&& ( يــــــوم فــي حـــيــــاة >> عـضــــــو ) $$ ‏

[محرز بن حريز]

رقدت الساعة 6

ونشيت الظهر صليت ورقدت
ونشيت العصر صليت ورقدت
ونشيت المغرب زخيت البطن ومارقدت

وعقب تميت احاوط في السيارة لين العشا صليت العشا ونص تراويح طاحت ريولي الامام كان وايد بطئ
وعقب خطفت ع واحد من الربع وركب معي السيارة وتمينا نحاوط نحاوط لين مادار راسي
وييت البيت ع الساعة 2 وفتحت النت وها أنا ذا


محرز

 

[محرز بن حريز]

يلا اختاروا انتو انا ماعرف حد من البرزة


محرز

 

[شمة العود]

بومكتوم ومحرز

مستوويين كم اهل الكهف


ونتريا مالي شبيه cat

 

[x-noun]

اللي فوووق خوش صيام والله

كل ارقاد ماخسستو ارقاد شو

جنكم ما صمتو اصلا يالطمم

سيروو افطروو اوكي :^^:

الحين انو ببدي خخخ

اممم اول شي اتم سهرانه لين اذان الفجر واصلي واحيانا اقرا قراءن وارقد

انش امم 2 اصلي الظهر واقرا قراءن شوي وعقب افتح النت ايلس فيه شوي لين

اذان العصر واصلي وعقب ادش المطبخ اشوف الوالده شو مسويه واساعدها

ترا عندنا شغالتين يعني هي بروحها ماتقول لي تعالي مريحه راسي خخخ

وعقب ادش داخل افتح التلفزيون اشوف اعادة مسلسل الغافة لين مايخلص بتكون الساعه 6

عقب ايلس ارمس ربيعاتي بالفون عسبة الطلعه وشو صار وماصار يعني سواااالف انتو مايخصكم تعرفون خخ

امم وعقب ايلس ويا ابويه نسولف عن امور المال والاسواق خخخخخخخخخخخ وعاد ابوي برمضان لاترمسوونه

عقب الفطور هي عادي اما بوقت الصيام ابعدو عنه اميال فديته الوالد الا انا عادي يتحملني مسكين خخخخخ

ويأذن المغرب ونفطر والحمدلله وكل واحد يسير يصلي واحيانا اتابع ها مسلسل عجيب غريب بس هم اهم شي الغافه يطلع الساعه 8 خخخ

وصراحة ما اصلي التراويح لان محد يطلع من هالبنات والمسيد بعيد عنا بس نطلع حق القهووه خخخخخخخخخخخخ عادي لا نصلي فالبيت

ونتقهوي انو وشلة المرئته اللي معي من بيت لبيت ونحاوط ومانرد الا الساعه 11 ونص ولا 12 تقريبا

وعقب كل وحده تسري بيتها واهني ايي دور المسلسلات والاعاده خخخخ ماخليت مسلسل الا وشفته شو نسوي بعد ملال لاه خخ

الساعه 1 يطلع شر النفوس ويخلص 2 وعقبه يطلع ها المسلسل مال مسيلمة الكذاب رايات الحق حلوو هودو

وعقبو يطلع مال القعقاع التميمي كم بنشوف لبنشوف خخخ

وعقب ادش غرفتي واقرالي قراءن لين ياذن الفجر وهكذاااااااااااااااااااا

وهذا روتيني اليومي لرمضان .. ان شاء الله استمتعتو فالحلقة

تابعونا في حلقة اخرى مع برنامج يوم في حياة عضو خخخ

واختار عين الصقر

 

[شمة العود]

خخخخخخ


مول ما مخليه مسلسل يشره ليها
cat

 

[x-noun]

شو يشره ليها بعد

بليز سبيك أربك خخخخ

 

[soooooooooomh]

زين عبرتو هـآآ الموضووع

نتريـآ عين الصقر

 

[عين الصقر]

انا شو تبوني

اسميها بلوه

بكتب يوم اكون اجازه شسوي


اكتب يوم رمضان يعني ولا الايام العاديه

شو السالفه

ملل انتو

المهم بكتب اليوم شو سويت

رقدت الساعه 3 وشي بالليل و عقب نشيت و شربت مااي طبعا انا اتسحر ماي و عقب صليت و عقب رديت رقدت لين 12 الظهر تقريبااا و عقب نشيت و صليت الظهر و يلست مع النت لين الساعه 2 و نص و عقب سرت الزرب اطعم الغنم و عقب سرت اسبح و عقب طلعت و يلست بالصاله و نطااالع برنامج الي يطبخووو و انا اشوف و التفال مسوي وااادي و عقب سرت شغلت سيارتي و سرت اتوضئ و طلعت اصلي و سرت اشتري فلافل و سمبوسه و باكوره و عقب سرت سيده المغسله و غسلت سيااارتي و عقب سرت ألف مني و مناااك و رديت البيت و فتحت النت و شفت بالتقييم مالي شبيه كاتبه لي عين الصقر شيخي انا اخترتك بالموضوع واباك تشارك يالذيب و احين يالس ااشارك المهم عقب انتظر لين ما يأذن المغرب و اسير اكل و آكل و آكل و عقب اسير اصلي و عقب ارجع للبيت و آكل و آكل و أطحن و أطحن و عقب يأذن العشاء و اسير اصلي و عقب اسير احوط بالسياااره و عقب اسير ملعب كرة الطائره و أطمش و أسقئ و أوقاات ألعب من النادر يعني و اذا لعبت بخرب لهم و عقب اسير العزبه و اسولف مع الشباب و عقب أرد اركب السياره و احووط و احوووط و عقب ارد البيت و اجلس مع النت لين نص الليل و عقب ارقد و بس و انتهى

و شكراااااااااااااااا

 

[بطليموس]

أستغفر الله
أستغفر الله

يا منووم يا مسلسلاات


أستغفر الله أستغفر الله

 

[عين الصقر]

[mark=#ffff00]و اختااار فتى العرب [/mark]