان يخلي الطقـم ع الطاوله و ايي وراها و شـلااها فجـأه
عليـا اتصيـح زيـاده : اييييييييييه ,, عمـوور عن الحركـاات ابا افج اللي ع عيوني
عمـر : لالالا لاتفجين اللي ع عيـونج
عليـا : عمـووري حبيبي والله ما اروم اكمـل تكسـرت والله .. و اتصيح
عمـر : بس فديتج ,, جان يلوي عليهـا
عليـا اتصيـح : يعـووووور
عمـر مشاها لين صوب الطقـم فجه و جـان يلبسهـا وهيه ماتعرف شو السـالفه و عقب هوه فج اللي ع عيونهـا
عليـا فجت عيـونهـا و هوه مسح دموعهـا : آسف عـلايه ما كان قصدي اني اعـورج بس انتي الله يهديج تمشين ولا تمسكين الاشيـاء اللي جـدامج ..
عليـا حطت ايدهـا ع شفـايفه وشافت الدم وصـاحت : دااااااااااااااااااااااام
عمـر لوا عليـها : هههههههههههه ,, فديتج والله دلوعه وايد
عليـا : يعـوووور ,,
عمـر : قومي بنسير الحمـام
عليـا فجت عيـونها : شو اتسوي ويايه !
عمـر : بمشلج الداااااام << يعيب عليهـا
عليـا كفخته : جب لاتعيب ,,
جـان يوديهـا الحمـام و تم يمسح ع شفايفهـا لين ما خف الدم
عمـر : جنه ضاربينج بـ سلكـون ههههههه
عليـا : جب كله منـك ,, أأأ هيه ,, تشوف عمرها فالمنظـره : ثـانكس ع الهديه الحـلووووه .. عيبتني وااايد ,, ( هوه كان وراها ) جان تلف و باسته ع خده و لوت عليه
عمـر : فديتج والله .. الله لايحرمنـي منـج

بيـت بو حمـدان ,,
محمد و سـاره كانو تحت ويا ام حمـدان و بو حمـدان و اليـد واليـدات ,,
بو حمـد : هب جنه طـولو .. ماباجي شي ع الصـلاه !!
حمـود : امنـووه هم ؟؟
بو حمـدان : فطـوم و حمـدان سايرين يتريقـون برع
حمـود : هيييه ,, قومي عيل سـاروه بنتغـدى برع
ام حمـدان : ايلسو ماشي طلع مسوين هالاكل الزيـن
حمـود : ليش يعني حمـدان و فطـوم سارو يتريقـون !!
ام حـمدان : يالله يالله ,, انزين ريوق ها هب غـدا ,,
جـان يدخلـون فطـوم و حمـدان ..
فطـوم : الله يغـربل العـدو بسك والله بمـووت من الضحك .. آآآ هههه السـلام عليـكم
الكـل : و عليـكم السـلام
حمـود : هـاا شبعتو مغـااازل
فطـوم : ويي انته شو قهـرنك اكيه حرمتـك عـدالك غازلهـا لين ما تقـول بس !!
الكـل : هههههههه
حمـود : فديتها والله هـااي ,, جان يتقرب منها و ايبوسهـا ,,
سـاره : اييه بس ,, والله البيـت من دون مريوم و عليـوه هب شييي !!!
بو حمـدان : هيه والله ,,
ام حمـدان : حليلهم كانو مسوين جـو فالبيت
فطـوم : ماعليه انا بخلي البيت بروحه يرقص بعد شو تبـون ؟
حمـدان صاصرهـا : عني انا ابـاا بوسـات
فطـوم دزت ويهه : هههه انته بعدين بعدين ,,

وعقـب اذن و سـارو الشباب و الريايل يتسبحـون ويتكشخـون عسب يسيرون المسيـد ,, وعقب يوم خلصو سـارو المسيـد و سـارو البنات يتسبحن و يقرن آية الكهــف و يوم خلصو صلو ,, و سـارو يتريـون الباجين عسب يتغدون ,, و عقب يوو و جـان يتغدون ويا بعض ,,

 

[غالية وتتغلى]

رد: i آه من قلب (ن) غدا حبه جنوني i

عنـد مريـوم ,,
دق دق دق
كـانت تلبس ثيـابهـا ( كانت لابسه : بنطلـون اسـود و قميص ايده طويله و قميص احمـر" هب احمر احمر .. ياي شويه غـامج " و في رسمـات بالاسود كـت وياه تنـوره) يوم لبست قميصهـا سـارت تشوف منوه و عرفت انه ريلـها فجت البـاب و سـارت تلبس عبـاتهـا و شيلتهـا و لبست جـوتيهـا الاحمـر و تغشت ,, و زهبت شنطتهـا ولا قالت ولاا شي ,, و عقـب عزوز لبس جنـز ازرق و القميـص اللي يابتله يـاه و الكـاب كان مطقم قميص سمـاوي و كـاب ازرق .. وصدفه كـان عمور لابس نفس ببس عزوز تمو يضحكون ع بعض وبعدين طلعـو ويا عمـر و عليـا طبعـا نفس الشي ,, و عمـر حس انه عزوز فيه شي ,, لانه ماكان يرمس و شكله تعبـاان وايد و بعديـن سارو يتغـدو فـ مطعـم راقي ,, و كل واحد مجـابل حرمته (( فاليلسه )) و مريوم و عليـا يرمسن بعض فالمسجات ومحـد رمس ولا قـال شي ,,
عمـر : هيه صح علايـه ترا الطيـاره سـاعه 6 ,, بنسير سـاعه 3 عند الاهل و بعدين بنسير دبي ..
عليـا : ان شاء الله ,,
وعقـب نص سـاعه يابـو الاكـل و عليـا و عمـر ياكلـون و مريـوم يالله يالله تاكل لانه عليـا كانت تغزهـا عسب تاكل و عـزوز بس جيه يطـالع الاكـل ,,
عليـا : عبدالعزيـز كـل بـلاك جيه !!
عـزوز : ...........
عليـا رصت ع شفايفـها مادري كيف هالحركه يوم واحد يكون السبب و سوله هالحركه المهم مريوم حست فالسـالفه جان تسكت و كملت اكلـها ,,
عـزوز : عن اذنكـم ...
عليـا + عـمر : اذنك معـاك
عليـا تريت عزوز بس يسير شويه بعيـد و بعدت تلوم مريـوم ,,
عليـا : انتي ماتخافين ربـج !!
مريـوم : .........
عمـر : علايه حبيبتي هب جيه يتفاهمـون ,, جان ايسير عمـر و يلس مكـان عزوز ,, وتم يرمس مريـوم (( شرات كلام حمـدان )) و هيه سـاكته ,, و عقـب عزوز و بعـد تم يشوف الاكل و يشرب مـاي ,, عمـر سوا حركـه حق مريوم انه تقوله شي
مريـوم خايفه : أأ عبـ عبدالعزيز كل ..
عـزوز ابتسم وشافهـا : هب مشتهـي
مريـوم شافت عمـر و بعد سوالهـا حركه : أأ عـششان خـاطريه
عـزوز : ان شاء الله ,, جان ياكل شويه .. و عقـب سـارو كل واحد غرفته يلم اغراضه عـسب يروحـون .. و يابو الفسـاتين ,, يوم خلصـو اغراضهـم طلعـو من قصـر الامارات و كلهم فسيـاره ( تكـاسي قصر الامارات ) ... و فالسيـاره مريوم قابضه ايد عليـا عسب ماتصيـح ,, (( كانت عليـا فالنص و را السـايق عمـر و عدال عليـا مريوم و عزووز جدام )) .. طبع فـ مريوم اذا فيها صيحه ماتمسكـها ,, تحاول بس ماتروم ,, سيده خلت ويهـا ع جتف عليوه بس هب الجتفهـا بالضبـط ,, يعني تحت رقبتهـا
عليـا حطت ايدها ع ظهـرها بصوت واطي : بس فديتـج ..
مريـوم بصوت متقـطع : قسم بالله ما اروم استحمل
عمـر عرف انه مريوم اتصيح و فخـاطره يدعـي انه الامـور تكـون زينه مابينهم ,,
عليـا بصوت خفيف : مريومه حبيبتي ,, لاتصيحين و حـاولي انج ماتسوين ها كله جدام الاهل !! مانبـاهم يحسـون فشي حيـاتي عشـان خـاطريه ,,
مريـوم نزلت الغشـوه : ان شاء الله ,, جان عليـا تعطي مريوم الكلينكس و عقب 10 دقـايق و صلـو بيت بو حمـدان ,, و السـايق نزل الشـنط ,, عسب عقب حد يوصلهم مطـار دبي ,, يوم نزلـو عمـر سـار صوب عزوز ,,
عمـر : عشـان خـاطريه بس هالوقت لاتكـون جيه جـدامهم
عـزوز بحـزن : صدقني ما اروم
عمـر : ادري والله ادري ,, بس عشـان خاطريه .. و اوعدك ما نطـول بس بنيلس نص سـاعه .
عـزوز : خلاص ماعليه ,,

 

[جرح]

رد: i آه من قلب (ن) غدا حبه جنوني i

وحليلهم ,,
نتريا البارت الياي ..
وتسلمين